رواية عكد الظفيرة للكاتبة زينب جعفر الفصل الرابع عشر
كزبر جسمي بالعه ريكي مامنتضم انفاسي بقيت الوضعي خايفه والف فكره اجت براسي شجابني معقوله اسلحه باعوهن الغير اشخاص؟
اندار لو لا.
عاط بيه
احجي منوو
نزلت راسي عاضه شفتي العلويه مجتمعات دموعي صاير وجع بگلبي
انداريت على كيفي دموعي نازلات وشفته
انتبه الملامحي وعدل حواجبه ب أريحيه
موخر المسدس
درع هاي أنتِ ام كصايب
حسيت رجعلي التنفس من شفته مسحت دموعي شاهكه وهو عيونه حمر أندار يفرك بوجه
درع سيدي ذياب.
جوري لا لاتصيحله
درع ليش فتي هين شبلاج زعطوطه أنتِ؟
جوري لاتكول الذياب
ماسمعني رفع صوته صايح اقوى
درع ذييياب
طلع ذياب بسرعه شعره شبه مخربط وعيونه متروسات شرايينه الحمر وشفايفه بيض واضح انفزع رافع اردانات ملابسه
درع اتگلط دحك ياهوه لاگيته
انتبهلي ضل واكف مامستوعب انا نزلت راسي خايفه ابجي وذياب بده يتقرب بهدوء
رجع درع مسدس عليه خفت زايد البجي مالتي
درع راح أرميهاا حتى بعد ماتعاند.
طلع صوت البجي مالتي وذياب حجه بصوت مهدود حيله موخر المسدس
ذياب عوفها
ضحك درع يهز ب ايده
درع ماتعرف هيه لو ماطلعت راسها جان استلموها هناك
رفعت راسي صافنه وگلبي منقبض ذياب صافن على عيوني وهز راسه مأشرلي
ذياب انزلي
جوري والله بلغلط اجيت
ذياب أنزلي يبه
درع فتح الستوته وانا طلعت من الكارتونه نازله ذياب جر ايدي قوي مقربني يمه عرفته معصب بس يبين نفسه هادء
درع اخلي احد ياخذها.
ذياب أغم لاتصير مايصير نشغل تلفون همن وين أمن بيها الدرب كله هذا
جوري لا أمن اكدر ذيج المره رحت لل...
قاطعني يباوعلي خازرني
ذياب ذيج المرره عيون درع وراج اتكحزي جوه يبه
هزيت راسي ماسحه دموعي وهنه صايرتلهن رجفه
مشيت اباوع للكاعيه كلها تراب
همست بصوت ناصي اباوع
جوري هاي وين المكان
سمعت صوت ذياب يحاجي درع
ذياب انتَ اتكحز وانا وراك
درع غير سو.
ذياب دررع.
درت وجهي على كيف شفت ايد ذياب قابضها قوي ويرجفن درت وجهي بسرعه امشي سريع
جوري هذا صدك صاير عصبي، بس لايجيني
مسحت عيوني اباوع ولكيت بيت صغير بدون باب واليبره اكو غراض مطشره منها أسلحه. وجنط حجمهم متوسط الينشالن على ضهر
وحاطين حطب ويمها جداحه وجكاير عرفته مال ذياب هو يستخدم على نوعيه.
فزيت منداره وشفته جايني سريع
ذياب وچ فوووتي
جوري ييمه.
دخلت بسرعه للبيت مامنتبه التفاصيله بس لكيت صفح غرفه ودخلت بيها سديت الباب قافلته
ذياب افتحي البابب لچ
جوري اصبررر نتفاهم الله يخليك ماعرف شلون صرت هنا
ذياب لااا أندارلج فدوووه بلغلط؟
جوري ايي صدكني
ذياب اي الجني دخلج وكلج سوي سبراااايز لك هااا
جوري لاتعصب شبييك موهيج
ذياب اخرر مره اكولهاا افتحي الباب برضاج
جوري افتح الباب بس خلي يجي درعك
فشر عليه وعلى درع ضارب بيده للباب
ذياب اتفتحيين لو لاا.
سكتت شوي خايفه وردت احجي ماحسيت اله دفر الباب داخل عليه اندحست للحايط كاعده
عيونه فاتحهن قوي مايل راسه يأشر بيده
ذياب شجابج ولج
جوري القدددر القدر
دور يمه بلغرفه شي يكسره مشاف شي عض ايده
ذياب لچ القددررر ياخذذج واخلص
جوري امين بس اهدى شبييك
تقدم لازمني من ملابسي بيد وحده انرفعت صاير صوت شك
جوري ملابسيي ذياب
ذياب لچ انعلل ابوج لابو ابوج يابت حرمله
جوري ابووووي ميت.
ذياب اكحزج ورااه لج بت ال الله يطيح صبغج يا سزز
ماتحملت احد يجيب سيره ابوي بهيج الفاظ بجيت بصوت عالي مغمضه عيوني شمرني بلكاع مضروب راسي على الحايط
ذياب لچ تدررين لوماا مطلعه ووجج هساع اخذوووج
مجاوبته مخليه ايدي على وجهي ابجي متوجعه على راسي وضايجه على ابوي
بيده ضرب على الباب قوي
ذياب تفهمييين لولاااا
ضرب مره ثانيه اقوى وصار كسر بلباب بنص وهو من خشب صارت فتحه بنص الباب.
ذياب اررمله مافووتتها براسج مايصير تفوتين خشمج بكل سالفه بس سهله سهله
دفر الباب برجله وطلع وخرت ايدي من عيوني اباوع غرفه صغيره حيل مابيها شي من الغراض غير على جهه شباك مربع جبير اجت عيني على ذياب عاكد حواجبه جاي يلبس بلجنطه على ضهره
وحاط اسلاح على صفحه اخذ باكيت جكاير مقرب وحده منهن ناحيه حلكه ومورثها
اخذ نفس قوي ورفع راسه زافره وهو مضيك عيونه اندار ناحيه شباك يباوع وانا درت وجهي
امسح بدموعي.
رجع دخل فايت للغرفه بيده جنطه ثانيه شمرها عليه
ذياب طلعي فانيله سوده
فتحت جنطه لكيت كم ملبس واكثريتهن اسود كم وحده بغير لون
اخذت وحده منهن منطيته اله بدون مارفع راسي
ذياب مو فاتح اسود اسود
مافهمت ورجعتها مطلعه غيرها
ذياب ههذا اسود غامق
باوع للساعه بيده وتنهد سحبها مني
ذياب يلا
ردت ارجع اليوره وهمس وهو ينزل فانيلته
ذياب اكو بجامه عسكريه طلععيها.
خليت ايدي على الكاعيه رافعه نفسي اباوع للجنطه وشفتها كدامي جريتها وانطيتها اله بسرعه دحست نفسي للحايط دايره وجهي ماشوفه
ذياب ألزمي
استغفرت بصوت ناصي مارفعت عيوني ماده ايدي وحطها بين اصبعي السبابه والاوسط
هو لبس فانيلته والبجامه مرجع جنطه وأشرلي بيده
ذياب ناوشي
قربتها يمه وجراها ماخذ نفس منها
ذياب مودورين هين افلع عيونج
مجاوبت ضايجه
ذياب ععثره دحكيلي
باوعتله
ذياب افلع عيونج بس تتكربين صوب الباب فاهمه.
هزيت راسي دايرته وهو طلع راد يروح ورجع ماخذ نفس من جكاره وزفره من خشمه يباوع للباب
جره بيد وحده ماينجر ضغط اقوي الباب طلع صوت قوي متكسر اكثر وذياب سداه شوي ودرت وجهي ناحيه الشباك شفته داير ضهره ويمشي ويدخن
جوري عساك متت
شمر الجكاره مكمل مشي وابتعد اكثر الحد ماختفى أثره.
جوري تستاهلين جوري
كمت ناحيه الشباك اباوع
جوري ماكو اكل جوعانه
استغفرت مطنكره راجعه المكاني
جوري هسه شجابني يمه.
نزلن دموعي وقربت ايدي امسح بيهن
جوري الله يرحمك بابا.
تنهدت منزله راسي اللعب ب أصابع ايدي اعضعض بشفايفي
مرر الوقت وانا نفس الحال استغفرت وذبيت شال مالتي متمدده وبقيت لهل وضع صافنه ومجايني نوم
صار الضهر وبده العصر، وانا بس أتگلب بمكاني ساعه اكابل الحايط ساعه ادور وجهي للباب المكسور ومسدود بكوه
مسحت دمعتي النزلت
جوري والله جوعانه
كمت ماعرف شسوي رفعت شوي راسي ناحيه شباك مالكيت شي عرفت بعدهم مجايين.
جوري يريد يموتني جوع هذا
كمت ناحيه الباب وانا عاكده حواجبي تقربت ولزمت شوي من اطرافه اريد افتحه وماينفتح
جوري استغفر الله ربي
ردت افتحه اقوى وماينفتح كمزت اضرب على راسي
جوري استاااااهل
سكتت جاي شعر على وجهي لزمت بطني حاسه لعبت نفسي
جوري ضاله هيج بدووون اكل شنو سالفه ياضالمييين.
سمعت صوت سياره نزلت راسي ماشيه على كيف وانا مدنكه رفعت شوي عيوني مباوعه وشفتهم ذياب نزل شعره مخربط كله ومتروسه ملابسه تراب بيده جفوف سود جان لابسهن وجاي يفتح بيهن مضيك عيونه يتنفس سريع من شفايفه
ودرع نزل لازم رجليه وهم مترب باوع الذياب وضحك
جوري ذول ملغوصين نفسهم بتراب شني
رجعت بسرعه المكاني متمدده نايمه صفح وطابكه ايديه اثنينهن جوه راسي مخليتهم.
شوي وانفتح الباب بكوه دافعه بس موكلش مد راسه لازم الباب يباوعلي
ذياب عفيه.
گلبت عيوني منداره للجهه ثانيه على الحايط وهو
طلع شوي واجه دافع الباب اقوى منفتح ودخل وسداه اجه يمي كاعد
ذياب اكعدي يبه
حجيت بدون ماندار
جوري شترييد
ذياب اكلي
جوري خوش من تذكرت اكو انسان هنا
ذياب بلا هل سوالف اكعدي
عافني وطلع اسمع درع وره الباب
درع الحصه مالتي
ذياب دنجب خلي تاكل هي اول
درع امم كصايببب شكوو اجيتي راح تغيرينه علي.
ضحكت ورجعت ملامحي عاكده حواجبي كمت اباوع للكاع وشفت حاط صينيه مغلفه بجيس بيها تمن باگله وعليها مركه باميه وخبز مطبوگ فوكاهن
جوري باميه
تقربت يمها ردت الزم جيس وحسيت بطكطكه بسرعه رجعت اليوره مخليه ايدي على حنجي دايره وجهي للجه ثانيه.
انفتح الباب ودخل ملابسه لازكه على جسمه متبلل شعره ينكط بلكاع سد الباب فاتح جنطته ونزع فانيلته يمسح بيها على جسمه ينشفه داير منطيني ضهره وشمر الفانيله يدور بجنطه وعضلات ضهره يتحركن بكل حركه منه
طلع فانيله ثانيه لون اسود كاشف لابسها وغير بجامته
اندار عليه وانا رجعت وجهي وهو يمشط شعره بيده يرجعه اليوره
ذياب ما أكلتي؟
جوري ماريد.
رفع جنطه مالته مطلع عطر رشرش منه مرجعه وشمرها للجنطه وانا اكح مختنكه من قوه عطره
تقرب يم صينيه كاعد بلكاع
ذياب تعي يبه
مجاوبته هو فتح الجيس من صينيه ماد ايده ياكل باوعتله ضايجه كارطه اظفري
همست بيني وبين نفسي
جوري مايصيحلي مايكول ميته جوع
حمحمت بالعه ريكي وهو ولااهتم منزل راسه ياكل اخذ خبزه جبيره حاط بيها من الباميه والتمن ولفاها
سمعت صوته وره الباب
درع ذياب ماخلصتو اكل
ذياب جايك الجماعه الهين مايردون.
باوعتله بسرعه وهو كام خطف نضره سريعه إلى وفتح الباب طالع رداه
درع هاي الغرفه الي
ذياب لا بعد كعدت بيها اني
درع الغاد جثيره مساحتها وانتوا اثنين وهاي بابها مكسور
ذياب دخذ الغرفه الثانيه وهذا هوه اصلا اجي يمك
ضحك درع وصوتهم صار ابعد او انصى شوي عرفتهم جاي يسولفون وياكلون
جوري سم بگلبكم، والله جوووعانه شنو ذولي
تنهدت لازمه بطني كمت ماخذه الشال اريد افتح الباب ماينفتح قوي جريته يلا انفتح.
جوري حته الباب كسرره طبرجي
حطيت شال على راسي وجاي عيني على الغرفه ثانيه صايره مباشرتا وقريبه حيل من الغرفه بابها مقابيل انداريت اباوع ماشيه بس لكيت مسافه صغيره حيل على شكل دائري بيها عود المطبخ حيل صغيره وعلى دحسه بليمين حمام
جوري بس هيج
درت اباوع مالكيت شي بعد عبالك مبني شلون ماجان رحت للثلاجه فاتحتها وشفت بس جكاير ذياب موجودات وبطل مي
جوري راح ااااتخبلل حياته بس جكايرر.
سحبت بطل مي فاتحته وشربت منه اباوع
جوري حيل وصخ البيت شنوهاي. وشصغره
هفيت على وجهي راجعه اريد افتح باب الغرفه وطالع منه صوت عالي
جوري فضيحه هذا
دفعته اقوى ودخلت رادته رجعت للدحسه كاعده
مجتمعات دموعي من القهر
جوري شجابني لو باقيه يم حصه وهاله احسن
تمددت مخليه ايدي صافنه على الكاعيه وبدت تغرب وبطني توجعني من الوجع خليت ايدي ماخذه نفس عميق حاسه راح اتقيأ
درت وجهي للجهه ثانيه مغمضه عيوني وغفيت.
فزيت على طكطكه كمت باوعت ناحيه الشباك ولكيت بلكاع كاعد ذياب يمه اسلحه ويعبي طلق
انتبهلي بس ماباوع اجت عيني على شباك لكيته صاير الليل
لزمت بطني امسح عليها راجعلي وجع
جوري ذياب
ماجاوبني ولاحجه شي باقي يباوع لاسلحه
ردت احاجي وماتحملت كمت بسرعه اريد افتح الباب ماينفتح
ذياب شبلاج؟
فتحته كوه مخليه ايدي ثانيه على شفايفي مالحكت بلمطبخ وتقيأت مشيت اسرع فاتحه باب الحمام متقيأهه وحاسه روحي طلعت كمت اكح قوي وهو اجه سريع وراي
ذياب شصابج يبه
رفعت راسي جاي شعري على وجهي بكوه افتح عيوني أستغفر
ذياب يعنيي ماتتحملين هيين المن اجيتي اللمن
مجاوبت اتنفس بكوه وايديه يرجفن مستحيه من نفسي
جوري هسه امسح.
قاطعني مدخلني اكثر جوه للحمام
ذياب أشششش
سكتت امسح على شفايفي وهو دخل للحمام ساد الباب رفعت راسي.
جوري شنو
جانت سطله معلكه بخيط على بسمار اخذها شامره جوه الحنفيه فاتح المي تارس طاسه صغيره وشمرها يغسل بلحمام على سريع ورجع شايل شعري بيده لافه جار لاستيكه بيده مخليها وثبتها بشعري
جوري انا انضف نفسي
ذياب حجايه بعد اموتچ هين
سكتت منزله راسي وجان بس موجود صابون ركي اخذها وبده يمسح على جسمي عاكد حواجبه
ذياب ماتعوفين سوالف زعاطيط ماتعوفيهن احجيلج ضلي هين تجين احجيلج اكلي ماريييد.
نزلت دموعي رفع عيونه يباوعلي تنهد وفتح لاستيكه وسوه رغوه بيده يمسح على شعري وذب عليه مي
كزبر جسمي على حروره المي
جوري حار
فك عيونه خازرني
ذياب أسس
ماحجيت وهو طلع باوعلي
ذياب ضلي هين
هزيت راسي ايدي ترجف قوي وحاسه الم بطني زاد من تقيأي ماعرف من الخرعه وجوع
بقيت كاعده بلحمام منزله راسي وشعري ينكط مي بلكاع ثواني وفتح الباب بيده برموده سوده وفانيله رصاصيه
ذياب ألبسي.
اخذتهن منه امسح على عيوني بيدي ثانيه وهو راد الباب حمام لبستهن وفتحت الباب اوخر بشعري وره اذني اندارلي يباوع الجسمي الفانيله عريضه مامبين جسمي وبرموده صارت عليه بجامه.
ذياب طالعه شوي رجلج
جوري لاطويله
مايل راسه مامقتنع وحط شال عليه حاضني وماشي بيه يباوع الغرفه درع خاف يطلع بسرعه دخلني جوه وسد الباب دافعه قوي
ذياب اكعدي هين
كعدت وين مأشرلي وجه وراي كاعد على كب رجله جر فانيلته ينشف بيها شعري.
جوري فانيلتك تبللت
ماجاوبني وسوه ثلث خصل بده يظفرهن صارت عوجه مايله لليسره وظفيرة مومرتبه بس سداها بلاستيكه
انداريت عاكده حواجبي
جوري عوجه
ذياب أشش
ماحجيت وشمر فانيلته مطلع وحده لخ ولبسها
جر الباب وطلع شوي واجاني فاتحلي بطل ومي منطيني الفه
ذياب أكلي
فتحتها وشفتها لفه باميه وتمن
جوري اكو لفه تمن؟
تنهد وحجه نافذ صبره
ذياب جوري راح اطكج.
عضيت من لفه واشرب بلمي هو راح كمت وراه مديت راسي شفته اخذ وصله بللها بلحنفيه وطلع يمسح الكاع
مديت رجلي جانت مثل دجه بنص وطلعت رايحه يمه جان يمسح وانتبه اندار كايم
ذياب هها؟
عضيت من لفه هازه راسي
جوري ها
استغفر اخذ الوصله لافها وطلع برا طلعت وراه وشمرها بعيد اخذ بطل مي جان حاط كرسين وحطب مشغل نار
شرب من المي وذب من مي البطل هم على ايده غاسلها
ذياب فوتي جوه
جوري اريد شوي اكعد.
كعدت على الكرسي اكل وهو كعد يعضعض بشفته ويباوعلي رافع حواجبه ومضيك عيونه
جوري شكو
ذياب بيج طكه اهخخ بس
جوري هاي شنو شبيك
ذياب شنو شبيه سزز ياهوه حجالج تجين هين
جوري عقلي
ذياب خره عليج وعلى عقلج
جوري اليوم هواي جاي تغلط وياي
ذياب دنجبي
سكتت متنرفزه دايره وجهي اعض بلفه
صار سكوت وهو صافن على السما
جوري بارده هنا
مجاوبني باوعتله طخيت رجلي برجله
ذياب ججؤ. بيج شي؟
جوري رجعني لأمك
ذياب موهيه بمزاجي ارجعج.
جوري لاحباب ماكدر ابقى هنا تموتني جوع
ذياب انا موتج جوع؟
عضيت من لفه اهز براسي كرص خصري عطت موخره ايده
جوري ايييدك
ذياب صوووتج. دار وجه ضاحك بستهزاء.
موتها جوع
جوري جا صدك منو قبل شوي استفرغ
ذياب لان أنتِ ما أكلتي بويه انتِ مو حجيتلج تعي اكلي وشسويتي؟ هاا احجي
جوري كتلك ماريد
ذياب وفردتي نفس الشهيده
جوري اسم الله عليه
دار وجه يهز بيده واعصابه طافره
جوري بس بلعشى ماوكلتني شي
ذياب غير نمتي.
جوري ماكعدتني وشنو عشاك هذا نفس غداك
ذياب اكلها فارده نفس شهيده تكلي ماكعدتني
اندار عليه مقرب وجه يمي
ذياب وخلي بالج درع نايم وهو شبعاان خليته ياكل مشاوي
جوري مشاوي
هز براسه ودار وجه
جوري جا ماتوكلني
ذياب ماتستاهلين
كمت جاره ايده هو باوعلي مامفتهم خليت لفه بيده
جوري اخذذ لفتك اموت جوع ولاواحد يتكبر عليه بلگمه
ذياب شبلاج؟
عفته رايحه ناحيه البيت
جوري فوكااها احجي وياه وهو سب ابوي
ردت ادخل وجراني
ذياب ارجعي اكعدي.
جوري مارييد روح لهاله خلي تتهنى بلمشاوي مالتك هي ودرعك
ذياب ارجعي اكعدي بابا ماقصد احاجيج هيج
جوري ماريد
ذياب جوررري
عكدت حواجبي خازرته ومشاني صاير وراي لازم أچتاافي
ذياب اكعدي
ردت اكول ماريد وكعدني غصب بلكرسي
ذياب هساع اشويلج
مجاوبته دايره وجهي رافعه حاجبي وهو راح دخل جوه ابتسمت اصفك بيدي
جوري عفيه برووحي گلبتها علي.
ضحكت انداريت شفته ماخذ اثنين شياش يحط بيهن صدوره دجاج يكصكص ويخلي اندار عليه بسرعه درت وجهي اباوع للنار وهو اجه بيدي
ذياب اخذي
جوري ماحب الزم دجاج
ذياب بابا وين تلزميها منا هين
جوري ايدك جنت لازم دجاج
تنهد لزمها من نص واخذ بطل مي غاسل من جهه التلزم وانطانياهن ابتسمت مقربتهن يم نار هو كعد صافن
قربت يمه شيش ثاني
جوري الزم
ذياب شنو؟
جوري اشوي وياي بس وحدي.
حط ايده على راسه اخذها مني مقربها يم نار ابتسمت طاخات خدودي بطرف عيوني حاسه بيهن واباوع الذياب شافني وضحك يهز بيده ثانيه
ذياب ورثيلي جكاره
جوري وين
أشر بعينه ناحيه الكاع نزلت راسي وشفت باكيت جكاير انطته الشيش البيدي و اخذت الباكيت مطلعه جكاره وحده واخذت يمه الجداحه مشغلتها فزيت طاخه نار على اصبعي شمرتها
ذياب غمه
جوري تغغمك
نفخت على اصبعي شمرتهن عليه وكعدت حجينه اثنينه نفس الوقت.
جوري مواكلك كل ماسوي زينيه تعورني
ذياب مواكلج مادبرين شي
صفنت فاتحه عيوني وضربته على فخذه
جوري ليش ماتحجي لالله
ذياب لاطكين سرسريه
جوري ااحجي لالله الحق انا مادبر شي؟
لزم شيشين بيد وحده وحط جكاره بين شفايفه مورثها باوعلي
ذياب مجذب؟
جوري اي جيب الشيش مالتي
اخذته منه وهو يضحك قربتها يم نار وبيدي ثانيه اباوع لاصبعي متوجعه
جكاره بحلكه عكد حواجبه يباوعلي
ذياب توجعج؟
جوري نار تبردني قابل؟
جر اصبعي ردت اسحب ايدي رفع عيونه خازرني تنهدت مخليته يوخر جكاره من حلكه ونفخ على اصبعي
ذياب باجر اذا صار وكت اجيبلج دوه
وخرت اصبعي منتبه للشيش
جوري ماريد
ذياب ليش؟
جوري بكيفي ماريد
ذياب لاتكولين ماريد
رفعت حواجبي مغمضه عيوني حاجيه بعناده
جوري م. اا. رر. ي. د
ذياب علگن البطاريات شنو
جوري هه هه ماتضحك
ضحك هاز راسه وباوع للشيش مالته مستوي التكه عض منها
جوري استوت؟
ذياب ااممم
جوري خلي تبرد شوي لايحترك حلكك.
باوعلي واخذ عضه ثانيه
ذياب اي حاره شوي
جوري شنو حاره شوي
باوعت للتكه مالتي بلبدايات مستويات قربتها يم حلكي جايتني حروره رجعتها للنار
جوري انا هم صوجي اصدك بي هوه حصان مايتأثر بشي
ذياب تا تحجين؟
جوري اكول ماشاءالله حضك كاعد شيشك بسرعه استوه
ضحك مرجع راسه على تأجيه الكرسي ياكل
ذياب بابا هذا فن الشوي
جوري الشوي منيله فن
ذياب ماتعرفين أنتِ
جوري حاسب روحك بس انت وبس
ذياب ليش مضوجج هل شي؟
جوري طبعا فوك راسي وطلع بوطولاتك عليه وانت ماتكدر لاحد غيري
باوعتله شفته رافع حاجب
ذياب لابلا؟
جوري وداعتك ئلبك
ذياب ئلبي ها
گلبت شفايفي هازه راسي ودرت وجهي اباوع للتكه مالتي مقربتها اكثر فزيت على صوته
ذياب ومعاذ؟
جوري فززتني شبيك
ذياب وووومعاذ
جوري شجاب طاري الولد هسه
هز راسه يعضعض بشفته جوانيه وبيده يطبطب على الكرسي
ذياب لاخطيه ولد زعطوووووط
جوري شبيك تصيح موصاحبك نايم
ذياب شنو بينج وبين النجس ذاك.
جوري ياهوه؟
هز ايده فاك عيونه
ذياب استاذذ معاذ الشريف
جوري ههسه انا جايبه سيرته شجاك
ذياب حددج تجيبين سيررته
خفت دايره وجهي وهو قبض ايده عاضها قوي يتنفس سريع شوي وكام دافر الكرسي
ذياب سهله
عافني وراح داخل جوه بقيت وحدي كاعده تربعت على الكرسي وقربتها اباوع
جوري مخبل، استويتن؟ راح تحتركن موبس استويتن
ردت اشلع وحده ومانشلعت وهي بشيش نفخت عليها على كيف وعضيتها اهفي على حلكي
جوري حارر.
صرت اگلب بلگمه لحد مابردت اكلتها وابتسمت
جوري طيبه عاشت ايدك يلطبرجي
نفخت على ثانيه عاضتها على كيفي فزيت على صوت رعيد
جوري شسالفه اجه شتاء على حضي
تنهدت جايه عيني على شيش ذياب باوعت ناحيه الباب ماشفت احد جريت شيش مالته عاضه منه
جوري اشو تكاته اطيب.
صرت اكل منا ومنا مرر الوقت وخلصت تكات ذياب بقن تكه بشيشي عضيت منها فازه على صوت طكطكه
انداريت من جهه جاي صوت وماكو احد ضللمه حيل
جوري دخيلك ياربي.
جريت تكه ثانيه ماكله منها دايره وجهي بس خايفه
سمعت صوت مثل حيوان انداريت بسرعه وشفت بعيد مثل عيون تباوعلي اتصنمت فاتحه عيوني على حيلهن
كمت بسرعه شامره شياشه من ايدي داخله جوه خايفه وماكو باب رئيسي اصلاا حته اسده
فتحت باب غرفه ذياب داخله خايفه رديته قوي وصار مردود ضربته بعد اقوه وانسد خليت ايدي على گلبي ارجف صايره ضلمه رحت ناحيه شباك اباوع ماكو احد نار مشتعله وشياشه بلكاع.
والكراسي مالتي موجود بوضعيته وكرسي ذياب على وضعه من دفعه
جوري تكاتي
انداريت وجهي مصفر لكيت ذياب متمدد بمكاني على الحايط ومغمض عيونه نايم وعاكد حواجبه لابس عبايته الثخينه وطابگ ايده
رحت يمه متمدده ادحس روحي يمه هو فز رافع راسه شافني تنهد ورجع راسه مغمض عيونه
ذياب شبلاج يبه
جوري ذياب لكيت جني
مد ايده وخليت راسي غطاني بعبايته
ذياب نفسه المطهر
جوري لاموههوه
ذياب نامي نامي.
طبكت ايديه اثنينهن مغمضه عيوني وصار صوت رعيد
جوري ذياب. نمت؟
ماجاوبني مغمض وعبالك ضايج تنهدت رافعه شوي راسي عيوني مثبتتهن على شباك فزيت على ايده ضغطت عليه
ذياب نامي مايجيج المطهر
جوري مونفسه هذا اسود
ذياب عوفي حزنان على جده
جوري اخاف يجي
فتح عيونه منزل راسه يباوعلي شافني شلون خايفه ابتسم ابتسامه جانبيه بس ضاهره غمازته
ذياب حمامتي نامي أجنزه اليتگرب صوبج.
قربت ايدي لازمه اصبعه الابهام بيده الثانيه وغمضت عيوني حسيت بعبايته غطت حته وجهي وباس شعري حاط حنجه على شعري نايم وانا غفيت.
نوف: -
كعدت يم مسره ساكته وگلبي يوجعني عليها
دخل عمو فرج يهز بيده
امينه ها عرفت شي عنها
فرج اي ويه ذياب
حصه ششنووو
هاله جوري ويه ذياب؟
فرج أندري بت اخوي شنو صابهاا واخذها غاد ماعرف
حصه بنت اخوك شنو
غزاله هلل بنيه كتلكم موبعقلهاا جاهله بس ماسمعتوا كلامي.
امينه ااهم شي اطمنيت عليها بس ش اخذهم غاد
عافنه عمو فرج داخل الغرفته وراحت وراه غزاله رادت تحجي وعاط بيها مخليها ساكته طفوا الاضويه وانا بقيت كاعده
مسره جوري شبلاها؟
نوف هبله
ضحكت كايمه وغدير بيديها قميص فهد تخيط بدكمه مالته الوحيده ماحجت شي بس تباوع وجها مخطوف لونه
نوف غدير
فزت رافعه راسها تباوعلي مبتسمه
غدير ها حبيبي
نوف بيج شي؟
غدير لا بس تعبانه شوية
حصه اتكحزي الغرفتج كلكم روحوا خلوني افر بهذا بلا.
نوف ماتعرفين للتلفون
حصه سزز اسكتي اعرفله بس اريد اخذ راحتي ماكو خصوصيه
غدير جؤ ماكو
حصه اسكتي لج ام العلوجه
ضحكت غدير مسحت وجها وشالت قميص فهد وسدت علبه الخياطات اخذتها وصعدت فوك وراها فارس
حصه ماتكحزن انتن
نوف نريد شوية انسولف
حصه اتكحزن مايصير بنات مامزوجات يبقن بهيج وكت
مسره ليش
حصه اتكحزي لامج أنتِ
ماسمعنه كلامها بقينه شوي نحجي وهي عافت تلفون رفعت راسها جايه عينها على صورته
حصه اهخ ياخالد اهخ يا ابني.
نوف هوه شسويتي بنته هساع جايتله
حصه سزز موكتلج اتكحزي ويابنته
نوف جوري
مسره طختني خازرتني
مسره لايطول السانج عليها لاتكوملنه يول
حصه ياجوري؟
باوعتلها مأشره ناحيه درج
نوف جوري مرة ذياب
حصه وشلها سالفه خالد ب جوري
نوف غير بنته شسالفه
حصه جوري بنت خالد ابني؟
نوف اي عجل مادحكتي لاهلها من اجوي
مسره لاماطلعت الهم
ضربت على صدرها فاتحه عيونها
حصه جوررررري بنت خالد!
انا ومسره وحده باوعت الوجه ثانيه مامفتهمين ضربت على خدودها
حصه يا الله ياخذني على عملتي يايييمه جووري حفيدتي
كامت فاتحه عيونها لازمه گلبها وتمشي
حصه يايمه ياخالد يايمه
باوعتلنه تأشر بيدها
حصه تجذبن عليه تجذبن
ماحجينه خايفين لاطيح اخذت نفس بكوه داخله الغرفتها ماخذه صوره خالد تباوعله ماترمش وحضنتها
حصه سوده بوجهي ياخالد على عملتي سوده بوجهي اذا صدك بنتك ياخاللد
نوف هاي بس لاراح تموت
مسره ماتدريي؟
نوف اضن ول خلي نتكحزز لاتموت ويحطوها بروسنه سالفه
هي دخلت الغرفتها يم امها وانا هم رحت الغرفتي نازعه ربطتي خايفه على وضعها وصدمتها!
نمت على جهه ثانيه بالعه ريكي صافنه متذكره جوري وعلاقتنه انا وياها ومسره بلبدايات
نوف شنو غيرج.
تنهدت مغمضه عيوني نايمه ستوني بديت اغفى وسمعت صوت طكطكه كمت مستغربه
نوف يااا بس لابيبي
وكفت بسرعه مخليه ربطه وفتحت الباب طالعه اباوع وشفت ضرغام وعمي فرج كاعدين
نوف شعندهم؟
باوعت للساعه لكيتها بثنتين ونص يعني انا نمت ربع ساعه باوعتلهم لكيت عمي فرج خازر ضرغام
طلعت متقربه بدون مايشوفوني وكفت وره الحايط احاول اتسمعلهم
ضرغام يابه بلغلط انزتت
فرج دحك عمرك يحگله الزواج
تنهد داير وجه يفرك بعيونه واضح جان نايم ومكعده رجع انضاره عليه
ضرغام هساع مكومني لهاي سالفه
فرج ماريد احجي جدامهم اسمع من الاسبوع الجاي تعگد
ضرغام موهساع بويه.
فرج عمرك طخ الثلاثين شبلااك انتبه الذياب من صدك ذيب يسمع كلامي وخليت سلف يحجوله ذيب الديره
ضرغام اعرف ب اخوي بس انا
قاطعه عمي رافع ايده
فرج كلامي مايتغير تعگد يعني تعگد
ضرغام بالي بنيه اني بس مارايد هساع
فرج لك كلب تحجيها جدامي بالك بنيه
ضرغام خخليها بعدين بويه
فرج أسبوع الجاي تعگد
انا حسيت دموعي نزلن لا أرادي بس سمعت راح يتزوج! نزلت راسي عاضه شفتي مانعه صوت شهكاتي يطلعن اريد ارجع الغرفتي وسمعته كمل.
ضرغام لابويه ماريدها
فرج موبكيفك البت بت اخوي وتعگد عليها ورجلك رافعها فوك راسك فاهم ترا وحك الله اتبرى منك اليوم الدين وتعرف زين قبلك مسويها. ومتبري من اخوك النجس.
انداريت مامفتهمه على منو يحجون معقوله على وحده من بنات عمي خالد. بس كلهن متزوجات
فرج فاهم تعگد على نوف يعني تعگد.
جوري: -
كعدت الصبح على صوت دفعه الباب فتحت عيوني على كيف ولكيته ذياب داخل بيده صينيه مبتسم
ذياب كوم وليدي
جوري اريد انام
ذياب بمزاجج.
رجعت مغمضه عيوني وشهكت جار ايدي قوي مكومني على حيلي
جوري ذياب بطلل هل حركه كسرت ايدي
كعد بلكاع جار شوي من الخبزه غامس من البيض والطماطه مخليها بحلكي داحسها الگمه
ذياب وأنتَ عوف العناد مفهوم
اكلت اباوعله بگوه فاتحه عيوني نعسانه ضحك يوخر بشعري بطرف اصابيعه الصغير والبنصر.
ذياب صباخ الخير
جوري اليشوفك يشوف الخير
ذياب أبوو الخيرر اني والحنيه
رفعت عيوني كاشه ملامحي اباوعله
هوه سوه لگمه ثانيه مركز بعيوني ودحس الگمه
ذياب أشو معاجبج
جوري اي
ذياب نسيتي البارحه شطبتي؟
جوري هاي شنوو صوت الجلابه ضووجني
رفع راسه للشباك شافهن خمس جلابه موجودات
ذياب غير ذابتلهم لحم هساع يردون يطكوج بوسه
جوري ايع
ضحك كايم وفتح الباب غرفه طالع متمشي يمهم يباوعلهم حاط ايده على الحايط.
ذياب بش ياشباب لاتضوووجون مرررتي يلا يلا ولووو من هين
باوعت من شباك شفتهم سكتوا يباوعون الذياب وذياب صفكلهم
ذياب يلا ادبسزززيه اتكحزوااا
اخذوا التكه وداروا ضهرهم ماشيين بعيد رجعلي مبتسم وكعد مسويله لفه ماكل
ذياب شلوني
جوري هاي عود صدك؟
ذياب كحزتهم نفس ماكحزت معاذ
جوري عوف رجال بحاله شبيك حاط سولتك وياه
ذياب افلع عيناج اذا وكفتي صوبه
جوري وييين واكفتله
خزرني يهز براسه
ذياب اي.
سكتت منزله راسي اكل شوي و سحب صينيه
جوري هاي وييين مشبعانه بعدني
ذياب دعوفي للرجال راح من بالج كل اثنين بينهم شيطان
جوري ياشيطان؟
ضحك كايم طالع وصاح
ذياب لك درررعي
فتح الباب مال غرفته و دخل بقيت اني كاعده
جوري الوحيد الشبعان بينه الطبرجي
فتح الباب مال غرفه درع وأجاني يضحك
جوري الله لايدومها
ذياب افاا بعد مانومج هين
رفعت حواجبي مصدومه هو تقرب يم وجهي وصفك ب ايده
ذياب ادري اني حلو
جوري شو مستهتر
ذياب السانج لج.
راح للمطبخ وانا وراه غسلت وجهي وهو هم وفرج سنونه غسل ايده وحط شوي مي على شعره مرجعه اليوره طلع من بجامته مناظر زرك لابسها
جوري أشو مبدل
ذياب افوت بساحه واجي
جوري انصحك ماتجي ضل هنااك
ضحك ملبسني المناظر مورث جكاره طلع درع وهو دفعني ناحيه الحايط حته لايشوفني
درع ها سيدي نمشي
ذياب يلا
جوري وييين؟
ذياب اشش
طلع درع برا وذياب دفعني مضروبه بلحايط حاط ايده على حلكي
ذياب صوووتج
وخرت ايده مجتمعه دموعي.
جوري وين عايفني مره ثانيه
ذياب ارجع يبه
جوري ماريد اضل وحدي والله اخاف رجعني لأمي او لأمك
ذياب تكول امك سزز
جوري ذياب حباب
ابتسم مضيك عيونه لازم خدي يمسح على كيف ب ابهامه يتلمس رموشي
ذياب ضل هين أبني
جوري اذا رحت بعد ماحبك
ذياب اخخ أبني جان يحبني وما أدري
نزلت دمعتي
جوري ايع ماحبك. بس اخاف وحدي البارحه وجن شفتهم...
قاطعني هامس
ذياب اششش.
سكتت هوه مسح دمعتي مغمض عيونه بايس خدي مطول بلبوسه وخر مبتسم يمسح على بوسته من خدي
ذياب لويگطعون جسر أجيج طاير
ضحكت بنص دموعي وهو باس شعري وراح وصل يم فتحه الرئيسيه اليبره باوعلي وانا بس ماده عيوني من الحايط
ذياب لاتخافين لو جروحي جروح موات يضل خيالي صوبج حاميچ.
ابتسمت ماسحه دمعتي وانطاني بوسه بلهوى ضميت نفسي راجعه النهايه الحايط
سمعت صوت ضحكته وطلع صار صوت سياره وشخطت سريع.
تنهدت مبتسمه ورجعت للغرفه داخله شابكه ايديه بعضهن
جوري طبرجي.
رحت يم جنطته مال ملابسه كاعده يمها وفتحتها باوعت من شباك على سياره ثواني واختفى اثرها
جوري صح يبجيني. بس من يصير حنين يذكرني ب أبوي.
تنهدت جاره فانيله حمره وبجامه عريضه سوده لبستهن وصارت بجامه تسحل وفانيله وصلت الكب رجلي ضحكت رافعتها
اباوع للغرفه
جوري يحتاجله تنضيف البيت.
رفعت البجامه لافتها قوي مثببتها وفتحت الباب قوي جارته يلا انفتح توجعت اباوع لأيدي صاير جرح خفيف يم الحرك.
نفخت على شوي وطلعت ماخذه طاسه جبيره صابه مي دورت مالكيت بس صابون اخذت وحده ماخذه شوي منه وجعصته حركته بيدي بلمي وصارت رغوه خفيفه
طلعت وشمرت بلمطبخ اخذت وصله وبديت امسح طلع اهواي وصخ
جوري صدك جذب شهل بيت
نضفته زين وشمرت الوصله تعبانه
جوري انهدد حيليي.
شلت وصله عاصرتها ورجعت بلمي مخليتها رحت الغرفه درع منضفتها ورحت الغرفه ذياب جاي انضفها وسمعت صوت جلب
جوري ااهو رجعوا
ذبيت الوصله فاتحه الباب عود على كيفي وصار صوت شعلوهه لكيت اثنين جلابه يردون يدخلون للبيت
جوري ياااا وييين داخلييين كشش بششش
طلعت اشمر بلوصله عليهم همه يرجعون اليوره نوب يردون يدخلون
جوري ولكمممم
طلعت اليبره اضرب بيهم واحد منهم بده يعوعي
جوري شبيييك روووح لزكتتت جنك جلب.
ضربته مره ثانيه وصفنوا عليه ثنينهم خفت ارجع اليوره
جوري شكو؟
رجعت اليوره وهمه اتقدموا صرخت قوي كمت اركض وهنه وراي يركضن
جوري اشتتتعلللت حصواا
ركضت اقوى منداره وشفتهم بعدهم وينبحون بصوت عالي
جوري ذياااابب، ذياببب
ضليت اركض على شكل دائره وهنه وراي يركضن اختنكت من ترابه غيرت الاتجاه امشي وتعبت گلبي كام يوجعني
انداريت وشفتهم بعدهم وماعرف وين مشيت بعدت من البيت حيل
جوري اانعل ابوكم.
انلوت رجلي من طابوكه صغيره طحت بلكاع وهنه بعدهن يركضن وراي جايات عليه
جوري ماااما. ذيابب
خفت حيل شفايفي يرجفن مبرطمه ضامه رجليه على صدري بالعه ريكي
تقربن يمي كلش ينبحن خليت ايدي على وجهي صايحه بقووه ابجي أنشغ
ذياب سززز هي متگرببين صوبهااا
رفعت راسي بسرعه وشفته واكف وراه درع متچي على سياره يضحك
جوري ذياب
ضحك يهز براسه
ذياب حنيته
اندار الدرع خازره مأشرله يفوت وهو ابتعد راح ناحيه البيت
جوري خفت حيل.
ذياب يبه زلاطه ذن عش ترچفين
جوري رادن يعضني تعبن گلبي
ذياب سيدج يندار فدوه الگلبج يبه
شالني بيده اثنينهن حاوطت ركبته مبتسمه احرك برجليه
جوري جؤ انتَ حارسي
ضحك ضاهرات غمازاته وسنونه، نزل راسه يباوعلي ذبلانات عيونه
ذياب عيوني ألك حراس أبني.
جوري شبيك تعبان؟
ذياب حيل تعبان
جوري مافهم وين تروحون
مجاوبني مقرب ايده ناحيته وصرت كلش على صدره باس راسي مبتسم
ذياب لاتفوت خشمك ابني
جوري صاير تاخذ راحتك بلبوس.
ضحك قوي رافع راسه وكح يباوعلي
ذياب ظروف استثنائيه
جوري نضفتلك البيت
ذياب سباعيه شطبه
وخرت ايدي مخليتهن بحضني وهو رجعني مدخلني للغرفه سمعت صوت درع وره الباب يحجي
درع لك هاي شنو ام كصايب يسلمن ايديج
ابتسمت ممجاوبه وذياب ضحك
مرر النهار وبده الليل والعتمى وضلام.
كاعده بلغرفه بيدي لفه بيها معلاك اكل بيها شواها ذياب
شوي وأنفتح الباب داخل
ذياب حمامتي كومي
جوري وين؟
ذياب نسهر
جوري جؤؤ ماريد
ذياب بمزاجج.
عرفت مايعوفني بحالي ثگلت نفسي وهو اتقرب بسرعه شالني على ضهره
جوري نزلللنيي مارييد اروح هنااك
ذياب ااشششش درع نايم
طلعني مكعدني على الكرسي طنكرت عاكده حواجبي هوه ابتسم كاعد يمي باوعت لكيت اكو خشب اهواي على صفحه
جوري شنو هاي
ذياب خشب؟
جوري شتسوي بيهن
ذياب اسوي باب رئيسي
سكتت محاجيه شي بيدي لزمت أچتافي بردانه
ذياب اصبعج شصابه
جوري من البارحه احتركت فا طكك
جراه يباوعلي صاير نفس نفاخه صغيره حركها بيده.
ذياب يوجعج يبه؟
جوري بس من ينضغط عليه
كزبر جسمي على حراره انفاسه وملمس شفايفه بايس اصبعي مغمض عيونه
ذياب بيه ولابيج حمامتي
وخرت اصبعي منزله راسي اباوع على الخشب تنهدت
جوري سوالفك تذكرني ب ابويه
ذياب سوالفي؟
جوري مو من تعصب لا ابوي مايعصب عليه ولامره مد ايده عليه. بس
رفعت عيوني اباوعله صاير بيهن دموع وهوه صافن عليه
جوري حنيتك
ذياب انا حنين؟
جوري مرات
ضحك داير وجه حاط ايده يكح قوي
جوري شسالفتك اليوم بس تكح.
ذياب ماتحمل التراب
جوري هنا؟
ذياب لا غاد يتگربلي تراب فا اختنك ولحد هساع مختنك
جوري شسالفتكم ويه تراب مجاي افهم شغلكم
ذياب ولاتفهمين
لزم گلبه مرجع راسه يباوع للنار
ذياب خايف عليج
جوري عليه؟
ذياب اي، لا اموت وتضلين هين
خفت من كلامه وضجت بس مابينت لزمت ايده هوه باوعلي
جوري انتَ كلت أحميج مهماا صار
ذياب وذا تجرحت وماكدرت
ابتسمت على ابتسامته الكاتمها وحجيت كلامه
جوري لو جروحي جروح موات يضل خيالي صوبج
ذياب حاميچ.
ضحكت وهو لزم حنجي مرجع راسه وبايس حنجي
ذياب وريتي گلبي
جوري يلا تستاهل
ذياب كتيلي ابوج شنو سوالج بلخشب
جوري مرجوحه وهم عندي وحده من حديد
ذياب مرجوحه
هزيت راسي وهو هم أشرلي اكوم
جوري وين
ذياب انام تضلين هين؟
جوري لادخيلك لايطلعلي
ذياب ههههههه المطهرر
جوري لا الحزناان الجده
ذياب يلا مايطول وينزع الاسود ادعيله بلخير
جوري الله يذبه بنار جهنم
كمت لازمه ايده ونمشي داخلين جوه وهو حجه مغير صوته.
ذياب هساع يجيج ولچ شطبه شلون تحجين عليه
جوري ذيااااب
ضحك وسد الباب تمددت يم الحايط طابگه ايديه وهو جاب عبايته مغطيني بيها ضام حته وجهي وخرت شوي حته اتنفس
جوري تدري حته بوستك بلهوى ذكرتني ب أبوي
ذياب ليش؟
جوري هوه قبل لايروح للدوام جان هيج يسويلي وانا اخذت هل حركه منه صرت كل ما أشتاقله اباوع للسماء وانطي بوسه بلهوى
ذياب من شباكج المستطيل
جوري لا بسطح من اروح للحمامات وامي تجي تصيح عليه
ذياب ولاتكعد حرمله.
جوري رررمله
ذياب ارمله
سكتت مغمضه عيوني ونمت...
حسيت على ضوه الشمس داخل للغرفه الصباح.
وصوت ضرب قوي
عكدت حواجبي كايمه اباوع مالكيت ذياب
صار صوت ضحك
كمت اباوع من شباك وشفت ذياب نازع فانيلته بس بلجامه وبيده طبر مخلي خشب ويكسر بي ويمه درع كاعد بلكاع
درع شسمتها؟
ذياب مرجوحه يبه
عكدت حواجبي مامفتهمه متقربه
ذياب هساع بدال الباب نسويلها مرجوحه
درع ومطر وجلاب يدخلون علينه عادي يهوون لأم كصايب؟
ذياب يندارلها فدوه عسى ماعضك الجلب
درع ضحك يهز بيده وذياب هم شال الخشبه جبيره مركبها ويه خشبه مستطيله ماسح كصته من العرك
ذياب راح تفرح الشطبه.