رواية عكد الظفيرة للكاتبة زينب جعفر الفصل السابع عشر
شهكت خايفه دفعني على الحايط رفعت راسي لكيته عاكد حواجبه
جوري شكو ذياب
ذياب انتِ بيج شي؟
صفنت مامفتهمه وگلبي يدك قوي
جوري وعلى مابيه شي
ذياب انا أدبچ لج سزز
ماحسيت اله جراني من طرف فانيلتي شامرني طحت بلكاع باوعتله مجتمعه دموعي
جوري الله يخليك لا
رفع ايده يريد يضربني بسرعه خليت ايدي على وجهي تحولت ملامحه سريع من عصبيه اله مبتسم رافع مقدمه حواجبه مخلي ايده على خاصرته
ذياب الله لايخليني عصفوررتي.
وخرت ايدي اباوعله وهو ضحك قوي
ذياب شبلاج انزاح لونج هههههههه
كشيت ملامحي اقلد ضحكته
جوري هيهيهيهههه، شجاك بهل ليل
ضربني كاتم ضحكته وعاكد حواجبه
ذياب لج عثرره السانج
نزلت دموعي
جوري وجعت گلبي
ذياب لاه لاه ول يبه تا تبجين
دنك المستواي وانا قدمت رجليه الصدري ضامه وجهي شاهكه
ذياب جوريه بابا شسالفه على حجيكم نشاقه
مارفعت راسي ابجي وانا اباوعله بين فتحات رجليه ماجنت طابگتهن كلش
جوري كلساع مفززني.
ذياب أي لاتبجين عش جثرتيها، دحكيلي
راد يلزمني وابتعدت شوي
جوري ماريد وخر
ذياب تشدين النونه على هي سالفه صدك جذب
جوري گلبي يوجعني
ذياب ليش؟ شو بلا دحكلي ابني
وخرت رافعه راسي اكح قوي
ذياب اسم الله اسم الله
جوري راح اموووت
ذياب هدي بت ارمله لاتلعبيها علي
لزمت گلبي فاتحه عيوني وايد الثانيه على كاعيه
ذياب ها شنو راح يفصل النت
جوري ذيااااب
صفن عليه مامتحرك ورافع حواجبه
باوعتله شهكت قوي
جوري مي
ذياب احجي هيج.
كام فاتح باب الغرفه وطلع انا طحت بلكاع فاتحه ايديه ورجليه رافعه راسي مغمضه عيوني
ثواني وسمعت صوت الباب فاتحه شافني وضل صافن
ذياب ها انفصلتي؟
تقرب يمي كاعد يلوح بيده حاولت رمشي مايتحرك وهوه ضحك
ذياب هاي صدك لاصوره ولاصوت. حمامه
مارديت عصر حنجي بيده يهز براسي قوي
ذياب جوررريه، ححححوري
فتحت عيوني عاكده حواجبي
جوري حوري منو.
كمت رافعه راسي وهوه يباوع العيوني بيده جكاره ومبتسم ركزت بعيونه رموشه سود حيل وثخان حته شواربه
جوري حتى ب اسمي تريد تغلط
ذياب لايبه
جوري ماخفت عليه
ذياب عش اخلي بالي؟
جوري طبعاا اذا انا موهاله
ذياب شبلاج؟ لاتحجين اسم هاله
فتحت عيوني
جوري ليش
ذياب مالها دخل مرتي ليش بكل سالفه تفوتيها
سكتت اباوع العيونه واخزره وگلبي بعده فاز
ذياب بنتي ادري سالفتج مو صدك فا ماخ...
جوري موبنتك
ذياب عجل؟
قاطعته دافعته من صدره وكايمه
اجت ايدي على جرحه غمض عيونه قوي عاضن شفته جوانيه
وانا فتحت الباب قوي طالعه بدون ماسده
رحت للمطبخ كاعده بنص مقربه رجليه يم صدري حاطه راسي صفح عيوني جايه على ممرر والباب
جوري مايحبني
عضيت شفتي فوكانيه مجتمعات دموعي رفعت راسي الزم بگلبي صايرتله وجع من يوم فزه صارتلي على ابوي بقت كل مانقهر يصيرلي وجع وزاد من فزيت على ذياب.
مسحت دمعتي بالعه ريكي
جوري اموت روحي اذا بجيت كافي.
بقيت احرك ب اصبع رجلي جبير ارفعه وانزله ضاغطه على ايديه شابكتهن قوي
وعيوني ماثابتات احرك بؤبؤ عيني على انحاء المطبخ شوي وحسيت بخطواته يمي درت وجهي للناحيه ثانيه على الكاونتر
احس بخطواته وضله صار على الكاونتر واكف قريب يمي
ذياب شبلاج؟
جوري مابيه
ذياب أتكلطي جوه فوتي لاتضلين هين
جوري شوي وأجي
ماحجه شي مندار ماشي ناحيه الغرفه بقيت دقايق افكر ليش جاي احبه مره ثانيه
جوري هوه يحبني بس هاله اكثر.
خليت ايدي غارزتها بفروه شعري
جوري صارلي اهواي وياه ماكدر يحبني؟
اخذت نفس قوي صايرتلي فكره بالي كمت امشي على كيفي متوتره وضاغطه على بجامتي
دفعت الباب على كيف طالع صوت زنجرته لكيته متمدد صفح حاط عاكس ايده على عيونه مغمض وعاكد حواجبه
رحت يمه موخره شعري المبلل وره اذني
جوري ذياب
ذياب الباب
سكتت منداره ورحت سديته دافعته قوي رجعت يمه كاعده متربعه هوه نفس وضعيته لاوخر ايده ولاشي
جوري اريد احاجيك ب شي.
ماجاوب نغزته ب اصبعي على ايده خفيف وانا اعض بشفايفي
جوري ذياب تسمعني؟
ذياب أسمع يبه
خليت ايدي على كاعيه حاطه راسي اريد اباوع الوجه
جوري انا مومرتك؟
ذياب بلقانون وشرع
جوري وگلبك؟
سكت شوي وهمس
ذياب بنتي
وخرت راسي متنهده
ذياب ليش
جوري اكول خاف تعتبرني غير شي تره ماحبك
ذياب ههههه يبه شنو عندج حتى ادحكلج اشو هاله
جثير تحبني
سكتت عيوني حاركتني يردن ينزلن دموعي والغصه احتلت بلاعيمي هزيت راسي منزلته احرك ب اصابع ايدي.
جوري صح
اخذت نفس هازه راسي رافعه اچتافاتي
جوري هاله حلوه وشگره، تحبك اهواي، وماتعاند مثلي وعاقله
وخر ايده بس مافتح عيونه نايم على ضهره
ذياب بضبط
باوعتله صافنه زفرت نفسي
جوري بس اريد اتاكد ماتحبني
ذياب جثير محلج بگلبي
جوري تعزني يعني
ذياب اي بويه
جوري وتصرفاتك؟
فتح عيونه عاكد حواجبه مباوعلي
ذياب شبلاهن عيونج جمر؟
جوري دخل صابون
ذياب ههههه نامي يلا تعي
جوري احجيلي وتصرفاتك
ذياب شنو بيهن؟
جوري مال اب البنته؟
ذياب شنو هاي سوالف من هساع شبلاج؟
جوري احجي
رفع حاجبه استغفرت بصوت ناصي وهمست
جوري سيدي
نزل حاجبه مغمض عيونه مندار
ذياب اي، انومج بحضني اوكلج امشطلج عادي
جوري وتسبحني؟
ذياب تره انتِ لابسه جوهه اني ادحك بس ركبتج ورجليج وهم شوية لان ضلمه، وحتى لو بلقانون مرتي وعادي ادحكلج بس انا ماريد
جوري خوش عادي
كمت منه ردت اشهك خليت ايدي على حلكي كاتمه شهكاتي ومسحت دموعي بس ماكدرت اسيطر عليهن رجعن ينزلن على خدودي.
جريت مخده ورحت يم جهه الباب مخليتها على زاويه الغرفه وتمددت دايره وجهي للحايط
ذياب ماتنامين؟
اندار وشافني بعيد عنه حط ايده على راسه يباوعلي
ذياب لج شطبه هساع يتكربلج جني
فتحت عيوني نازله دموعي مجاوبت ولا انداريت اله
ذياب ادري بيج مانايمه يلا تعي
عضيت شفتي امسح دموعي وهمست بصوت ناصي وانا بالعه ريكي
جوري ماريد
مارد عليه ولاشي غمضت عيوني الحد مابديت اغفى حسيت ب دفو قوي اجاني.
ماعرفت شنو الصار بس نمت وانا دموعي ناشفات على خدي.
ذياب
حضنتها من وره لازمها مخلي راسي بشعرها جايتني رطوبه شعرها ونقاط خفيفه مي
وخرت راسي امسح على شعرها
ذياب ماتخلي بالها موزين اله تنصاب بمرض وتتاذه
كمت احرك بشعرها بيدي صاير المي على المخده حاولت انشفه بيدي اجعصه قوي او افوت اصابيعي احرك بشعرها سريع بقيت هيج لحد ماصار رطب بس مانشف.
مديت ايدي للجتفها نايمه على ورفعتها على كيف صار راسها على صدري بيدي الجواها ضليت لازمها مثبتها وايد ثانيه جريت شعرها كله صفح ناحيتي
جوري بابا
ذياب دحك الخيانه انا احجي اسمها وهي تحجي بابا
ضحكت منزلها شوي موخر ايدي الجواها راد يطيح راسها ورفعت رجلي صار وجها على صابونه رجلي
اخذت شعرها بسرعه وبديت اظفره
ذياب طولان
نزلته شوي اكثر ولكيته عابر كب رجلها صاير اطول
ذياب گملاتج فادنج.
ابتسمت وصلت للنهايه ظفيره قربتها يم شفايفي بايسها
ذياب افف على البنيات
خليت ايدي على بدايه ضهرها وعلى كيف رجعتها للمخده رجعت راسي المخده اباوعلها
لا أرادي ابتسمت لزمت وجها بايس خدها وكمت اخذت العبايه غطيتها وانا بقيت نزلت فانيتلي لكيت جرح راجع ينزف
استغفرت وتمددت مغمض عيوني اول مانمت سمعت صوت الباب اندك قوي فزت جوري باوعتلها اهدي بيها
ذياب اسم الله يبه اسم الله.
رجعت نايمه وانا كمت فاتح الباب وشفته هوه واكف بي جروح
ذياب ها خوش والله سالم سالم
درع وين دبرتهاا
ذياب لابربك؟
درع وحك الله ماعرف منين طلعلولي ولد الكلاب
ذياب وجايني؟
درع عجل وين اتكحز
ذياب لامك شنو جاي لك بابا خطر هساع اتصخمواا يمنه يصيبنه مرض اانا وياك الى البنيه شلووون
درع يابنيه؟
ذياب شنوو يابنيه راح من بالك
درع ها ام كصايب عجل شنو اسوي ماتعرف هي خطر
ذياب ناوش تلفونك.
درع مانكدر نشغل اي تلفون من ذني ينعرف مكانه
ذياب دررع
استغفر وطلع تلفونه منطينياه دخلت جوه ماخذ الاسلكي حاجي بي وطلعت مشيت بعيد بقيت اركض و جرح مالي كل ماله يزيد ألمه
فتحت تلفون مطلع رقم ادك اجاني صوت بالاسلكي فتحته مقربه يم حلكي
خطر مباشر بلموقع، اطلب جميع الوحدات
مرر الوقت وانا عيوني على المكان صار صوت طلق عرفتهم رجعت امشي سريع للبيت داخل وطلع درع بسرعه بيده كم غرض
درع يلا زرررعد اصعد.
ذياب ش اصعد جورري
درع زرررعد
عفته داخل للبيت وهيه بلعبايه لفيتها تمغطت عاكده حواجبها
ذياب اصبريلي شوي يابويه
ضميت حته وجها وشلتها طالع بيها
درع زرررعد ذياب
صعدت بسرعه ودرع سد الباب انطلقت سياره ماشيه انداريت وشفت اكو خانه اخيره صغيره
نزلت الكشن وعلى كب رجلي مشيت رايح للخانه الاخيره بيدي جوري
ذياب بش
اندارلي درع هاز راسه
ذياب ارفعه.
تنهد ورفع الكشن داير وجه للجام انا بقيت اباوع من جام صغير مال اخر خانه صار عركله ب وحده من الحجار
درع جؤ جؤ جؤ
درب هيج
ذياب موسالفه عادي بس زرعد
مرةة ساعتين من طلعنه وبعدنه بصحراء
تنهدت منزل راسي عليها وخرت الغطوه شوي من وجها لكيتها بعدها نايمه مخليه راسها على صدري
ابتسمت رافع ايدي شوي الجوه راسها مقربها اكثر وبست خدها
وخرت وجها للجه ثانيه ضايجه من شواربي ضحكت وانتبهت محمحم مرجع ملامحي طبيعي.
رفعت العبايه من طارف حته ينضم وجها اكثر رغم مامبينه
تقربت يم اذنها اهمس
ذياب شطبتي
ماكعدت نايمه رجعت العبايه على وجها اباوع من جام مرر الوقت بقيت كاعد ودرع حط راسه على جام نايم شوي وصارت طسه قويه فز درع عاكد حواجبه يباوع للسايق
درع ياخويه دمي صار عصير
غير درب هيج
باوعت الجوري لكيتها فاتحه عيونها مامستوعبها الزمت بعبايته من طارف رافعها اضم بوجها ونزلت راسي يمها احاجيها بهمس
ذياب كعدتي
جوري وين.
قاطعتها مبتسم صافن بعيونها
ذياب اشش. مو بوحدنه صوتج
ماحجت تفرك بعينها
رجعت باوعتلي تهمس
جوري وين احنه
ذياب نتكحز
جوري للبيت
ذياب جؤ
جوري لعد
ذياب نامي
جوري عطشانه
ذياب هساع ادحكلج احد واجيب بس خل نطلع من هل خرابه
جوري مارديت وهوه ضل يباوع للطريق رجعت بقيت اهواي وصرنه نمشي بشوارع الانبار انا ماكدرت رجعت نمت ماحاسه على شي دقايق وحسيت بصوته يهمس ب اذاني مستنشقه عطره
ذياب حمامتي.
فتحت عيوني شافني ابتسم بيد ثانيه طلع علاكه مخليه على جهه ضل يدور وطلع بطل مي قربه على ايد الجوه راسي وفتحه رفع راسي شوي وبده يشربني
شربت اباوعله ورفعت راسي موخره سداه وطلع لفه
جوري لفه شنو
تقرب يمي يحجي حتى لا احد يسمعه
ذياب بيض وطماطه ح...
سكت شافني اضحك خزرني عاكد حواجبه حمحمت هامسه
جوري ليش هيج تحجي
تقرب يهمس
ذياب ماريد احد يسمعنه
لزمت الفه اعض منها
جوري رادلها عصره ليمون
ذياب اششش.
سكتت ماتحركت بس ضليت اباوع من جام الكدامي واكل وهوه بجهه ثانيه رافع عبايته ب اصابيعه
جوري ايدك لاتتعب نزلها ما ابين
ذياب مالج دخل اكلي
عضيت من لفه اباوعله وهوه يبلع ريكه صافن على الطريق
جوري ذياب
نزل راسه يباوعلي أشرتله بيدي يتقرب اتقرب جاي يم وجهي شاورت إذنه وخر
ذياب جؤ، يبه شفتهم تاكلين وتحجين
جوري ملقط ملقط
ذياب ملقط شنو
جوري اتقرب
ذياب غمه يلعثره نحجيها أتگلط.
اشرتله بيدي يتقرب ورجع حاط راسه وهو كاتم ضحكته خليت ايدي يم اذنه اهمس
جوري وين رايحين
وخر بخشمه دفع راسي خفيف وخرت وحط شفايفه يم اذني صفنت انتضره يحجي وحسيت بيهن طابع بوسه ب اذني
وخرت مدغدغه احك ب اذني وهو رفع راسه مبتسم
جوري لاصدك وين
ذياب يجيج مضبوط بابا
جوري اريد اكلينسه خاف ادمر
ذياب ماكو
حك حاجبه يباوع للسايق
ذياب حجي مايمك كلينس
لاوالله.
باوعلي متنهد دخل ايده بجيبه ماطلع بس باكيت جكاير وچفيه رصاصيه منقطه ب اسود
ذياب هاي يبه
جوري هاي چفيه اريد كلينس
خلاها جوه حلكي ضامها بملابسي عضيت لگمه ثانيه وهوه حجه
ذياب عادي حبيبتي
بسرعه رفعت عيوني اباوع العيونه وانا امضغ لگمه ابتسمت هوه رجع عيونه للجام مامنتبه عادي
وانا حسيت سعفه تتحرك كامت بگلبي
نزلت عيوني مرجعه انضاري للفه عضيت منها مبتسمه
جوري حبيبته
مانتبه شحجيت بس نزل راسه عاكد حواجبه.
ذياب أشش بابا اكلي
جوري ذياب
نزل راسه هاز راسه
جوري بوسني
رفع حاجبه
ذياب شو مستهتره
جوري اي يلا
باوع للسايق ملتهي بطريق وبعيد ودرع نايم رفع الغطوه اكثر ونزل راسه بايس حنجي
غمضت عيوني مبتسمه هوه وخر ب اصبعه يمسح على بوسته
ذياب تضوجين يول من شواربي؟
جوري هسه لا
ضحك ضاغط بيده عليه وانا فرحانه اكل من لفه ضليت الزمها زين وانتبه من جوه حته ماتدمر الچفيه لحد ماخلصت الفه شلت الچفيه بسرعه مخليتها بصدري.
هوه حس نزل راسه
ذياب شبلاج
جوري ركبتي حكتني بس
ذياب ادحك
جوري لامابيها حكيتها
ذياب بس لا حشره ول يبه
جوري لا ماكو شي
هز راسه ماد ايده يبرم بشواربه
جوري تحب شواربك اهواي
ذياب جثير
ضليت منتبه عليهن وهوه عيونه على طريق ويبرم بشوارب انتبهت الشي عضيت شفتي صافنه مضيكه عيونه
مديت ايدي اريد الزم بسرعه باوعلي
ذياب تا تسوين
جوري اصبر
لزمت شواربه افتح بينهن ولكيت جرح صاير على جلده جاي شوي على شفايفه
جوري متعور
ذياب اي بويه.
جوري ستوني انتبه شواربك سود حيل ولا انتبهت قبل
نزل راسه يباوعلي مبتسم يمسح على شواربه معدلهن بيده
ذياب خوش فايداتني ها
جوري اي انا من جنت صغيره جانت امنيتي يصير عندي شوارب
ماسمعني قرب راسه تنهدت وجريت راسه من ركبته مقربته اليه اشاور اذنه
جوري وانا صغيره اتمنى عندي شوارب مثلك
وخر يضحك ضاهرات غمازاته
ذياب عندج
جوري منيلي
دخل ايده جوه عبايته يتلمس رجلي وخرتها بسرعه خازرته ضحك مرجع راسه للكشن
جوري ماعنديي.
ذياب ول يابه عش جذب؟
جوري مامجذبه
ذياب اشو ادحك
راد يلزمني خليت بعبايته لافه رجليه
جوري ذياب
كح حاط ايده
ذياب صوتج بابا
باوعت الشعره لكيت كم شيبه طالعاتله
جوري جاي احب شايب.
ماسمعني بس غطى وجهي كله بعبايته وخرتها عاكده حواجبي ضايجه
جوري خنكتني
ذياب أشش يلا
رجعها عليه وانا تچيت راسي على صدره ساكته
بقيت هيج لحد ماصار العصر رفعت راسي اباوعله
جوري ادري راح توديني للعماره
ذياب اشششش.
سكتت مرجعه عبايته عليه رجعت انام وسمعت صوتهم يحجون بينهم مافهمت شي كلساع انام وافز على حجيهم لحد مابدت تغرب السماء
صار صوته وايده تنغز چتفي
ذياب حمامتي اكعدي يبه
جوري اريد انام
ذياب كومي ننزل كافي نوم
جوري انجب
ذياب شنو وولچ؟
انتبهت وفتحت عيوني افرك بعيوني
جوري هسه نازله
ذياب على منو انجب؟
جوري صويلح
ذياب حسابج بعدين انزلي يلا
خليت عبايه على راسي ضامه شعري هوه اخذ بقايه مخلي على وجهي
ذياب هيج هيج
جوري وين اشوف.
ذياب طلعي بس عيونج
طلعت عيوني باوعتله لكيته ضايج عاكد حواجبه شافني وأشر انزل نزلت ودرع داير ضهره علينه
بسرعه نزل ذياب واكف مقابيلي مغطيني وسد الباب
ذياب تعي هين
وكفت يمه خزرني مافهمت جراني من چتفي قوي مقدمني شوي يم الباب وندار منطيني ضهره قابض ايده قوي ودك الباب
درع اريد انام ابن الكلب ال موتوني
ضربه ذياب خازره
ذياب لك لاتحجي هيج يمها
درع ها صدك نسيت ام كصايب، ادري حرامي ملفلفها هيج
ذياب مالك دخل.
دك ذياب باب اقوى وسمعت صوت رجال
درع ههذول منو
ذياب مالك دخل
جوري تعرفهم؟
ذياب مالج دخل مالكمم دخل اسكتو
سكتنه وانفتح الباب طالع حجي شايب لابس مناظره ودشداشه رصاصيه شعره مشيب وضهره مايله بكوه واكف بيده عكازه وايده ترجف
ركزت على كل تفصيله منه والملامحه المريحه يباوع الذياب مبتسم
نزلت دمعتي اباوعله
ذياب يابه راح نتعبكم
رد شايب مبتسم
لاحياكم حياكم عيونه الكم
جوري بابا
باوعولي كلهم حته درع
ذياب شنهو
درع ابوووهااا.
ذياب هدي انتَ ودير وجهك لا افلعهن شبلاج انتِ
باوعتله احاول احجي ماخذه نفس
جوري يشبه بابا
ذياب فك عيونه على وسعهن عاض شفته قوي يهز براسه محتار يسب ب منو
ذياب دررع فوووت حجي سليمان جايينك
درع الله يرحمج ام كصايب
دخلوا باوعلي وانا تغطيت اكثر بعبايته اباوعله اشهك
جوري بابا
ذياب اانعل اب، ام، استغفر الله لك السااااني انعل صويلح ابو وامه فووووتي
فتت بسرعه ااركض وهوه وراي سد الباب ردت ادخل وعاط بيه.
ذياب موهيين مجلس هذا مجلس
جوري جا وين
ذياب غاد وجج للمطبخ تلاكين ام سليمان
جوري عفيه سليمان
دخلت وشفت مره مدنكه تمسح بطباخ شافتني وابتسمت
جوري انتي ام سليمان
دعاء ههههه لا انا مره ابنهم ام سليمان جوه بلغرفه تردينها؟
جوري لا
دعاء تعي تگلطي بلاا
جوري نگلط ليش مانگلط
تقربت يمها شالت مني العبايه
دعاء اطلعي فوك هي غرفه وحده دحكين دشداشه البسيها
جوري يادشداشه.
دعاء اختاري اليعجبج وتلكين اكو صفره صغيره عليه تصير على كدج يمكن
هزيت راسي اخذت عبايه ذياب وصعدت فوك اندارت
دعاء شطبه موهساع تسبحين لان تاكلين خلصي وراها بكيفج
مايلت راسي اباوعلها
جوري شكلتي؟
دعاء موهساع تس.
جوري لا حجيتي شطبه؟
دعاء هههه اي ماعرفج انا بس رجلج من خابر رجلي كال نجي انا ودرع وشطبتي
جوري ها، ماتحسين اسماء غريبه شطبه ودرع؟
دعاء لاحلوات.
مارديت وصعدت فوك داخله الغرفتها فاتحه الكنتور لكيت دشاديش حلوات حيل وكلهن بيهن خرز يلمع
جوري وين صفره
مالكيت اخذت وحده لونها فستقي ساده ومن وره بيها حزام نص ردان
لبست نعال حاطينه كدام الحمام جان جبير حيل رجالي فتحت باب الحمام داخله وسديت الباب
باوعت ماكو لامرايه ولاشي نزعت ملابسي باوعت بصدري الچفيه بعدها موجوده ابتسمت مطلعتها بايستها ورجعتها لبست الدشداشه
جوري اشو ضيكه احس.
طبطبت على كرشي عاكده حواجبي شديت الحزام على كيف وصارت طويله رفعتها حتى لاطخ بلكاع
جوري هي طويله ورشيقه وانا قصيره وسمينه
هزيت ايدي فاتحه الباب وصرخت هوه بسرعه اندار
ذياب غمه هوهه هيج
وخرت ايدي من وجهي شفته
جوري هذا انتَ
ذياب عجل
جوري شبيك كلساع مفززني ماحسيت بيك
ذياب ادكلج هورن لازم؟
گلبت عيوني طالعه وسديت باب الحمام اباوع الروحي بلمرايه جان مطلعني موهلكد وبارز بطني نفست زافره نفسي.
رفعت عيوني اباوع من المرايه لكيت ذياب بعده ملابس ملابسه ويباوعلي رافع حاجبه
جوري ماتلبس شبيك تتأمل
ذياب شتأمل
جوري اهووو راح يبدي يتنمر
ذياب هاي شنو
اندريتله اضرب على بطني
جوري كرششش اول مرره تشوف كرش تحسسني عمو فرج ماعنده
تقرب يمي ممايل راسه ماد ايده
ذياب شلابسه ولچ
جوري شبي
وكف كبالي وجر ردان چتفي ب اصبعه جان بي لاستيك انطك على چتفي
جوري ااخخخ شنيه
ذياب لابسه صلوخ؟
جوري ياصلوخ كول يارحمن ماتشوفها شطولها.
ذياب عجل هذا شنو
جوري
باوعلي فاتح عيونه بوسعهن
ذياب شحجيتي!
جوري ههههههه سمعتها من درع
صار عصبي بلعت ريكي ردت اروح جراني
ذياب شو طالعه عينج
جوري اطببها بس وخر
ضربني راشدي قوي خليت ايدي منزله راسي متوجعه من قوته
ذياب لاتصيرين سزز هي اخرر مره تحجيها
باوعتله مجتمعات دموعي امسح على خدي
ذياب كولي ماعيدها
ردت اروح جراني حيل من چتفي
ذياب من احاجيج ماترحين
جوري وخررر جم مررره احجيي اناا موووهاله حتى تقبلل تضرببهااا.
عصر حنجي قوي دافعني على الميز طايح كم غرض
ذياب شو صايرره بلا أددب
بجيت قوي وهو عافني يستغفر
ذياب هل كلام
بدون ماسمعله ركضت بسرعه للحمام داخله وساده الباب اجه وراي
ذياب شكثررر اعييييد ماحب احد يعوفني من احجي
مارديت ارجف منهاره بلبجي هو ضرب على الباب قوي
ذياب جوري
سكت شوي وانا كعدت بلكاع حاضنه رجليه وايديه ماكدر اسيطر عليهن من رجف حاسه اذني تصوفر قوي رجع ضرب على الباب
ذياب والله ماتجين الأظفر هاله.
باوعت ناحيه الباب ابجي وجهي صاير احمر هوه لبس فانيلته وسمعت صوت الباب طالع مسحت دموعي
طالعه ماخذه دشداشه ثانيه طويله ارداناتها بلون بني لبستها وانا دموعي ينزلن رحت للميز مدنكه ارجع الغراض على كيفي وامسح بدموعي ويرجعن ينزلن منهاره
وحده من المكياج لكيته منكسر استغفرت شامرته بزباله صغيره على صفح باوعت الروحي للمرايه مسحت دموعي اهفي عليهن حته مايبين فتحت شعري مشطته سريع وظفرته عدل.
بدون گيتره وهوه مظفور لفيته على شكل كعكه
ثبتت بخصلات شعري مدخلتهن بعض
وكعدت بلكاع ساكته كم دقيقه واندك الباب داخله البنيه
دعاء ها شطبه خلصتي؟
رفعت راسي هازه راسي كايمه
جوري اي
دعاء تا تبجين؟
جوري لا بس ردت اغسل وجهي ودخل صابون بعيني
دعاء هههه بس احنه مامخلين صابون هين
سكتت ماعرف شحجي مشيت ردت اطلع وهي انتبهت للسله زبل اخذته تباوع المكياجها
دعاء كاسرته؟
باوعت لكيتها صافنه ومبينه ضايجه
جوري اعتذر بلغلط.
هزت راسها وهي عاكده حواجبها
دعاء مومشكله بس هوه غالي
جوري عادي تنطيني شال
ماحجت شي طلعتلي شال اخذته لابسته ونزلت جوه لكيت بلغرفه ستوها طالعه بيدها عكازه شافتني وابتسمت
ام سليمان أنتِ الشطبه
جوري اسمي جوري
ام سليمان عاشت الأسامي تعي تعي
تقربت يمها لزمت وجهي مبتسمه وباستني
ام سليمان ماشاءالله جثير تطيرين بال
جوري اطير بال
ام سليمان حلوه حلوه
فهمت قصدها مبتسمه بتصنع وگلبي رجع يوجعني بس خفيف
ام سليمان تعي ناكل.
جوري لا ذياب مايقبل احد يشوفني
ام سليمان هها عجل هساع دعاء تحطلج اكل وتاكلن انتي وهيه
هزيت راسي ساكته وهي راحت داخله للمجلس لكيت كرسي وكعدت عليه صافنه متفشله من دعاء وضايجه من عصبيه ذياب.
ماحسيت بحركات احد اله المن اجاني صوت رفعت راسي وشفت بنيه يطلع عمرها بلعشرينات شوي ضخمه وملامحها حلوه بس موناعمه ولاحاده فكها عريض وشفايفها كبار عيونها هم كبار مسحوبات ومخليه مكياج اهواي شعرها صابغته صاير شيب وبلبدايه فروه شوي طالع لون شعرها الحقيقي اسود
زينه انتي مرة شيخ ذياب؟
رفعت راسي وهزيته ساكته تقربت يمي تباوع عليه من فوك اليجوه مامقتنعه
زينه صغيره.
مارديت عليها مالي خلكها خليت راسي على طبله بصف الكرسي
زينه زين وجج، بس هاله احلى ماعرف ليش كالوا انت...
قاطعتها ضايجه اباوعلها
جوري ككافي شبيج
زينه على شنو تعيطين؟
جوري ما اقصد بس عيب تحاجيني هيج
ماحجت هازه ايدها وخلت شال داخله للمجلس انفتح الباب باوعت وشفت ذياب كاعد وفارشين سفره هوه منزل راسه عاكد حواجبه
درت وجهي منه صافنه ب اصابع ايدي اباوعلهن واطبطب على طبله
دعاء اتكحزي اكلي
جوري لا ما ادخل هناك.
دعاء ليش
جوري صبيلي شوي هنا اكل
دعاء بمزاجج
ااخذت من صينيه اثنين صاج مكبوسات وفتحت جدريه
جوري هذا هوه بس وحده صاج
دعاء جثير اكل احطلج
جوري لا بس هاي
دعاء سويت لبلبي ماتردين؟
جوري شوي بطاسه صغيره
حكيت حاجبي اباوعلها
جوري يعني ماعون
هزت راسها صبتلي وخلت يمي كاستين مي على طبله وهي راحت هناك بلمجلس هم بقيت وحدي اعض بصاج واشرب شوي لبلبي.
بعدني بثاني عضه وانفتح باب المجلس طالع ماد راسه شافني انا نزلت راسي ماحاجيه سد الباب جاي يم المغسله يغسل وعيونه عليه
ماهتميت ضليت اكل هوه جر الكرسي مخلي يم طبله كاعده بيها على الحايط وكعد فاتح رجلي حاط ايده على فخذ رجلي ومطلع باكيت جكاير
مورث وحدها
اخذ نفس يباوعلي انا بسرعه درت وجهي اكل بسرعه اريد اخلصه للگمه حته اكوم
ذياب زعلتي؟
مارديت على اكل واعض لگم جبيره كحيت هوه فتحلي كاسه المي
ذياب اسم الله.
ماخذتها منه اخذت الكاسه ثانيه انا اريد افتحها ماتنفتح ضليت اكح اقوى وهو جر حنجي قوي مشربني المي
ذياب عوفي للعناد
دفعت ايده مني خزرني اتجاهلت ماخذه طاسه البلبي رافعتها بيديه اشرب بيها كلها
ذياب على راحتج ياهوه متكحز وراج
شربتها كلها نزلتها ماخذه نفس جريت كاسه المي من ايده ضحك شربتها كلها وكمت جر ايدي
ذياب وين
جوري مالك دخل
ذياب جوررري.
دفعت ايدي منه قوي صاعده فوك بقيت شوي بدون مادخل للغرفه نزلت راسي وشفت درع طلع فاتح الحنفيه يغسل بكوه فاتح عيونه من نعاس
جوري دررررع
فز قوي
درع دخيللل الله
شافني استغفر
درع اادري جن خوما جن
جوري اسمعني
درع اسمع
جوري اريد فلوس
سد الحنفيه يمسح على لحيته
درع رجلج ذياب وتردين فلوس
جوري اي
درع ادري شنو مدحكتلي ملياردير
جوري ههسه شطالبه منك انطييني ولاتكول ذياب
درع بس لاتفلين ولج
جوري لاا انطيهن الدعاء
درع ليش؟
جوري كسرت الها غرض خطيه واريد اعوضها
درع رجلها عادي يجيبلها غيرها
جوري هسه دنطيني شعليك انا اريد اعوض
درع اانتِ كلتي شعليك
جوري درررع حباب شبيك لاتصيرر هيج عود ضابط ونقيب وهاي وحركات
درع اويلي ويلاه تنداريلي فدوه طبعا
جوري انج.
درع انجب؟
جوري ااكول انج. شسمه انت ماشاءالله طول هيبه حركات بركات
درع دعوفي اسواق بركات الحسين دخيله شكثر رايده
جوري ماعرف سعر الكسرته
درع شنو الكسرتي.
جوري غرض من مكياجها هيج علبه سوده
درع طولاني لو دائري
جوري طولاني وبي مثل رشاش
درع ها فاونديشن هذا اذا اصلي يوصل للميه بس ذول ادري بيهم فا اخذي خمسين الف
طلع من جيبه يحسب
جوري جامع الرباعه والاف كلهن
خزرني منزل راسه
درع ذني من اسواق بركات
انطانياهن اخذتهن مبتسمه
ردت اروح وحجه
درع دين
جوري منيلي فلوس عود من اطلك ذياب وادرس واتوضف ارجعهن
ضحك يهز بيده وراح داخل للمجلس وانا رجعت نازله بقيت منتضره لحد ماطلعت دعاء.
جوري هاج
دعاء شنوهاي
جوري فلوس الكسرته
دعاء وعايزتلهن؟
جوري ليش لاا
دعاء شنووو
جوري شبيج اخذيهن
دعاء ماقبلهااا ترا
جريت دشداشه مدخله ايدي حاطه الفلوس وخرت اطبطب عليها
جوري اخذيهن ترا مالي خلك وحق علي
سكتت مطبطبه رافعه حاجبها مايله راسها
دعاء جبرتيني
طلعت ام سليمان وياها ذياب
ام سليمان ها ههههه الحبايب هين
دعاء اي تحاجينه ب دين
ام سليمان دين يمتى وحده عرفت ثانيه وصار بيها دين.
انخطف لون وجهي اباوع للدعاء اهز براسي نافيه
جوري تشاقه
ذياب من نبرتي رفع عينه يباوعلي عفتهم. ودخلت الغرفه ام سليمان شوي ودخل ذياب ساد الباب
ذياب صدك الحجي؟
جوري لاوالله
ذياب جوري بابا
جوري مو انتَ كسرت واحد من مكياجها فا كتلها دين ارجعلج الفلوس
هز راسه مطلع فلوس
ذياب شكثر سعره
جوري مايحتاج بعد
ذياب ليش؟
جوري كالت ماريد فلوسهن
ذياب تعبتي حيل اتفردي
هزيت راسي ايديه يرجفن تمددت ابلع بريكي.
هوه طلع شوي واجت ام سليمان
ام سليمان شلونج
جوري الحمدلله
ام سليمان رمله شلونها
عكدت حواجبي مامفتهمه منين تعرف امي ردت اجاوبها واندفع الباب قوي داخل عيونه حمر
ذياب جورري
كمت بسرعه خايفه
جوري ها
ذياب تعي غاد اريدج
ام سليمان امشي يمه ههههه
جوري لا اريد ابقى هنا
خزرني هاز ب راسه وطلع
ام سليمان دحكي زلمتج شنو يريد
جوري لامايريد
ام سليمان شنو
مجاوبت مغمضه عيوني اريد انام ثواني وبسرعه فتحت عيوني، رافعه راسي.
جوري راح تضلين هنا مو
ام سليمان اي حبيبتي تردين تنامين يم زينه
جوري لا هنا
هزت راسها مبتسمه بيدها سبحه ومدت رجليها لابسه جورايب سود
ام سليمان اخخ تعب تعب الكبر موحلو
مارديت عليها ارجف مغمضه عيوني اول مابديت اغفى سمعت طكطكه فزيت رافعه راسي لكيتها هي جاي طفي الاضويه تنهدت براحه لان ما أجاني
ام سليمان نامي يمه نامي.
انداريت للجهه ثانيه راجعه نايمه ومرر الوقت، كل بالي راح يسكت عن سالفه. او مايكدر يجيني من وره ام سليمان
اثناء نومي شهكت قوي مرفوعه فتحت عيوني لكيته شايلني ب اثنين ايدي من ملابسي سامعه شك دشداشه
ايده ثانيه وخرها خلاها على حلكي ردت ادفعه مايوخر طلعني من الغرفه وانا فاتحه عيوني على حيلهن من الخوف گلبي رجع يدك قووي
ماعرف وين وداني الغرفه ماعرفها خلاني بيها وسد الباب
جوري ذياب.
اندارلي متقربلي عاكد حواجبه وعيونه حمر
ذياب تحاجين صاحبي وتاخذين منه فلوس ها
نزلن دموعي ردت احجي ضربني قوي على راسي جاي راسي على الحايط
فتحت عيوني قوي على الألم صاب راسي طحت بلكاع
نوف: -
مرة الأيام وانا ماشوفه وماطلع بس بليل اخذ اكل هوه يحطلي وبيوم
كعدت كايمه اباوع للغرفه استوعبت افرك بعيوني
فتحت جنطتي مطلعه ثوب اسود وبي ورد احمر طوخ كبار اشتريته نفس العند جوري.
لبسته سريع وطلعت فاتحه الباب شفت ضرغام يم بطلين فارغات ونايم
تقربت يمه اشم وخرت لعبانه روحي
نوف همن شاااررررب
كمت متنرفزه دخلت للحمام مغسله شايله شعري كعكه صفنت على ترتيب الردت اسوي واليله العمر التوقعتها، بس طلع كلشي غير.
طلعت وشفته بعده نايم اندار نايم على بطنه استغفرت شايله مزهريه شامرتها على المرايه
نوف اكككعععدد
فز هوه مصدوم شافني وصار عصبي
ضرغام شبلاااااج شنوهل هبل.
نوف اانت اهبلل ياسززز اكسرر هاي برراسك لك وين اكو عريس بهلل وضع حاجييني
ضرغام نوووف اتكحزي مني
نوف سهله
كعدت على قنفه يم جربايه حاطه رجل على رجل وهوه لازم راسه راجع متمدد
ضرغام ماتعوفون واحد يرتاح. مكروهين
نوف اناا مكرووهه؟
ضرغام ححيل
نوف اذا هييج شكوو اتزوجتني
ضرغام غيرر ععمج ماخلى واحد ماجبررره اانا لو ذياب لو...
سكت مغمض عيونه متنهد
نوف اخوك ثالث ها أميرر هم انجبر؟
ضرغام عجل شنو هم انجبرر.
نوف وماشاءلله ماعندكم السانات؟
ضرغام شبلاج
نوف تسوووي اهبالك عليه وتكلي شبلاج؟
ضرغام اتكحزيي مني اتكحززززي
هزيت راسي كايمه رايحه ناحيه الكزاز المتكسر بلكاع اخذت وشمرته عليه
ضرغام شنو تا تسوين
نوف اموووتك ماتحمل هيج اناا
ضرغام وولج
راد يكوملي اخذت كزازه جبيره شامرته على راسه بسرعه لزم راسه فاتح عيونه
نوف موانا التنكسر بابا مو ااانا
باوع الايده لكى بيها دم بلعت ريكي راجعه اليوره اتنفس سريع.
نوف رغم احبك بس ماطولك هيج والله ماعوفك بحالك امووتك اموتك
طاح بلكاع على كب رجله بكوه يفتح بعيونه يريد يستوعب ودايخ بقيت صافنه على هوه طاح على الكاع وخرت بسرعه صارخه
خليت ايدي على گلبي بالعه ريكي برجلي اتلمست چتفه
نوف كوووم عوف هاي سوالف موجرح قوي هوه
ضررغام
تقربت يمه لازمه شعره شفته صدك مغمي غليه وايدي ادمرت دم صرخت خايفه
نوف ضرررغام
جوري: -
جراني من شعري قوي غمضت عيوني قوي ابجي.
ذياب معاذ وعبرررتهااا بس صاحبي لا
جوري تششك بيه ذيابب
ذياب وشنو درااني بيج ماطولج مسويه هيج
ضربني راشدي طحت بلكاع اتنفس بكوه وگلبي زاد المه حييييل لدرجه حسيته صار گلبي صغير وعلى شعرايه يوكف.
تقرب جاي يمي ردت اوخر لازمه راسي وجر حنجي قوي
ذياب تدااينين بت ررملله تاخذين فلوس من الناس
بكوه اتنفست عيوني بدن ينغمضن هوه استغفر شايلني
ذياب تاذيتي؟
مارديت ههوه باوعلي.
ذياب يبه والله ماقبل شبلاج ليش تعانديين وتتورين گلبي ترضييين احاجي صاحباتج؟
مجاوبت عافني دافعني
ذياب صدكي مامسامحج على سالفتج هاي
راح طلع من الغرفه بقيت اني وحدي خليت ايدي على الكاع كايمه بكوه وراسي موتني وجع باوعت وماشفت اكو دم بس وجع جايني قوي
مشيت على كيفي اتنفس بكوه وامسح على گلبي فتحت الباب طالعه ودخلت الغرفه ام سليمان شافتني عكدت حواجبها
ام سليمان بيج شي عمري؟
جوري لا.
مشيت وانا منزله راسي رجعت المكاني متمدده عيوني على سكف اتنفس من حلكي
هي جابت غطوه وغطتني بيها
ام سليمان تصلين؟
مارديت عليها منداره للجه ثانيه على الحايط مغطيه حته راسي هي ماحجت شي رجعت المكانها وانا بقيت وقت طويل الوضعي راسي انسطر احس
جوري اقسم بعيون ابوي ابجيك ياذياب ابن امينه
تنهدت مغمضه عيوني ونمت بكوه...
ذياب: -
رحت للمجلس كاعد يم درع يگلب بتلفون
ذياب اجنزك اذا بعد حاجيتها
درع اخويه شنوهاي تصرفات؟
ذياب لااا تحاجي بعرضي براحتك؟
درع تترا صاحبك من زمان واحنه زعاطيط معقول ماتثق بيه؟
سكتت ممجاوب داير وجهي عاكد حواجبي
درع بس لاحاجيتها
ذياب مالك دخل بيها
درع ماراح احاجيك بعد
ذياب ولا انا اريد احاجيكم
درع سوالفك غلط ذياب ادري منضغط من شغل بس موهيج ومرةة هذا اكيد لاحه عليها وهي ماتريدك تعرف وصراحه ماعرف ليش ماطلبت منك الفلوس بس عادي
طلعت من جيبي فلوس شمرتهن علي
ذياب هذن فلوسك
درع رحم الله والديك هيج تعاملني.
مارديت على متمدد داير وجهي ودرع استغفر كام طفى ضوه ونام بقيت صافن متذكر صح انا ضربتها وكعت الغراض
تنهدت امسح وجهي
ذياب طكيتها، مالازم اسوي هيج
استغفرت كايم مموخر البطانيه وطالع دورت بعيوني ماشفتها هم كمت ماشي ناحيه الغرفه باب خشب مسدود من جوه بي فتحه
دكيت الباب وسمعت صوتها
ام سليمان فوت.
فتحت الباب على كيف لكيتها ضلمه وبس بنكه مشتغله هي كاعده لابسه حجابها طويل وكدامها قرأن مسدود وبيدها سبحه باوعتلي وابتسمت
ام سليمان ها حبيبي محتاج شي؟
ذياب الحمامه هين؟
ام سليمان أي نايمه
درت بعيوني على زاويه الغرفه وشفتها دايره ضهرها ومغطيه حته وجها نايمه زفرت بحسره
ام سليمان مزعلها؟
ذياب اي
ام سليمان ليش أبني مبينه حباب هيه
ذياب تور گلبي حجيه وشنو اسوي ارجع اندم لان صغيره
ام سليمان تفاهم وياها.
ذياب سوالفها كلها غلط
ام سليمان تحبها
ذياب احسبها بنتي
ام سليمان ابني ماطولك مامتفاهم وياها وتعتبرها بنتك طلكها
ذياب شنو
ام سليمان البنيه تنضلم اذا ماتحبها خلي دحك نصيبها الغير واحد
بس حجت هيج حسيت حرگه صارت بگلبي
ذياب تصبحين على خير
عفتها وسديت الباب راجع للغرفه افكر
ذياب صدك ضالمها
تنهدت رحت للمطبخ مغسل وجهي ورجعت متمدد حاس بحراره احتلت جسمي
ضغطت على البطانيه مفكرها ويه غيري.
دفعت البطانيه ماخذ نفس قوي مخلي ايديه اثنينهن وره راسي
ذياب ياهوه يرضى بيها اصلا عقلها عقل جهاال
سكت اعض بشفتي احرك برجلي صافن
ذياب بس حلوه هيه، حلوه حيل
بلعت ريكي زافر نفسي ضارب على وجهي
ذياب شبلاني اني
ردت انام على بطني وتذكرت جرح وخرته لكيت بي دم ناشف عفته مغمض عيوني، دقايق وفتحتهن رافع راسي
ذياب والك يمشط شعرها بدالي، اجنزه هوه وياها وحك الله اجنزهم
هزيت راسي اعضعض بشفتي جوانيه راجع متغطي ومتمدد.
ذياب سهله ياجوري سهله.
الصباح.
جوري كعدت كايمه شال مفتر على ركبتي
ناقصه انا
وخرته من ركبتي لازمه راسي بعده يوجعني بس اهون من البارحه
باوعت وشفت ام سليمان نايمه واكو صوت
جوري احس جاي اسمع صوت
كمت شايله شال مرجعته وفتحت الباب على كيفي مماكو احد
جوري بس لا هم جني
بلعت ريكي ردت ارجع وصار صوت ضحك ذياب
جوري هذا ضحكه الغثيث
طلعت ناحيه صوت مشيت الممر ولكيت بالحوش كارتونين بلكاع وذياب مندار يحجي بتلفون غير تلفونه ويضحك.
شوي ودخل من الباب درع بيده كارتونه ثالثه
انداريت ضامه روحي بلحايط حتى لاينتبهولي
ذياب محلها هين حطها
سد الاتصال وحط التلفون بجيبه يباوع الدرع بيده جكاره زفر نفسه حاك حاجبه عرفت عنده شي ويريد يحجي
ذياب درع
درع أمر سيدي
ذياب عوف هل رسميات هين احنا هساع. واحجيلي زعلان
درع زعل عفته النسواني
ذياب لاتاخذ بالك عليه البارحه مانايم وتعرف ضغط صار عليه وهم.
هوه يحاجي درع وانا اقلد كلامه بهمس كاشه ملامحي واتلمس بشفايفي عود نفسه هوه يتلمس بشواربه
جوري لاتاخذ باالك، وانا فجرت راسي ورايحلي الهذاك كلشي مابي
رجعت اباوع وشفتهم اثنينهم ماكو
جوري وين ولو
بقيت ثواني ومحد اكو فتحت باب طالعه و شفت ماكو احد مديت راسي من الباب لكيتهم كاعد يتمشون بعيد ويحجون سويه
جوري شبسرعه
بلعت ريكي مرجعه انضاري للكارتونات فتحت وحده منهن و فتحت حلكي لكيتها متروسه فلوس.
فتحت ثانيه وثالثه نفس شي صفنت شوي باوعت للباب شفتهم واكفين بعيد و بعدهم يسولفون
دخلت بسرعه جوه للمطبخ ادور و لكيت جداحه الطولانيه ابتسمت
واخذتها رايحه بسرعه للطرمه اخذت وحده من الفلوس مشغله النار.