رواية عكد الظفيرة للكاتبة زينب جعفر الفصل العشرون
ذياب
سمعت صوت طلقه وكزاز انداريت بسرعه عارف.
ماطلعت من الحمام باقي كم دقيقه صاير هدوء
سمعت صوت ناصي
درع تسمعني
ذياب اشش تا يصنتون اتكحز للغرفه
اختفى صوته بقيت على وضعي ايدي على الباب جاهز لأيي لحظه منهم
ذياب 60، 59، 58، 57
الحد ماوصلت الرقم 1
فتحت الباب بكل هدوء مباوع للغرفه مردود الباب شوية مبين ركزت اكثر وشفت ملثم داير وجه وبس يهز براسه.
نزلت نفسي كلش ازحف على الكاعيه احرك ب ايدي على كيف فتحت باب غرفه درع داخل وعيني على غرفتي
كمت بسرعه متنهد ساد باب الغرفه
درع موحجيتلك موجودين هين
ذياب والرايده هيج
درع شنو؟
ذياب وين سلاحك؟
درع مانطي
ذياب مو بمزاجك هوهه
رحت يم جنطته ادور
درع انتَ رتبتك اعلى مني بس مارضى
ذياب رضيت ولا مارضيت مايهمني
اخذت سلاحه مخلي بخاصرتي
درع ذياااب مو واحد لو اثنين
ذياب زلاطه
درع ذياااب الوضع.
قاطعته مأشر بيدي يوخر.
درع اشو ولا ازيح
تنهدت دافعه ماشي اجه وراي فتحت الباب طالع الهم حاط أيدي بجيبي وثانيه قريبه على السلاح
رفعت حاجبي اباوع يمين يسار مالاكي احد
ذياب تعجبني الجرابيع من تضم روؤسهم.
صار صوت نبح بعيد وجهت انضاري وسط الضلام
طلع جلب جبير لونه ملحي
ابتسمت ابتسامه جانبيه مدنك شبه كاعد
ذياب شلونك نگره
ضربت على طرف خده.
ذياب ها. أسمع ودحك شلون مارحت انت وجماعتك تتراكضون وره الشطبه بدون ماتأذيها هساع اتكحزلي وره جرابيع بس أذيهم
كمت رايح ناحيه الضلام حسيت بحركه سريعه طلعت سلاحي اباوع لكيت بلكاع جكاره طايحه
سحبت الأقسام بسرعه
ذياب نگرره
اشرتله بيدي اجاني يركض اخذت تراب بيدي مسوي دويره على جكاير وهوه نزل راسه يشمشم بيها
رفع راسه كام ينبح قوي
ذياب عرفته ها، اتكحزله.
ضربته من وره قوي ههوه ركض يشمشم بلكاع مشيت وسمعت صوت صراخ احد
ذياب هههههه
صار صوت طلق نزلت راسي رامي اكثر من اربع طلقات بكل اتجاهات مشيت ناحيه الباب رافع السلاح
ذياب وحگ الله هساع اسوي دز واطشر رئيسكم
اختفى صوت طلق بقيت اباوع مامنزل سلاحي
بقيت دقايق هيج عاكد حواجبي لحد ماركض احد بسرعه رميت على طاح بلكاع
درع دحك اجت على.
انداريلته لكيته وراي يشرب جكاير وشايل سلاح ثاني انرمت طلقه جراني درع بسرعه وسديت الباب
ذياب عش هيج سويت؟
درع لاموت؟
سمعنه طكطكه خفيفه باوعت الدرع هوه افتهم
عفته فاتح باب الغرفه مالتي لكيت احد يريد يرمي
متلثم شافني وبسرعه وجه السلاح عليه
ذياب ها؟
ضغط على سلاحه يريد يرمي ودرع فتح الباب بسرعه رامي طلقه جايه على ضهره وسد الباب
انا وخرت للجه ثانيه للحظه رادت طلقه تجيني.
وكع سلاحه اخذته لازمهن اثنينهن اباوع من شباك
ذياب ضامين روؤسهم
باوعتله مطلع سجينه يريد يدچني جريتها منه ضاربه راشدي مضروب راسه بطرف شباك على الحايط
ذياب دنجب كواد
جريته من شعره ماينجر
ذياب زين شعرك حلو
لزمته من مقدمه ملابسه ساحبه قوي مدخله للغرفه
درع ديربالك لامفخخ
ذياب هساع افتشه خلي بالك غاد
درع أمرك
رفعت فانيلته مطلع بطنه لكيت نازل دم منها بقدم رجلي دفعته اشوف ضهره هم مابي شي
والله...
ذياب انجب انزع.
ذب بجامته مابيها شي
ذياب البس
ضهري
ضربته راشدي ثاني لازم شعره جاره
ذياب وينها
الله يخليك عوفني امي مريضه سرطان وماعندها بس اني
ذياب حجيتلك وييينها لاتخليني اطير راسك انت وامك
لادخيلك
ذياب احجي
ااحنه عشره
ذياب ماحجيتلك جم جربوع جايبك ال
احجي ويييينها
كورت ايدي ضارب على حلكه فك عيونه طايح راسه عصرت فكه خازره
ذياب اجرم بيك وحك الخلقك ااحجي!
حجى بكوه فاتح عيونه
كفاح، شارع الكفاح
عفته صافن هامس بهدوء
ذياب بغداد؟
رجعت عيوني عليه
ذياب وين بضبط؟
حجه شفايفه يرجفن ورافع نفسه من وره ضهره متألم
ماكدر احجي
ذياب وحك الله راسك يطير وراس امك
فتح عيونه خايف لاف عيونه ناحيه شباك
باوعت للشباك بلحظه سريعه جر سجين ناهي حياته
باوعتله عاكد حواجبي تنهدت وكمت ماخذ السلاحين مخليهن بخاصرتي وفتحت الباب
درع نفسه؟
ذياب اي بس عرفت شي عنها
درع سمعت
مال راسه يباوع للغرفه شافه طلعت جكاره من جيبه مخليها بين شفايفي مورثها مضيك عيوني.
درع راح ازته يم صاحبه حتى يدحكولهم
مجاوبت فاتح باب غرفه درع اريد افوت
درع هاي شنو مزين؟
باوعتله زافر الدخان من خشمي ماحجيت شي رجعت انطيته ضهري داخل للغرفه وسديت الباب
لكيت بطل مشمور دفرته برجلي تمددت مخليه ايديه جوه راسي مغمض عيوني متنهد
دقايق وصار صوت طلقات انفتح الباب داخل يتنفس سريع
درع ادري وين خليتنه موحجيتلك خطر علينه
ماجاوبته كايم لازم راسي
ذياب امشينه
درع وين نكدر بعد ماتحجيلي
ذياب نكدر لاتخلي بالك.
كمت ماخذ جنطته شامرها علي
ذياب خليها هين نصبر شوية ونطلع
درع مانكدرر
ذياب موحجيتلك لاتخلي بالك!
درع صدك تحجي؟
ذياب شغل تلفونك ثاني دحكنله سياره تجي الفجر ونطلع
درع ومن وين نطلع
ذياب اتكحز وراي ويجيك جاهز
درع لاحيل يجيني جاهز حتى واني نايم ادحك بشر ميتين يم راسي
ذياب لاتصير بايخ
ردت الزم شواربي وتذكرت مزينهن صفن ضاحك
درع شواربك شبلاهن
ذياب عجبني اغير
درع بعد لاتغير
استغفرت كايم عاض طرف شفتي.
ذياب شنو تحجي اتكحزوا من هين؟
درع لا وين
ضغط على ضهري مكعدني وكعد يمي حاط راسه على چتفي
ذياب شنو هاي
درع مشتاق الحضن ابويه
ذياب وشنو مدحكلي
درع ذياب احسبني شطبه هساع شبلاك
سكتت داير وجهي زافر نفسي وهوه يضحك
صار هدوء فكرت بيدي جكاره مطفيها ب اصبعي واحركها على ايدي
ذياب درعي
درع قناصي احجي
حركت راسي على كيف گالب شفايفي
ذياب احجيلك شعر؟
درع شنو؟
ذياب شعر
درع قناص شبلاك؟ هاي كله من ام كصايب
بلعت ريكي حاك حاجبي.
ذياب بالي يمها
درع صدك مامسوين الها شي
ذياب وذا سوو؟
درع يخسون يتگربولها وزلمتها ذيب الديره
باوعتله شامر جكارتي
ذياب يلا
درع بعد وكت
ذياب درع ماتحب ضل
درع اي بنص ذول ال
عفته فاتح الباب على كيف باوعت ماكو احد مشيت للحمام اباوع للحايط
درع ها؟
ذياب دحكلي شي
درع مانكدر صدكني
ذياب بس ناوشلي شي انا اسوي
درع يول قناص عوف هل سالفه يطلع صبح ونطلع
عافني ودخل الغرفته عرفت بخططي جاي اخاطر ب اثنين مو بس واحد.
ضربت على الحايط قوي اكثر من مره
ذياب قديم وهييج قوي شنو سالفه
تنهدت اباوع الايدي اصابعي صايره حمره متزلغه شوي ضربت قوي طالع وداخل للغرفه ساد الباب
درع نام خويه خلي بالك يجي يوم ودحكلها
كعدت اباوعله
ذياب هي أمانه من عمي ماريد اضيعها
درع متأكد بس لأن امانه؟
مارديت متمدد مقلد حركتها من تنام
درع أضن تحبها
ذياب لا
درع وججك التعبان وحده سالفه.
خليت عكس ايدي على عيني ومغمض حتى انام هوه شافني هيج دار وجه الغير جهه نايم
دقايق وماحسيت الى دمعتي نازله على خدي
وخرت ايدي افرك على صدري
ذياب يارب مامگربيلها، جايج ياحمامتي جايج
تنهدت متلوع گلبي حاس كل جسمي حار تفكيري بيها وبس.
طلع النهار واني كاعد كمت فاتح الباب الرئيسي مانتبهت للمكان اذا موجودين او لا بس اباوع للمرجوحه الهوى محركها على الخفيف.
ابتسمت مغمض عيوني ماخذ نفس بكوه بللت شفايفي كاعد ساد ايديه صافن عيوني حمر وجهي تعبان وكل جسمي بس جان
نفسيتي اقوى ألم چاس گلبي.
باوعت للمكان لكيت جثتين مشمورات
كمت مخلي ايدي بجيبوبي عيوني دور اكثر
من بينهم انتبهت الشي مشمور بعيد مشيت يمه وشفته الجلب كاتلينه ن، ح، ر.
استغفرت داير وجهي راجع للبيت فتحت الباب داخل شفته بعده نايم
ذياب دررع، دررع
فز يباوعلي
درع ها قناصي
ذياب يلا كوم يبه
فرك عيونه كايم ماخذ جنطه.
درع بعدهم هين؟
ذياب احتمال
درع شلون نفوت بين...
قاطعته عايط
ذياب مررررتي انتضرهم ييموتووها؟
درع امشينه يلا
طلعت سلاحي طاكه اعصابي هوه راح يحجي بلاسلكي شوية واجاني
درع يلا بس البس هي
انطاني قناع اسود تنهدت لابسه طالعه بس عيوني
درع طلعت؟
ذياب اي
درع غير ملابسك
ذياب وحك الله افرغ سلاح براسه امشي لاتصيررر هيج
استغفر جريته طالعين ضليت اباوع رافع أسلاحي
درع راح ننعرف هيج
ذياب انا اريدهم يعرفون اجيبها منهم وبعلمهم همن.
هزيت راسي رامي ورحنه نتمشى وره البيت وههو يباوع اليكدام وانا اليوره
ذياب سابع حلك اجيبها
صار رمي بسرعه رميت مدنك راسي
درع زررعد هين عوفه
ذياب وحكها ماعوفه
صعد بسياره اليوره وانا اليكدام سريع قافل بيبان وانطلقنه
ذياب نزل
باوعلي سايق اشرتله للجام نزلها رميت اكثر من طلقه سمعت صوت ونين احد عرفت جبتها
تنهدت مخلي سلاح على فخذي أشرت بييدي يرفع جام
ذياب درع عندك جكاره
درع خلصن وحكها.
انداريتله خازره لكيته يضحك باوعت للسايق من فوك اليجوه
ذياب اشو ماعرفك
سيد كرم يعرفني
باوعت للدرع لكيته يهز براسه
ذياب سيد كرم
ضحكت اهز ب ايدي
درع شنو يول ماعاجبك
ردت الزم شواربي وتذكرت استغفرت داير وجهي اباوع اليوره مالكيت احد
ذياب ماكو احد
باوعت للسايق جار سلاحي ولازم راسه
ذياب ولك بس لاتطلع منهم
درع لااا قناص اعرفه
ذياب متأكد
درع وحكها
ذياب راح افرغ سلاحي بيك أچني احسن الك والهذا
ياخويه شنو مسوي اني.
ماجاوبت احرك برجليه واباوعله
ذياب همن مامرتاح الك
سيد كرم احجيلك شي
درع ذياب عوفه
ذياب فدوه المحمد
لزمت فكه اباوعله هوه. يسوق
ذياب ولك حاجبك مطير ربعه شو
درع ذياب ادري سليمان هوه وتفوت خشمك بي
ذياب واني اخلي ابني يسوي حواجبه هيج دحك شلون مطيرهن
درت وجهي هامس
ذياب البالي مامسويه سوايتك
سيد كرم وين بضبط
ذياب لاتدخل بس اخذنه البغداد
ماحجى شي ضايج مني شوي واندارلي انداريتله بسرعه
ذياب ها؟
تنهد مكمل سياقه هزيت ايدي مرر الوقت وطلعنه من صحراء
ذياب عندك مسجل؟
اي
درع ذياب صدك تحجي
مارديت مطلع الاغاني العنده الحد ماوصلت للاغنيه كبر حبي وملا گلبي.
اتنفست براحه شوية معليها مرجع راسي للكشن
سيد ذياب صوت اغنيه لو ينصى افضل
ذياب ياروحي شكثر وشكد صبرنه
سيد ذياب لا اليبره يسمعون ويعرفون محلنه
ذياب وحك عيناك اضل وياك شمارادوا يمنعون
ضرب على الستيرن خفيف متنهد
سيد ذياب
شلت سلاحي خازره
ذياب كافي لاتلح.
جوري: -
فزيت صافنه مامفتهمه شي الضلام محاوطني بكل اتجاه شي يلسع رجلي مثبتني ماتحرك
درت وجهي خايفه اتنفس سريع احس التنفس خلصان عليه
جوري وين انا
غمضت عيوني راجعه ذاكرتي وتذكرت انا مخطوفه هنا.
جوري اختنكتتت
صرخت اقوى احرك براسي ورجليه
طالع صوت سلاسل
جوري اختنكتت وخروااا هاي من راسي
انفتح الباب سمعت صوت خطوات
وانرفع الجيس ثخين ملحي مني
لكيت اثنين نسوان لابسات زي غريب وحده باوعتلي عاكده حواجبها.
شووو تصرخيين انتي هاا
جوري ياحرراميه وعلى اموووتكم اصبرولي
فتحت عيونها تريد تضربني وثانيه لزمت ايدها
انا درت وجهي عاكده حواجبي
لاطكينها
قلدت عليهم كاشه ملامحي
جوري لاطكينها طكاني وطكيته جلابه
مادحكيلهااا
هاي مرة ذياب شبلاج؟
وذا مرته
جوري تاج راسج
ججرتني من شعري اريد اوخرها ماكو فاتحه عيونها عليه
منوو تاج راسي هااا
عوفيهاا خلصص
اجتمعن دموعي ثانيه طلعت الاولى بكوه نزلت راسي احرك برجلي ثانيه اتنفس بكوه اريد ابجي.
خميسه هساع ياحبيبتي لاتعلين صوتج عليهن
جوري سسدي حلكج انتي مناقصتج
خميسه ليش تحجين حجي موكدج
باوعتلها نازله دموعي مبرطمه
جوري وعلى اكتلكم اصبرولي
خميسه انا شكو هياتني حالي من حالج خاطفيني
جوري بگتي خبزاتي ماخليتيني اكل
خميسه صدك شلون تحلفين ب على جدامهم؟
جوري انعل ابوهم لابو الجابهم العلمهم يكرهوون الامام علي
خميسه لايصنتون
جوري طبهم مررض انا من يجي ذياب اعرف شلون اخلي يتصرف وياكم
خميسه شنو تسوين؟
جوري ذياب اقوى رجال ومن كثر مايغارون منه جايبيني هناا ومايواجهونه كدامه
خميسه حيل مبين حتى ماطلعج
جوري يجي اعرف بي
ثانيه وخرت ملابسها من وجها مطلعه راسها
براء اادري روميو وجوليت ماكافي
ضحكن كم بنيه گلبت وجهي
براء بس هم الج صيت الحد هساع مامأذينج
جوري شحدهم
براء يابنيه لو نجي للصدك يكدرون بلحظه
سوت حركه ب ايديها بمعنى يموتوني
براء بس لان ذياب رجلج ساكتين عنج.
جوري وغصبا ماعليهم كافي تخرطن بلحجي انا بنيه وسادين رجليه بسلاسل و بس حجمهن كافي طبعا ماكدر واليسمعكم انتوا تكدرونلهم
سما احنى ساكتين وننتضر يانموت يانطلع من هين
جوري وانا ما اسكت
درت وجهي متنرفزه
خميسه ليش هيج عنيده تره يروح من بالهم رجلج ذياب ويأذونج
جوري خلي يأذوني لمونه ضربهم
براء منو حجى يطكونج؟
باوعتلها مفتهمه كلامها لعبت نفسي تافله عليهن غمضن عيونهن متنرفزات مني
براء أررريد افهمم منو هذاا ذياب.
جوري دكعدي لايطلكج عرچ گلبي
رجعت راسي للحايط متنهده عيني على الباب منتضرته يفوت
خميسه ذياب يرضى تحاجين احد غيره؟
باوعتلها ماحاجيه شي
خميسه ها؟ اضن تخونينه هيج
جوري ماخاينته بس الوحيد الحباب هوه
خميسه لاتثقين ب احد هين
ماحجيت هنا سكتن ومرر الوقت وهنه تمددن يغفن
انا بقيت اباوع للحديده برجلي
زحفت اليوره بكوه ابجي و عاضه طرف ملابسي حتى لايطلع صوت شهكاتي.
مسحت كصتي اتنفس بطيء لزمت الحديد على رجلي اريد اوخرها ماكو كل ماريد ابعدها تنضغط قوي
ايدي صارت كلها دم من وره رجلي بجيت اقوى
احرك براسي على كيف اون من الألم
الثواني وفزيت مامستوعبه سامعه صوته.
نوح شطبه
باوعتله بسرعه جاره جيس مخليته على شعري مبتسمه لكيته مبتسم بكوه واكف لازم بطنه وبيده ثانيه ترجف لازم ماعون بي اكل
تقرب جاي يمي وكعد
جوري شلون صرت
نوح بخير انتي شلونج
جوري الحمدلله.
حط ماعون باوعت لكيت خبزه وشوي حميسه بتيته وكاري ابتسمت
نوح اكلي
جوري ماريد انت اكل
تنهد شالع شوي من الخبزه مغمسها بلحميسه لافها مقربها يمي يوكلني ردت اكل وتذكرت ذياب وخرت بسرعه
نوح ها؟
ابتسمت بالعه ريكي اخذتها من ايده انا ماكلتها
جوري عالجو اصابتك
نوح اي شلون ماجان
جوري لاتستخدم كلماتي
ضحك على كيف ماسح على عيونه
جوري اريد اطلع من هنا
نوح لوبيدي اطلعج الج واضل انا
ماحجيت متنهده
نوح رجلج
جوري اي توجعني
نوح اادحك.
راد يلزم رجلي وخرتها
جوري ماحب احد يلزمني
نوح رجلج تا تأذيج
جوري حتى لو
نوح شطبه تعرفين وضعنه مو وكت الحرام
ماحجيت شي لزم قدم رجلي يريد يفتحها غمضت عيوني متوجعه اكثر راجفه قبضه ايدي
نوح اصبري
راد يفتحها انضغطت اقوى عطت موخره رجلي
جوري كافي
نوح هاي شلون هيج
جوري عوفها
لزمت ملابسي ارجف من الألم بلعت ريكي باقيه هيج احاول اهدي بروحي البزعت من هنا!
نوح دحكين لأذيتي انا رموني بسلاحهم
جوري ماحب اشوف جسم احد.
هز راسه ماحاجي شي
جوري راح اضل هنا اهواي
نوح اتمنى تضلين
جوري اسم الله بيش طالبني
ضحك بهدوء
نوح لاصدك اريدج تطلعين ب اسرع وقت ماحب ادحكلج تتاذين بس همن تعودت عليج
جوري مصارلي اسبوع حتى
نوح ماعرف
جوري لو يسمعك ذياب
نوح رجلج.
جوري اي
نوح اضن ماتحبينه؟
سكتت اباوعله هوه مايل راسه
نوح يعني ماعرف اسمع تحجين علي
جوري سد الموضوع
نوح حاضر، بس ليش لحد هساع ما اجه
جوري مايعرف بمكاني.
نوح هوه ضابط لازم تجي كل سوالف عنج اذا راد
جوري صدك؟
نوح اي اكو ناس يجيبون اضن هاملج
جوري جؤ موهيج هوه مو عالم الغيب استغفر الله اصلا زين منه عرف انخطفت
نوح الله يحفضكم
مارديت مخليه جيس عليه اغطي بشعري اكثر ضميت وجهي ب ايدي مغمضه عيوني واحجي بيني وبين نفسي
جوري معقوله صدك، لهدرجه كارهني.
عضيت شفتي حاسه بدمعتي نازله على خدي حاره مثل شراره گلبي الاچمني.
نوح شكثر عمره
جوري ليش؟
نوح اسأل لان الدحكله انتي صغيره.
جوري بثلاثين هوه
نوح احح!
جوري شكو
نوح وانتي عمرج 17يعني من تصيرين عشرينيه هوه اربعيني.!
جوري اي
نوح شلون وافقتي بي
جوري نوح لاتسأل اسأله ماتعنيك
ححباب
هز راسه صافن
نوح هوه قوي؟
غمضت عيوني متنهده
جوري اي
نوح يعني ذول الهين يكدر يطكهم
جوري ماعرف بس قوي
نوح اقوى مني
باوعتله رافعه أچتافاتي
جوري طبعا.
ذياب مديت ايدي الجيبي مطلع سبحه من دمها.
لزمتها امشي ايدي على خرزه خرزه زفرت نفسي بحسره رافع شوية من القناع مقربها يم شفايفي بايسها
رجعتها الجيبي
باوعت للسايق بادي بكوه فاتح عيونه طبطبت على چتفه
ذياب خلي نغير
شنو سيدي
ذياب واضح عليك تعبان انا اكمل بدالك
لاسيد عوفها
ذياب لاتلح عوفها وزت روحك يم درع
عافها مسوي كلامي انا انتقلت المكانه مكمل سياقه دايس برجلي اكثر زايده سرعه
درع موهيج تزرعد ذياب.
ماجاوبت ماشي اسرع مرةة كم ساعه ورفعت راسي اباوع بغداد ترحب بكم
رفعت راسي اباوع بلمرايه مراقب سيارات مشيت اكثر من فرع متيه
انتبهت اكو سياره ورانه بس تمشي بعيد
ذياب أستغفر الله
درت الستيرن داخل بوسط سوك
ذياب درع يلا
نزلنه اثنينه وانا نزعت قناعي و دخلنه بنص الناس انا دخلت محل ودرع الغير محل
ذياب اريد ملابس هساع
عدنه اهواي ملابس كدامك واختار براحتك استاذ.
جريت فانيله نص ردان اسود كاشف وقمصله جلد سوده وبجامه ثخينه هم اسود كحلي.
فتت للغرفه لابسهن وطلعت
ذياب شكثر سعرهن
حاسبني وانا داير وجهي اباوع الدرع داخل محل حلويات
ذياب غمه
باوعت لابو المحل انطيته الفلوس ردت اطلع باوعتله
ذياب ااكو جيس؟
علاكه اي
هزيت راسي انطاني طلعت قناعي ضامه بجيبي والاسلكي و سبحه مطلع فلوسي ضامهن وساد سحاب جيوبي ضميت ملابسي بلعلاكه اول ماطلعت شمرتهن ب حاويه.
ذياب لك لاتصير أغم حجيتلك تتكحز للااكل؟
درع ماحجيت انتَ
ذياب ايي بس خطتنه شنوو مافهمت عيوني
درع شنو عرفني
جريته لكيت محل ملابس صفكت مأشرله يروح
ذياب غير ملابسك غاد
هوه راح وانا دخلت للمحل مال عسكريين اباوع صافن
لزمت ركبتي من وره اباوع
خويه محتاج شي
دورت بعيوني مالكيت هزيت راسي نافي وطلعت رحت لابو المحل بي درع ولكيته يبيع اقنعه سود ثثخينه
ذياب أريد ثلاثه.
هز راسه منطيني سوده وبني ورصاصي اخذت سوده لابسها وجريت كرسي كاعد منتضره طلع لابس تيشيرت ردان ثخينه مخططه احمر طوخ ورصاصي
ذياب شنوهاي؟
درع اندري
باوع لابو المحل ابتسم
درع اريدهن
ذياب لاغير
اجه يمي
درع مماحب اغير ملابسي
ذياب وذا غيرت وشنوهاي شنو مختار
باوعت اعدله بملابسه اكتافات بي
درع هوه اختارلي
ذياب يلا احسن هيج
كمت شامرله القناع يلبسه وانطيت فلوس وطلعنه نمشي مقنعين وناس تباوع علينه عاكده حواجبها.
ذياب جثير ناس هين
درع مناطق شعبيه ذن
مسحت بعيوني فاتح سحاب جيبي مدخل ايدي اتلمس بسبحه خرزه خرزه مكمل مشي اباوع للناس مستغربه من عدنه و بردانين ويفترون
تقربت يم شايب شفته مخلي عربانه مالته وبصفه كرسي كاعد منزل راسه رحت يمه مدنك
ذياب شلونك حجي
باوعلي مبتسم رفع ايده يسلم
الحمدلله بخير ابني
ذياب حجي تعرف وين شارع الكفاح
اي هاي منطقه هنا...
حجه يأشرلي هزيت راسي كايم اباوع شنو يبيع لكيت جكاير بخور وريمونت وساعات بيهن عاديات
ذياب اريد جكاير وعطر هذا شنو
اي عطر مسح تشم عطره
اخذت واحد عجبني عطره واخذت اربع باكيتات جكاير طلعت فلوس منطي فوك حقهن
الله يخليك ويحفضك ابني
ذياب حجي
ابتسمت مطلع جكاره مورثها اخذت نفس ودرت وجهي زافره باوعتله
ذياب ادعي ألاكيها وترجعلي
رفع ايده الترجف للسماء يحجي رافع عيونه
والله اتمنى تلاگيها بهل يوم بحق محمد وال محمد.
ابتسمت لازم راسه بايسه
ذياب الله يحفضك
درت وجهي لكيت درع رافع قناعه ياكل ويباوع
اشرتله نمشي نزل قناعه
درع ليش ما جبت مثلك يضوج هذا
باوعتله ادخن
ذياب نفسه
اشرلي ناحيه قناع مابي فتحه من ناحيه الحلك
ذياب تريد اكصها الك بمكص؟
درع لاعوفه هساع وين نمشي
ذياب الشارع كفاح .
وكفنه تكسي صاعدين تنهدت نازع القناع ضليت اباوع من جام ساكت
الله بلخير
ذياب انتَ الخير يبه
ابتسم سايق ماشي بينه مرة دقايق و وصلنه...
لبست القناع نازل خليت عطر بجيب قمصله اباوع للمكان بالع ريكي
ذياب حمامتي هين
باوعت الناس تفتر وقليلين اكثريه بيوت قديمه
دخلت بين درابيين وحده منهم اكو وايرات نزلت راسي مدنك عابر امشي وعيوني دور بلمكان
فتحت الأسلكي احجي مدخل ايدي ثانيه بجيب القمصله لحد ماجايني صوت عالي
جوري وخرت راسي متنهده
نوح تنامين
جوري لا
ماحجى متمدد بكوه مغمض عيونه متاذي ون قوي يتنفس سريع باوعتله منقبض گلبي علي
جوري متاذي حيل؟
نوح غير طلقه
جوري شلون هيج ينطيهم گلبهم
نوح على كولتج جلابه
جوري لايسمعونك
نوح ليش انتي موتحجيها
ماحجيت هوه لزم مكان الاصابه يباوعلي
نوح لو لان مايصيرلي شي ذياب
جوري شسالفتكم كلكم حاطين عيونكم على ذياب
نوح لان احنه نتاذه حيل فا من ندحك هيج نكول
جوري هنيالي مو
هز راسه
نوح همن ماريد تتاذين ماحب اضوج بس الاكثريه هين يخلون بالهم انو يقارنون بينج وبينهم
جوري ماشايفين حياتي
نوح شطبه حياتج لاشي يم ذني الهين.
جوري مامجبوره اعيش بحزن حتى انافس غيري انا عشت بقهر وشفت الحزن اليملي العين
نوح ما فرحانه ويه ذياب
باوعتله عاكده حواجبي
جوري شبيك كل ما احجي جبت سيرته
نوح اذا موسعيده اطلكي
جوري ههوه
نوح صدك؟
جوري احنه متفقين نطلك
نوح احجي ليش ماخلصج من هين
ضجت من كلامه ردت اكوم لزم ايدي دفعته خازرته
نوح لاتضوجين بس هاي صدك
جوري نوح لاتدخل بحياتي فاهم
نوح حاضر
شبكت ايديه سويه مخليتهن جوه حنجي صافنه
جوري راح ابقى بكل حياتي هنا.
نوح اذا اجاج روميو تخلصين
باوعتله وضحكت هوه هم ضحك
نوح تعرفين صارلي سنتين ماضاحك
جوري ايع شلون متحمل هنا
نوح شنو انسوي بعد
جوري شيسوللكم بس هيج كاعدين؟
نوح لا هين يتاجرون و
مافهمت مايله راسي
جوري شنو يعني
نوح مثل ملهى
جوري ايع، احنه وين
نوح الاعرفه بغداد
جوري شنوو
نوح اششش
جوري لهجتكم موبغداديه
نوح ااحنه ماخذينه من شمال فا دحكين هين متنوع حتى بلهجتي راح تلاكيها صايره مامضبوطه
جوري لامضبوطه
نوح تعرفين للهجات؟
جوري زلمتي انباري
هز راسه صافن على سكف كمت انا هوه دار يباوعلي
جوري يمعووووودين
نوح تا تسويين يولل!
فزن بنات يباوعلي تنهدن ضايجات مني
جوري ياااا اهل البيييييت
سمعت صوت مفاتيح بللت شفايفي واكفه رافعه راسي انفتح الباب داخله بنيه جديده
شبيج تصيححين؟
جوري اريد اكل جوعانه
ممو وكته
جوري اريد اروح للحمام
تمام
تقربت يمي فاتحه سلاسل من رجلي
نزلت. راسي أشرلها
جوري رجلي وخري هذا توجعني
لا
جوري ماكدر امشي.
صفنت شوي مطلعه مفتاح وخرته باوعت الرجلي شلون واضح انغراس الحدايد برجلي مشيت على كعب رجلي بكوه اعرج
لاطولين راح احسب
جوري اي
عدلت جيس على راسي اضمضم بشعري وهيه تباوعلي
فتت للحمام مخليه طرف ملابسي على خشمي لعبانه روحي من ريحه
جوري ماكدر هنا اطلع
خليت ايدي اريد اصعد وماكدرت مغمضه عيوني متوجعه من رجلي بجيت منزله راسي
جوري اريد اطلع، اكرهك حقيرر ذياب بس اشوفك اله اخنكك ياحقيررر
خلصتي؟
جوري هسه لو صدك وين الحك هم تخرط هاي
فتحت الباب شهكت خازرتها
جوري شبييييج
امشي يلا فوتي
جوري اريد اغسل
دفعتني قوي من ضهري
يلا
مشيت اباوع للمكان قذر لاخر درجه وضلام بس احد يشوفه من بعيد ينحبس گلبه
نزلت راسي امشي بكوه على كعب رجلي اعدل بجيس ودخلتني مره ثانيه نست تحطلي سلاسل بقيت كاعده متنفسه براحه
نوح مخليه بالج تفلين؟
جوري اي
نوح حيل تتمنين اشياء اكبر منج
جوري اانجب
باوعلي مبتسم.
نوح ان شاء لله يجي يوم ونطلع من هين انا وياج
ممارديت متنهده
جوري ملل مليت هنا
نوح شتحجين عليه عجل
جوري معليه بييكم معلييه اكررره احد يقارررني ب احد كافيي
باوعلي مستغرب من عصبيتي
نوح صدك اسمج شطبه؟
جوري ششعليك؟
نوح ماكو بنيه اسمها شطبه
جوري لاتدخل كافي
نوح سامحيني
جوري يجفصون بطني وسامحيني نفس ذاك
نوح هههههه ياهوه؟
باوعتله ساكته
نوح رجلج تاذيج؟
درت وجهي صافنه وهمهمت
نوح بلا ادحك
لزمها تاذيت موخره رجلي سريع
نوح اسف.
رجع لزمها باوعلي
نوح جرح قوي
جوري اي توجعني
نوح يلا جم يوم وتصيرين احسن مو
جوري تعودت اتشافى من وحدي
نوح سباعيه شطبه
باوعتله بسرعه ضايجه بلعت ريكي هوه مافتهم كمت
جوري انت تعرف تحجي بغدادي او جنوبي؟
نوح اعرف شوي بغدادي
جوري لعد عوفف لهجه الانباررر عوفهاا
كعدت زافره نفسي ضايجه احس راح اتسودن اريد اضرب راسي بلحايط واخلص متشائمه وضايجه بهل مكان حيلل
وجاي اضوج اكثرر من كلساع اتذكر ذياب.
نوح عش عصبتي؟
خليت ايدي على راسي متنرفزه مغمضه عيوني
جوري عوووف عششش عوفهااا كول ليش عليشش هيييج لاتكول عش
نوح تمام اسف ارتاحي اخذي نفس
مارديت صرت كاعده متربعه بس رجلي المتعوره مادتها دايره وجهي اتنفس سريع
نوح حاضر راح احجي بغدادي
جوري ياريت
براء ادري ماتستكيين
جوري كافي انجبي انتي ثانيه
كامت بسرعه تريد تضربني واجه نوح كايم غمض عيونه متألم من اصابته
براء شبلااك
نوح مابيه عوفيها
براء الزمي السانج شطبه
جوري دووولي.
رادت تهجم ومد ايده نوح ضاجت ساكته وراحت رجعت. المكانها كعدت بنهايه الغرفه على زاويه مخليه ايدي على اذاناتي مغمضه عيوني
شوية وتقرب يمي
نوح ليش هيج تغمضين
جوري اتخيل هذا كله حلم
فتحت عيوني بهدوء نازله دموعي
حاجيه بغصه الحارگه بلعومي ونغزات بگلبي قوي صايره
جوري لو بابا عايش ماجان صارلي هيج
تنهد كاعد گبالي على كيف ولازم جرحه
نوح الله يرحمه، شطبه، تسمعيني؟
جوري كافي ماريد احجي ويه احد.
تنهد عايفني وزحف اليوره متچي على الحايط
نوح اضن كله بسبب ذياب
باوعتله مايله راسي
جوري صح
انفتح الباب قوي داخلين ثلث بنات بيديهن زي غريب
جوري اللهم سترك يارب
نوح شكو؟
رفعت أچتافاتي بمعنى ماعرف هوه كام رايح يمهم
نوح شنوهاي
جاوبته وحده من بنات تشمر العبايات على النسوان
مايخصك الموضوع
دفعته طاح بلكاع صايح متألم انقهرت على بس ماكمت ولاشي ثانيه تصفك تحجي بصوت عالي
يلااا كووومن البسن ذني عبايات سررريع.
وحده منهن انتبهتلي شمرت العبايه كورت العبايه وشمرتها عليها خزرتني ضربتني راشدي جاره شعري طايح جيس
لج ادبسززز اربيج تررردين؟
ثانيه ركضت سريع توخر بيدها
ععوفيهاا هاي لاا
عافتني شامره العبايه
ككومي البسيها يلا
تنهدت عاضه باطن شفتي حاسه راح ينفذ صبري كمت لابستها وبدوا يطلعونه ووحده وحده انا امشي بكوه على كعب رجلي وهنه يدفعني
بسرررعه
جوري غيرر رجلي
خزرتني درت وجهي امشي وحده منهن شاورت بنيه شوية واجت جارتني.
جوري عوووفيييني شبيييج وخري
باوعت للبنات يمشوهن بطريق اله انا بغير طريق تجر بيه قوي ونيت من وجع رجلي نازله دموعي
جوري لج وخررري
دخلتني المكان باوعت خايفه لكيت رجال كاعد اسمر ححيل راسه بطول عنده شامه بخشمه وكرش لابس ابيض وعتره حمره لافها رفع راسه شافني ابتسم فاك عيونه بقوتهن
صالح هي هاي
اي مولاي.
اشرلها تطلع بره ردت اركض وسدت الباب صرخت خايفه هوه كام جريت مزهريه مخليها على جرار خشب فاتحه عيوني اباوعله لازمه المزهريه كوه وايديه يرجفن قوي
جوري وحك على بس تتتقرب ادميييك وحك علي
صالح لاتخافين اسمي صالح مو اسم شيعي؟
جوري وخرررر لاتجي
صالح مالزمج هسه لان ملتهين بواحد مضوجنه
رجع كعد ماخذ بطل شارب منه
جوري نخلي يضيعج وتجيني.
مافهمت كلامه بس انو اجي كرهت نفسي حتى لو فكرت صار گلبي يوجعني قوي حسيته راح يوكف نبض
لزمت گلبي ذابه المزهريه طايحه من ايدي وطلعت اتنفس من حلكي بكوه
غمضت عيوني احاول اخذ نفس قوي
جوري يامخرج يونس من الحوت اخرجني من بطن المطي هذا
اجت البنيه جارتني مرجعتني ويه البنات
مشيت و وكفتني
اوكفي
وكفت ارجف انتبهت جرت نقاب شاده عليه مخليه شال خفيف ضام حته عيوني بس اشوف بشكل مو واضح.
روحي وديربالج تفكرين تشردين او تشيلين النقاب
عفتها وجرت ايدي قوي دفعتها
من احجي وياج احجييي وجاوبي
جوري ايي
ماقتنعت لان نترت بيها عفتها ماشيه ويه البنات ابجي منزله راسي وطلعوني رفعت راسي بسرعه مامصدكه هذا شارع بس اهواي نسوان يمشن وياي واكو واكفين يخافون لا نشرد
بقيت منزله راسي امشي ويه نسوان لابسات مثلي...
مسره
شلت شعري مخليه قراصه ولبست ربطه شادتها ورده من كدام باوعت الامي كاعده تسوي الخضره
رحت يمها متربعه صافنه الها
انتبهتلي ونزلت راسها مكمله شغلها
شنو شبلاج
مسره ماما احنى ليش خداميين البيت فرج
رفعت راسها خازرتني
شنو ماعاجبج
مسره ماما ترا انقهر من احد يعرف احنه خداميين الهم
وذا شنو يعني؟
مسره ههساع احد يريد يتزوجني شلون
اششش لاتسمعج حصه عيب بنيه تحجي هيج
مسره ليش؟
مايصيرر عيب بعدج صغيره همن.
مسره وجوري موعمرها 16تزوجت ومن خالي همن ضابط وعنده خير من الله هيه فقي.
ككافي
باوعتلها مجتمعه دموعي
مسره ونوف همن بكثر عمري واخذت ضرغام
جوري ونوف مايتعيبن حتى تحجين هيج
مسره اعرف بس ازواجهم وضعهم احسن
نوف ماشاءالله بجمالها احلى وحده
وجوري همن حلوه عين بارده حولها
مسره وانا
ببنتي حلوه انتي بس نصيبج موهساع
علي كوله رمله اتذكر تحجي كل تأخيره الها خيره
مسره يارمله؟
نزلت راسي تكطع بلكرفس
ام جوري
مسره ها.
سكتت شوي صافنه وتذكرت
مسره امي
هها حبيبتي
مسره معاذ مو قبل رادني
باوعتلي هازه راسها
اي؟
مسره دحكي امه اذا بعد يريدني موافقه
استغفرت كايمه شايله طاسه وصينيه الخضره
شبلاج يامصكوووعه تردين تزوجين تلزگ
مسره مابي شي معاذ
كافي اسكتي لاتعيدين هل سالفه
عافتني وطلعت بقيت كاعده نزلت راسي لكيت خضره شوي طايحه اخذتها ماكلتها وكمت طالعه للصاله شفت حصه بيدها تلفونها وتبجي
مسره ليش تبجين
حصه هاي بنيه تا تسوي كصايب.
مسره وين اليبجي
حصه جوريه
گلبت عيوني ضاحكه ههيه هزت ايدها طلعت بره كاعده بلكاعيه خليت ايدي جوه راسي اتذكر
مسره كلهن اتكحزن يم ازواجهن اله اني
تنهدت باوعت لكيت هاله جايه من وره البيت بيديها ملابس وعاكده حواجبها
شافتني
هاله هاا اشو كاعده هين
مسره ضوجه
هاله صاحباتج عافنج
مارديت هزت ايدها ودخلت جوه فايته رفعت راسي للسماء
مسره والله السماء حلوهه
اجت غدير جايبه بطاسه ملابس ابنها غاسلتهن شافتني
غدير ها شو كاعده.
مسره اهووو
ضحكت راحت تشر الهدوم واجتني كاعده كبالي
غدير راد لهاي كعده دليميه من ايدج
مسره غدير
غدير ها
مسره شنو تكولين عن جوري
غدير بيها شي؟
مسره لا احجي عنها سوالفها هيج
غدير حلوه وهمن سوالفها حلوه يعني تصير واعيه و تصير تسوي سوالف جهال بس صغيره عادي
مسره لا يعني سالفه تصير زوجه ثانيه عادي؟
غدير انجبرت هيه
مسره ايي؟
غدير شنو اي رب العالمين حلل للرجال اربعه بس احس لا موحلو اصير ثانيه.
هزيت راسي ساكته باوعتلي رافعه حاجبها
تعلج
غدير عجل عش هل سؤال؟
مسره هيج موقبل شوي دحكت الهاله
هزت ايدها غامه جوه عود على هاله ضحكت وهي كامت ماخذه طاسه تطك بلعلج
غدير فوتي جوه. لايفوتون سياره ويدوسونج
مسره شيخ فرج مايجي اليوم
غدير لا امينه تكول عنده سالفه بلعماره يحلها ويجي
مسره ها تمام
كمت هيه دخلت وانفتح الباب انداريت بسرعه اباوع وابتسمت شايفته دكلي هورن ابتعدت ودخل سياره نزل جام يباوعلي
ضرغام شلونك سمسم.
مسره ماحجي وياك
ضرغام افا افا عش هيج؟
مسره راسلتك بليل ماجاوبتني
ضرغام مادحكتلها بس يلا اجيتج
ابتسمت هوه نزل بيده علاكه صغيره
ضرغام اخذي
مسره شنوهاي
ضرغام هديه
باوعت لكيتها سلسله ذهب بيها حيوان الحيه ملتف على شكل گلب
فرحت حيل ردت احضنه حمحم خازرني
ضرغام ضميها لاتلاكيها امج
هزيت راسي وهوه دخل شمرت العلاكه بسيارته فايته وراه
مسره نوف ماكو
ضرغام اي نايمه
دخل راح يسلم على بيبي حصه شاف بيدها صوره خالد.
حصه ههلا بيك حفيدي هلا بيك
كعد واجت امي وامه وخاله امينه يسلمن عليه ويبوسنه كاعدات يمه ضجت اباوعله
باوعلي وضحك
ضرغام اي سمسم شلونج
مسره الحمدلله
ضرغام سمعت تردين تكملين دراسه
ام مسره لاوين ههاي كبل هساع تريد توافق على معاذ
صفن باوعلي شبكت ايديه سويه خايفه
ضرغام تزوجين؟
ام مسره انا مارضيت
عافهن وكام جاي يمي واكف خفت اباوعلهم مستغربين رجعت داحسه روحي للحايط
ضرغام شنو هذا الحجي؟
مسره هيج حجيتها الماما.
عاط بيه قوي فزيت
ضرغام لاتصيررييين سزز
نزلت راسي ردت اكوم وجراني من ملابسي
ضرغام وين
ام مسره يمه على بختك شنو سالفه موهييج
ضرغام من يمتى عدنه بنات يفكررن هيج؟
عفته داخله للغرفه ساده الباب ابجي خايفه منه اسمع امي تحاجي
ام مسره ادري هي عقلها مو براسها اعذرها ياعيني
رحت للجربايه مالتي متمدده نايمه صفح حاضنه دبدبي الابيض ابجي
مرةة دقايق وانا ضامه وجهي بلدبدوب شوي وانفتح الباب حاسه بخطوات بطيئه وانسد.
ضرغام شنو هذا الحجي
وخرت دبدوب خايفه
مسره اطللع
جراني قوي طايح راسي على افخاذ رجله ردت اكوم وعصر فكي قوي فاتح عيونه
ضرغام شنو مدحكتلي زعطووط وتضحكيين عليه؟
مسره موهييج والله بس انت ماتريدني
وخرته بكوه كايمه لازمه فكي متوجعه تقرب لازم وجهي عيونه ذبلانات
ضرغام انا من صغر هاويچ سمسمه
بلعت ريكي ماحاجيه شي لزم راسي بايس كصتي
ضرغام لاتخلين بالج هيج وكبري عقلج مو ماجاوبتج على رساله هيج تفكرين وتحجين.
مسره ضرغام انت متزوج
ضرغام صصدكي نوف همن ماتريدني اعاملها مثل قبل نلعب نسولف ونتعارك لاتخلين بالج هاويها اني
مسره منو يكول ماتحبك
ضرغام ههي حجت واتفاهمنه بهل سالفه جم شهر ونتطلك واتزوجج
ماعرف شنو احجي مسح دموعي مبتسم
ضرغام وريتي گلبو لضرغامج
اخذ ايدي بايس باطنها.
ذياب
اباوع الرجال كاعد ومشغل قصيده
انت حيرتني انت عجبتني انت منو، حسيني.
درت وجهي داك تلفوني فتحته احجي
ذياب اي بلمحل ضبط.
نزلت راسي مركز بلمكالمه ورجاى على صوت القصيده
ذياب اصبر ثواني
مشيت داخل الفرع ثاني مقرب التلفون احجي
ذياب ها تسمعني؟ واضح صوتي
هزيت راسي نحجي باوعت رجال يمشون و عينهم اليوره طلعت ب ايد وحده من جيب قمصلتي جكاره مخليها بين شفايفي
ذياب ماعرفت يامنطقه.
طلعت جداحه اباوع للجكاره مضيك عيونها مورثها رجعت جداحه بجيبي ماخذ نفس طويل من جكاره
وخرتها زافر نفسي من خشمي متنهد.
ذياب اخر شي حجاه انو درب اسمه شارع الكفاح بس هين البيوت جثير تعبانات
جاي احجي وصار رعيد قوي رفعت راسي للسماء اباوع همست بيني وبين نفسي
ذياب يارب بهل سماء وبنيها ألاكيها
بللت شفايفي ماخذ نفس ثاني من جكاره رافع مقدمه حواجبي
ذياب رئيس انا اكول انجيب ويانه مجموعه للتأمين اكثر.
سكتت اسمع الحجي مالته
ذياب سهله زلاطه بس كون
سكتت مامكملها هامس بصوت ناصي زافر دخان
ذياب اطير راسه المتگربلها.
دخل درع للبيت المفلش يمشي على طابوك
درع ها نفوت؟
أشرتله بيدي يصبر هوه اتقرب ماخذ من جيبي العطر فتحه شماه وحط منه على ملابسه وركبته سداها ورجعها بحوش بجيبي مطلع السبحه جريتها منه بسرعه خازره
ذياب اكعد لك
علي منو
ذياب لارئيس كمل
كملت اتصال ودرع يضحك لفيت سبحه على ايدي وصار صوت رعيد اقوى
درع دحك الغيوووم راح تمطرر
أشرتله يسكت هوه رجع القناع صافن على السماء
درع وحك الله راح تمطر.
ذياب اجيبه واجيب ابو حلفت اطير روؤسهم
باوعلي درع يغمز
درع وحكهاا؟ هاا وحك ام كصايب
كورت ايدي ضارب بطنه قوي ضحك لازم بطنه
درع مو أيددد اشتعل فروووجه
سسديت الاتصال ضارب چتفه جاره مثل اخنك بي بس على كيفي
ذياب لك ماتوب سوالفك
درع راح تمطر قناص
ذياب ان شاء لله فرج
درع راح تمطر ماكتلك جايك ولد
هزيت ايدي على سوالفه ماخذ نفس من جكاره
درع فرج تلاكي بلعماره
ذياب ابوي؟
درع اي
ذياب شنو عرفك
درع اضنه يحب ام جوري.
ذياب كافي لاتكثر بلحجي لا افلع عيونك
درع ترا صدك كل شوية تلاكي بلعماره
ذياب وين ملاكي
درع صاحبي مدحكله بسوك وصوبه مره
رفعت حاجبي شاك
ذياب ول يبه
درع قناصي
ذياب أنلصم
ضحك طفيت جكاره بطرف اصبعي ماشي وشمرتها
درع مطرت
طاحت جم نقطه على سترتي جلد عدلت قناعي اريد اطلع من البيت وفاتوا ولد
ونسوان من جهه مالتي اهوايه مبوشات ومنزلات روؤسهن
وكفت ماطالع منزل راسي منتضرهن يروحن شوي وصار همس
شطبه انتضريني.
رفعت راسي بسرعه اباوع...