رواية ولد الباشا للكاتبة فاطمة الأحمد الفصل السادس والخمسون
أريم
ما لحگت اكمل كلامي دفع الباب برجله چآن واگف وراه! انسد الباب قفلها، وآني الفستان بإيدي بلعت ريگ من صعوبة الموقف اندارلي بكامل جسمه نزع الجاكيت ورتب شعره اما الكمامة ف ما شالها من وجه. يتقدم وآني أتراجع
اردف الكلام اللي خلاني ارتب أوراق قديمه براسي!
مُلتقى المُتخاصمين مُنذُ سِنين.
شفايفي بدت ترجف لمن المشهد تكرر أمام عيوني
مُلتقى المُتخاصمين مُنذُ سِنين.
ابتعدت چم خطوة وَ هو يتقدم انلزگت بالحايط وين اضم روحي منه! بلعت ريگي اما هو متلذذ بشوفتي وآني خايفه
ألفين و...
خلى وجه بوجهي واني مغمضه عيوني بس اشهگ اكمل كلامه وصوته يم اذني يحچي بهمس
ألفين و خمسطاعش. شارع المَعقل بناية رقم -
فتحت عيوني وهو ابعد رأسه، بيني وبين وجهه شبر واحد، حاولت اجمع الكلمات واحچي
أريم: أ جيت نحچي أنت طلبت نحچي لمصلحتنا لا تفتح ملفات قديمه.
فرصه ما تتكرر خل نفتح الدفاتر القديمه خل نفتحها
خل نفتح الدفااااتر القديمه
من حچآ اخر كلمتين بصوت عالي ضرب ايده بكل قوته بالحايط بصف راسي، زين ليش محد يجي ليش محد يسمعنا! نظرتله لمن حچآ ويصك على سنونه من الغضب من الحقد والكره عيونه تجدح نار مثل أسمه!
لچ ااانتي السبب اخويه فقد عقله بسبببچ 8سنوااات بالمصحة العقلية وبعدددده.
غمضت عيوني اطلق العنان لدموعي كلما اتذكر اخوه!
حچيت واني بألف يا على واگفه گدامه وگدام ضخامة جسمه وگدام شخص صار سنين يريد يشرب من دمي هلگد كارهني!
أريم: حميت نفسي منه حميييت نفسي من وحشييييته لأخوووك
حميتي نفسچ انتي حميتي نفسچ منه...
حچاها ويهز راسه ب تَوعد وفجأةً سحب السكارف وشمرها عالگاع. لزمني من نحري رفعني عن الگاع هلگد قوي. اختنگت وهو يحچي كل دمارات وجهه، جبينه، عُنقه، وإيده! كلهن برزن.
حبچ اااخويه حيل حبچ بس انتي شسوييتي؟
حاولت انطق اسمه بلكت يهدني لكن ما يخليني خانگني خنگ بإيد وحده، خله وجهه بوجهي عيونه تخوف وحاده
خليتي الشارع ينترس بدم اخويه.
ابچي واهز راسي بالرفض، كلشي صار چآن حادث چآن حادث ومحد عرف بالموضوع بقى مكتوم بين أفراد العشيرة
گلتوا حادث!
أريم: حادث چاان حا دث
عافني ووگعت يم رجله النفس اصتعبه صرت اگح وافرك رقبتي. كنبص گدامي لزم حنجي رفع وجهي دموعي تنزل وهو ينظرلي، اردف
ما اعفي عنچ ليوم الدين.
أريم: صدگني اخوك راد يعتدي عليّه راااد يعتدي وآني شردت منه طلعت من البنايه ولحگني من عبر الشارع سيارة هدآم ضربته. هو اللي دمر نفسه بنفسه
دفعني وگام أما آني عيوني على ظهره لمن غير طريقة كلامه وما تطرق لموضوع هدآم. گال بصوت هادئ عكس النار الچان مشتعل بوجهي قبل لحظات
حظري روحچ المسا نعقد والزلمة يوگف هذا العقد.
مسحت وجهي انصدمت احنه مو هيچ متفقين! گمت على حيلي تشجعت لزمت زنده بعصبية واندارلي يخوزر، حچيت بنبرة عالية بوجه
أريم: ااااحنه ما اتفقنا هيييچي ااانت گلت مستحيل اتزوووجچ وگلت نلتقي و نحلها!
ملامحه تغيرته
ااااششش صوتچ صوووتچ لا اگطع احبالچ الصوتيه بنتل ال.
أريم: ااانت گلت ما اتزوووجچ!
نصي صوتچ. لچ
لزمني من نحري ولزگني بالباب رجع نفس النار الاعرفه نفس الطبع نفس النظرات لكن اردف بهدوء حذر.
أنتي گلتي حادث، ها هيّه حادث. ونفتح صفحة جديدة توّج وّج يَ بنت الگرايب.
ابتسم بطرف شفة من گال ي بنت الگرايب عافني بصدمتي
وابتعد يعدل جاكيته. شسوي هسه، احنه گلنا هو يخرب العقد ويرفض بس ليش قلب الطاولة عليّه. معقولة!
أريم: عاينلي. تريد تنتقم مني بهل طريقه؟ تريييد تعقد عليّه وتنتقم؟
انعل البنيه الصوتها يلعلع بوجهي.
أريم: اااعلي صوووتي شتسووووي. ماااار.
ما خلاني انطق اسمه لصمني بإيده خوزرني شوية ودفعني بعيد، مسح كف إيده
لو اشرب من دمچ ما ارتوي ولا نار گلبي تطفى!
ابتسم بإستهزاء اسلوبه وكلامه غير متوقع ويتغيير بسرعه
خوش بخت عندچ، آنا رجال ما اكسر بنيه گدام أمه محمد وعلي!
بقيت واگفه بزاوية الغرفة اما هو تقدم بإتجاهي صدمني ما چنت اعرف انه!
شلونه المول مالتنا حلوة وكلشي تردينه موجود؟
سحبني من زندي ابعدني عن الحايط اردف.
هذا الفرع الثاني بالنجف الفرع الرئيسي تلگينه بالبصرة جهاز عرسچ ينشرى مناك
دار وجه ودفع الحايط انصدمت بوجود باب سري بهل غرفة قبل لا يدخل اندار وحچا
كل قطرة دم بمكانه دمعة.
دخل وسد الباب وراه. بقيت لحظات استوعب كلامه
كل قطرة دم بمكانه دمعة. اجيت اللحگه ما ينفتح الباب ولا يبين انوب ماجد دگ باب الغرفه گال انتي بخير؟
أريم: اي بخير هسه اطلع
اذا تسمعيني جاوبي!
شني ليش هو ما يسمعني! تقربت من الباب وحچيت.
أريم: ماجد، ماجد
ما رد بالعكس دگ الباب وگال اكسرها! واسمع صوت الموضفين يگلوله اطلع وهو يگول اني اجيت وياها بس ما
نفع الكلام مبين يطردوه. سمعت صوت سيرا وماما يقين
سيرا: شكو شصار ماجد شسويت شكو. أريم وينها؟
يَقين: ماجد أريم وين!
ماجد: على اساس بالغرفه هاي!
سيرا: منو گال. أريم انتي جوا؟
چانت تدگ الباب وماجد گال سألت البنيه اللي هنا گالتلي
مسحت دموعي اريد اطلع واني بملامح طبيعيه.
شلت السكارف من الگاع لفيته على رقبتي شلت غراضي
وفريت المفتاح فرتين انفتح الباب الكل نظرلي ومخبوصين
أريم: شكو شبيكم اني بخير.
ماجد: اناديچ وما تجاوبين!
أريم: متقصده.
يَقين: تعاي بنتي
اجت سيرا وهي تحچي بالنظرات تريد تعرف الصار
بس ما گدرنه نحچي، دفعنا الحساب وطلعنا انتظرنا ماجد يجيب السياره لحدما وصل اني حچيت الصار ألهن
صعدنا السيارة وكلام ماما يقين ببالي.
لو اعرف الثمَن طلاگي ما اخلي العقد يتم.
رُقيه
بعد اسبوعين او اكثر طلعت من المستشفى للبيت
الكل داير باله عليّه حبوبة من البارحه اجت تبات يمي
أما ابو گاع صار يروح للشركة بفترة الصباح چم ساعة ويرجع بسرعه علمود يعتني بيّه.
باوعت بالغرفة اني بوحدي. حبوبة راحت تصلي بغرفتها
وَدق رجعت تداوم بالجامعه. گمت من الفراش على مهلي
الصداع موتني وبألف يا على احچي.
هو الدكتور گال اعراض طبيعيه بعد العمليه. حيل ما عندي تركيزي قل بشكل كبير، مثلاً اذا المسا يحچولي شي الصبح اگعد ناسيه اغلب الحديث، ما ادري لشوكت تستمر هل اعراض.
وگفت گدام المرايا اباوع بروحي مكان العمليه بالجانب الخلفي من الجمجمه، صار يومين اعيش حالة اكتئاب وقهر من اشوف شكلي، فركت ايديّه ببعضهن، ما اگدر اوگف مدة طويله اتعب وراسي يصدع. اريد اللزم الكرسي واگعد گدام المرايا أيدي ترجف. لحدما لزمت الكرسي وسحبته روحي طلعت من القهر. گعدت وابچي
أبچي واشهگ، اباوع بروحي والكبوس على راسي.
انقهرت بالزايد صح يگلي أحبچ صح دائما يگول شلون ما چآن وضعچ ما اتخلى عن حبچ. بس آني!
آني بنفسي ما متقبله شكلي هو شلون؟
ايدي ترجف رجف وابچي نزعت الكبوس من راسي شعري طوله سانتم واحد أو اقصر، اباوع بشكلي وابچي
بعمري ما فكرت اگص شعري بعمري ما تخيلت اخسر شعري الچنت ادير بالي عليها مثل عيوني.
بهل اثناء انفتح الباب بهدوء دخل للغرفة عيونه على الچربايه ما شافني غاد. دار وجهه بالغرفة شافني گاعد گدام المرايا أبچي وعيوني عليه. عاف الملفات واجاني
كنبص گدامي حظني بدون مقدمات
وگاع: گلبي ليش تبچين، بيچ شي؟، شلون حاسة روحچ؟
نروح للمستشفى رقرق نروح؟ حاچيني شبيچ؟
ابعدني عنه يمسح دموعي اللي ما تتوقف، حچيت
رُقيه: شنو شبيّييه شوف شوف شكلي.
وگاع: تسودنين گلبي.
رُقيه: كاافي تچذب عليّه وعلى روحك كاااافي تچذب.
نظرلي وعيونه تلمع بالدموع لزم إيديّه قربهن من شفته باسهن ومنزل عيونه ما يريدني اشوف نظراته اردف
وگاع: لو اگعد منا للمسا احچيلچ شگد آنا شاكر الله عبن ما حرمني منچ. شگد ممنون عبن الله ما اخذچ مني
مراح تصدگين
رُقيه: تحچي هيچ حته ما انقهر شوف شكلي.
وگاع: أحبچ لو شما چآن شكلچ.
باس جبيني ولمني بحظنه گدر يهديني بس دائما شعور بگلبي يگول يسايرچ. گام ولزم إيدي حتى اگوم.
من وگفت على رجليّه شالني لحظنه اخذني للچربايه مددني
وجاب اللحاف غطاني
وگاع: اسبح واجيج. اريد ارتاح بحظنچ حيل تعبان.
ما حچيت مسحت عيوني وهزيت راسي اي
دخل للحمام واني عيني عالباب انتظره يطلع حيل تأخر ربع ساعة واني انتظره ما طلع.
غمضت عيوني يمكن غفيت او ما غفيت بس حسيته رفع اللحاف وتقرب تمدد بصفي خلا ذراعه تحاوط خصري وراسه يم رقبتي، فتحت عيوني اريد احظنه بس انصدمت لمن شفته حالق شعره! اريد اتحرك ما خلاني، حچيت والدموع تريدلها سبب حتى تنزل
رُقيه: ليييش حلقت شعررك!
عبن أحبچ شلون اشوفچ مقهوره على شي يرجع مع مرور الوقت؟
رُقيه: چنت تحبه.
أحبچ أكثر منه.
اخذ نفس عميق من رقبتي وباسني منها.
وإذا شفتچ تبچين على شعرچ اگوم احلق درجة 0 مو بس 1.
حظنت راسه لصدري عجزت احچي اعبر. بست راسه وهو گال
لا تعيديها
رُقيه: انطي سبب
هيچي لا تبوسين راسي.
بست راسه مره ثانيه عناد بي ورفع راسه نظرلي
ما گتلچ لا تبوسين راسي ليش تعاندين بويه؟
رُقيه: ليش ما تنطي سبب؟
خلا إيده بإيدي يشبك اصابيعنا سوا قرب ايدي باسها
آنا أبوس راسچ أنتي لا تبوسين.
رُقيه: انت تريدني أبچي مره ثانيه.
أبچي خل احلق صفر.
حظنته بكل ما قوتي البدر مني وهو بقى يهمس بأذني كلماته الحلوة والي تبحث الإطمئنان.
هلال
اخذت الجاكيت ارد ألبسه وعين على مكالمة فيديو ويا سكرتيرتي
هلال: نبأ شصار وياچ؟
ما گدرت اخذ التقرير من المحاسب الاستاذ أصلان ما سمحلي
هِلال: أبن لالنجي صار أستاذ؟
مَفهمت مدام
هِلال: انسي، شلون ما قبل احنه مو گلنا بالإجتماع الجاي لازم يكون الملف جاهز!
هو گال مس بتراء تاخذ الملف محد غيرها!
هِلال: مس بتراء هوايا طوخته. انتي دا تراقبيها مثل ما وصيتچ؟
اي اراقبها مدام هي اغلب وقتها بمكتبها ومن يسافر المسيو على سَند هي تروح للميناء ويا الاستاذ أصلان
هِلال: تمام، روحي شوفي شغلچ بعد ساعه اكون بالشركه جهزي اللإجتماع.
حاظر مدام.
قفلت الموبايل ومحتاره شسوي!
هِلال: هدآم كلامه ديطلع صح! يعني بالأول اخذت الاسهم 80 بالمية بدال ما تحوله على أسم ابويه او عمو اشتر حولته على اسمها! وهسه تريد تستحوذ على شركة الشحن بالميناء.
الف تفكير براسي هاي مستحيل تكون ضد جسار احنه شلون وثقنا بيها! شلوون شلون.
هِلال: بس هيه حامل بأبن على سَند! معقوله تغدره وهي شايلة ابنه! زين ليش ما مبين عليها الحمل! هي بشهرها الثالث! ليش تلبس ضيگ وما مبين! والله عقلي راح يوووگفف
بهل اثناء اندگ الباب رحت فتحت چآن أبيل نظرلي وكأن حس عليّه متوتره. دخل للغرفه اردف
أبيل: بيچ شي؟
هِلال: راح اتسودن
أبيل: چآ طبيعي غير متزوجة هدآم.
هِلال: أبيييل لا تصير اور.
أبيل: زوجچ اور يري اور عوفچ منه وانزلي نتغدى
وبعدها نطلع للشركه.
دار ظهره يريد يطلع احچي ما احچي والله محتاره
راح للباب واني حچيت بسرعه
هِلال: احس بتراء تغدر بينا.
جوابه صدمني
أبيل: لا تحسين اتأكدي.
هِلال: أبيل! يعني حته أنت نفس رأيي؟
دار عيونه يُمنى يُسرا حچا بوجه ضاحك
أبيل: يا ستي انتي تسودنتي رسمي بتراء قبل لا تتعشى بينا اكون متريگ ومتغدي بيها انعل ابو ابوها اذا رادت تلعب شندگليلي.
هِلال: عزاا بعييينك ههه شندكليلي تگووول
أبيل: چا شگول والله انتوا ناس جُبناء.
هِلال: اي مو ضحكت بوجهك ذبيت ميانه لا تنسى اني اكبر منك.
اجا وگف گدامي شگد احب ملامحه وهو متنرفز ابتسم بتسليك.
أبيل: لا تحچين من راسچ المزنجر من امي تجاوبنا وگتها نعرف.
هِلال: ابيلو آني احبك لا تضوج الله اكبر واني أكبر منك.
أبيل: دروحي ولي.
لا من صدگ يهمه موضوع ياهو الأكبر ينغث اذا چنت أكبر منه ولو بثانيه وحده. راح للباب اندار وحچا
أبيل: امي راح تگعد ويانه عالغدى انزلي بسرعه
گال هيچ وطلع من الغرفه خاف صدگ ضاج لحگته للباب چآن يروح بإتجاه الدرج. من يم باب الغرفه گتله
هِلال: احبك نصفي الآخر لا تضوج
خو ما يجاوب بسرعه يفعل الصمت العقابي يخلي الواحد يحتار بروحه حتى لو چآن غير مقهور او ضايج!
دخلت شلت الملفات مال الشغل وموبايلي طلعت من غرفتي بإتجاه غرفة وگاع ورقيه شفتهم توهم طالعين
وگاع شايلها لحظنه وهي تگول نزلني عيب هسه يشوفونا
هِلال: و چاااان نشوووفكم الف الصلاة والسلام على رسول الله محمد شكوو بيهااا مررت اخووونا وجهچ منوررر. ول ابو وگعه حالق شعرك بس صدك لايگ عليك هسه بين الزلم الخشنه.
وگاع: إذا خلصتي انطينا مجال.
عبر من يمي ورقيه ميته خجل وتضحك على كلامي.
هِلال: ياايااا شفتي شگد طنگور مو مال مدح
اندارلي ورقيه بحظنه رفعها أكثر واردف
وگاع: شني هسه بين الزلم الخشنه شني.
رُقيه: شبيك هلاله تقصد صرت مثل ستايل الضباط هيج خشن احم.
هِلال: يمعود نتشاقه وياك شبيك ريلاكس برو. اگُلك وين ملف المحاسبة المالية؟
وگاع: موجود بالخزنه بزاوية المكتب ليش أكو خلل بالحسابات؟
ما گدرت احچي من رُقيه خوما اكول نشك ببتراء گدامها
هِلال: ادقق ببعض الأرقام.
وگاع: تمام تعاي اخذي المفتاح. رُقرق انطيها
گالت وينه وهو يگللها بهذا الجيب مال الجاكيت اعاين بيهم شگد حلوين. رغم وگاع صارله فترة طويلة ما مغير ستايل شعره چآن حيل مقتنع ويحبه. لكن اليوم حلق شعره
ومن شفته افتهمت السبب وگدرت اتصرف على هذا الأساس.
رحت يمهم رُقيه خلت المفتاح بإيدي نظرتلهم حركت حواجبي وحچيت
هِلال: عفيه بالزلم الخشنه الزلم.
وگاع: دخيل گبرك يا وگاع.
آني ورقيه شبعنا ضحك على شكله راح وهو شايلها وكل شويه يگول ماكو شي يضحك.
دخلت على غرفتهم واني بإيدي المفتاح حيل متوتره حيال موضوع بتراء زين اذا حاچينا على سَند معقولة يدافع عنها عبن حامل بأبنه؟
او يمكن ما حامل بأبنه الله واعلم اني الوسواس دخل گلبي ناحيتها، شيخلصها بعد! استغفرت الله ورحت لجهة مكتبه
دخلت ادور بعيوني لگيته أسفل رف الكُتب. رحت بإتجاهه كنبصت هذا ينفتح بكلمة المرور بعدها المفتاح.
هِلال: ليش ما گال عليه كلمة المرور.
دزيتله رسالة گتله كلمة المرور. لحظات وانطاني ياها برسالة وگال اكتبيها. كتبت كلمة المرور بالخزنه دزيت ايموجي لايك وهو حذف الرسالة البيها كلمة المرور.
فريت المفتاح ثلاث فرات حتى انفتح
هِلال: نشوف ياهي ملف المحاسبة المالية مالت الاشهر الماضية.
بقيت ادور بين الملفات واقراهن اجت عيني على عقد الزواج مالتهم ابتسمت وتذكرت يوم المستشفى. عفته على جنب، وطلعت باقي الملفات المهمه ادور بينهن
وأخيرا لگيت الملف المالي القديم فتحته اقرأ المعلومات البيها شگد يفرق بينه وبين تقرير الشهر الماضي.
هِلال: چا إيرادات الشهر الماضي وين راح!
اخذت الملف ورجعت الباقي لكن لفت انتباهي ملف!
عفت البيدي وسحبته، فتحته على أول صفحة هذا عقد الزواج عبالي نفسه اللي شفته لكن من نزلت عيني التاريخ چان انصدم! هذا العقد بتاريخ شهر 9 سنة 2022
والعقد الثاني بتاريخ شهر 12 سنة 2022.
هِلال: فرق ثلاث اشهر! ابو وگعة انت شسويت!
ردت ابقيها وياي شلون ما چآن.
انداريت شفته بالباب ملامحه تبين صاعد ركض حتى يوگفني بس ما لحگ! گمت والملف بإيدي، اما هو دخل اجا راد يسحب الملف. ما انطيته رجعته ورا ظهري.
وگاع: هلال انطيني الملف.
هِلال: انت شلون تسوي هيچي شغلة ضد القانون!
وگاع: ما ضد القانون الأوراق قانونية.
هِلال: والتوقيييع؟
وگاع: صوتچ هلال صوتچ. انطيني الملف ارجعه لمكانه ونحچي
هِلال: انت يا اما غبي يا اما تتغابى شترجعه لمكانه!
هي هسه على ذمتك شرعاً وقانوناً لويش مبقي العقد الأول!
ضغط على جبينه بإنزاعاج ونظرلي.
وگاع: چنت رايد اتخلص منه بس ما لحگت. عبن التهينا بموضوع أبيل وبعدها عملية رُقية. جيبي اني اتخلص منه.
هِلال: لا عوفه عليّه والله مصدومه منك انت شلون عاقد عليها وهي ما تدري!
وگاع: چاا شسوي! يعني شسوي البنيه الأحبها وروحي بيها. چنت اعرفها على اساس هي بنت جسار لا گادر اثق بيها ولا گادر اتخلى عنها گمت عقد عليها قانونياً حتى لو رادت تروح ما تگدر هي تصير زوجتي قانونياً.
هِلال: Cok güzel. ااابن الداهي والداهيه.
وگاع: ديلا انطيني الملف.
هِلال: ليش سويت روحك مصدوم من عرفت هي من بيت جابر المياحي وهي بنت اخو جسار؟
وگاع: چا شسوي.
هِلال: شني چااا شسوي چا شسوي
بقيت انظرله وهو يحك طرف اذنه ثنينا ابتسمنا لبعض وهو اردف
وگاع: هلاله انطيني الملف لا ينخرب بيتي.
هِلال: السالفة يمي اني احرگلك يااها
بيتك بحفظ الرحمن لا تخاف. ما ينخرب
شتحرگين هلال!
اندارينا ثنينا واحد ينظر للثاني دخيل اسمك يا على بس لا تكون سمعتنا. راحلها لزم إيدها
وگاع: ليش صعدتي بوحدچ!
رُقيه: صعدت بالمصعد ما تعبت.
سحبت إيدها من إيده بطريقه مثيرة للشكوك
رُقيه: هلال ما گلتي شتحرگين؟
عيونها تدور بينا لزمت ايدها وحچيت
هِلال: قضية قديمة. نحرگ الملف حتى ما يبقى أثر.
رُقيه: الرماد هم أثر ديرو بالكم ينشاف احرگوهه بالحمام وطشو عليها ماي تروح وما ترجع.
وگاع: رُقيه.
رُقيه: ها حبيبي.
برودها، ملامح وجهها وترني، وگاع حاوطها وهي ساكته
نظرتلي وگالت
رُقيه: أبيل ينتظرچ.
هِلال: يووو تذكرت هم زين حچيتي
رُقيه: الملف ما تحرگينه؟
هِلال: بلى بلى بطريقي انزل على جهة احرگه وننتهي منه.
عفتهم وأخذت ملفات الشغل والعقد بينهم. طلعت من الغرفه
هِلال: اگص ايدي إذا ما سمعتنا وعرفت كلشي.
نزلت تحت أبيل چآن بالباب طلعت وياه نمشي لكراج البيت
أبيل: آنا ما گتلچ تنزلين تتغدين؟ امي ضلت تسأل عنچ.
وين دماغچ بشني تفكرين.
صعد السيارة واني اصعد بالي يم الموضوع، نظرتله وحچيت
هِلال: أبيل مصيبة اذا رُقيه سامعتنا.
أبيل: خير ان شاء الله شهل المصيبه الجديده؟
هِلال: أابيييل من صددگ احچي
طلعنا من البيت وبالطريق حچيتله كلشي
أبيل: يَ بن الداهية هذا مال يمثل بهوليود.
هِلال: اطبگ على صفحة. اطبگ
من طبگ وگفت الشارع زراعي، نزلت من السياره ورحت لجهته نزل الجامه
أبيل: اعوفچ وأمشي؟
هِلال: عندك لتر بانزين؟
أبيل: اي موجود معقولة تحرگين روحچ من ضيم هدآم؟
هِلال: هاااي شبييك تريدلك حُجة حتى تحچي عليه.
أبيل: ما احبه وداعة امي.
هِلال: افتهمنااا. هسه جيب لتر بانزين انطيني جداحتك
نزل وجاب لتر مال ببسي متروس بانزين مد إيده طلب الفايل
أبيل: جيبي آنا احرگه.
هِلال: دير بالك. وهذا البانزين چثير لا ترشه كله
أبيل: اعرف غلاتها عندي ماكو داعي تحچين.
هِلال: شگد صاير نفسيه.
رش شوية بانزين عليها وبنص الطريق حرگها انتظرنا احترگ تمام ونرثنا رمادها ما بقينالها أثر
هِلال: تدري رُقيه شگالت گالت احرگوها بالحمام وطشو عليها ماي خل لا يبقالها أثر.
أبيل: ثول سامعتكم واخذتكم على گد عقلكم.
هِلال: هيچي رأييك؟
أبيل: حقيقي.
صعدنا متجهين للشركة طول الطريق احجي واحلل اذا سمعتنا ليش ما انطت رد فعل ليش تصرفت بعدم إكتراث!
هِلال: خاف تضم بگلبها وتهج بعدين؟
أبيل: وعلى الضرغام مَجاي اركز بالطريق دِكااافي لخاطر جدهم السابع كافي ابو وگعه يحلها ابن الأشتر ما تنلاص وياه يخبطها ويشرب صافيها.
هِلال: هم صحيح والله.
أبيل: چا اسُكتي خل اركز
هِلال: لو تبوس ايدي ما اصعد وياك مره ثانيه.
نظرلي ودار وجه گال ما اقصد.
هِلال: دسكت بلة
سويت روحي ضايجه وهو طول الطريق يريد يراضيني
مستحيل يتحمل شخص ينقهر منه. من وصلنا نزلنا مع بعض. أصلان وبتراء توهم وصلوا كأنهم چانو طالعين!
عبن ساعة 2: 30.
وصلت يمها اعاين بجسمها رشيق راح اتسودن ما معقوله!
بعدين محد حوالينا حچيت وياها طبيعي
هِلال: شلونچ بتوره؟ شلون صحتچ؟
أصلان وأبيل واحد يخوزر بالثاني. بتراء نزلت النظارة من عيونها وحچت
بتراء: آيم گود الحمد لله وانتي؟
هلال: آيم يري گود.
بتراء: سي يو بيبي.
هِلال: على سَند رجع؟
جاوبتني وهي اصلا ما اندارت
بتراء: الله اعلم وين دايح بحجة السفر
ههه الثولة مصدگة عنده رحلة عمل.
هِلال: بتراء ااحچي عددل. أبيل اترك أيدي اللحگاها واحچي وياها هاي شبيهااا وانت ليش ما تحچي وياها!
أبيل: على مايها مخليها. امشي هسه
دخلنا للشركه وشبه تأكدت من نية بتراء!
كلمن دخل مكتبه لحدما صار وقت الإجتماع وعمو اشتر اجا كذلك. رحنا على غرفة الإجتماعات الكل حاظر وابويه مسلم كل الصلاحيات بإيد عمو الأشتر لذلك هو الحاظر. گلنا نبلش بالإجتماع بتراء گامت
بتراء: ماكو اجتماع بدون دادي، انتظرو ثواني.
كلنا درنا وجهنا للباب دخل جسار بكامل اناقته
آني شايفته بالصور واليوم اشوفه بالحقيقه. هيچي لحيته بيضه وعيون حاده لونهن مثل عيون بتراء بلعت غصة هذا الإنسان الچان حارمني من امي صار سنين!
ما گدرت اشوفه واگف بنص شركتنا، گمت ورحتله دفعته بقوه خليته يتراجع چم خطوة وآني احچي بصراخ روحي مفرفحة من شوفته
هِلال: يااااااااا مُجرررررم ااالله يااااخذك شجااااابك شلوووووون تجي هنااا شلووون.
جسار: هلالة بدر التم.
هِلال: رووووح اااااالله لا يسامحك ان شاء الله حوبتي ما تتعداااااك أابيييل عوفني وطلع هل حيوان من الشررركة طلعه. عموووو احچي وياه خل يطلععععع
أبيل چآن لازمني وما يخليني اضربه أصلان اجته اتصال عافنا وطلع. عمو اشتر گام وگف بينا حچآ وياه
الأشتر: خل نخلص من هل اجتماع وانگلع برا.
بتراء: تؤتتؤتؤؤ لحظه آنكل لحظة منو ينگلع برا؟
گامت من مكانها واجت نظرتلي بخزرة وگفت بصف ابوها خلت ايدها على كتفه. والكل انصعق من كلامها
بتراء: هذوله الرادو يقلبوني ضدك رادو امشي وياهم بالخطة حتى يوگعوك. صحيح ضعفت بسبب الجنين بس هسه الجنين ماكو راح. فنگدر نتفرد بيهم نطشرهم.
اندارينا لصوت ملفات وگعت من إيده على سَند بالباب
وبتراء عيونها بين ابوها وزوجها عبالي تسكت صدمتني كملت!
بتراء: بس بعد اليوم محد يهددني آني بصف ابويا ضدكم. ضدكم كُلكم يا بيت الباشا إذا. اااذا ما خليتكم تصفون على الحديده ماكون بتراء الجسار.
ابوها حاوطها بفخر امام نظرات على سَند المصدوم اللي فقط يشاهد
جسار: عبالكم انتوا وهاشم تگدرولي.؟
الأشتر: تفلتي بالماعون الوكلناچ منه! ياحيف والله
بتراء: دروح عمو روح.
هِلال: اااحچييي عدل شووويه استحي اااستحي.
بتراء: عفت المستحى ألچ. ما استحيتو من ردتوا استغلون الخلاف اللي بيني وبين ابويا؟ ما استحييتوا من ردتوا تستغلون ضعفي وكسرتي. عبالكم الدم يصير ماي؟
عبالكم ما اصحح علاقتي بأبويه؟ عبااالكممم ادمر الرجال الخلفنيي؟ ابويا هذاا ابويا يا ثوووولة
صار اللي چنت خايفه منه وفعلا الطبع متوارث بتراء ماخذه من طبع جسار
هِلال: ماا چذذب هداام من گال بنت جسار شيطلع منها غير الغدر والخيانه!
بتراء: اي مو هو ابن الشريف شيطلع ابو أكبر غدار خل ينچب ما يحچي.
تقدم على سَند من القهر قبضة ايده محمره هلگد يشد عليها. أشر للباب وحچا ويا أعضاء مجلس الإدارة والمستثمرين
علي سَند: اطلعوا برا ماكو اجتماع.
بتراء: انت ياهو وتلغي الإجتماع،؟
علي سَند: گلت ااااااطلعو برااااا ما تفهمووووووون
الكل گام من صوته اللي خلى اذني يصوفر من قوته
رگع الباب وراهم اجا بدون سابق إنذار جر بتراء.
من يم ابوها، وضربها راشدي فر وجهها فر اني من يمي شهگت وبنفس الوقت گلبي برد بيها حيل قهرتني بحچيها!
أعاين بإيده الترجف عيونه محمره من الغضب والقهر اردف.
علي سَند: گتلتي ابني! گتلتي اااابني بتراااء گتلتي اااابني جاااوبيييني؟!
رفعت وجهها عيونها مليانه دموع بلعت غصة وابتسمت من بين انكسارها عاينت بأبوها ورجعت تعاين بي گالت.
بتراء: وبكل دم بارد اجهضته. مو بتراء التستغلها بحجة ابني وابني ااااي گتلته اااااي.
رجع ضربها راشدي هل مره جرح طرف شفتها وأبيل لزمه اما جسار يبتسم على منظرهم يعني حتى لو بنته بصفه ما دافع عنها ما وگف وياها! عايفها تنضرب گداامه. على سَند تسوووودن فقد يريد يوصلها أبيل ما سمحله وسحبه.
علي سَند: طفلة ودااااااريتچ. كبرتي ومن ديره لديره لحگتتتتچ اااابوچ وين ما يضمچ عني. چنت ألگاااچ واراقب شباچ غرفتچ لياااالي لياااالي اگعد مگاااابل شارع بييييتكم
بتراء: ما گتلك حبني وللحگني مثل الچلب.
علي سَند: ااااانچبي لا تحچيييين لچ حبيييبتچ حب ما ينفهم حبيييتچ حُب ماااا ينفهم.
بتراء: وآني سويت روحي مسحوله بيك وذايبه بحبك.
دفر الكرسي فقدد يريد يوصلها وحقه يفقد أعصاب إذا هي تگول اجهضت الجنين! وتحچي كل هل حچي الجارح!
علي سَند: چنت اادري بتاااااارة وسهل تبترين ايدي
بس تقتليييييين اااابني؟ شلووون گدرررتي شلوووووون لچ ما خفتي من اااااالله ماااا خفتييييييي؟
مسحت دموعها، ضحكت وحچت
بتراء: ههاهههااهه بتاااااارة اي بتاااااارة شتسوي شتسوي هااا؟
أبيل لازمه ما يخليه يقترب منها وهي گدامه ما نزلت عيونها واقفه بكل صمود. أما على سَند تسودن فقد يريد بس أبيل يعوفه كل دمارات عُنقه برزن وهو يحچي
علي سَند: قسم بالله باچر اجيب الشيخ واطلگچ. ويبقى بينا بس القضاء ادفعچ ثمن قتلچ لهل روح البريئه، ادفعچ الثَمن غالي بترااااء!
الغصة بصوته وعيونه تدمع. أما بتراء رجعت صلبة وقوية بكل حقارة حچت.
بتراء: اااااففففف وأخيرا الحُرية عااشت لسانك، تدري تدري چنت مختنگه حييل مختنگه واني على ذمتك وأخيرا
راح اخلص.
اخذت كلينس مسحت طرف شفتها. شالت موبايلها وراحت لأبوها
بتراء: لازم نحتفل بهذا الخبر تعال نطلع على شي كافيه نشرب گهوة؟
وافقها الرأي وثنينهم طلعوا بقينا احنه، اما على سَند مثل الصاعقة التضرب وما تبقي روح هيچ صار بي عيوني عليه أبچي واحچي ويا عمو اشتر
هِلال: شلون وثقت بيها. شلوون.
أبيل: هلال.
اشرلي بعيونه يعني كافي لا تحچين بيها. بهل اثناء دخل أصلان وزع نظراته بينا
أصلان: شصار منو مات. شصار رحت لمكتبي ربع ساعة رجعت تسونامي ضاربكم وين الكل؟
أبيل راحله بهدوء حاوط كتافه واصلان منزعج
مشاه لنص الغرفه ودفعه گدامه
أبيل: ارد افوخ گلبي بيك.
أصلان: دقيقه دقيقه شني يعني افوخ؟
أبيل: يعنيييي ااافوووخ
ضربه بوكس وعلى سَند استلم أصلان فوخ گلبه يضربه وعمو يشاهد.
أصلان: ماااا تفهموووون جحووووشه شصااار احنه فريييق واااحد شبيييييك ترييييد تموووت تتجننننز.
هِلال: كاافي لا تضربه على سَنددددد عمو ااشتر احچييي وياه
عمو اشتر گعد، على سَند يضربه واصلان يضرب بس مو مثل على سَند. ومنا أبيل يدفر بي من اكتفى سحب على سَند وگال
أبيل: گلبي ارتاح سنتين لي گدام خل يولي
اصلان گام ويمسح خشمه شگد صلف كل هذا الضرب وما متأثر!
أصلان: مووونستر الله ياخذك.
أبيل: مثقف يحچي انگلش معرب امشي اطلع برا اابن اللالنجي.
أصلان: يمين عظيم حسابكم عندي اصبرولي.
أبيل: اطلع لا انعل سُلالتكم أبن لالنجي.
اخذ جاكيته، ايدي على ذراعه بألم وطلع. على سَند سحب كرسي وگعد
علي سَند: شسوي هسه شسووي اخلي طلقة براسي وبراسها شسوي بيها بنت الكلب تگول اجضهت تگول اااجهضت!
أبيل: شني خلصت النسوان خل تولي
هِلال: شلون وثقتوا بيها وخليتوني اثق بيها وياكم!
الأشتر: أبيل انطيني جداحة.
انطاه الجداحة عمو ورث جگارته گاعد يدخن وعلى سَند بهل حالة!
هِلال: عمو خابر على هاشم سوي شي ليش هيچ ساكت
الأشتر: ماكو شي ينحچي بي كلشي صار وتم گدام عيونكم هاشم ما ضل شي بإيده.
وفتح لابتوبه وصله إيميل نظرللنا وگال
الأشتر: المحاسب يگول تم الاستحواذ على باقي الأسهم.
علي سَند: شتحچي عمي شتحچي.
گام اخذ الابتوب يتأكد من تأكد صدمني
علي سَند: اخلص عليها بنت الكلب ااااخلص عليها وعلى ابوها.
أبيل: اوگف اووگف انت تسودنت تعال اگعد!
هِلال: شيگععدد والله راح اتسووودن الشركة راحت منا؟
الأشتر: انتوا شبيكم؟
هِلال: عمو ااانت الشبيييك والله راح اتسودن.
الأشتر: بالي يم البنات انطيني موبايلي مناك.
ثلاثتنا سكتنا شنجاوبه جبت موبايله انطيته. وعاينت بعلي سَند مسح على وجه الينگط قهر وغضب. بهل اثناء دگ موبايله بجيبه گال أريم تتصل و رد عليها.
علي سَند: اي أريم. شكو، دقيقه خل افهم عليچ أنتي وين؟ بالبيت چا شبيچ ليش تبچين؟
أبيل يگله افتح سبيكر وهو يطنش
علي سَند: لا شحده ما يگدر مااا يگدر أريم ما يگدر هسه جاييكم.
قفل الخط وأبيل حچآ بعصبية
أبيل: ماا گتلك افتح سبيكر شكو شصاير؟
علي سَند: عمي أبويا رايد ينطي خواتي لولد ياسين
همه المسا جايين.
أبيل: ابوك رايد يسبح بدم ولد ياسين.
هِلال: عمو احچييي والله خلص گلبي من سكوووتك!
الأشتر: شوگت گتلي؟
علي سَند: المسا.
الأشتر: عالخير إن شاء الله.
اخذ نفس من الجگاره بكل راحة بال ديلعب بأعصابناا فعليا!
ال عزّهَ
اتفقنا نلتقي خارج الشركة واول مره خمستنا نجتمع على طاولة وحده. نظرتله يسوق السياره وعينه على الطريق
عزّهَ: محد چآن يتخيل يجي يوم ونگعد ويا ولد نصار وهاشم!
عزام: الأشخاص إلى نتعامل وياهم ما يهموني بقدر الهدف والغاية.
عزّهَ: زين انت برأيك راح تمشي؟ يعني ابوك كاتب الشركه وكل املاكه بأسمك وبأسم بتراء.
نظرلي وابتسم بطرف شفه
عزام: تمشي غصباً ما عليها.
وگف يم الكافتيريا نزلنا. وعاينت بالموبايل الساعة 3: 30. دخلنا الكافتيريا شفناهم گاعدين رحنا بإتجاه الطاوله وعزام عادته يسلم بالأول. مثلاً حته لو الگدامه رايد يقتله يگله السلام عليكم! وفعلا نزع النظارات عاين بيهم بنظراته وگال
عزام: السلام عليكم.
گام ناجي وگال
نَاجي: وعليكم السلام
وَسن: وعليكم السلام.
عزام سحبلي كرسي وسحب كرسيه گعدنا ثنينا.
طبعا نائل ما سلم علينآ. وسن نظرتله وهو مرجع راسه ورا يعاين بثلاث بنات گاعدات
وسن طلبت اسبريسو ألهم وطلبتلي عصير فريش تصرفها لفت انتباهي. غريبه هل انسانه بدون لا احچي فكرت بوضعي. وصل الطلب وبقينا ساكتين بس نظرات بينا
والله موقف صعب يعني عائلتين أعداء من 1990. أكثر من 30 سنه
اجينا احنه الأبناء ملتمين حول طاولة وحده نسوي روحنا
طايقين بعض علمود مصالح مشتركة، شربت شويه وعفت الگلاص.
اني وعزام نعاين بنائل اللي مو ويانه عيونه على البنات الگاعدات. اصلاً يمكن يسوي روحه ما منتبه او فعلا مو ويانه! عيونه عليهن وحچا
نَائل: الچذب يتدفق بعروقها أكثر من الدم.
وَسن: نائل. احم
نَائل: مخطوبة تقليدي وجاي تگللهن قصة حب امدا حظچ هرا.
نَاجي: معليكم بي
عزام: عالجه عالجه خطي.
وَسن: نَائل.
دار وجه شافني گدامه
نَائل: هلو عزوزه شتسوين هنا؟
عزام: عاينلي خل افهمك حچاية.
نَائل: متأكد؟
قرب جسمه من الطاولة مخلي عيونه بعيون عزام!
لكن وسن لزمت ذراعه رجعته لمكانه
نَائل: خربتي علينا چآن يحچي.
وَسن: لخاطر.
نَائل: التضوي. تمام صار. اي ليش مجتمعين.
عزام: ناجي. اخوك متدمر تلاحگه لا يفقد الباقي من عقله.
ناجي: المهم
نَائل: لحظة لحظة يفقد عقله؟ شبينا احنه ليش يفقد عقله احچيي. ساكت ما يحچي جاااوب.
ضرب ايده على الطاوله ليش انفعل هيچي! وسن گامت لزمت إيده وأخذته على جهه بقت تحچي وياه ويبدو أكو توتر بينهم. عافها وطلع. هي رجعت وتحاول تبين كلشي طبيعي، انه قوية وما تهتم
وَسن: خل يولي ساعه ويرجع طبيعي المهم خل نبدي.
قدمنا الملف. عزام اردف
عزام: بعدما استحوذنا على نسبة 90 بالمية من أسهم هاشم بقى ال10 بالمية.
وَسن: هذني ال 10 بالمية خليهن يبقن.
عزام: سبب؟
وَسن: شخص ثاني يستحقه.
عزام: جيد.
عزّهَ: الباقي عليّه جسار راح يوقع على الملكية ويسترجع الاسهم اللي نقلهن لأسم عزام.
نَاجي: الخطوة الأخيرة راح تكون مني لكن صعبة جدا في حال ولد عمامك ما شاركو.
وَسن: لو تموت ما يسووها شنو ما تعرفهم خاصة ولد الأشتر يشگوك شگتين من تطرح الفكره.
عزام: مبينه من هسه الشغلة خايسة مثلك.
نَاجي: الخطة ترجع ثقة جسار بيّه ونگدر نخدعه بسهولة.
عزام: عاينلي ناجي اذا گعدت وياك مره ومرتين لا تصدگ بروحك تصير زلمة وتؤتمن.
نَاجي: ما ادور تصديگات منك. هدفنا ندگ ابوك الگ بقضية فساد، نصب واحتيال. مو شي ثاني
عزام: حذرتك. احسب الله ما خالقك امحيك من التعداد السكاني، إذا تجي صوب رُقيه وباقي خواتي.
ناجي: شيطلع بإيدك سويه. دامك ما واثق ما اگعد افهمك الفكره.
وَسن: ناجي وين تريد تروح!
ناجي: دَرك الجحيم تجين؟
وَسن: سلملي على جابر راس البلا.
ناجي: ما يوصل ان شاء الله.
شال باكيت الجكاير والسويچ بعد ما توقف لحظه. عزام راقب روحته بطرف عين بعدها نظرلي ونظر ل وَسن
عزام: وقعتي؟
وَسن: لا هسه.
طلعت قلمها من الجنطة ووقعت بدون تردد، غريبة هل بنيه تسوي المستحيل حتى تاخذ حقها.
وَسن: صارت جاهزه 100 100
عزام: ما فرحان بهل انجاز الخايس خل نخلص شضل؟
وَسن: ما ضل الإ خطوة واحدة عزّهَ هي لازم تخلي جسار يوقع ويسترجع الشركة على اسمه.
عزّهَ: الموضوع يمي.
عزام: كيدهن عظيم.
وَسن: شفت شلون.
ما جاوبها أشر للكارسون ووسن گالت اني ادفع الحساب
عزام: خليچ آنا ادفع الحساب.
عزّهَ: ثانكيو العصير طيب.
ابتسمت بعفوية لو اني بلشت استلطفها؟
وَسن: بالعافيه حُبي.
عزام دفع الحساب وگعد يعاينلي گال خلصيها ونگوم
انتبهت وسن تعاين بينا وحچت
وَسن: حلوين سويّه.
عزام: گولي ما شاء الله.
وَسن: تمام ما شاء الله.
عزام: عفيه.
عزام بالغ بمُسايرته وياها. اشو اخذت راحتها وفتحت سوالف وياه
وَسن: شراح تسمونه؟
عزام: الله كريم.
وَسن: الله كريم؟
عزام: اي الله كريم چا شني.
وَسن: ما ادري عن الاسماء المحرمه لكن اعتقد مايجوز تسميه الله كريم.؟
عزام: ههه
رجعت ظهري للكرسي والگلاص بإيدي مال اضرب صماخك بصماخها على شني تضحك وياها. هسه لو اتدخل وسن تگول عليّه غيّارة الاحسن اشوف تاليها
عزام: گتلچ الله كريم. ما گتلچ اسميه الله كريم.
وَسن: أها گود. عزّهَ شتسمونهه مثلا اذا چانت بنيه؟
عزّهَ: على أسم اختي الزغيره.
وَسن: على أسم اختچ سيرا.؟
عزّهَ: الأصغر منها.
وَسن: ok. ما گتلي شراح تسميه اذا چآن ولد؟
عزام: اذا ولد إحتمال نسميه المُعز
وَسن: ههه حلوة هاي ويصير ينادونه. المُعز عزام براو خوش حاسبها.
عزّهَ: هه.
عزام: اي. احم نگوم؟
عزّهَ: لا كملو سوالف العصير مَجاي يخلص.
وَسن: الگلاص چبير
عزّهَ: على حظي.
عزام: لو نگوم احسن
عزّهَ: لا اگعد توها فتحت سوالف اي انتي شچان اسم بنتچ؟
وَسن: إيمي.
عزّهَ: إيمي!
وَسن:؟
عزّهَ: الله يحفظها الچ ويجمعچ بيها بأقرب وقت.
وَسن: آمين.
عزّهَ: تذكرت عندي مكالمة مهمه.
عفت الگلاص اخذت موبايلي وسن گامت مدت إيدها للمصافحه. صافحتها و طلعت بخطوات سريعة وگفت يم السياره احس الهوا خانگني ما ادري ليش هيچ انقهرت. عزام لحگني للسياره تقرب لزم إيدي
عزام: سايرتها لا أكثر. لا تفكرين بالموضوع.
عزّهَ: ما افكر بسوالفك وياها.
عزام: چا؟
عزّهَ: ما لاحظت من گلتلها نسميها على اسم أختي الأصغر هيچي عاينتلي بطريقه كأن حسيتها تعرف شي عنها!
عزام: هي ما تعرف اختچ بحثت وراها قبل فتره عود گلت يمكن تعرف شي عن اختچ. اللي عند هاشم وسألتها بنفسي هي گالت هاشم گايل بنت الأدهم مو وياه ولا هي شافته ببيته بالسنتين الماضيات
عزّهَ: وانت صدگت بيها؟
عزام: حلفت براس بنتها!
عزّهَ: . زين ارجع دور وراهم بلكت نلگاها بلكت نلگى جامعتها ومناك ندور عليها.
عزام: الموضوع ما بهل سهولة. اصعدي الدنيا بارده.
صعدت وشديت الحزام. صايرة حساسة مسحت طرف عيني ما اريد أبچي. صعد يسوق وكل شوية يگلي كلام غزل يريد يغير مزاجي. وصلنا للبيت ساعة خمسة المسا
عمة سجى استقبلتنا وصايرة حبابة للصراحه ما اتعرف عليها على هذا التغيير. أما عزام بعده مثل ما هو بس
مرات يحچي وياها يسيرها.
أما بلقيس من ذاك اليوم اللي گتلناها هي ما تاحچيني حتى راحت گالت لجسار عبالها جسار راح ينزعج من الخبر
جسار بالعكس صدمني وصدم عزام. لمن گال وأخيرا اصير جدو واشيل حفيدي. هنا بلقيس لو تشمرنا واحد واحد من السطح ما ترتاح...
دخلت وياها سحبت كرسي الطاولة گعدت بالمطبخ وعمة سجى تسويلي وجبة خاصة غير عن العشا وتسولف شصار وياها. أما اني أيدي على خدي واتخيلها شگد متغيره. وينهن أريم وسيرا خل يشوووفن.
سجى: وديتلهم الچاي وسمعتها تحش براس جسار ضدي تگله مرتك راح تغدر بيك ولا چن هاشم مهددها
عزّهَ: ديري بالچ منها هي على اساس تساعد هاشم ومنا صايرا توگع بينچ وبين، عمي
نظرتلي من گلت عمي چا شسوي يعني بيني وبين نفسي أگول جسار عادي لكن گدامها وگدام عزام أگول عمي چا شسوي! لخاطر عزام اتقبلهم عبن امه وابوه. عمه سجى اتأكدت محد برا المطبخ وحچت بصوت ناصي
سجى: ما يستاهل الإحترام لا تگليله عمي.
عزّهَ: اعرف ما يستاهل بس لخاطر عزام احترمه عبن امي هيچي ربتني.
بقت ساكته اكيد ذكرتها بنفسها لمن چانت تحچي على تربية امي!
سجى: بنتي انسي الماضي چآن معمي على عيوني وما اعرف الصح من الغلط.
عزّهَ: احنه بالحاظر هسه وما علينا بالماضي لكن الحقيقة حقيقه ما تتغوش الجميع كان يُدرك ما يفعل وما سَيفعل
اجت تحجي ام البرستيجه دخلت ما تحاچيني بس تعلي صوتها بمعنى اسمعي الحچي.
بلقيس: جسار رجع هو وبنته شلون دهن ودبس صايرة وياه هل حية خلت ابوها مثل المحبس بأصبعها وبدمعتين
سجى: لا تطبين بينهم ما عليچ هي تعرف شتسوي.
بلقيس: أصلان هم راجع من العصر وجهه مدمى الله لا يوفقه ضاربه بلاية رحمة، وحچالي الصار ولچ انتي رحتي بين الرجلين بتراء لعبت على الكل وطلعت تمثل على بيت الباشا
نظرتلها وگمت
عزّهَ: شگلتيي؟
بلقيس: سجى نسيت أگلچ جسار راح لمكتبه يريد ماي.
عزّهَ: تعااي تعاي وين تولين احچيي أصلان شگلچ؟
عليييمن گلتي ااالله لا يوفقه ااااحچي لا ابتلي بيچ.
سجى: بنتي عوفيهااا
نظرتلي بكل حقارة وحچت
بلقيس: روحي احچي ويا مرت اخوچ او طليقة اخوچ.
طلعت من المطبخ وعمة سجى تگول مثلچ ما افتهمت!
رحت وراها شفت بتراء توها صاعده لحگتها بالممر
اناديها
عزّهَ: خل نحچي بتراء، بتراء انادييچ يمعووده بتراء!
ما جاوبت دخلت لغرفتها لحدما وصلت رگعت الباب بوجهي وقفلته. شهل مصيبة ويامن احچي حتى افهم!
أنوب ما ادري سيرا وأريم شبيهن من الصبح ما يجاوبن
مالي غيره هو يخابر ويعرفلي ويسمعني رحت لغرفتي شفت عزام چآن يصلي المغرب انتظرته يكمل لمن كمل. رحت گعدت عالارض بصفه نظرلي مبتسم اندار بكامل جسمه
عزام: احچي بويه وياچ آنا.
اخذت نفس عميق هل فترة صايره احچي هوايا خاصة إذا سوالف تصير بالبيت اگعد احچيله. بديت احچي كلشي صار ودار بالمطبخ. لحد باب غرفة بتراء.
سيرا
معقولة عمو اشتور ما يسوي شي معقولة إيمار ما يجي!
زين ليش محد يجاوبنا على سَند من العصر حچينا وياه وبعد ما جاوبنا مره ثانيه. وهسه صارت الساعة 8بالليل
امي گالت الراح يجون فقط بيت ياسين يعني هو وأخواته
ياسين عنده ثلاث أبناء وبنيه وحيده. وعنده اخو ثاني يطلع بعمر عمو اشتر او أصغر. أما اخوات عنده رباب اخته الزغييره. وأربعة متزوجات كلهن تقريبا بعمر ماما او أصغر. يعني عنده خمس خوات و اخو وحيد.
ادري هذوله فجأة طلعوا من المجهول إلى گرايب. انوب أريم حاچيتلي عن هذاك المريض اللي راد يأذيها من عدة سنوات. هو الأخ الثالث ونسخه من الأخ الأكبر بس يصير الوسطاني بين اخوانه. سالفتهم غريبة الشبه بينهم مو طبيعي وبنفس الوقت مو توأم فارق العمر بينهم سنة!
بس هم زين بعده بالمستشفى يگولون بآخر فترات علاجه وقريبا يطلع! بس مو هذا اللي قالقني اللي قالقني بعد نصف ساعة عل8: 30 يوصلون!
عاينت بالمرايا اشوف روحي ما مخلية قطرة مكياج فقط لبست الفستان لزمت المشط، ارد امشط شعري. هو گصير على كتافي ما أشده اعوفه هيچي. بقيت صافنة ما ادري ليش تذكرت عركاتي ويا إيمار. وشلون بيوم عقد على سَند وبتراء. تعاركنا بالمطبخ لو من انخطفنا شلون فتح عيوني. فزيت من شريط الذكريات على دگة الباب
سيرا: تفضل.
دخل ابويا هو مثل روتينه اليومي متأنق لكن اليوم أكثر من العادة
الأدهم: طالعة أميرة حته بدون مكياج.
سيرا: اعرف ماكو داعي
ابتسم ببرود مثل العادة حك طرف حاجبه واردف
الأدهم: يعني ساندريلا منتظره اميرها يجي؟
سيرا: منتظره اشتور يوگفك.
درت ظهري ومنزعجة من الفستان حسيت عليه وگف وراي. راد يلزم زندي سحبت إيدي وانداريتله صدمني بكلامه. خلاني اتذكر هدآم شسوا بأريم!
الأدهم: شلون تصدگين ممكن اجبر بناتي على هيچي قرار مصيري.؟
سيرا: ما اثق بيك أنت تريد تبين روحك حباب مثل اشتور.
الأدهم: دكافي لهسه كلمة والثانيه اشتور واشتور اشتورچ لو يحبچن من صدگ يجي يتصالح وياي علمودچن خاصة انتي. هذا بمثابة اختبار اله خل يلحگ اذا يلحگ
سيرا: تريد تگلي مقشمر ياسين وگايل تتصالحون؟ ومن هل حچي؟
خلا ايده بجيوبه ملامحه تغيرت للجدية اردف
الأدهم: كلشي اسويه حتى ارجع علاقتي بأخوتي. انتي متأكدة اشتر ما يتخلى عنچ وآنا متأكد اخويه يسامحني ويفتح صفحة جديدة وياي.
بقيت ساكته ما اعرف شحچي ليش خايفه اصدگ. تقرب لزم إيدي اردف
الأدهم: ما ناسي شلون ابن ياسين راد يأذي اختچ. ولا ناسي شلون ابنه الچبير ضل يلاحگها لسنوات يريد يقتلها!
سيرا: چا شلون تستقبله بهذه البيت شلون تگله انطيك بناتي للولدك؟
الأدهم: چا شلون اعرف الزلمة الكفو؟
سيرا: وها بعدين تسوي سبرايز تغدرهم و ما تقبل
الأدهم: دِخل يجون ولد الحاروگه وينهم ما أجو؟ خاف اشتورچ تخلى؟
سيرا: لااا تحچي هيچيي اشتور ما يتخلى اكيد ازدحام.
الأدهم: ههه اخويه وحُر اسبه انعل شيبه انتي شكوو
سيرا: ما اسمحلك ترا
الأدهم: لا تعلين صوتچ الله يغضب عليچ.
سحبني لحظنه يبوس شعري ويگلي أحبچ بنيتي
حظنته بكل قوتي طايرة من الفرح بس عاجزه اعبرله او يمكن اتقيد گدامه.
سيرا: أريم راح تفرح عبن المغرب چانت تبچي وهي تسجد بالصلاة، ابن ياسين ابنه الچبير گاللها كل قطرة دم من اخوه بمكانه دمعه.
الأدهم: هو گالها و هو يتلگاها. خوفها وبچت؟
چا ينزف دم هذا هو الثَمن.
سيرا: بابا ااذا تتساهل وياهم وتسامحهم ما اسامحك ولا اگلك بابا.
الأدهم: سيرا ذبيتي ميانة تالي عمري ام شعر شبر تهددني؟
سيرا: تسررريحه.
دخلت للغرفة بدون سابق إنذار وهي تحچي عيونها مليانه دموع
أريم: ولچ راااح اموووت بقهري اذا عمو اشتر ما وگف العقد.
من شافتنا واگفين وبابا حاظني تجمدت بمكانها عيونها تذرف الدموع، بابا عافني وخطى خطواته بإتجاه أريم.
الأدهم: أريم. بابا لا تبچين خل نحچي.
نظرتلي وهي تريد تتمالك نفسها وما تبچي لكن دموعها تنزل. حچت وياي
أريم: شگال حتى قنعچ؟
سيرا: خل يحچي وتفهمين
الأدهم: أريم...
أريم: لا لالا خليك بمكانك تريد تقشمرني بحظنه وبچم كلمة مثل ما قشمرت سيرا. وانه تريد مصلحتي عن يا مصلحه تحچي وانت تريد ابنهم الچبير يعقد عليّه اابنه الچاان يلحگني يريد ياخذ بثأر اخووه. خليك بعيد عني خليييك بعيييد
گدر يحظنها بين ذراعه وما خلاها تصده هي تبچي وبابا يحچيلها ويگول ليش ديسوي كل هذا، أريم هدئت بس بعدها تشهگ
الأدهم: سويت كل هذا علمود اعرف يستاهلون جوهرات مثل بناتي لوما يستاهلون.
أريم: هسه اكتشفت هدآم طالع عليك.
الأدهم: ترا عيب هل حچي آنا ابوچن مو البيست فريند.
سيرا: الميانة اللي يحبهااا گلبييي.
رحتلهم وبابا حظنا بثنين ايديه. حچآ كلام يمكن صار سنين كاتمه، هيچي حسيت! عبن اول مره بابا يسولف عن مشاعره اتجاه اخوه.
الأدهم: ما چآن عدنه خوش ولد عمام. ما چآن عندي ابن عم ينشد بي الظهر مثل وگاع ما جان عندي ابن عم مثل أبيل يشيل التُهم عني، ما چآن عندي ولد عم مثل إيمار يفدي بروحه. أشتر الوحيد الچان صاحبي واخويه وضلعي. ما چنت أرضى او اتقبل فكرة يصاحب غيري
أريم: بس هو مصاحب خالو حاتم اخو ماماا يقين
ابتعدنا عنه وگفنا گدامه مستغرب من كلام أريم
الأدهم: شوكت مصاحبه آنا توني دريت!
أريم: هاي وين چنت اخوك مصاحبه وخوش ميانة بينهم.
والله ابويا تأثر وبين عليه شعور الغيرة عدل ردن الجاكيت وگال
الأدهم: احمم يريد يغثني ويگول شوف مصاحب غيرك.
أريم: اي اي يغثك اصلا ما صدگت مصاحب غيرك
الأدهم: ما يصاحب يمثل.
لا صدگ ابويا غريب يريد يقنع روحه أنه عمو اشتور ما مصاحب غيره گعدنا على چربايتي وبابا بينا ثنينا
حچيت آني.
سيرا: أريد افهم بيت ياسين ليش هيچي طلعوا من العشيره وعاشوا منبوذين ومثل المقطوعين من شجره شصار غير سالفة أريم؟
الأدهم: رادو اتزوج اختهم الزغيره رباب بدال امچن.
سيرا: يااااا الحمد لله الله سترر
الأدهم: صارت خلافات ثانية بينا وقطعنا العلاقات وياهم لحد 2015 من ابنهم المسودن چآن يلاحگ أريم وصار الحادث. صرنا أعداء من صدگ والدم بينا.
أريم: گتله كلشي صار حادث! وانه بذيچ اللحظة هدآم راد يتلاحگني واخوهم عبر الشارع الگدام البناية
سيرا: صدگ بابا ما حچيت شلون ما رفعوا قضيه؟
الأدهم: رفعوا شلون ما رفعوا، رادو يسجنون هدام بتهمة الشروع بالقتل. لكن بفضل اشتر والباشا حليناها بيناتنا بالعشيرة. ومع ذلك ياسين ما عفى، ضل يخلي ابنه يلاحگ هدآم لو يلاحگ أريم.
سيرا: تذكرت لمن مره هدام رجع وهو متصاوب!
أريم: بوگتها گال چآن يدهن السلاح واتصاوب!
اندگ الباب علينا ودخلت ماما يقين عاينت بالغرفة وبينا خاصة ب بابا ابتسمت ودخلت، گالت.
يَقين: حچيت وياهن؟
ابويا گام وگال اي
سيرا: يقييني حتى ااانتي؟
يَقين: ابوچ حلفني بعلي سند
سيرا: ولچ بالضريح صارت بصف ابن ياسين علينا! صدمتني عبالي انطت بينا.
يَقين: بناتي انتوا شلون انطي بيچن؟
گمنا حظناها وابويه استغل اللحظة حظنا ثلاثتنا ويگول أحبكم. بهل اثناء شفت امي واگفه بالباب تعاين بينا ابويا هم شافها ومد إيده گال تعاي ام العزة. امي ابتسمت واجت بدون تردد ابويه حاظنا احنه الأربعة ويگول اغلى ما عندي انتن.
احلا شي انه ما يفرق بين امي وماما يقين حييل عادل بينهن حيل. ابتعدنا احنه اربعتنا كلمن تمسح عيونها ابويه يعاين علينا مستغرب
الأدهم: النسوان ليش يبالغن؟
وحدة عاينت بالثانيه وجاوبنا بنفس الوقت
ما متعودين على هل كم الهائل من الحنان
الأدهم: اي فرعون آنا بنظرچن فرعون استغفرالله
نَدى: مو هو عبالي من صدگ تريد تنطيهن لهل جماعة
المهم ذولة وصلوا للفرع شنسوي؟
الأدهم: نستقبلهم شنسوي. خل نشوف اشتر يجي لو ما يجي
يَقين: تتراهن لو شني ادهم گتلك على طلاگي اذا عقدو!
سيرا: ها والله صحيح آني اشهد على حچايتها
الأدهم: شوكت سمعتي حچايتها؟
سيرا: هههءء هسه سمعت.
امي گالت خل نطلع هسه يوصلون. طلع وياهن واني سديت الباب وراهم انداريت لأريم
سيرا: خابرتي أبيل يجاوب
أريم: لا ما يجاوب.
سمعنا صوت الهورن رحنا يم الشباك نعاين تحت السيارات ثلاثه دخلوا. بهدوء السيارة الأولى نزل منها
ياسين ورجال ضخم وهيبه أريم حچت
أريم: هذا نفسه.
تقصد ابنه الچبير السيارة الثانية كلهم نسوان، رباب ام الحيايا وياهن خواتها المتزوجات. واجت اخر سيارة.
نزل ابنه الزغيير نفس اللي إيمار جنزه تجنز هذا شلون ما عنده كرامة جاي بكل عين صلفة! لكن وين عمهم اللي هوا اخو ياسين
سيرا: هااذا نفسه العار الزغيير.
أريم: العار الزغيير والعار الچبير
سيرا: في مواجهة ولد الباشا اشتدت يا علي.
أريم: ايست منه حتى لو اشتر يجي وحده يوگف هل مهزلة اكون ممنونه.
سيرا: شگد احلامچ بسيطة اني اريده يجي بهل ليلة الظلمة وشايل التفگ يوگف يم النافورة هذيچ يگللهم لوووو تنطوووني بنتكم لو افرغ المخزززن براسكم.
شو هاي ما ضحكت على كلامي ولا گالت انتي حيل دراما كوين! عافتني وراحت گعدت على طرف الچربايه تفرگ رقبتها مبين مخنوگه من القهر والتوتر
دخلو للبيت وما اخذ لحظات على وصولهم. سمعنا أصوات طلق ناري
أريم: اااسم الله الزهره ولچ لا تطلعيييين ثووول.
فتحت باب البرنده وطلعت اعاين بالمنطقه، أريم اجت وراي وگفت تگول
أريم: طبببي جوا هسه تجيج طلقة طاييشه لا سمح الله.
سيرا: والله احس همه احساسي ما يخيب
أريم: متأثره بالأشتر خل نطب جوا خايفه نزاع عشائري
سيرا: حرامات نروح هدر.
هي طبت للغرفة ورجع صوت الطلق وهل مره دخلو رتل كامل من السيارات لفرعنا كلها سيارات عمامي والعشيرة كلها انوب كلما يجون أقرب القصيدة صوتها تعلى وتعلى أكثر والرادود يردد مجانينه مجانينه.
أريم من سمعت صوت القصيده رجعت ركض
أريم: ووووالله هاااي قصيدة أبيل المفضله هاي قصيدته.
سيرا: لچ عزااا شوفي جايبين مشية.
أريم اجت بسرعه واگفه بصفي من الفرحة عيونها تلمع
بالدموع. وصلو قريب على بيتنا وصوت القصيدة تدوي بالمنطقة
عشگنا مو عشگ عابر. عشگ ما صاير وداير.
صارو يم باب البيت وَتن طلع إيده من الجامة وشعل دخان أحمر من وراه بكل السيارات شعلوا نفس الدخان الأحمر شباب العشيره كلهم سوو مثل وتن. فاضل فتحلهم الباب سيارة عمو أيهم وعمو اشتور بالمقدمة على سَند يسوقها
وصلوا ونزلو.
من وراهم سيارة أبيل معلي صوت القصيدة وإيمار صاعد وياه. وگف السيارة و ما وگف القصيده ولا نصى صوته!
نزلو الأخوة ثنينهم متأنقين بالقاط الأسود، اعاين بإيمار حيييل طالع هيبه انوب حتى الشفقة ما لابس براسه ومزين شعره من تحت شويه. الاخوه ثنينهم وگفو يم النافورة اللي حچيت عنها سحبوا المسدس من ظهرهم واعتقد شافونا حتى لو ختلنا ورا الباب. رفعوا إيدهم بالسما أطلقوا نار مرتين بالهوا
طبيت للغرفة ويا أريم وحده تعاين بالثانيه وعطنا عااا وحده تحظن الثانيه
أريم: اگرررصييني خاف اااحلم.
سيرا: لچ سواااها صدددگ ومستعد يفرغ المخززززن براااسهم.
أريم: مجاانينه مجانينه ولچ اااسسمعييي ديعلي الصوووت متقصددد والله يعني يگلي شوفي اجيتچ. عزاا بعييينك أبيل خل اروح ارتب شكلي. الحُمره اغيرها؟ لا ما اغيرها حلوة.
سيرا: ولچ اوگفييي اني اااني بعدني ما مخلية نقطة مكياااج ولا مسويه شعررري
لحگتها لغرفتها وصوت القصيده مستمر ااابدد ما طفوها.
رغم نسمع صواتهم عاليه واحنه ملتهيات بنفسنا. چنت اصبغ إضافري ورحت يم الشباك اتفقد الاجواء شفت النسوان تطب للبيت، حبوبه وياهن انوب مرة حيل حلوة تمشي ويا هلال وكأن ملامحها مو غريب عليّه
سيرا: لچ اريم تعاي شوفي هاي الحلوة منوو؟
أريم: دقيقه اشوف، لچ هاي حماااتي التي أنجبت حب حياتي.
سيرا: ويت. ويت هايي بدر التم. عزاا هاي ام إيمار وأبيل لچ طالع عليها ابن الگمرررية.
أريم: احس صرنا اور شوي اثگلي عيب احم. خل ارجع اكمل.
شني صرنا اور هو هذا اسعد يوم بحياتنا اذا عبرنا عن مشاعرنا مثل ما هي نصير اور؟ ما اوافقها الرأي هي رجعت تكمل واني من ورا البردات اشوف النسوان يدخلون للبيت
ابويه طلع باس إيد حبوبه وباس راسها وهي ما حچت دخلت ويا عمه امل. انوب راح لعمامي وگف گدام عمي الباشا ويا شيخ عشيرتنا اما عمو اشتور چآن يحچي مكالمة بعيد عنهم.
اعاين بأبويه الواگف أمام عمو ايهم وولده ثنينهم واگفين بصفه حچوا شويه وابويه حظن عمي الباشا.
سيرا: الحگي قبل لا تروح عليييچ.
اجت شافتهم
أريم: دخيلك يا على يا ضرغام معقولة يتصلح كلشي بينهم؟
سيرا: شوفي اشتور هسه يجي بينهم
فعلا خلص مكالمته واجاهم من بعيد حچآ شي ويا ابويه خلاه يبتسم بس بسبب صوت القصيده والهوسه ما نسمع
وصل يم ابويه وعمو ايهم. حاوطهم ثنينهم مثل أي أخوة
هنا طفو القصيده واسمع عمو اشتور يگول.
الأشتر: وحگ الغاليات على گلبي مساامحك.
تحاظنو مره ثانيه وعمو أيهم يگول
الباشا: ما طب لديوانك اذا ياسين بعده گاعد بي
الأدهم: هسه يولي.
اصلا هُمه وولده بنفسهم طلعوا! ابنه الچبير اجا بإتجاه عمو أيهم هنا أبيل وإيمار وگفوا بوجه ثنينهم سحبوا المسدس والزناد عليه.
أبيل: لو تخطي خطوة وحده. تسلملي عليها.
انوب هو سحب مسدس واخوه الزغيير طبگ وياه يعني حرفياً في مواجهة بعضهم حچآ الأخ الچبير.
رايدين تنهون عليهن يا جاااهلين؟
اجو وَتن وعلى سَند من وراهم. بحركة سريعة سحبوا المسدس من إيد ولد ياسين اللي صارو لا حول ولا قوة وَتن فلش المسدس وشمره يم رجل العار الزغيير ضحك مستهزء چنه نسخة من اشتور
وَتان: هههه الينهي ما يجيب مشية.
إيمار: احنه ما ننهي عليهن.
أبيل: احنه نعقد عليهن.
العار الزغيير عاط بوجه إيمار
لاااا تخووووزر لك
وإيمار غرز المسدس بخده
إيمار: تنچب لا اترس حلگك بارود.
أبيل: الدم اليجمعنا ما يوگف بعيني، ادير لتر بانزين عليك وافضها.
الباشا: عوفوهم.
ياسين وابويا چانو يحچون بجهة ياسين گال بصوت عالي
ياسين: أدهم شلووون تغدر بيّه؟
الأدهم: متوهم عبالك مخاويك وصرنا بصف واحد؟
علي سَند گال لفاضل وماجد أجوا يجرون جر بولد ياسين برا البيت وياسين يحچي بصراخ بوجه عمامي. ابويا رد عليه
الأدهم: إذا خلصت نباحك اخذ خواتك واطلع. هذا البيت ما اتشرف ولا يتشرف بيك ليوم الدين.
وتن وفاضل راحو ينزلون الأغراض الجابوها وياهم.
ومنا نسوان بيت ياسين اللي همه خواته طلعوا كلهن مالهن خلگ وجههن ما يتفسر إلا رباب مبتسمه! شالت موبايلها خلته على اذنها شوية ودگ موبايل أريم هي راحت تجاوب واني لحگتها گالت گالت رقم غريب وفتحت السبيكر
أريم: رقم غريب، الو؟
رباب: ألف مبروك عليچ زواج الدهر ان شاء الله.
أريم: عفوا بس منو انتي؟
رباب: ههه ام الحيايا على گولة طرگاعة.
سيرا: انطيني احاچيها. ها ألوو ام الحيايا شعجب فرحانة؟ مو دگينا بيكم الدگة الناقصة
رباب: حبيبتي آني إمراة مثلچن واكيد ما اعادي رغبتچن اصلا آنا تعاونت ويا ابوچ وامچ يقين. خليها بينا خوش
سيرا: ما ضلت بينا أريم سمعتچ.
رباب: ههه لازم اقفل. ألف مبروك الچ ولأختچ
سيرا: تمام شكرا على تعاونچ ولو ما مصدگه اخت توگف بوجه اخوها
رباب: رباب توگف وتوگفه عند حده.
قفلت الخط
سيرا: ام الحيايا صدمتني.
أريم: خل نشوف بعدهم لو راحو
تقربنا من الجام نشوفهم بيت ياسين طلعوا وزلم عشيرتنا كلهم طابين للبيت عالديوان باقين فقط الشباب بالحديقه وصلت سيارة هدآم فاضل فتحله الباب دخل للبيت نزل
راح سلم على الشباب ويحچون مع بعض
أريم: عبالي جايب عزوزة وياه.
سيرا: دقيقه سيارة ثانيه راح تدخل فاضل ما سد الباب!
فعلآ لحظات ودخل سيارة عزام للبيت وسعن عيوني
سيرا: لچ تربية الباااشا جاااابها واجا جااايب اختنااا.
ابويا طلع واستقبلهم عزّهَ حظنت بابا وهو يمسد على شعرها. ابتعد عنها وصافح عزام. من رحب بيهم گال للشباب يطبون للديوان. بعد بعد خل يصدمونا أكثررر
اندارينا لصوت هلال وودق دخلن للغرفة بالهلاهل
بس رُقيه مو وياهن حتى وگاع ما شفته ويا الشباب
وَدق: لچ مااااي بيييست واااخيرا بنفس البييييت
سيرا: بفضلييييي بمجهوووودي
هِلال: حبيبات گلبييي ااالف مبروك.
وَدق: شنووو بمجهووودچ اذا اني ما حبيت وتن ورضيت بي. ياهو الچان يجبرني؟
أريم: هم صح هم صح المهم وينها رُقيه ليش ما جبتوها؟
وَدق: ما اجت حالتها يتطلب راحة والمسافة طويلة بين النجف والبصرة. بعدين گلبي مرتاح حبوبة سُعاد وياها
هِلال: گلتلها اتصل مكالمة فيديو ويشاركون بكل لحظة
وَدق: وتن هم گال لاخوه يفتح كام بالديوان ويحظر
أريم: چا و بتراء؟ ليش على سَند بوحده؟
تغير ملامحها بس كأنها تضم سالفه ابتسمت وتحچي.
هِلال: بتراء وضعها خاص ما تگدر تطلع جسار يشك بيها
وَدق: صدگ خابرتها ما ترد!
سيرا: خو ماكو شي؟
هِلال: لا ماكو شي لا تشغلن بالچن وافرحن بهل لحظاات يلا خل اخابر رقرق
خابرت عليها وهي ردت بس تهمس وتگول وخر خل افتح كام.
هِلال: مووو وگت تتحبحبووو ابو وگعه وخر خل تفتح الكاميرا.
نسمعه گال دِ جيبي هسه نفتح كام قابل شمسوين. فتح الكاميرا ورقيه مخليه راسها على صدره تريد تگوم يرجعها.
وگاع: وهاي فتحنا الكام الف مبروك يل غاليات
سيرا: لچچ بووويااا فدوى ألكم دشوووفن رقرق اختفت من الخجل ول خل تحچيييي
وگاع: شمسوي غير حاظنها حظن شريف عفيف
رُقيه: عيب والله عيب خل نگعد. بنات الف مبروك حيل فرحانه الچن
أريم: حبيبتي الله يبارك بيچ اهم شي تكونين بصحة زينه
سيرا: ول خااالي ذااابت من الخجل ذااابت وهي بحظنه.
وگاع: بويه عوفي شخصيتچ الطرگاعه للالوايص
هسه شوية احمري شويه سوي روحچ عروسه خجلانة.
وَدق: اوووووو قووويه
وگاع: أخوية للتربيه والتعليم معلمچ على اللفاضه
سيرا: ديلا عاشت إيدك
وگاع: غير امدح بأخويه انتي على شني مكيفه.
وَدق: جعل محد غيرك يمدحه
وگاع: ديخابر فيديو.
انطا الموبايل لرُقيه وگعدت بالفراش، هو جاوب على موبايله يحاچي وَتن. واحنا نحاچي رُقيه، عفناها تشاهدنا
واحنه مخبوصات هلال ثبتت الموبايل وحچت
هِلال: اول شي بدلن وألبسن. هذني.
انطت كل وحده بينا. بوكس گالت لا تفتحوهن إلا تروحن تبدلن. أريم دخلت لغرفة الملابس بدلت اول وحده
وطلعت. فستانها يجنن ولونه ابيض بيها تفاصيل فخمة
هِلال: عين الحاره بارده حييل لايگ عليچ.
اخذت البوكس ودخلت سديت الباب، وفتحتها بقيت اعاين بيها انوب خليت ايدي على حلگي متفاجئة وفرحانه. نفس الفستاان مثل اللي شفته بالأنستا وحبيته حيل. اتذكر خليت على المنشور لايك وحفظته.
مَجاي استوعب جابوها على نيتهم؟ لو إيمار شايف اللايك وطالبه؟ سمعت صوت هلال ورا الباب وحچت
هلال: خل اريح گلبچ شااف اللايك من اسبوع تقريبا وطلبها بدلي بسرررعة.
خليت ايدي على حلگي اكتم صوتي وفرحتي. لا آني من صدگ رحت بيها خلاص. بدلت ولبسته طلع على مقاسي
سيرا: عيني بارده عليّه اني شگد حلوة يا حظك بهيچي عروسه.
وَدق: لچ المداااح حاله چذاب اااطلعي تأخرررنا
شلت طرف الفستان حتى اگدر امشي، فتحت الباب وحچيت.
سيرا: ياهي الچذاابه ولچ.
وَدق: طالعة تخبليييييين
جرتني من إيدي وتخليني افتر حول نفسي وأريم جابت الموبايل عليّه علمود رُقيه تشوف
رُقيه: تخببل ما شاء الله تخببل.
أريم: الفستان واو.
وَدق: اي الحيالة خلت لايك وراها، عود يا عرييس اشتريها.
سيرا: شگد چذابة على نيتي عفت الايك.
رُقيه: افتري افتري خل اشوف. ابو گاع شوف سيرو شگد طالعة تخبل.
وگاع چآن يشوف البث المباشر من الديوان نظرلي نظره سريعة وگال.
وگاع: چيلة مو عروس.
هِلال: گووول ما شاء الله هسه تضربها بعييين
بهل اثناء اندگ الباب اندارينا لمن دخلت وچانت عزّهَ
عزّهَ: شو محد دز وراية والله عيب عليچن يل خاينات.
ما حچيت ولا أريم حچت اسرعنا خطواتنا ارتمينا بحظنها
شوية نبچي شويه نبتسم وهي تبوس بينا صار أشهر ما ملتقيات. لزمت إيدي وخلتني افتر
عزّهَ: الأميرة المُدللة مالتنا صارت عروس.
أريم: الوسطانيه مضلومه بكلشي.
عزّهَ: موو صححح تعااي.
فرتها هي وتگول طالعات حلوات اجت هلال وودق رحبو بيها وتحاظنو. عزّهَ اخذت الموبايل من وَدق، گعدت تحچي ويا رُقيه وتسأل عن حالها. أما احنه فألتهينا بشعري
هلال سوتلي تسريحه حيل حلوة وتناسب شعري وقُصره
أنوب أريم گعدت وما كملت گالت إلا هلال تسوي شعري
عزّهَ: ترا من صدگ خايفة تنصابن بعين.
وَدق: يمعوده هسه اقرأ قل أعوذ برب الفلق وآية الكرسي على البيست فريند وتصير مُحصنة.
گامت من صدگ اجت قرت علينا قل أعوذ برب الفلق وآية الكُرسي. من كملنا كلشي نزلنا سوية وودق ما قفلت الموبايل رُقيه ويانه بكل لحظة.
سمينا بسم الله ودخلنا للصالة من دخلنا النسوان كلها گامت تهلهل حته حبوبة هُدهُده اما عن بدر التم ام إيمار وأبيل
تعاين بالنسوان وما تعرف تهلهل بس تصلي على محمد وتگول ما شاء الله.
سلمنا على النسوان، تحاظنا ويا حبوبة ونبوس بإيديها.
وعمة امل هل انسانة الجميلة الماكو منها حظنتنا وتبچي مثل امهاتنا من فرحتها. رحنه يم عمة آيدا هم حظناها وهي تبارك ألنا حيل فرحانة بينا واحنه اللي فرحانات ااكثر
سنين واحنه نسمع عنها سنين وعمي متلهف على ملگاها شچان شعوره من التقى بهل إنسانه الجميلة الطيبة!
گعدنه كلمن على جهه وهي بنصنا. نظرلتي ولزمت إيدي حچت گدام الكل.
آيدا: إيمار وأبيل يعتبروني مثل أمهم. وآني اعتبرچن مثل بنتي نازا راح أحبچ مثلها وادير بالي عليچ.
وحده تعاين بالثانيه هلال بهت ملامحها، نسوان الگرايب يحچن بين بعضهن وأريم حاچيتلي كلشي لذلك تداركت الوضع. خليت ايدي على إيدها
سيرا: آني عندي ماما يقين وماما ندى وهسه ماما آيدا
تعاين بينا مبتسمه وعاجزة تعبر عن مشاعرها، گعدنه وياهن شوية. وماما آيدا گالت سون الگهوة بس لا تخلون ملح ل إيمار.
گمنا نطلع للمطبخ احنه الأربعة. عزّهَ بقت گاعدة ويا ماما
واحنه نمشي للمطبخ هلال تگللنا امي صارت احسن وتحب تهتم بينا وخاصة إيمار، دخلنا للمطبخ و رُقيه ويانه على الخط
رُقيه: وَدق تتذكرين شگد خلينا بهارات بگهوة الدواهي؟
وگاع بصفها نظرللها ذيچ النظره وسكت.
سيرا: أگول خل نصير حبابات وما نخلي لا ملح ولا بهارات.
وگاع: حبابات.
هِلال: اوافقها الرأي إيمار صار عنده ضغط
مو مال هذني السوالف تطيحن حظه.
وَدق: لعد نطيح حظ أبيل
وگاع: طيحو حظه طيحو وتن انطيه الموبايل
ول خويااا تمسعهننن؟
خله موباليه گدام شاشة موبايل رُقيه واحنه بالفيديو
وتن منطي الموبايل ل أبيل وأريم صفنت عليه أبيل غمزلها مُبتسم وگال خلي.
وَدق: يغمزز الأخ يغمزز
أريم ابتعدت من گدام الموبايل راحت على جهه سدت حلگها لو تگول بصوت نااصي او همس
أريم: هوااايش مطااااااية ديناصوراات ببطني عزااا بعينك ااابيل.
هِلال: ااايي تروووحين فدوى لعيونه الحلوة لچ.
ردت عليها تهمس
أريم: احممم ديلا لا تبلشييين بسوااالف بنت الحماية.
هِلال: نصفي الآخر لا أقبل عليه الكلام. آني اگُله عزا بعينك نورمال بس وحده ثانيه لا والف لا.
أريم: عزاا بعييينه خوووش.
وَدق: الرجال گاعد بصف وتن هسه يسممع
سيرا: انلاصت ورب الكعبه.
سوينه الگهوة أريم حظرت الفناجين و وَدق جابت شكو
بهارات مشكلة ما مشكلة أخضر احمر اصفر ما خلت شي.
تريد تسوي خلطة وتحطله أريم وگفتها
أريم: ستووب ستووب ناوية تقتلين رجلي دِوخري ما نخليله شي.
وَدق: اررريم هيچي التقاليد...
أريم: خل اشوف شني خالطة. عزاا بعييينچ هذا المفروض يتصنف ضمن السموم الفتاكة.
هِلال: بهل لحظة أعلن اتقبلتچ زوجة ل نصفي الآخر
أريم: رحم الله والديچ. وَدق اذا شُربتي فنجان من هل خلطة اسمحلچ تخلين شوية منها بفنجان ابو البيت منها
وَدق: لوو تموووتييين.
أريم: چا اسُكتي. خل نصب الگهوة.
وَدق طشت الخلطة بالحاوية، سحبت كرسي وگعدت تشاهدنا. عايفين الموبايل عالكاونتر و رُقيه عالخط تشاركنا بكل لحظة.
كملنا صب. أجوا وَتن وشاب اسمه باسط گلنالهم ما مخليات شي بالگهوة راحو وهمه يگولون عفيه بالخاتونات المعدَّلات.
بقت صينية النسوان اخذناها، آني شايلة الصينية وأريم
توزع عليهن، النسوان يگصن بينا، ام باسط ويا چنة بيت جدي يتهامسن.
شفتي شلون الأدهم تصرف بذكاء خلى الباشا يسامحه.
شلون ما يسامحه وهو راح ينطي بناته الاثنين ل ولده
ظنيت الباشا يتبرأ منه!
أريم: وإن بعض الظن إثم. عمة ام باسط
باقي النسوان عاينن بينا حبوبة اندارتلها
ناهد: يولي ام باسط متجوزين من ظنونچ؟
ام الباشا اعذريني.
حبوبة دارت وجهها وما حچت بعد. وزعنا عالبقية
وگعدنه بصف ماما آيدا، إلى رجعت سألتني بصوت ناصي
آيدا: ما خليتي ملح ما؟
سيرا: يمين عظيم ما خليت ملح.
ابتسمت ودارت وجهها أكو مره من بين النسوان گاعده بصف امي. ضلت تعاين بينا لحدما حچت
مرت الباشا اسمچ عايدا لو آيدا.؟
آيدا: لا اسمي آيدا.
ما صدگن وحده فتحت حلگها الثانيه شدت فيشة والبقية وراها
اي وشنهي الفرق عايدا وآيدا نفس الشي.
--: اجيت ويا امي بيوم المشية چآن عمري 15 سنة اتذكر بيومها عمامچ سوو هوسه شگدها شكبرها شنهي الموضوع؟
گالو ابن عمها انسجن من وراها.
ما فاهمين عليهن بس ماما آيدا تفرك إيديها ببعضهن لحدما صارن إيديها وردية، حبوبة اندارتلهن رزلتهن خوش رزالة خلتهن ينلصمن. گمت من مكاني رحت گعدت بصف أريم. وهلال اجت گعدت بصف امها.
لزمت إيدها لحظات واجا وَتن سلم وگال الشيخ راح يعقد
بالصالة الثانيه. خل يجن البنات، امي جابتلنا شالات خليناهن على شعرنا.
اعاين بأريم وأريم تعاين بيّه گاعده واحس رجليّة ما بيّه اوگف عليهن گلبي گام يدگ يدگ اول مره بحياتي هيچي اتخربط انوب بطني شبيها ابلع ريگ وخايفه يسمعون
صوت گلبي وبطني اللي من صدگ هسه حسيت بشعور أريم احس هوااايش ومطاية وكل المخلوقات ببطني تترافس
أنوب هلال وودق وامي ملتمات فوگ راسنا يگولن گومي واني بيني وبين نفسي افكر هسه لو اگوم اوگع، رجليّة ما اگدر اوگف عليهن من التوتر والخجل كلهن التمن عليّه.
اشو أريم گامت هاي ليش ما صاير بيها مثلي لو صاير بيها وتبيع القوة براسي، يا ربي السالفة صارت صدگ وراح اصير مخطوبة قبل لا اكمل دراستي، چا ونظرية البنيه مالها الا شهادتها! وين رااحت انوب گايله اصير مستقلة عود وگتها افكر استر على رجال واتزوج.
وحده تگول للثانيه هاي جابريها لوشني اشو ما تگوم. رفعت نظراتي هلال تخوزر وتحرك شفايفها گوة اسمع صوتها تگول
هِلال: ولچ دِگوووومي بشني تفكرين بشني صااافنه؟
حچيت وما ادري شني خرطت من التوتر
سيرا: البنيه مالها الا شهادتها اللغو التثبيت ماريد
شنهي گالت، لچ نديوا البنيه مجبوره لو شنهي؟
نَدى: هه لا مجبوره ما مجبوره گومي بنيتي
هِلال: اههه اههه تستحي العروسه تستحي
دا تگول ما ريد يا مستحى واضحة السالفة البنيه ما تريد وغاصبينها.
اسمع كلامهن بس كل بالي يم السالفة اللي صارت صدگ ولحظة الإدراك اجتني بالدقيقة 90. اعاين أريم راس المصايب كنبصت گدامي تحچي همس واني هم حاچيتها بنفس النبرة
أريم: شبيچ ما تگومين.
سيرا: شگوووم يسووني ميز مال تنمر
ما بقيت بنيه بالشلّه ما حاچية عليهن وگايلتلهن البنيه مالها الا شهادتها وراتبها.
أريم: لچ شكوو بدمااغچ.
سيرا: دماغ.
أريم: اي دماغ سز.
هِلال: ولچ گوومي عليچ الزهره گومي.
اريم إيد وهي إيد گمت وياهن والنسوان وحده تعاين بالثانيه
ويگولن مبينه ما تريد تتزوج مبينه انوب ام افتهام عاينتلي وحچت تتشمت بيه
البنيه مالها الا شهادتها.
هِلال: اي ام افتهام الزواج مو اصفاد وتتقيد بي. اخويه رجال عقليته ناضجة وما يبطلها راح يداومون سويه
اي واضحة عقليته ناضجة ومنفتحه عقلية الأتراك تهي بهي.
هسه لو احچي وابرد گلبي تروح انوثتي مهب الريح نظرتلها بِتَوعد. وماما آيدا اجت لزمت إيدي حاچتها.
آيدا: شبيها عقلية الأتراك ما نعجبچ؟
لا يَأم الوِلد ما اقصد هيچي.
طنشتها وگالت امشي وصلنا يم باب الصالة.
آني وأريم وحده تعاين بالثانيه ونفرك ايدينا ببعضهن
هدآم فتح الباب ودخلنا امشي وكلي ارجف شبييّه
هلال وماما آيدا هم دخلن ويانه وانسد الباب.
مشينا وياهن وگعدنه كلمن بصف ثاني. أريم بصف أبيل واني بصف إيمار. هلال وهدام همه الشاهدين على عقد أبيل وأريم. أما عقدنا احنه عمو أيهم وماما آيدا اعتقد يشهدون.
شهل موقف الصعب استحي احرك حدقة عيوني لا يحس عليّه اسرق النظرة انوب هو يعاينلي براحته.
الشيخ بلش ويا أريم وأبيل. حركت راسي اعاين بيهم خل اشوف شلون يتم العقد. أريم فتحت القرآن على وحده من صفحاتها تقرأ بصوت ناصي. والشيخ يحچي ويا أبيل.
بهل اثناء دخل أبويا للصالة عمو أيهم الگال ليش عفت الديوان وگمت گال اشتر گاعد وياهم. وگعد بالجهة الثانية بصفه، همه گدامي اشوفهم يتهامسون بس هذا اللي بصفي شلون اشوفه. تشجعت وحركت حدقة عيني لليسار من شفته ينظرلي وشافني احاول اسرق نظرة. ابتسم
لا هذا ناوي عليّه على شني يبتسم. انوب قرب راسه همس كلمة باللغة التركية بس ما فهمت شگال. هنا درت وجهي اسمع أريم تگول للمرة الثانية
أريم: نَعم وأنت وكيلي.
هدآم وهلال شهدوا على العقد والموجودين عمو وبابا وماما آيدا يباركون ألهم، أنوب الشيخ اندارلنا يريد يعقد هلال اجت خلت القرآن بحظني فتحته على سورة الفتح. گالت اقريها. دا اقرأ السورة و دخل عمو اشتور للصالة.
الأشتر: ول خااالي العقد ما يتم بليّاي
الباشا: يگول الأشتر گاعد وياهم. الأشتر لاحگنا لهنا!
الأدهم: خل انطيك ياها من الآخر آنا وايهم نشهد.
الشيخ يگللهم خل نعقد اني مستعجل ورا طريق طويل وعمو اشتور يرد على أبويه
الأشتر: على گص نحري تشهد بليّاي. هايه طرگاعتي.
الباشا: اشتر ما تجوز من سوالفك! خل الشيخ يعقد ويمشي
الأشتر: لا ما جوز. الشيخ ما يعقد إلا بشهادتي.
الأدهم: التاريخ يعيد نفسه بيوم عقد قرانكم هم سوا هيچي ما خلاني أشهد!
الباشا: يعني شسويله شيب راسي بسوالفه.
الأشتر: ذكرتوني بِ بنية الحجي شهدت وياي.
آيدا: بيومها گالت إبتسامته çook güzel.
الأشتر: ول خااالي هي الچووك گوزال. بنت الچوك گوزال
الأدهم: ها خيّه أمل، فوتي خيّه
وسع عيونه وبسرعه اندار واتنفس الصُعداء
اصلا الباب مسدود
الأشتر: درهم مالك چاره. دنطيني مجال يلا
الشيخ كضاها الإستغفار بسبب عمو اشتور. اللي گعد بين عمو ايهم وبابا، عاينت بيهم شحلاتهم رجعو مثل قبل وعمو ايهم يگله شوكت تبطل سوالفك.
أنوب اعاين بأريم تعدل الشال على شعرها وذايبة من الخجل من أبيل يقرب راسه يحاچيها بالهمس!
الشيخ بلش يعقدلنا واني اقرأ سورة الفتح وارجع اعيده
گلبي يريد يطلع من بين ضلوعي. من عقد گال انطي الوكاله. آني ماخذتني الصفنه والسيناريوهات تترتب بدماغي. رجع گال بنتي اذا تقبلين گولي نعم وانت وكيلي.
اريد انطي الوكالة صوتي ما يطلع واحس كلي ارجف هاي شبيّه لو ابالغ بالتوتر.
سيرا: نعم وأنت وكيلي.
بنيتي علّي صوتچ.
سيرا: نَعم وانت وكيلي.
باركنا بإتمام العقد وعمو اشتور انطا الشهادة اول واحد وابويه بعده. گام واجاني خلاني اگوم، حظني بكل حنية
گدام ابويه اللي گال
الأدهم: هاك استلم گمز وحط روحه بالأول.
الأشتر: انطيتك قطعة من روحي أمانة يمك اطيح حظك لو تزعلها.
گال بعيوني هيّ واحس اريد اضم روحي بحظن اشتور أكثر وأكثر من الخجل، يبوووو ابن الگُمرية يخليني بعيونه.
اجا ابويا سحبني لحظنه ويباركلي انوب هو هم يوصي إيمار عليّه. وأريم تعاين بينا عبن ما گامولها مثلي. هنا عمو اشتر راح لأريم عاملها بنفس الحنيه وبنفس الكلام
يوصي أبيل عليها. ابويا وراه بكل خطوة. كأن يريد يصير بحنية عمو اشتور ويعوضنا عن السنوات الماضية!
البقية باركولنا وماما آيدا يم عمو أيهم الوصاها على شي وهي هزت راسها ب اي. طلعو بابا وعمامي ويا الشيخ. واحنه البقية طلعنا للصالة الچبيرة البيها النسوان.
البنات چانن مجهزات كلشي بخصوص تلبيس المحابس
اجينا وگفنا وكلهن يهلهلن. حسيت ايده تلامس إيدي ومن بعدها شبك اصابع ايدينا ببعضهن. هلال و ودق، كل وحده جايبة الگاتو المكتوب اسامينا عليها. وهلاهل النسوان بالصالة ما تنخفض
تبادلنا تلبيس المحابس واجا لحظة نگطع الگاتو
أريم أبيل كملوا واكلو. واحنه واحد يعاين بالثاني امه گالت
شمنتظر يلا. وهو تقرب مني لزم إيدي والسچين بيها.
إيدي بين إيده ترجف وودق گدامي ترفعلي حواجبها گوة خلتني اضحك من التوتر
سيرا: ههه شبييچ
وهذا الثاني ابتسم على ضحكتي وگال بأذني
أنتي الشبيچ ترجفين.
نظرتله بطرف عين وهو شد إيده على إيدي گطع الگاتو
الحوالينا يصفگون واني سارحة بملامح ابن الگمرية
اكلنا من الگاتو والهلاهل زرفت طبلة اذنا.
اجا وتن وجه ما يگصه سيف عبن عمو اشتور گال شعندك تطب بين النسوان اگعد بصفي. اجا نادا عليهم گال ارجعو للديوان، إيمار عاف إيدي وراح وياه. أبيل دگ موبايله الچان عالميز. شلته چآن رقم مجهول. انطيته
سيرا: أبيل موبايلك يدگ
انطيته وهو شاف الرقم سبه وگال خل اشوف تاليها وياك
عاف أريم وطلع يحچي بالحديقة.
أريم: منو خابره؟
سيرا: رقم مجهول.
أريم: هسه يطلع ابو الأسكوت يباركله.
وافقتها الرأي وگعدنه ويا النسوان لحدما صار وگت الكل يمشون. عزّهَ وعزام اول أشخاص گالو نروح
رحنا للمطبخ يم الباب الخارجي اجا عزام باركلنا اني وأريم. اخذ عزّهَ وراحو. ومنا نسوان العشيرة گامن يطلعن حته حبوبه وعمة امل طلعن
بعدما حظناهن ونبوس بيهن. كلهم صعدو بالسيارات
وأغلبهم مشوا. بقينا احنه وبيت عمو الباشا ويا عمو اشتر
اجت ماما آيدا باركتلنا مره ثانيه وثالثة. حيل فرحانه بينا.
وتگول هذوله مثل ولدي. سايرناها عبن حالياً ما تتذكر
طلعت وهلال وياها. احنه دخلنا للصالة ما لحگنا نگعد
اجت هلال مبتسمه وماما آيدا وياها هم رجعت
آيدا: خيّه نَدى بعد اذنچ أبيل يريد يشوف عروسته
هِلال: عمة بالديوان گال بس خمس دقايق
نَدى: يمعوده بنيتي بنيتكم وعروسته حلاله خل يشوفها.
اعاين بأريم احمرت من الخجل امي گالت گومي بنتي وهي گامت مشت ويا هلال.
أريم
مشيت وياهن خالة آيدا طلعت من البيت راحت للحديقه وگفت تحچي ويا عمو أيهم وعمو اشتر. أما اني ويا هلال
أريم: هلال شيريد؟
هِلال: ههه شبيچ خايفه غير عروسته ويريد يشوفچ.
هم صحيح بس ما ادري شبيّه خايفه فتحت باب الديوان گالت ابقى هنا انتظرچ. دخلت وما شفته بالديوان انداريت
شفت ظهره واگف فر المفتاح فرتين قفلها
ما ادري ليش تذكرت الصار بالمول وشلون قفل الباب علينا. اندارلي ونزع جاكيته عافه التُخم. ويتقدم.
بلعت ريگ ما اريد اخاف من نفس المشاهد الصارت قبل سنوات. حچيت بصوت گوة ينسمع
أريم: ردت تشوفني؟
تقدم بإتجاهي رفع أكمام القميص الأبيض وفتح اول دُگمتين
عاينلي فوگ تحت
أبيل: حيل لايگلچ الفستان.
أريم: ذوقك راقي وجميل.
تقرب حاوط خصري اخذ نفس من أسفل شحمة اذني وگال
الحب اقوال لو أفعال؟
تأتأت ببعض الكلمات المهم احچي وما أضعف
أريم: أفعل أفعال.
وفي بعض الأحيان يكون أقوال. أحبچ.
گالها وتفرد بملامح وجهي، فتحت عيوني احس گلبي يريد يطلع من مكانه طابگ جبينه على جبيني.
عاينيلي ليش ترجفين ومن شني خايفه؟
أريم: م ما اخاف من شي.
خانتني دمعة نزلت من عيوني نظراته تغيرت وهو يلامس تحت جفني
ليش تبچين؟
أريم: ما أبچي منو گال أبچي.
ابتعدت عنه اخذت كلينس عالميز. احاول انشف رموشي المتبلله بالدموع. انتبهتله يعاينلي بشرود. من نظرتله ابتسم طلع موبايله من جيبه وگال تعاي
أريم: لا ما اريد.
أبيل: شني ما تريدين وين تفكيرچ تعاي
اجا بنفسه حاوطني قربني منه رفع إيده والموبايل بيها في وضعية اخذ سيلفي
أبيل: ابتسمي صورة للذكرى.
فعلا ابتسمت من گلبي أبيل ما ينسى هاي العاده.
حظنته واحس گلبي بأمان وياه. نظرت للموبايل شاشته سوده بعده ما فاتح القفل. گال
جاهزه؟
أريم: اي بس اشو ما فاتح الكاميرا.
هسه افتح الكاميرا.
درت وجهي عود اعاين بالكاميرا من فتح القفل ببصمة الإصبع. أول ما فتح شاشة القفل. توگف الدم بعروقي
گال ناخذ صوره للذكرى. ويشوفني فيديو؟ وفيديو بالغرفة مال التبديل! حدقة عيني ما احركها والدموع بدأت تنهمر
اردف بصوت مخذول
في بعض الأحيان الحب أقوال مثلا لو حاچيتلي عن ماضيچ ويا ابن ياسين.
نظرتله عيوني مدمعه وحچيت
أريم: هو اتصل عليك، هو خابرك دزلك الفيديو؟
او چنت مثل الأطرش بالزفه.
لزمت إيده وهو ابتعد اريد احچي اريد أفهمه
أريم: انت تعرف شگد عانيت حته گدرت اتخطى ذيچ الحادثة عن عن شنو تريد احچي شلون احچي!
مسح على وجه بنفاذ صبر انطاني ظهره شويه واندارلي يحچي بعصبيه ويحاول صوته ما يعلى
مخااابرني يگلي مرتك عدهه ماضي وسسسخ ويا اخويه يگلي خلت اخوووويه مهووس بيها لحدما سودنته
أريم: ديييچذب أبيل لا تصدگه ديييچذب.
اعرف ياهو اصدگ وياهو ما اصدگ.
أريم: أبيل. احلفللك براس امي ماكو شي صدگ من كلامه آني ما خليته يسويلي شيي.
حظنت خصره وابچي بچي مال سنين
اما هو بارد رغم احتواني بحظنه
أريم: حاچيني لا تضل ساكت حاچيني أبيل، حاچيني عليك الله بغلاة امك أبيل احچي البگلبك
باس شعري بوسة عميقه وابتعد اعاينله وهو ساكت.
اريد الزم وجه ما يخليني
هنا حچينا وهنا انتهينا.
ابتعد شال جاكيته لبسه وزرر قميصه فر المفتاح فرتين وطلع. گعدت بمكاني اريد افهم الكلام هنا حچينا وهنا انتهينا شيقصد بهذا الحچي شني انتهينا!
ال عزّهَ
ثاني يوم عقد قران خواتي گعدت من النوم اتذكر تفاصيل
البارحه بالليل شگد چآنت ليلة حلوة والأهم عمامي رجعو
مثل قبل بدون خلافات. طلعت للحمام سبحت وطلعت، بدلت
حته انزل جوا انفذ اللي اتفقنا عليه. كملت لبس. طلعت الملفات. ولاحظت عزام تارك بطاقه كاتب عليها جسار راح يسألچ عن ليلة البارحه
عزّهَ: الموضوع يمي.
عفت البطاقة ورتبت الأوراق شلون ما أريده
نزلت جوا هم زين لگيت عمة سجى بالصاله رحت.
صبحت عليها وگعدت وياها احجيلها شتسوي
عزّهَ: نستغل الموضوع انعزال بتراء بغرفتها لصالحنا
بهاي الحالة يستعجل بالتوقيع بدون لا يدقق.
سجى: بس گُليلي شوكت ادخل؟
عزّهَ: لمن أگول دقق بالورقة الثانيه اذا تريد
سجى: تمام گومي فوتي.
فعلا گمت رحت وگفت يم الباب وهي وراي دگيت الباب وگال تفضل. دخلت مع ابتسامه تسليكيه
عزّهَ: صبآح الخير عمي.
جسار: أهلا أهلا صار بيها صباحات وخيرات
عزّهَ: اي شكو بيها نصبح على جدو.
يفتر عقله بهل كلمة هلگد فرحان راح يصير جد.
ابتسم وگال
جسار: اگعدي خل اشوف
گعدت وهو يدخن يتمعن بنظراته كأن توني ألاحظ هل نقطة المشتركة بينه وبين عزام. قدمت الملفات
عزّهَ: بعد نص ساعة عندي اجتماع واجيت اخذ توقيعك على بعض المستندات.
جسار: ليش ما تاخذين توقيع عزام وتمشيها.
عزّهَ: هو رافض يوقع على المستندات رغم يعرف شگد مهم للشركة. ف اجيت اخذ توقيعك اكيد ما ترفض. بس قبلها دقق بيها.
طبگها وسألني بدون مقدمات.
جسار: ابوچ أكبر غدار
عزّهَ: صحيح.
جسار: غدر بياسين حته يرجع علاقته بأخوانه
عزّهَ: ما استغربت. واعرف بشني تفكر. اي اني خليت عزام ياخذني عبن هذني خواتي. لا يُمكن اتخلى عنهن
هز راسه وما حچا. شال القلم وفتح الملف يدقق بأول صفحة ويريد يقلب على الصفحه الثانيه حچيت
عزّهَ: دقق بالورقة الثانيه اذا تريد.
جسار: هو هيچ
ما أخذ ثواني ودخلت عمة سجى مصدومه من مواهبها مصفرة والخوف مبين من ملامحها
سجى: جساار بتراء شبيها؟
عزّهَ: بقى ربع ساعة عالإجتماع عمي وقع خل امشي.
جسار: دقيقه. شبيها بتراء؟
سجى: ما ادري.
عزّهَ: عمي الإجتماع مهم لو سمحت ركز بالملف ووقع.
اشو فتح القلم وبلش من اول ورقه يوقع ويحچي ويا عمه سجى مبين من صدگ قلق عليها.
جسار: حچيتي وياها، جاوبتچ؟
سجى: اي بس تگول ما اريد.
نظرلي واني أگلب الصفحه
جسار: ضل شي ثاني؟
عزّهَ: هنا اخر توقيع.
وقع بسرعه وگام.
جسار: امشي نشوف شبيها متأكده جاوبتچ؟
سجى: اي بس قافلة الباب.
همه طلعوا واني طلعت من البيت كله فورا التقيت بناجي
انطيته الملف بقت يمه. باقي ساعات اليوم خلصتها بين الشركة والمحاسب. وعزام بالميناء يساعد هدآم بشغلهم
رغم تحذيرات جسار اله. أكثر من مره يگول اذا ما تبطل تروحلهم ما يصير خير
يطنشه ويرجع يروحلهم يتفقد الحسابات المالية الخاصة بشركة الشحن البحري الدولي، رديت للبيت واحس أكو شي غريب. أصوات جايه من الصالة. انطيت جنطتي للمساعده
عزّهَ: سدرة منو جاي عدنه؟
گالت ما تدري. رحت بنفسي اشوف اشو بلقيس نزلت من الدرج تحذرني
بلقيس: ويين ويين.
عزّهَ: انتي ما عليچ!
فتحت باب الصالة ودخلت اتصنمت بمكاني اشوف الشيخ گاعد بصف على سَند. بتراء گاعده ورافعه راسها بوجه على سَند اللي. كل دمارات وجه واضحات عيونه محمره اخويه الما يوم شفته مكسور اليوم اشوفه مدنگ بصوت مليان خيبة گال
أنتي طالگ.