رواية ولد الباشا للكاتبة فاطمة الأحمد الفصل السابع والخمسون
ال عزّهَ
رديت للبيت واحس أكو شي غريب. أصوات جايه من الصالة. انطيت جنطتي للمساعده
عزّهَ: سِدرة منو جاي عدنه؟
گالت ما تدري. رحت بنفسي اشوف اشو بلقيس نزلت من الدرج تحذرني
بلقيس: ويين ويين.
عزّهَ: انتي ما عليچ!
فتحت باب الصالة ودخلت اتصنمت بمكاني اشوف الشيخ گاعد بصف على سَند. بتراء گاعده ورافعه راسها بوجه على سَند اللي. كل دمارات وجه واضحات عيونه محمره اخويه الما يوم شفته مكسور اليوم اشوفه مدنگ بصوت مليان خيبة گال
أنتي طالگ.
بلعت ريگي فعلياً اختل توازني من صدمة المَشهد.
شدَيصير! شني اتصرف شحچي شكول، ما اگدر اتصرف وجسار گاعد وياهم هسه ننكشف. عفت يَدة الباب بقِلّة حيلة. جسار انتبهلي والشيخ أنهى كلامه وگال تم الطلاق.
جسار: وأخيرا بنتي تحررت من قيود اخوچ.
عيوني على أخوية المدنگ ونظراته مليانة خيبة وضياع
قويت گلبي وحچيت
عزّهَ: وَ رُبما العَكس.
جسار: العَكس؟
حوَّلت نظراتي ل بتراء اللي متأنقة على اخر حبة ومخلية مكياج سموكي ويا روج احمر. نظراتها حاده وقوية.
مستحيل الگدامي تكون بتراء هاي إنسانة ثانيه إنسانة نسخة من جسار.
بتراء: قصدچ تحرر مني؟
ليش چنت مروضة اخوچ چنت مخلية زنجيل برُگُبته؟
عزّهَ: ااحچي عدل.
جاوبتني واندارت حچت ويا على سَند
بتراء: وإذا لا شتسوين؟ وانت شكو باقي گوم اطلع.
عزّهَ: بترااء!
جسار: عزّهَ لا تتدخلين. گوم اطلع مره وما عندك يمي اااطلع.
گام شال موبايله وحچا وياها
علي سَند: من هسه لياليچ تطول وما تخلص.
بتراء: كلام مؤثر بس مع الشخص الخطأ تندل الباب؟ وتطلع لو نشمرك احنه.
اريد استوعب بتراء شسوت شلون گلبت الطاولة علينا شلون غدرتنا هيچي غدرة! تقدم وگف گدامها وهي مخلية عيونها الحاده بعيونه الذبلانة!
علي سَند: مثل ما حبيتچ حُب ما ينفهم اگدر اكرهچ كُره ما ينفهم! طلاگ المحكمة ما تحصلين ما اخليچ حُرة قانونياً.
بتراء: هُرااااء. ناقص تگول بصوت مخذول
الينام زعلان يگعد يتغير. اطلع برا ااااااطلع براااااا اااطلع.
الشيخ لملم اغراضه وطلع بسرعه!
و جسار گاعد يشاهد بكل برودة أعصاب مستمتع! أما آني عاجزة اوگف بوجهها! وهي تدفع بصدره ليم الباب
رجعت دفعت بصدره وهل مره لزم إيدها وگفها
قربها منه، حچا الكلام طالع من عُمق روحه المخذوله!
علي سَند: الينام زعلان يگعد متغير حيل متغير مستعده تحترگين بهل شرارة الشعلتيها بينا؟
بتراء: آني احترگت لحدما انطفيت لو تصير بُركان وتغرگني بعد ما تگدر بعد تلچمني.
بقى يعاين بيها لثواني نظراته تختصر الف حچاية گال بصوت مقهور
علي سَند: بس فهميني شچان ذنب الروح البريئة؟ شلوون گدررتي تگتلييه!
بتراء: ذنبه اااانت أبوه. عوف إيدي على سَند إيدك آني أُحرم عليك.
ضل يخوزرها وعيونه ذبلانة من القهر والخذلان، ما عاف زندها بتراء بنفسها سحبت إيدها وهي تحچي.
بتراء: مثل ما بترت على سَند الأول ابتر على سَند الثاني والثالث والي بعده وبعده. بعد لا انت ولا عائلتك ولا امك تعنيلي شي كُلكم ما تعنولي شي كُلكم.
ابتعدت عنه وگعدت بصف جسار خلت إيدها على إيده
بتراء: مَا عدى رجال واحد وهو تاج راسكم.
فزيت بشهگة لمن دفر الميز الزجاجي وانكسر. اعصابه نار و هو يحچي
علي سَند: جواااا قُندرتي هيچي تااااچ جوا قُندرتي بنت الكلببببب.
جسار: لا انت رايد تطلع مگتووول، راشد تعاااال.
علي سَند: دِجيييبه خل اانعل ااابو الجابه
رحتله اعصابه بارود ما يتحاچى خاصة بتراء وهي تشوفه بهل حالة تبتسم. لزمت زنده وحچيت
عزّهَ: اطلع ونحچي برا. على سَند اطلع كافي صار الصار وانتهيتو
اجا ايده اليمين لجسار راشد . گال تأمر
جسار: انت والشباب تاخذونه تشمروه برا المنطقه كُلها
عزّهَ: عمي! هسه يطلع ماكو داعي تنطي أوامر.
علي سَند: خل يأمر خله.
عاين بيها وآني گوة متشبثة بزنده ما أريده يتقرب منها ومن جسار.
علي سَند: وحق كُل لحظة تلهفت عليچ بيها. لدفعچ الثَمن غالي.
بتراء: ارجع واگول أعله ما بخليك اركبه.
جسار: لخاطر اختك ما خليت زلمتي يتدخلون!
بس اذا ما ناوي تطلع برجليك، احچي!
علي سَند: الليلة طالع بس مَلگانه بالمحاكم. ارجع الشركة
وفلس ينطح فلس اخذهن من بين عيونكم وعليها فايدة.
وطلاگ بالقانون ما اطلگ لو تموتين.
بتراء: شيطلع بإيدك سويه. وآني اسوي كلشي حته اخذ الطلاگ القانوني!
ما جاوبها نتر إيدي وطلع من الصالة.
رحت وراه انادي عليه ما جاوب. طلع من البيت كله صعد سيارته وراح
اخذت السويچ من السايق صعدت بسيارتي وطلعت وراه
بنفس الطريق مال البيت سيارة عزام مر بصفنا. من شافني ألحگ سيارة على سَند. افتر ولحگنا
ادگ هورن وعلى سَند ما يوگف وصلنا لنص المدينة والشوارع ازدحام ساعة بل 7: 30 المسا. ، عزام صار بصف سيارتي دگ هورن ورافع الموبايل عود جاوبي. شجاوب والموبايل عفته بالبيت.
ركزت على سيارة اخويه. زدت السُرعة واشوفه هو شلون يسوق بسُرعة جنونية! بين لحظة ولحظة فقد السيطره على سيارته، ضربها بعامود الرصيف، أصوات السيارات التدگ هورن تتعالى حوالينا، الشارع الرئيسي توگف والناس التمت بمكان الحادث
وآني اريد افتح باب السيارة وانزل بس ما اتشجع گلبي يرجف من الخوف ما گدرت الزم دمعتي عزام وگف سيارته گدام سيارتي، نزل من سيارته وركضلي فتح الباب يطمئن عليّه!
عزام: خوما بيچ شي حاچييني ما بيچ شي؟
عيوني تذرف الدموع واناظر على الحادث الصار گدامنا
عزّهَ: على سَند، عزاام على سَند شصار عليه.
عزام: هسه نشوف بس اهدي اهدي.
نزلت وياه من السيارة، نريد ينطونا مجال ماكو. الناس ملتمه يم سيارة على سَند. عزام لزم إيدي ونمشي بين الناس اللي تصور والي تحچي وقسم اتصلو على الشرطة والإسعاف.
وگفت بمكاني لمن شفت گزاز جام السيارة ملطخ بالدم ومطشر بالشارع. اعاين بالسيارة على سَند ماكو.
عزّهَ: وينه وييين اخويه عزام وينه
عزام: دقيقه بس افهم منهم.
ابو السيارة گال ما بي شي طلع من السيارة كله دم وراح منا.
اشر للسايد الثاني، والناس تحچي وتگول هذا مو بوعيه.
عفتهم ورحت بإتجاه السايد الثاني عزام لحگني ولزم إيدي يمشي وياي. عبرنا الرصيف لكن وگفت بنص الطريق اندريت وراي شفته گاعد وساند ظهره لشجره الزينه بالتقاطع.
جبينه ينزف وهو بين أصابع ايده جگاره يدخن
ويعاين بالسما. ركضتله كنبصت يمه احتاريت شسوي الزم وجه كله جروح وجبينه ينزف. تفحصت خصره وصدره ما عنده اي إصابة ثانيه. حظنته واحمد الله على كل حال، أبچي وعاجزة احاچيه عاجزة اواسيه بهل كسرة.
عزّهَ: خويه شوف شسويت بروحك.
عزام وگف يمنا واني احاچي على سَند
عزام: گوم وياي للمستشفى.
ما جاوبه يعاين بسواد هل ليلة ويحچي
خلصت عمري اسگيها تالي ما وَردت.
عزّهَ: عزام خابر عمو اشتر خابره خل يجي يلگالنا حل
لهل مُصييبة
عزام: حل ايش. على سَند گوم يلا خل ناخذك للمستشفى.
عزّهَ: شصار حته بتراء تغدر اخويه خلاهه بعيونه وغمض عليها بشني اذاها؟!
عزام سكت وما گال شي ابتعد يخابرهم. على سَند دار وجهه نظرلي ومسح عيونه اردف
ابوها ما سماها بتراء عبث.
عزّهَ: فدوه خل نگوم خل نگوم شوف وضعك عليمن مهضوم خل تولي تروح هي تجي اغاتها
اعاينله واصل مرحلة من القهر اردف وهو يبتسم بإستهزاء ويا كُل كلمة يُنطقها
الچنت اخاف تأذيها خزره من عيوني بچت عيوني. بيا عين اگابل روحي؟
تقربت حظنته وابچي. ما عندي جواب! عاجزة وبس الله القادر يبرد گلبه ويصبره.
عزام اجا يمنا وبإيده باكيت كلينس كنبص گدامه وما يحچي عن موضوع اخته. اصلا شيحچي اذا هو بنفسه انصدم مثلنا! طلع چم كلينس وينضف وجه على سَند من الدم لكن بنتر وشبه عصبي.
عزام: عمي الأشتر حچالي الصار بالشركه! شلون تمد إيدك عليها؟
علي سَند: گتلت الجنين شني اصفگلها اصفگلهاا؟
عزّهَ: إذا ضاربها فعاشت إيده.
عزام: گوم وياي الأشتر يحلها.
علي سَند: ايي تنلاص واشتر يحلها.
تعااال احچييييلي الأشتر شطلع بييييده؟ ولا شي
ناااايم ورجليييه بالشمممس نااايم وطااافي ما يدري بيها غدرت بينا. غدرتني من صدگ هل مره غدرتني.
عزام: رجال شگدك شكُبرك فارش عالرصيف وتنحوح
ها غدرتني وها كسرتني گوم لا اكمل عليك ابدال خيتي. شلون ابتلينا.
عزّهَ: شجاااي تحچيي مااا تشوف حالة اخويه ما تشوف شصار بي من ورا اختك الحيييية. دقيقة بس لا واگف وياها؟
عزام: انتي بظهر اخوچ وآنا بظهر اختي.
عزّهَ: اانت من شوگت توگف ويا الضالم ضد المضلوم؟
لو ناوي تصدمني بيييك مثل اااختك؟
نظرلي لثواني. وعلى سَند اصلا ما مهتم للنقاش الداير گدامه هو صافن بروحه وبجروحه. عزام اردف ببرود!
عزام: كلشي وارد. گوم وياي.
محد بينا جاوبه نظر لعلي سَند وعاط بصوت عالي العالم بالشارع اجونا
عزام: اااااااحااااچيييييك ما تسمع گووووم وياي
بلى اسمع
عزام: چا گوووم يلا
مد إيده لعلي سَند. واخويه خلى ايده بإيده استند وگام.
عزام سحبه وتحاظنو مثل الأخوه شويه وابتعد انطاه كلينس يخليه على جرحه
عزام: امشي نروح للمستشفى
علي سَند: بسيطة هسه اخلي عليها بلاستر
عزام: يا بلاستر ابني هذا ينرادله خياط. امشي
لزمت إيد اخويه مشينا سوية لسيارة عزام اللي صار يمشي بصفي حس عليّه ضجت منه. لزم إيدي وگال
عزام: شبيچ
عزّهَ: ما بيّه شي كلشي ما بيّه. شصار على السيارة!
عزام: خابرت وَتان وإيمار هُمه يحلوها.
عزّهَ: حته إيمار سلك نفس طريقكم.
عزام: شبي طريقنا ترا شغلنا سلميه واذا يعارضون جرة اذن نسويلهم.
عزّهَ: كله من راس عمو اشتر وعمو ايهم.
ما جاوبني واني بعد ما حچيت وياه، نظرت لأخويه گتله شلونك هسه گال
علي سَند: ليش شبيّه ما بيّه شي.
رحنا بسيارتي وعزام لحگنا بسيارته للمستشفى
سووله اللازم وخيطوله الجرح، عقموله الخدوش اللي بوجه وإيده. من كملوا أصر يرجع للبيت. راح عزام يوصله واني رديت بسيارتي للبيت.
نزلت وانطيت السويچ للحارس. بوجهي للبيت دخلت وبس عيوني تدور عليها اريد اشوفها اريد اللزمها اطيح حظ حظها.
عزّهَ: وينچ بتّاااارة.
سمعت صوت ضحكتها بالصالة رحت غاد بالباب شفتها گاعده وجسار محاوطها يشاهدون فلم اجنبي! اجت عيني على المزهرية لزمتها لزمة قوية وشمرتها بكل قوتي كسرت شاشة التلفزيون واندارولي بوجوههم الخايسه هو وبنته
عزّهَ: گااااعده تشاهدين افلااام واخويه إلا شوية يموووت بحااااادث من ورااااچ؟
تعاينلي وتعاين بجسار حچت
بتراء: اخوچ مخبل عقل ما عنده شنو بسببي!
عزّهَ: اااخويه بسببچ تخبل على روووحه.
جسار: مو چنچ بالغتي. لو؟
عزّهَ: لو شنييي لو شنييييي هذا اااخويه بسبب بنتك سوا حادث شني متوووقع اتبرأ منه انسى عندي ااخ؟
جسار: لا طبعاً. ما گلنا تتبرين منه. سجى وينها خل تجي تخاذج لغرفتج ارتاحي وان شاء الله خير بمأنه بنتي صارت حُرة ومو على ذمة اخوچ المخبل.
بتراء: عوفها خل تولي. طاح حظها اجيت أگول خل نكمل الفلم. بس بنت الفُگر كسرت التلفزيون. خل اگوم على غرفتي احسن
گامت تريد تطلع لزمت زندها رجعتها گدامي
عزّهَ: دقيييقه دقييقه ياهي بنت الفُگررر ياااهي؟
بتراء: هرمونات الحمل صاعد عندچ. خالة سجى تعااي اخذي چنتچ المخبلة مثل اخوها.
عزّهَ: ياااهي مخببببلة ولچچ.
اول مره اسويه وامد إيدي على إمراة مثلي، بس وصلت حدها. جريتها من شعرها للصالة وبتراء ساكته! ما تگول شي بس تريد توخر إيدي اما جسار ما يتدخل بالعكس اشو گعد يدخن على منظرنا
بتراء: لا تخليني اندمچ ونزلي ايديچ عاد.
عزّهَ: ها بتّاااارة بلعتي لسااانچ؟ بهل سُرعة نسيتي ماضيچ؟ 16، 18 سنة چنتي أسيرة بين أربع حيطان
بنننت الفُگررر ااانتي بنننت الفُگررررر.
ثواني فاصلة بين كلامي والراشدي الفر وجهها فر وبعد ما تطفى نار گلبي على كسرة اخويه. اجت عمة سجى
ومنا عزام هم دخل البيت شافني ضربت اخته.
بتراء رفعت وجهها ايدها على خدها مصدومه عيونها تلمع بالدموع.
سجى: عوفييهاااا شبييييچ
عفتها وآني أبچي كلما اتذكر حالة اخويه أبچي وما ادري شلون هيچي مديت إيدي على إمراة مثلي بس بنفس الوقت ما متندمه عبن هل أنسانه اذت اخويه!
عزّهَ: ااالخلاچ بعيونه وغمض علييييچ بچيتي عينه.
تدررررين شني يعنيييي بچيييتي عينه لچ اخويه الما يوم دنگ راسه يدنگ گدامچ يددددنگ وعيونه مكسوره من عيينچ؟ لچ شنييي من بشرررر انتي شنييي؟
اجا عزام لزمني، هي واگفه ورا ظهر عمة سجى وما تحچي بس صافنه. وعزام يريد نصعد لغرفتنا
عزّهَ: شوفي شسويتي بينا. شوفي وضعنا بعمري ما تخيلت أمد إيدي على إمراة مثلي شلون دمرتينا ودمرتي اخويه شيطفي نار گلبه شييييخلصه الليلة شييييخلصه؟!
عزام: عزّهَ خل نصعد فوگ نحچي.
سجى: ابني أخذها على غرفتها هي تعبانه وما تعرف شسوت
عزّهَ: ما تعباانه اااني گلبي انمررد على اااخويه
ااشو ساااكته البتراء ساااكته بَتَّارة اخووويه.
عزام: كاااافي تحچيييين واااامشي.
حاوطني رغم عني ومشاني للدرج وصلنا للطابق الثاني بتراء لحگتنا مرت بصفنا وهي تمشي لغرفتها وتحچي بصراخ
بتراء: مخببببلة بنت المخبببلة مررريضه.
دخلت على غرفتها ورگعت الباب اسمع صوتها وهي تگول.
عزّهَ: اطب علييييچ ااانعل ااابو الجاااابچ وسلطچ عليناااا
بتراء: جهنم يلفكم ولد الدرررهم وبناااته.
عزام جرني وياه لغرفتنا دخلنا، رحت گعدت على طرف الچرباية مدنگه وابچي سكته. نار بصدري على اخويه. رفعت راسي شفته سد الباب واندارلي
عزّهَ: مالك حق تحاسبني على اي كلمة حچيتها على اي تصرف تصرفتها. ماالك حق واذا تريد تحاسب تروح مثل الخووش اخو تربي ااااختك خوووش.
نظرلي بطريقه غريبه وابتسامة السُخرية على ملامحه.
عزام: من شوكت تمدين إيدچ. وعلى إمراة مثلچ مو انتي ضد عنف؟
عزّهَ: لا تخليني اتسووووودن على ااااختك واطب الغرفتها اخليها تحضرررر.
عزام: تجي الدورية تاخذچ وتخيسين بالسجن
و كفالة ما ادفع.
عزّهَ: ااانت شبيييييك تريدني اتسووووودن عليييك
ماااكو شي يضححكك
عزام: وضعچ يضحك شوفي روحچ شمسوية گومي اخذيلچ راشدي من هل چهره گومي.
عزّهَ: اااگوووم قااابل ما اااگوووم.
مسحت عيوني بنفسي ما ادري شسوي گمت رحتله.
وگفت گدامه هسه هذا شحچي وياه طلعني من طوري
عزّهَ: احترم شيباتك وما أمد إيدي عليك.
عزام: لحظة شگلتي
عزّهَ: احترم شيباتك.
تلامس شعر راسه ولحيته الخفيفه
عزام: منينلي شيب وحق الزهراء لو اشيب
اشيب من وراچ.
اعاينله يبتسم هو احنه بحال تحشيشاته. وآني بنفسي ما ادري شبيّه كلمة والثانيه اگوم أبچي.
عزّهَ: انطيني مجال اروح احچي وياها اريد اعرف ليش هيچي سوت بأخوية عزام انطيني مجاال أطلع.
لزم إيدي سحبني لحظنه يبوس بشعري وگال
عزام: اهدي شبيچ تبچين.
عزّهَ: شبيّه أبچي؟ روح اسأل اااختك شسوت بينا وبأخويه
عزام: يطبه عرج ما گلناله يحبها.
عزّهَ: عزاااام.
عزام: عيونه.
عزّهَ: وخر خل اطلع.
ابتعدت عنه وهو گدامي ساد الباب لزم إيدي وگال نحچي بعدها اطلعي. گعدني عالچربايه وگعد بصفي
عزّهَ: احچي شتريد تحچي.
گال بحيِرة من وين ابدي وبلش يحچي.
ال بتراء
صعدت للطابق الثاني بعدما عزّهَ عبرت الخطوط الحُمر وياي لدرجة مدت إيدها عليّه!
بتراء: مخببببلة بنت المخبببلة مررريضه.
دخلت للغرفة، رگعت الباب بقوة حچيت وهي برا تسمعني اكيد
بتراء: جههههنم يلفكم ولد الدرررهم وبناااته
عزّهَ: اطب علييييچ ااانعل ااابو الجاااابچ وسلطچ عليناااا.
اختفى صوتها بعدما حچت رحت للباب فتحته بهدوء ونظرت من شق الباب خيط رفيع بس عيوني تبين. ما شفتهم بالممر. اكيد طبوا لغرفتهم سديت الباب بهدوء فريت المفتاح قفلته وانداريت. اوزع نظراتي على حيطان هل غرفة
بلعت ريگ وبديت نزع الاكسسوارات اللي لابستهن.
فتحت حزام ساعتي ووگعته يم رجلي، الخواتم نزعتهن وشمرتهن كذلك. باوعت بالأسوار الجابها أبويه أسوار فضي وبيها احجار الألماس. تلامستها واحس اصفاد محاوطة ايدي. استرجعت بذاكرتي قبل ثلاث ايام
Flash Back.
اريد افهم اشتر ليش گال روحي وياه بهل محل احچيلة المطلوب. وليش جسار تركني گاعده هنا وهو دخل لمكتب صاحب المحل!
باوعت بالمكان محل مجوهرات وماركة معروفه، باوعت بالشاب الواگف بمكان المحاسبة. نظراته غريبة لابس كمامه وشفقة سوده منزلها على عيونه
درت وجهي واحاول ابين روحي طبيعيه ما ادري جسار ليش جايبني لهنا. عمو الأشتر ليش گال احچيله هنا! شويه وطلعوا هو وصاحب المحل يتناقشون وابو المحل يگله
لا سيد جسار ماكو اي خطر ولا تتأذى
اجاني وگعد بصفي ابتسمتله، حچيت
بتراء: ليش جبتني لهنا.
اخذ نفس من جگارته وگال هسه تعرفين. عيني على لزمة العكاز وخاتم رأس الدُب اللي بأصبعه نسخة من رأس العكاز، من فتحت عيوني على الدنيا اشوفهن وصرت لا إرادياً اتوتر بشوفتهن. بس استقويت واحاول اكون هادية بدون انفعال
اجا صاحب المحل وجايب رجال لابس نظاره غريبة شكلها. شايل بإيد سطح خشبي عليه أسواره تصميمها مميز
والإيد الثانيه جنطة سوده! صاحب المحل عرفنا عليه
مُصطفى الصمم الأسوار.
بتراء: اسوارة شنو.
جسار: أسوارة مُصممة خصِيصاً ألچ وهدية مني.
گلبي ما مرتاحله مع ذلك حاوطته وگلت بإعجاب
بتراء: أووو بابا حبيبي مااله داعي وجودك بحياتي
وتعويضك عن السنين الماضية هذا اجمل هدية.
نظراته متغيرة ناحيتي احسه دائماً شاك وما واثق لكن ابتسم وگال ببرود
جسار: الأسوار دائمي يحسسچ بوجودي وين ما تروحين يذكرچ بيّه
اجا الرجال گعد گبالي عاف الأشياء گدامه ويرتب بالأجهزة الجايبهن واني ما افهم شنو دائمي!
بتراء: لحظة شنو دائمي.
يا آنسه أسوارة دائمي هسه تشوفين وتعرفين. لو سمحتي ضروري تنطيني ايدچ
خاف مخلي بيها مايك تجسس او تعقب او اي شي
مستحيل اثق بي، الرجال راد يسحب إيدي بنفسه!
بتراء: لحظة. لحظة ممكن تعوفونا نحچي على انفراد.
تمام يا آنسه
ابو المحل والخبير عافونا بوحدنا حته الشاب الچان واگف بمكان المحاسبة راح وياهم. انداريت لجسار. احچي لو ما احچي. اخطي هاي الخطوة نَحوا الهاوية لو ما اخطي
جسار: ليش صافنة!
نظرتله بعدما رتبت أفكاري تقربت لزمت إيده وحچيت بدون اي تردد، لا إراديا عيوني انترسن بالدموع
بتراء: بابا اريد احچيلك سر كُلش خطير سر ممكن يعرض حياتي للخطر بس لازم احچيها ما اگدر اغدر بيك
نظرلي كأن وأخيرا راح يسمع المُنتظر! معقولة چآن كاشفني!؟
جسار: احچي وما يصير الا اليرضيچ ويرضني.
بتراء: بابا هاشم وبيت الباشا هددوني ياخذون ابني. اني حامل و هُمه استخدمو الجنين ورقة ضغط ضدك.
وسعن عيونه بس ابد ما حسيت مصدوم.
بتراء: بابا ليش ساكت احچي الله يخليك انت أملي الوحيد ساعدني لا تخليهم ياخذون هذا الجنين مني ما اريد اخسره. هو ماله ذنب اريده بابا احچي الله يخليك.
أشر بإيده بمعنى اهدي. عيوني على خاتم راس الدُب. شلون يفر بيها ويفكر. بچيت واني احچي.
بتراء: يحركوني مثل حجر الشطرنج، بتراء احچي هيچ، بتراء سوي هيچ، الأشتر هددني گال سهل ناخذ الطفل منچ وننطيه لأم بديله تحمل بي هييچ گلي بالحررف الواااحد وخاف ما تصدگني سجلت صوته لمن رحت گااابلته دقيقه دقيقه اطلع موبايلي وادور على التسجيل.
أبچي وشهگاتي تتعالى من صدگ خايفة هل خطوة تخلي النُقطة بآخر سطر من قصتي ويا على سَند. طلعت التسجيل وشغلته شويه نصيت الصوت وانطيته يستمع للأشتر.
ما اتعاجز إهسه اخلي زلمتي ياخذونچ للمستشفى مالتنا
الأم البديلة جاهزه وكل أوراقها تمام. تنفذين كلامي خير على خير. ما تنفذين الگتلچ عليه. ذُرية ابن اخويه ما يكبر ببطن سَليلة من نسل فاجر.
بتراء: قبل شهر راجعت عند الدكتوره النسائية والاشتر چآن مراقبني من عرف بيّه حامل. هيچ تصرف سمعتتت شيگووول هذا تهديده وهسه يريدني انطيهم الشركة وكل الأملاك اللي انت كاتبهم بأسمي!
افترعقله اعتقد مجاي يستوعب المكيدة اللي وگع بيها.
جسار: كافي تبچين.
تقربت حظنته احچي وابچي
بتراء: خلاني اوگف ضددددك گالي اغدريييه. بابا ما گدرت، ما گدرت اغدر بيك ما بقالي غيرك انت وهذا الجنين، ما ضعفت ولا گدرو يحرظوني عليك. اني اني بشهر واحد اخذت الأملاك والشركة منهم وقلبت الطاولة عليهم. و هُمه تخبلو يهددووني ياخذون الجنين منييي شسوووي گُلي شسوووي.
سكتت وهو هم ساكت. رجعت احچي بنفس الطريقه.
بتراء: حقك تشك بيّه وتخلي شي مايك جهاز تعقب بالأسور بحجة هدية، حقك
جسار: كافي تبچين. والأسوار من صدگ ما بيها شي فقط اسورا وردت اهديها ألچ
بتراء: زين گُلي شسوي هسه شسووي اكيد انت ما واثق بيّه وحقك ما تثق. بابا لا تعوفني بين ايديهم لا تخليهم ياخذون الجنين مني.
جسار: ما يضل جنين حتى ياخذونه.
فجأة وگفت عن اي تصرف، عيوني متحجرة اباوع بفراغ شلون يعني، أريده يساعدني ويحميني مو هو ياخذه مني! ابتعدت عن حظنه وحچيت
بتراء: مستحيييل اجهض الحمل مستحيييل
جسار: چآ يضل نُقطه ضعف!
بتراء: انت گول كرهتني وكرهت الجنين ماكو داعي تشوووه الصراحه. بحجة نقطة ضععف
عفته وگمت بس هو گام ما خلاني
جسار: بتراء ارجعي لمكانچ. ما كملت كلامي.
انداريت ورجعت گعدت بقِلة حيلة امسح عيوني.
منتظره يحچي لكن هو صاح على الخبير وابو المحل
گللهم خل يجي يشدلها الأسوار
بتراء: يا اسوار احنه بيا حال! انت حل مُصييبتي
جسار: عندي الحل لسالفتچ. واجينة لهنا چا غير تاخذين هديتچ. وعلى هل حچي والصراحه تستاهلين أكثر من الألماس.
اجا الخبير وگعد گبالي سحب إيدي گال بيا إيد تلبسين الساعة گتله باليسار. گال
تمام هذا الديزاين ينلبس خلف الساعة
خلا لزگة سوده سُمكها ونوعها غريب.
لزگها حول مِعصم إيدي وجاب جهازين يشتغلون على الكهرباء أجهزة رفيعة شكلها شكل قلم. بس قلم چبير يعني أكثر من هيچ عاجزة اشرح شكله و الرؤس مالتها غريبه
شال الاسوار شوفني ياها
جميلة جدا وتصميم خاص مخصوص ألچ.
جسار: انطيها تشوفه وتتأكد
أخذته من ايده اتفحصه الأسوار عبارة عن سلسلة كرستال من الجانبين وبالنص بيها احجارالألماس احجار حجمها صغيره ومتوسطه. گلبتها تگلب مابيها شي ولا تثير الشكوك. انطيته وگال خل ابدي.
بتراء: شنو تبلش واذا احترگت بهل قلم؟
جسار: دير بالك بس هل بنيه عندي. إذا تحرگها تحترگ بگاعك
هه لا سيد جسار شني احرگها هذا شغلي.
اجا شاب يساعده الاسوارة حاوطت معصم إيدي والشاب لزمله طرفين الأسوار. قربهن من بعض والصايغ الخبير
يلحمها بهل جهازين اللي لازمهن. من كمل، شال الاسق الأسود وايدي بين ايده لازم معصم إيدي بطريقه كأن يتحارش
مبارك عليچ الألماس للألماس.
شگد ما يستحي من الاول ما ارتاحله سحبت ايدي من إيده
وگمت ويا جسار اللي طلع بطاقته وانطاها للمحاسب كتبله الرمز. شوية والمحاسب رجعها
المبلغ الموجود بهاي البطاقة ما تكفي عندك بطاقة ثانيه؟
جسار: البطاقة بيها فلوس تكفي اشتري بيها المحل كله. ارجع تأكد.
هسه نشوف.
صدمني برده على جسار هذا ما رايد روحه بس حظه حلو ابو المحل تستر عليه وگال محاسب جديد ما يفهم. رجعها مره ثانيه ويكرر يخلي الرمز.
البطاقة ما بيها أكثر من ربع مبلغ الأسور
اوزع نظراتي بينهم واعرف هذا نتائج خطة عزوزة ووسن اللي عرفت بيها من فتره. تقدمت طلعت بطاقتي من الجنطة انطيته
بتراء: كمل المبلغ من بطاقتي، يمكن ابويه أفلس. بسبب اسعاركم الغالي جدآ.
جسار: الخلل بالبنك لازم الشباب يراجعونه. على كل حال ادفعي من بطاقتچ آنا طالع برا عندي مكالمه مهمه.
طلع من المحل والمحاسب يكمل سحب المبلغ من بطاقتي.
طلب مني اكتبله الرمز. كتبتله وهو سحب المبلغ رجعلي البطاقة، اريد اسحبه من إيده ما عافها. واردف بصوت ناصي
عاشت ايدچ مرت اخونا.
بتراء: شنو شنو مرتك اخوك انت صاحي؟
نزل الكمامة وسعت عيوني مصدومه اخر شخص توقعته!
وطلع شي من حلگه هذا الچان مغير صوته اردف
إيمار: تفوقتي على بنت الدرهم ملكة الدراما.
رجع الكمامة مثل ما چآن لان ابو المحل مر وطلع برا وگف ويا جسار. تقربت من مكتب المحاسبة حچيت همس.
بتراء: ااانت شتسوي هنااا انوب كُل حچاااية بگد راسك.
إيمار: الأشتر هيچي رايد.
بتراء: الأشتر ما لگى غيرك يورطه بمصايبنا؟
إيمار: ما بعينچ أحنه؟
بتراء: إيمار انت مو هيچي!
إيمار: مبارك عليچ، تفضلي البطاقة.
عافلي البطاقه وانداريت جسار چآن وراي.
جسار: ها شكو؟
بتراء: ديگول هم زين بطاقتچ بيها فلوس وگال مبارك عليچ. صدگ يجنن اشكرك.
حظنت خصره وعيوني على إيمار! گال خل نمشي
وطلعنا، بالسيارة نظرلي وگال.
جسار: افتحي عقلچ و ركزي بالكلام.
بدأ يحچيلي شراح يصير وشراح يسوي. وشنو لازم آني أسوي بالمقابل يحميني ويحمي الطفل. من الإجهاض القسري
مستحيل يتغير طبعه حته بهذا الموضوع لمح بالتهديد وانه قادر يخليني اجهض الجنين!
جسار: خلي شغلة ببالچ هذا الجنين عايش لخاطرچ
والمقابل تخلين على سَند يطلگچ قانوني. أما شرعياً ما اهتمله.
بتراء: بس الطلاق ما يصير دام حامل.
جسار: چا نزلي الحمل.
نظرلي بكل جدية من گال نزلي الحمل.
بتراء: تمام كلشي انت تگوله يتنفذ بالحرف الواحد والحمل يبقى.
جسار: چآ المسا تجي بنيه تفهمچ شتسوين
نظر بجسمي خاصة بطني رغم هو مو كلش مبين، اكمل كلامه وگال
جسار: نريد الحچايه تبين صدگيه يصدگون بالإجهاض
بتراء: تمام.
درت وجهي اباوع بالطريق والف تفكير براسي اريد اوصل للبيت واحاچي عمو اشتر يتصرف ويحچي لعلي سَند ما اريد اخسره من يشوف تصرفاتي گدامه ما اريد احطمه اريده يكون وياي بكل خطوة ويعرف انه مستحيل اغدره.
Back.
فتحت عيوني اوزع نظراتي حول المكان
غرفة ومن اربع حيطان وصوت عزّهَ يدوي بمسامعي
بهل سُرعة نسيتي ماضيچ؟ 16، 18 سنة چنتي أسيرة بين أربع حيطان
بتراء: ما ناسية شي، ماا ناااسية شيي.
كل جسمي يرجف وابچي فتحت أزرار القميص وابچي أكثر من اتذكر كلامها
ااالخلاچ بعيونه وغمض علييييچ بچيتي عينه
تدررررين شني يعنيييي بچيييتي عينه لچ اخويه الما يوم دنگ راسه يدنگ گدامچ يددددنگ وعيونه مكسوره من عيينچ.
هذا الچنت خايفه منه الخفت منه صار. الأشتر ما گايل لعلي سند! رغم بذاك اليوم رديت للبيت خابرته وگلت احچي كلشي لعلي سند احچيله خل انفذ الخطة واني گلبي مرتاح. بس هو شسوا؟ ما حچا لأي شخص خارج دائرة الخطة.
لا عزّهَ تدري. لا هلال تدري. والأهم على سَند!
ما يدري لو يدري ما چآن ضربني ما چآن تخبل عليّه ما چآن بنيته يطلگني لأن الطفل حسب فهمه راح.
بتصرفه اثبت انه بس چآن رايد الطفل! لو ما هيچ شلون يگلي اطلگچ واليوم جايب الشيخ وعباله مطلگ!
شمرت القميص وبقيت بالفانيلة التعلاگة. ويا البچيه شهگاتي تتعالى، بعد كلشي صار وراح يصير، الخاسر الوحيد هي آني البقيت وحدي
فتحت مشد البطن وگعتها يم يم رجلي واحس ظهري مكسور. گعدت بمكاني حاظنه روحي بروحي وابچي
أبچي وعاجزة شتصرف بعد هسه على سَند معقوله يصدگ بهل سهولة لهل درجة حبنا لبعض وثقتنا ضعيفه؟
لو كلام عزّهَ اخويه شيطفي نار گلبه شييييخلصه الليلة شييييخلصه؟!
بقيت انظر بفراغ. رغم صدمني بأفعاله لكن گلبي يمه واحس يريد يطلع من مكانه ويروحله يراضيه. الله اعلم شحاله بسببي تخبل وما يدري بروحه شيسوي والحادث عن يا حادث تحچي عزّهَ. واذا صار عليه شي. واذا تأذى أكثر بسببي.؟
اتذكرت كلامه من گالي.
الينام زعلان يگعد يتغير.
گُمت على حيلي امشي واحس ظهري مكسور من ورا المشد الجاي ألبسه. اخذت موبايلي وامسح عيوني ما اشوف گدامي من الدموع. دگيت على رقم عمو اشتر
مره مرتين ثلاث ما يجاوب
بتراء: فدوى جاااوب.
رجعت خابرته دگ مرتين والثالثه جاوب انهاريت احچي وابچي!
بتراء: شلوووون تسوي هييچ بيّه شلووون على سَند ما يدري بشي شلون تدمرنا بهل طريييقه.
يا دمار طلاق وما صار بينكم انتي حامل عن يا دمار تحچين
بتراء: عموو. انت شلون ما تحچييله؟
خل يتأدب ويتعلم شلون يثق بيچ
بتراء: شنو. شنوو يتأدب شنو يتعلم غير هو تخبل عليّه شنو يتأدب ويايه انت عليّه، فدوى اروحلك احچيييله احچيييله. وينه هسه وينه شصار عليه مسوي حادث مسوووي؟
و سواله بسطة فرش جروحه عالرصيف ابن الدرهم
بتراء: يااا ربي ياا على دخيلك عموو شكوو تضحك
ااانت تحچيييي صدددگ. مستوووعب احنه تدمررنااااا دمررتنا. على سَند بسبببك كارهنيييي كااارهني.
وحق جدنا السابع چذاب اصلا توه حچيت وياه گال طلگتها رجعي، شبيچ تبچين اني ما حچيتله ولا راح نحچيله لا آنا ولا الشباب. خل يتأدب ويكون عنده ثقة بأم الولد
بتراء: ربييي راااح اتخبل راااح اااتخبللل هسه هسه هو عباله مطلگني رجعي. عمو احچييله اترجاك!
والله ما احچيله لحدما نخلص وعود قبل لا طيارتكم تطير يلحگچ.
بتراء: نخلص وكلشي يخلص! وانت تشوف هذا الوقتتتت المناسب؟ من اسافر بدون رجعه تحچيله عليييش؟
ديلا لا تسبقين الأحداث. عزام شسوا وياچ؟
بتراء: اگله احچي الحقيقه لعلي سند يسألني عن عزام
عمو اشتر انت حالف علينا؟ حااالف تطشرنا لو تلمنا؟
اي والله حالف ألمكم واخذكم يم گبر وگاع
من تخلص هل احداث الخايسه. عزام شسوا؟
بتراء: ما سوا شي.
اي تربات الباشا أبرد من القطب الجنوبي.
سكتنا ثنينا، شحچي هسه لو اشيل روحي وارگعها بالگاع الأشتر ما يسوي الإ اللي هو يريده. مسحت دموعي وحچيت.
بتراء: عمو على سَند گال الينام زعلان يتغير
يتغير ما يتغير يولي في سنتين داهيه
اذا ما طيحت حظه وخليته ياكل بروحه على ذاك الراشدي ما اطلع الأشتر.
بتراء: هو غير بسببك ضربني انت لو حاچيله چآن عرف شلون يتعامل وياي.
ما مرجية منچ ذبيتيها براسي؟
اندگ الباب وسمعت صوت عزام يگول افتحي الباب
بتراء: عزام يدگ الباب؟
خل يفوت يحچي وياچ.
بتراء: بشنو غير ها هي بشنو نحچي
خل يفوت وتعرفين.
بتراء: شَعرف. الو؟ عمو الو؟
قفلها بوجهي، آني تاليتي اتخبل من وراهم. شمرت الموبايل عالچربايه ولمملت المشد والمجوهرات خليتهن بالكنتور رجعت شلت قميصي لبسته بسرعه زررت الدُگم
مسحت تحت جفني ورحت للباب فريت المفتاح فتحت الباب عزام واگف گدامي. اباوعله اريد احظنه وابچي وبنفس الوقت متردده، ابتعدت انطيته مجال يدخل
بتراء: تفضل.
دخل للغرفة وسحبني لحظنه بدون مقدمات گال تعاي بويه. حظنته ودخلت بنوبة بُكاء مره ثانيه. حنان الدنيا كلها بكلمة بويه أبچي والوحيد إلى احتواني من بعد على سَند هو عزام. ابعدت امسح عيوني ردت أسد الباب گال
عزام: اوگفي لحظة.
دخلت عزّهَ للغرفة نظراتي بينها وبين عزام اللي سد الباب وگف يباوع بينا. آني وعزّهَ وحده اتباوع بالثانيه
عزّهَ: عزام. حچالي وگال انه انتي. دا تنفذين كلام أشتر بالحرف الواحد.
اباوع بعزام وبيها عيونها مليانه دموع ومحتاره شلون تضل قوية وما تنهار. حچت
عزّهَ: من شفت اخويه مدنگ ومخذول. ما ماادري شلون هيچي ضربتچ راشدي. بتراء. الجنين ما بي شي صح؟
هي تبچي واني أبچي هزيت راسي اي اي وتحاظنه
وحده تراضي الثانيه، ابتعدنا وگلت خل نگعد. گعدنا على طرف الچربايه
بتراء: شلون صار الحادث وهسه هو وينه؟
اخذتو للمستشفى؟ شلونه متأذي هوايا؟
عزّهَ: راح احچيلچ.
عزام گعدت ويانه بدأو يحچولي الصار بعدما على سَند طلع من البيت.
هلال
چنا كلنا ملتمين بالصالة. ما عدى وگاع و رُقيه بغرفتهم
وَدق هم صعدت على غرفة حبوبتها. وَتان طلع بعدما عزام خابره.
گعدنه نتناقش بالصار وشلون بتراء اتغيرت علينا واستحوذت على الشركة. كلمن يحچي برأيه نعاين بعمو اشتر وبابا. ثنينهم ساكتين وحبوبة تگللهم ليش ما تحچون عمو اشتر يگول شحچي صار الصار.
هِلال: شني صار الصار احس أكو إنَّ بالموضوع دنخسر
الشركه واحتمال باچر بالباب يطردونا برا!
الأشتر: چا لا تروحين.
راح اتسودن من برودة أعصابهم هو وبابا وأبيل طابگ وياهم. دخل على سَند للصالة وشمر بجسمه عالتخم، وجهه كله خدوش وجبينه مضمد. يعاين بالسقف وضايع نسأله شبيك شلون صار هيچي منو وصلك.
علي سَند: حادث بسيط، عزام وصلني.
عافنا وگام على غرفته. آني وحبوبه وماما قلقنا عليه وانصدمنا من منظره
أما ابويه وعمو اشتر وأبيل أبرد من أعصابهم ماكو
هِلال: احچووولي شبيكم ساكتين!
أبيل: حالياً علوكة عبالة توتة توتة خلصت الحتوته. أكثر من هيچي ما احچي.
الأشتر: اگوملك؟
أبيل: لا خليك ريلاكس واشرب چايك.
هِلال: ما افتهمت شني توتة توتة حتوتة؟ بابا أحچيلك كلمة فهمني هل لويصة الصايرة!
الباشا: اشتر ينجاز هو يحلها. تصبحون على خير.
گام وماما تعاين بي. مد إيده ألها وگال گومي
أبيل: عوفها گاعده ويانه. يمه لا تروحين وياه.
ما تدخلت بقيت أشاهد بصمت أبيل لو بيده حتى على شغله ما يروح يگعد ويگابلها، امي محتاره وتعاين بينا
أبويه رجع گال بهدوء، ناداها بحرف ألميم!
الباشا: آيدام. گومي وياي ذوله يسطروچ بسوالفهم
أبيل: ننچب وما نحچي وخلها گاعده، ها شتگول؟
الباشا: اگول انچب.
أبيل: هسه احنه شگلنا؟
الأشتر: ينرادلك بالقلم العريض تحچي. اخلاق ماكو احترام ماكو. ما تگول عمي گاعد عليمن تگول انچب؟
أبيل: ترا اقصد هلال تنچب و.
الأشتر: و؟
أبيل: وآنا انچب خوش.
دار وجهه يتمتم بينه وبين نفسه امي حاچته وهو عاين بيها
آيدا: شبيك تعصب! فوگ ما يحبوك
أبيل: لا ياستي انچب يعني انچب
آيدا: اي اعرف انچب يعني انچب، ماكو داعي تعلمني. صحيح أيهم؟
ابويه لزم إيدها وهي گامت وياه عيونه تبتسم وتلمع من يحاچيها
الباشا: اي وعلى الضرغام صحيح.
مشت وياه يريدون يروحون على غرفتهم. أبيل حچآ وياهم بصوت عالي بلكت ينداروله بس ما اندارو طلعوا على غرفتهم.
أبيل: ابويااا زارع مُفرداته بالمگلوب براسچ انچب يعني انچب ما يعني أحبچ.
هِلال: اههه اههه أبيلو انچب.
ابيل: انتي انچبي.
هِلال: بس انت انچب أكثر.
أبيل: لچچ ااانتي.
عمو اشتور حچآ واحنه نعاين بي
الأشتر: الله تذكرت بيوم المشية غنيتلهم تمر تمر. شلون أيام چانت.
أبيل: شني؟
الأشتر: شعليك انت دير وجهك واحچي عليّه بگلبك.
أبيل: دخيلك يا على يا ضرغام. هاي منين عرفتها خاف صرت مگرن مثل هاااشم؟
شال النفاضة وگال.
الأشتر: أبيل انچب لا ارگعها بصماخك، آنا مو ياسر يمان وتحاچيني هيچي!
ناهد: تستااااهل 25 سنة اگُلك لا تصاحب جهال اليوم.
أبيل: لحظة هدهده لحظة جهال شووگت؟
ناهد: جهال اليوم. اطلع عيونك لا تخوزر.
الأشتر: شسويلهم يمه جهال اليوم تربية ماكو اخلاق ماكو احترام ماكو، للبعض طبعاً حاشاهم ولدي وإيمار.
أبيل: شسوي ما لحگت اجي لمدرستك واتربى چنت اربي روحي بروحي. على كل حال تصبحون على خير.
اشو حسيته انقهر وراد يطلع عمو اشتر، گال
الأشتر: اگوم اكسر عكازة هدهده على ظهرك لو تطلع. افتر وارجع لمكانك.
نظرلي بطرف عينه واني احاچيه بالنظرات ارجع ارجع. گلب عيونه واندار رجع گعد بمكانه، عمو اشتور يخوزر بي وهو بكل صلافه مخلي عينه بعين عمو.
همست لحبوبه وگلت
هِلال: شراح يصير؟
ناهد: أشتر ينجاز هو يحلها.
هِلال: الروبوت أشتر شِيحلّ هاا.
الأشتر: ما أگول غير الله يصبرني احس مشتاگ لجدي السابع باچر ازوره واگعد اعاتبه خلفني للحل النزاعات واللوايص.
ناهد: تنجاز تحلها شلون ما تحلها. نارك تاكل حطبك
الأشتر: اعصابچ علينا ياا ست الحبايب.
أبيل: ياا حبيبة.
الأشتر: لا تشد فيشة.
هِلال: تاليتي اتسودن.
أبيل: حقچ عبن متزوجة هدآم.
هِلال: عبن اانت اخويه. هُدهُده لا تعوفيني وياهم بداعة الباشا عندچ.
الأشتر: شذكرچ بالمرحوم راس البلا. ايباه.
أبيل: شگد چآن عمر جدي الباشا من مات وارتاح؟
الأشتر: يمه سبعين لو ستين؟
حبوبه وصلت اخر مرحلة من الصبر دگت عكازتها بالگاعية وحچت بألف يا على ساكته عن أبيل وعمو اشتر
ناهد: وحگ العباس ابو فاضل اذا ما تسكت اگوم اكسرن العكازة أعله ظهرك انت وابن الحاروگة الطابگ وياك.
الأشتر: بس على كيفچ ويانه ست الحبايب والمصايب والطلايب.
ناهد: شبيييبت راااسي شوووكت تكبررر ولدك وولد اخوتك بطووولك شوكت تكبررر؟
هِلال: ما نريد اشتور يكبر خله هيچي.
گامت تريد تطلع لغرفتها وگالت
ناهد: همج ولد الهمج احفااد الهمج وگاع.
الأشتر: ابن بطنچ آنا، يا ست الحبايب.
أبيل: يا حبيبة.
هِلال: ترا ننا ناا. ألحن شبيك
طلعت وهي بس تدعي الله يصبرها علينا كلنا
الأشتر: تصبحين على خير يا ست الحبايب يا حبيبة يا بنت طيبة.
بقينا احنه الثلاثي بالصالة. اعاين ب عمو اشتر شال الAirPods بأذانه وربطه على موبايله دخل للواتساب.
وأبيل يحاچيني بالنظرات يگلي شوفي شوفي جاوبته وگلت
هِلال: شايفه شايفه.
عاين بعمو خاف يسمع وأبيل گال
أبيل: ما يسمع.
هِلال: نصيي صوتك خاف يسمع
أبيل: لا وعلى الضرغام ما تشوفيه مخلي AirPods اكيد ديسمع صوت حبيبته الإلكترونية.
هِلال: عزاا بعييينك أبيل. اشتور ما يخون اميله
أبيل: انتي شمدريچ.
هِلال: لو يخونها اميله تنيمه بصف جدنا السابع وگاع.
أبيل: اشتر يضحك بوجهها ويسوي روحه رجفان گبالها والحقيقه محد يگدرله، السلام عليكم بوجه وعليكم السلام بوجه ثاني.
هِلال: لا من صددگ اانچب شهل صلافة هذا عمنا مو ياسر يمااان.
أبيل: مال ادير لتر بانزين عليچ. عليمن انچب؟
الأشتر: هءحم.
قفل موبايله ورجع الAirPods لمكانه عاين بينا ابتسم وگال
الأشتر: السلام عليكم؟
أبيل: وعليكم السلام وتصبح على خير يا وجه الخير وحلًّال اللوايص والمصايب.
هِلال: وعليكم خير تصبح تصبح على خير، اههه اشتور الورد على گولة طرگاعة. گوم أبيل.
ما لحگنا نگوم. حچآ ويا أبيل
الأشتر: شصار على المطلقة الأكترونيه مالتك
أبيل: شلون؟
الأشتر: شصار على المطلقة الأكترونيه مالتك ماكو داعي تثولها.
هِلال: ديحچي عن أريما.
الأشتر: جاوب.
أبيل: شجاوب ليش شكو؟
الأشتر: بخصوص الماضي.
هِلال: أبيل انت ما چنت موجود لمن هي صار وياها الحادث. وشگد تعذبت حتى تخطت.
أبيل: لو آنا موجود چآن هسه مگبور وشابع مي ورد. بس الصوچ منكم انتوا شلون تعفون عنه؟
الأشتر: جاوبني على سؤالي! اعرف حاچيتها بس شني گايللها.
هِلال: شني يعني ما انحل الخلاف عمو انت حاچيته وفهمته شمعنى يروح يفتح الموضوع وياها؟
أبيل: دِگول حچتلك عليّه وفضها.
الأشتر: أبيل.
أبيل: ابن القشمر ياسين دازلي فيديو شلون لازمها بغرفة التبديل والمعدلة بنت الدرهم طلعت رايحه برجليها! تريد يساعدها. تريد من چتالها يساعدها.
الأشتر: وآنا گتلك ساعدتها بنفسي ما تفهم انت ما تستوعب؟ احنه چنه وياها آنا وفاضل. تعال احچيلي شلون تگللها هنا حچينا وهنا انتهينا؟
أبيل: چا شحچيي چنت مقهور من كل هذا الصار، وهيچي گلت عود يعني انقفل الموضوع، آنا آخر من يعلم. أنوب ابن الحرام خابرني يگول...
ما لحگ يكمل كلامه عمو اشتر گامله وحچا بعصبييه من ورا حچاية أبيل. ابن الحرام
الأشتر: ااابيل اااحچي عدل احچي عدل لااااا اشگ حلگك.
أبيل: اعتذر وحاشاها.
الأشتر: اعرف شلون تحچي لا انعل اليوم الخليتكم تذبون ميانة.
أبيل: هسه شبيك، اعتذرت ودا أگول حاشاها شسوي يعني اتعنالها وابوس راس ام الولد حته ترضى؟
الأشتر: اي تتعنالها وتبوس راسها.
أبيل: صار تدلل باچر اروحلها اضرب ثنين في واحد
أبوس راسها وافوخ گلبي بولدها.
الأشتر: أبيييل!
دخلت عمه أمل تعاين بينا. عمو اشتر گعد بمكانه
سدينا موضوع ام الولد وهي گالت
امل: صوتكم عالي شبيك اشتر ليش تصيح عليهم؟
الأشتر: شبيّه غير اموت واخلص من مصايبهم.
گمت گعدت بصفه حاوطته، عمة امل گعدت تعاين بينا ومبتسمه
هِلال: اسم الله عليك اشتور اسم الله.
أبيل: أسم الله عليك ان شاء الله من عُمر ولد لالنجي على عمرك ومن عمر جسار وياسين وهاشم كلهم على عمرك.
أمل: اسم الله عليك حبيبي.
أبيل: شتريد بعد حته أمل خاتون تغزلت بيك.
الأشتر: لا تصير لوكي وعدل حچايتك ويا أريم!
أمل: الظهر خابرتني البنيه موتت روحها بالبچي تگول أبيل گال هنا حچينا وهنا انتهينا وما يجاوب.
أبيل: دقيقه شني تموت روحها بالبچي؟
گلتلها هنا حچينا وهنا انتهينا يعني الموضوع أنتهى بلحظتها
أمل: والله البنيه تبچي وتشهگ تگول أبيل أنهى كلشي قبل لا نبدي.
منصدم من كلام عمة أمل شال موبايله وگام
أبيل: شني بكيفها تفسر كلامي؟
هِلال: لحظة وين گايم؟
أبيل: للنجف وين يعني. خوما اعوفها تنام زعلانه؟
الأشتر: اگعد هسه والصبح روحلها. احچو وتفاهموا
أمل: اگعد اگعد ما بيها شي، لا تشهگ، ولا تلطم عليك
حاچيتها وگالت شوية مقهوره منك عبن ما تجاوب مكالماتها، ذبت دمعتين وها هي.
أبيل: بس دمعتين؟
الأشتر: تريد تغرگ اهوار الجبايش بدموعها؟
أبيل: كرهتوني بهل عيشة والله كرهتوني بنفسي هسه شسوي اگعد اروح؟
هِلال: اگعد اگعدد وخابرلي على هدآم ما يجاوبني اعرفلي وينه صارت الساعة 11: 30 وما راجع. حته إيمار ووتن ماكو
الأشتر: عندهم شغل يخلصونه ويجون.
گام يريد يطلع هو عمة أمل لغرفتهم. حچيت
هِلال: عمو كلهم إلا إيمار كافي تسحبونه لهذا الطريق.
أبيل: خل يصير زلمة وگد حاله
هِلال: إيمار صار كلمة والثانيه يسحب زنااد!
أبيل: الموقف الينحط بي ينرادله هيچي رد فعل.
أمل: كافي تتجادلون. أشتر كلام هلال صحيح.
هِلال: عمو اشتر أعتق إيمار خله بعيد عن طريقكم.
الأشتر: الجميع يُدرك ما يفعل، إيمار ما عاد الطفل الچان عمره 6 سنوات.
طلعوا هو وعمة امل من الصالة بعد ما سمعني شچنت راح احچي. انداريت ل أبيل
أبيل: باچر الصبح نروح للشركة.
هو الثاني هم طلع على غرفته گتله تلاگي الخير بس طلع بسرعة كأن رافض يتناقش بموضوع إيمار. رحت لغرفتي لبست تراك النوم واجيت گعدت وحدي بالصالة
انتظرهم مثل كل ليلة. حيل تأخرو.
مره رفعت عيوني للساعه شفتها 12: 35 واسمع صوت طلعت برا الصاله شفته وَتن فتح الباب بالمفتاح الإحطياتي
هِلال: وينه إيمار؟
تقدم وهو مستغرب مثلي
وَتان: شني وينه. ما چآن ويا هدآم؟
هِلال: بلى وبعدهم محد راجع. انت وين چنت؟
وَتان: چنت بالمركز، دفعت الغرامة واستلمت سيارة على سَند وديتها للمصلح وهسه رديت. دقيقه اخابره
دگ على رقم إيمار بس ما يجاوب دز رسالة وكاتبله شتريد؟
هِلال: گله هلال تنتظرك ضل بالها يمك.
كتب الرساله وارسلها شويه وجاوب ما بيّه شي خل تروح تنام بطريق البيت هة هسه اوصل
وَتان: روحي نامي هو راجع.
گتله تمام وهو صعد لغرفته. رديت للصالة گعدت انتظره
ومنا اخابر على هدآم يطلع الخط مُقفل. بزعت شوگت يمر ليلة بدون ما اقلق عليهم.
انتظر وانتظر لحدما صارت الساعة 1: 00 وما رجع عود هذا چآن بطريق البيت! تمددت عالتُخم وانتظرهم على الاقل واحد منهم يرجع گلبي يمهم. تالي غفيت شوية، وفزيت على لمسة إيد بارده على خدودي فتحت عيوني شفته إيمار. ابتسم بهدوء وگال
إيمار: ليش نايمه هنا؟
گعدت افرك عيوني ركزت بالساعه 2: 00
هِلال: شلون اندليت طريق البيت؟
إيمار: بال GPS.
خوزرته وهو صافن بوجهي
هِلال: ليلة وحده خلوني انام مرتاحة البال. وينه هدآم؟
گام والشفقة بإيده لبسها براسه يريد يطلع من الصالة گمت وياه
هِلال: احاچيك وينه؟
إيمار: جاي بالطريق. تصبحين على خير
لزمت زنده واندارلي يگلب بعيونه يريد يطلع
هِلال: چا طريقكم شگد بعيد؟
إيمار: بعيد وترابي ما مبلط.
هِلال: لك أنت شلون هيچي تمشي وراهم؟
وين ذاك الچان يگوم ويگعد يحچي على شغلهم وينه؟
شميت ريحة جگاير تقربت منه وتأكدت
هِلال: انوب صاير تشرب جگاير؟
إيمار: ترا من زمان اشرب جگاير.
راد يطلع رجعته ما خليته
هِلال: انت ليش تسوي هيچي؟ امي والحمد لله رجعتلنا ألمن تسوي هيچي و.
وخرت جاكيته المسدس بخصره
هِلال: وشايل مسدس كلمة والثانيه تسحب زناد؟
إيمار: هسه انتي شتريدين؟ اگعد مگابل الفرچ مال الرسم وارسم لو اگابل الگيتار واعزف؟
عفت إيده مخذوله منه
هِلال: انت ما چنت هيچي. صاير ما تتحاچى.
إيمار: چآ تعودي على التحديث الجديد. ما مستعد ارجع اخسر امي بشبابي. الأشتر شيگول هو اليصير وكلمن چآن أله إيد بحرماني من أمي يدفع الثَمن.
ما جاوبته غطيت عيوني أبچي مقهورة ما أريده يكون مثلهم ما اريده يمشي بطريقهم حته لو يريد ياخذ حق امي.
تقرب حظني ويحاچيني حته ارضى. بهل اثناء سمعنا هدآم يگول احم. ابتعدت عنه وامسح عيوني
هِلال: ساعة 2: 30 الفجر شلون اندليت البيت؟
هَدآم: گلبي يندل مكانچ.
إيمار: كيد الرجال طلع أعظم. تصبحون على خير.
عافنا وطلع على غرفته اجا هدآم حظني واخذ نفس من شعري. وما خليته أكثر
هَدآم: شبيچ؟
عفته وطلعت. لحگني وهو يگول
هَدآم: هلالي شبيچ؟ زين آسف والله.
هلال: طب للمطبخ انگع الآسف بماي واشربه.
طبيت للغرفة طفيت الاضويه ورحت تمددت بفراشي
اشو لحگني وتمدد يريد يسحبي لحظنه
هَدآم: ما عطشان للماي، عطشانچ.
هِلال: گوم من يمي ما سابح گوم لا اتسودن عليك بهل.
هَدآم: اسبح واجيج.
هِلال: لا تفسررر كلامي على كيفك.
گام وما جاوب، اخذ ملابسه ودخل للحمام يسبح، سويت روحي نايمه لمن طلع واجا تمدد بصفي حظني من ورا شعره كله ماي وحاظني
هَدآم: لا تتعبيني أكثر. هلال؟
هِلال: همم.
هَدآم: نايمه؟
هلال: اي.
هَدآم: شلون نايمه وتحاچيني.
انداريتله اخوزر بي
هِلال: وين رحتوا؟
هَدآم: شغل.
هِلال: تحچي لو ادير ظهري وانام؟
هَدآم: ما اگدر احچي الأشتر نبهنا.
هِلال: خل اشتر ينفعك.
درت ظهري وما حاچيته رغم يحاول يراضيني ويگلي مُبرراتهم ما حاچيته. من صدگ نمت وعفته، الصبح گعدت ما لگيته موجود وتاركلي بطاقة بخط إيده (آسف واحبچ).
هِلال: اسف واحبچ.
خليت البطاقه ويا باقي البطايق اللي يكتبهن ويعوفهن.
دخلت للحمام سبحت ومن طلعت كملت تبديل ملابسي ودا امشط شعري وانگطع لاستيكة الأسواره مال امي. الخرز تطشر بالمكان، عفت المشط وكنبصت ألمّه ومقهوره عليه صار فتره طويله ما مبدلة الاستيكة مالتها. عددت الخرزات
هِلال: سبعة وعشرين، ثمانيه وعشرين، بقت ثنين وين راحن.
رفعت طرف الزولية ادور تحتها ماكو. نزلت راسي لمستوى الگاعيه، عاينت تحت الميز مال المرايا شفتهن موجودات، اخذتهن وگمت خليتهن ويا البقيه بكلينس وعفتهن بالدُرج من ارجع اشوف شسوي بيها اصلحها لو انطيه للصايغ مثل ما ابويه گال يسويها اسوارة
بالذهب.
طلعت من غرفتي ونزلت جوا الكل مجتمع عالريوگ صبحت عليهم وبست راس امي. گالت اتريگي گلتلها مستعجله أبيل ينتظرني. عفتهم وطلعت بسيارة أبيل، طول الطريق فاتح سبيكر ويرزل ب ياسر يمان
أبيل: يا ابني الف مره اگلك تروح بنفسك تتأكد
يَاسر: ميت مرة اروح بنفسي اتأكد من برج الحفر وبس هل مره ما رحت
أبيل: اي چآن سويهن مية وواحد، تدري شني انت مو مال اعتمد عليك انت بس شاطر تداهم بيت مالك.
يَاسر: غير جميلتي عدهم.
هِلال: صدگ شصار وياكم؟
يَاسر: راد يزوجها.
أبيل: يا ابني انت عار لو ما عار چآن تعقد عليها.
يَاسر: بنت القشمر تگول ما اتزوجك انت بالمافيا.
هِلال: ليش انت مو مافيا؟
يَاسر: شبيهم المافيا، ابوها القشمر غاسل دماغها وحاچي الجانب المُظلم.
أبيل: لا جانب مُظلم ولا جانب مُشرق، اصلاً صوچ ابوك خلفك.
يَاسر: حبيبي والله، احبك اكثر.
أبيل: احبك ضلع. هسه روح ولي اتأكد من البرج الثالث ما اريد مصايب تجينا.
يَاسر: صاار برو.
أبيل: وبطل تچيت من الحايط على بيت مالك صير زلمة وطب من باب الحوش بمشية.
قفل الخط قبل لا ياسر يجاوب ويحچي.
هِلال: چآن عوفه يجاوب.
أبيل: يضيع وقتنا خل يولي.
وصلنا للشركة ساعة ب8 المفروض احنه اجينا قبل الكل لكن من دخلنا بتراء چانت واصلة وگاعده بصالة الإنتظار اللي بصف الرسبشن. منتظرة وصولنا، شافتنا نحاچي السبشن، گامت تجي بإتجاهنا. اعاين بيها فوگ تحت گوة متحملتها
همست ل أبيل قبل لا هي توصل.
هِلال: على سَند طلگها بالقانون؟
أبيل: لا.
وگفت گدامنا تعاين بينا بنظرة استصغار
بتراء: مسيو أبيل اناقتك مبالغ بيها، كَونك موضف عادي بقسم المحاسبة
هِلال: شگلتي عيدي بالله؟ أبيل مدير تنفيذي شني يروح قسم المحاسبة.؟
أبيل: على مايها مخليها.
بتراء: خاف نسيتي خل اذكرچ. استحوذنا على جميع الأسهم بهل شركة. يعني الشركة من القلم للسگف كله بأسمي وبعد شويه نوقع.
هِلال: لاااا ااانتي تجاااوزتي حدوودچ.
أبيل لزم زندي واحس نفذ صبري، انفجرت احچي والموضفين كلهم التموا علينا
هِلال: نسيتي شلون لميناااچ بحظنا ونضفناااچ وسوينااااچ معدلة يل ماااايلة. نسيتي؟ لو فعلا ذييل الچلب اعوج ما يتعددددل.
ضحكت ضحكة رنانة تعاين بالموضفين رفعت ايدها تصفگ وتأمر الكل يصفگ وياها
بتراء: صفگو يلا صفگووولها المُدللة الاميره هلال الباشا صفگولها على اخلاقها العالية ولسااانها الزفررررر.
خلت موضفين الطابق الأول يصفگون وياها واللي بالطابق الثاني يبسبون بيناتهم بإشارة من إيدها سكتتهم كلهم. نظرتلي ونظرت لأبيل اللي ساكت ايده بجيوبه وما يحچي كلمة!
بتراء: ما اتقبل الزفاره والناس المو محترمه. تشتغل بشركتي.
هِلال: شركتچ؟ بتعب ياهو صار شركتچ؟
غدارة بنت غدار ولچ اكلتي من ماعونا وتفلتي بيها!؟ هايه اصلچ؟
بتراء: إذا خلصتي حچي زفر مثلچ. تگدرين تروحين على قسم الهندسة، كوني ممنونة ما غيرت مكانچ وما شغلتچ بالكفتيريا.
عافتنا وراحت للمصعد
هِلال: شنييي من حييية طلعت. هدآم االف مره يحذرني.
أبيل: روحي على شغلچ.
هِلال: وانت شبييك ما تحچيي شبييك؟
الموضفين كلهم عيونهم علينا أبيل عاط بيهم
أبيل: كلمن على شغله.
شباب وشاباتنا كلمن على شغله ولا تمشون بكلمة أبيل من بعد اليوم أبيل موضف عادي حاله حالكم، Tamam.
اندارينا لورانا صوت أصلان الدخل للشركة إيد بجيب وايد بيهن نظارته
أبيل: أنت تريد امسح بيك الشركة؟
أصلان: چنت راح اتبادل الأدوار وآنا امسح بيك الشركة. لكن مستعجل وعندي اجتماع ك مُدير قسم المحاسبة الجديد.
هِلال: أبيل طيح حظه هو احنه هيچ هيچ سمعتنا ساءت
طبيييح حظظظه ليشش تخليه يمشييي.
أبيل: خل يولي ابن اللالنجي. هذا آخر ايامه.
عافني وراح على قسم المحاسبة اصلا هو خريج.
إدارة المشاريع. شلون يتدبر أمور المالية. رحت على مكتبي، بديت بترتيب الملفات المكتضه فوگ المكتب دخلت نبأ السكرتيرة مالتي بإيدها ملف
نبأ: مدام هذا من قسم التخطيط. مس بتراء گالت خل تصمم الديكور على هذا التخطيط.
اخذت الملف منها فتحته
هِلال: بكيفها خوما بكيفها.
نبأ: بليز مدام ما اريد اخسر شغلي.
هِلال: لچ بابا ليش تخسرين شغلچ انتي سكرتيرتي مَعليچ بيها خل تطيرر.
اخذت الملف رحت دگيت الباب عليها ودخلت چانت بإجتماع انفرادي ويا المستثمر الجديد.
بتراء: شهل همجييية اطلعي برااا.
هِلال: اسمعيني لچ من چنت أشتغل بهل شركة انتي چنتي بين أربع حيطان مأسورة. اعرف شلون ادير الشغل اللي عليّه واعرف اصمم الديكور المناسب للعرض التسويقي، انتي لا تتدخلين ولا تنطين أوامر لقسم التخطيط عبن هذا شغلي مو شغلچ ولا شغلهم. خووش.
شمرت الملف گدامها وهي بس تبلع بريگها عود انقهرت. طلعت من مكتبها وما انطيتها فرصة تحچي. نبأ چانت بالباب تنتظرني، مشت وياي، حچت
نبأ: عفيه بردتي گلبي بيها هاي مخلصتها أوامر على الموضفين.
هِلال: جيبيلي گهوة وتعاي للمكتب.
راحت هي، وآني دخلت للمكتب. احس نار بگلبي
حيل مقهورة من بتراء حييل مقهوره گوة خلتني احچي كلام جارح گوة خلتني اطلع من طوري واتسودن عليها
شربت گلاص الماي اريد اهدى، من حسيت روحي تمام.
بديت بسم الله، افكر بالتصميم الراح أشتغل عليه. اجت نبأ وجايبة الگهوه. بقت وياي تنطي أفكار وتساعدني لو ترتب المكتب. للظهر كملت اول رسمة والثانيه نصها كامل.
هِلال: تاخذين التصميم لقسم التنفيذ وتأكدين على نفس اللون يطلع.
نبأ: صار مدام. والثاني؟
هِلال: بالبيت أكمله والصبح يوصلكم.
لملمت غراضي وگلت اجي وياچ دخلت للقسم أصلان چآن موجود. طنشته وحاچيت رقيب مسؤل الإنتاج.
هِلال: استاذ رقيب التصميم الاول جاهز والثاني الصبح يوصلكم.
أصلان: انطيني اشوف.
ما انطيته وسلمتها لإيد رقيب.
هِلال: كلمن بشغله. يا مُدير وانت شغلك مو بقسم التنفيذ انت شغلك بقسم المحاسبة.
أصلان: محاسبة، تنفيذ، تدقيق، إعلام، تصوير، كلشي تحت تصرفي.
اخذها من رقيب ويعاين بيها وبيّه
أصلان: لا بأس بها.
فعلياً مَجاي اگدر اسكت يعني لساني فالت عليهم هو، بتراء. خوزرته وحچيت
هِلال: اعرف شنو مشتغلة واعرف لا بأس بها.
عبن البأس بيك أنت ابن الفگر لالنجي.
حك جبينه وبكل حقارة يبتسم والموضفين وياه عالواهس
أصلان: ما مرجية منچ بنت بنت عم ابوية. ترا احنه گرايب بالنهايه. مستوعبة؟
هِلال: تمووت عالتمسلت تموت
أصلان: مسترجلة. Cok.
هِلال: لاا انت جلدك يحكك.
أصلان: والله چوك گوزال وانتي تتمرجلين
هِلال: على شنيي تضححك ااابن اللالنجي. لا تخليني أمد إيييدي عليييك يمين عظييم أكبر رجال ما يخلصك من إيدي.
أصلان: ههه والله كيوت مو مال اكرهچ.
هِلال: ابن بلقيسسة ولالنجي شيطلعع قاابل.
دخل أبيل سحبني من زندي طلعني منا لبرا الشركه
أبيل: جلده يحكه بعدين نسويله غسلة الجمعة اطلعي وياي ولا تحچين حرف.
هِلال: چننت حَ ربيي ابن اللالنجي
صعدت بسيارته وشمرت اغراضي بالكشن الخلفي اخذت نفس عميق وزفرته. أبيل صعد شخط السيارة نظرتله وحچيت
هِلال: شلووون ما تطيييح حظه؟
أبيل: خل يولي.
هِلال: أبيل انت اليطخك تحرگه انوب هذا هذا ابن اللالنجي نعلان هذا نعلان شلون ما تدير لتر بانزين علييه؟
أبيل: خل يولي.
هِلال: هاا چنك لزگت بيهااا فلان يولي وعلان يولي!
أبيل: دا احاول اكض نفسي بهل حچايتين عبن الوضعية تحتاج جيليكان بانزين، احرگهم وافضها.
هِلال: دِحرررگهم وفضهااا، ذوله يستاهلووون.
أبيل: الله كريم.
هلال: بتراء قهرتني قهرررتني حييل واني قهرتها بالمثل.
عين عالطريق وعين عليّه
أبيل: شگلتيلها؟
هِلال: گلتلها من چنت أشتغل بهل شركة چنتي انتي مأسورة بين أربع حيطان.
أبيل: من شوكت صرتي تعيرين الناس بماضيها؟
هِلال: مقهوره من روحي آني مو هيچي بس هي طوختها
يعني ما كفاها الطمع والجشع گامت قتلت جنينها وغدرت على سَند.
أبيل: چا اسكت احسن هسه تنجلطين لو احچيلچ.
هِلال: شني انجلط هو أكو مصيبة ما ادري بيها؟
أبيل: بالشغل اقصد. ابن القشمر ورطني بالمحاسبة وآنا عدوي الرياضيات. شهل فراغ الچان يعيشه الخوارزمي لمن اخترع الرياضيات.
هِلال: اههه يمكن المطلقة مالته بطلت تدزله رسالة بالزاجل.
نظرلي بطرف عين
أبيل: نكتة ما تضحك.
وصلنا للبيت ساعة 11 الظهر وگف السيارة گدام الباب الخارجي ما دخل جوا
هِلال: وين تروح؟
أبيل: رايح للمطلقة الإلكترونية.
هِلال: چا تغدى وروح.
أبيل: ما عندي وقت النجف بعيده، اروح اعيشها أجواء الروايات التقراهن. هيچي تحب. من اعاملها بشوية رُقيّْ واخليها تعيش أجواء الروايات والسوالف التعبانة، يصعد السكر لدماغها والهوايش والمطاية تترافس ببطنها.
هِلال: اههه اههه طاح حظك وطاح حظ أريم التفقد عالرُقيّ. وسوالف الواتباد.
أبيل: دا استغل نقطة ضعفها. احلفچ بالغالية امنا تبقى بيني وبينچ.
ابتسمت ونزلت من سيارته
هِلال: تبقى بينا لا تقلق.
راح هو واني دخلت للبيت ومحتارة شسوي!
أريم
اذن الظهر صليت وسلمت، گمت شلت التُربة والمصلاية رجعتهن لمكانهن وتمددت بفراشي واني بچادر الصلاة
تفكير يجيبني وتفكير يوديني. أبيل شلون يگلي هنا حچينا وهنا انتهينا شلون ما يجاوب على مكالماتي ولا يرد على رسايلي.
أريم: انتي غبية. عليمن مقهوره خل يولي واثگلي شويه ويلا گومي دگيه بحظر عام.
شلت موبايلي، دخلت للواتساب لگيته
نشط ويكتب. حظرته
أريم: روح ولي لو تكتب سبعين الف عُذر ما أسامحك كلش قهرتني.
دخلت للسناب مرات يتواجد ويفتح الستريكات. اشو لگيته موجود بالمحادثة هم يكتب. والله دگيته بثاني حظر
أريم: وهاك ثاني بلوك ابلع.
دخلت لحسابي بالانستغرام وعلى محادثتنا
ما لحگت اسوي شي دز بصمة صوت فتحتها ويصييح
أبيل: قسسمً برب العزة لو تحظريني!
طلع يكتب خرجت من المحادثه ودخلت للستوري چآن منزل صورة. وآني مخليتله لايك عود ردت ألمحله بكلمة احبك. شلت الايك ورجعت للمحادثه چآن كاتب.
مثل ما شلتي اللايك شيليني من حياتچ
وبعده يكتب بعده يريد يحچي. دگيته بحظر
شمرت الموبايل وگعدت اهوي على وجهي عيوني تحرگني تريد تدمع من كلامه.
أريم: خل يولي خل يولي.
افتر بالغرفه وگلبي يحترگ من اتذكر حچايته
نزعت چادر الصلاه و رحت غسلت وجهي
من طلعت لگيت سيرا بالغرفه
سيرا: شبيچ؟
أريم: ماكو شي.
سيرا: بس لا بعدچ تفكرين بحچايه أبيل؟ لچ بابا آني مو گتلچ يقصد انه خلص انتهى الموضوع وتقفل. لييش خوفچ مبالغ فيه؟
أريم: ما خايفه ز بي.
سيرا: حچيتو ومتعاركين؟
اريم: لا ما حچينا كافي سدي الموضوع
اخذت نفس عميق وهي حچت
سيرا: چا انزلي تغدي ماماتي مسويات كُبة مو تحبيها؟
أريم: اموت عليها انتي روحي واني جايه وراچ.
هي طلعت واني رحت وگفت گدام المرايا، عيوني ذبلانة من البارحه عليمن عليمن! اخذت الكونسيلر حطيت شويه تحت عيوني وزعتها، خفيت الهالات السوداء
خليت مسكارة ورسمت ايلاينر خفيف بالكُحل البُني.
وكُحل أبيض بالعين، خليت بلاشر خفيف وگلوس الكاندي لشفايفي. رفعت شعري سويتهن تسريحة الدونات
نفسيتي تغيرت 180 درجه ابتسمت اتأمل جمالي
أريم: فدوى يروحلي أبيل وعشرة مثل أبيل. أريم بنت الادهم باشا انتي قوية وجميلة وماكو بجمالچ الدنيا ما توگف على أبيل توگف عليچ يا محور الكون.
انطيت بوسه لنفسي وأخذت صورة سيلفي.
دخلت للمحادثات شلت الحظر عن أبيل بكل تطبيقات التواصلونشرت الصورة على كل حساباتي بس خاص أفراد العائلة فقط يشوفوها. وأبيل اول واحد شاف الستوري، شاركها للمحادثه وطلع يكتب لو يسجل بصمة صوت. اني طفيت النيت شمرت الموبايل عالچربايه ونزلت للغدا. انزل الپايات وادندن بأغنية
أريم: خلو اللي يغير مننا ييجي ويعمل زينا
من غير ما يغل ويقل ويضربنا في ضهرنا.
افففف احس بردت گلبي واخذت ثأر دموعي البچيتها عليه.
أريم: اكيد هسه يلطم بالهندي بعدما نشرت الصوره بالستوري.
دخلت گعدت ويا العائلة عالغدا ندردش ونتغدى
الاجواء ماكو منها. كملنا الغدا. بعدها آني وسيرا جبنا الچاي نشربه ونسولف، سيرا فتحت موبايلها وشافت الستوري
سيرا: االله ااالله شفتوا ستوري أريم.
دارت الموبايل على الكل.
الأدهم: هذا ستوري عام!
سيرا: احنه وين نحچي وبابا وين
يَقين: لا مو ستوري عام، عين الحاره بارده بنيتي.
شوفتها لماما وهنن يصلن على محمد، سيرا گرصتني وتحچي همس
سيرا: خابرني من رحت جبت الشكر. لچ تسودن وگال توا وصل للنجف جاي يطيح حظچ ليش ما تجاوبين؟
أريم: ضلمة ما سمعت.
سيرا: لچ عابت جااي والله.
نَدى: منو جاي عدنه؟
يَقين: منو يجي بهل عصرية؟
سيرا: صهري الحاروگة يجي. خابرني گال اختچ الدماغ سز خل تجاوب لا اطيح حظها.
الأدهم: هذا شلون يحاچيها هيچ؟
أريم: شنهوا شنهوا يجي هنا شعدنه، أقصد شعنده؟
سيرا: عنده انتي. ستوب وين رايحه؟
أريم: اروح اگله يفتر ويرجع شني جاي يحاسبني على ستوري.
الأدهم: آنا چنت احاسبچ لو چآن الستوري عام.
سيرا: أعداء الشُهرة.
نظرللها وما جاوب رجع يقرأ كتابه المفضل.
عفتهم يتناقشون وامي تحلفني تگلي خل يجي يشوفچ وبابا يگول شني يشوفها اسبوع ونزفهم خل يصبرون. يبوو طاح حظچ سيرا كله منها.
دخلت لغرفتي وفتحت موبايلي بكل تطبيقات التواصل مخابرني لو داز رسايل بالفلكة مال فرعكم، جاي اصبريلي. وياها صوره من صدگ وصل للمنطقة مالتنا
أريم: عزاا بعييينك أبيل.
ركضت للمرايا رتبت شعري وعدلت بلوزة الهودي.
وگمت احچي ويا روحي.
أريم: اثگلي شويه. بيعي براسه الغرور والكبرياء.
تعلمي من هلالة طيحت حظ اخويه بالكبرياء وانتي طيحي حظ اخوها بنفس الطريقه. هءحمم نبدي تجارب الأداء
اخذت نفس عميق اعاين بالمرايا واتمرن.
أريم: شعندك جاي؟ شني شعندك جاي؟ گليله نورت. شنو نورت ادري بلاجكتور هو؟ اگله شلونك؟ غبيه دنگول بيعي براسه شويه كبرياء تگول شلونك. اگله طلگني؟ ويصير يتوسل.؟ لا كده كتييرررررررررر اور...
دگ هورن ورحت للشباچ اعاين من ورا البردات نزل من السياره لابس قاط اسود وقميص أسود نزل النظارات من عيونه عاين بشباچ غرفتي
أريم: تلوووگله العزا بعينك طالع كشخة.
عيوني تراقبه شلون يمشي بهيبة، وطب للبيت.
گلبي گام يدگ بسرعه ما ادري اگعد بغرفتي لو انزل.
أريم: اثگلي اثگلي الثگل حلو ويلوگه الأسود يلوگلي الثگل يلوگلي.
طگطگت أصابع إيديّة العشرة واذا استمر توترتي اكنبص اطگطگ أصابع رجليّة همين.
أريم: شوف مالك حق تحاسبني. ويگلي چا عليش عقدنا؟
شلون تگول شيليني من حياتچ؟، لا هاي بصيغة عتاب والعتاب معناه ارضى بسرعه. فكري بحچي يحفظ الثگل والكبرياء العندچ. فكري فكري
بهل اثناء طبت سيرا مثل طبات مكافحة الإره /اب.
أريم: طييحتي گلبي بين رجلييية.
سيرا: اي دوسي عليه وگومي انزلي جوا
أبيل گاعد بالصالة ويا ابويه وينتظرچ.
أريم: ماريد انزل شعنده جاي؟
سيرا: شگد چذابة عيونچ دا تطلع منه الفراشات
يلا بدلي خل ننزل
أريم: ها شلون لا ماكو فراشات
لعبت حواجبها وگالت
سيرا: گال لأبويه اجيت أخذ مرتي نفتر، ابويه گال شني تاخذها وتفتر، أبيل جاوبه وگال نطوف النجف. ابويه ما جاوبه.
أريم: يلووگله فنون الرد وعدم الرد والأسود.
سيرا: ردت اهوس وگول اسمر وكل القوط تلوگ عليه
بس تذكرت هو حنطاوي مو اسمر.
عفتها وفتحت الكنتور ادور على شي مناسب ألبسه تالي اختاريت تنوره كلوش اسود وطويلة. عليها بلوزة هاينك
بلون سمائي. ومنا سيرا سدت الباب تطگ اصبع وتغني
سيرا: هو هو حنطاوي يا بصرواي يا گُمر
وك يا ضاوي، يا بصراوي.
أريم: يبوووو ولچ عزاا هسه يسمعچچ.
اخذت ملابسي ودخلت ابدل من كملت طلعت سيرا تختار عبي من بين العبايات الجايبتهن من عند ماما يقين.
سيرا: العباية نجفيه تفوز على صعيد العراق ماكو مثلها خو من نخليها على راسنا وشويه نتلثم بيها نصير هووت
أريم: دخيل اسمك يا علي. انطيني ياها خل اصير هوت على گولتچ.
لبستها فوگ الأوتفت وسيرا شايلة قلم ايلاينر تريد تسويلي
نقوش تقليدية عالحنج.
سيرا: هسه اطلعچ نجفية للنُخاع بس خل ارسملچ
أريم: يمعوده عوفييني ماااريد نقوشات.
گلبي يدگ ألف، وآني اطلع من الغرفة نزلنا سوية
وباب الصاله اخذت نفس عميق چآن يسولف ويا اهلي.
دخلت للصالة ثنينا نعاين ببعض والبقيه عيونهم علينا ومنا امي تأشر بعيونها سلمي سلميي
أريم: السلام عليكم اقصد اهلا. اهلا وسهلا بيك.
أبيل: بيچ أكثر...
الأدهم: اگعدي ليش واگفه؟
أبيل: لا تگعدين أصلاً متأخرين. عمي اسمحلنا نطلع.
الأدهم: ههه واذا ما سمحتلكم؟
نظرلي مُبتسم وگال.
أبيل: اخطفها.
يَقين: هذا الأحبه بيك شقاوچي.
گام وشال السويچ.
أبيل: تأخرنا والله لازم نمشي.
الأدهم: مو تتأخرون قبل المُغرب رجعها.
أبيل: والله تعذرني عمي للساعة 9 ما ارجعها
تصافحو هو وابويه الگال تمام براحتكم
طلعنا نمشي للسيارة ثنينا ساكتين وهدوءه مُربك خاف مفعل وضعية الصمت العقابي؟
فتحلي الباب وصعدت اعاينله صعد وشد حزام الأمان
نظرلي. وآني هم شديت الحزام، شغل قصيدة مجانينه وشخط السيارة يسوگ بسرعه، مر دقايق بهدوء محد يحچي ويا الثاني وبس القصيده مشتغله.
بعد عشر دقايق او اكثر، انتبهت نصى القصيدة وهمس
أبيل: مطلقة إلكترونية.
نظرتله بخزره، وعليت صوت القصيدة، رجعت نصاها
وخلى السيارة على القيادة الذاتية، نظرلي
أبيل: أنتي شكو بدماغچ؟
هسه لو احچي اگوم اجفص.
أبيل: يا ستي احاچيچ جاوبي.
أريم: عُبرنا العتبة العلوية وعبرنة مقبرة وادي السلام. أبيل احنه وين رايحين؟
أبيل: عاينيلي. أريم
سويت روحي ما مهتمه، دايرة وجهي واعاين بالطريق
نظرتله لمن لزم إيدي بهدوء وبكُل رُقيّ قربها من شفته باس اصبعي البيها محبس الخطوبة. ومنتظره يعتذر مني.
أبيل: ما نعَاتب بَس ترا ألخاطر يَشيل!
نظرتله وسحبت أيدي منه، حچيت
أريم: لا تصير نرجسي براسي، ذبيت حچايتك وعفتني
الليل كُله ما نمته. لا تصفن بوجهي لو ما عندك جواب
أبيل: أريم!
أريم: تريد تحچي احچي واني اسمعك ما تحچي رجعني للبيت.
أبيل: زين ما تگولين وين نروح؟
أريم: لا ما يهمني.
أبيل: هاي النسوان المعدلة تمشي ويَ رجلها وين ما راح.
أريم: لا تفسر كلامي على كيفك.
أبيل: حلال عليچ وحرام عليّه؟ مو حظرتچ فسرتي كلامي على كيفچ؟
ما جاوبته وسكتت لحدما وگف السيارة جايبني للعتبة العلوية، نزل من السياره واجا فتح الباب وفتح الحزام، لزم إيدي.
أبيل: امشي وياي.
عدلت العباية على راسي، مشيت وياه للعتبة العلوية دخلنا من باب الفرج وإيدينا متشابكة. اردف
أبيل: گتلچ هنا حچينا وهنا انتهينا، يعني انتهى الموضوع اتقفل.
أريم: بس ما گلتها بطريقه حلوة أنت شمرت الحچاية بوجهي وطلعت.
وگفنا بنص الحرم العلوي. يعاينلي لثواني، بعدها اردف
أبيل: ادري ما چانت طريقة راقيه مثل ما تردين
ولكن لا تنسين، ما چنت بالعراق لمن ولد ياسين رادو يتعرضولچ.
أريم: لو چنت موجود چآن صار الصار؟
أبيل: چآن خلصت عليهم. بس عمامي عمامي سكتوا على الموضوع
أريم: تعاقب على تصرفه وياي، هدآم ضربه بالسيارة وخلاه ينام بالمستشفى شهر كامل وانوب دخل المصحة العقلية وبعده غادِ.
أبيل: والچلب اخوه الأكبر ليش چنتي خايفه منه؟
بلعت ريگ عيوني لمعن بالدموع حچيت
أريم: هو نسخة من ملامح اخوه لِ وهلة عبالي هو لكن من حچآ وياي وگال اخويه بسببچ دخل مصحة عقلية عرفته هو الأخ الأكبر
أبيل: هذا أكبر من ذاك المريض؟ شلون نسخه بالملامح والطول؟
أريم: ما ادري، ولد ياسين حيرو العشيره بيهم.
تلامس تحت جفني مسح دمعه.
أبيل: عليمن تبچين عيونچ الحلوة؟
درت وجهي من صدگ بديت أبچي سكتة وهو يريد يخليني اسكت ويگول
أبيل: عليمن تبچين لا تخليني احرگ ولد ياسين.
مسحت عيوني وحچيت
أريم: الله شاهد بيومها گال أريم تعاي للشقة اختي بوحدها وتريد تحچي وياچ. وآني خابرت على هدآم گتله طالعه من المدرسه ورايحه اشوف رحمة. گال روحي وآنا جاي وراچ ارجعچ. من رحت چآن باب الشقة مفتوح دخلت واگول رحمة وينچ مرتين اناديها رحمة وينچ ما تجاوب، خابرت عليها جاوبتني وگالت آني عند بيت حبوبتي بالريف.
أبيل: الصار صار بالماضي.
أريم: خل احچي لازم تعرف كل التفاصيل لازم تعرف اني انصدمت لمن اخوها طلع وملامحه كله شر ايده عليه أثر زرگ كأن راجع يتعاطى ممنوعات. اگله ليش چذبت عليّه. يگول شسويتي بيّه، آني ما فهمت شيقصد عبن چنت اشوفه مثل اخويه وباقي ولد العشيرة
أبيل: أريم. اهدي وكافي سدي الموضوع ماكو داعي نحچي بي.
أريم: لا نحچي بي نحچي بي واگلك كلشي صار.
اجيت اطلع من الشقه لزمني من زندي يجرج بيّه للغرفه أبچي واتوسل يترك أيدي ما تركني ضربت رجله ضربه قوية، هو عاف إيدي واني ركضت للباب اركض. اركض برا انزل الدرج كل پايتين سويّه.
حاظن ايديّة بين ايديه مقربه من شفته واني احچيله.
أريم: طلعت من البناية وهو بعده لاحگني ويصرخ بأسمي
الشقة چانت بشارع المَعقل من عبرت الشارع العام.
هَدآم وصل بنفس اللحظة وضربه بسيارته و. الشارع صار كله دم الناس ألتمت عليه وهو مثل الجثة. أبيل هذا كلشي صار. كلشي صح ما خليته يأذيني جسدياً بس هو هو سنين مدمرني نفسياً. كل فترة اخوه الچبير يطلع بوجهي يرجعني لنقطة الصفر.
حاوطني واني أبچي گال مره ثانيه هنا حچينا وهنا انتهينا الموضوع تنسيه، صار من الماضي.
أريم: وانت تگدر تنسى؟
أبيل: حالياً هُمه ببالي من اصفيهم اشيلهم وانسى.
أريم: اخوه الچبير ضالم حيل ضالم ما يخاف الله لا تندگ بي
أبيل: خل يولي لتر بانزين وجداحه تفض سالفته.
ابتعدت اعاين بالحرم العلوي
أريم: نخلي هذا المكان الشريف نقطة البداية لقصتنا؟
أبيل: چا ليش جبتچ، غير حته نبدي منا؟
شديت على لزمة ايده شوية گال نتوضى ونصلي العصر سوا، راح لجهة الرجال يتوضى واني بجهة النسوان.
چنت اتوضى ونسوان ثنين واگفات وحدة تگول للثاني انتي!
كملت وضوء وگمت اشو وحدة بيهن وگفتني وگالت.
متزوجين جديد؟
أريم: لا خيه أولت البارحه چآن العقد والخطوبة
اها الف مبروك، شفت شلون قريبين من بعض عبالي متزوجين
لا والله عبالچ.
خوزرتها وتگللها اسكتي
أريم: احنه حلال بعض.
الله يحفظكم
أريم: تسلمين.
ابتسمت بتسليك وعفتهن وحده ترزل بالثانية على الفشلة
شهل فضول العندهن رحت يمه چآن منتظرني بمكان مجتمعه بيها الناس الجايه ويا عوائلها. الگاعد واليصلي واليقرأ قران. هوا گدام وآني وراه وگفنا نصلي العصر.
من كملنا الصلاة قرينا زيارة الامام على عليه السلام
وزرنا الضريح، دعينا هوايا لنفسنا وللعائلة انه تنحل مشاكلنا. من خلصنا رحنه گعدنه بالحرم واحد مگابل الثاني
اعاين بي وهو مبتسم ويسولفلي وما ادري شيسولف عبن
القصيده لازگه لزگ بدماغي وتتكرر بأذني من يگول الرادود عشگنا مو عشگ عابر
أبيل: ابويه گال اهلچ خل يرجعون للبصرة قبل حفلة العرس. بأسبوع.
أريم: هسه عليش هل عجلة وين نلحگ بأسبوعين؟
أبيل: عقد المحكمة باچر او بعد باچر نخلصه
والبقيه تترتب.
أريم: چنت أگول نصبر منا لحدما تنحل مشاكلنا واقل شي عزوزة تجينا براحتها.
بقى ساكت يلهي روحه بالجداحة مالته
أريم: ولذاك الوگت امك تصير احسن وتتذكر.
نظرلي ملامحه بهتت وگال
أبيل: مستحيل تتذكر بهل سهولة بآخر مراجعه چانت مثل ما هي ماكو تقدم.
أريم: زين ليش ما نخليها تتذكر؟
أبيل: شني انتي تستخفين بحالتها الصحية دا أگلچ حساسة مثل طفلة اصلا ما ادري شعجب بطلت تسأل عن البنيه اللي صرعتنا بيها ظلت تگول نازلي ونازلي
أريم: تمام اهدى تنحل الله موجود وماكو شي مستحيل وكل تأخيره فيها خيره.
أبيل: لا انتي جاي تگولين نخليها تتذكر يعني نضغط عليها واذا صارت تحت الأمر الواقع تدخل بسين وجيم وهذا اذا الله سترها وما وگعت بالفراش.
أريم: تمام اقتراحي غبي ومن عدم فهم. اهدى.
اخذ جگاره ثانيه ورثها وگال هادئ مابيّه شي. عود ما اشوف شلون وضعه، گال هادئ گال. بقينا للمغرب گاعدين صلينا المغرب وطلعنا اخذني لمطعم راقي. تعشينا
شويه افترينا بالمولات ورجعنا ساعة چانت 9: 30
بالباب نزلني وراح هو.
دخلت للبيت بعد هذا الوقت الحلو الگضيته وياه
دخلت على غرفتي، نزعت العبايه وشمرت روحي عالچرباية. اراجع اللحظات الجميلة اللي عيشني بيها
وما أحس إلا على صوت مداهمة سيرا الطبتلي مثل عادتها.
اجت شمرت روحها بصفي
سيرا: هاي ليش ما صورتي ستريكات؟
أريم: لحظااات خاصة شعليچ بينا
سيرا: عابت احنه خواات اگعدي احچيلي شصار؟
احچيلي. احچيييلي يلا
أريم: تمام لا تبچين
سيرا: يجي دورچچ
أريم: من وين ابدي اي. طلعنا من البيت.
گعدت سولفتلها كلشي من الطقطق للسلام عليكم.
وَسن
احرك الكرسي لِ گدام. لِ ورا لِ گدام. لِ ورا. لِ گدام. لِ ورا، ألف تفكير براسي افرك ايديّه ببعضهن وما ادري من وين ابدي بيا حجر ابدي بياهو انهي.
باوعت ب رُقعة الشطرنج اللي گدامي ونائل مگابلني
آني الأبيض و هو الأسود.
نَائل: ليش ما تبدين؟
تمعنت بأحد البيادق على أسم واحد منهم
وَسن: نبدي. والخسران ينفذ طلب الثاني
فر الخاتم اللي بأصبع الإبهام، نظرلي وگال بصوت صريح.
نَائل: افوز وتنفذين طلبي. تنطيني عنوانها واسمها الكامل.
وَسن: لوسيفر عاجز يساعدك ما؟
نَائل: ماكو شي يضحك. اسمها بالكامل تنطيني افتهمتي؟
وَسن: واذا خسرت. تنفذ شي راح اطلبه منك
نَائل: بلشي. بلشي فضيني عليش تختارين الأبيض بكل مره علييش.
وَسن: أعصابك حُبي صاير ما تتحاچى.
حركت اول بيدق وهو بدون تردد حرك بيدق
نظرتله وحركت بيدق اخر اشو بحركه وگع البيدق الأبيض
نَائل: راح واحد.
وَسن: وراس بنتي. الإ افوز عليك.
آني اتقدم بمربع وهو يخسرني بمربع ثاني، نظرتله وحكيت طرف شفتي بحيرة
وَسن: آني حلفت براس بنتي.
نَائل: ما گتلچ تحلفين.
وَسن: حباب نئولي اخاف يصير بيها شي، بليز حُبي اعتق هذا الوزير. الرحيم يهديك ويدخلك الجنة ويا ذيچ التضوي ضوي.
ابتسم بحقارة واسقط الوزير من الرُقعة، وانطاني فرصة
وَسن: وهذاا كش ماات الملك. فدوه للخال فدوه. انت شويه حئير بس احبك.
نَائل: قلبي الصغير لا يتحمل.
قلب الرُقعة ورجع ظهره للكرسي خلى رجل على رجل فوگ الميز
نَائل: من الآخر شتريدين نسويلچ؟
وَسن: شَريد تسوولي.
گمت اشرحله واحچيله شيسوي، رحت جبتله الملف
انطيته
وَسن: شگد تحتاج وقت؟
نَائل: الصبح تلگيها بصمة وتوقيع.
وَسن: ما تگلي شلون تسووها انت وذاك لوسي؟
نَائل: لوسيفر اسمه لوسيفر افتهمتي! ألچ الصافي لا تتدخلين.
بقى يباوعلي نظراته، شويه وميل راسه گال
نَائل: يعني إما الأولوية أو العدم!
وَسن: يس حُبي.
گمت اريد اسويلنا گهوة، امشي وبيته كله ظلام وافتح الضوا خل اگدر اشوف گدامي. گتله بصوت عالي
وَسن: تشرب گهوة وياااي؟
نَائل: لا ما نريد.
وَسن: الف مره اگلك لا تحچي بصيغة الجمع انغث.
دخلت للمطبخ اسوي گهوة لحدما تجهز راسلت جاسر
دزلي صوره بغرفة امه ومگابلها. كاتب بالرسالة ويگول
خلص گلبي من هل حالة شوگت تگعد!
كتبتله
خل يكون عندك صبر الحمد لله امك بهل دنيا وانت گاعد ومگابلها. آني تراب گبر امي ما شايفتها
كتبلي.
وحگ عيون امي الماشيفهن صار سنين. بس ارجع للعراق اخذچ للمگبره اخذچ ونروح نزور گبرها سوية.
قريت الرسالة والگهوة فارت، عفت الموبايل وطفيت النار جواها، صبيتها بالكوب. شربت شويه منه، طلع طيب اخذت موبايلي شفته باقي بالمحادثة منتظرني اجاوب. خليتله لايك عالرسالة وطفيت النيت.
طلعت من المطبخ امشي بإتجاه الصالة وكل ضوا اني شغلتهن لگيتهن مطفيات وبدالهن الشموع مضوية!
هو آني اعرف هذا إنسان مو طبيعي ومستوعبه طبيعة حياته. لكن مرات أخاف من المجهول، وصلت يم باب الصالة اللي الوحيده بيها ضوء. اريد ادخل فجأة الضوا انطفئ والشموع مالية المكان من حالها اشتعلت
وَسن: مو وگت سوالفك التعبانة روح سوي الگتلك عليه.
اباوع بالغرفه كلها شموع مشتعله واشوف نائل گاعد بمكانه بس ساكت. دخلت للصالة اخطي خطواتي بحذر
وَسن: نَائل.
ما يجاوب ويفرك بخواتمه، خاصة اللي شكلها مثلث وبنصها حجر دائري اسود، تقربت وگلبي يدگ بسرعه كنبصت گدامه، الگهوة بإيد والإيد الثانيه خليتها على إيد نائل
وَسن: نَائل! نَائل؟
شتريدين من نَائل؟
فزيت بصرخة من صوته المرعب، كوب الگهوة وگع من إيدي وحرگت رجلي، اتراجع لِ ورا مرتعبة وهو گام ويا وقوفه الشموع شرارتها صارت اقوة يتقدم واني أتراجع بالزحف ورجلي محروگة من الگهوة، ومنا بالگاعيه كله شموع.
وَسن: ن نَائل. نَائل حس على روحك نَائل
عوفي نائل. عوفييه لا تلعبين بعقله عوفيه.
صرخت بألم لمن احترگت كف ايدي بالشمعة اللي عالارض وهو كنبص قريب من رجلي تلامس الحرگ ولزمني بقوة من رجلي سحبني قريب عليه، خنگني خنگ بقبضة إيده القوية
شسم البنيه. شسمهاااااا.
اعرف لوسيفر ليش يريد يعرف اسمها الكامل يريد يقتلها قبل لا نائل يتعرف عليها ويتغير.
انطيني اسمها الكامل انطيني اسمهاااااااا الكااااامل.
وَسن: ماااا ادري. ناااااائل اااالله وااااكبر عليييك.
ضربني براشدي ويصرخ يگول لا تنطقين اسمه لا تنطقين اسمه ويصرخ بصوته المرعب گلبي وگع بين رجليّه.
عافني وگام يضرب راسه بالحايط من ورا سماعه لِ أسم الله، ازحف للباب والبيت صاير شعلة من النار، الشموع مالية كل زاوية. گدرت اوگف على رجلي وأمشي للدرج. صعدت نص الدرج وصاح من جوا
لااااااااا تصعدسيييين.
استعجلت أكثر اصعد واحس روحي تريد تطلع من الخوف والرعب ركضت وهو اكيد لاحگني فتحت باب الغرفة اللي مرات من ابات اجي انام بيها. لگيته جوا واگفلي والدم نازل نطوله من جرح جبينه، هجم عليّه خانگني بإيده ويميل راسه ويا الحچي بصراخ، روحي تريد تطلع من نبرة صوته المُرعبة.