رواية عكد الظفيرة للكاتبة زينب جعفر الفصل الخامس عشر
جوري: -
و انا اشوف ذياب وهو يسوي المرجوحه ومبتسم ودرع يباوعله رحت ناحيه الباب ردت اطلع بس تذكرت مايقبل
رجعت شابكه ايدي سويه مبتسمه موخره خصله من شعري وره اذني وكعدت تأچيه ضهري على الحايط مدده رجليه واحرك بيهن فرحانه
جوري أشووو صاير حباب
اخذت شالي لابسته وطلعت ماده شوي راسي لكيته حاط بسمار على الخشب ويضغط قوي بيده
جوري زلمتي the man
رحت للثلاجه مطلعه بطل مي فاتحته وشربت منه جان صايرتله بروده خفيفه.
جوري خوش البروده جو مرات تفيد
قبقت بطل المي وفتحت الحنفيه غسلت وجهي وحسيت بصوت درع مديت راسي شوي وشفته دخل الغرفته وذياب باقي بره عاكد حواجبه ومضيك عيونه يضغط بلبسامير
مشيت سريع طالعه يمه رفع عيونه شافني وضحك رجع انضاره للخشب ولزم حصوايه جبيره وكام يضرب على بسمار
ذياب صباح الخير حمامتي
خليت ايديه سويه وره ضهري اتحرك يمين ويسار على كيفي مبتسمه
جوري صباح النور
ضحك كارص رجلي وخرت رجليه خازرته
جوري شبيك.
ذياب ول يبه تردينو يور لگلبي
رجعت مبتسمه وهو نزل راسه معدل البسمار ضاغط عليه نوب بلحصوه يدكدك نزلت المستواه حاطه ايديه على الكاعيه اباوعله
جوري ذيا...
قاطعني شايف ايدي وخزرني وعاط
ذياب أييييدچ
وخرتهم بسرعه وهوو جراهن بطرف فانيلته نكتهن الي
ذياب لاتتنجسين إلى خلك اسبح زعاطيط اني
جوري محد عاتب عليك تسبحني
ماجاوب وانا خليت ايديه بحضني
جوري ذيبو.
جان يريد يضرب البسمار بس سمع وكف بدون مايباوعلي صارت ابتسامه على شفايفه
ذياب جديده هاي
جوري اي
ذياب يبه دحكي أملح وبس شوراب ويني وين أسم ذيبو
جوري دسمعني خلي احجي
ذياب أحجي ياحنيه ذيبو
جوري چاي تسويلي مرجوحه موو
عكد حواجبه مضيك عيونه منطيني نضره سريعه حاك حاجبه
ذياب جؤ
جوري لاتجذب سمعتك
ذياب ول يبه تا نحجي انا ودرع على مرجوحه صح بس بغير معنى
جوري مافهمت شنو يعني
ذياب معناها يمنه احد غراض شغل
جوري شغل؟
ذياب أي يبه احنه صايرتلنه سالفه بشغل داخليه ويه الواء فا راح نحطه و نمرجحه
جوري تمرجحوونه؟
ذياب ليش لا؟
جوري وانا
سوه حركه بشفايفه مقلدني معناها لا
ذياب جؤ
ضجت صافنه مخليه اظفري بحلكي اكرط بي
ذياب عوفي هل سالفه
جوري شنو
باوعلي وأشر بعيونه رافع حواجبه ناحيه اظافيري
وخرت اصبعي نازغته ب چتفه
جوري سيدي
ذياب حنيته
جوري مرجحني بيها شوي
ذياب ابد
جوري انت موكلت الشطبه راح تفرح
ذياب وبس انتِ احجيلج شطبه؟
جوري أيي.
ذياب دمشي لج فاره منو انتِ
ضجت كايمه وردت ادخل جوه بس انداريت وشفته كاتم ضحكته انتبهلي ورجع ملامحه طبيعي
حط ايده يم حلكه وكح قوي
همست اباوعله بحقد
جوري موووت
ذياب تا تحجين ولچ؟
جوري أكول ان شاء لله تخلص بسرعه وتمرجح اعدائك ياسيدي
هز راسه راجع يدك بلحصوه على البسمار
ذياب ان شاء لله
زفرت نفسي ودخلت جوه للغرفه وسديت الباب ماينسد دفعته قوي يلا انسد وكعدت يم عبايته صافنه.
جوري وين اكو واحد يمرجح اليكرهم عود عذاب هذا
قربت رجلي يم صدري حاطه ايدي مثبته عليها حنجي
جوري خو يعذبني اذا هيچ
باوعت ناحيه الشباك مبلله شفتي تقدمت زاحفه على ايدي منزله راسي وصلت شباك ورفعت راسي شوي لكيته بيده طبر كاعد يكسر خشب ثاني
وعاكد حواجبه بحلكه جكاره
جوري كسر كسر. كون ينكسر راسك
قدمت راسي اباوع هوه وكف صافن على الخشب
جوري شبي صفن هذا
فتحت عيوني من راد يندار ناحيه شباك بسرعه نزلت راسي ضامته.
جوري شبي هذا بس لاشافني
بقيت شوي هيج ورفعت راسي شوي لكيته كاعد يكسر ومبتسم وكف شوي يهفي الروحه
جوري شتهفي زين الجو
مسح كصته ونزع فانيلته باقي بداخليه رجعت راسي ماشيه سريع راجعه المكاني
جوري اخذ راحته هذا
تمددت صافنه على السكف انفخ قوي
جوري ادري راح يخلص عمري وانا مگابله الحيطان
درت نفسي صار راسي على الكاع ورجليه على الحايط باقيه اباوع للسكف الدقايق ونزلن دموعي
جوري أريد امي.
فزيت على فتحه شباك بيده درت وجهي اباوع وشفته حط حنجه على ايده يباوعلي وعيونه ذبلانات
ذياب مشتاگه لأمچ يابعد حي وميتي
خزرته ماسحه دموعي وعدلت كعدتي وهو يضحك
ذياب خوش كعده هاي راح اعتمدها
جوري تستهزاء
اخذ نفس من جكاره يباوعلي مضيك عيونه
وخر زافر النفس يحجي هاز ايده
ذياب أفاا حشى
جوري ذياب أريد امي
قلد عليه مسوي صوته ينوص
ذياب تردين أمچ؟
جوري انا ماحجي هيج
ذياب صح صوتج راد يضبط حيله ويصير. رجال.
كمت جايه يمه اباوع من شباك وهو يباوعلي
ذياب مضيعه شي؟
جوري وهوه اكو شي حته اضيعه
طخاني بجكارته فزيت محتركه ايدي
ذياب السانج
جوري حررركتني
ذياب وين ماطولت بسرعه زيحتها
جوري نوبب يريد يعالج جرح اصبعي هو انت تحرك بيه انا شكوو اجيت وياك شكووو طبك طوب شلي دخل بييك بس انا غبيه ومخبله
باوعتله محترك دمي وهو هز چتفه گالب شفايفه
ذياب أنتِ مهبوله
ضربته على چتفه وضحك قوي كايم حاط ايده اثنينهن على شباك.
جوري رجعني لأمي اريددد امي
ذياب أصيرلك ام لك بابا لاتبجي تگلط ادفيك بحناني
كشيت ملامحي وهو يضحك
جوري لا الله يخليك صير جدي مجاي اشاقه
ذياب يبه وين اكدر مادحكين عصبت عليج لان اجيتي
جوري يعني ابد ماكو روحه
ذياب هي فتره وأمرجحلك صويلح وارجعك
اجتمعن دموعي ومسحتهن
جوري منو هذا
ذياب واحد ك من وراه احنه هين بس صدكي اكضه اكضه
جوري شارد منه وتكول اكضه
باوعلي خازرني
ذياب اني؟
صفنت اباوعله بلعت ريكي مبتسمه اضرب على اچتافه
جوري لا انت زلمه ماشاءلله طول بعرض طوللل بعرض
رفع حاجبه يباوع لأيدي لأضرب بيها على چتفه وخرت محمحمه
جوري مرجحني بيها
ذياب فوتي جوري
جوري حباب
عاط بيه مفززني
ذياب فوووتي
جوري و. و. وين افوت
دفع كصتي ساد الشباك وراح يكسر بلخشب ضايج
جوري هسه شبي عصب
رجعت كعدت ومر الوقت وانا الوضعي لزمت بطني سامعه صوتها.
كمت فاتحه الشباك لكيته مسويها للمرجوحه صغيره وجاي يزرف بطرفين حته يفوت حبل
جوري ذياب، ذييااب
ماجاوبني منتبه للمرجوحه ولاباوعلي
جوري هاي صويلح هلكدوده؟
ذياب لاتجيبين اسمه
جوري زين باوعلي
ماباوع كام يدك بلحصوه قوي
ذياب أحجي
جوري جوعانه
ذياب هساع جايج
جوري شسوي بيك اريد اكل
ذياب غير اانا اجي اسويللج شنو قابل
مجاوبت راجعه كاعده مرةة دقايق وانا نفس وضعي كاعده شوي ودخل سمعت صوت حنفيه يغسل طلعت ورحت وراه اباوعله.
جوري خليني اصعد بلمرجوحه
ذياب سدي حلكج
جوري ليش صاير عصبي؟
باوعلي مأشر براسه
ذياب اتكحزي بابا
جوري هيج مضوجك صويلح
اندار عليه يريد يهجم
ذياب وووولچ
ركضت داخله للغرفه فتحت الباب بكوه طالع صوت منه مال زنجرته بكوه مديت راسي احجي
جوري ذيبوو، ذيبووو
اندار عليه بيده سجينه فاك عيونه صايرات حمر
جوري هديها للنونه
نزع قندرته بسرعه وخرت راسي ساده الباب كعدت متربعه
جوري ولايتشاقه.
بقيت منتضرته شوي ودخل دافر الباب برجله فايت وبيده صينيه
شمر عليه خاشوكه اخذتها مبتسمه مطبطبه عليها بلكاع
جوري ذيبووو طببخللنه
ابتسم ابتسامه جانبيه وحط صينيه
ذياب وريتلج اصبع المطهرينه
جوري ههاي شنو ماحب محروگ اصبعه
ذياب عجل شنو اسوي؟
جوري أريد مشاوي
ذياب دحسبي ثريد واكلي
جوري ذياب هذا بس خبز ومي وبهار
صفنت شوي ورفعت راسي
جوري وبصل
ذياب ماعدنه بهار بس ملح
جوري نوب.
وخرت اليوره ضايجه هوه بيده ماعون راد يصب انتبهلي باوعلي
ذياب ها؟
جوري ماريد ماحب هذا الاكل
ذياب عجل عش اجيتي هين يبه؟
جوري جيبلي نفس البارحه مشاوي
ماحاجاني صاب بلماعون كايم وفتح الباب داخل الغرفه درع شوي وصلني صوته
درع ام كصايب احمدي ربج ترا اخليج تاكلين باميه مالتي وبلايه معجوون هيه
دخل ذياب يفرك بعيونه ويضحك
درع وفوك مايطبخ ترا ولامره مسويها النه بلواجب زلمتج لو انا مره اخذه واقبل اصير ثالثه.
اندارله ذياب يشوفه هوه بس انا على صفحه مايشوفني وذياب ضهرن غمازاته من ضحك سد الباب وكعد
ذياب سمعتي ول يبه؟
جوري ماريد
ذياب بس لاتعوفين هل كلمه وريتي گلبي
ماحجيت وهوه كام شايلني مخليني بحضنه
ذياب جربيها زين؟
جوري شنو خبز ومي وملح موطيب
ذياب دحكي اكلي هساع حتى بليل بلعشى اجيبلج مشاوي ونشوي سويه ونسهر
باوعتله مركزه انضاري بعيونه
جوري أحلف؟
ذياب وحگ ضحكتج بملگاي.
ابتسمت مامفتهمه حلفانه بس عرفت يمدحني اخذ بيده شوي من الخبز لافها ودحس الگمه بحلگي
باوعتله لكيته صافن عليه مبتسم
جوري شبييك
ذياب شكثر صار عمرج؟
جوري قبل كم شهر دخلت 17
ذياب حلو كبرتي
جوري بيا شهر عيد ميلادك؟
ذياب انتِ بيها شهر؟
أشرت بيدي مطلعه اربع اصابع
جوري رابع يوم 12 وانتَ
ذياب انا شهر تاسع يوم 29
فتحت عيوني مبتسمه
جوري والله؟
دحس لگمه ثانيه بحلكي
ذياب والله
جوري بيوم زواجنه هم 9/29.
ذياب ليش احنه يوم زواجنه هيج تاريخ؟
جوري ايي ماتذكرر
هز راسه نافي
ذياب جؤ، بس حلو
جوري راح اضل اتذكر هل تاريخ
ذياب ههههه انا ضال بالي بس يوم عرسنه انا وهاله
جوري يايوم
ذياب 16/7
هزيت راسي مبتسمه وهو وكلني لگمه ثالثه
جوري ااكل
ذياب حمامتي تاكل اول يلا
كمت من حضنه كاعده بلكاع
جوري لاعوفك مني اكل.
مديت ايدي اقلد حركته من ياكل اباوعله شفته مبتسم مضيك عيونه طابكات رموشه هو عيونه صغار ورموشه ثخان ااول مايبتسم يطبكن رموشه
ابتسمت ماكله وره ماخلصنه كام شال الصينيه وراح فاتح الباب طالع طلعت وراه هو فتح الحنفيه يغسل انا قربت ايدي مخليتهن فوك ايده اغسل
باوعلي رافع حاجبه وحط ايده فوك ايدي خزرته
خليت ايدي ورجع حط ايده صارت بنهايه حنفيه إلى ينزل منها المي
جوري هاي ليش
ذياب شنو سره واجب ترا؟
جوري بس لاتقلد حركاتي
وخر مخلص تغسيل ينكت بيده جاي عليه مي
ذياب تجبريني اسوي سوالف زعاطيط
جوري يازعطوووط
راد يضربني ركضت وجرني لازم ركبتي بساعد ايده طابك ايده مقربني يم وجه
ذياب هاي على منو يول
جوري على صويلح
ضحك بايس راسي وفات للغرفه رحت وراه وهو كعد جوه شباك بلكاع مطلع جنطته فاتحها حاط اوراق وقلمين واسلحه وعلبه وشي يشبه تلفون طولاني اسود لونه.
ااخذ الاسلحه وبده يعبي بيهن طلق كعدت يمه صافنه على غراضه لزمت الاسلكي
جوري ذياب هذا تلفون
ذياب لايبه ألاسلكي هذا
جوري خلي اجربه
ذياب عوفي
عفته صافنه ماعرف شسوي
جوري ذياب
جاوبني بدون مايباوع وهو صافن على الاسلحه يعبي بيهن
ذياب همم
جوري انطيني ورقه ارسم
ذياب أكعدي ابويه
سكتت مخليه ايدي جوه حنجي متنهده هو اخذ الاسلكي دايس ماعرف شنو مقربه يم حلكه يحجي
ذياب المقر، حموله حساسه تأمين الطريق. أستلم حول حول.
عافه بلكاع انا اخذته بدون مادوس دكمه حجيت
جوري اندومي، حول حول
باوعلي خازرني جراه مني شافني مادست شي استغفر شامره
جوري ذياب انطيني ورقه وحده
ذياب اتكحزي
جوري حباب
ذياب يبه عندي شغل روحي دحكيلج لعبه شي سويها
مجاوبت افكر بلعبه ماجاي بالي غير المرجوحه باوعت من شباك ورجعت انضاري الذياب لكيته عاكد حواجبه ملتهي يكتب بالاوراق
عفته وكمت طالعه سديت الباب غرفه خليته مردود.
ورحت طالعه شفتها بلكاع ابتسمت ردت اجرها ماتنجر ثكيله دنكت شايلتها ب اثنين ايديه طخت بطني حاسه بوجع صايرلي قوي من ناحيه بطني بسرعه عفتها طايحه بلكاع
نكتت ايدي مجتمعه دموعي لازمني بطني بس ماشفت جرح دنكت بلكاع اباوع بيها زرفين مال حبل
جريت الحبل وخليتهن بي شديتهن شدتتين وكمت ردت اجرهن ماينجرن ثگال سحبتهن اقوى ب اثنين ايديه ناحيه فتحه الباب رئيسي مال بيت بس مجان اكو باب وصاير حديد على شكل اطار.
جوري يصيرن هنا؟
صفنت وماشفت ايي شي اكدر اربط الاحبال بي رجعت اجرجر بيها ناحيه شجره شوي مسافه من البيت وكفت الزم بطني متوجعه ورجعت اجرجر بيها واصله باوعت للشجره شفتها بيها غصن طولاني ثخين ابتسمت
ااخذت طرف واحد من الاحبال وصعدت على شجره وصلت يم غصن والحبل خلص جريت قوي حته تنرفع مرجوحه بس ماتحملت ثگلها وطحت بسرعه على ايدي مدمر كل ملابسي تراب عطت.
وكمت بسرعه مغمضه عيوني معدله شالي فتحت عيوني اباوع العاكس ايدي لكيت جلد اتزلغ طالع شوي دم باوعت ناحيه الباب وشفت ذياب ماكو
جوري بس لا سمع صوتي
تنهدت كايمه واكفه خايفه لايطلع وماكو احد مشيت ناحيه البيت وصلت يم شباك ونزلت راسي ازحف وصلت للنص شباك شوية انتضرت ورفعت راسي اباوع ماشفته
باوعت اكثر ارفع براسي وشفته متمدد على الكاعيه حاط ايده على عيونه ولازم ألاسلكي.
ابتسمت فرحانه لان مانتبهلي نزلت راسي امشي على كيف كاحه داخل تراب بحلكي مشيت اسرع شوي بعدت عن البيت يلا ركضت ناحيه المرجوحه
جوري شلون اعلكج ها
تنهدت زعلانه وكعدت على مرجوحه وهي بلكاع خليت ايدي على خدودي اباوع للتراب
جوري اصيح الدرع؟، لاهذا فتان.
باوعت للبيت واجت عيني على ذياب طالع لابس بجامه سوده بيها اهواي جيوب وفانيله زيتونه مبلل شعره ومرجعه اليوره مخلي بحلكه جكاره وبيده سلاح وايد ثانيه طلق ويعبي على كيفه بيهن
بلعت ريكي خايفه اتحرك ويحس على كيفي زحفت وختلت وره شجره اباوع خايفه لايشوفني وكلني تراب
سمعت صوت نبح جلاب انداريت بسرعه خايفه
جوري لااا حباببين مو وكتكم حبابين الله يخليكم
ماعرف وينهم بس اسمع صوت انداريت للبيت وشفت ذياب ماكو.
جوري الحمدلله راح
مشيت على سريع انداريت وشفت الجلب الينبح بعيد وجاي عليه
جوري بس لاتريد مرجوحه مانطيهااا
جريت المرجوحه من الحبل قوي وبقيت اجرجر بيها وشوي واوكف زايد الم ايدي اهفي على ايدي وارجع جريت الحد ماوصلت للباب تنهدت ردت اندار وشفته رايد يطلع هوه وراه درع شافني فتح عيونه على وسعهن ودرع انصدم اكثر منه
بسرعه رجعت اليوره خايفه اكرط ب اظفري
درع ام كصايب اتكحزتي بدالنه للشغل ومادري؟
بقيت اباوع الذياب القبض ايده مكورها ضاهرات شرايينه مخلي السانه باطن شفته على جهه
زفر نفسه وحجاها كلمه وحده
ذياب فوتي
ماحجيت ولاشي نزلت راسي هو مال وانا فتت ردت اروح للغرفه وعاط بيه
ذياب موووهين
باوعتله وأشر براسه للحمام رحت للمطبخ انا مرجعه راسي للحايط وجان وراي باب الحمام بقيت هيج لحد ماحسيت صوت شخط سياره
مديت راسي اشوف ولكيت ذياب داخل جايي عليه عرفت درع خلاه يروح وحده
جوري ذياب
ذياب أسسس.
فتح باب الحمام ومن ضهري دفعني قوي ردت اطيح ولزمت الحايط دخلني طلع سلاحه من خاصرته والاسلكي شمرهن بلمطبخ وسد الباب فاتح المي حنفيه على طاسه جار فانيلتي ومامنتبه الجروحي لان شبه ضلمه بقيت منزله راسي خايفه
ذياب سوالف زعاطيط ماتعوفيهن هاا؟
مجاوبت عاضه شفتي مارايده ابجي ذب عليه مي حار احتركت ضربني على راسي
ذياب اسس
سكتت مامتحمله نازله دموعي باجيه قوي هو جر صابون ركي على شعري يغسله شلون ماجان.
ذياب اكلهاا عوفيي هااي تسويلي طركااعه تشيب الخلفوني ماتعوفين سواالفج الفارررغه صغيرره صغيرره نوب يردونج تصيريلي مره لج لو متبنيج افضل ولاتخلين بالج راح تصيررين بالغه
بجيت قوي شاهكه دنك محاجيني بنتر
ذياب أيدج
مديت ايديه اثنينهن سويه وليفهن قوي
ذياب متندم بكد شعر راسي لان اتزوجتج ولو قبل زواج مارييدج بس حطوج جدامي جبرر بحجه بنت عمي.
مارديت امسح بدموعي وهو ذب عليه مي ونزع فانيلته ملبسنياها مدخل راسي وبده يطلع ايديه ويجر ب ايدي قوي الثانيه المجروحه بيه كتمت صرختي حاسه ب ألم قوي
كام جار طاسه ذاب المي البيها وجر ايدي قوي مكومني حسيت ايدي انخلعت من كثر مايجرجر بيها
ذياب بوجهج للغرفه زرعدي
طلعت بسرعه داخله للغرفه وهو فات وراي دافع الباب قوي ساده وراح الجنطته مطلع فانيله لابسها وشامر عليه بجامه
ذياب ألبسي
جوري طويله.
خزرني كاز على سنونه ماحجيت بسرعه كمت لابستها وكعدت اجه وراي شايلني من اچتافي جارني يمه حرك شعري بيده وسوه ثلث خصلات بده يظفرلي نزلت راسي منقهره وهو عدل حنجي بيده
ذياب عدلي راسج وسوالفج
عدلت راسي ودموعي ينزلن ظفرها شلون ماجان عاكد حواجبه شوي ومد ايده
ذياب ناوشي
مافهمت حطيت ايدي على ايد
ذياب لا اله الا الله
شهكت ابجي تنهد يمسح على وجه
ذياب يبه ناوشيلي الاستيكه
جوري مويمي
ذياب عجل؟
انداريتله وعيوني كلهن دموعي رفعت أچتافاتي بمعنى ماعرف باوع العيوني وجر وجهي بايس خدي
ذياب لاتبجين
درت وجهي عنه وهو كام مطلع صك فلوس ماخذ لاستيكه وشال ظفيرتي رابط الاستيكه عليها وقربها يم شفايفه بايسها
عفته وتمددت المكاني نايمه صفح وطابگه ايديه سويه ماباوعله
ذياب شبلاها ايدج؟
حجيت بغصه ماخذه نفس
جوري تعورت
درت وجهي للجه ثانيه على الحايط شوي وحسيت بعبايته عليه مغطيني بايس كصتي
ذياب حمامتي.
غمضت عيوني بسرعه وصار هدوء ثواني وبديت اغفى فزيت على صوت ركعه باب الغرفه باوعت وشفته ماكو اجت عيني على شباك وشفته طالع سلاح بخاصرته بحلكه جكاره وجاي يورثها بجداحه
جوري لئيم
رجعت متمدده جاره عبايته اكثر مغطيه شوي من وجهي وعطره لافح انفاسي بلكامل جايني من عبايته وفانيلته و. بوسته.
نمت ماحاسه بلوقت اله على ملمس شفايفه متكزبر جسمي ومدغدغه من شواربه درت وجهي للجهه ثانيه مكمله نومتي وصارت ايده الخشنه على خدي
ثواني وفزيت متوجعه على ايده صايره بطني
ذياب اسم الله اسم الله
وخرت ايده راجعه متمدده مغطيه راسي بعبايته
ذياب صار الليل وضاله نايمه اكعدي يبه
مجاوبت حط ايده على راسي يمسح على كيفه
ذياب جوعانه؟
هم مارديت زفر نفسه
ذياب هم كعدتي من جنت ماموجود؟
بدون ماحجي هزيت راسي نافيه وخر شوي من عبايته يباوع الملامحي
ذياب احجي وياي بويه
جوري أريد انام
حسيت بحركته حاط راسه قريب مني
ذياب كومي اكلي بعدين كملي نومتج
ماحجيت هو لزم بطني
ذياب ههذا البطون لازم اندار.
قبل لايكمل كلامه كمت بسرعه مغمضه عيوني من الوجع
ذياب يبه شطبتي صابج شي شنو بيها بطنج؟
جوري مابيها لاتلزمني
تمددت وهو جر الغطوه يريد يشوف
ردت احجي رفع راسه خازرني سكتت وشاف بطني متجرحه
ذياب غير تكليلي الجرح.
مارديت جر من فانيلته شاك منها وصله فتحت عيوني اباوعله شيسوي قرب ايده يمسح شوي دم ودخل ايده من جوه وعلى بطني ربطها
جوري ماريد
ذياب عوفي هل كلمه وريتي شيب ابوي
ربطها زين وكام
ذياب اكلج بلمطبخ موجود شويتلج تكه.
ماحجيت اباوعله وهو دفع الباب طالع شوي وسمعت صوت حنفيه عرفت يغسل ايده كمت طالعه وماشفته موجود رحت للمطبخ وشفت صينيه بيها خبزه مطبوگه ومشوي عليها شيش تكه وطماطه طلعتهن من شيش ماكله وحده ومشيت عيوني دور عليه
جوري راح الغرفه درع؟
مشيت اباوع وشفته كاعد بره على الكرسي وكدامه مشغل نار وايد بيده جكاره يدخن وثانيه ماعرفت شنو جان لازم بس صافن عليه يباوع بتأمل.
مشيت على كيفي وكفت وراه وشفت بيده محفضته مطلع منها شوي صوره هاله لابسه حجاب ومستوره بس عيونها مبينات مخليه ايدها على حلكها وخشمها مبتسمه
بهتت ملامحي ساكته كحيت مخليه ايدي على حلكي انتبهلي واندار ضام محفضته مبتسم
ذياب تعي هين اكعدي
جر الكرسي ثاني يمه انا جريته عنه مسافه كاعده متربعه مخليه صينيه بحضني
ذياب عجبج الاكل؟
هزيت راسي اباوع للنار حاسه بحرگه بعيوني ماعرف شجاني انداريت اباوعله لكيته يباوعلي مبتسم بارم شواربه وشمر جكارته على نار زايد دخانها
جوري ذياب
ذياب حنيته يبه
بلعت ريكي ماعرف شبيه الغصه حرگت بلعومي افكر بيني وبين نفسي شبيه؟ بس لا ارجعت انجذبله مثل بدايه. تذكرت يوم النزل المطر واحنه بسياره من هل يوم قررت انو اكون اله احاول اخلي يحبني بس تغير كلشي من ضربني. واتهموني بشي مامسويته.
نزلت راسي صافنه خايفه فزيت على صوته
ذياب شبلاج يبه؟
جوري شلونك
عكد حواجبه ضاحك
ذياب الحمدلله وانتِ؟
جوري انا زينه
اخذ نفس قوي راجع راسه للكرسي مخلي ايدي وره راسه
ذياب بس تعبنه حيل اليوم.
مجاوبته صافنه وبيدي تكه خليتها بحلكي امضغها باوعتله مجتمعات دموعي
جوري انتَ ليش هيج
استغرب من ملامحي هاز راسه
ذياب شنو؟
جوري انا اجيت وياك لان خايفه عليك تموت وانت بس تصيح عليه وتضرب وهاله؟ تتأمل بيها
ذياب شنو هل حجي شبلاج؟
جوري انت شبيك؟ تصرفاتك مال واحد صغير
جان عاكد حواجبه بهتن
ذياب السانج
جوري بس السانج لو تصيح عليه وتغلط وتسب وهاله هم ب مره مصيح عليها؟
ذياب اشتغلن جناني مالاتج؟
جوري ايي ليش بس تصيح عليه وتريد تعلمني عود
ذياب اصيح عليج اعلمج سوالفج كلهن غلط ومال.
جوري جهال؟
ذياب بضبط
عضيت باطن شفتي ماريد دموعي ينزلن خليت صينيه بلكاع ردت ادخل وكام جراني قوي
ذياب وين
جوري روح اتهنى الهاله لاتجيييني.
ذياب لاتصررررخين مواكلج احنه مو بووحدنه
جوري عوفف ايييدي
ادفع بي مايندفع خازرني
ذياب صدكي بالله تعبان واصله النص راسي أچني أحسلج لاوالله اطلع ضيمي كله بيج
جوري دوووخر
بعدته شارده هو ركض وراي مامخليني افوت رحت اركض يم نار وهو وراي
ذياب وولچ وييييين؟
جوري الجهنم شعلييك بيه
ذياب لج صوتج سزز
جوري كووون يلزمك صويلح ويكتلك كتله يفوخ گلبي بيك مطلع عضلاتك بس عليه.
فتح عيونه متغيره ملامحه كلها العصبيه كز على اسنانه يأشر بيده
ذياب لچ انعل ابوج لابو صويلح لابو ابو لابو امج يابت حرمله
جوري لاتغللط على ابووويي
ذياب بابااا الساااانج سدي وررريتي گلبي الله يوريج
جوري الله يوريي حصه وغزاله ومرتك
ركض يريد يلزمني شردت شال قندرته وشمرها وخرت بسرعه
جوري ماجتي
عض شفته جوانيه يدور. بشي يضربني بي شال الكرسي
ذياب أووووورريچ وررر يابت حرمله.
راد يركض وراي يلزمني ورحت للجه ثانيه من نار
جوري ميي اررو مي ارررو
فك عيونه
ذياب وتچرف نوببب
شال قندرته ثانيه يشمرها رحت بعيد
جوري هاييي شبيك مجاي اعيب
ذياب لج بت رمله طيح الله صبغج بطول اصبعي وماخليج تچنين
جوري وين ماتكدرلي بس تضرب بيه نوب تكول انت حنين
ذياب يبه تندارررين فدوهه الهاله
فكيت حلكي
جوري اانا
ذياب ههل سوالف عوفيييهن صدكي بالله مالي خلكج وتا احجي وياج مسويلج هديه بس ماتستاهلين
جوري روح انت وهديتك.
قبض ايده مستغفر وأشر براسه
ذياب فوتي
جوري مارررريد ولاتحاجي...
قاطعني عايط بيه قوي مفززني
ذياب فوتي!
سكتت مجتمعات دموعي تقربت
جوري وخر هيج
ابتعد مسويلي مجال وفتت سريع خايفه لايضربني دخلت للغرفه كاعده بمكاني مجتفه ايديه اجت عيني على شباك لكيته شمر مي مطفي النار واخذ صينيه داخل جوه درت وجهي خايفه لايجيني
تغطيت بعبايته مغمضه عيوني مثله نوم ومرةة دقايق وهو ماكو.
كمت فاتحه الباب صاير صوت زنجرته خليت الباب مفتوح ورحت الحمام والمطبخ مالكيته مديت راسي بره وهم ماشفته عرفته راح الغرفه درع
سكتت ماشيه طالعه برا اباوع للضلام چوله مابيها أي بشر، غير احنه الثلاثي.
لكيت كبالي شخاط دنكت ماخذته طلعت وحده وشخطتها طالع منها نار قربتها يم الحطب مشغلته وبدت شوي شوي تشتغل نار.
مديت ايدي ادفه بهل جو بارد. انداريت واجت عيني على المرجوحه حاط حديده طويله معلكه بحايط البيت وبلمقدمه حديدتين مثبتهن ومخلي المرجوحه كمت رايحه ناحيتها اباوع
لازمتها مبتسمه وبدال الحب مخلي حدايد بشكل حلقات
جوري هاي شوكت سواها، معقوله الي؟
باوعت ناحيه الباب غرفه درع شفتها مسدوده رجعت راسي ورفعت نفسي صاعده فرحانه ب اطراف رجليه بكوه حركت نفسي وتحركت
جوري اممممييييي.
ضحكت احرك بنفسي اكثر وجايني هوى بارد اكثر بقيت وقت اهواي وانا اللعب ويه المرجوحه وراها حسيت انو انا طالعه وحدي وضلمه
ماهتميت كايمه صاعده واكفه على المرجوحه رجل عليها ورجل على الحايط احرك بلحايط واتحرك ولازمه الحدايد الحلقات
جوري جان لازم جاه وياي تحب هل سوالف
سمعت صوت حيوان بس مومال جلب
جوري ياربي دخيلك
درت وجه وشفته عيونه يلمعن بوسط الضلمه حجمه متوسط وضعيف حيل لونه رصاصي.
بقيت بمكاني خايفه ما متحركه رجع سامعه صوته
جوري هذا ينبح، بس لايريد ياكلني
خفت اباوع للباب
جوري يارب ذياب يطلع
عضيت اظفري احجي بصوت ناصي
جوري ذ. ذياب، ذياب الله يخليك ذياب
هزيت ايدي اباوع للذيب يباوع للنار ويبتعد
جوري اادري ذيب جريذي شضعفك سوده بوجه حصه
اندار عليه صعدت اكثر مچلبه بلمرجوحه
جوري ذييييييياااب الله يخليييييك ذياب
تقرب يمي ذيب يحرك بحلكه مطلع اسنانه
جوري اسنانك مرتبه يمعوووود ذياب.
درت وجهي للجه ثانيه خايفه نوب تذكرت خاف يهجم عليه رجعت اباوعله وبلحظه سريعه طفر عليه عطتت قوووي وهو توه عض ايدي
جوري ذييييييياااب
فزيت على صوت طلقه وكفت حركات الذيب وانا ارجف من ايدي متقززه منه بقيت متصنمه بمكاني واجه ذياب بيده فتح حلكه قوي لعبت نفسي درت وجهي وشمره بعيد
ذياب مات يبه
جوري أيدي ذياب أيدي
باوع وشاف ايدي كلها دم تنهد شايلني يمسح على ضهري
ذياب لاتخلين بالج جرح بسيطه هساع تهدين.
جوري أذاااني حيلل أذاني
بجيت قوي وهو يهدي بيه دخلني للغرفه ساد الباب
ذياب أشش اهدي يمچ أني يبه
خلاني بلكاع وانا ارجف راح وغسل ايده اجاني بيده طاسه مي غسل ايدي زين ودم رجع ينزف
حجيت وشفايفي يرجفن
جوري راح اموت ذياب راح اموت
ذياب اسم الله عليج يبه روحي قبل روحج
جاب علبه فتحها وحط ايدي فوكاها
ذياب لاترجفين
جوري شجاي تسوي
ماستمعلي وبقى دمي يصب بلعلبه
جوري ذياب شراح يصير بيه
ذياب تنگلبين ذيبه
جوري ذييااااب.
بجيت دايره وجهي ولزم ايدي مرجعها للعلبه باوعلها وخرها جر من فانيلته شاكها ولفاها عليه شادها قوي
ذياب خلصتي ملابسي يلعثره
جوري ذياب ايدي ايدي موتتني ايدي
سد العلبه واجه يمي يهدي بيه حاط ايده جوه كصته يشرب بجكاير
ذياب شسالفه يبه زلاطه ذني
جوري ولكك رااح اموووت
ذياب ههي على منو ولك؟
جوري نوببب بعده مررركز على حجي
ضحك جار راسي بايسه
ذياب هساع تصير زينه هدي يبه
بجيت اقوى دايره وجهي ورجع راسي بيده مضيك عيونه.
ذياب تردين نفس؟
جوري ذيااااب
ذياب بعد احسن
اخذ نفس من جكارته زافره بوجهي بجيت اقوى اشهك وهو يهز بيده
ذياب هساع شنو عش هل بجي
جوري راح اموووت تحققت امنيتك
ذياب كافي اسكتي دنيا ليل
جوري ياهوه يسمعنه اشو حوالينه بس حيوانات
ذياب لا افاا مايقبلها الدرع
ضميت راسي بصدره ابجي وهو يضحك يطبطب على ضهري
ذياب أدري شگربج للدرب
جوري ردت اللعب بلمرجوحه
ذياب يلا نامي مصار شي
جوري يامصاررر شي.
ذياب هاي تعلميها حتى بعد ماتعاندين وتتعاركين وياي وانا روحي ترجف عليچ
جوري روحك ترجف من العياره
ضحك قوي مهتزه أچتافه
ذياب بلوه ياعثره بلوه وحك قالع باب خيبر
باوعلي وانا احس روحي انتهت جسمي مايوكف من الرجف من الفزه ورعب صارلي
مسح على خدي بيده لازم بيها جكاره
ذياب اليوم مانعوف الدموع؟
مجاوبته دايره وجهي ابجي ههو تنهد وتقرب بايس حنجي
ذياب دحكي احجيلج شعر وتسكتين؟
باوعتله مستغربه
جوري شعر؟
هز راسه راف مقدمه حواجبه مبتسم
ماحجيت وهو حمحم حاك شاربه
ذياب شنو احجيلج كولي وصفه ليه
رجعت راسي ضامته بصدره وهو مسح على شعري
ذياب يحجيلج. يغالي شلون حالك
همست بصوت ناصي بنص دموعي
جوري وصفه اليه
ذياب وعوف الناس كلها
شهكت حاجيه
جوري وصفه اليه
ذياب مريض وصار حبك
مسحت دمعتي اباوعله
جوري وصفه اليه
نزل راسه مبتسم كارص خدي خفيف
ذياب من اشوفك مايضل كل مرض بيه.
سكتت وهو طفي جكاره ب اصبعه
ذياب ماادري هاويه الشعر هيچ.
جوري بابا.
رفعت عيوني اباوعله
جوري بابا جان يحب شعر. كل ما ابجي يقرالي شعر يمدحني ويخليني اسكت
ماحجينه الثواني واتمدد
ذياب هيج تحبين ابوج
جوري كلمه منه تطفي لچمه گلبي
اخذ نفس صايرتلي غصه
جوري الوحيد من صدك حباني
اندار ذياب عليه بسرعه باوعتله مجتمعات دموعي ودرت وجهي للجه ثانيه مغمضه عيوني
ثواني وتقرب ذياب بايس شعري
ذياب اعزج حيل جوريه.
مارديت عليه ماكادره انام من وجع ايدي بقيت هيج للفجر صافنه على الحايط اتذكر كل ذكره من ابوي.
واسأل نفسي، هم راح يجي يوم شخص يحبني بكثر محبته اليه...
همست بصوت ناصي
جوري يابعد روحي وحنيه.
انداريت للجهه ثانيه وشفت كدامي ذياب نايم صفنت الملامحه ماعرف، حنين هوه لو من صدك يهتملي شفقه؟
تنهدت وكمت الجنطته فاتحتها اباوع بيها
جوري ماكو تلفون.
دورت بيها على كيفي خايفه لا اطخ اسلاح وبلغلط اجت عيني على جيس شفاف شلته وشفت مكتوب اسمي بورقه بدون خطوط
حمامتي الشطبه
وحاط بيها الاستيكه النطانياها اول مره
باوعتله صافنه رجعتها بسرعه للجنطه بالعه ريكي وحسيت بي تحرك بسرعه بمكاني تمددت مسويه نفسي نايمه
ماعرفت ليش سويت هيج بس فتحت عيوني على كيف شفته كايم يفرك بعيونه رجعت غمضت عيوني احاول اعدل تنفسي.
شوي وحسيته يكح قوي مستغفر وكام شايلني مقربني بايس عيوني اثنينهن
ذياب بليتي گلبي ياعثره
بقيت مثله نوم ورجعني المكاني وغطاني بعبايته حسيت صوت الباب كمت مبتسمه لكيته طالع
جوري وين راح بهل وقت
سمعت حمحمته يكح من صدره يختنك من تراب ولحد الان ماعرفت ليش من يجي من شغله مترب وشعره مخربط ويلهث وگلبه يدك سريع.
رجعت مغمضه عيوني وهو دخل بس اسمع خطواته ماشوفه شوي وفتحت عيوني على كيف لكيته متربع منطيني شوي من ضهره وبيده سبحه ماعرف خرز بس حاط العلبه جان بيها دمي
وياخذ بلصرنجه من دمي يعصره بلخرزه وهي شفافه اانترست بسرعه ويسدها بماده بيضه
ثواني وبده يهمس.
ذياب: -گبل متروح وتهاجر، يطير الصاف تانيني، اخذني وياك لاحبابي، وعلى الجنحان خليني، يطير الصاف عافوني، وانا الياويل يبرالي، اصد للبيت بعيوني، واشوف البيت ضل خالي.
مافهمت من جاي يسوي حس بحركتي واندار رجعت مثله نوم هوه بقى وتمثيل غفوتي ماطول اله وانا نايمه صدك. بس كل شوي افز من وجع ايدي
كعدت سامعه صوتهم يتناقشون بلممرر
درع لاعوفها تريد تسلم روحك للموت
ذياب دحكلي يبه راح اسجل كلشي.
درع نسجل كلشي بس شنو الفايده نخسرك
طبطب عليه
ذياب اهم شي غيري ماينضلم
صار صوت الباب فتحت عيوني وشفته كبالي وجه اصفر وعيونه ذبلانات شافني وابتسم تقرب شايل ايدي بايسها
ذياب شلون صارت حمامتي
جوري وين تروح
سكت صافن وغير ملامحه مبتسم
ذياب شغل بويه لايضل بالج
جوري وليش يضل بالي اكرهك اني
جر راسي بايسه
ذياب عفيه اكلي ونامي ارتاحي ارجعلج بعدين
عافني وراح طلع بقيت صافنه شوي ودخل حاط طاوه طاك بيضه لاف بلخبزه موكلني.
ذياب خلصي اكل حته نخابر على امج
جوري صدك؟
ذياب صدك. بس ماريد اي حركه تعرفينها انو انتِ هين
جوري شلون يعني؟
ذياب حاجيها وخلي بالها انتي بيت ابوي
هزيت راسي وهو كمل يوكلني بيده باله شارد ويفرك بعيونه بساعد ايده
بقيت اباوعله واكل سوالي لگمه لخ ومديت راسي فاتحه حلكي ووكلني
جوري ذياب
ذياب ها
جوري ها؟ موجانت حنيته
ابتسم موكلني مضغت لگمه منزله راسي راد يوكلني مره لخ ماردت
ذياب شبعتي يبه؟
جوري اي.
ماحجه شي كام شايل الصينيه وراح للمطبخ بقيت صافنه خليت شال بيد ثانيه وطلعت وراه اباوعله ساكت يغسل بيده تقربت انا غسلت ايدي وعيني علي
عفته ودخلت بقيت كاعده شوي واجاني بيده طاسه مي فتح الوصله من ايدي وغسل ايدي زين باوعت لأيدي لعبانه نفسي ورايحه روحي من الوجع
طلع دهن حطاه على جرح
ذياب خلي شوي يصيبها هوى
هزيت راسي وهوه كام راح بقيت كاعده مرةة دقايق واسمع همساتهم هوهه و درع بس ماسمع شيكولون بضبط.
رجع داخلي للغرفه ورفع ايدي نفخ عليها شوية وربطها بلوصله طلع تلفون صغير داك على رقم وطلع صوت امي
فتح السبيكر وقربه يمي
ذياب احجي يبه
سكتت اباوع للتلفون منتضره صوتها وحجت
رمله منوو؟
جوري ها ماما
رمله ها بنيتي شلونج
اجتمعن دموعي وذياب باوعلي أشر على شفايفه بمعنى اش مابجي
جوري امي شلونج
رمله بخير بنتي انتي شلونج
جوري الحمدلله
رمله جوريه صاير شي؟
عضيت شفتي باوعت الذياب هوه تنهد وسداه كاتب برساله انكطع الاتصال وماكو شي بس ردت اسأل عليج
دزلها رساله وطفاه شامره على جهه ولزم وجهي
ذياب بويه راح اروح
جوري وين؟
ذياب الشغلي
جوري خوش
ذياب هل مره راح اتاخر ثلث ايام او اربعه واجي
جوري وانا ابقى هنا؟ منو يوكلني
ذياب خليت اكل بثلاجه اكلي براحتج وهمن صبح خليت باب
جوري ابقى وحدي؟
ذياب بس هل ايام اصبري يبه اندارلج فدوه
جوري وذا متت هناك شسوي؟
ذياب درع موجود يرجعج لاهلج
سكتت صافنه بوجه يعني صدك اكو احتمال جبير يموت!
ابتسم بايس كصتي وكام فاتح الباب
ذياب معه سلامه شطبتي
حجيت بغصه مارامشه بس اباوعله
جوري الله وياك، ذياب.
عافني ودرع جان منتضره برا راحوا اثنينهم رحت للشباك اباوعله لكيته صعد بسياره ودرع هو اليسوق ركزت على ذياب طبك جكارتين مخليهن بين شفايفه موخرهن وزافر النفس
ماعرف ليش هل مره لچمني گلبي ومرن الأيام، الأول، وثاني، وثالث، ورابع.
. ومرر اليوم الخامس وانا متمدده متغطيه بعبايته ارجف من الخوف
نزلت دمعتي ومسحتها اباوع من شباك انتضره يجي قدمت عبايته يم شفايفي بايستها
رجعت راسي ومتأمله اليوم وراه يجي بس ما اجه. ومرر اليوم السابع بنهار طلعت ماخذ سطل تارسته مي من حنفيه الحمام وطشيت المي بلكاع
سمعت صوت الباب مال غرفته خليت شال على راسي ذابه الوصله رحت للحنفيه غسلت ايدي منشفتها بملاابسي سريع ورحت فاتحه الباب.
لثواني بهتت ملامحي مامستوعبه اباوع الجروحه ودم والحرك!
عطت لا أرادي بيدي ضربت قوي على وجهي
جوري ذياااب!
درع هدي خيتي
رجفت ايدي اباوعله مصدومه مخليه ايدي على حلكي هوه مغمض عيونه عينه مورمه واظافيره بيهن ماكو بمكانهن! جلده متزلغ وصايرله جرح براسه ورجليه صاير بيهن حرك من غير ملابسه المتروسات دمه!
كعدت بلكاع اباوعله نازلات دموعي حجيت بكوه طالعه من الحروف يرجفن شفايفي
جوري ذ، ذياب، ياعيني ذياب.
رحت يمه اريد الزمه وماعرف بكل مكان مجروح ومحترك!
درع ادعيله حمامته.