رواية بين قلبها وعينيها كبرياء للكاتبة شمس العراقية الفصل التاسع والثلاثون
أزهار طول العرس هو غالق تلفونه كلما أتصل مغلق حتى حساباته فاصل النت هذا ليش هيج يتصرف ضجت وطلعت الدنيا من عيني وعفته.
ورجعنا البيت وصارت مشكله بين هديل وعصام بالكوه فضت وهديل ما ناويه على خير اخذناها لداخل وتحجي ما تسكت صحت بيها خلص سكتي تردين مشاكل دواره تردين يرجع يخلص عليج شعليج انتِ ياخذها فندق او البيت شيء خاص بي وبعدين شبي البيت بالعكس انظف وياخذون راحتهم أنتِ هم كلامج مو منطقي وسالفتج مو مقبوله بحق احد وعيب عليج.
هديل عيب عليه بس مو عيب على أخوج من يغلط ويتجاوز عليه كدامكم واني مره وهو رجال وبعدين هو شكو دخل عرض منو طالب رأيه لو الكلام مس حضرته وجرحت احساسه وهيج انفعل
أزهار ما منج خلاص تردين تسوين مشاكل گوه
اسماء عيب هديل شنو هالحجي سگتي يمعوده خل يفض العرس ونولي ببيتنا لاتسويلنا سالفه واصلا تتدخل زايد منج مالت الفندق وعيب هم
هديل أنوب عليه أنتِ ما تسكتين لخاطر الله.
أسماء سگتي أنتِ بالأول بعدين أني أسكت بله ذبيتلج حجايه وأنتِ عصبيه وفات الاستقبال وقضى عليج شنو يكون موقفج كدام زوجج سيف مو عيب.
هديل ليش يابه يقضي عليه شنو ما وراي رجال يكسره وأهل أخوان يقضون على حياته مو هي خريطي كلمن اله
ازهار طلعت من يمهن ما منها خلاص ورمت گلبي وهشام يتصل أستغربت وعفته ورجع اتصل اكثر من مره ما جاوبته لن تجاهلني وشويه ودزلي رساله
هشام اطلعي يم الباب.
ازهار ماشي صعدت غرفتي جمعت ملابسي وأغراضي ونزلت ولكيت عصام وبابا يحجون بس عصام مزعوج باوعلي وگال
عصام وين
ازهار اروح هشام اجه يأخذني
ماكو روحه رجعي
بس خويه ينتظرني بالباب
وشكو عليه خل ينتظرج خابري خل يروح ما تروحين بهل الليل شعدنا دازينج هسه تعبانه وما تعشيتي هسه وصيت من المطعم ويوصل واتعشي وارتاحي عود خل باجر العصر يجي ياخذج.
بس
كمال هذا هو بابا لاتناقشين امشي بلغي خل يرجع.
عصام لا ما يحتاج مجد اطلعله كوله ازهار متروح
ازهار عصام والله يزعل
علي شنو يزعل مجد امشي اطلعله
مجد راح واني أباوعلهم وامي هزتلي?اسها وما حجت صعدت جنطتي وشويه وأتصل وجاوبته هاا.
هشام ابقي يم أهلج خل أخوانج يفيدونج بعد ما اريدج! دازتلي مجد يگولي اختي متروح هسه نص رجال هم مو واحد من أخوانج هذولاك كل واحد بكد الثور يستنكفون يطلعون عليه ويكولولي اختنا متروح وياك شدعوه عليهم ناهب ماليتهم بس هاي هي ابقي يمهم.
ازهار هشام صدك تحجي انقطع الخط بوجهي رجعت أتصلت عليه مغلق كعدت مصدومه هيج هشام بهل السهوله تكولها ما أريدج بعد! وتغلق جهازك هانت عليك زهرتك.
غلقت تلفوني وضميته بالجرار واخذت ملابسي ودخلت سبحت وشسورت شعري ورتبت شكلي ونزلت لكيت الاكل واصل وكاعدين بالكاع كعدت بصف اسيا وحست بيه
اسيا شبيج
ازهار ما بيه شيء تعبانه مديت أيدي واكلنا وكمت ساعدت اسيا تغسل المواعين واني اصبلهم الجاي وامي تحجي على التلفون مزعوجه شكو شبيها أمي.
أسيا العرسان ما طلعوا وأسماء وهديل زعلن ومشن بدون عشه لو تشوفينها إشسوت بس تصيح وتذب بسامير وعمي طلب منها تتعشى تصوري ما قدرته وبقت ولا اهتمت لاحد.
ختولي مو أدامي صايره حيوانه صبيت الجاي وقدمتلهم الجاي واجت امي اخذت الجاي
منو جان عالخط.
وصال خابرت جنان وحجيتلها تصرفات هديل شنو قلة الأحترامات هاي عمها يحجي وياها ويقنع تبقى لن عيب يطلعن بدون عشه واختها بعدها ما طالعه يمعوده ابقي خطيه اخاف تطلع تسأل عليج أختج تحتاجج بهيج يوم يمه أشسوت وصوتها عالي.
عصام يمه گافي سدي سالفتها ترى كبرتي?أسها من خابرتي عمتي جنان منو هي تبالغين بإهميتها واذا ما تعشت بالطكاك لاتتعشى.
وصال أني علمود أسيل.
عصام وشكو عليها أسيل ومروان مو جاهل خايفين عليها منه أنسان جبير وواعي بعد شگو.
وصال لا يبوي عاد شرمنها وياها هسه عوفنا ما تتصل على مروان اصبلهم العشه خوما يضلون بدون عشه
عصام مغلق لحد الان
ازهار صعدت امي ونزلت ماكو ما يطلعون وراها بلشنا تنظيف وتعزيل بس من الداخل والخارج والحوش بابا كال عوفوا تعبتن وخطيه أسيا اخذت جهالها وراحت وعصام جان يحجي أتصالات ولحك عائلته واني صعدت غرفتي وشويه وأجتي امي.
وصال شصار شگالج.
ازهار حجيت إلها
خيولي لاتهتمين لكلامه ابقي ارتاحي وبعدين كسري عينه واستحقري وخابري كوليله تعال اخذني صيري أعقل منه وخلي يحس بذنبه ومن ترجعين لاتنطينه عين تجاهلي توبي خل يعرف قيمة زعلج ويتوب يعيد هالتصرف مره ثانيه هاي من أولها هيج
ماشي
يله نامي وارتاحي حبيبتي.
راحت وكملت نومتي واني مقهوره ومصدومه بي
ما توقعتها منه لعصر يله كعدت فتحت تلفوني لكيته منه مكالمات ورساله.
ما تكلفين على نفسج تتعذرين ينقص من عمرج وكبريائج تنزل قيمتة؟
ما جاوبته عفته على الشحن ونزلت اكلت كم لكمه مالي نفس وصعدت ما لكيت منه شيء وفاتح نت دزيتله رساله تعال اخذني أنتظرك شافها وكتبلي.
جايج حبيبي.
ما جاوبته دزلي
احبج عافيتي.
ما فتحتها عفت رسالته معلقه رحت لبست بنطلون وقميص طويل وخليت مكياج ورتبته وكشخت كشخه فول ولبست كعب ونزلت أغراضي وبلغت ماما وراحت لبست جبتها وراحت الأسواق جابتلي فواكهه وكرزات وحلوايات واتصل وجاوبته نعم
يم الباب حبيبي.
اوك نهيت الاتصال ماما بيت عصام كاعدين اودعهم
لا والله نايمين عصام ما موجود بس هي وجهالها.
ماشي عود بوسيهم يله ينتظر وطلعت وياي أمي نزل سلم على أمي ويحجي وياها واني خليت الأغراض بالسيارة وهو يباوعلي ما باوعتله أبداً ودعت أمي وصعدت وتوجهنا للبيت طول الطريق ساكته وكسر الصمت وگال
هشام شلونج عيني.
ازهار الحمدلله زينه
شبيج.
ما بيه شيء وصلنا وأخته فتحت الباب ونزلت أغراضي خليتهن على الكاونتر وباوست ايمان شلونج أشتاقيتلكم وأشتاقيت للبيت احجي واضحك وهو صافن عليه ودخلنا كلهن بوستهم واخر شيء افراح وتقدمت باوستها شلون افراح.
أفراح الحمدلله تمام وأنتِ
ازهار زينه بشوفتكم حبيبتي عمه وين اشتاقيتلها مشيت من كدامها رحتلها كاعده بالاستقبال بستها من?اسها شلونج صحتج شلونها.
الحجيه زينه على الله فدوة لهل الوجه هسه البيت نور بيج اهلج شلونهم مبارك عليكم يمه.
الله يبارك بعمرج ويخليج النا دخل وكعد گبالي يله اني اترخص منج اروح اغير ملابسي أبتسمتلي ومشيت من كدامه الحلويات والكرزات قسمتها بالنص والفواكهه كذلك كلها غسلتها بالمصافي على الكاونتر بقيتها واخذت الباقي بثلاجتي ولكيتها فارغه تجاهلت وكلت ميخالف عليهم بالف عافيه.
. وغيرت ملابسي وفرغت الجنط ورتبت الغرفه ورحت سويت العشه وصبيت وانجمعنا كلنا هو اكل لكمه وحده وكام حتى أخواته أستغربن تجاهلته وكملت الأكل طماطمه حمس وبيض وجاي ومجموعين صحيح قليل يسولفن وياي بس اني افتح سالفه واحجي ويه جهال ايمان ويباوعلي بحب وكل واحد بحضنه حلوياته وايمان باوعتلي بنظره رضا وابتستملي.
رحت صليت وغيرت ملابسي بملابس نوم وطفيت الاضويه وتمددت وراسلت أسيا سألتها على أسيل.
أسيا ما أعرف زواج مروان عبالك مغصوب حتى عمتي ملاحظه عليهم.
ازهار شلون عرفتوا.
أسيا امانه لاتكولين لأحد بيني وبينج
شنو كولي
شفت أثار ضرب على إيدها رفعت ردان وبسرعه نزلتهن ما اعرف غيري لاحظ لو بس اني ومستفقره بشكل ما اكدر اوصفه الج شكلها يبجي ذبلانه مثل الورده واستحيت اتدخل لن مو من حقي بس انتي سألتيني وجاوبتج حتى ل عصام ما حجيت.
يمه گلبي ليش يضربها تنكسر ايده
أنقهرت عليها.
گلبي أحترك ما معقوله يضربها هيج بس اذا اكو اسباب تخلي ينجبر يقسي وتوصل بي يضرب.
مهما كانت الأسباب مو توصل بي يضربها أول ليلة عرسها حرام هالاذيه بحقها وهو الاكبر منها وهي طفله نص من رجله متصير ما اعرف شگول والله
ولج خاف هذا مروان نرجسي يستلذذ بالأذيه
أنتِ قبل على عصام گلتي نرجسي.
لا عمي عصام العقل والرزانه كلها ما ادري مروان لن سكوتي وهادئ اخاف منه واللي يحجي ويصيح أبداً لاتخافين منه اللي بگلبه على لسانه خوفج من البارد ويكتم داخله هذا مصيبه.
الله يهدي عليها خطيه ما تستاهل والله
أبوسك قلبك الحنين يحن ويعطف على الكل
نادرة الوجود عيني بس نسخه وحده واخوج حظها بيها شيريد بعد
فدوة ربي يحفظكم جاي احجي ودخل هو يله حبي اترخص المكان أنحظر
روحي اليوم يعنفج.
صايره سخيفه مثل اخواني ضحكنا وراحت عفت التلفون واجه نام بصفي وصافن انطيته ظهري ونمت والفجر لكيت نفسي بحضنه أبتعدت ورجعني غصب هشام عوفني
ما أعوفج
عوفني خليني براحتي ما اريد اغثك واجرحك
اكعدي خل نحجي ونتفاهم
ماكو شيء نحجي بي ونتفاهم عليه
ليش ولعد على شنو زعلانه
زعلانه وليش أزعل والموضوع كله مو ب?أسي
يعني ما زعلانه
ليش يهمك زعلي
طبعاً.
إذا يهمك زعلي اللي صار ما ينعاد مره ثانيه
تتأمرين يعني.
ما أمر بس هذا شيء مو حلو بحقك أني ما يأثر عليه وياريت تفكر بعقلانيه وتلفت على علاقتنا ونجاح زواجنا، عفته ونمت ولصبح كعدت قبله صليت وخليت القوري على نار وجهزتله الريوك واخذته الغرفه لكيته كاعد يغير ملابسه كعدت بالكاع كمل واجه كعد بصفي وصافن عليه سم بالله
هشام عاشت أيدج من زمان ما متريك مثل الاوادم.
ازهار بالعافيه أكلت وياه وشال السويج وطلع وشويه ورجع باوعلي صديت وجهي وشلت الصينيه وعبرته وكفت اغسل بيهن وهو وراي وتالي مشه لسيارته وطلع وكملتهن وسويت الغده من الصبح.
لظهر اجه تغدينا وعفت المواعين ورحت الغرفتي وهو ضل كاعد يمهن أيمان خليتها تصب جاي فتحت تلفوني دزيت رساله ل أسيا شلونكم واجه اخذ محفظته والسويج وطلع باوعتله ورجع واندار وراه گبل صديت وجهي بس گلبي يرجف توترت رجع وكف باب الغرفه وعيونه مليانات شوك
هشام محتاجه شيء اجيبلج وياي
ازهار لا سلامتك
الله يسلمج يبعد أسمي
شكراً
العفو يله اني رايح اذا اشتاقيتلي خابريني.
ماشي مشه وهو يباوعلي وتالي راح وكمت رديت الباب وراه ولكيت اسيا مراسلتني
أسيا لو تعرفين منو اجه
ازهار منو
هديل
هاا وخوما صارت مشاكل
ازهار والله اني ما عندي شيء وياها بس گلبي ما مرتاحلها يعني خوما من كيفي هالاحساس يجيني
لا طبعاً.
نظراتها وحركاتها وتصرفاتها مالت وحده جاي تراهق حتى أحترامات لزواجها وزوجها ما مخليه وين اكو ميانه زايده بين ابن العم وبنت العم شو اني ولد عمامي وخوالي ارقامهم ما اعرفها بالمناسبات لو اشوفهم لو ما اشوفهم والحدود واجبه.
اني هم ملاحظه عليها مو بس أنتِ
وأخوج ما حجه شيء
خوما حجيتي وياه وتعاركتوا من وراها.
اي كلتله ماله داعي جيتها كالي أختها مو من حقج تمنعيها تجي تشوفها كبري عقلج وشيليها من?اسج وكبرت عقلي وسگتت بس يا أختي تصرفاتها ادق وتجلط.
ميخالف تجاهليها علاج الجاهل التجاهل
هو هم هيج يله حبي أخذي راحتج بعدين نحجي
باي حب بعد تلفوني بيدي وأنفتح الباب بكل قوته افراح وصبا وسجى! خير صاير شي?؟
أفراح اي كل الخير اغاتي أحد كلج احنه خدم لحضرة جنابج شنو شايفه نفسج بنت السلطان درينا ابوج رجل دوله واخوانج ضباط درينا أنتوا دوله وسيارات وحمايات وخدم وحشم واكل من المطاعم والتوصيل شغال كله ندري بي واحنه مو من مستواج العالي والممورق
بس مال تأكلين وتمشين وشايفه نفسج علينا واحنه خدم الج لا هاي نحاسبج عليها تعالي ليكون الحلويات والكرزات الجبتيها علمود نخدمج مقابلها.
سجى اي هيج الظاهر تترس حلوكنا عبالها احنه مثلها نرضخ نعيش بالذل
صبا يمكن خفتي ما تحجين.
ازهار لا ليش اخاف وسويت اللي عليه وبس واظن طبخت وساعدت إيمان بالتنظيف والمواعين عليجن وأنتن ثلاثه كل وحده تغسل ماعون يخلصن
افراح لا والله.
ازهار اي والله واظن كلمن تعرف شغلها واللي عليها محد احسن من احد وأني من وافقت على زواجي من هشام قابله وراضيه بكل الظروف وكلامجن ما يهز شعره من?اسي وياريت مره ثانيه قبل لاتتدخلن ادكن الباب وتحترمن الخصوصيه
افراح تردين خصوصيه بنت الأكابر
اي حبيبتي
امشن ويصير خير يا ازهار
خير اليصيبج طلعن وركعن الباب وراهن وكمت صحت بيها الباب لاتركعينه وراج فاهمه
افراح المن هالكلام.
الج طبعاً وبدال ما تحشين براسج اخواتج نظفي گلبج وعقلج وتقبلي واقعج قبل لاتجين وتحاجيني لن اني ما عندي مشكله بالواقع ولا وياكم.
ايمان شكو شبيجن صوتجن عالي امي نايمه ما تكولن مريضه وصحتها بالكوه ادفع بيها وكتجن هسه.
ازهار ما حجن مشن الغرفه وأيمان باوعتلي وكالت.
ايمان ميخالف عيني طولي بالج عليهن بعدهن صغار تجاهليهن والله اني مشيبات گلبي بس ساكته لن عاذرتهن بنات ويشوفن صديقاتهن ويجن يشبعن قهر اكول هم خطيه.
ازهار يعني هنا محتاجات شغلات
لا هشام ما مقصر وياهن يله حبيبه اروح على امي
راحت وصفنت على حالهن وانقهرت عليهن وقررت اتقرب منهن واصادقهن واني وحيده من يومي احب يكون عندي أخت وان شاءالله يفيد وياهن وما يخلن?اسهن ب?أسي ويشلعن گلبي.
ل المغرب تأخر الوقت وهو ما أجه واتصلت عليه وين أنت تأخرت.
هشام أنشغل بالج عليه
ازهار اي طبعاً.
أحبج
شوكت تجي
أحبج
ننتظرك على العشه
ما اجي اتأخر ل 11 هيج يله
علي راحتك باي
الله وياج
نهيت المكالمه ودزيتله لاتتأخر
عندي شغل والله
ليش لهل الوقت
شغل ياعيني
ماشي عفت التلفون وما تعشيت سويت اللي عليه وتجاهلتهن ودخلت غرفتي وضليت كاعده أتصفح وملل وأباوع الساعه تاخر هواي شطلعت هاي.
نعست ونمت وما اعرف شكثر مر وقت كعدت على صوته يفتح بوب الكنتور كعدت شوكت اجيت
هشام هسه
ازهار أكوم أحضرلك العشه
ما اريد أكلت لفه وجبتلج وياي لفه عالميز
شفتها بعدها حاره شكراً
العفوا
اخذ ملابسه وراح الحمام وشفت قميصه عالجربايه شميته وضميته لصدري يمه ريحة عطرك عالم ثاني واني فاقده على ريحة عطره وانفتح الباب وفزيت
عوفي القميص وباوعي لصاحبه.
عفته وتوترت ما اعرف وين انطي وجهي حس بيه وراح الحمام طلعت وراه دخل يسبح رجعت رتبت نفسي ولبست سيت نوم أغراء ولبست روب طويل ورششت عطورات ودخل هو كمت فتحت الثلاجه وحضرت حلويات وكرزات وماعون فواكهه خليتهم على الجريايه وهو يگلب بالتلفون وهو عالشحن.
ما أكلتي اللفه ما عجبتج.
لا أكلها وياك
هاا اذا هيج بالنص
ليش بعدك جوعان أكوم اسويلك عشه لعد
لا أكعدي لاتسوين وأني من اشوفج اشبع بس احب المشاركه وياج.
عاف التلفون وتقربلي باسني من?اسي
نحصل مسامحه من الساحره الفاتنه
خله خشمه على خشمي وحضني من وجهي وصفن بعيوني عبالك يحاول يقرا نظراتي وين وصلت
ما وصلت اني واصل من زمان
متعيديها بعد
ما أعيدها
أبداً
أبداً ينكص لساني اذا اعيدها كافي عليه عقوبتج
تستاهل علمود تعرف قيمتي عندك
عارفها والله تسمحيلي اخذ بوسه من هالشفايف
أسمحلك حبيبي
أويلي على حبيبج خليتني ضايع من دونها نزلتي مكانتي من حبيبي الى هشام ليش يالظالمه.
اليغلط بحقي اغير رتبته ومكانته
حابتني بعقلج مو بگلبج
أحبك بگلبي واسيطر عليك بعقلي.
اني المسيطر احفظيها هاي
السيطره مو اكون القائد بدالك السيطره تكون بحبي الك فه لاتستعجل بالحكم
تفتهمين
أعجبك
يوم عن يوم يزيد هل الأعجاب وعابر مرحله.
تقرب اخذ شفايفي بشوك وبادلته بلهفه عارمه يقسي ويلين شكلني مثل العجينه وأيديه تتجول حول انحاء خصري وعيونه تسترق النظر على مفاتني وأغرائي وعلى قطعه تغطي جسدي لاتسترني بكثر ما تشعل النار بصدره وتزيد رغبته بإحتضاني وأحتوائي.
لمني بحضنه ومتمسك بيه ومستمر يبوسني يعتذرلي بنظراته وحبه وأحتوائه بقيت حاضنته وهادئين بعد الحرب الجنونيه.
مرت اشهر حياتي طبيعيه بس ما تخلى من المشاكل والمضايقات منهن بس مغلسه عنهن وحتى هو ما دخلته ضمن المشاكل يله يجي تعبان وكافي عليه الشغل وهوسة العالم الخارجي والتعب ووجع?اسه ومن الصبح يطلع وما مقصر وياي ولا ويه أمه وأخواته يكفي متكفل هالايتام يكفيني علاكه الحلويات اليجيبها الهم ويتراكضون يبوسون بي ويتشكرونه يكفيني نظرات أيمان الحزينه والمكسوره تصير نظرات رضا وفرح يغمر صدرها.
وجنت زياره يم أهلي وروحي لاعبه وامي جانت تطبخ دجاج واني ساده خشمي يله يمه خلصي عاد
وصال شگو شبيج سادتلي خشمج وأنتِ روحج بالدجاج والفلفل الحار والاندومي
ازهار كلهن اكرههن اموت منهن
وصال هاا
اي يمه معدتي تگلب
شكثر صارلها
شنو هي
الشهريه مالتج.
مو هواي كم يوم تقريباً بس عادي هم مرات تتأخر طبيعي متعوده عليها
لا مو طبيعي لن أنتِ متزوجه أحتمال تكونين حامل
حامل!
أي ليش ما تردين.
لا أريد بس بعد وكت اني من هشام ما شبعانه ولا شايفته انوب طفل
هذا رزق مو كيفج وكيف هشام وبعدين هذا شغله ورزقه وبركبته كومه لحم مو يجيج بالليل بعد شگو
ما جاي تفهميني
لا أفهمج تردينه طول الوقت يمج بس هذا الشيء ما يصير كل الزلم مكانهم شغلهم بس الما بي خير لاهله ومرته واهل بيته كاعد وياكل وينام هذا غسلي ايدج منه تحملي وصبري على زلمتج يمه
ماشي هسه اني حامل
أخذج أسويلج تحليل ونتأكد بالدم يبين اذا اكو حمل.
بقيت صافنه ردت ابلغه بعدين كلت لا الا يطلع التحليل وأتاكد وفعلاً العصر اخذتني أمي ويانا مجد وسويت وكعدنا ننتظر وطلع التحليل
مبروك حامل.
ازهار فرحت وامي حضنتنلي وباركتلي واباوع التحليل يعني هسه بطني طفل من هشام
وصال اي يروح امج اي بطنج طفل هذا حفيدي هذا مدلل بيت جده وخواله.
هذا ثمرة حُبنا اني وهشام يمه اريده مثل هشام هيج حنين وگلبه طيب حتى لو مرات يعند ويبس خشمه ميخالف احلاهن هذن.
خل يجي بالسلامه يله امشي أخذج دكتوره نطمئن على صحته وضعه وكم عمره.
بس ما مبلغه هشام ما جايبه فلوس
يا فلوس امشي امشي
اخذتني ومجد يضحك وناصب عليه وخربان ضحك
مجد يعني تصيرين ام شو احس اوفر هههههه
ازهار يمه كوليله خل يسكت
وصال عاد هو شلونه من يصير اب.
ازهار أمم ضحكنا وصلنا العياده وحجزتلي ودخلت وسويت تحاليل وفحوصات وثبت الحمل وانطتني علاجات وتعليمات وطلعنا فرحانين وقررت ما اكوله الا تخلص أجازتي ومن اروح ابشره ورجعت البيت وبلغت أسيا وحاضتني وتبوس بيه وكل شوي تلمس بطني ولج كافي يالخبله
اسيا ولج ابوسه اضمه بگلبي هذا ابنج قطعه من روحج يروحي حبيب خالته ولك اني تؤام امك تكولي خاله اموتك اذا تكولي عمه كولي خالتوا أسيا
وصال الله يثبت عقلج ولج عوفي مردتي.
ازهار ضحكنا ونزلت أسيل وجهه أصفر وشالها نازل وشفت اثار بركبتها وغمزت ل أسيا حست كبل غطتها وضبطت شالها وعرفت من خلال حديثنا
أسيل مبروك عيني ربي يكومج بالسلامه
ازهار تسلميلي حبيبي يوم الألج تغيرت ملامحها لحزن وابتسمت مجامله
وصال مروان شو دوامه مخربط هم خابرتي بعد
أسيل لا عمه الصبح خابرته
وصال شگالج
علي أساس باجر ينزل عدهم دوام والتزامات
الله كريم.
ازهار كعدت يمنا تشتغل بواهس وعلاقتها بإمي حيل قويه وحنينه ما الها علاقه بإحد على كد شغلتها تكملها وتصعد
بالليل كاعدين اني واسيا وامي نسولف وكرزات وفواكهه وكعده مرتبه وأسيل صعدت تنظف فوك لن مروان باجر ينزل يمه اريد اسألج
وصال سألي يمه
ازهار الملابس الزايده بعدج تنطينها ل الجميعه الخيريه.
اسيا ليش شسوين بيها
وصال لا انطيهن لام شامل ليش يمه
ازهار عادي الملابس ما ملبوسه او كم لبسه اخذهن وياي.
وصال الج شسوين بيهن محتاجه اوصيلج هسه طبي على البيجات واختاري اليعجبج علمود باجر يوصلجن لن السوك ابوج ما يقبل هالايام نطلع منعنه.
لا ماما مو اليه عادي أخذهن ل اخوات هشام
منو يكولج عفيه ويتشكرج جوزي ماما جوزي عوفي هالسالفه
اسيا يمعوده بعدين يرجعن عليج شلج بيها
ازهار لا شكو بيها بس الجديد وأنتِ ملابسج مال الطلعه يخبلن وكلهن ماركات شتكولين يمه.
اسيا عندي وجبه عزلت الكنتور كيفج شوفي عمتي.
وصال ما مرتاحه اخاف يأخذنها بغير نظره بس شوفي بالاول خل نكول لابوج ويوافق ونروح لسوك واخذلهن داخليات ومكياجات وخلي وياهن الملابس من أسيا ومالاتج بالكنتور مال الطلعه والجنط واسيل هم كومه نزلتلي مروان شايفهن وكلهن شامرهن ما يقبل عليهن ما ملبوسات أبداً.
ازهار تمام خوش فكره وفعلاً بلغنا بابا وبالكوه وافق ورحنا اني وامي واخذنا الهن ورجعنا وكعدنا نعزل الهن الملابس والجنط وصارت كميه كلش جبيره وخابرني العصر يجي ياخذني وامي تسوكت اليه من كلشي فواكهه وكرزات وحلويات وخلت بيدي مصروفي واجه وامي طلعت وياي وجان مزعوج حتى سلم على امي بدون ما ينزل.
وصلنا البيت وعافني بالحوش ونزل ونزلتهم بالطرمه عزلت كلشي مثل كل مره وصحت لايمان شوفتها وباستني وتشكر مني واخذتهن الهن وما رحت وياها خفت ينحرجن ومشيت لغرفتي لكيته كاعد يدخن شبيك حبيبي شصايرلك.
هشام ما بيه
لا بيك شيء
گتلج ما بيه لاتلحين.
ماشي عفته ورتبت ملابسي واجاه اتصال وطلع برا لحكته مو لن گلبي لعب منه لا بالعكس واثقه ميسويها طلعت وراه اريد افهم شبي ضايج واكف يم السياره والاضويه طافيه وكفت أسمع شنو يحجي
هشام خويه اصبرلي بس هالكم يوم استلم مبلغ وأنطيك دينك جاي اكولك اهملني كم يوم شبيك متفاهم على كيفك لاتعيط يابه دتطير.
ازهار اجه وصرت بوجهه مديون
لا
مشه ولحكته بلي مديون سمعتك تحجي
گتلج لا على شنو اندان
هشام لاتحاول تخفي
اهووو شكد تلحين.
عافني ونام وبقيت مقهوره منه وعليه وضل أسبوع طبيعي بس دائماً يفكر وبعدين عرفت الغرفه على اساس هديه من ابن عمه بعدين ساحب نفسه والفلوس محد دافعهن وضالات مبلغ عليه كمت جمعت الفلوس كلهن خليتهن بيده بس ما اخذهن حاولت وياه رفض رفض قطعي ودام هيج متأخذهن اكولك خبر بلكي تخف ضوجتك.
هشام شنو خبرج
ازهار حامل أبتسم وتلمس بطني فرحت
شلون ما افرح شوكت عرفتي
من رحت لاهلي
وهسه يله تحجين
أنتَ جنت ضايج وما تتحاجى.
عليج الله لو كايلتلي بوكتها تدرين شرحتي صدري بهل الخبر الحلو لج تعالي اريد بوسه من هالخد تكول تفاح واعضض بي تعالي يروحه لهشام يمه مريتي راح تصير ام يمه مريتي راح تصير ام.
خلاني بحضنه ويبوس بيه وطاير من الفرحه وبشر امه واخواته وجاب بقلاوه وبيبسي وحبيت خوفه عليه وحرصه مو لن حامل بطفله لن خايف عليه ولفه من بعدني ما حامل يجيبها ومن حملت كام يجييلي لفتين وعصير وحده اللي وحده لابنه وهيج أستمرت حياتنا واني حامل بطفلي الأول وثمرة حُبنا.
أسيل انداريت أهلي وصلوا.
عصام اي هلا بيهم
أسيل بهل الاثناء طلعت اسيا واني رحت فتحت الباب حارث وصلهن من الباب وراح ما سلم عليه انقهرت وباوستهن ليش ما سلم
جنان يستحي صعبه عليه بعدين من تجين زياره ويمر كم شهر يتعودون عادي.
هديل يله نضل واكفين يم الباب وبعدين عيالج ولا واحد منهم طلع يستقبلنا هي هاي مالات الاوادم شنو على?أسهم ريشه.
جنان هديل تعوذي الشيطان شو عبالك جايه تعاركين امشن هسه عمتج نايمه كاعده منو يمكم
أسيل موجودين تفضلوا مشن وهديل باوعت الكراج وأبتسمت وكرصتني وجع شبيج.
بصوت ناصي ليش گلتي ما موجود سيارته شنو شغلها؟
مو وكتج بعدين نتحاسب دخلن البيت وعصام واسيا وعمتي وصال كاعدين كاموا عصام سلم على امي واسيا وعمتي هم سلمن عادي والامور طبيعيه بس هديل خربتها من گالت
هديل عصام شلونك أبن عمي.
أسيل أسيا جاوبتها.
أسيا الحمدلله زينين.
عصام يله اني أترخص.
أسيل عصام راح الغرفته وكعدنا بالصاله وأسيا جابت الضيافه وكعدن يسولفن بينهم عمتي وصال وامي.
هديل اي دبرت
أسيل شنو هي
عود تسوين نفسج غبيه ما شاءالله عليجن هالجيل كلشي يعرف الا هالسالفه ما يعرفها شنو قابل ليلة دخلتج غير وسألتج دبرت لو لا عدت سلامات
سوالفج يمعوده
شگوو مستحيه
شلون ما أستحي شيء خاص بيني وبينه عيب.
كلتيلي خاص ليش هذول عدهم خصوصيه سگتي تاريخ عصام منشور على الحبل مرته مسويته العربيه حدث.
هم رجعتي عليها بابا عوفيها
أمشي نصعد بغرفتج
كاعدين هسه اصبري
جنان يمه اسيل وصلة بياضج وين
أسيل ليش
وصال ضميتيها
أسيل لا ذبيتها بالوساخه
جنان كبر الكبرج شلون تذبينها
وصال على كيفج وياها جنان يمه أسيل وين ذبيتها
أسيل بالوساخه
وصال من يمتى فرغتيها
اسيل بالحاويه عالسطح فرغتها ليش شسون بيها
جنان امشي نصعد ندورها يالثوله.
أسيل فشلتني كدام عمتي صعدت هي وهديل قبلي واني وراهم وعمتي ضلت كاعده رحت ادور بالحاويه ولكيتها وتذكرت إلى صار شلتها بجيس وعمتي من فوك صاحت عليه.
وصال لكيتيها
أسيل اي عمه
شمريها عليه اضمها يمي لاتضيع منج ويسولج عمل ويطحين حظج وحظ ابني وياج.
نزلتها وانطيتها الها ما شافتها على لفتها ضمتها ورجعت يمهن وضبطت شالي ورداني خفت يلاحظن
لكيتهن كاعدات وهديل تكلب بملابسي وعارضه ملابس النوم وكامت تحجي.
شو ما لابسه ولا بدله لعد المن مشتريتهن
لا لبست
وين كلهن جدد
جنان ولج بعدها عروس تلحك تلبسهن
هديل لا الظاهر زلمتها حار بحار.
أسيل شكد سخيفه
ماكو ملابس مو كوليلي عادي اثنينا متزوجات
شيء خاص بينا عوفي من ايدج قفلت الكنتور وكعدت تباوع وتحجي.
ما جان يسويلج مثل اسيا بيت كامل بس مطبخ لا تاكلين وياهم ميخالف ليش بس أسيا لو هذيج بنت الباشا.
جنان خلي الله ساتر عليها لاتضلين تفلتين بسوالفج شعليج بيهم كلمن على كده يله اني أنزل يم وصال عيب ضلت كاعده لوحدها.
أسيل نزلت ولا سألتني ولا گالتلي شلونج شلون مرت ليلتج خوما نزفتي توجعتي أبداً ولا عبالك أم وتهتم لبنتها وتسأل عنها هذن كلهن مو بإمي وفزيت على صوت هديل
هديل أسيل اريد منج خدمه
أسيل بشنو اخدمج
اريد منج رقم عصام الثاني؟
حجت والباب أنفتح مروان كمزت بخوف وهو سلم على هديل.
مروان هاا شلونج اخبارج ليش حاظرتني
بخير كلش زينه والله لن مو أدمي وحظرتك
مو أنتِ مو أدمي فه توكعين بالموخوش اوادم والطيور على اشكالها تقع غراب يكول لغراب وجهك اسود.
عابتلك
لجهرتج أي منو وصلكم
حارث
وشعجب ما ضل
عنده شغل
ها وأنتِ شعندج جايه
أجيت اشوفك وجهك يجيب العافيه
الله يعافيج وشافج عزارئيل وخلصني منج
وأنت هم على الواهس.
أسيل بدون وعي اسم الله خفت حلكج حجيتها بعصبيه وتداركت الوضع وفشلت وهو فتح المجر أخذ تلفونه الثاني وطلع.
هديل مبقي تلفونه بالمجر ليش؟
أسيل ليش شكو قابل وين يبقي
ما ادري ما مرتاحه هذا مروان داهيه.
يله ننزل هسه
ورقم عصام
صدك على طاري الرقم شتسوين بي
شعليج أنتِ.
وراج مصيبه عوفي الرجال ومرته بحال سبيلهم ليش تخلقين مشاكل من جوه الكاع العالم ناقصه وجع?أس وزعل وروح وتعال.
شكد خوافه.
أذا أنتِ دخلتي على حياتي طبعاً أخاف
اني أختج مو عدوتج
عوفيهن وصيري أختي الاعرفج بدون هاي السوالف والحجي الما بي معنى وتعوذي الشيطان هديل لاتسويلنا مشاكل عوفي عصام وأبتعدي عنه لاتصيرين حقوده وگلبج الوسخ ما ينسى?.
ولج صدكتي اخلي?أسي ب?اسهم شبيه خبله بس ردت أشوف ردة فعلج توكفين ضدي لو وياي طلعلتي بكل الأحوال ضدي.
وياج بالزين مو بهجمان البيوت والمشاكل
لا ولج شبيه تخبلت مجرد سوالف يله ننزل.
ماشي الله يهديج وطلعنا مروان جان واكف عالسطح شافنه واجه ناحيتنا وهديل ضحكت وهو استغرب.
شكو ووجع على شنو تضحكين
خل مرتك تگولك سالفه ما تنحجي يله اني انزل
أسيل نزلت وباوعتله وشفت قطعه حمره بركبته
شكو شبيج تباوعين ما شبعتي.
لا هيج اني نازله نزلت وهو ضل ولكيتهن يردن يرحن وعصام دخل اجه من برا وهديل تباوعله كدام اسيا كرصت غمز اهمز ولا يفيد جانت متقصده.
وطلعن ودعتهن ورجعت لكيت مروان وعصام واكفين يحجون ويگوله.
عصام عيب ولك غير تتنبه حاول تخفيها كم يوم وتختفي متطول.
أسيل عرفت كاله گبل طفرت لغرفة عمتي لحكتها خفت منه وبهل الاثناء اجاني صوته يعيط عليه انثولت وركضت وانضربت بالباب
مروان أسيل أسيل أسيل.
وصال شعنده يصيح عليج جان وكعتي على وجهج على كيفج بنيتي شجاج انثولتي انطيها مجال تشوف دربها خبصتها وثولتها بصياحك.
أسيل صعدت ركض عالدرج والباب جان مفتوح اول ما دخلت قفله ولزمني من شعري قوي.
مروان الله يخليك?گبتي راح تنكسر مروان
مروان وكسرتهم مكسوره وكابرج وخلصان من عارج وشكلج وجهرتج الناقصه ولج ادبسزز شمسويه بركبتي شنو هاي الانجازات ست الحسن والاثاره والأغراء والاغواء هاا شنو هاي.
كلماته مثل السم مثل السهم ينبت بنص گلبي دفعني وكعت بالكاع دفرني بطني قوي ولزمني ورفعني من ركبتي نبت أصابعه وكمت اكح اكح.
گلشي تسوينه أنتِ متعمده تسوينه قصداً تخليني أتذكر ما جاي تنطين فرصه لنفسج تتغيرين ما جاي اشوف تغير عليج بإي شكل من أشكالج الزفره ولا قابتلي ربج بإخطائج ولج ما جاي اشوف احساسج بالذنب وذنبج جبير هذا كله ما جاي اشوفه الاشوفه صلافتج ونظراتج وتفاعلج بالفراش جني عاشكج من عمر واني وياج دهن ودبس مو سوالفنا ما تسولف والخيسه مالتنا واصله لنخاع.
الذنب ذنبي عوفني اني وربي يحاسبني عليه عوفني
أعوفج تردين أعوفج.
ضربني كف وصحت بوجهه خلص گافي محسسني بس اني الوحيده الغلطت لاتنسى نفسك انت هم شريك وياي بهل الذنب والغلط منك مو مني اني كلت هيج لو حكمت على نفسي بالاعدام
ذنبي وأعرفه بس مال تكولين الغلط منك لا هاي ما مقبوله منج ما أستهضمها انجرح احساسي كلش انجرحت تأذيت گلبي كام يوجعني.
يتقربلي واني أبتعد وما حسيت غير طفر عليه وفتح الكنتور وجر الحزام لااااااا مروان لاااااا حضني وصم حلكي ويهمس بإذاني وانفاسه عاليه.
ولج اني الغلط مني تحبين أذكرج واكولج عادي في الإعاده إفاده تذكرين من جنتي تسوين حسابات مجهوله وتعلقين على منشوراتي وهناس دخلتلج خاص وتهجمتي عليها وادعيتي اني حبيبج وعلى علاقه اني وياج هم كولي كذب كولي كذب كولي
بصوت مكتوم أمممم
تعجبيني وبعدها غسلتج غسل وانطيتج حجمج وقدرج وطردتج بالقنادر بس انتي كرامتج بال صفر كرامه صفر شخصيه صفر من كلهن رجعتيلي بغير درب وعارفه ومتأكده اني مرتبط بوحده تسواج.
عود صارت بينا صداقه والامانه حبيتج وأنتِ صديقتي هبه! وراسمج بخيالي بنيه بالعفه والأخلاق ووثقت وأمنت بيج وفتحتلج گلبي وحجيتلج كل أسراري وين اطلع وين اجي الا اني اجه يوم واعترفتي بحبج اليه وصدمتيني بعدني ما متقبل الصدمه وحده ورا الثانيه مره حب مره صداقه.
أنتِ بهل الأثناء والوقت إشسويتي كمتي ادزيلي صورج فاضحه ومغريه بدون حجاب وتفتحين كاميرا وتلبين الطلبات بدون اي مانع والشغله اقل من العاديه عندج سلطه عود تجذبيني وتخليني أحبج بس عمره الحب ما أنبنى على الصور الصوره مو أساس الحب يالخبيره الحب والمشاعر الجياشه والعنيفه.
دفعني وضربني بالحزام مره وحده على ايدي ومشه وصحت وراه بس اني حبيتك من گل گلبي والخلقك اني حبيتك حب نظيف غير عن النيه الراسمها بخيالك اني ولا شئ من الافكار اللي ب?اسك.
تقربلي وجهي بنص وجهه وحجه وهو مركز عليه
وأني أكرهج كرهه وسخ وقذر ما اطيقج ولا عبالج حببيتج وتتأملين بيوم أحبج واتقبلج بحياتي ولا كأنما صار شيء بينا وامارس وياج الحياة طبيعي لا أفهمج وأكولج من هسه وجودج بحياتي ل أسباب.
ل أربعة أسباب فقط أولاً أسترج ثانياً أغسل دماغج وأنظفه واعيد تركيبته بيدي وثالثاً أربيج من جد وجديد ورابعاً والأهم بالنسبه اللي وبالاخص هو حلال النومه وياج أستلذذ بيها بيها طعم خيالي أشعر بالرضا تجاه نفسي أتمتع ومرتضي وياج بفراش بس لا غير وأنتِ لهيب تشتعلين تخليني مثل قالب ثلج وتذوبيني بين إيديج وتفاعلج وياي مو بس يريحيني يبصملج بالسواد والرخص.
كمل كلامه واني صافنه عليه نزلت دموعي بغزاره وفزيت على صوت الباب أنركع قوي وكعدت حيلي بهت ما بيه اضل واكفه صافنه على الأرضيه ودموعي تجري مثل الشلاح وكل كلامه مخزن بخلاياه دماغي مثل الشريط أنعادن كلهن كلمه كلمه اني ما انسى
فزيت من فتح الباب بقوه وكف كدام المرايا يكلب بالمجرات يدور على كريم اساس طلع علبه وسخ تيشرته وصاح بيه
تعالي اخفيلي قذارتج.
قذارتج! مسحت دمعتي وكمت وصلت لعنده طلعت خافي العيوب وايدي ترتجف تقربلي والتصق بيه بشكل قوي نزلت الياخه وخليت وبديت اخفي وهو نظراته بوجهي صارت عيني بعينه كملت ورجعت المكياج وهو باوع زين.
فضحتيني خفت شگلج.
رش عطر ونزل وقبل لا ينزل أندار باوعلي
أختج شتريد منج
ما تريد شيء
متأكده
اي
ماشي لبسي شالي ضبطي ونزلي وراي ومن اني اصعد تعوفين البيدج وتلحكيني
ما جاوبته
ويامن احجي اني.
ماشي نزلت وياه وتعشينا بس حسيت اسيا متعاركه لن ضايجه كوه تحجي وعصام ما عجبه وضعها وطلع ومروان صافن عليهم ورجع صفن بوجهي تهربت من نظراتها كلها شك وذنب.
لليل صعد وأشرلي اصعد وراه بس اخلص المواعين هزلي?أسه يعني اذا تتأخرين تتعاقبين وعمتي حست بينا أخذت المواعين مني ورحت غسلت وصعدت وراه لكيته يسوي بالتليفزيون حجه وهو انتباهه على العبه.
حضري روحج
نطلع
لا نركب الموجه أريدج حوريه البحر.
أسفه ما اكدر أصيرلك حورية البحر دام وجودي بحياتك ل أسباب ومبقيني لراحتك انت بنفسك واني بنفسي لما تفرج علينا وننهي هالمهزله من اساسها
طالعلج لسان عبالي ما عندج
أني أنسانه من دم ولحم ونفسي الها عليه حقوق من حقي أدافع عليها وما أسمح لأحد يأذيها ويستحقرها بحجه أرضاء نفسه حتى لو كان حلال وبشرع الله بس بإستحقار واذيه اعذرني هذا الشي ما يصير وما مقبول.
شوكت حسيتي على نفسج وعرفتي بروحج أنتِ أنسانه هاا شوكت انطيني التأريخ المضبوط.
من يوم يومي أنسانه شسويلك أذا أنت تشوفني بغير نظره شمر الريمونت وتقربلي وقربني من خصري بإيد وحده حاوطني حاولت ابتعد شد عليها ونظراته تترقبني واني اتهرب منه
أني انطيج التأريخ المضبوط من حجيتلج أنتِ شنو أساسج وتركيبتج وموقعج بحياتي صرتي أنسانه والج حق وحقوق على مروانج مو هيج تكون صياغة الاسلوب يا ست أثاره الفتن!
گافي مروان.
تردين كرامتج
ليش مو من حقي
اي يابه من حقج تدللي انطيها الج بالفراش بس بعدها امسح بيج الكاع يعني وقتيه والوقتي يمكن بيوم يصير اله ادامه شمدريج أنتِ تدرين شُنو مكتوب بظهر الغيب حتى لو تصير ادامه تضلين بنظري ال سويت وياج المنكر بكل حذافيره.
كرهتك وكل كلمه تنطقها تخليني أكرهك أكثر.
هو اني أريد تكرهيني وتحبين نفسج
اكرهك أنتَ ونفسي أثنيكم ذنوب برگبتي.
اريد أذنب بيج
مروان تفكيرك يريدني بالحرام
لا
بلي.
گتلج لا فه لاتأكلين
لعد ليش گلت اريد أذنب بيج؟
أنتِ مو شايفتني قاسي واذيج واذيتج ذنب هذا الاقصده مو اللي برأسج باقي متمدد وماثر بيج الظاهر حابته وما ناسيته مو.
أستغفر الله
لج باعيني وجهج لا ادرينه عن وجهي لا اشوهه الج
شوهه وخلصني منه بلكي الكي سبب يخليك متحبني
هسه عرفت مستحيل تكرهيني
أموت منك
هسه أنشوف.
شتشوف قبل لا اكمل كلامي قاطعني واخذ شفايفي بقساوه واني ادافع بي وهو اقوى مني ميقيدني ولا يخليني احجي وكعني وحاصرني بجسمه وقيدت حركتي وأستولى على كلشي يخصني بالقوة وضل مستمر واني ابجي وادفع بي اخر شي تعب وانزعج من تصرفي وعنادي.
تفاعلي لج
ما احبك اكرهك
أسيل.
مروان عوفني ضل مستمر ويلح عليه اتفاعل وياه بالغصب ما بادلته وكام ودفعني وراح الحمام وبجيت بقهر ولطمت على وجهي الله ياخذني ساعة الحبيتك بيها الله ياخذني.
وبعدها التحق وما حجينا نهائياً وضليت عايشه بدوامه ما الها مخرج لا أهل بيهم خير لا أخ ينشد بي الظهر والاخت مو مال اشگيلها وتفهمني تنصحني وترشدني ولا عندي صديقه اكعد احجيلها وتنصحني ولا تلفون اقرأ واتطلع واسأل باقيه عايشه بين أربع الحياطين وبين أتصالته وسؤاله عني من تلفون عمتي وصال وهالفتره صاير شگاك بشكل مو معقول لن كمت ما اتفاعل واتبادل وياه بالعلاقه كام يشك والف شيطان يكمز برأسه وصاير اقسى من قبل لو ضال على قبل اهون وارحم بهواي.
كاعده اغسل البيت وتلفون عمتي أتصل وهي جاوبت وفتحت سماعه وتحجي
وصال هلا يمه هلا بيك
مروان شلونكم
كلنا زينين بس أسيل موزينه.
ليش شبيها
وجهه ذبلان ما عاجبتني أكول الها خل اوديج طبيب متفعل وعنادها لا يروح لا يجي
هي ما تأكل الثلاجه تخيس ما تمد ايدها عاد بالعناد زمال شامخ.
لا يمه على بختك شو هيج
وينها فوك مو
هاا اي
شتسوي فوك
شتسوي صعدت تنظف
وشبي جلاب تنظف خل تنزل يمج صيحيها خل تجي احجي وياها.
أسيل يا أسيل ياعيني يا أسيل
غني بإسمها غني خلي الجيران يسمعونج يمه صوتج
شبيك وكرص ادري كل شوي متصل ذبحتني شغل وعمل ما عندي اكعد احاجيك
لاتحاجيني انطينياها
تعالي يحاجيج.
يمج هي
لا هسه نزلت هاج
أسيل اخذته وحجيت الو مروان
مروان الو
مروان
يمعوده الو
مروان تسمعني
شتسوين فوك شعندج اني ما موجود المن منظفه لكواويد مالتي.
هسه شتريد
أريد أكسر?أسج شريد أكثر من هيج
مو كس?ته ما كفاك شتريد بعد.
كسرت عينج وما أنكسرتي كسرت?أسج وما انكسرتي كسرت جسمج وما انكسرتي عبالج هاي قوه وفرحانه بروحج
لج أني اشوف الصلافه ضعف شخصيه لن أنتِ من الداخل ضعيفه هشه أنفخ عليج توكعين بوسه وحده تخدرين وتذوبين.
لازم أروح
تبقين على الخط لما أكمل أكلان
كمل
شكمل
شمدريني
أسيل جاي تحفرين گبرج بإيدج
تعال موتني وخلصني حتى لا تتدفني بگبر ذبني بفد مزبله مو اني قذره وسخه هذا مكاني ليش اتعب روحك وايدك يوجعنك من حفر كبري اختصرتلك.
هم صح
أنقهرت من رده وجاوبته ولاتنسى مكانك بصفي قطعت الخط ورجع اتصل ورفضته ويتصل وجاوبته هاا
جايج واحسابج بكل كلمه كم حرف واحسبي بعد
ترة أقصد بصفي يعني بالفراش تنام بصفي
اي هواي واضح
مروان تسمعني
جايج حضريلي الصونده الحزام كام ما يشتغل عندي جايج واعيد امجادج وامجاد الخلفج يا ادبسز
أسيل قطع الخط وارتعبت عفت التلفون وكعدت يم عمتي وجسمي يختض وكلت ابقى يمها ما اتحرك.
ضليت كاعده واباوع الساعه ومر وقت وسمعنا هورن السياره قوي.
وصال عصام اليوم ينزل بس هذا مو هورن سيارته اسيا باوعي الكاميرات من يمج منو
أسيا هذا مروان.