رواية عكد الظفيرة للكاتبة زينب جعفر الفصل السادس عشر
درع ادعيله حمامته
باوعتله حاسه گلبي انلچم و وجعني رجعت انضاري الذياب ومجان شي بي سالم غير عينه اليمنى مغمضها
تقربت على كيفي بايسه عينه ونازله دمعتي طاحت على رموشه ماتحركن عيونه ودرع منزل راسه يشرب جكاير
جوري منو سوه بي هيج؟
درع خويه امشي الغرفتج مايرضى يدحكلج ب هذا وضع
باوعتله عيوني صايرات حمر ودموعي ينزلن
جوري احجي منوو
درع هذول ال، سكت متنهد فرك عينه وهو منزلها ورجع حجه
كلاب حشاج بس اخذنه حكنه.
جوري ياحك باوع شمسوين بذياب
درع وماكو بالج شنو سوه؟
شهكت اباوعله اهز براسي نافيه ودموعي ترسن خدودي
جوري ماريد اعرفف شسوالكم اريدهه هوه يصير زين
درع يابويه حتى ماكدر أكرب صوبج حتى تطلعين ولا اكدر احجي جثير وياج بس صدكي ذياب مايقبل فا اتكحزي الله يخليج
باوعت للدرع وجان مبهذل ويحجي وياي وصوته رايح لازم رجل ذياب على كيفه حاط ايده وبعيونه دموع جكاره ترجف بيده
ماحجيت شي بالعه ربكي وهو دار وجه حاس بيه باجي.
درع خويه امشي
عضيت شفتي اباوع الذياب، صرت كل ماشوف جكاره اتذكره مايخطر بالي غيره ضحكته وغمازاته ورموشه الثخان وشلون يزفر النفس من خشمه بس يعصب من شي أو مني.
عفته كايمه وفتحت الباب انداريت ماخذه نضره سريعه مسحت دمعتي ردت اطلع وهمس
درع خويه اخذي ملابس من ذياب وضلي بغرفتي انا راح اضل هين صوبه
جوري لاا انا اضل يمه
درع خويه لاتعاندين دخيلج مالي حيل بهداي على گلبي واسمعي الكلام اريد اداوي.
جوري اانطيني دواهه وعلمني انا اداوي
تنهد خلصان صبره شبه عاط بيه
درع يلا امشي خويه
زاد بجي مبرطمه ورحت ماخذه جنطه ذياب كلها
هو رفع عيونه شوي يباوع للجنطه
درع خويه موكللهن
عفته بدون ما أحاجي ولا أندارله سويت نفسي ماسمعت وطلعت ساده الباب قوي
دخلت الغرفه درع صافنه على الهوسه الصايره وجكاير المشمور بلكاع وبيهن متكسرات.
مشيت على كيفي وعيوني دور ب أنحاء الغرفه للحظه فزيت موخره رجلي بسرعه باوعت لكيت بطل كزاز مكسور
استغفرت مدنكه شايلته من طارف كاشه ملامحي وشمرته على نهايه زاويه الغرفه
مسحت ايدي على ملابسي
جوري شكد وصخ هذا
فتحت جنطه ذياب لكيت باقي كم فانيله قليلات اخذت وحده فرشتها على الكاعيه وكعدت متربعه حاطه ايدي جوه حنجي
ماعندي شي اسوي والأحس بي گلبي ينغزني حيل ويضرب قوي على ذياب.
نزلت دموعي قربت ايدي ماسحتهن وكمت ماشيه الثواني جايني مشهد ابوي وهو يصارع الموت حتى يبقى علمودنه
فتحت الباب غرفه مقدمه رجلي اليبره اباوع للباب الرئيسي مفتوح طلعت صافنه على الچوله وترابها
رفعت راسي اباوع للسماء مايله راسي احجي و عندي أيمان جبير جاي يسمعني
جوري بابا، ادعيله يتشافى.
تنهدت والغصه حارگه بلعومي درت وجهي على كيفي ناحيه الشباك غرفه ذياب تقربت ناحيته وانا اعصر بملابسي الحد ماوصلت وشفته مغمض ودرع منزعه ملابسه مبقي بس بداخليه ويعالج جروحه
بيده شي سائل بعلبه يرشه على جرح ذياب بيده ويخلي قطن الحد ماوصل قريب ناحيه گلبه قرب
ملقط طولاني وجر ماعرف شنو طلعها متروسه دم وعبالك خرزه جبيره.
كبل ذياب فز عاكد عيونه اقوى داير وجه عركان وايدي اثنينهن يرجفن يحرك بشفايفه يحجي شي ماسمعته بس ماتحملت انا بسرعه درت وجهي مامتحمله اشوف منضر الدم!
دخلت بسرعه للبيت داخله الغرفه درع مدخله ايدي ناحيه صدري امسح على ناحيه گلبي شاهكه قوي
طحت بلكاع حاسه انهد حيلي وجهي اصفر من المنضر الشفته ومر النهار ومحد طلع من الغرفه
و جانت اول ليله بغرفه درع مرعبه
مشهد ذياب مجاي يروح من بالي.
جريت مخده على كيفي متمدده جامعه رجليه ناحيه صدري ومانمت ومر اسبوعين كاملات وانا ماشفت ذياب
النهار.
طلعت من الحمام ودخلت الغرفه درع نازعه شالي رحت يم جنطته لازمه بيدي فانيله ذياب مقربتها يم خشمي شامه عطرها المالي حته جنطته لبستها وطلعت شعري باوعتله خصلات شعري متشابكه قوي ماهتميت مجان إلى خلك امشطه بس اسبح واشيله طماطيه
جوري وين الاستيكه
تنهدت حاكه راسي ودورت مالكيتها
جوري وين خليتهاا ياربي.
صفنت شوي گالبه عيوني
جوري بس لابراسي ومادري
لزمت شعري ادورها وطلعت جوه جريتها قوي وتأوهت على الوجع متكطع شعري سحبتها اقوى وانجرت لكيت ملفوف عليها شعري ومشلوعه
جوري شبيج فوك ماحطج على راسي
شلت شعري شلون ماجان رافعته وشديتها بكوه اتثبتت واندك الباب خليت شال وجريت فانيله الجنت لابستها قبل لا اللبس هاي والبجامه
فتحت الباب ولكيته واكف دايرلي ضهره وعاكد حواجبه منزل راسه
درع ها ام كصايب.
جوري جاي تريد ملابس الذياب
درع اي يشطبه
عكدت حواجبي ضايجه
جوري أسمي جوري مو ام كصايب ولا شطبه
درع دناوشيلي ياخويه
جوري اريد اشوف ذياب
درع استغفرالله
جوري ترا ماكتلك شي عيب زلمتي واشوفه؟
درع ادري ياخويه شكثرمره دورين بسالفه واكلج لا
جوري شعليييك غير انا وزوجي
درع هساع صار زوجج
صفنت وباوعتله گالبه شفايفي
جوري نعم
درع دناوشيلي الملابس ياخويه.
جوري مانطي كتلك الحد ماتشوفني ذياب حرام عليك والله ترا اعرف بي يريد يشوفني بس انت تخبث
درع راح احجيله تا طول حجي وياي ويجيج
بلعت ريكي باوعتله من فوك اليجوه وهوه مارفع راسه بس كاتم ضحكته
جوري زين هوه مايروح الحمام شو كله بلغرفه
كش ملامحه مصدوم من سؤالي
درع هاي سوالفج تصير بالج بلحمام؟
جوري جاوبني خويه
درع انا كل فجريه اطلعه ويروح
جوري وليش ماتكعدني الفجر اشوفه
زفر نفسه بنفاذ صبر
درع خوييييه انطيني الملابس.
جوري كلي ليش ماتكعدني
درع راح اصيير مهببول يول اذا دحكتيله هو متكحز للحممام شنو يحصل
جوري اي اريد اشوفه مايطلع هوه من الغرف...
قاطعني ماد ايده بدون مايندار
درع اختي ناوشيلي الملابس دخيل بختج
كشيت ملامحي ضايجه ولزمتهن من فوك حطيتهن بيده اخذهن بسرعه وسمعته يحجي وهو يهز براسه
درع الله يساعده
فكيت عيوني ردت احجي وهوه بسرعه دخل الغرفه ذياب دنكت اريد اشوف وسد الباب
جوري يبووو ماشفت شي.
انداريت ساده الباب مطنكره شمرت الشال
تأچيه ضهري على الباب
جوري ذاك يضرب وهذا يكول الله يساعده شسالفتهم شمسويه انا؟
هزيت ايدي ودرت فاتحه الباب طالعه سديته على كيفي رفعت كعب رجليه ماشيه بس على الاطراف اصابيعي منزله راسي شوي
وكفت مقابيل شباك ذياب جان محطوط مثل برده ماعرف بطانيه صايره مثل برده بس موكلش مسدوده.
ضيكت عيوني مقدمه راسي اريد انتبه الذياب وطلعلي درع رفعت راسي لكيته يخوزر بيه ويهز براسه يتنهد سد البرده عليه
جوري يااا هذا شبي، ادرري ضرررتي، هاله ماسوت سوايتك ابو الباميه
ضجت ضاربه على فخذي منداره ماعرف شسوي من الملل
جوري شسوي، احررك راسه
دخلت جوه ساده الباب قوي اضرب برجلي على الكاعيه قوي مطلعه صوت اجاني صوت درع
درع ام كصايب لاتكسرينه هدي
كشيت ملامحي اعيب عليه عايده كلامه بصوت ناصي.
رحت للمطبخ محركه عين طباخ فارتها مخليه الغاز يطلع
جوري وين خليت جداحه
درت وجهي ادور عليها رفعت راسي وشفتها بخانه الكاونتر ضغطت على بيدي رافعه روحي شوي وجريت الجداحه اهفي بيدي
جوري انعميت بريحه الغاز
شغلتها واشتغلت النار كبت قوي خليت ايدي على گلبي مبتعده فازه
جوري حته انتي ضدي شسالفتكم تكبكبون عليه
هزيت ايدي ماسحه على عيني وفتحت ثلاجه اباوع بيها شفت طماطه اخذتها جان ربعها صاير عليها ابيض عفن.
جوري معفنات ولجن شبسرعه
اخذت وحده مابيها شي وغسلتها طلعت طاوه خاضتها بمي وخليتها على نار جريت سجينه وبيدي ضليت اكصكص شوي واتزحلكت من ايدي بطاوه رجعت ماخذتها وكصكصتها كلها
جوري اريد امي. صدك
انداريت مطلعه زيت وخليت جواهن نوب فتحت بوابه الفوك صغيره جاره جيس الملح اخذت جيله بيدي ورشيتها
جوري حلات الاكل بملوحته
درت وجهي سريع سامعه صوت همس شمرت البيدي على كاونتر وفتحت الحنفيه مغسله سديتها ونشفت بملابسي.
مشيت على كيفي ناحيه غرفه ذياب
لكيت الباب مردود وذياب متمدد على كاعيه من جهه شباك وعلى صفح درع كعد
درع ها كرب صوبك الهوى
ذياب حييل، لك وين الهوى خنكتني
همست وغمض عين وحده حته اشوف اوضح
جوري والله عرفت خانكه للزلمه
ركزت الملامح ذياب وجه اصفر وبكوه فاتح عيونه حاط ايده ثانيه گالبها ومخليها على طرف شوية من كصته جان باقي صاير خط جرح
مايلت راسي اريد اشوف اكثر وشفت درع كاعد يعالج فخذه وخرت حته ماشوف وسمعت.
احجيلي بسوالفك ويه ام كصايب
عرفت عليه رجعت للوكفه جنت مسويتها اباوعله منتضره جوابه
ذياب دعوفها يبه والله تعلگت بسالفه ب ام كصايب
درع انا شلي دخل تا اسأل
تنهد ذياب مغمض عيونه وتأچي راسي على الحايط
ذياب لاتسأل لاتسأل
درع حاضر قناصي، انا ماسأل اله من احس ب شي
جاوبه ذياب بدون مايفتح عيونه
ذياب مثل شنو؟
درع البالي واعرفه تحب خاله اكثر من ام كصايب
بس الاماعرفه تا تجذب عليه
عكد حواجبه
ذياب كافي كرم جوري أحسبها بنتي.
اخذ رشاش من الغراض وبده يرش ذياب على جرحه وهو عض باطن شفته زافر نفسه
درع يعني تبقى هاله اولى؟
ذياب ماحجه متوجع من جرحه بس هز راسه وهوه مغمض
درع السان القناص يكول غير شي، وانا اعالجك بس تحجي ب اسم جوري
بلع ذياب ريكه وفتح عيونه مضيكهن يباوع للدرع
ذياب عوف سوالفك
درع احلف بصلعه صويلح هيج
ذياب خره عليك وعلى صويلح طبعاا احجي اسمها اذا بوججي دائما
ضحك درع يهز بيده وذياب وخر رجله
درع شنو خيي بعدنه.
ذياب كافي جم اسبوع بس تمسح برجلي وريتني بعطرهن كافي ادويه
درع هساع على شنو عصبت سيدي القناص
اتقرب من ذياب فاتح عيونه ويهز براسه
درع القناص وانقاص گلبه
دفعه ذياب خازره وهوه يضحك
ذياب وحك الله اكوملك
كح درع قوي ويضحك
درع لا لا سكتنه، قناصنه
باوعله ذياب خازره وههوه كاتم ضحكته
ذياب ناكص مهبولين اني
دار وجه ذياب للجه ثانيه حاط ايده على كصته
انا شميت ريحه انداريت بسرعه اباوع للطبخ ورحت بسرعه منصيه نار.
جوري بس لا احتركت
درع شنو ام كصايب تردين تورررينه؟
جوري لاوالله
درع وريتيينه شصار
جوري ممصار شي صدك
طفيت نار اباوعلها من فوك مامستويه بلخاشوكه گلبت وحده ولكيت الحرك
جوري شسالفه
جريت الطاوه فاتحه الحنفيه صابه مي عليها شوي ورجعتها
جوري ههسه تصير لاچعه
بلخاشوكه جعصتهن انتضرت كم دقيقه وبدن يستون شلت الكشر مال بلخاشوكه من طارف
وحركتهن صارت مثل حميسه.
طفيت نار وخليت صينيه جواها مبتسمه دخلت الغرفه درع كاعده بلكاع مغمسه واكل ومرر نهاري وانا على وضعيتي كاعده.
نوف: -
بكل هل أيام صارت مشاكل بس مو ويه ضرغام. لا ويه عمو فرج ومرته مهى وبسالفه زواجنه
مسره قليل صرت اشوفها اكثر شي بلغرفه تكعد وباهته ملامحها مررن الايام والمشاكل زادت لحد مابيوم عمو فرج حجاها يتبرى منه اذا مصار العقد اليوم!
رجعت ذاكرتي هذا كله وانا رافعه عيوني منتبه الوجودهم يصفكون وبيهم اليركصون وبره يدكون قوي
بلعت ريكي اباوع للمره بيدها مرايه وتتمكيج هي تشوف روحها بلمرايه ب ك انعكاس ومسافه شفت روحي مكياجي الزايد من ملامحي الحاده اكثر
حمرتي الحمره طوخ وكحل اسود غامق مكياج عيوني صار رصاصي وب اطراف جفن اسود مندمج.
جنت لابسه ثوب العقد لونه ابيض ناعم وردانه من جوه طويله ومطرز بخرز ذهبي حوالين خصري حزام ذهبي صاير على شكل حرف x
انتبهتلي المره التباوع بلمرايه واندارت عليه مبتسمه رديتلها ابتسامه متصنعه وهي كامت تتمشي على كيفها جايه مني وبيدها هايلايتر بس جان على شكل مرش رشته عليه غمضت عيوني
ههههه صار شوية جثير خلي اضبطه
فتحت عيوني امسح على كيفي رادت تمد ايدها تلزمني وبعدتها
نوف تسلمين هذا هوه.
هزت راسها باهته ملامحها حاسه ماريد تلزمني عفت ايدها انكت ب ايدي على كيفي ورجعت اباوع للناس
همست بصوت ناصي مبتعده عن اصوات اليمي صاير غواش خفيف على عيوني
نوف احبه، عجل شنوصاب گلبي ليش هيچ وراني ور
تنهدت باطن ايدي مسحت على ناحيه گلبي اخذ نفس قوي جايه عيني على بوابه مال طرمه تتوجه ناحيه الممر
نوف خالي طولت بجيتك.
عضيت شفتي مجتمعات دموعي ونزلت راسي ساكته اطبطب بقدم رجلي على كيف ارفعها وانزلها متنرفزه من هوستهم
سرعت على رجلي اكثر متوتره ازفر نفسي
وبقيت لهل حال لحد مالبسوني كبوس العرس الابيض جان طويل غطى كل أچتاف ايدي واصل ناحيه خصري تقربت خاله امينه منزلتها اكثر
رفعت راسي اباوعلها هي جانت مبتسمه انتبهت الملامحي وعيوني يلمعن من دموع
امينه ها حبيبتي، هههه لاتتخلين بالج وانتِ راح تضلين بنفس البيت.
نزلت ال على راسي اكثر مغطيه وجهي غمضت عيوني ونزلت دمعتي ماعرفت سبب الخنكه صارتلي
كومني النسوان ماشوف شي خاله مهى وامينه يمشن ناحيه الممرر مطلعاتني وغزاله تهلهل وراي نسوان يصفكن قوي وصوت دك البرى صار اقوى
وصلت نهايه الممرر لازمه اطراف الباب اريد اطلع و وكفت الثواني رفعت من الكبوس شوي منداره ناحيه الدرج وعبالك احد كلي انداري!
باوعت وانتبهت مسره تاجيه راسها على حديده الدرج تبجي وتباوعلي بقيت اباوعلها مامسويه اي رده فعل بس نغزات بگلبي جاي تصيرلي وماعرف سببها
صاحوني اطلع وماهتميت تركيزي كله يم مسره التبجي واكفه بعيد مسحت دمعتها ونزلن باقي دموعها اقوى شاهكه
ورفعت ايدها ملوحه على كيف
حرگتني الغصه ورفعت ايدي رادتلها حركه الأيد
تقربت خاله غزاله ونزلت كبوسي اكثر وانداريت منزله راسي طالعه من هل بيت.
بهل ثواني اجت بالي اغنيه امانينا نضل على البال ولافديوم تنسونه
همست على كيفي وانا دموعي ينزلن
نوف واذا بمره وحشناكم الف مره وحشتونه اذا نسمع بطاريكم نبوس حروف اساميكم
رفعت راسي اباوع الجهه حايط لكيت شخابيط قلمي انا ومسره
نوف شبلاني ياربي شصاب گلبي
فزيت على صوت طلق تنهدت وهمه طلعوني بسرعه
تذكرت بقيت احجي بس مايسمعوني
نوف عمو فرج اريد عمو فرج.
انداريت اريد انتبهله ماكو گبل صار بوجهي ضرغام ملامحه جامده بيده جكاره
أشر براسه فاتحلي باب سياره
ضرغام يلا بويه
نوف عمو فرج ماسلمت. قاطعني ناتر
ضرغام فضيني بابا يلا
سكتت هازه راسي وصعدت معدله ثوبي رادوا يلبسوني فستان ضخم بس ماردت.
تنهدت باقيه كاعده جايتني بروده شوية وضرغام صعد طفى جكارته وشغل سياره راد يشخطها وكف بريك بسرعه
نوف شكو.
رفعت راسي بسرعه اباوع لكيت عمو فرج واكف كدام سياره عاكد حواجبه اجه الجهه مالتي فاتح الباب مقرب راسه
فرج لك عاق تريد ماسلم عليها اطك سبحه على ضهرك ها
ضحكت وضرغام دار وجه لاضحك ولاشي
حضنت عمو فرج قوي حاسه براحه جبيره الثواني من شفته هوه ضحك يطبطب على ضهري
فرج خلي بالك عليها ها ترا ازيح اذاناتك
ضرغام يلا بابا شسالفه هي راح تصير بنفس البيت على شنو هل بجي وسوالف فارغه راح اعلكها بفرام لحم واجي لو شنو.
باوعتله مبتسمه وهوه بسرعه دار وجه مني
فرج تزوج وصار السانه بطوله يلا اتكحز
وخر عمو فرج ساد الباب اشرتله بيدي باي هوه هم أشر انطيته بوسه بلهوى ضحك قوي غامني وطبطب على سقف سياره
فرج يلا. على بالك وبلهداوه بلسياقه
مجاوب ضرغام وشخطها قوي رجعت راسي على تأچيه كشن ذابه حسره هوه باوعلي ورجع راسه يهز ب ايده
نوف ها شنو
دار الستيرن مركز بطريق
ضرغام سلامتج
نوف بارده طفي هذا
مجاوب بس طفاه يمسح على شواربه ومزيد سرعه.
مرر الطريق وانا اباوع من جام
ضرغام نزلي هذا البراسج
رفعت كبوسي اكثر منداره عليه اباوعله يم وجه
نوف ها
باوعلي نضره سريعه عاكد حواجبه ورجع عيونه للطريق
ضرغام عينج لادحكيها غاد
نوف ليش سياره مو مضلله
ضرغام يول هاي سياره ذياب التزوج بيها مامضلله
نوف خالو سيارته قديمه
ضرغام مو هاي ولاثانيه من اتزوج شبلاج
نوف ماخليت بالي هلكثر للسياره
سكتنه شوي ورجعت رافعه الكبوس اباوعله
نوف وليش ماخذ سيارته؟
انتبهلي خزرني.
ضرغام نزلي هذا بابا شسالفه
نزلته ساكته شوي وهمس هوه
ضرغام لو مسره خلت بالها وعرفت
مافهمته عاضه من شفتي اطبطب بقدم رجلي شوي وتذكرت ردت ارفع الكبوس وتذكرت مبقيته
مباوعتله بس ماشوفه بس درت وجهي علي
نوف وين ورودي
رفع حاجبه
ضرغام ها؟
نوف الورد مالتي وين
ضرغام وشلي دخل بيج
مجاوبت مرجعه راسي للكشن فارده ايديه ساكته شوي واندار يباوعلي من جوه انتبهت مندارلي
درت وجهي عليه
نوف شكو.
مارد وهز ايده مركز بطريق بديت اطبطب بقدم رجلي
ضرغام ادري شنو تا تسوين
نوف اطبطب برجلي
ضرغام استغفر الله ربي
ضغط برجله مزود سرعه وخر ايده حاط جكاره مقرب جداحه مورثها اخذ نفس زفره ولزم الستيرن
نوف اختنكت طفيها
ضرغام بعينج
مارديت نايمه على جام سياره.
جوري: -
صار الليل جريت مخده متمدده اباوع الكاعيه الغرفه الحد مابديت شوي اغفى
حسيت ب حلم ماتذكر منه شي غير انو موجود ابوي بسرعه صارت طبه فزيت قوي لازمه گلبي.
انداريت وشفت الباب هوه اليندك استغفرت بيدي ثانيه لازمه راسي اخذت نفس وكمت
جوري جايه. شبسرعه تحلمت اني
تذكرت شال سحبتها من فوك زوليه وخليته شلون ماجان فتحت الباب شفت درع مندار
جوري ها
درع خويه جنطتي ناوشيلياها
مجاوبت رحت جريت جنطته جانت ثگيله سحلتها بكوه دافرتها برجلي
درع ودحكي ام كصايب
راد يكمل حجي قاطعته
جوري ارجعلي على خويه افضل
ضحك يمسح على عيونه وهو مندار.
درع دوه ذياب بغرفته انا صارتلي شغله ثلث ايام هيج وارجع ان شاء لله بس خلي بالج علي
ابتسمت فرحانه وهوه سحب جنطته فاتح الباب
درع خويه سمعتي
جوري ايي
درع خيرا على خير. وهساع عنده دوه ودحكي خاف جرح اله نزف.
راد يطلع وسمعته همس
درع اكصو راس صويلح اذا سالفتكم اب وبنته.
طلع وسد الباب فتحت الباب بسرعه طالعه ودخلت الغرفه ذياب شفته نفس مكانه متمدد مغمض عيونه سديت الباب عود على كيفي وطلع صوت زنجرته قوي فز فاتح عيونه باوعتله خايفه
جوري موقصدي
ذياب شطبه
ابتسمت نازعه شالي وكعدت يمه
جوري عندك جرح نازف؟
ذياب گلبي
ابتسمت منزله راسي
جوري استحي
ذياب لاصدك بمحل گلبي جرح حسيت ب دم
بهتت ملامحي اباوعله ضايجه وكمت ادور
جوري وينهن طوارئ ابو باميه
ضحك وأشر ب يده ناحيه المخده.
ذياب صوبهن وناوشيلي هي همن
جوري اي تأمرني
ذياب اندار فدوه الوجج
اخذتهن وكعدت يمه رفعت راسه على كيفي خليتها مدده
ذياب لايبه وكفيها وخلي راسي
جوري شلون ها اي
عدلت موكفتها وخليت راسه صار مرفوع
جوري خفت حيل عليك
ذياب ههههه زلاطه ذني
جوري وين زلاطه
ذياب هنه شوية جثيره
جوري شسوي هسه
أشر بعيونه عرفت صافنه وهو ضحك شلتها وطلعت جرحه بسرعه درت وجهي
جوري ذياااب شنوهاي نوب يكلي زلايط
ضحك قوي مرجع راسه اليوره.
ذياب يبه اذا تچبح نفسج ناوشيلي الدوه بدون تنضيف اسوي
جوري لا
طلعت قطن
ذياب خلي من هذا
جريته اباوعله وخليت منه بلقطن
جوري هذا معقم؟
همهم ساكت باوعتله لكيته يبرم بشواربه
اخذت القطنه فرحانه امسح على گلبه
جوري احب اعالج الناس
ذياب جؤ، عالجي گلبي انا بس
رفعت عيوني اباوعله لكيته مثبت انضاره عليه بارم شواربه اليفوك مبتسم بلعت ريكي رجعت عيني على جرحه
بسرعه حسيت ب انفاسه و شواربه ناغزه حنجي.
ماحجيت مغمضه عيوني وهو حط ساعد ايده على راسي من وره
ذياب مشتاقلج يبه
جوري اانا هم بس صبر اعالجك
مال راسه يبوس يم خدي وخشمي ماخذ نفس قوي فتحت عيوني بكوه مخليه ايدي على چتفه
جوري ذياب
رجع راسه للمخده زافر نفسه براحه
ذياب حنيته شطبتي حنيته
جوري انا زعلانه منك
ذياب ليش؟
جوري مناسيه العركه قبل لاتروح وهم سبيت ابوي
وخرت القطنه ماخذه وحده جديده مخليتها على جرحه وهو يباوعلي يضحك
ذياب أبني الحقود ماينسى.
جوري اي ماتشوفني خليتك ماتلمحني كل هل ايام
ذياب ابد ماتصنتين هي تا محاجيج تعوفين سوالف حراميه
ضجت منزله راسي مركزه الجرحه
جوري مو انا
ذياب غلطان انا واعتذر موقصدي ازعلج اني
باوعتله لكيت مال راسه يباوع العيوني
ذياب صدكيني مادري شكلت الله يجازي الساني
حني حني يزعلان
باسني مغمض عيونه يهمس
ذياب يبه حني
جوري شعجب تعتذر
ذياب كل قوانين تنزات يمج
ابتسمت ماخذه لاصق كاطعه منه شوي
ذياب مافهمتي؟
جوري شنو.
ذياب ماتعرفين ب الاغنيه؟
جوري يا اغنيه
ذياب هيچ لاتخلين بالج
ماحجيت فاتحتله الجيس
جوري يادوه لازم تاخذه هسه
ذياب المكتوب ثلث مرات بليوم. دحكين بي خط ازرك
انتبهت طلعت واحد
جوري ههذا
ذياب جؤ
طلعت ثاني
جوري هذا
همهم وخليت شوي بلغطى وقربتها يم حلكه مد راسه شرب منها
باوعت الاصابيعه متذكره شكلهن بدون اظافر لكيتهن ملفوفات ب شاش ابيض
جوري خلصنه وسلامتك سيدي
ابتسم وعيونه ذبلانات بساعد ايده مسح عينه.
ذياب الله يسلمج حمامتي
شلت جيس مرجعتهن المكانهن ردت اطلع وعاط بيه مفززني
ذياب وين؟
جوري اروح هناك انام
ذياب لاهين تعي
جوري زين اغسل
ذياب زرعدي
فتحت الباب وطلعت للحنفيه مغسله منشفه ايدي ب بجامتي ورجعت دافعه الباب قوي رحت الغير جهه بعيد عنه طابكه ايدي مخليتهن جوه راسي ومتمدده صفح
فتحت عيوني وشفته مغير جهه مالته صاير مقابيلي ومقلد حركتي بنومه
جوري لاتنام هيج اصابعك لايوجعنك
ذياب تدرين اكو جني هين
جوري ها.
ذياب تعرفين بيه انا مومال هيج سوالف ابد وماصدك بيهن بس دحكته ولاكيته بعيوني
جوري صدك؟
ذياب حجيتلج بعد
دار الغير جهه الناحيه حايط منطي وجه بقيت انا كمت اباوع من شباك خايفه رجعت راسي اليوره متمدده ومغيره جهه مالتي هم على ناحيه الحايط
غمضت عيوني شوي وسمعت صوت انفاس
فتحت عيوني صافنه افكر بيني وبين نفسي
جوري بس لا اجه شسالفه. خاف ذياب لان تعبان شوخر
عضيت شفتي مغمضه عيوني سمعت صوت
ذياب هااهاهاهاها.
كمت بسرعه اباوع الذياب
جوري اعرف هذا صوتك بطللهن
كمت وشفته مغمض عيونه نازلات ايده يتنفس طبيعي
جوري نايم الرجال
تقربت يم شباك اباوع للضلام خفت اكثر جاره البطانيه الحاطها درع مثل برده سادته
رجعت متمدده جامعه رجليه يم ناحيه صدري اقره المعوذات بصوت ناصي
ذياب جايج
كمت بسرعه رايحه الذياب وشفت نفس وضعه نايم
رحت كاعده بين مسافه صايره بينه وبين الحايط
جوري ذياب، ذياب.
ماكعد بس عاكد حواجبه تاكدت هنا هوه نايم لان هوه من اكعده ويحس يعكد حواجبه
قربت وجهي يم وجه
جوري ذياب تسمعني اكعد حباب
فتح عيونه شوي شافني ورجع غمض
ذياب شكو
جوري اكو جني والله
ذياب عجل شحجيت اني؟
جوري اذا تضحك عليه وتطلع انتَ صدك اعوفك واروح لان تعبت منك
فتح عيونه رافع راسه
ذياب لابلا؟
جوري اي
ذياب ودحكتيلي مكرب صوبج اشو تتحرشين بيه وتحجين من يمج اتكحزي المحلج وهذا هوه فضيها
جوري لاذياب حباب
ذياب عجل شنو اسوي؟
جوري ماعرف بس والله سمعت انا هم اعترفلك
ذياب اخخ صويلح، بلحب؟
جوري لاا قبل لاتجي هنا هم سمعت صوت بس عبالي الجلابه وذيابه
ذياب ياروح الذيب تعي هين وناوشي
أشر بيده على ناحيه عبايته كمت بسرعه ماخذتها مغطيته وتغطيت رجعت النفس مكان بلمسافه صغيره رغم ايده مجرحه لافها حوالين ضهري لازمني
رفعت راسي اباوعله اكو شبه ابتسامه على حلكه
جوري شبيك
رجع ملامحه طبيعي مد ايده ثانيه مخلي راسي بركبته.
ذياب نامي نامي يبه اندارلج فدوه.
غمضت عيوني دقايق مرتت وعيوني على شباك اكو شوي مبين من شباك سمعت صوت ضبع ماعرف ياحيوان
نزلت روحي اكثر ضامه راسي بصدر ذياب حسيته فز باوعتله مغمض عيونه قوي وعاكد حواجبه
جوري ها
حضني اقوى وهوه عاكد حواجبه ضام حته راسي بعبايته
ذياب نامي حمامتي
غمضت عيوني الحد مابديت اغفى.
نوف: -
وصلنه الفندق اجه يم بابي واكف يدخن
نوف مايفتح الباب
تنهدت وبقيت منتضره اني شوي وفتح الباب.
ضرغام ادري شمنتضره فرج يجيج
نوف غير تفتحلي انتَ
ضرغام انزلي وحك الله مالي خلك شي
ضجت من كلامه نزلت من وحدي ماشيه سريع اريد ادخل للفندق واعوفه عاط بيه ينتر
ضرغام ويين
انداريت رافعه شوي من الكبوس
نوف ها
فتح عيونه
ضرغام ووولچ
اجه وراي سريع لزمت اطراف كبوسي امشي سريع اركض هوه وراي
نوف شكووو
ضرغام تعييي ولج
ركضت اسرع داخلين للفندق ووهو لزمني ضاغط قوي على ايدي طلع مني صوت انين متوجعه مت قبضته
ضرغام أچني.
وكفت وهو عاف ايدي بنتر راح ماعرف شسوه مرةة كم دقيقه قليلات واجه
ضرغام اتكحزي صوبي
مشيت وراه وانا منزله كبوسي اباوع بس من الكاع وحذائه ورجله اتبعهن حاط ايده بجيب بنطرونه
نوف وين صارت الغرفه؟
ماجاوبني وكف يم غرفه فتح بابها جار ايدي مفوتني وساد الباب رفعت راسي نازعه كبوسي ابتسمت جان اضويتها صفر وفرشه بيضه فوكاها صاير ورد بنفسجي
نوف لوني المفضل.
انداريت ماشيه شوي اباوع لكيت بداخل اكو هم غرفه وبغير جهه صاير مطبخ وبصفه حمام
درت وجهي لليمين شفت مثل الحوش صغير مرتب بي اضويه صغار وشموع ورود
هوه يفتح ب ساعته شمرها ذاب قاطه كعد على طرف جربايه لازم راسه
نوف جنطتي ماطلعتها هين
رفع راسه استغفر وطلع من الغرفه انا ذبيت الكبوس وثوبي نازعه كعبي مشيت اعرج للحمام
نوف مو احب الكعب شبلاني هساع اذه رجلي.
فتت للحمام ساده الباب وبقيت اذب ماشات واباوع الروحي للمرايه فتحت المغسله مغسله مكياجي
ورحت الناحيه دوش شغلته وسبحت وانا اغسل شعري سمعت صوت الباب اندك
سديت دوش ماسحه عيوني موخره شعري اليوره
صرت اليوره الباب وفتحته مطلعه عيوني لكيت بيده دشداشه بنفسجيه مطلعها من هدومي
منزل عيونه عاكدهن الحواجبه ماد ايده
ضرغام اتگلطي واخذيها
قربت ايدي ماخذتها منه وسديت الباب خلصت سبح ولبستها مبتسمه اباوع الروحي من المرايه.
نوف عرف احب هل لون ههههه
انتبهت مانطاني جنطتي
نوف مكياج شي شلون
تنهدت وفتحت الباب على كيفي شفت الضوه مطفي وهوه متمدد بنص جربايه نايم على بطنه
دنكت جاره الجنطه على كيفي هوه كام شافني
ضرغام تا تسوين؟
نوف اريد انشف شعري
ضرغام عوفي هل سوالف
ضيكت عيوني مامفتهمه
جوري
كعدت بنهار ماعارفه الساعه شفت ذياب كاعد بس متمدد ومبدل ملابسه شعره مبلل مرجعه اليوره
جوري هاي شنو سبحت
ذياب صباح الخير؟
جوري ليش تسبح ذياب.
ذياب عجل شنو اضل
جوري موزين جرحك بعده غميج
ذياب شسمه؟
جوري غميج
ضحك مهتزه اچتافه ضاهرات غمازاته
ذياب اويلي غميج
جوري موزين تسبح
ذياب يبه اعرف بس مسحت المي على جروح بسيطه وسالمه ال عميقه ماكربت صوبها
مجاوبت اباوعله مرتب روحه ومخلي عطر طلع من جيبه جكاره وجداحه مورثها
جوري هاي شنو انوب
ذياب جكاره
جوري اعرف ترا تاذيك شبيك
ذياب مو بأذيتج
جوري اانا
ابتسم يباوعلي ورفع فانيلته مطلع جرح گلبه جان مبين جديد ونضيف
جوري شبي.
فتح لاصق وشفته زايد جرح بسرعه درت وجهي مامتحمله شوفه دم
جوري شنو هاي ليش هيج
ذياب ههههه من دفراتك وليدي
جوري انا دفرت؟
ذياب بس دفره ضميت روحك بضلوعي
سكتت متفشله من روحي ردت اكوم وجراني مكعدني يمه
جوري ها
لزم كعكه شعري يباوعلها
ذياب شنوهاي ولج
جوري شعر
ذياب سزز ماعرف قابل بس ليش هيج ماظافرته
جوري مالي خلكه صارلي فوك الاسبوعين هيج مامشطته
ذياب والگملات يطكطن حرملات بشعرج على بيتهم جديد
خزرته موخره ايده مني.
جوري ماعندي گمل
ردت اكوم وجر اقوى موكع راسي بحضنه
ذياب خلي، شتسمونه
جوري بس لاتفلييني
ذياب اي افليج اش يلا
جوري ذياااب عوووف شعري
ضربني راشدي خفيف خازرني
ذياب أسس لك
جوري نوب لك
كتم ابتسامته وفتح شعري شافه متشابك
ذياب شنيهاي ولج
جوري من شوكت تكول شنيهاي مالتي هاي
ذياب ول يبه ادحك لا اله الا الله
جوري وحده من الگملات ماتت؟
ذياب ليش هيج تسگطينه تردين
جوري عوفه عاجبني.
ضربني على كصتي باوعتله ضايجه فتح شعري بيده يريد يوخر التشابك
جوري اييي راسي
ذياب شنوهاي ولج شنوهاي شكثر نجسه
جوري اهوووو ترا اسبح
ذياب وشعرررج؟
جوري ههسه شعرك لو شعري دعوفففه هدنني
ذياب انعل امج حررمله لاتتفلين
ثبتني قوي يفتح بشعري بقى دقايق وانا صافنه
جوري ها
ذياب اضن دحكت شي ولج
جوري ااهوو نضيف مابي شي
ذياب اسكتي لج
سكتت متنهده وهو يفلي بيه وطلعه
ذياب ها لاكيته
انداريت وشفت شوي من لاستيكه.
جوري صارلك ساعه على هاي هي لاستيكه تكطعت بشعري وذا
ذياب اتكحززززيي سبحي وغسلي شعرج زين
كمت بسرعه خايفه
ذياب لاتعي هين
جوري والله حيرتني
ذياب تعي اول شي لازم نفرده
جوري لايوجعني ويتكطع اسبح نوب اسرحه
ذياب تعي هين يبه
كعدت يمه وهو يجرجر بشعري يفتح بيهن خصله خصله
جوري اييي شسالفه
ذياب ول يبه تاذت ايديه
جوري جا عوفف ياهوه جابرك
ذياب أشش.
مديت رجليه الصدري ومخليه فوك صابونه رجلي المقدمتها راسي وكلساع اغمض عيوني لو اريد اصرخ واباوع شعري كعكولات يشمر بيهن
جوري كطعته
ذياب هذا كله مكعكل بابا
بقيت هيج الحد ماخلصه كمت
جوري شنو رأيك اطبخلك
ذياب شنو
جوري بقى من طماطه حمس البارحه لاتفوتك لاچعه ومالحه
ذياب جيبي وخبز خلي حار
جوري شلون احمي؟
ذياب لابثلاجه غير بطباخ يصير حار
جوري ادري شبيك.
عفته وطلعت حميت خبزتين وطاوه الطماطه خليتها بصينيه ورحتله مبتسمه وشعري واكف كله اليفوك من جر مالته
دخلت عليه وهوه شافني ضحك
جوري شكو
ذياب اكعدي يبه
كعدت رجع رفع راسه منتبه وانا ابتسمتله هوه ضحك
جوري اهوو فوك ما ابتسملك
جر راسي بايس خدي
ذياب احب عطرج
جوري ستوك تعيب على شعري ونكول نجسه
ذياب لايبه موصدك الحجي وحتى شعرج هو مكعكل عطره طيب
جوري صابون ركي
ذياب انا ماحب عطر صابون هذا.
جوري يمكن شفت عندك عطر ثاني واستخدمته
ذياب مواكول
مجاوبت منزله راسي مغمسه بطماطه ماكله هوه رفع عيونه يباوعلي
جوري ها طيبه
ذياب ناوشيلي مي
جوري ااختنكت شنو
اشرلي بيده عود بسرعه رحت بسرعه دافعه الباب وللثلاجه طلعت بطل مي سديتها ورجع ادفع بلباب قوي برجلي اسده وكعدت يمه فاتحته وانطيته
جوري ها
اخذه وشرب نصه مديت عيوني اباوع
جوري انطي صبر بلعت البطل
اخذ نفس قوي ماكل لگمه ثانيه وشارب البطل مي وراه كله.
جوري شسالفه ماعجبتك؟
ذياب لا طيبه عاشت ايدج
جوري عفيه حفزني
غماني باوعتله رافعه حاجبي
جوري ها؟
ذياب راح اكل مره ثالثه جيبي بطل ثاني
كمت بسرعه جايبتله بطل الثاني
نوف: -
جريت البطانيه عليه ساكته ومنزله راسي هوه كام لبس دشداشته وشغل ضوه
ضرغام اتكحزي
درت وجهي على مامفتهمه باوعتله عاكد حواجبه وعركان رغم الجو بارد
زفر نفسه ومخلي ايده وكح
ضرغام اصعدي فوك لاتكربين صوب هل غرفه بعد
كمت صافنه عاط بيه فزيت
ضرغام يلا.
نوف وين فوك
ضرغام استغفر الله موفوك على هي غاااد بنجاسه الغرفه ثانيه
فهمت قصده على الجوانيه ضجت من تصرفه عفته وجريت جنطتي دافعتها برجلي للغرفه ثانيه
نوف هساع ماراح احجي وياك بس دحكلي بعدين
اندار عليه عيونه حمر صاير عصبي
ضرغام انا تحاجيني هيج ولج
قبل لايكمل كلامه سديت باب الغرفه عليه ذابه حسرهه بقهر رحت للمرايه امسح على گلبي الموتني وجع
تمددت على الجربايه متغطيه ثواني وماتحملت نزلن دموعي.
جوري: -.
صار الليل وكمت اباوع الذياب داير وجه الغير جهه مغمض عيونه
فتحت جنطته لكيت باقي فانيلتين بس
جوري شسالفه وين جاي يروحن
اخذت وحده جانت مدحوسه بنهايه جنطه كلش لونها احمر اخذت برموده مالته سوده وطلعت داخله للحمام فتحت مي الحنفيه على طاسه
جوري والله بارده نوب ضلمه
مسحت على عيوني مانكر خوفي بس بقيت اترس مي بطاسه ذبيته عليه كمزت اضحك على بروده المي
جوري وين صابونه.
ضليت اتلمس شوي ولكيتها غسلت بيها شعري زين بقيت احك فروه راسي قوي وافتح تشابك بين شعري ااخر طاسه مي ذبيته عليها وشفت ملابس ذياب مشمورات على صفحه الفانيلات وبجامات اخذتهن بطاسه وبقيت ادعهن زين بصابون
جوري راح تخلص صابونه. احسن خلي يجيبون غيرها
شوي ومليت بس بلمي وعصرتهن جان اكو بوري اخضر طولاني على حايط الحمام شريتهن علي.
ولبست ملابسي طلعت من الحمام حاضنه اچتافاتي بيدي اطك سن ب سن وصلت يم باب الغرفه وسمعت صوت حيوان من بوابه رئيسيه انداريت بسرعه اباوع مغمضه عيوني صاير شعري على عيوني وركبتي وخرت من العيوني
وفتحت باب غرفه ذياب ردت ادخل وفزيت شفته كبالي واكف
جوري ذياب
باوعلي عاكد حواجبه صاير عصبي ردت احجي جر ايدي ودفع الباب قوي.