رواية عكد الظفيرة للكاتبة زينب جعفر الفصل الثامن عشر
جوري: -
ذبيت الفلوس بلكارتون احتركت وحده منهن والبصفهن وطفت اخذت ثانيات مقربه يمهن الجداحه حتى يحترك الباقي
بدن شوي شوي يحتركن ونار تلتهم باقي الفلوس تقريبا نصهن وبده الكارتون ياخذ من نار خفت لاينتبهون دخلت جوه بسرعه فاتحه الثلاجه وطلعت ثلث كاسات مي
بديت افتحهن سريع خايفه لا يجي على كارتون من فوك وطشيت المي عليهن ب الكاسه ثانيه طفن وباقي الفلوس دمرن مي.
سديته بسرعه مرجعه الاصق عليهن شايله الكاسات ودخلت جوهه كبل انضربت بشي وخرت
دعاء شبلاج
جوري مانتبهت اعذريني حبيبتي
دعاء يامصگوعه ليش هلكثر مي...
قبل لاتكمل كلامها دخلت الغرفه ام سليمان ساده الباب اتنفس سريع لازمه گلبي حاسه بنغزات خفيفه تلچمني
باوعت الأم سليمان بعدها نايمه حاطه ايدها جوه راسها ونايمه على لوله جبيره
جوري ماتوجعها ركبتها.
ردت امشي وكفت صافنه متذكره ابوي هم جان عنده لوله ينام عليها ونفس كلام جنت اكوله اله
نزلت راسي مرجعه انضاري عليها رحت يمها كاعده صافنه اباوعلها نازله دمعتي قربت ايدي ماسحتها وبست راسها لافحتني عطرها المسك
ابتسمت وكمت اشرب من الكاسه المي ودموعي ينزلن رجعت المكاني كاعده ساكته
جوري الله يكسر ايدك راسي الحد هسه موتني
لزمت راسي متنهده متچيه على الحايط
جوري لو باقيه يم امي، صوج امي شباكها شكبره.
لو جيرانه ابو على يكدر يفوت منه
نزلت نفسي متمدده متنهده
جوري ماجان كدر يبوگني الحرامي طبرجي
فزيت على دكه الباب خليت اصبعي بشفايفي كارطه اظفري صافنه على الباب خايفه لاهوهه
باوعت الام سليمان نايمه ردت اكوم اتقرب يم الباب وحجه
ذياب حجيه هي اني
جوري طبك طوب مانفتحلك الباب ياغثيث
سكت شوي وانا سكتت عيوني على الباب
ذياب حجيه؟ راح افوت.
ركضت بسرعه متمدده دايره وجهي للحايط رجعت كمت متغطيه وغطيت حتى راسي مسويه نفسي نايمه
ثواني وانفتح الباب على كيف وانسد صارت صوت خطواته
ذياب من الليل نفس وضعيه النومه
وانا جوه البطانيه مافهمته فاتحه عيوني وضاغطه قوي ععليها خايفه منه لاعرف
جوري شجاي يخرط هذا
ذياب جؤ جؤ جؤ
عكدت حواجبي وصارت سنطه الثواني
جوري وين راح شسالف، ردت اشهك وعضيت شفايفي مغمضه عيوني
رفعني منومني على ضهري وخر الغطوه من وجهي.
ذياب لايختنك ابني
حجيت بيني وبين نفسي وانا مثله النوم
جوري راح اختنك من عطرك شبيه كمت ماعرف اتنفس
حط راسي على المخده شوي واتقرب حاسه بملمس شفايفه على كصتي حصرتني الضحكه اول ماوخر رجعت ملامحي طبيعي
ذياب جوري، حمامتي
لزم وجهي وب ابهامه يتلمس بخدي فتحت عيوني شوي شفته حاط وجه بوجهي رافع مقدمه حواجبه
يباوعلي
جوري راسه كبران لو عيني بيها شي
ذياب اكعدي بابا
مجاوبت فاتحه عيوني اباوعله
جوري شكو؟
ذياب متاذيه من شي؟
جوري اي منك وخر يلا
ضحك يمسح على عيونه
ذياب متاذيه من الحنين
جوري وخر
ماجاوب انداريت للجه ثانيه متغطيه اتقرب جاي يمي حاط ايده على مخدتي وتاچي على راسه
بسرعه انداريت رافعه راسي
جوري شبيك؟
ذياب لاتسوين هيج يبه
جوري وخرر مارييدك
رجعت نايمه هوه حط ايده على ايدي شابك اصابيعه ب اصابيعي ردت اوخرها وضغط قوي على ايدي استغفرت گالبه عيوني
ذياب ماردت اطكج
جوري وضربتني
ذياب سوالفج غلط بويه كل يوم تورين گلبي بسالفه جديده.
دفعت ايده قوي من ايدي بدون ماندار حجيت
جوري اذا هيج طلكني واخلص اتهنى ب احضان هالتك الكلساع مقارني بيها
ماحجى الثواني وحضني من وره حاط راسه على چتفي بسرعه لزمت ايده المحاوطتني
جوري شبييك وخرر
ماندفع ولاشي رافع مقدمه حواجبه يحجي بهمس
ذياب ماحب احد يدحكلج وحك ضحكتج بملگاي يتور گلبي
جوري عساك بنار جهنم
ذياب اني هيج، بعمري ماحبيت لو صادقت مره
سكتت عاكده حواجبي هوه تنهد.
ذياب بالي بشغلي وابوي زوجني ماعرف اتعامل ويه المره صراحه. هاله تقبل بهل شي فا ادحك عادي
جوري كم مره اكول انا موهاله...
اجتمعن دموعي بالعه ريكي
جوري ابوي ماضاربني
ذياب حقج والله حقج بس موبيدي ما ادحك شي من اعصب وبالاذات اذا شغله عزيزه عليه احد يدحلكها او يكرب صوبها
ضغط اقوى على ايده لافحتني انفاسه على ركبتي
ذياب ابوي خلاني واني صغير احفظ ممتلكاتي
جوري وانا شنو؟
ذياب ملكي حمامتي
درت وجهي خازرته
جوري تحلم.
ذياب السان طويل ها
جوري ايي الساني طويل شتريد
ذياب تدرين ماكو احد محاجيني هيج قبل؟ حتى ابوي او امي
جوري شسويلك
ذياب من هاله مارضت اتزوج وماسمع كلام ابوي ردت اخنكها
خفت رافعه بؤبؤ عيني للحايط انتضره يخلص كلامه
ذياب بس انتِ لا ماعرف ماعصب
جوري طيحت حضي شسويت بيه وتكول انتي لا.
ذياب جوريه جثير تتفردين واسكتلج بس. اكو سوالف لاماسكتلهن منهن جايه شغلي لو محاجيه صاحبي وماخذه فلوس لو تردين تلبسين قصير وتفرين جدام الوادم
وحده من ايده المحاوطني بيها قربها يم خصله شعري جايه على خصري بده يتلمس بيها ويلوفها الخصله على اصبعه
ذياب هل مسكين ماتكولين شنو يصير بحاله؟
جوري فدوهه فقييررر. تعرف بيه اخذتني مومحجبه وفوك ماجيت وياك خايفه عليك
ضحك ونزلت راسي اباوع الخصله شعري لازمها
جوري وخر.
ذياب تعبان
جوري شسويلك المره راح تكعد
ذياب يامره هههههه، وذا
ماحجيت زافره بحسره ضايجه منه وعطره من كثر ما استنشقته حسيت اتشبك العطر بملابسي.
ثواني وهوه مغمض عيونه باقي النفس وضعه
واندك الباب وخر وانا انداريت هوه يمسح على عيونه انتبهت الملامحه تعبانه وعيونه حمر باوعلي رامش اكثر من مره وابتسم
كام فاتح الباب على كيف وانا خليت شالي
دعاء ها شو هين
ذياب فات مزاجي اجي هين ليش
دعاء لا بس ماتاكلون
ذياب جايين هساع.
هزت راسها مبتسمه اندار عليه وسد الباب اجه يمي لازم ايديه
جوري شكو
ذياب احجي وحك ابوج اي سالفه تضوجني ماتسويها
صفنت اباوع العيونه يلمعن ومثبت بؤبؤه عليه
ماجاوبت منزله راسي وهو دنك مايل راسه يباوعلي
ذياب صدكي بعد ماحاجيج اذا سويتي سالفه هههه ها خوش؟
جوري اي بس ماريد احجي وياك
ماسوه شي رفعت راسي اباوعله لكيته ساكت بس تقرب بايس خدي
ذياب نراضيك، يلا تعي اكلي
ماحجيت شي وهوه طلع من الغرفه تنفست براحه.
جوري يعني مايعرف حركت فلوسه
باوعت الام سليمان بعدها نايمه نفس وضعيتها عدلت شالي متقربه يمها ودغيتها
جوري حجيه، حجيه اكعدي
فزت تباوعلي
ام سليمان ها حبيبتي بيج شي
جوري لا بس تعاي اكلي
هزت راسها ماخذه سبحتها تعدل بحجابها
ام سليمان جايه جايه گلبي تسلمين
ابتسمت وكمت رحت يم الباب فتحته وهي حجت
ام سليمان شطبه
انداريت اباوعلها
جوري ها
ام سليمان ذياب كاعد؟
جوري اي
ام سليمان حاجيتي؟
مافهمتها بس هزيت راسي
جوري اي ليش.
ابتسمت تأشر بيدها
ام سليمان اتكحزي اتكحزي اكلي بلعافيه على گلوبكم اثنينكم
طلعت ساده الباب وشفت دعاء جاي تحط قشطه بلماعون شافتني ابتسمت
دعاء همن ما راح تخلين بالج تصبحين بوججي
جوري اعذريني صبح. صباح الخير
دعاء غريبه سوالفج تدرين
جوري اانا، ليش
ماردت مبتسمه اخذت ماعونين داخله للمجلس مديت راسي شفتهم كاعدين وزينه كاعده يم ذياب بس هو مدني بعيد عنها
منزل راسه وعاكد حواجبه يغمس بطاوه
قوي.
جوري جاي يتعارك ويه طاوه شبي هذا
كعدت على الكرسي منتضره دعاء تجي وماجت
جوري لزكت هناك
مديت راسي وشفتها كاعده يم زوجها تاكل انتبهلي ذياب خازرني
جوري اهووو هم شافني
وخرت بسرعه راجعه للغرفه رفعت راسها شافتني
ام سليمان ها اكلتي
كعدت متمدده تاچيه راسي على المخده
جوري لاوين
ام سليمان ليش ماتحبين تتريكين
جوري موهيج بس دعاء نستني وذياب مايخليني افوت جوه
ام سليمان هساع اسوي اكل النفسي واكلي وياي
جوري ماتتريكين وياهم.
ام سليمان لا انا ماحب اتريك بس علمودج
ابتسمت وهي خلت ايدها على الكاع ضاغطه تريد تكوم بسرعه رحت يمها ماده ايدي
رفعت راسها تباوعلي
جوري انطيني ايدج
ابتسمت مخليه ايدها ثانيه على ايدي ورفعتها كايمه لزمت الحايط وانا جبت عكازتها منطيتها
جوري هاج
ام سليمان شكثر عمرج؟
جوري هاي سنه دخلت 17
مشت شوي على العكازه تباوعلي
ام سليمان ادحكلج حبابه
جوري اي انا حبابه
ضحكت منزله راسها تمشي وفتحت الباب
ام سليمان شنو تحبين تاكلين.
جوري انا احب بيض وطماطه بابا جان دائما يسويها وعليها رشه ملح وحبه سوده
ام سليمان من عيوني شطبه تأمرنه
فرحت وهيه راحت للثلاجه مطلعه ثلث بيضات اخذتهن منها اباوع الايديها يرجفن
جوري وين جدريه
ام سليمان دعاء تحطهن المصگوعه هين
باوعت تأشر على طباخ فتحته ولكيت اثنين طاوات وجدريه بيها شوي زيت خليتها على عين جبيره وههيه اجت مشغله العين طباخ.
بقيت اباوعلها وانفتح الباب المطل على الحوش داخل بيده كامره سوده لازمها وشعره مبلل مرجعه اليوره عاكد حواجبه ماعرف شيدوس بيهن رفع راسه وشافني
درت وجهي منه اباوع للحجيه خلت عكازتها تاچيتها على الحايط مبتسمه طك بيضه
ام سليمان تحبينها عيون لو خلط
جوري عيون، مو اول شي طماطه
ام سليمان ها سويه
جوري اي
ذياب لاتعبين الحجيه
باوعتله لكيته كاعد على الكرسي وعيونه بلكامره كشيت ملامحي مامجاوبه
ام سليمان لاتددلل الشطبه.
عدلت شالي وهي طلعت طاوه ثانيه وطلعت طماطه بسجين وعلى طاوه كصكصتها سريع
ام سليمان طلعي چفچيره
جوري چفچيرر!
ذياب مو چفچير هي تريد ملعكه خاشوكه
رحت يم الكاونتر اباوع وب اصبعي أشرت
جوري هايه
ام سليمان الغاد
فتحت جراره الأشرت عليها جانت قريبه يم الكراسي وطبله ردت اطلع خاشوكه وسمعت صوت كامره انداريت بسرعه الذياب لكيت مخلي كامره عليه
وخر بسرعه محمحم يمسح على شواربه
وايده ثانيه ب اصبعه يضغط بلكامره.
عفته راجعه وهي حمست طماطه راحت جابت ملح وحبه سوده رشت على البيض وخلت فوكاه الطماطه المحموسه
جريت صينيه من وره طباخ مخلينهن وخليت طاوه كعدنه انا وياها هيه جابت سله بيها خبز وانطتني
جوري اشو اسمر هذا
ام سليمان اي مسوينه من شعير
جربته جان خفيف وماله طعم غمست بطماطه ماكله ابتسمت جايني نفس طعم طبخ ابوي
ام سليمان ها مثل اليسويها ابوج
عضيت شفتي امضغ لگمتي هازه راسي
ابتسمت منزله راسها تاكل.
جوري بس بابا يسويها لاچعه
ام سليمان شنو لاكعه
ذياب متورر ابو ابوها
انداريت خازرته
جوري مومحتركه بس تلچع
ام سليمان كافي لاتتططاكوكون اكلو
ذياب جؤؤ اله اطلكهاا
حجاها وضحك ماجاوبت مامهتمه ماكله
ذياب ها حمامه شنو تردين اطلكج واخلص؟
جوري انا الاخلص منك
ذياب افففف حتى صوتج كارهه
باوعتله وهوه رفع شوي كامره يباوعلي مبتسم
جوري ولايكعد ككاضم
ذياب هههههههه حجيه شنو تكولين
ام سليمان لا ورده جوريه.
باوعتلها مبتسمه مستحيه ونزلت راسي اكل
درع ذياب تعال شوية
وكفت لگمتي باهته ملامحي انداريت شفت درع واكف وره الباب بطرمه عاكد حواجبه ضايج ذياب ماحجى عاف كامره وراح طلع
جوري بس لا درى
ام سليمان شبلاج بليل
جوري ها
ام سليمان بليل صابج شي؟
جوري راسي وجعني شوي
ام سليمان شلون صرتي خاف لان تعبانه
ماجاوبتها حاسه بطني وجعتني كمت بسرعه مغسله ايدي
ام سليمان وين
جوري شبعت.
دخلت الغرفتها ساده الباب رايح لون وجهي من الخوف رجعت المكاني ماخذه الغطوه لافتها عليه
جوري انا شسويت شبيه
كرطت اظفري اتنفس سريع لزمت راسي صافنه وعيني على الباب منتضره وفعلا دقايق والى انفتح الباب فايت
نزلت راسي ماباوعله بالعه ريكي سد الباب وتقرب وصل كدامي بس اشوف ايده بارزات شرايينه
ذياب أنتِ؟
ماجاوبت بس ارمش نتر اقوى
ذياب أحجي.
رفعت راسي اباوعله عيونه فاتحهن حمر كاز على سنونه حسيته لل لحظه يهجم عليه ويضربني
رجعت للحايط هازه راسي نافيه نازله دموعي خايفه منه
عاط بيه فززني
ذياب جاوبي
حسيت شفايفي يرجفن مسحت دموعي اباوعله
جوري مو انا
ذياب عجل؟
رفعت أچتافاتي بمعنى ماعرف ردت احجي وبلحظه سريعه لزم مقدمه ملابسي ب اثنين ايديه رافعني لازكني على الحايط الدرجه رجليه مالاحت الكاع
فتح عيونه اقوى
ذياب أحجي!
شهكت ماحاجيه وخر ايدي وطحت بلكاع صاير ألم برجلي واچتافاتي من قوه جره
ذياب شسوي بيچ حاجييني
مارديت رفع ايده يريد يضربني خليت ايديه خايفه
مماضربني مشى سريع دافع طبله موجوده برجله
فتح الباب طلع وضربه قوي ساده
تمددت احاول اوازن تنفسي متوجع كل جسمي وگلبي رجع ينغزني قوي
لزمت گلبي نايمه صفح اتنفس بكوه فاتحه عيوني
انفتح الباب مارفعت عيوني وحتى دموعي مانزلن بعد من فزه صارتلي والخوفه.
تقرب شخص يمي حسيت ب أيدين على راسي تمسح
ام سليمان بنيتي شطبه شصابج
ماكدرت اجاوب بس ارمش احاول اخذ نفس
ام سليمان حبيبتي احجي بيج شي شبلاج
بقيت الثواني هيج وهيه خايفه من وضعيتي خلت ايديها الترجف لازمه راسي تريد تكومني
ام سليمان يلا حبيبتي كلنا تصير سالفه ويه زلمنه يلا عمري اكعدي
كومتني لزمت گلبي فاتحه عيوني اتنفس من حلكي وافرك على گلبي وايديه يرجفن
تنهدت محتاره شتسويلي مسحت على ضهري.
ام سليمان يلا يلا ياحبيبتي شنو سالفه رجلج هوه شكثر ايام زوجي طكاني وحك الله اسكت شنو بيدي
ردت اخذ نفس قوي ماتحملت صاير ألم بگلبي قووي واحس دكات گلبي كل ماله تنصى
ام سليمان دحكيلي حبيبتي شنو يأذيج؟ شطبه
باوعتلها صافنه بوجها لازمه گلبي واريد اتنفس ردت انتبه الملامحها ثواني بسيطه حسيت وجها جاي يتغوش
اخر كلمه همستها
جوري بابا
طحت مغمي عليه اخر شي سمعته صرخته مصدومه
ام سليمان ياايمه.
دقايق، بهل دقايق انكطعت عن عالم كامل.
سألت نفسي وين انا؟
ماكو احد بهل مكان. الأشوفه بيت، بس يابيت؟
درت بمكاني اباوع وشفته
هذا هوهه اي، ابويه جايني
ضليت واكفه بمكاني ورغم البيت قصير الى جان بي ممر طويَل ابوي يتمشى
ابتسمت فرحانه واكفه اريد اركضله بس ماكدر رجليه احسهن ثابتات بس فرحانه وعيوني على كل ماله جاي يتقدم وراه نور شمس جاي على شعره
تقدم اكثر واكثر، وانتبهت. بابا...
وكف كبالي ملامحه باهته شعره مخربط ودشداشته ملحيه مفتوح دكمها بس يباوعلي يرمش
ضليت صافنه بعيوني الواضح بيهن تعب
جوري ابويه
نزل راسه واجت عيني على شعره كله شيب!
مد ايده بجيب دشداشته وطلع چفيه
لزم ايدي وحط چفيه متلمس اصابيعي سادهن على باطن ايدي
اريد احجي ماكو الساني انربط وعافني وراح
اريد اصرخ ورااه ماريده يعوفني!
اريد اركض اصيحله واحضنه ماصدكت اشوفه
بس للاسف راح! الحد ماطلع من هذا البيت.
ضليت صافنه مامتحركه نزلت راسي اباوع الأيدي
وفزيت
ام سليمان اسم الله عمري
باوعتلها لكيتها بعيونها دموع رجعت انضاري للغرفه
جوري لااا لاا
ام سليمان شصابج ياروحي
باوعتلها لازمه ايدها احرك براسي وارجف
جوري ابويه ابووويه ماحااجيته!
ام سليمان هدي هدي ياروحي
عصرت ايدها قوي نازلات دموعي
جوري ابووويه رااااح رااااح
حضنتني قوي بجيت منهاره اصيح قوي واشهك
جوري ابووويه عافني وراح ماحاجيته ماكدررت احاجي.
هيه حضنتني اقوى طبطب عليه وتبجي
ام سليمان هدي يارروحي انتِ
سكتت ينزلن دموعي بهدوء
جوري ابويه راح وماحاجيته، لچمني
اخذ نفس متألمه من گلبي
جوري لچم گلبي لچمه
سكتت وهي بدت تمسح على راسي
ام سليمان ابوج موجود ويسمعج
هزيت راسي نافيه بكوه حاجيه رايح صوتي ومهدود حيلي
جوري چانت بس عايزتلي هل لچمه وأموتن.
ام سليمان اسم الله عليج حبيبتي
باوعتلها شاهكه
جوري ليش هيچ يسوون ويايه ليش.
ام سليمان تفرج بنيتي خلي بالج كله يم رب العالمين يلا اهدي واتفردي ارتاحي
رجعتني للمخده بحجابها مسحت دموعي درت وجهي للجهه ثانيه
ام سليمان اشربي مي
قربتها يم شفايفي وخرت حاجيه بكوه
جوري ماريد
هزت راسها تمسح على شعري بدايه الفروه
ام سليمان يلا بنيتي انا همن يتيمه شنسوي بعد كلنا بهذا درب
جوري أريد اموت.
ام سليمان لا لاتفكرين هيج همن ابوج يضوج اذا تخليم بالج سالفه هيج هوه يحبج ويريد يدحكلج ب اعلى المراتب ياعيني فكري ب شي زين لاتقهرين نفسج هيج والله وريتي گلبي عليج
مارديت بيدها اخذت شوي مي طشه على وجهي ومسحته قربت وجها بايسه خدي
ام سليمان يلا ياعيني اهدي موزين عليج
همن ماجاوبت ضلت ساكته شوي وباوعتلها بالعه ريكي احاول اخفي غصه الحرگت بلعومي
جوري ابوي دائما يضحكلي
عضيت شفتي زافره نفسي.
جوري بفراش الموت اتذكره وضحكلي
لان طول شعري
نزلن دموعها تباوعلي وانا درت وجهي راجعه ابجي
جرت ظفيرتي تمسح عليها بيدها
ام سليمان هاي ظفيرة هاويها أبوج
هزيت راسي على كيف هيه قربتها يم شفايفها بايستها
ام سليمان لاتخلين بالج بيوم تكصيها!
جوري أبوي ماراضي عليه اذا بيوم كصيتها.
خلت ظفيرتي على المخده كايمه عافتني بهل وضع بقيت هيج ساكته بس دموعي ينزلن بهدوء وناسيه ألم گلبي كل بالي يم ملامحه.
جوري شوازى التعب يلوح ملامحك.
رفعت راسي كايمه مشيت على كيفي بدون شال ولاشي كل بالي اطلع
فتحت باب جان هدوء ماكو احد صاير الليل والمجلس قافلين الاضويه
عيوني اجت على الممرر مشيت على كيفي بس ارمش صافنه
وصلت يم بوابه ردت افتحها وسمعت صوت انداريت بالعه ريكي وشفتها
دعاء وين؟
ماجاوبت ساكته هيه تنهدت وتقربت يمي جاره ايديه وحاطه الغراض
دعاء هي الكم عفتوهن بلغرفه اخذي لاكيت هي
باوعت ولكيت چفيه.
دعاء لاتفرين هين بلايه شال اتكحزي خوش
هم ماجاوبت عيوني بس على چفيه هيه شافتني هيج هزت ايدها وصعدت فوك
جوري چفيه ذياب.
قربتها وانتبهت متذكره نفس چفيه الحطها بيدي ابوي ابتسمت مقربتها يم شفايفي بايستها مغمضه عيوني
بلعت ريكي وطلعت من الحمام الحجيه شافتني ضربت على خدها خفيف
ام سليمان شطلعج يمه
خليت الغراض باقيه على الكرسي وهيه اخذت عكازتها وتقربت يمي تأشرلي بيدها ثانيه
ام سليمان صابج شي احجي تردين شي.
جوري ابويه
تنهدت مستغفره مشتني قريب يم الغرفه وكفت
ام سليمان ذياب جوه بغاد الغرفه دحكيلها؟
اشرت باصبعها اجت عيني على الغرفه شفت بابها مفتوح عرفت نفس الغرفه ضربني بيها بلعت ريكي خايفه منه وكارهته
جوري شسويله
ام سليمان ماعرف سالفتكم بس بنتي المره مايصير تضوج رجلها دحكتله صبح عصبي ومتور گلبه حتى من عرف بيج طحتي ما اجه من كثر ماضايج منج.
زفرت نفسي لعبانه روحي من هل حجي درت وجهي اريد افتح باب الغرفه وهيه حجت بهمس
ام سليمان احتمال ابوج
باوعتلها ماسحه على عيني بتعب
جوري شبي
ام سليمان خلي بالج ماراضي عنج احتمال بسبب سالفه ذياب
درت وجهي منزله راسي صافنه معقوله؟ بس هوه ضربني وابوي مايقبل احد يضربني
ام سليمان حجيتلج انا
باوعتلها ماعرف شسوي كلشي ولا ابويه.
هيه دفعت الباب غرفه ودخلت بقيت واكفه تنهدت
جايه عيني على الغرفه.
اجتمعن دموعي مبرطمه شفايفي لا أرادي
جوري بس هوه زعلني وضربني
مسحت دمعتي ومشيت بيدي چفيه رحت للغرفه واكفه لكيته داير ضهره حاط يمه كارتون الفلوس ويسفط بيهن واكو بيهن محتركات ماعرف شيسويلهن ماركزت نزلت راسي شابكه ايدي سويه
جوري ذياب
جان بيده ثانيه جكاره راد يقربها يم شفايفه وسمع صوتي وكف ماندار ولاشي سمعت صوت تنهيدته ماخذ نفس من جكاره
مكمل شغله
سكتت شوي شاهكه كارطه من اظفري متوتره
جوري تسمعني؟
هم ماجاوب حركت بيدي على چفيه مبقيه راسي منزلته
جوري ادري غلطت سامحني بس جنت ضايجه وحاقده عليك لان ضرب...
قاطعني حاجي بنتر بدون مايلتفت
ذياب كافي مابينه بس طلاك اطلعي
جوري أسمعني
ضغط قوي على جكاره كاسره بيده طايح القطف بلكاع
ذياب كارهه ادحكلج لو أسمع صوتج.
باوعتله مبلله شفايفي
جوري ذياب
فززني عايط بيه قوي
ذياب اذا ألج شوية كرامه أطلعي!
ضغطت قوي على چفيه خايفه هزيت راسي
متنهده تقربت يمه مخليه يمه الچفيه.
ورحت ردت اطلع باوعتله بعيوني دموع حجيت والغصه واضحه بصوتي
جوري انا من احاجيك لو اسامحك على ضربك مومعناها ما ألي كرامه لا. بس ابويه علمني مازعل او اضوج احد مني وصح ماتعتذرلي بس لان ترجع تحاجيني بلطف مارردك لان هم ابوي علمني مارد احد
ماجاوب متجاهلني واناا سكتت مامحاجيته درت وجهي عايفته وطلعت رجعت للغرفه شفت ام سليمان مطفيه الاضويه ونايمه رحت المكاني متمدده صافنه
عضيت باطن شفتي منجرحه من كلامي.
جوري الله يسامحج ياماما انطيتيني الهم
نمت صفح اتلمس على ناحيه گلبي امسح على كيفي اريد يخف ألمه ماكو
زفرت نفسي مغمضه عيوني
واسمع صوت الساعه ودكها من كثر الهدوء صار
مرةة ساعات وانا عيني ماغطاه النوم بالي كله بصوره شكل ابوي وحجي ذياب.
كمت ماجايني نوم مشيت اباوع ل أم سليمان بعدها نايمه فتحت الباب طالعه ماشيه بلممرر
ورحت للحوش بادي يطلع النهار سمعت صوت العصافير.
رفعت راسي اباوعلهن واكفات على الباب وبيهن على الواير ابتسمت تك خد
متذكره الحمامات.
رفعت راسي اباوع للسماء
جوري لو تعرف وكتك قصير وياي ليش عودتني عليك؟، ها بابا
تنهدت دايره وجهي ردت ادخل جوه وحسيت بخطوات قبل لا اندار انكتمت شفايفي وخشمي ب وصله فتحت عيوني خايفه مامفتهمه
ضليت ارفس قوي اريد اصرخ ماكو انضغط قوي حيل انكتمت أنفاسي ماطولت كم دقيقه وماتحملت مغمى عليه.
رمله.
لبست عبايتي داخله للصاله لكيت جميله نايمه طالعه بطنها
نزلت فانيلتها شايلتها مديت ايدي مدنكه شوي واخذت جنطتي طلعت داكه باب بيت
رمله اجه الشتاء وشمس بعدها تحرك حرك
ضيكت عيوني متنهده ورجعت دكيت اقوى بخمس اصابيعي
رمله شهللل نوم
انفتح الباب طالع بكوه فاتح عيونه
احمد ها خاله
رمله انت شني ماعندك شغل وين بنتي
احمد بعد وكت
رمله شمس طلعت وانتوا نايمين صدك جذب دهاك هاك راح اخلي جميله عندكم بس اتسوك واجي
احمد هلا بيها.
رمله هلا بيها شني
فتح الباب ودخل جوه يفرك بعيونه
رمله وين رايح البنييه اخذهاا دباع
هزيت ايدي سديت الباب رحت امشي طلعت من الفرع وانا امشي انتبهت دايره وجهي شفتهم نفسهم الاثنين الضربوني
رمله اطلع حركتي بيهم هسه
باوعولي مثل انتبهوا داروا وجهم بسرعه غميتهم وكملت طريقي رايحه للثانيه دكيت الباب وطلعتلي مبتسمه تنشف ب ايدها على ملابسها
رمله لاتتبلين ولج وتتمرضين
جنان صباح الخير يوم
رمله صباح النور وين رجلج.
جنان بدوام
هزيت راسي منطيتها البنيه
رمله هاج اريد اتسوك
جنان اي
اخذتها مبتسمه
رمله يلا روحي روحي اي لحظه يجي رجليج يمرمرعنه ولو موبكيفه
دخلت جوه بلبنيه وانا سديت الباب مشيت مستغفره رجعت للفرع مالتنه تاكدت الباب مسدود
اجت عيني على البيت الكبالنه كاعد بي فرج
رمله هذا هم بطران عود حمايه وكاعدلي هنا هسه شنو يعني هوه بالانبار وبس يدفع ايجار هنا
حطيت ايدي على حنجي مضيكه عيوني اهز براسي واشر بيدي.
رمله لو منطيني فلوس الايجار مو احسن اله والي
رحت يم الباب غامته ضاربه على الحدايد هزيت ايدي ومشيت مكمله طريقي رحت وكفت تكتك
رمله ها
باوعلي سايق مأشر ب راسه
ها
رمله شني مطفيين كلي شكد سعر
وين
حجيت كلمه بصوت ناصي استغفرت طاكه روحي
رمله للسوك
الجبير لو الصغير
رمله لاتبلي گلبي لو الصغير هذا اروحله غير جبيررر بابا وديني هناك
الفين خاله
باوعتله من فوك الجوه وصعدت وصلني
رمله حجيتلك سالفه بناتي
اانقهرت عليهن.
رمله اي والله انا گلبي متمرمر عليهن ددوسلها شوي
خاله ازدحامات اخ لو بس انا اصير
رمله شتصير
رئيس.
راد يكمل كلامه ضربت على كشن ماله من وره
رمله نزلني هنا
موردتي يم ذاك المحل
خليت عباييتي على حلكي احجي
رمله ناقصه اسمع خريط
وخرتها متنهده
رمله نزلني
وكف وانا انطيته الخمسميه
اوكفي خاله شنو هاي
رمله درروح حتى للمحل ماوصلتني
حجه وراي عفته ومشيت اشر بيدي اليوره
رمله روح روح يريد يصير رئيس ويتعارك وياي على الفلوس.
باوعت للمحلات دخلت الواحد منهن مشتريه دشداشه زركه
حطالياها بعلاكه وطلعت شفتها كاعده وتهفي على سمج مالها
خزرتها رايحه يمها شافتني ابتسمت
ها ام حسين
هلا بيج ام جنان
شلونها السمجات اليوم
حطيلي كيلو سمج
اي
جابت علاكه بكوه تفتحها
هسه من تبيعين غير تغسلين ايدج بعدين
ششهل سوالف
شكايلتلج نزعي شيله
حطتلي سمج تشوفني
باوعي باوعي
اانطيناهن بلاش
شنيهاي رميله
هها شنو ذنيج سميجات جانن موهلكد وانا معميلتج
مصارلي شهر من عرفتج.
تتردين خمسميه ماعندي غيرها
أمري لالله مارد احد انا
عفيه عفيه ياريت كل الموجودين بتربيتج
لفت العلاكه و وزنتها
فتحتها تريد طلع
شطلعين
سمجه
لاهذا هوه ياعيني مواليوم عازمه بناتي وهاي اجت بنصيبهن
حكت راسها صافنتلي عدلت شالها هازه راسها
خوش
اشو قهرتني احس نهبتها
فتحت جنطه اريد اطلعلها فلوس ولفحني عطر شفت ايده بيها عشر الاف ومادها ناحيه ام السمج
فرج اخذي.
باوعتله بسرعه وشفته لابس عگاله وعبايته ومرتب روحه ومعطر ولابس مناظر
هها خويه شكد تريد سمج
فرج لاسمجات المره هذا سعرهن اخذي
اي
اخذتهن منه ضامتهن بلبطل باوعتلها من فوك اليجوه مامقتنعه
خويه دحك دحك السمج اذا تريد
رمله ولاتكعد راحه دحك عود تعرف لهجته
ياا جا شيخ فرج معميلنه واعرفه انباري
رمله معميللج شوكت عرفتي وصار معميلج هوه. انا عرفتج من شهر
نزلت راسها وهوه يضحك
رمله شجابك
فرج ليش مو محافضه مرة ابني.
رمله ممو بنتي المحافظ عماره منين اجت محافضتها
فرج اي بس بيها
رمله لاهناك يمكم وين بيها
فر بسبحته مستغفر
رمله اي استغفر استغفر
عفته رايحه رحت يم اليبيع فواكه
رمله اريد عنب
خادمج انا
فرج خادم ربك
باوعتله خازرته
رمله ادري تمشي وراي
فرج أشش
خليت عباييتي على حلكي فاكه عيوني
رمله يااا نوبات يأشأش
ضحك اجت عيني على سبحته يفرفرها على ايدها ماعرف شلون بس دخت واتنرفزت بهل حركه
خخويه شكد تردين
رمله اانطيني العلاكه انا احط.
فرج شكثر سعر الليمون
مديت راسي اهمسله
رمله انصحك تاخذ كيلو كيلوين بلكت يغزر وتستچنلي يم نسوانك
فرج هههههههه
كح حاط ايده وأشر
فرج لا أريد هذا
تفاح
فرج لا اسمه شراره مو تفاح
فهمت قصده ضجت عايفه علاكه العنب ومشيت
شوي وباوعت اليوره لكيت بيده علاكه العنب متروسه وتفاح
فرج تعي هين ولج
درت وجهي مكمله طريقي
ماحسيته اله وصلني
فرج ادري ببي شنوهاي مزررعده
رمله شتررريد فرج شترريد
فرج چا غير اشتري غريضات وياج.
رمله ولايكعد عود يحجي عمارجي
فرج ضابطها ها
رمله لا
كملت طريقي موكفه تكتك صاعده
رمله حتى ماخلاني اكمل اتسوك منينن اجانيي
راد يمشي تكتك وهو اشرله يوكف
رمله لا امشيي لاتوكفف
صعد فرج يضحك حاط العلاكات بلكاع
فرج ها ولج بالج تتكحزين بمزااجج
رمله الله اكبررر منين اجيتني وانت ولك شكو صعدته
فرج كمل دربك ابني
باوعلي يحجي بصوت ناصي
فرج ععيب انت مريه مايصير تفرين وحدج.
رمله سنين وانا افرر مادري افتر المهم سوكي سوك اجي من جان خالد الله يرحمه عايش
مسح عيونه وهم حط سبحه يم وجهي يفرفر بيها بلحركه الاكرها
فرج زمن غير بابا
رمله انا شكول باباا دشوف شكبرني
فرج لالابعدج
طلع تفاحه مقربها يمي باوعت عاكده حواجبي
فرج دحكي شراره انتِ هيج
گلبت عيوني اباوع للطريق وهوه ضحك بصوت عالي
فرج اليوم سوي سمجات زين احبهن محمرات
رمله ياا لو تموتت متاكل وياي بس الي.
فرج عجل عش تجذبين على المره وتحجين بناتج وياج
رمله معليك فرج معليك
رجع راسه على الكشن مغمض عيونه باوعتله ردت اغمى وحجى
فرج عوفي هل سوالف عيب خليني محترمج
زفرت نفسي اباوع للطريق
رمله استعجل شويه ابني
تددللين خاله
رمله شددل خليت بيها اددلل شكو صعدت هذا
فرج يامررررره
سكتت دايره وجهي واهز ب ايدي جوه عبايتي وغميته.
نوف
كمت من نومي رايحتله گبل لكيته فاتح عيونه ومتمدد على جربايه عاكد حواجبه ضايج
نوف مانمت.
ضرغام اسكتي مني
نوف ماردت اطكك
ضرغام ماردتي؟، عجل لو تردين شلون؟
بلعت ريكي ماعرف شحجي دخلت للحمام مغسله رفعت شعري حاطه قراصه ورشيت عطر طلعت كاعده يمه
نوف ضرغام خلي نحجي شوية
ماجاوبني مغمض عيونه
قربت ايدي الزم اصبعه الابهام وخره بسرعه جريته
نوف ضرغام
ضرغام عوفيني بحالي دخيلج
نوف ليش شسويتلك
ضرغام صصدك تحجين؟
نوف اادري طكيتك بس والله ماردت هيج مو انت هم طكيتني
ضرغام طكيتج
نوف دحك خلي نتفاهم
ضرغام ماريدج.
نوف ليش وافقت؟
ضرغام ماتعرفين ب ابويه؟
انقهرت بس مابينتله
نوف تمام زين نضل هيج بس كم شهر واطلعلي سالفه ونطلك
ضرغام سالفتيش؟
نوف الله كريم بذاك الوقت
ماجاوب ردت اكوم وجر ايدي
ضرغام ماضايجه؟
بلعت ريكي احاول اخفي غصتي بلكلام
نوف لا ليش
ضرغام ماتحبيني
نوف انا هم جبروني وانا احسبك دوم صديق وابن عمي
ابتسم
ضرغام الحمدلله ضل بالي وضايج خاف الج مشاعر الي، انا هم احسبج هيج.
ابتسمت منزله راسي وجراني حاضني بايس راسي خليت وجهي على صدره اشم عطره
ضرغام ماتدرين شكثر كلامج ريح اعصابي
وخرت منه كايمه
ضرغام جهزي نفسج
نوف وين
ضرغام البيت ابويه اكلنه عليهم
ماحجيت شي دخلت للغرفه لبست ثوب كريمي على اصفر وربطه سوده لبست فوكاها صايه وغطيت وجهي ب نقاب
رفعتها وخليت مسكاره وتنت رشيت عطر وطلعت شفته بعده متمدد مغمض عيونه
نوف ضرغام
فتح عيونه وكام ضليت صافنه على راسه
نوف متاكد نروح البيت عمو.
ضرغام أي
نوف ضرغام وراسك
ضرغام تتيسر تتيسر
نوف لاتكلهم حباب
ضحك وبقيت انتضره لحد ماخلص تبديل وطلعنه نازلين مشيت يمه لازكه بي ومنزله راسي
فتح سياره وصعدت باوعت ردت اسد الباب وشفته هوه لازم الباب يباوعلي مبتسم وسداه
صعد المكانه وشغل سياره وطلعنه رفع المسجل مشغل اغنيه رجعت راسي للكشن صافنه بطريق
ماحسيت الى وهوه ينزغني
نوف ها
ضرغام شنو نمتي
نوف لا
ضرغام يلا ننزل
فتحت اليده نازله وهوه يعدل بساعته
دخلنه جوهه.
نوف شنو ماكو احد
ضرغام لاموجودين بكيفهم
نوف راح من بالي غير نجي وبيدينه شي
ضرغام غير احنه العرسان
ضحك وضحكت جر ايدي ماشيين ابتسمت اباوع الايدينه سوه
صارت بوجهي امينه شافتنه وشهكت
ضرغام هههههه ها شنو
امينه يبه هههلا والفين هلا
فرحت حضنتنه اثنينه بقينه هيج ضرغام يباوعلي
ضرغام يلا
امينه راح ابجي زعاطيطي
ضرغام دحكي صرنه زعاطيط
وخرت فرحانه جان بيدها سله اخذت منها السله
نوف شنوهاي.
امينه مخليه اكل هساع حجيت فهد ياخذه الكم
نوف غلبناج
مشيت رايحه ب اتجاه المطبخ
نوف راح اخلي الاكل واجي
امينه يلا مسره كل شوية الاكيها تبجي عليج
نوف مشتاقتلها حيل والله
دخلت للمطبخ ذابه النقاب وفتحت السله شفت الاكل
ابتسمت مخليه سله على صفحه وسمعت صوت وراي
مسره فرحانه؟
عكدت حواجبي منداره معدله شالي وشفتها واكفه وبعيونها دموع لازمه دشداشتها ضاغطه قوي عليها بيديها وترجف
نوف شبلاج حبيبتي؟
ردت اتقرب يمها ودفعتني قوي على طباخ وهوه مشتعل حسيت ب حراره اجتني على ضهري
عطت بصوت عالي
نوف ضرررغاااام
بسرعه انتبهت شنو سوت وجرتني قوي
مسره زتييهاا
خفت كمت ماتحرك اجت امينه وضرغام بسرعه وراهم هاله
نوف ضرغغاااام ضهري
جر صايتي بسرعه شامرها بلكاع
ضرغام مسره بابا مي
هزت راسها فاتحه الحنفيه ومخليه ماعون ترس ضليت ارجف امينه اجتني
امينه ماوصلتج النار هدي.
بقيت ارجف اشهك قوي وگلبي حسيته للحظه صار مثل سعفه من كثر مادكاتي زادن
ذبت مسره المي واجاني ضرغام حضنته بسرعه ابجي
ضرغام يلا ماصار شي بويه
مسح على راسي حاوطته قوي اجت عيني على مسره تباوعلنه رفعت راسي اباوع الضرغام شفته هم يباوعلي تنهد وباوعلي لازم وجهي
ضرغام ادحك بلا
انداريت شاف ضهري
ضرغام ممابي شي لاتخلين بالج
هاله اخويه شبلا راسك؟
ضرغام طكه خفيفه موسالفه عادي
امينه اسم الله شسالفتكم
هاله صايبكم حسد اكيد.
ردت احجي ومسره عافتنه دخلت جوه عكدت حواجبي مامفتهمه تصرفها
مشاني ضرغام مرجعني كاعده شوي واجت امينه بيدها صينيه مخليه الاكل
نوف وين راحت مسره
هاله عالگه غاد بغرفه ذيج تلاكيها توكل الحمامات
نوف ياذيج
امينه على جوري
هزيت راسي ساكته بديت اكل اول ماخلصت اكل غسلت وصعدت فوك يمها باوعت الغرفه جوري نضيفه عبالك مثل ماهيه وباب سطح مفتوح
تقربت يمها لكيتها كاعده باهته ملامحها تشمر اكل للحمامات وعلى خدها دموع
نوف مسره.
فزت من سمعت صوتي مسحت دموعها وكامت
مسره ها
نوف ليش هيج سويتي؟
مسره ردت ااشاقيج اسفه والله ماردت اسوي هيج
ضجت منها مامفتهمه وضعها درت وجهي اباوع للحمامات
نوف شلونهن الحمامات
مسره بخير بس بيهن وحده مريضه
تقربت يم حمامه البيضه مغمضه عيوني وصايره ضعيفه
نوف احتمال مشتاقه الجوري
ابتسمت مرجعتها ونزلت على نص درج وشفت هاله باوعتلها بلغرفه عايفه الباب مفتوح ومگابله صوره خالو ذياب
نوف شلونج؟
باوعتلي مامجاوبه گالبه عيونها
نوف هاله ماعندج اي حجي عن خالي
هاله حجي؟
نوف يعني وضعه
هاله لا
نوف بيبي حصه ماكو
هاله شدراني بيها والله يالله
ذبت صوره ذياب متمدده دايره وجهي غميتها من وره وطلعت ادور على بيبي نزلت ورفع راسه ضرغام
ضرغام يلا اتكحزي
نوف وين
ضرغام غير نرجع
نوف قبل شوية اجيت شنو سالفه
ضرغام يلا بابا يلا
عافني وطلع
نوف شبلاه هذا ثاني.
نتهدت لابسه صايه ونقابي ودعت خاله امينه وطلعت لكيته كاعده بسياره يباوع بتلفونه ويمسح على شواربه
فتحت الباب شافني وبسرعه سد التلفون محمحم
ضرغام طولتي
ماجاوبت صاعده وسديت الباب ومشت سياره راجعيين دك تلفونه بلخمس مرات هوه مره وحده شاف الاسم وماجاوب
نوف تلفونك
ضرغام ما اسمع؟
نوف رد لايطلع شي مهم
ماجاوبني سكتت ورجع تلفونه دك
نوف رد والله بعدني ضايجه من وره الصار وهذا على راسي.
اتنهد ماخذ تلفونه شافه وكتمه مرجعه رجعت راسي للكشن لحد ماوصلنه نزلت طلعتلي ملابس ودخلت اسبح طلعت بدون مانشف شعري رحت للميز امشط بي
ضرغام ضهرج بس لاتكربله نار
نوف ماعرف بس تاذيت
باوعت من المرايه شفته يأشرلي اجي كعدت رفع شوي فانيتلي يباوع بدايه ضهري
ضرغام اي صاير عليه
ماحجيت هوه كام ماخذ محفظته
نوف وين
ضرغام ههساع اجي
راح وبقيت انا كاعده اانتضرت وانتضرت وماكو بدت تغرب واهل الفندق جابولنه اكل.
نوف راح انتضره يجي واكل
عدلت شعري وانتضرت و مرر الوكت وهمن ماكو فتحت القبق مباوعه للاكل لكيت مشاوي
نوف اوف
اخذت وحده ماكلتها وجريت وحده وره وحده اكل
نوف راح اشبع وهوه ماكو
باوعت للساعه عبرت التسعه ونص ليل
رجعت انضاري للطرشي
نوف خوش اكل
اخذت زيتونه جبيره خضره ماكلتها غمضت عيوني جايني حموضتها اكلتها و ذبيت الفصمه بصينيه كمت للثلاجه فتحت بطل مي شاربه منه
تنهدت ماله من الانتضار و دكت الساعه عشره ليل وهوه ماكو.
نوف بس لا مات
رحت الجربايته متمدده نايمه على بطني متوجعه من ضهري
نوف راح انتضر لل11 اذا ما اجه افوت الغرفتي انام معليه بي
بقيت انتضر شوي وماحسيت الروحي الا وانا غافيه...
فزيت على ايد باوعت دايره وجهي لكيته هوه يحطلي مرهم على حرك ضهري
ضرغام اسم الله نونه.
ذياب
كعدت من نومي بكوه فاتح عيوني
عكدت حواجبي سامع صوته ينعوص
درع لك كوم حبيبييييي
ذياب
درع غمه
ذياب شكثر الوكت؟
درع بثمانيه قنوصتي
ذياب بعد وكت
درع عدنه شغل
ماجاوبت مغمض عيوني
درع شنو مانمت
ذياب سويت الفلوس
درع حارگتهن ام كصايب ولا تچني
مارديت كايم فركت عيوني وخرت البطانيه طالع حمحمت
زينه بس اني فوت
فتت منزل راسي فتحت الحنفيه مغسل
زينه شلونك
ذياب بخير
زينه هاي فوطه اذا تريد
ذياب لا تسلمين.
مسحت وجهي معدل بيدي شواربي
زينه جوري ماكعدت من نوم تاخر الوكت
ذياب ماتكعد هساع
زينه ليش المره لازم تكعد من وكت وقبل رجلها همن
ذياب بمزاجها
مشيت دخلت للمجلس لكيت درع ماكو طلعتله بلحوش كاعد يباوع للفلوس
ذياب شبلاك
درع وين الصابهن نار
ذياب ليش؟
درع نبدلهن بلبنك
ذياب بعدين موهساع
درع عجل
ذياب من نرجع احسن
كعدت بمكاني متچي على الحديده الوراي
مطلع من جيبي جكاره مورثها اخذت نفس مغمض عيونك
درع انفاسك الجكاره.
ذياب اكو اعز منهن؟
درع اام كصايب
فتحت عيوني بهدوء هاز ايدي
هوه ضحك
درع والله مو هينه
ذياب جثير، تعبتني
درع راح اصف بعد يم خاله
ذياب هههههه
درع نطلع شوية
كمت منكت بجامتي ماخذ نفس جكاره زافره من خشمي طالع الدخان
ذياب يلا
فتح الباب وطلعنه نتمشى نباوع للشوارع زفرت بحسره
درع حلو هين الدروب
ذياب شوية تعبانات
درع بس جثير ناس هين
ذياب هدوء افضل
درع ولايكعد ابن فروجه ابوك مخلف 58واحد حتى جمهور مدريد موهيج.
ذياب على منو فروجه
درع ندلعه شبلاك
خليت راسه بعكس ايدي ضاغط عليه
ذياب اكسر راسك ولك هااا ههههههه
درع هدي يوووول ام كصايب خلصيني
ضحكت موخر منه مطفي جكاره بطرف اصبعي وشمرتها
درع حلوه الدنياء
ذياب دنياء شني دنياء
درع ها ضليت تحجي ب شني
ذياب لا شنو
درع احجي فصحاوي
ذياب لا احسن
درع مشتاق النسواني حيييل
ذياب اذا هيج ماتزوج
درع لاشنو عندي خليني هيج احسن لاتجيني بلوه مثل الحاروگه
ذياب حاروگه؟
درع اي ام كصايب.
ذياب اتكحز نفوت جوه
مشينه نرجع خليت ايديه بجيوبي زافر نفسي طالع هوى
ذياب بارررده
درع سوالفنه من احنه زعاطيط
نفخ هوه هم طالع هوى من كثر بروده ضحكت ودخلنه جوه
درع يمتى نرجع
ذياب بعد يومين هيج هساع اشغل تلفون
دخلنه للمجلس شفنه سليمان كاعد
ذياب ها سليمان
سليمان ها حياك
ذياب تلفوني بليل حجيتلك شحنه خليته؟
سليمان اي دحكتله مصفر شغلته لان يشحن اسرع
ذياب رحمه الله والديك
سليمان والديك
ذياب وينه.
أشرلي بيده انداريت فاتح البرده لكيت دكمه وتلفون فوكاه فكيت عيوني جاره سريع مطفي
ذياب سلللييماان
درع شكو
سليمان ححياك خويه
وخرت البرده مباوعله خازره
ذياب التللفون حجييتلك الصغيررر ليش فاتح هذا
درع الللعببب
سليمان صدك؟ ماعرف
استغفرت ماسح على عيوني مباوع للدرع
ذياب اتكحز سررريع نروح هساع يعرفون محلنه
سليمان لا تخلي بالك سامحني شيخنه
ذياب موعليك بس تلفون هذا مال شغلي بس افتحه الكلاب يعرفون وين كاعد.
مافتهمني استغفرت عايط على درع
ذياب يلااا
درع اي
طلعت بسرعه شايف الحجيه كدامي شلت غراض جانن على الكرسي عبايتي وملابس جان لابستهن جوري وملابسي
ذياب حجيه حاجي جوري هساع تجهز روحها
ام سليمان ياجوري شطبه؟
ذياب اكو غيرها ياحجيه زررعدي
ام سليمان مو بلغرفه يمه
ذياب اخويه دحكيلي وينها حاجيها خلي تزرعد تجي
دعاء اي.
رجعت للمجلس ماخذ الجنطه حاط الغراض بيهن رجعت للغرفه جوانيه ماخذ چفيه ورحت للمطبخ اجت عيني على الكامره اخذتها وهم ضميتهن
ذياب ها خلصت
درع اي بس جم ملبس بلحوش اجيبه واجي
حكيت حاجبي منتضره شوي واجه بيده ضمهن بجنطته وسداها
ذياب هاي وين صارت
درع اندري خلي نخليها هم
اشرلي للجنطه مالتي هزيت ايدي داير وجهي منتضرها تجي شوي واجتني دعاء
دعاء شطبه ماكو
ذياب بس لابلحوش
دعاء هساع ادحك
ذياب لاضلي انا ادحك.
هزت راسها طالعه و احنه طلعنه رحت للحوش ادورها واضح ماكو فتحت باب الحمام الخارجي هم ماكو
ذياب وينها
بلعت ريكي راجع جوه
ذياب حجيه جوري وين
ام سليمان زينه هم ماكو بغرفتها تلاكيها يمها
تنفست براحه كاعد على الكرسي وهيه حمست طماطه على الطاوه
ام سليمان اكلوا واتكحزوا بعدين
ذياب مزرعدين والله
درع لاجوعان مالحكوا يعرفون محلنه
سكتت مطلع جكاره ثانيه مورثها ماخذ نفس وزافره مرجع راسي على الحايط
درع خخلي اسويلج جاي.
ام سليمان تعرفف؟
درع اافااااا انا دريعااان
ذياب محير النسوان
درع احسنت
ضربته على چتفه خفيف تضحك وايديها ترجف
ام سليمان ععيب ترا احجي المرتك
درع من وين الي
ذياب زوجيله وحده
درع هاا يول شبلاكم ماريد هساع
اشرتله يتقرب مد راسه وشاورت اذنه بس بصوت موناصي سمعتهم
ام سليمان ازوجك زينه
درع لااسم الله
ام سليمان شبلاها بنتي ولك تخبل
درع احجي الله يستر عليها تخبل بنتج ماتسوى واحد مثلي
ام سليمان لاترضى بيك.
هز ايده يباوعلي ضحكت كايم يم سينك شامر شوي من القطف جكاير
ام سليمان سفره اكو طلعها
مديت راسي اليوره وطلعتها شكيتها بيدي
ذياب اخذي
ام سليمان ياا هوه هيج غير ب سجين شي وفرده
تنهدت فارده على الكاعيه و درع ترس القوري مي
ام سليمان خلي جاي
درع موهساع اصبري ودحكي
كعدت على الكرسي منتضرهم وهوه خدر المي طفاه وحط جاي شوي وشغله يتهدر
ام سليمان ذياب اجبان بلثلاجه
ذياب من عيني.
كمت مطلع جبن باوعت عليهن كلهن. عليهن صوره بقرهه لابسات تراجي
درع يشبهن زينه ماشاءالله
باوعتله خازره واضحك قوي وكمت اكح ضرب على ضهري يضحك
ام سليمان شبلاكم بهاذ ضحك اكعدوا اكلو
كعدنه وخلت طاوه بيها بيض عيون وثانيه بيض وطماطه خلط عليهن حبه سوده
ام سليمان هاي تحبها شطبه هيج
سكتت ماحاجي منزل راسي انطتنه صمون ودرع جاب الجاي
درع اكو هيل؟
ام سليمان اي بذاك غاد
باوع وجاب كام يفلسه بسنونه ويحط
ام سليمان ايع شنوسويت.
درع حجيه و تحجين بالايع ماماكلهن بس هيج
خلاهن وانا اضحك صبلنه جاي
ذياب لاتخليلي شكر
درع اعرف بيك اكثر من ام كصايب
ام سليمان صدك خلي تجي وين دعاء
صاحت على دعاء جاوبتها من فوك
دعاء ههساع بس اخلص ملابس سليمان
واحنه جاي ناكل اجت كعدت هي ورجلها
سليمان ها ذياب ماتضلون
ذياب لاوالله لازم نطلع من هين
سليمان سامحني ياخوي والله ماعر...
قاطعته مبتسم ماخذ نفس من جكارتي
ذياب لاتخلي بالك.
ردت اطفي جكاره وشفت يمي درع ياكل قربتها يم ايده مطفيها فز خازرني
درع احتررركن نسواني
ضحكت شامر جكاره مغمس بالبيض وطماطه ردت اكلها ونزلت زينه
ام سليمان ها حبيبتي ما اجت شطبه
زينه جوري؟ مو يمي
للحظه اتصنم جسمي فاك عيوني قوي...