رواية لبوة علي للكاتبة كفاية كاظم الفصل الأربعون
-حيدر متصاوب
-شنوووو شكاعدد تحجيننن!
-على كيفج عايش بس متصاوب ماگالي علاء وين
-زينةةةة ترة الموضوععع مو ماللل شقةةة لاتسوونها بية مثلل ماسويتوهاا بخالتي ترة اموات والله اني والبطنيي
-والله العظيم مااجذب هسة خابرت علاء صاير هجوم وهواي متأذين وعزت حالتة خطرة.
صرت ارجف اريد استوعب الكلام وكع الموبايل من ايدي كعدت بالگاع بعد ماگدر رجلية ماتن: بس لاصار بية شي حتى ماشايفتة صخاامم بوجهييي ليششش.
ماشفتةةةة وحجيتتت وياةة ليششش كلةةة من ورايي...
التمن البنات وخالتي على صوتي واني ادگ والطم تسودنت بس لايصيرر بية شيي سودة بوجهي
ندى: -شبيجج يمةة شصارر!؟
-خالةةة حيدررر متصاوببب راحح يموتتت الرجالل
ويعوفنيي اني وابنة تايهينننن
-كولي يالله منين جبتي الخبرر؟
-من علاءء مخبرر زينةة خالةةة شوفي شصاررر راح اجيببب وعلييي
-يمة على كيفج هسة اشوف بس اسكتي.
صرت ارعش بمكاني الطفل احسة نزل لاخلص بعد ماكدر يمكن راح اولد اباوع لخالتي تروح وترجع محد يجاوبها لزمت بطني وصحت بيها...
: لججج خالةةة حيدررر ماتتتت ايي ماتتت يبوووو
رجلييي ماتتت ابووو ادامم مات يمة ابوكك راححح سودة بوجهي ولكك حويدرر ابو الغيرررة لاتموتتت وعلييي ارجعلكك بس لاتروحح فدوةةة لعينكك لاتعوفنةةة
ندى: -ولج اسكتي كافييي خل اشوفهممم.
لزمني البنات واني فحطت گلبي شوية ويوگف متاكدة عندي خفقان صارت كوة اشم الهوى حيلي باد بس اكلب بعيوني خلصت طاقتي هذا حدي...
ندى: -هاا خالةةة حيدر شلونه ايي الففف الحمدلله
الله يگومهم بالسلامة هسة انتم وينن زين خوش خوش الله يحفظكم إن شاءلله.
سدت الموبايل وذبت نفس: -زين زين
-شنو زين شبية شصاررر؟
-متصاوب بضهرة بس حالتة زينة
مسحت دموعي وصرت اصرخ وادگ على رجليني.
-ولججج خالةة الحگينيي راح اجيبب ولككك ابووو دحاممم ليشش هيججج شسويتتت بيةة يمةةة بطنييي
الم لايطاق صرت اعض بصابعي والبنات حايرات يروشن يمي صاحت بيهن خالتي يجن يساعدني
لبسني شال وصاية ومشني كوة للسيارة راحت وياي همس وخالتي تسوق طول الطريق عيوني تصب مخلية ايدي بحلگي وراصة عليها سنوني روحي طلعت بالمعنى الحرفي...
التليفونات خبصتنة خبص خالتي طارت بية طيران سويت الطريق دقيقتين اخذتني لمستشفى اهلي نزلني كوة حسيت هاي النهاية انتهت رحلتي وي طفلي الشاركني هواي اشياء اليوم راح يفارقني لزمت بطني ودموعي تنزل...
-لاتعوف امك وحدها اصبر واتحمل لاتعوفني فدوة وليدي صير قوي استحمل لاجلي اني استاهل.
اجن الممرضات اخذني لغرفة الدكتورة كشفت علية اخذتلي سونار احس نفسي اختنگت ماركز بشي ولااسمع الدكتورة شحجت مشيت خطوتين وكعت من طولي سندني الممرضات ورحت بعالم السواد...
كعدت بطني موتتني خليت ايدي على وجهي ودموعي غزت وجهي راح طفلي لو مات بطني اسمع خالتي تحجي وياي وهمس لازمتني وتحجي قريب من اذني: -شبيج والله طفلج مابية شي وحيدر زين هستونة اطمنه عنة كافي لبوة كافي.
شبعت بجي هو اني شحصلت غير البجي عيوني عمت حسيت نغزات بگلبي سكتت وهدأت شوية مسحت وجهي وعدلت گعدتي حجيت بصوت
مبحوح: -خالة حيدر زين سوولة عملية؟
-اي يمة مسويلة
-خابري علية هسة حبابة خل احجي وياة
-خاف بعدة البنج مافاكة
-شوفي خالة بلكي يردون حبابة
اتصلت خالتي اكثر من مرة محد جاوبها يطلع خارج نطاق التغطية: -ارجعي اتصلي بامة
اتصلت خالتي بأمة: -ها خية شلونة حيدر.
ها يالله الف الحمدلله على سلامتة، والله حالتها حالة لاميحتاج نشوف الدكتوره شدگول ونطلعهة، مع السلامه الله وياج عيني
: ها خالة شگالت.؟
: زين لاتخافين علية
: عليج الله صدوك لو يجذبون علية
: والله مابية شي شبيج امي تسودنتي شوفي حالتج انتبهي لطفلج راح يتأذة
مسحت دموعي ودخلت الدكتورة طلعت خالتي بقيت بس اني وياهة: شلونج ماما؟
: مو زينة گلبي يوجعني متاكدة عندي خفقان
: فعلا عندج خفقان بالقلب رجائا انتبهي لصحتج.
لان اذا استمر يسببلج مشاكل بالعملية
: عملية! كولي يالله ماريد اسوي عمليه
: تسعين بالمية تجيبين عملية
: بس اني بعدني بداية حملي من ادخل بشهري يتحدد عملية لو طبيعي
: اليحملن بتوأم اكثريتهم يجيبون بعملية
: بس لادگولين حامل بتوأم!
: اي امي حامل بتوأم اول ماجيتي تاكدت من سويتلج سونار ملون
بلعت ريگ وقبضت ايدي ماگدر اسيطر عليها من الرجفة: صءحتهم شلوونها؟
: اممم واحد صحتة تمام والثاني نازل كولش حياتة مهددة بالاسقاط
: لا دكتورة فدوة لاتگولينها ماريد اخسر واحد بيهم
عفيه كليلي شسوي؟
: الله كريم بنيتي اهدي بالاول واخذي علاجج وراجعي كل فترة واهم شي تبتعدين عن الضغط النفسي لان ديأثر عليج امي ميصير هيج ثاني مرة اذا صار عندج انهيار عصبي تفقدين احد اطفالج وانتي الراح تتأذين بالاخير
: خلص بعد مابجي ولا اتعصب راح اسوي كولشي لخاطر اطفالي.
: ههه شنو متحبين تعرفين جنس الاطفال؟
: والله نسيت من الخوف ابوهم من صفحة وهما من صفحة
: متعافة بأذن الله ويشوف اولادة بخير
: ولد لو بنات؟
: ماما حامل بتوأم ولد الف مبروك
مانطقت بحرف واحد انصدمت صدمة عمري بتوأم ولد ماجاي استوعب دموعي عبرن عن وضعي امسح دمعة تنزل عشرة عطايا الرب مذهلة سبحانك ربي مااكرمك عوضتني عن وحدتي بعائلة كملها يارب وسهلها علية...
دخلت خالتي وشرحتلها الدكتورة حالتي كتبتلي علاجات وطلعت دخلت همس تسأل شكو خالتي حضنتني وصارت تبجي...
-الففف الحمدلله والشكررر الله مايگطع شفتي نعمة ربج
-الحمدلله دائماً وابدا خالة خابري حيدر خل اطمن علية شلون صار
-مو قبل شويه اتصلت بامة وكالت زين
-حتى لو
-امري لله راح اتصل.
اتصلت خالتي بامة كالت طلعوة شوية وطفة موبايلها خلصت اليوم كامل بالمستشفى على الابر والمثبتات على الاقل اخلص من الوجع احس فعلاً راح يسقط كعدت وي الفجر شبعت بجي من الوجع حجة بحجتين كلهن التمن علية مو بس وجع بطني وجع گلبي اكبر اجت الممرضة ضربتني ابرة نمت عليها فتحت عيوني فركتهن ورجعت نمت.
حسيت شخص يكرص بخدودي اكيد همس بقيت مخلية ايدي على عيوني.
-استغفرالله وتالي وياج ولي مني ترة روحي طالعة
-حتى مني؟
فتحت عيوني مصدومة لكيت حيدر گدامي بقيت اباوع على ملامحة المتهالكة من التعب بلعت ريگ وحضنتة بكل قوتي.
الحقد الشايلتة تجاهة تبخر من. سمعت بية تصاوب منو يفيدني لو صار بية شي حتى عقلي ينضرب
واصير مخبلة بعدني من حضنة مسح عيوني وصار يباوع بملامحي خليت، ادية على وجهي ماريدة يشوفني شصاير بحالي نزل ايدي عن وجهي وزكز بعيوني مادري شصاير بيهن هو اني من ابجي شوية شيصير بيهن...
-شلونج ريحانتي؟
-مو زينه حيدر ابد مو زينه والله احس باي وقت راح اموت
-انجبي بيش تفاولين على روحج
حضني وباس عيوني احسهن جمر
-ليش هيج حبيبة شسويتي بيه؟
-كله من وراك الحقيرر العاققق اكرهككك الوصخخ
-يواش يواش لاتنفلتين على كيفج بابا منا عالم
-مااا خليني احجي كلبي مورم
-احجي بوية
-ماعرف شنو احجي بس ليش سويت هيج بية عبالك ارتاحيت ترة اني نجنيتتت والله صرت مخبلة من وراك
-عمت عيوني إن شاءلله وتكسرت ايدي بحق الحسين ومصابة.
-لاتحجي هيج مو زين حررام
-لبوة مصدگة اني سويت بيج كل هاي عن عمد!؟
سكتت مانطقت كلمة منزلة عيوني واحس بعيونة تفتر بملامحي لزم ايدي وحجة بصوت تعبان...
: -كولي مصدگة اني اضربج شوفي لبوة وحگ سبع الگنطرة وحق ام البنين واولادها مادري بروحي من اصحة اريد ادچ روحي اكول شلون سويت بيج هيج
-راح صار ماضي
-لاماراح، ماراح لبوة الا اذا انتي صدگتي وامنتي خطورة السحر وشلون يهلك الواحد
-كافي لاتذكرني والله اكوم اكتلك.
-اخخخ ياضيم گلبي الماتطفة نارة كومي اكتليني بس ارجعيلي
صار يبوس بوجهي دفعتة عني بلة واحد دخل هذا اذا اعوفة يبات بالغرفة: -وين تصاوبت.؟
-ماعليج بية صل مايصير بية شي سولفيلي انتي شلونج؟
ردت احجي ومن شفت حالتة سكتت خلة ايدة على بطني ونزلت دموعة شكد صارلة حابسهن بس من لزم بطني ماگدر من شفتة ماتحملت حضنتة وصرنة ثنينة نبچي احس گلبي يوجعني دكاتة استهترت.
-كافي حيدر كافي لاتحرگ گلبي وعلى يوجعني.
بعد مني ومسح وجهة عيونة صايرات دم لزم صدري
وحجة بقلق واضح علية: -شبية يوجعج؟
-عندي خفقان مايصير ابجي هواي وامشي بسرعه افحط
بقة يمسد على صدري ويضغط مكان گلبي: -شگد صارلج حامل؟
-دخلت بالرابع
سكت ماحجة شي بس عيونة انملت دموع يحاول مايباوع بوجهي حاسس بالذنب ابتسمت وغيرت الموضوع خطية تعبان وطالع من عملية فطر گلبي
-اممم تدري راح يصوحوك ابو ادم
ابتسم وخل انفة على بطني
-لا لاتسوي هيج دغدغني اني ولدك.
بقة ساكت مارفع راسة بس احس بدموعة على بطني
خليت ايدي بشعرة وتجاهلت الغصة إلى بصوتي
: سميت اول طفل ادم والثاني انتة سمية
رفع راسة وعلامات الصدمة واضحة على وجهة راد يحجي ماگدر لزمت وجهة وبستة بخدة: ادم الجبير
رجعت بست خدة الثاني وهو على صدمتة: والثاني انت سمية بس لاتفكر بدحام ابدد
مسح وجهة واشر على بطني مستحيل يجي يوم وانسى ردة فعلة من كتلة الخبر گوة مسيطرة على روحي: -اي يبعد عمري حامل بتوأم ولد.
عافني وطلع ماتحمل احسة راح ينهار مسحت وجهي وفصلت المغذي رحت للحمام غسلت وعدلت شالي ورجعت لمكاني مالازم يشوفني هيج واني زودتها عليه اني والدنيا علية ماصار هيج المفروض اخذ بحقي مو منه من الجان السبب الله كريم وين تطيرر
هالدبسزز.
دخلت الممرضة ضربتني ابرة بالكانونة وطلعت دخلت خالتي جانت نايمة ورة دقايق دخل حيدر بيدة علاگة ريوگ ماحط عينة بعيني خلاها على الميز وطلع شوية رجع بيدة اوراق بقة واگف بالباب.
-يلا حضري روحج كتبولج خروج
ساعدتني خالتي گوة گمت اروح منا ومنا جني طفل يتعلم المشي لزمني من ايدي وطلع بية صعدني بسيارتة بقيت اباوع عبالي خالتي راح تجي اشو شغلهة وطلع.
-وخالتي خل تجي.؟
-راح ترجع بسيارتها
-هاا
فتحت الجام وبقيت مركزة بالطريق اريد افتح صفحة جديدة بس اكو احساس يمنعني ابد مامنطية فرصة ثانية لشخص ابدد بس اكيد حيدر يستاهل مشينة مسافة وگف السيارة بنص الطريق.
-ليش وكفت؟
نزل من السيارة وفتحلي الباب صارت عيوني بگصتي: شنووو تريددد تعوفنيي بنصص الطريققق
شبيك تخبلتتتت ترةة مابيةة حيل امشييي خبللل انتتت اطفالككك بطنيي بطلل سوادينكك لاارتكب بيكك جريمةة لاتشوفنيي سكتتلك مرةة عديتها المرة الثانيةة غيرر، وحق اسد الزهرة العببب بيك فلكك بس ترجعع لسوادينككك
-كملتي
-لا ماكملتتت ماكملتتت تريدد تحاسبنيي لاننن سافرتتت وحق الخلق الحق ابجيك دممم ونهايتكك على ايديي.
-شلون بالمجرمة العندي اللهي وانت جاهيي سكتها بحق كل محب عندك
بقيت على كعدتي جلبت بالكرسي عدل شمدريني مايقتلني ويشمرني بالجول كولشي يصير واحتمال يطلع جهالة بس وين بعدهم مامكتملين مايعيشون
-نزلييي تريدينن تگعدينن يم جلال
-ياصخاممم
-لا اله الا الله الولد راح يجي يسوق بمكاني جتفي يوجعني
خزرتة وباوعت للگاع هزيت بيدي: -هسه شينزلنييي؟
لزمني من ايدي ونزلني بقيت يم السيارة صح الجو حارر بس بية هوى بقة ساكت وينافخ شوية واجة جلال يتمختر بمشيتة.
-الله يساعدهم
حيدر: ويساعدك ضلعي
جلال: -شلونج مرت اخي
-مو زينةةة هو اخوك يخليي واحدد زينن راحح يموتنيي
حيدر: -نعمة الله عليج بس اصعدي
جلال: -حقج خوية الله يساعدج علية متوحش شلون رضيتي بية متعجب
لبوة: -حضي الاكشرر خلاني اتزوجة
حيدر: -انت نچب وانتي اصعدي حسابج بعدين.
-شنوو حسابييي بعديننن تررة انيي مرريضة على ساعةة يوگففف گلبيي وشايلللة طنن يااا حساببب ليشش طلعنيي عن طوريي
-لا اله الا الله اصعدييي طاححح حضيييي بعددد ماحجييي شييي اگصصص لسانييي واشمرةة للچلاببب بسس اسكتيي
-لاتصيحح عليه ثانيي مرة وانتبة لالفاضك لاعبالك تخوفنيي
جلال: -كولو يالله على كيفكم وانتي خوية على كيفج وي الولد ترة اخونة رجيچ لاتحجين وياة هيج الگدامج طالع من الموت
-واني طلعتت من جهنممم الحمررة.
حيدر: بستر زينب عليج اصعدييي
سكتت صايرة ناررر بس واحد يحاجيني اگبن بوجهة صعدت بالگوة وهما صعدو ليگدام طول الطريق ينافخ وجلال ميت ضحك.
حيدر: شبيككك تضحككك سينماااا گدامكككك ابننن القندرررة
جلال: -وهسه ياهو الگالك اضحك عليك انت بكيفك تحجي
حيدر: -لاااا بكييففف حضيي المصخممم انعلل ابو اليوممم الاجيتتت بية لهللل دنياااا الكشررررة.
-يبوووو صوتككك شگ اذنييي كافييي شبيككك ترة وعلى ماارجعع وياكك يلة رجعوني لخالتيي
حيدر: هسه انتيي ياهوو وياججج
-جدكككك
-ياصبر ايوببب
جلال: -شني سالفتج خوية اني ادري بيج عاقلة وماتحجين شو تطفرين من اقل شي
-ليش ابوو دحام خلانيي عاقلة. خلاني افترر من دكتور للدكتورر خبلانيي
-هم اعذرية دريتي بالصارر جا كلهن علية منا الجماعةة ومنا انتي مايصيرر.
سكتت ماحجيت شي دمعتي بطرف عيني وعيوني على الطريق شلون راح نرجع سوة اذا من بدايتها طلايب شفت محلات عصاير ومثلجات: اريدد عصير
وازبري
دار وجهة متفاجا فاتح عيونة على وسعهن: تريدينن ازبريي!
-اي شبيك نمونة هي بالف
بقة صافن بوجهي ابتسمت ودرت وجهي على الجامة
مايدري بية كمت اكل الاخضر واليابس بس تجيني طگات بحيث الزم الگلاص اغسلة عشر مرات الا اشرب بية وهو الگلاص خاص بية يعني ماتعالجت تماماً...
نزل راح جابلي وجاب لجلال انطانياهن وكل شوية يدير وجهة يشوفني فعلاً اشرب لو من حرگة گلبي گتلة لا والله واشرب العصير كولة والازبري وهو متفاجأ.
جلال: -نعمة الله عليج خوية على هل عصير يرد الروح
حيدر: -انتتت ماتنچبب شكوو تحجي وياها هو ياهو الجابلك سممم غيريي
جلال: -هو انتة جايبلي لو موهي موصيتك
حيدر: -ديلا انچب بلا لغوة زايدة
جلال: -بسيطة حويدر خوية انتي كلتي تروحين لخالتج مو
-اي
جلال: -خوش هسة اوديج.
حيدر: -شلون ارفس بطنة الا يرتاح هالگ
وصلنة جلال نزلت وبقيت اباوع للبيت هنا ردت امشي لخالتي ودخلاني العنن الذاكررة شلون انسةة واعيشش وياةة.
-مادخلين؟
باوعت بعيونة شوية وابچي دخلت واستقبلني البنات بربع ساعه احنة واكفات وحده تباوع للثانية ازل صايرة تخبل وغزل متغيرة شوية.
حيدر: -خلنهاا طب جوة شبيجنن.
اخذني البنات لازماتني كل وحده بجهة طلعت خالتي من الحمام والابتسامة شاگة حلگها سلمت علية وگامت تبچي: هلا بسورهاا ونورهااا لو مو محرم جان ترس البيت بالهلاهل يبعد هلي شلونج يمة؟
-فدوة لعمرج خالة الله يسلمج صرت احسن
اجت غزل جابتلي مي اخذته من ايدها وگعدت على الدرج فحطت ماگدر احجي بعد: اريد علاجي عفية انطينياه
دخل حيدر اجة يمي ثنة رگبتة بالگاع لزم ايدة ورصهن حيل شكد ارتاح لهاي الحركة: شبيجج بوية؟
-حبوب الخفقان وينهن
طلع الحبوب كلهن طلعت الشريط واخذت منه حباية
بقيت بمكاني گاعدة انتظمت دگات گلبي وهو مگابلني
-يلا تعاي اصعدي لغرفتج
اخذني من ايدي كوة صعدت شينزلني بعد وصلت للغرفة وكلبي احسة طبل فتح الباب ونزلن دموعي باوعت بالغرفة كولشي بيها متغيرر من اخشاب اثاث كولشي خليت اديناتي على وجهي وصرت ابچي
حضني وصار يمسح على ضهري...
-آسف على كلشي صارر لبوة ارحميني كافي لاتبجين.
ماگدرت اسكت استمريت بالبجي واني بحضنة.
-بداعت ابوج اسكتي
ابتعدت من حضنة ورحت كعدت الجرباية نزعت الشال والصاية فتحت شعري متت حر وهو بمكانة يباوعلي.
-اريد ملابس سود ماعندي اريد اسبح
-ادللي
-كون قماشهن كشمير وعراض ومو طوال
-صار
طلع من الغرفة واجن البنات وخالتي يمي بقينة نسوالف.
غزل: -الله راحح اصيرر عمةة يمة مااتحمل لو مو محرم جان شغلت ديجي ولعبت لعب
بسمة: تكومين بالسلامة وتسهل عليج
-إن شاءلله.
ازل: -الله هيج تخيلت شكلهم صغار فدوة عفيه مايصير هسه تجيبينهم
-حتى اني اكول كون هسه اجيبهم بس بعد الا تسعة
غزل: بعدلجج هواييي!
بسمة: -شبيج وي البت تخفوين بيها يمرن بسرعه لاتخافين
غزل: وين تخاف لبوة تخاف غير دكتورة
بسمة: -جا شني وحد واذا دكتوره بس الوجع كافي
نزلت خالتي تسوي الغدة وازل نزلت وراها اجت غزل صارت گدامي عيونها مدمعة.
-شصار ولج سولفي؟
-ماصار شي
-علينة ولج افكر بيج والله مارحتي من بالي.
-عمري حتى اني هففف راح يتزوج
-منوووو؟
-شبيج فضحتينة صوتج
-ولج منو الراح يتزوج بس لا جلال!؟
-اي خطب ومدري شوكت يتزوج
-الله يطيح حضك ياجلال ليش هيج
-جا هو شعلية تدعين عليه وين يدري
-هم صدوك بس لازم يفهم من نضرة عيونج اوففف
يلا عيني انسية الدنيا قسمه ونصيب كل واحد ياخذ
نصيبة لاتهتمين
-هو هيج بعد ماافكر بية ابد اصلا نسيتة وحتى من اشوفة اتجاهلة ولا يمة دراستي اهم منه
-عفيه عليج هيج اريدج سباعية عوفي اساطير الحب.
جاي نسولف ودخل حيدر ثنينة طفرنة من شفناة اباوع لغزل وجهة انبلع صار اصفرر بس لاسمعنة.
-ها شبيجن شفتن طنطل؟
-لو طنطل مايخوف مثلك هيج
-افاا اني اخوف
-لاععع
باوعت لكيت غزل ماكو انطاني علاليگ: -جبتلج ملابس.
اخذتهن من ايدة شفتهن خمس دشاديش وشالات وملابس داخلية اخذتلي ملابس ودخلت اسبح ذوقة شگد يعجبني وعلى قياسي جايبلي مال حوامل وماخذهن للخياط ماخذ من طولهن مسويهن گصار والله يفكر طلعت لكيتة نازع القميص وضهرة كولة ملفوف رفع راسة ودنگ راح طلع ملابس عبرني ودخل للحمام ولامعبرني ادري المن مرجعني رحت دخلت وراة تفاجأ لكيتة يعلگ بملابسة.
-شلون تسبح والبارحة مسوي العملية الجرحح يتبللل ميصيرر اميي
-نخيس شلون بلة.
-لا ماتخيس روح جيب نايلون الف كتفك
يباوعلي رافع حاجبة: -شبيك عيني رافع حاجبك محد عاجبك
-تعجبيني انتي
اجة حضني ويبوس بية: -ترة اجيت علمود جرحك لاتصير سرسري يلة انزل جيب النايلون يلفون بية الاكل بسرعة
كرص خدي ونزل جابة واجة انطانياة: -ديلا اكعد خل الفة الك
گعد على القنفة وصرت وراة فتحت الشاش: -اوفف شبيك ماتكلي شامر روحك شنو تريد تموت هاي ثالث طلقة.
-لو ماذني الطلقات هسه انتي مو يمي اول طلقتين عرفتني عليج والثالة رجعتج الي
مسحت عيوني ورجعت الشاش اكو اثار شضايا والنوب بنفس المكان القديم لفيتة الها زين لايدخل المي: -على كيفج خنگتيني
-لاتجذب
نهض من مكانه وجراني علية: -اخخ شبيك والله اكول لامك
-شدگليلها بلة
-خالة ابنج يزعجني اني واحفادج
-افاا اني ازعج هيج صارت لبوة.
خلة انفة بركبتي: -مو هيج بس جاي دغدغني والله ومن تبوس مو تلزگ على كيفك هي مو شبع بس وحده ولاتجعصني ترة اختنگ
-هيج صارت
-اي هيج
-آه
-والله يلة روح اسبح لاتغلس
-شلون اسبح بتگ ايد
-لاعبالك اسبحك ترة اني مريضة
-مريضة ولسانج شطولة اروح اصيح امي تسبحني لو جلال؟
-بكيفك
-لاتخبثين تعاي سبحيني
-ما شعلية بيك
-غير زوووججج يخايبة
-اغسل شعرك وجهك بس
-دمشي
-كتلك بس
-يبوووو راح انجلطط.
دخلت وياة نگعني تنگع والله عبالي ادمي: موو صوجكك انيي چلبةةةة
-لا انتي لبوة
-الله يطيح حضي اذا بعد ساعدتك
-راح يطيح هواي على هالرنة
طلعت ناكعة مي رحت على السبلت اجفف ملابسي
: -عفيه عفيه هسة تنشلين واحير بيج
-معليك بيه
-لايابة
جرني وكعدني على القنفة راح جاب المشط والسيروم خلة لشعري ومشطة: -سويلي ضفيرة حلوة
-ادللي
سوالي ضفيرة مسحت عيوني من جنت اتذكرة بغربتي احس روحي تحترگ دارني علية وحضني
-انسي الصار.
-ماگدر تدري ردت اگص شعري من وراك
-اني شعلية؟
-من اسبح اتذكرك حتى ابطل امشط شعري صارر صووف
-سودة بوجهي إن شاءلله
-لاتكول هيج حرام
-فديت اليخاف علية من الحرام
-امم هاي خطتك الوصخة
-مااسمحلج دكولين على خطتي وصخة مسبحها ومخليلها عطر
-اتفقت وي دكتور محمد؟
-اخخخ يمحمد اخخخ ردت اسوية فلقتين
-عزاا بس لا اذيت الرجال
-تؤ بس ردت
-وعلي لو مسويلة شي اموتك لك رجال جبير شلون تريد تضربة بكد ابوية هذا.
-هو لو مو بگد ابوج جا خليت طلقة براسة وبراسج
-مو بكيفك تايهتلك تحط طلقة براسي يلا ولي من يمي بعد ماريدك
كمت من يمة ورحت للحمام اغسل الملابس لحگني
: -اهوو يلا اطلع اريد اغسللل
-عوفيهن اني اغسلهن
-ما اني اغسلهن يلا اطلع
-براحتج.
غسلت الملابس وجففتهن انطيتهن اله يشرهن حطيت راسي وغطيت بالنوم خلفلة على الجوع گعدني لگيته نايم نزلت لكيت الاكل جاهز خالتي مسوية اشكال حميتة وصعدت فوگ اكيد ماماكل شي خليت الاكل على الميز ورحت اكعدة.
-كوم اكل
-اممم
-اهووو شلون بية راح تطگ مرارتي كوممم
جرني علية: -يبوووووو حامللللل الطفللل مهددد بالاسقاططط
خلة ايدة على حلگي: -فضحتيني شمسويلج.
عضيت ايدة اختنگت: -اخنگني وشوف عبالك مثل قبل تجرني جبلللل صرت ابني افتهم بس اتحرك هواي يوگع الطفل مهدد مهدد
-فضحتيني خفة هالصوت
-عفية عليك ارفعلك القبعة درجع نام مو صوجك كلت خطيه ماماكل
-شعجب ماگلتي إني چلبة من كعدتك
-لا اني لبوة
كعدت اكل عفتة فحطني بية حيل الة كعد گبالي يباوعلي: ماتاكل لاتحط عينك علية
-بالعافيه هني مري بس اكول شعجب شربتي عصير وازبري.
-الحمدلله كمت اكل كولشي يطلع گدامي راجعت دكتورة هناك ومنا اتنسة اخاف على الطفل تطلع بوجهة وتنحسب علية
بقة ساكت على فكرة حيدر هادء مثلي بس مرات ينهد بالحجي اكلت نص الصينية: ترة مو بس اني اكل وياي نفرين ياكلون يعني هذا اكلنة مال تلث نفرات
-عوافي والشحم دافي
-ها وذكرتني ترة هذا السمن للحمل مو من الاكل
-صايرة تنگرطين بدي اكلج
-عزااا والجهال هم تاكلهم وياي.
ضحك وجرني علية يگرص بخدودي لو يلزم بطني واني وياة عرگ ولا يگول رجلي النسوان حبيبي وحياتي واني كولشي ماكو صدوك من گتلة بعت الانوثة ههههه: -هسه عود ليش ماعندك لحية.؟
-شسوين بيها.
-العب بيها من نتعارك اجرك منها
-زيطة جا خوش من ماخلونة نربي
-بس هيج مو حلو اريد لحية
-لا اله الا الله منين اجيبلج اروحي اشتري
-لا بطل من شغلك وربي ونفتح عيادة ونشتغل سوة
-اي عيني وششتغل سكرتير الج؟
-لا تجمع الفلوس ترة الدكاترة يكرفون كرف بالفلوس نفتح من الصبح لليل نرجع وهم سوة مگابلتك وناكل سوة وماكو خطر ولاينطونك اوامر بعد شتريد وفلوس كل يومية مو كل شهر هاا شگلت؟
-خوش فكرة راح ابطل
-اي بس مو هسه من اجيب
-هاهية خوش
بقة يمي للمغرب يسئلني واجاوب سولفتلة على كولشي وكل شوية گابة بوجهة ويرجع يسكتني
: يلة كافي خل انزل اشوف البيت البنات مجلب بية
-منو المجلب بيج ترة انتي مجلبة بية.
-ههههههاييييي لابلة اصلا انت جاعصني حتى جهالك گالو منين هذا راح يموتنة كلتلهم يمة لاعيب هذا ابوكم كالو هلووو شنو ابونة وخري عنة نريد نتنفس وين جان هسه اجة
-هما هيج كالو.؟
-جا مجذبة عليك
-لاعمي انتي ماتجذبين وحتى الهلووو وصلتيها بالضبط
رجعت كذلتي ليورة وحجيت بغرور: -باررعة بكولشي see you
-وين؟
-اروح جوة اسوي العشة
-ابقي هنا شينزلج جوة
-لا والله هسة يكولون شيسوون فوگ
-صدك شيسون؟
-اهم شي النية اللهم اجرنا.
نزلت جوة على كيفي صدوك لايوكع حنتوش شنو من اسم هذا يععع هاي اللقاب رحت يم البنات سوينة عشة سوة: -اكول بنات
-كولي عمري
-هاي روان مدري نعال وين احصلهة؟
غزل: -ههه ليش هي شي ينباع وتحصلينها
-لاقصدي التقي بيها
ازل: -فاطمه تگول امها سوتلها فتح قسمة والخطابة كل يومية واحد بس هي ماتقبل.
-شتريدد ماتقبل حيدر وبقبضتي بعد شتريدد بس اني اعلمها خو لو موحامل واخاف على جهالي جا رحتلها وشلعت اذاناتها بت المشعول قصدي المشعولة
غزل: -ههه عادي احجي عليهم مانحجي شي
-اكول اذا اسوي خطة واجيبها لهنا تلزمنها إلى واني اكتلها شدكولن؟
ازل: -اني ابرني من هالسالفة بلة صار بيهة شي هي خابرتج لعبتي بيها جولة مو الا هسه حيدر ضربج بسببها وسافرتي لادخليجن تموت بيدج والله.
-بويةةة الا اطلعهن من عيونها كل كلمة بسيطة الا اگطعها بسنوني خاب انتي غزل مامنج فايدة؟
-هاا بس شلون؟
-من گلتي هاا عرفتج مابيج خير
ازل: -خية احنة مو عراكة ناس فقرة
-اذا تضلن هيج كلها تستحقرجن عوفن الفقارية ماتفيد
غزل: اي والله صدوك ينراد ادخل دورة عندج
-صدوك والله جد ادخلن دورة فنون قتالية حرب الشوارع كولش تفيدجن بس تخلصين سادس عود ذكريني
ازل: -واني وياج على الواهس
-بعيوني.
كملت العشة دزيت ازل تصيح لحيدر نزلت تكول: -مايريد يكول شبعان
تعشينة وكعدت يم ازل تغسل مواعين وتسولفلي شصار بالفترة الراحت صارت بالتسعة ونص وحيدر فوگ شكو باقي بغرفتة رحت اصعد عود اني گلت ماصعد منا لمن انعس لگيتة مطلع اقلام واوراق ويخطط بمسطرة ويحجي بالجهاز كعدت يمة اريد افتهم شيسوي باوعت بالاوراق عبالك هندسة.
ولايكول مسويهن بيدة عبالي طبع عفتة ورحت ارد على تليفوني طبعاً تليفوني القديم عندة هذا دكتور محمد جابة الي.
فتحت الخط وحجيت وي زوجة الدكتور سديت منها واجت بالي جارتي السورية گلت خل اطمن عليها هم حجيت وياها درت وجهي بعدة يشتغل نزلت جوة الساعة راح بالعشرة ونص عدنة ازل تنام من وقت وغزل تقرأ كعدت بالحديقة العب بموبايلي ماعندي برامج هواي بس عندي واتساب ويوتيوب لاتكتوك ولابرامج زيادة هو حتى صديقات ماعندي غير زينة وتبارك.
عندي فيس بس ابد ماادخلة دخلتلة متروس اخبار وصحة ويبوو صرت اكلب بية صار تطلعلي كروبات قصص عجبني اشوف شنو من قصص بما انو احب هيج شغلات...
جان كروب بية نكت اندمجت وياة جذبتني قصة فصلية دخلت عليها وبديت اقرا شنو هاي اول مرة اقرا شي بهجتنة شي جديد علية اندمجت بالقصة خطية شنو ذنبها تروح فصلية ماعبالي هيج الفصليات يتعاملون وياهم ضرب واهانة بس بالاخير البطل صار يحبها ويشتريلها ملابس متت ضحك على سوالفها بقيت على گعدتي ختمتها...
-شتقرينن؟
-ينعل ابليسك شبيكك وياي راح تچلطني اني متأكدة نهايتي على ايدك
-شبيج غير اسئلج
-قصص قصص ارتاحيت.
اجة كعد يمي وكرصني من خدي: -اخخخخ ليششش تضربنييي اني شكممم مررة كايلتلكك لاتصخمنيي من خدييي
-شبيج مگروصة بس اطخج وصحتي
-توجعني تفهم الشرايين البلوجة راح تتمزق ويصير عندي تشوه تفتهم ترة لاتاخذها بهلبساطة
-لفقتيها علية شسوي بعد
-مرجحني
-لا بلة
-شبيك حباب حباب مرجحني
-مو مهدد الطغل بالاسقاط ولاتلمسني اشو هسه مرجحني
-اي اني بس گاعدة وساكتة هي المرجوحة تهتز مو اني
-تؤ انسي مو زين
-اوفففف ليش مانزرع هاي القطعة.
-ليش لا بس يصير عندي مجال
-نجيب شجر هواي ورد وصبارر كومة وتصيرر حديقة خاصة بية من انتاجي اقصد
-شجاب الورد وي العاگول
-لازم يتواجدن بنفس المكان حتى الورد يتعلم من الصبار هواي اشياء واولهم محد يلمسه تدري ماحب الورد احسة مبالغ بية يعني بلونة وعطرة وبالاخير ينشمر جوة الرجلين مو مثل الصبار محافظ على نفسة محد يتقرب منه ويبقى عايش مايحتاج لاحد يسقية لو يهتم بية
-وانتي مثلة؟
-يعني تقريباً اي اليقترب مني يتأذه الا جان مايحس بالالم مثلك يعني متحملني بكل حالاتي
-شعندي غيرج حتى مااتحملج
-تدري احبك مو؟
-زين انتي تدرين اني احبچ اكثر وحبيتج قبل لاتحبيني
-اممم لاععع
-هههه شكد احب سوالفج ماتعنفصين بحجيج
-لعد شعبالك اعجبك احمم احمم اكولكك صدوك ايلام شلونة ميت عدل خاف ذبحوة وباعوة لحم مجمد لاااا خاف سفروة
-لاتخافين مو مثلج مسربت يسافر ويعوف مهرتة وراة.
سكتت عرفت قصدة رحت بستة بخدة ورجعت عضيتة قوي: -لاتذب بسامير هو منو الهججني غيرك
-شوفي شلون اني رجال فقير يامرجوحة اشهدي عليها قبل شوية سويتي فلك بية من لزمت خدج
-شسوي غير كله من ورة الهرمونات اني شعلية ترة مو بس ويااك وي الناس كلة حتى خالتي.
-لا وين وي الناس ضحك وسوالف بس وياي جندل ترة ولد الناس مو لعبة الله يطلعها بخوانج
-هي هي هي ماعندي اخوة بيمن يطلعها.
صرت ارگص بحواجبي: -خبلة والله مو صاحية لا انوب مجرمة شوكت تعوفين الاجرام
-من تبطل تحبني
-الله اكبرر على راسج مايجي هذا اليومم ابدد تدرين شني بالي كون هيج اجعصج جعص
-ها منو اليندگ بالثاني وتکول بس تصيحين
-جا مجذب عليج
حجيت بصوت مثل ذني اليتنعوصن: -اوييي بيب فوديتكك احوبنكك هوايةة كولشش
-صرتي جلال بشحمة ولحمة ارجعي على القديم
-خاب انت مو صوجك صوچي انيي يمة اشهدو على تعامل ابوكم وياي.
-اي بوية اشهدو على امكم معيشتني برعب انصرو ابوكم المظلوم
-هاي شني هاي انيي مكسور ضهري كسر ونفسي رايح وشايلتهم واوكلهم واسولفلهم قصص وتالي ينصرونك لاحبيبي من هسه اكولك جهالي الي
-چا واني شهل ظلم عاد واحد الج واحد الي
-افكر بالموضوع عود صدوك شسمي الثاني ترة مسمية واحد ادم من زمان بس دير بالك دگول دحام ترة اذب بالطين
-لا اسمية على والثاني آدم
دمعت عيوني مافكرت باسم على ابدد: -حلوو.
-شلون مو حلو هذا اسم امير الگلوب
بقينة نتعارك ونتصالح شوية ودخلنة جوة
كعدت الصبح لكيت البنات ينضفن وحدة تروح منا وحده ترجع...
-صباح الخير شكو اليوم
-صباح النور عيني عندة مجلس
-بس اليوم؟
-لا العشرة كولها.
-وخالتي وين؟
-راحت للسوگ
-ها خوش اساعدجن بشي
ازل: -لا حبيبتي ماعدنة شي روحي تريگي.
رحت سويت ريوگ شوية واجت عمتي انترست الصالة بالكارتون كيك وعصاير ووو. بالثنتين اجن النسوان الاستقبال انترست تمنيت ادخل بس ماگدر خاف اختنگ بحياتي ماداخلة مجلس شفت غزل بيدها كارتونة...
-هاي راح توزعينها؟
-اي
-عادي اني اوزعها
-عادي حبيبتي
اخذت الكارتونة وبداخلي تررد گلت خل اكسر هلحاجز سميت بسم لله ودخلت الاستقبال مليانة.
نسووان سلمت الكل توجة نضره علية الصراحه ارتبكت شنو السالفة شكيت، بروحي دخلت غزل توزع واني وراها ماعرف يمة متت علما خلصت توزيع ثوبي صار يسحل وراي...
طلعت بعد مارجعت كعدت على الكرسي خارج الاستقبال والطم حتى ماعرف الطم مثلهن بقوة
خلصت وطلعن لغير بيت والبنات راحن وياهن بقيت وحدي بالبيت واستمر الوضع عشر ايام...
مرت الايام هادئة وحلوة بمعنى الكلمة بس حملي كولش صعب بحيث حركتي صعبة حيل واضافة للخفقان لاعب لعبتة وياي خلال هاي الفتره رجعت علاقتهم بخوالهم بس مو مثل قبل بس خالتي تروحلهم.
اليوم دخلت بالسابع وزينة كم يوم وتولد جنت جاية من الدكتورة حيدر وصلني وطلع كعدت بالحديقة ضايجة وتعبانة اندگ الباب رحت افتحة فتحتة وانصدمت منو الجايني خطار الله يعلم شكو...