رواية بين قلبها وعينيها كبرياء للكاتبة شمس العراقية الفصل الأربعون

رواية بين قلبها وعينيها كبرياء للكاتبة شمس العراقية الفصل الأربعون

أسيل دخل علينا بدون كلام گبل تقدم سحبني من أيدي كدامهن وضاغط عليها واني الخوف مبين عليه وكل جسمي يختض واباوع لعمتي بتوسل وقبل لانصعد عمتي سحبتني منه وهو أستغرب تصرفها.
مروان يمه فدوه رحتلج لا تتدخلين
وصال لا أتدخل وغصباً على?أسك شعندك جاينا ثاير وسمك يتطافر وتفوت تسحبها وراك مثل النعجه عوفها شتريد تسويلها ليكون تضربها ولك!
أسيل أحجي يمه مروان يضربج.

أسيل يباوعلي بغضب گبل جاوبتها لاعمه ما يضربني اسيا تعض بشفايفها كأنما تكولي أحجي اذا عندج شي لاتخافين الكل بظهرج بس ما كدرت خفت منه ذنبي وياه جبير أخاف انفضح خفت خوف بس الله يعلم بي.
مروان ماشي بقيها يمج شبعي بيها وإذا صعدتي الغرفه رجليج أكس?هن من طابق الثالث أشم?ج.
وصال ولج شمسويه وهيج متخبل عليج خوما من حجيتي وياه على التلفون جفصتي بالكلام.

أسيا حاولي قدر الامكان من هو بالدوام لاتجفصين مثلي جفصت الا كلت بس عادي تتعودين وتتونسين على الجفصات عشتوا عمه لعد بيمن نطلع قهرنا.
وصال العندج مو مثل العندها هذا گلبه أسود وما ينسى والكلام يضل ب?اسه عوفي ولاتصعدين وراه ابقي جوه وعمج اليوم ما يجي نامي بغرفتي.
أسيا شعوطي تجاهلي وعاملي برود هذا علاجه.

وصال اي علمود يكوم ينفخ عليها نار أسيا هذا مو عصام بكلمتين يتسرسح بحضج ستري عليها لا يجينا يهف ويسحلها ويخلي وجهنا بارد لن هالايام صاير طبعه ما ينجرع مر علگم.
أسيل ما حجيت شيء رجعت كملت شغلي وصبينا الغده ونزل تغده بس ما يباوعلي كعدت بصف عمتي وطلب من أسيا.
مروان من يمج الخبز.
أسيا هو يمي بس گال ل أسيا تجاهلته وكملت ألاكل وبعدها أسيا غسلت المواعين وهو تقدم صب كوب جاي وصعد الغرفه.

وصال أمشي بغرفتي والعصر ادزج لاهلج شعوطي خل يعرف قيمتج لاترجعين منا ل أسبوع أني اعرف شلون اخلي يجر عدل.
أسيل عمتي راحت الغرفه وبس اني وأسيا وبنتها كامت تبجي وكملت عنها المواعين واني أغسل حسيتها فوك?أسي
أسيا أسيل شنو هاي أيدج؟
گبل نزلت رداني وارتبگت
الى متى تضلين ساكته ترى ملاحظه عليج ما مرتاحه وياه رجفتج من تشوفينه وخوفج ولون وجهج يصير اصفر ومعاملته وياج بقساوه.

. ويوم عن يوم تذبلين مثل الورده اذا يوميه يضربج احجي ولاتبقين ساكته الأذيه ما ينسكت عنها لو مهما كان السبب الضرب مو حل.
لا ماكو هيج شيء
والأثار شنو
لا وكعت
وين وكعتي تلعبون فاره وبزون عذراً تدخلت بس لمصلحتج وصدكيني كلنا نوكف وياج بالاخص عمي وعصام وخو عمتي الداعم الاساسي الج
لا ماكو كلشي.

شوفي اني ما اريد اتدخل وبعدين يطلع العكس لو انتِ تنكرين وتوكع براسي اتبلى عليكم وكلها تكول لن أنتِ اخت هديل عبالهم اكرهج بس والله عازتج مثل ازهار وما عندي شيء وياج بس گلبي يوجعني عليج وأتمنى يكون كلامي مو صح وما يضربج يارب
اي تسلمين عفتها ورحت ويه عمتي ونمت بصفها والم برداني وتغطيت وضليت صافنه عليها وسبحتها بيدها جنت حيل مخنوكه عمه
هاا عيني شبيج ولج.
عادي تنوميني بحضنج.
فدوة لهل الوجه اي يمه تعالي.

رحتلها ونومتني بحضنها تمسكت بيها وبجيت بقهر وهي تسكت بيه عمه فدوه خليني ابجي بحضج محتاجه هالحضن احب حنانج عمه.
ولج يعيون عمتج بس باوعيلي وفهميني شبيج شنو متعبج هيج يخليج تبجين وبگلبج نار مشتعله احجيلي شصاير وياج مروان يضربج مأذيج احجي
مسحت دموعي وبقيت ساكته وخفت منه شحجي يربي يعدمني لا ماكو شي هيج لن أشتاقيت لأمي وأنتِ بمقامها وردت أحضنج.

عيني أنتِ شو كومي غسلي وجهج وارتاحي وتعالي واليوم احاجي خل يوديج الهم شوفيهم وشبعي من امج حقج البنت ما تحتاج احد بس امها مثل ازهار بالدقايق تخابرني وگلبي يمها وشاغله فكري.
هزيت?أسي وكمت رحت غسلت وجهي وفزيت من باوعت المرايا وهو وراي بلعت ريگي
مروان حجيتي ل امي مو
أسيل لا والله.
أكيد.

لاتخاف خلي گلبك مطمئن ما راح أكول لأحد وأفضحك واعيرك بغلطك وأسلفك بذنبي مثلما أنتَ سويت أني ما اشبهك واذا بيوم أني وياك أنتهينا فه النهايات اخلاق وراح أحفظلك البينك وبيني.
شلون تحجين وياي بهل الطريقه
شلون تحب احاجيك
احجي عدل وياي ولاتنسين أنتِ بديتي بالغلط وأنتِ تتحملين النتائج
وأنتِ.

أني طرف مظلوم لن بسببج خسرت حياتي الجنت عايشها بأمان الله خسرت حبيبتي حب حياتي وكسرت گلبها وحطمتها وما وفيت بوعدي الها والبسها حلقه أنتِ كسرتيلي ظهري دمرتنيني حطمتينا بغلطتج لوحدج وجرفتيني وياج ما انكر غلطت بس السبب الرئيسي منج مو مني
ماشي اني أساس الغلطه ومتحمله النتائج وساكته شتريد بعد مني ضل صافن بوجهي وسحبني من ايدي بس بهدوء مو بعنف
أمشي وياي
ما امشي مروان عوفني الله يخليك.

گتلج امشي وياي ما اسويلج شيء شبيج خايفه
ما خايفه بس ما امشي ما اريدك افهم مو كلت زواجنا ل اسباب أنتَ خليتها واني السبب بدمارك وخراب حياتك خلص عوفني بحال سبيلي
هسه تردين أعوفج وبعدين حلالي مو منكر هذا علمود تمانعين عود ما ترديني وتخافين مني
مروان
تنعوصي بعد.

أخذني الغرفه وكبل ضربها قفل بدون سابق أنذار ولا انطاني مجال احجي حرف اخذ شفايفي بهلفه عارمه حسيته يكابر ويحاول بس شيء داخله يمنعه ويستمر وما قسى نهائي بالعكس جان حنون وهادئ ومشاق للعلاقه واني توقعته يملخني ومع ذلك بقيت على موقفي ما بادلته ولا تفاعلت وياه وانتهينا واني هادئه وهو اهدئ مني والصمت سيد المكان.
ما اريد أهلي يعرفون
ماشي
لأ امي ولا اختي ولا امج ولا أختج نهائي أسيل أعدمج.
أي.

تكدرين تنزلين تنامين يم امي وتعززين بنفسج وكرامتج هاي هي خلص شغلج يمي.
سكتت ما جاوبته بس نار بگلبي أنداريت لكيته نايم قرفت من الوضع اخذني يرضى نفسه وهاي هيه وبعدها ما يعترف بيه ولا بوجودي.

بقيت متمدده وروحي ساكنه بس دموع تعبر عن حالي ومر وقت وكمت رحت سبحت ورجعت فرغت جنطته ملابسه كلهن وبدلته وغسلتهن ونشرتهن ورجعت مشطت شعري ورتبت شكلي بمكياج خفيف رغم السواد المخيم على عيوني ووجهي ما بي روح طافي محد أحتواني ونصفني كلها تنهش بلحمي وين ما اروح يتوالوني ما يقصرون بيه.
كملت كمت جبت ملابسه من السطح بس التحتاج كوي وبديت اكوي بيهن وحسيت بي كعد لن فتح الأنترنت وبدأت تجي إشعارات التطبيقات.

. أكوي بدلته بهدوء وأنحضنت من خصري وأستقر بثنايا رقبتي، وشفاهه تتجول على أنحاءها بلمسة خفيفة، ويداه تتلمس خصري بحرارة الشوق وحبه يعزف على أوتار قلبي بألحان رومانسية.
غَمَضَت عَيْنَيَ مُعلنةً عن رفضي الصريح والانفصال الكامل، الروحي والجسدي، بكل ما أوتيتُ من قوةً وإرادة لكل ما يتنافى من مَشاعري وأفكاري بهِ.
ومبين استقراره وسكونهُ بين رقبتي لفظ وهمس بهدوء مميت.

مروان ما اكتفيت ما جاي ارتوي منج بعدني أريدج
أسيل سحبت نفسي منه وعلگت البدله بالكنتور الحمام وملابسك جاهزات بس فوت أسبح صفن بوجهي وبقيت مثبته نظري على ملابسه واني اكوي بيهن بكل أتقان وبعدها طلع وعفت الأتوي وكعدت وأيدي على گلبي وأخذت نفس اريد روحي تستقر واتحرر من قربه من لمساته من انفاسه وهي تحاوطني وتزرع الخوف بداخلي من السم الينثره على كل خليه بجسدي.

صرت مثل الظل المظلم الذي يخطف الأضواء، مثل الليل الأسود الذي يبتلع النجوم، مثل البحر الهادر الذي يغمر السواحل. صرت مثل الكابوس الذي يراود النفوس، بعدما جنت الروح وسكانها.
لليل نزلت لكيت عمي موجود وعصام هم كاعدين
يحجون سلمت عليهم بس نظرات عصام ناحيتي تهربت ورحت يمهن اساعدهن بالعشه وهو دخل اخذ بطل ماي ومشه يمهم صار گبالي نظراته تخترقني وتثب الرعب بداخلي حتى أنفاسي ما تستقر بحضوره وقربه.

وصال مروان ورا العشه ودي أسيل لبيت أهلها خطيه وجهه ذبلان من القهر على أمها ما يصير وتلفون ما عدها وين عايشين احنه
كمال ليش تلفون ما عدها
وصال والله ما ادري اسألهم كله يخابرون من تلفوني هو يتصل عليها وهي تتصل عليه
عصام بس حساباتها موجوده لحد الان بس ما متواجده تلفونج وين أسيل؟
أسيل ضليت ساكته شحجي هو جاوبه
مروان قبل العرس عطل وبعد ما جبتلها.

كمال وليش متجيبلها فلوسك قليله يله عمي أني اجيبلج باجر وأخر إصدار.
مروان ما يحتاج اني ما اريدها تشيل تلفون ومنعته عنها وماكو تلفون بعد وهذا قراري ومنتهين منه.
كمال وليش هي بكيفك مو من حقك تحرمها من التلفون وين عايشين احنه ابني التلفون ضروري تخابر أهلها تحجي وياهم صوره وصوت وتتطلع على الأخبار وتستفاد من المعلومات وتجارب الأدبيه العلميه.

مو على كيفك تمنع التلفون عنها لن واقعنا وزمننا يتطلب التلفون ترضى ما ترضى فه لاتطلع عقدك النفسيه وأفكارك بهل الطفله ترى ما يجرالك خير اني ما زوجتها الك علمود تفصلها عن العالم الخارجي طفله الحياة الها بفوحة شبابها.
مروان سيادتك كلامك على عيني و?أسي بس زوجتي وأني المسؤول الأول عنها ياريت محد يتدخل.

عصام لك أحجي عدل ويه سيادته وأظن أسبابك وعقدك النفسيه أنت تتحملهن ما مجبوره تتحمل افكارك التعاني منها ولا جايبها من الشارع بنت عمك وأنتَ أعرف بيها وبتربيتها واليغلط لو تخلي بقفص يغلط فه صفي ذهنك واتحرر من الوساس البداخلك ورجعلها تلفونها وحساباتها.

مروان ياريت ما تتدخل لن محد متدخل بحياتك ودومك تمنع احد يتدخل بحياتك الخاصه وقرارتك وأنت متدخل بحياة الكل وهذه حياتي الخاصه واني اعرف بيها والمسؤول عنها.
أسيل تلاغوا واشتتد الكلام بينهم ومروان طلع وعمتي راحتلهم بقيت يم أسيا وصبينا العشه واجه هو مكانه بصفي مديت ايدي والماي قريب مني بالدولكه
مروان كلاص ماي.

أسيل اي واني اصبله وكعت مني بالكاع لن عشانا على الميز وتكسرت والكزاز بكل مكان وهو كمز وصاح بيه وضربني بيده على?أسي.
مروان وثول يثولج من بين النسوان شبيج ما تتنبهين امشي ولي من خلقتي امشي.
وصال دنطيها مجال أنت ثاولها بس تصيح عليها منين تشوف دربها شو عوفي من إيدج لاتنجرحين عوفي اني انضفه رجعي كملي عشاج.

أسيل لا عمه عليكم بالف عافيه صعدت وعمو كمال كام يحجي عليه صعدت گبل حضنت مخدتي وبجيت بقهر بقيت نايمه الى ان اجه وكام يصيح
مروان أنتِ حاجيه الهم على تلفونج مو اي اكيد لعد من كيفهم يحجون كمتي تموتين لن ما عندج تلفون روحج كامت تنازع شيصبرج من دونه.
أسيل ما حجيت شيء رجع صاح
ما تحجين گبالج جلب وينبح ويامن أحجي أني كومي جيبلي الشريحه اريد اتلف حساباتج يله كومي بس نايمه كل خير ما بيج.

كمت انطيته الشريحه خلاها بتلفونه وكعد يسجل دخول لحساباتي وحذفهن كلهن وكسر الشريحه وذبها واني الهدوء البيه ما يبشر احس الكلام تبخر من عندي وصرت أتخبل من اشوفه شياطين الكره الارضيه كلها تنكز ب?اسي من يصير كدامي كلامه ضربه اذيته كلشي يتراود بدماغي ومخزن بكل خليه بعقلي ما اكدر انسى ولا حرف الك يا مروان ما اكدر
مروان ذهبج وفلوس الافضال مالتج وين
أسيل موجودات ليش
كومي جيبيهن
غير أعرف ليش.

گتلج جيبيهن أسئله زايده ناقصه لاتسألين
كمت فتحت الجنطه وسحبها مني اخذ الذهب كله وكل الفلوس ما بقالي لو ربع وضمهن بالخزنه مالته قفل سري وكتها عرفت شنو نيته عباله اشتري تلفون سري من دون علمه عقله كام ينضحله أفكار وسخه وجهنميه ما يدري كرهت التلفونات وكلشي يخصهن
الحلقه والتراجي والسنسنال والسوار عندي علم بيهن وحتى اشكالهن حافظها صار معلوم گلامي
اي معلوم وفهمت نيتك؟
أفهميها مثل ما تردين هذا العندي.

سگتت وغصه بداخلي تزيد كل يوم وصرت اتمنى الموت ولا اعيش وياه ثانيه لن تعبت من كلشي يخصه صرت ما اطيق اتواجد وياه بنفس المكان ولا يجمعنا فراش ولا انفاسنا تتخالط ولا جسدي يتملل بلمساته وفنونه بالعلاقه الى متى يا مروان تفهمني.

كعد على الجربايه من يم الباب ومنطيني ظهره ويدخن جكاير واني مرتجيه?أسي على التاج وشوي وشال الباكيت وطلع برا وعاف الباب مفتوح تهويه لن الغرفه صارت عباره عن دخان وسمعت صوت عمتي تحجي وياه كمت باوعت لكيتها توها صاعده وشافتني وگالت
واصل أمشي الغرفه احجي وياكم؟
مروان بشنو تحجين
واصل كل الخير يله تحرك لو خايف
مروان لا ليش خايف شمسوي حتى أخاف.

أسيل اجتي ومروان وراها وكعدت بصفي وهو واكف يباوعلي كأنما يگولي حاجيه بعدت نظري عنه
واصل عوفي وباوعيني ما يكدر يخوفج واحنه بظهرج يله احجيلي شمسويلج
أسيل ما مسويلي شيء عمه.

وصال لا اكو شيء وما متفاهمين وتصير بينكم مشاكل واني ملاحظه ومو بس اني الكل ملاحظ ابوك وعصام وابوك هو دزني عليكم اريد افهم منكم وافهم منك لن معاملتك الها زفت عبالك بنت شارع حشى قدرها كل اسلوب ما عندك بس تصيح واشك بيك تضربها لن أسيل مرعوبه مو بس من شكلك من ذكر اسمك جسمها يختض وسالفة التلفون ليش ما عدها حالها حال البنات والمتزوجات.

مروان يعني هو تحقيق يمه أسيل زوجتي وكل زواج بي معانات واسرار ومشاكل واني المسؤول بكيفي اخلي بيدها تلفون او منعها شيءراجع اليه.
وصال وبنت العالم المسؤول عنها وعادها زوجه وام بيت مو لازم تكون واثق منها ومأمن بيها لن باجر عكبه تخلفك طفل وتصيرله أب شلون تخلي بحضنها طفل وأنت هاي معاملتك إلها وتصرفاتك مال واحد عقله مو نظيف وسخ.

. ولك ابني صفي فكرك وذهنك ادري انت شايف وعايف بس لاتعكس تجاربك على زوجتك حرام عليك وهي المسكينه ما مجبوره تتحمل عقدك النفسيه.
مروان يمه رحمه لأهلج لاتتدخلين بعلاقتي بيها واذا عندي مشكله اني أعالجها واتوقع اني حالي من حال عصام محد منكم يتدخل بحياته وعايفينه على راحته لن هو المسؤول عن زواجه من أسيا واني كذلك.

وصال ما نتدخل بس اذا أغلاط ومشاكل نعالجها من أولها وبدايتها احسن من نهايتها ما مستعدين نظلم بنات العالم وياك وفهمك كفايه
مروان لا تخافين ولا يضل بالج ما ظالم احد واذا ما متأكده سأليها وهي تجاوبج.
وصال أسيل حاجيني أمي
أسيل باوعتلها عمه لايضل بالج ماكو شيء ماحجت شيءوطلعت وهو رجعلي
مروان اي هيج أريدج عجبتيني ما انطيتي بمروانج.

أسيل تستاهل ابتسم ونزل وراها وضليت كاعده لو حاجيه وخلصانه من هل العبء هذا كله ولا اضل عايشه تحت رحمته وتسلطه وطغيانه وجبروته واذيته بالكلام والفعل وهو ما منه الرجا.
لثاني يوم أخذني للبيت أهلي بدون كلام وصلني ونزل سلم عليهم واني هم سلمت وعفتهم ودخلت واجوا جهال حارث وحسن فرحوا بيه حضنتهم وأبوس بيهم بعد روحي شلونكم
الكل زينين عمه أنتِ شلونج.
أسيل جريت حسره وجاوبتهم زينه يروح عمتكم
شويه وأجتني امي.

جنان زلمتج يريد يروح ويريد يحاجيج امشي عليه
أسيل طلعت لكيته واكف بالطرمة يدخن ها داز عليه خير شتريد
مروان طلعت عينج من اجيتي لبيت أهلج عبالك استقويتي هالقوه هاي ما أحبها ولا أرتاح إلها!
أسيل شتقصد
ما اقصد شيء يله اني رايح وباجر العصر اجي اخذج.
شو بهل السرعه ششفت منهم
غير ما اكدر على فراگج فوك ما اريدج يمي وأنتِ الما عاجبج يله فيمالا.

فيمالا راح وگبل دخلت البيت وكعدت ويه امي وابويه تمنيت احجي لامي افضفض الها بس أحسها بعيده ماكو تقارب روحي بيني وبينها احساسي اني ضايعه وحيده بهل الدنيا يزداد يوم عن يوم وتراكم الاحداث بداخلي عبر حدوده الكتمان موت بطيء
بكتمان اللي صار بداخلي ما اعرف الى متى اضل هيج عايشه بطرف واحد ولوحدي...

أسيا من يوم عرس مروان وأني ما تدخلت ولا حجيت اي كلمه تخص اللي صار ومواجهته الحاده بالكلام هو وهديل مصحوبه بعواطف قويه بالغضب والحزن معاً أما انا جنت فقط مشاهده بصمت!
دخلنا الصاله مالتنا وهو مزعوج شمر سترته وفتح دكم القميص بسرعه واني خليت جود بسريرها وهي تصرخ صبر يا بنتي انطيني مجال اسويلج ممه
عصام سگتيها.

اسيا عصب وسويت ممه وكعدت ارضعها ودخلوا عمي كمال وعمتي وصال كعدوا بالصاله والباب مفتوح كلامهم يمي.
كمال شنو هالتصرفات والكلام مو عيب عليك مهما يكون بنت عمك واجبك تحترمها حتى لو تحجي اختها ومن حقها تنطي?أيها لا انت حضرة جنابك ما تحملت تشوفها تحجي وتفرض?أيها لن انت هذا النوع مو من أعجابك كمت ودخلت نفسك وهنتها وتجاوزت عليها كدام الكل وفشلتها.
عصام هي مو أدمي شسويلها يعني وتستاهل الأهانه.

وصال كمال على كيفك وياه
كمال من يومي وياه وساكتله بس من اشوف تقليل الأحترامات اني اول واحد اصير ضده وابنج متحمل عليها من زمان واجتي فرصه وانفجر عليها
أسيا صار هدوء واجه سبح وتمدد واني غيرتلهم ملابسهم وسبحت وهو طلع وصه على عشه من المطعم وسمعت صوت طاري هشام اجه وبعدين عرفت منعوا ازهار تروح وضجت من تصرفاتهم لن ما استقبلوا ولا طلعوا اله وأنقهرت عليه وعلى ازهار بس شطالع بيدي اهلها بعد.

مرت الأيام وجنت خايفه وعايشه بقلق وابجي لن الشهريه ما اجتني وما خليت ما شربت ما نزلت وبالاخص بعدما التهيت بالعرس راحت عن بالي كلش والوقت اخذني انتبه لنفسي ولموعدها.
. مخليه الأختبار وكاعده انتظره وهذا ثالث مره اسويله أعاده وصاروا خطين حامل يربي حامل يا مصيبتج يا أسيا شگول شحجي انوب يرجع عليه شيخلصني من لسانه وحملي وحالتي ما تسمح للحمل معرضه للخطر شسوي ياربي شسوي.

وبعز صدمتي ومشكلتي وأنصدمت بجيتها للبيت ويه أمها والمصدومه بي أكثر تغيرها واضح بشكل ملحوظ! كشختها وعطرها السابق وعالن حضورها والمُلفت والمُغري والُمبالغ بهَ وتصرفاتها ما تحوي اله الاغراء وأحياء الماضي من خلال صياغة كلامها بإسلوب عميق وهل العمق اني فهمته وكعدت احلل بي بعقلي وأن شاءالله يطلع هالتحليل خطأ!

. كأنما تحاول إعاده بناء علاقه بس بطريقه مختلفه وهالشعور تفسرلي من نظره وحده نظرتها لعصام وقتها حسيت بشيء غريب ومو مريح سكن دواخلي
حاولت اكون طبيعيه بحضورها وسويت اللي عليه والمو عليه قدمت الضيافه بدون اي قصور كل كلمه تحجيها تنظرلي بنظره أستحقار تمالكت نفسي وأحترمتها واستحملتها لما صعدت غرفة أختها.

بالمطبخ اغسل المواعين الضيافه وسمعت صوته وهي كذلك من نزلت الدرج عفت من ايدي ومشيت واكف بالصاله شافني اجه ناحيتي وهو عبرتنا
هديل يله عيني مع السلامه وشكراً أسيا على الضيافه وحسن الأستقبال.
أسيا مشت بغرور وهو ما حجه شيء راح الغرفه ولحكته وعمتي تصيح وراي لاتخافين ما اسوي مشكله دخلت وراه ماله داعي جيتها
عصام أختها مو من حقج تمنعيها تجي تشوفها كبري عقلج وشيليها من?اسج.
وأكبر عقلي وأسكت أشوفها وين توصل.

وين توصل يعني بابا خل أفكارج بالمعقول متزوجه لاتكومين تلطشين على كيفج هذا شغلي شغلي
لاتخاف مشغلته
أسيا أطلعي من?اسي مو وكت النكد مالتج
احسك صاير متحبني.
يا طلابة الاحساس الما تخلص
أخليك الظاهر محتاج تبقى لوحدك مشيت وصاح وراي
شنو هذا كلامج تعالي يابه وين رايحه مو احاجيج
شبيج
ما بيه شيء مشيت وهو يحجي.

هم طنكرت هم زعلت رجعنا على أكلان يوميه نعيد ونصقل بهل الموضوع بس عمي انتَ عقل ما عندج ما تفكرين بعقلانيه وتأخذين الامور من كل الجوانب والاحتمالات اللي رسمهن وكونهن الج دماغج ما يفكر بس بالموزين.
الأحساس ما ينزرع بداخل الانسان عبث بصيرة الانسان أحساسه الداخلي.
دوختيني بحاجيتج.
الله لا يدوخك عيني عفته ومشيت حجيت ويه ازهار بس ضليت عايشه بقلق بالاخص بعد جيتها علينا ما أرتاحيت ألها كلش واللي قلقني سگوته.

اصفن واكول متزوجه شتريد تسويلي تهجم بيتي مثلاً شيطلع بيدها يحبني وأحبه وحُبنا قوي امثالها ما تهزنا ولا تفرقنا خل أشيل الافكار السوده من عقلي والتفت عليه وانعل هديل وشكلها واحير بمشكلتي وحملي.
باجر يلتحق وقررت اروح ل أهلي نفسيتي تعبانه وجسمي متكسر بالاخص هل الايام ومحتاجه اروح الدكتوره خل اشوفها شتكولي وبعدها ارجع ابلغه علمود لا اعيشه بخوف وقلق.

. انتظره يجي كالي عنده طلعه ويه رافع وأصدقائه وتأخر باوعت الساعة ب 11.
راسلته يمتى تجي؟
عصام بعد وكت على سؤالج
كلت يم أصدقائه وعيب اقلق راحته بإتصالتي ورسائلي لازم انطيك مساحتك مثل ما أنتَ منطيني مساحتي والحريه مطلوبه بس بحدود معقوله مو صح.

المساحه تكون بقلة أهتمامج وبعدج عني ما أريدها كاعد بنصهم وعيني تباوع شاشة التلفون هسه تتصل هسه دزلي رساله وتتعارك واعوفهم واجيج بس كل هذا ما صار ممكن أعرف شبيج هل الأيام عايشه بعالم الموازي ومعتكفه على نفسسج؟
أنتَ يتهألك هالشيء بالعكس ما بيه الأ العافيه مجرد تعب من فترة العرس ما ارتاحيت وقبلها عرس ازهار يعني مجرد تراكمات تعب.
وأفكارج
شبيها
وين
بعقلي
هاا
أي ليش عندك شك
لا
تمام أخذ راحتك
وين
أنام
ما تتنظريني؟

أنتظرتك هواي لو تريد تجي جان أجيت
هاا
أي
ماشي.
نهيت المراسله وفصلت النت ونمت وبعمق نومتي حسيت بلمساته وشفايفه تتجول على أنحاء رقبتي عصام
نامي نامي
احضني وصير عاقل
بس حبشكلات لن مشتاقلج بس اذا تعبانه راحتي مو مهمه يم تعبج.

أعشق حنيتك وخوفك عليه غَمضتُ عَينيَّ واقتربتُ منه، قربتُ شفايفي من شفايفه، وتبادلتُ معه نظراتٍ حارةٍ، أكثر من التي كان يملكها. احتضنتهُ بروحي، ودخلتهُ القفصَ الصدري، احتويتهُ بكل ما أوتيتُ من قوةٍ وتفاعلتُ معه بالحبِّ وقانونِ الجذبِ العاطفي.

أعلنتُ الشوقَ والأشتياقَ، ونثرتُ عاطفتي على رجولتهِ، وأعلنتُ استسلامَهُ الكاملَ لي بكل جوارحهِ وأسلحتهِ، وسكنَ بحضني. في تلك اللحظة، كنا نعتبر أنفسنا جزءًا واحدًا، متصلين بروحٍ واحدةٍ، ونفسٍ واحدةٍ.
?أسه بحضني وألعب بشعره وأتلمس شواربه دنگت طبعت بوسه عميقه على گصته وطولت بيها
وضليت افلي بشعراته وحواجبه وأمتع نظري من بعيونه وحواجبه وخشمه وشواربه واصابع أيديه وحلقته ومحابسه وأيدي احتضنت كف أيده.

كلشي بي حلو زلمتي ابو كرم ملامحه الرجوليه الطاغيه عراقي بحت زلمه خشنه الكاع تهابه هيئته صدره مشيته طوله يمه طوله سلب عقلي من ساعة الدخل جامعتنا ونظرلي هذيج النظره وكعت على وجهي حبيته من اول ما شفته سكن روحي تربع واخذ مكانه وأستوطن گلبي مالتي ومحد يأخذه مني
. حاولت أرفعه انومه على مخده ما كدرت خفت يكعد ويفز لن واضح التعب عليه حس بيه وكعد فتحلي حضنه ونمنا واحد حاضن الثاني.
عصام نمت
عصام ها.

أريد أروح ل أهلي
ماشي من انزل امرلكم لو ترجعون قبلي
لا من تنزل أنتَ من زمان ما رايحه وتعرف تجهيزات عرس ازهار ومروان والتهيت عنهم
ماشي تدللي
تسلم بسته من خده ونمت والصبح جهزت ملابسه وكل شغلاته شوكت تلتحق
العصر
تمام كملتهن وهاي البدله مالتك جاهزه
عاشت ايدج
رحت جهزت ملابسنا ووكع الاختبار الحمل كبل خفيته عنه ورجعت اكمل التجهيز ولبسنا اني والجهال وطلعنا وودعتهم وكرم فرحان طاير.

بالطريق نزل تسوك فواكهه ومسواك بالصناديق وجاب علبة بقلاوه انطانياها وسيت قواطي بيبسي وشغل وصلنا ونزل سلم عليهم ونزل المسواك كعد ويه اخواني يسولفون عزموا على الغده تعذر وراح
اشرلي ولحكته ها روحي
عصام ما ناسيه شيء
أسيا لا مثل شنو
لا هيج
مشه لزمته من ايده شبيك حبيبي أنت
حزت بگلبي ما ودعتيني مثل كل مره من التحق طلعتي من البيت ناشفه ما متعود عليج هيج.

أعذرني حقك عليه بس هالفتره تعبانه ترجع واعوضك أحتضنك وابوسك بعيوني.
ابوس عيونج اليحتضنني ويبوسني يله حبيبي ديري بالج على نفسج والجهال فيمالا
الله وياك حبيبي بأمان الله، راح الله وياه ولكيت امي رافعه أيديها وتدعيله بكل حب ونفس راضيه
فوزيه شدعوه هالكثر جايب هواي جاي يكلف على نفسه عيني طوله
هو يحب يذكركم من يجيبني الكم تجي حلوه
هو مو بس من يجيبج يذكرنا لا كل?أس شهر
كل?أس شهر صدك تحجين
اي والله
شو ما يگولي.

لن أصيل هذاك الشهر جاب وأخوانج ما رضوا وكالوا اله ما يصير كل شهر أنتَ هم عندك عائله كال الهم هذا لعمتي من تروحلك فدوه عمتك.
عيني هو كعدت يمها وقسمت كلشي ودزت حصصهن واجن سلمت عليهم واخذت حصتهن
رواء اليوم دلال ابو كرم عمي نيال بختج
دره گولي ما شاءالله اي شلونج عيالج شلونهم.

أسيا بخير الله يسلمج كلهم زينين غمزتلها واجتي وراي وفتحت الجنطه وشوفتها الأختبار شسوي بعمري والحمل ممنوع عني صارلي ايام دايخه ما اعرف شسوي والمن احجي
دره وعصام يدري
لا خفت منه لن اذا يدري يضل يحجي وهو كالي ولح عليه شدي لولب بس اني عارضت ومانعت لن أخاف واتقزز وحبوب منع الحمل تسوي عندي أعصاب والظاهر باقي الطرق بادت بالفشل وصار الحمل.

هي مال خوف خوف بس يا عيني لازم يكون عنده علم هذا حمل مو سالفه عاديه وأنتِ ممنوع عنج وحالتج ما تسمح تحملين تذكرين شكالتلج الطبيبه لو حياتج لو حياة الطفل جاي تعرضين روحج للخطر بسكوتج عن حملج وعصام لازم يكون عنده علم من أول لحظه أكتشفتي نفسج حامل.

لن يريد يلتحق ما رددت اقلقه واشغل تفكيره ويضل باله يمي كلت اجي يمكم هم أرتاح وأني وياج نروح الطبيبه ونشوفها شتگول النا لازم اكو حل على اقل من ينزل وأكوله يكون عندي علم بكلام الدكتوره يعني ما ادوخه هو هم خطيه كافي عليه التزامات الدوام.

ماشي اذا هيج نروح عليها ونشوفها شتكول خل تلكي الج حل وبعدها بلغي زلمتج ضروري تخلينه بالأمر الواقع هذا حمل أسيا اذا صارلج شيء وهو ما عنده علم كلها تأكل وجهه تخلينه بوجه المدفع.
ماشي عيني وسگتنا من دخلت علينا رواء وضلت تحجي على العرس واني وين وهي وين بالي مو يم احد حتى مو يم هديل بالي وفكري مو صافي عايشه بقلق واكذب اذا كلت ما خفت الروح عزيزه.

الثاني هو ملتحق من كثر ما دايخه بزماني ولا راسلته التهيت بجهالي وبسالفة الحمل ودره حجزتلي والعصر رحنا واخذنا امي ويانا وعفت الجهال بالبيت وصلنا سألنا عليها كالوا مسافره
دره شلون سالفه هاي وهسه شلون المفروض هي تفحصج لن هي دكتورتج واعرف بوضعج وخطورة الحمل.
فوزيه نروح على دكتوره ثانيه خوما بس هي تفتهم
أسيا سألنا وذكروا النا دكتوره زينه ودخلت عليها وسوتلي الفحوصات كامله وصدمتني من گالت.

الدكتوره عمر الطفل شهر ضبط ما عندج اي مشكله رحمج نظيف ما عندج التهابات ممتاز زوجج يعالج التهابات جسمه مو لن على هل الأساس ما عندج التهابات؟
أي مهتم بصحته ورشاقته.
جيد
دكتوره عندي مشكله
وما هي
حجيت الها كلشي
ماكو هيج شي? حبيبي لاتخافين وضعج ممتاز وصحتج جيده.
كتبلي على علاجات اخذتهن ورجعنا بس ما مطمئنه أكولج دره شو عبالك ما اهتمتلي حجيت الها بس تكتب ما خلت بالها يمي اخاف تموتني.

أسم الله كولي يالله مو حجت كدامج بعد ليش الخوف ياعيني.
الله كريم رجعنا البيت وراسلته اريد اكوله جان فاتح نت أجيته فرحانه دزيتله حبيبي زلمتي عشقي فلذه كبدي وصلت بس ما يفتحها مرت عشر دقايق عذرته
وانتظرت ورحت واتساب لكيته نشط متواجد على واتساب هم شسالفه شجاي يصير أتصلت واتساب مشغول؟
مرت نص ساعه وأتصل وما جاوبته رجع دزلي
عصام هلا حبيبي جان عندي شغل وتأخرت عليج.

أسيا لا عادي حبيبي اعرفك مشغول والتزامات الله يساعدك ويهونها عليك.
فديت الحاس بيه
تمام اخذ راحتك
لا باقي وياج شلونج الجهال شلونهم
كلنا زينين ومشتاقين الك
يا بيتي وحالي ومالي
حبيبي أنتِ ضليت احجي وياه ما انطيته مجال يشك بيه لن اذا حس بيه شگيت بي يأخذ حذره مني ويحذف المحادثات اذا جان عنده شيء لا تصرفت بعقل وشغلت كيدي واجيته بلسان الحلو والكلمه الطيبه والغزل وانطيته مساحته وحريته وثقتي بي...

ورجع يغط ويتجاهل رسائلي وبعدين يرجعلي بحجج وأعذار واهمه لعقلي وقلبي مديت نفسي بالصبر واتحملته لن اريد اوصل لنتيجه هالمره ما اريد أتسر? بحكمي عليه وبالاخير يقلب الطاوله عليه ويطلعني الخطأ وهو الصح بالتأني السلامة والعجلة الندامة
ومرت الأيام واني عايشه حرب أعصاب بين عقلي وقلبي وافكاري وگال راح انزل گبل امرلكم تجهزوا.

حفيت وسويت عنايه بجسمي وبشرتي يعني تجهزت كلت يارب يطلع احساسي خطأ وأعيش فرحتي وياه بكل حب بولاده طفلنا الثالث بصحة وعافيه إلى ولطفلي...
عصام وصلت حبيبي
أسيا هلا بيك حبيبي راح افتحلك
فديت عمرها اللي تستقبل زوجها التعبان وحظ ما باقي بي من التعب بس اشوفج انام.
افداك فتحت الباب والتلفون على اذني سديت الباب وراه وهو صافن عليه واني امشي واميل بجسمي كدامه شعلته شعل.
ورثتي النار بشيب أهلي
وهو المطلوب.

أستعجلي صرت نار عليج دقيقتين ما تجين لسياره احصرج بالصحيات حتى لو بس عالشفه راضي مهم اروي عطشي لج يله
أريدك تعطشلي بعد
الحساسيه كبت نعله على روحج
أبوسك
دتحركي لا اجي اعنفج
ضحكت وطلعت الجنط ولكيت امي تحجي وياه واخواني جانوا بالشغل اخذ الجنط ودعتهم ومشينا
عصام يله يمه سلمينا على الولد كلهم.
فوزيه الله يسلمك ابني يوصل عيني أنتَ.

أسيا شغل وطلعنا لبيت وكرم حاضن ابوه من ركبته يمعود عوفه لاتسويلنا حادث كرم شو وخر
عصام عوفي مشتاقلي
أسيا برطمت وسحب ايدي بس يلعب بإصابعه بكف ايدي لن كرم يباوعلنا
عصام أعشكج.
أسيا صافنه عليه وعلى حبه وخايفه لا انصدم بي.

وصلنا البيت شمر الجهال على عمتي وعمي حيل مشتاقين الهم واستلموهم بوس وحضن بالاخص كرم حبيب عمي اني دخلت قبله وبثواني أنقفل الباب ما انطاني مجال احجي اي حرف اخذ شفايفي ورخيت بين أيديه وبادلته عصام مشتاقتلك
عصام اني طاك گلبي ميت والله وانفاسج تحيينيي
أسيا يقسي ويلين يمتزج الحب برقه وعاطفه ومشتغله عنده كل الاساليب العلاقه والاندماج الروحي والعاطفي وكعت بين احضانه الدافيه.

هدوء واني منغمره بحنيته ورن تلفونه ترميشه هو شبه غافي باوعت الشاشه ما يبين موقف الاشعارات
عفته وكمت سبحت وطلعت لكيته يكتب حس بيه كام خلاه على الشحن تسبح گلبي.
عصام أي شلون لعد وبالليل هم اسبح والفجر وبكل قت شكو عدنا شنو ورانا
اسيا منحرف
أحبج
صاير هواي تحبني تكولها بكثره مو بالعاده
هههه طبكاتج اجني يله فايت اسبح روحي شوفي الجهال غيريلهم ملابسهم اطلعكم نتعشى بمطعم اليوم ادللكم وانوسكم.

فديت روحك ضحك ودخل الحمام وضمنت هو يسبح ورحت فتحت تلفونه ما مغير الرمز الحمدلله دخلت على الماسنجر ماكو شيء دخلت على الواتساب ورسائل من جماعته بعدهن ما فاتحهن من صورهم عرفتهم من ضمنهم رافع واني اكلب شفت رقم ما مسجله وموقف الاشعارات فتحت المحادثة الصوره مخليتها كتابه على صوره بنيه حزينه
أنتهت قصتنا وانتهى حُبنا وصرنا كان يا مكان.

قريت المحادثة ولفتني أسمها من ضمن كل الكلام الداير بينهم حاجين هواي عفت كلشي وركزت على اسمها عصام اني حبيبتك هديل،!