رواية عكد الظفيرة للكاتبة زينب جعفر الفصل الرابع والعشرون
نوف عمو فرج ماات!
باوعتلها بسرعه شاهكه بصوت عالي
درع لا اله الا الله
جوري درع شجاي تحجي نوف شنو عمو فرج مات صدك هل حجي
درع بعد ماعارفين زين بس الجثير ميت
ضربت على صدري منقبض گلبي
جوري ش. شلون
طلع ذياب من بيتهم صاير عصبي مكور ايده تقرب يم سياره ضارب عليها
ذياب وييييين هااا
خفت منه لايرزلني كدامهم ضليت متصنمه هوه فتح الباب يباوعلي
ذياب انزلي.
بقيت كاعده بس أبلع ريكي فتح عيونه على حيلهن بسرعه نزلت منزله راسي وهوه سد الباب قوي
درع امشيها للمرحوم
جر ايدي قوي ماخذني على صفحه
جوري حباب لاتعيط عليه هنا
ضيك عيونه كاز على سنونه يحجي بنتر
ذياب وين تمشين تردين؟ ها
حجيت بكوه اباوع العيونه
جوري للعماره
ضغط اقوى على ايدي طلع صوت مني متعوره
ذياب وترردين بس تتكحزين بس تردين تعوفيني مو شنو مو مصارلنه دقايق من اجينه لل هين
جوري ايدي.
ذياب تفوتين جووه وحك السواج اذا رجلج فاتت هل درب مره ثانيه.
مايلت راسي نازله دمعتي منتضرته يكمل حجيه
جوري شنو اتسوي
ذياب فوتي جوه لاطلعيني من أعصابي مو وكتج والله
جوري أيدي
عاف ايدي رافعه ايده مشيت بسرعه ماسحه دمعتي فتت جوه لكيتهم بعدهم يلطمون وهاله طابكه ايديها تباوعلي وضايجه گالبه خلقتها
مسره جوري
فزيت على صوتها اباوعلها
جوري ها
مسره تعي نطلع فوك
هزيت راسي اخذت بطرف حجابي امسح وجهي عركت رغم بروده جو.
نزلت راسي ماشيه داخله جوه
خطيت اول خطواتي جوهه باوعت للبيت متغير الأثاث وصابغين ذهبي وابيض جديد نفس ديكور قديم تقريبا بس احلى ولون ذهبي بارز
مسحت عيوني رايحه ناحيه درج صاعده
جوري حماماتي
مسره لايضل بالج
تنهدت براحه خفيف ثگل منزاح من گلبي وانما لچم كله على خبر عمي
رغم مشايفته اهواي بس اكو مشاهد بيني وبينه وجان يحبني حاول يعتبرني وحده من بناته.
وصلت يم باب غرفتي الثواني رجعتلي كل ذكريات من اول ليله بيني وبين ذياب الى اخر لحظه رحت وياه الشغله.
فتحت الباب ماخذه نفس عميق اباوع الغرفتي فارشيين فراشات شتويه والغرفه نضيفه اجت عيني على باب السطح مشيت بسرعه افتح بلباب
باوعت ولكيتهن
جوري عطواتي
كعدت بلكاع اباوعلهن وهنه طارن يمي بسرعه ضحكت راجف جسمي بللت شفايفي لازمه عطوه اباوعلها لكيتها ضعفانه حيل صايره طويله.
جوري ليش هيج ضعفانه ياروحي ها گليباتي انتن
بستها وعطي ضل يطير فوك راسي على شكل دويره ابتسمت حاسه راجعلي النفس من شفت ذكره من ابويه
باوعت المسره لكيتها صافنه وجها منصفر حيل مشيت يمها لازمه چتفها فزت حاسه عليه تباوعلي
مسره ها محتاجه شي
حضنتها قوي بقت ثواني وردتلي الحضن
مسره اشتاقيتلج
جوري اكثر وچفوف العباس
باوعتلي عيونها حمر دموعها نازلات على خدودها
مسره ردت الاكيج خوش ملگه بس
جوري اعرف.
نزلت راسها ساكته عافتني وطلعت من الغرفه سامعه حسرتها
درت وجهي اباوعلهن للحمامات ابتسمت بتعب مرجعه راسي للحايط
جوري معقوله عمو فرج مات؟
رفعت راسي للسماء اباوعلها الغيوم صايره على رصاصي
جوري راح تمطر
باوعت جيس اكلهن فتحته شامرتهن اكل رفعت راسي اباوع للقفص
تقربت يمه طاخته
جوري بش شلونك نسيت انت صقر لو نسر ها
مديت اصبعي لازمه راسه هوه مغمض عيونه
جوري مخلص حياتك نوم.
وخرت اصبعي طالعه وسديت باب السطح ذبيت ملابسي فاتحه الكنتور طلعت دشداشه لون نيلي وفتت سديت الباب فاتحه الدوش نزل مي حار عليه فتحت شعري لكيته متشابك صاير ضليت افتح بشعري خليت شامبو غاسلته
اخذت صابونه اريد اليف جسمي حسيت عيوني غوشن ضليت اتحرك ماريد ابقى مغمضه عيوني بلعت ريكي خايفه
جوري ذياب.
طاحت مني صابونه دنكت اتلمس الكاعيه ادور عليها دايخه اكثر للحظه انعاد عليه مشهد كامل صرخت فاتحه عيوني اباوع اتنفس قوي بلعت ريكي فايته جوه دوش غاسله شعري على سريع
جوري عيوني
فركت عيوني قوي متوجعاتني من شامبو فايت بيهن
جوري اهووو
غسلت قوي ساده الدوش جاره خاولي مسحت وجهي
جوري استغفر الله
سكتت متذكره انا وين تنهدت لابسه ملابسي سريع فتحت الباب طالعه عاضه شفتي جوانيه صافنه رحت للميز منزله راسي
جوري راسي موتني.
فتحت جراره صغيره مطلعه مشط باوعت الروحي بلمرايه
انتبهت متصنمه اباوع لكيت صوره ابوي صغيره ملزوكه على المرايه
جوري بابا
لزمتها مبتسمه رفعت روحي بايستها
جوري منو لازكها
جريتها اباوعلها صوره مشايفتها الابويه فرحت حيل بيها حضنتها بصدري لا ارادي بجيت مسحت دموعي ابوس بيها
جوري منو خلاك هنا ها بابا
باوعت لليده تتحرك مسحت دموعي فاتحه الباب لكيته ذياب فات كبل ساد الباب كاعد على جربايه متمدد
جوري عمو فرج صدك مات؟
ذياب يكولون
تقربت يمه هوه طلع جكارتين طبك مورثهن وقربهن يم شفايفه ماخذ نفس كعدت يمه على طرف جربايه
جوري شنو يكولون؟
ذياب لاكين سيارته بس هوه لا
جوري وشلون هسه
ماجاوبني باوعت العيونه ذبلانات مسحت عيونه
جوري عندي احساس مابي شي
باوعلي جارني حاضني تعورت برجلي من كطف جكاره طخاني فزيت هوه انتبه
ذياب شنو
جوري رجلي حركتها
باوع الرجلي ماحاجي شي كام فاتح باب الغرفه
انداريتله
جوري وين
ذياب ابوي.
فهمت ماحجيت هوه عافني وطلع ساد الباب مر يومين كاملات وذياب ماكو وانا بغرفتي ما اطلع همه يجيبولي الاكل ومرات ينسوني خلصت وكتي ويه الحمامات
جوري شنو رأيجن احجيلجن شعر
خليت ايدي جوه حنجي صافنه على شوارع
جوري ياحماماتي ياعويناتي انا التعنيت الجن اهواي وانا الينزل عليجن دمعي بهداي
باوعتلهم لكيتهن كاعد ياكلن
جوري ططبعا هذا شعر جديد لاعبالجن حاجيته الاحد غيركم ابدا بتاتا
تنهدت كاعده يمهن
جوري ذياب وين صار.
باوعت للكاعيه اكو من اكلهن اخذته بيدي شامرته عليهن اجه عطيه يريد ياكله وعطوه سبقتى اكلته كله
جوري ام راس دنطي للولد ياكل غير ام انتي
هزيت ايدي غامتها فتت جوه لابسه شال ونزلت بدرج وانتبهت هاله بيديها سبحه الحمره تباوعلها وغزاله جاي تشاور بيها فكيت عيوني
نازله سريع
جوري هااااله
باوعتلي رافعه حاجبها
هاله ها؟
جوري شنوووو هاااا وين ماخذتهاا
هاله شصابج انتي؟ مهبوله.
جوري حرراميه عبالج مادري تردين تبوگينهاا مني شنوو هاي عود جاهله انتي اي حاجه تخصني تردين تاخذينه
سحبت السبحه قوي
جوري لو لان اخذت ذياب منج صرتي ماتشوفين طريقج بس تردين تضريني
فزيت على صوته عايط
ذياب جوري!
باوعتله مبينات شرايينه عيونه حمر رجعت اليوره بالعه ريكي
تقرب يمي يباوع الأيدي شاف سبحه جراها نتر من ايدي شهكت متوجعه ب اصبعي
ذياب اتأسفي
جوري هيه رادت تاخ...
قاطعني ساحب ايدي قوي
ذياب شحجيت.
حصه لاعوف جوريه أبني
ماستمعلها مبقي يباوع العيوني فاك عيونه على حيلهن اجتمعن دموعي راجفه شفتي
جوري ماريد عوفني
ضغط اقوى مغمض عيونه متنهد نزلت دمعتي شاهكه
حصه ياعيني لاتبجين عوفها ذياب ماسوت شي
باوعت الحصه محترك دمي
جوري انتيي ولي من وجهي
ماحسيت الى انضربت راشدي من ذياب من قوته ردت اطيح بلكاع لوما لازم ايدي عاتها قوي فتحت عيوني سامعه صفير اذني
ذياب بنت الكلب
حصه ذيااااااب لااااا.
فتحت عيوني اتنفس قوي حاسه بحراره خدي باوعتله فاكه عيوني لازمه خدي هوه استوعب زفر بحسره
ذياب استغفر الله ياربي
جوري عوف ايدي
ماعافها صرخت عليه دافعته
جوري عوووفني
امينه سمي بالله جوري
غزاله شنو اتسمي مادحكين السانها شكثر طوله
باوعت الحصه تبجي وتباوعلي دفعت ايد ذياب مني راكضه صاعده فوك فاتحه باب غرفتي داخله وسديته اتنفس قوي ضاغطه على ملابسي
جوري انا تضربني كدامهم.
بلعت ريكي كاعده على طرف جربايه بس اتنفس ورعشه بجسمي قويه كل ماله اضغط على ملابسي حتى تخف رعشتي
انفتح الباب فايت وانا صافنه على كنتور بس بالي مويمه متفشله من موقفي
ذياب جوري
كزيت على سنوني مامندارتله سد الباب متقرب يمي
ذياب كسر ب أيدي
جوري لاانا ولا ابوي جلابه ياذياب
ذياب ححشاكم والله اندارلكم فدوه
مارديت ساكته اجه راد يلزمني وخرت بسرعه خازرته
جوري رضيتها؟ كسرت عينها
ذياب ماردت اطكج بس بويه حصه مره.
جوري اششششش روح مني
ردت امشي جراني موخر كم اصبع من ايدي يباوعلها شاف اثر احمر من ضغطه عليه
ذياب هين تاذيتي؟
مارديت هوه قرب ايدي يم شفايفه يبوس بيها
ذياب اسف
انبزيت من شواربه سحبت ايدي كاعده هوه دنك جاي يمي كاعد على كب رجله بلكاع رافع راسه يباوعلي
ذياب اجيبلج ذهب تحبين ذهب؟
باوعتله نازلات دموعي اريد احجي ماتحملت بجيت قوي حجيت بكوه وانا اشهك
جوري تراضيني بذهب شنو مشاعري عندك زلاطه.
ذياب يابه سالفتج غلط والله واني من هين متأذي گلبي على ابوي وغاد شغلي وهساع صار ماكضيت اعصابي
مارديت دايره وجهي للجه ثانيه رفع دشداشتي مطلع حرك على كب رجلي
ذياب هين أذيتج؟
باوعتله بطرف عيني لكيته صافن بعيوني بتوسل تقرب بايس كب رجلي وخرت بسرعه هوه كام منزعني شالي بايس خدي
ذياب لوهين
جوري مكروهه
ذياب مرضيه منج حمامه
دفعته من أچتافه مانهزت منه شعره كمت لابسه شالي وفتحت الباب طالعه ردت انزل تذكرت موقف.
جوري شكد فشله
باوعت الغرفه غدير باب مفتوح مديت راسي لكيتها جاي اتبدل الأبنها عاكده حواجبها وتعلج ضايجه
جوري مشافت العركه همزين
رحت يمها داكه الباب باوعتلي ابتسمت مخليه خصل شعرها وره اذنها انتبهت لابسه تراجي ذهب اطوال على شكل خيوط
غدير فوتي ياحلوه
جوري شلونج
غدير تصدكين اذا احجيلج اشتاقيتلج كلت منو اكحلها بعد
ابتسمت كاعده يمها منزله راسي هيه نزلت راسها تباوعلي
غدير هذا شبلاه خدج؟
جوري ها
غدير خدج شصابه يول.
جوري مصخنه
غدير هاي بس صخ
ماحجيت وحجى ابنها
لاعمو ذياب طكاها
غدير اش لك سزز اتكحز الابوك يلا
دفعته هوه طلع يعدل بملابسه باوعتلي مطلعه علجها محتاره وين تخلي لزكته على باب كنتورها
غدير صدك؟
جوري شنو
غدير حماي طكاج؟
نزلت راسي مجتمعات دموعي من فشله تنهدت حاضنتني الصدرها لافحتني عطرها مال هيل ونعناع
غدير يلا عادي حبيبتي كل زلم هيج صدكي هاله شابعه طكات من ذياب
جوري ضربني كدامهم
غدير هاله مو جدامنه بس نسمع صوتها.
جوري حقير
غدير لاصدك هاله تغلط حماي واعرفه وهوه عصبي موبيده
جوري انا مغلطانه
وخرت اكرط ب اظافري مالت راسها تباوعلي
غدير شنو صار؟
جوري ماريد احجي
غدير يامصگوع يا ابني ال شنو حجى وهساع ضلت بروحي
مارديت كمت جرت ايدي
غدير ضجتي يول؟
جوري لا بس اريد اروح
طلعت منها نازله جوه لكيت هاله موجوده جرتني مبتسمه
هاله ها بلاشر بلا فلوس مو شلوني
جوري تلعبين الروح.
ضحكت عايفتني تهز ب ايدها لكيت حصه كاعده وتسبح باوعتلها مستغربه لان دافعتلي
جوري هاي وراها سالفه
رفعت راسها شافتني اباوعلها درت وجهي بسرعه ماشيه
حصه جوريه بيبي
باوعتلها بالعه ريكي
جوري ها
حصه أتگلطي تعي هين
تررددت بس رحت يمها كاعده أشرتلنه اكعد يمها طبطبت على قنفه ماتحركت
جوري شكو؟
حصه تعي
تقربت يمها هيه حركت أچتافي مخليتني قريب يمها ضجت ردت اكوم وجرتني
حصه لاتتكحزين اصبري.
ثبتت بمكاني اباوعلها مضيكه عيوني خايفه منها رغم عجوز بس قويه اعضامها
لزمت حنجي دايره وجهي وذبت شالي
جوري شتردين؟
حصه اسويلج كصايب
لزمت شالي وهي ثبتت ايدي
حصه اذا تحبين ابوج خليني
ماحجيت متنهده منزله راسي ذبت شالي وبدت تفرد شعري مسويته خصلتين وضلت تظفر
حصه الله شنو هذا شعر الحلو ماشاءالله
استغربت زايد خوفي منها خلصت مسويتلي ظفيرتين انداريت هيه بيديها طلعت كذلاتي صغار خلتهن على صفح مبتسمه
حصه ححلوه جوريه.
جوري اكو شي؟
رفعت راسي مثبته انضاري عليها ماحجت ماخذه ايدي تريد تبوسها جريت ايدي بسرعه
جوري شنو سالفه شكو
حصه ليش ماحجيتيلي انتِ حفيدتي
بقيت اباوعلها مامفتهمه تغيرها اجه ابن غدير بيده علاكه
فراس اكضبي
اخذت حصه منه مطلعه عصير برتقال ابو الخمسميه وكيكه ام العسل سوده
حصه اانتوا تكولون هاج مو
اباوعلها مبتسمه واضح بعيونها دموع حزنانه
جوري ماريد
حصه الزمي بيبي لايضل بالج مامخليتلج شي.
ما اخذت فراس اخذ جبس ودخل جوه هيه طلعت من العلاكه عصير نفسي فتحته وشربت منه شوي
حصه ها دحكتي
جوري عود شنو هاي؟
حصه اكلي
جوري ماريد
ماحجت منزله راسها ساده العصير مخليته بلكاع تنهدت ماخذه العصير فاتحته شاربه منه باوعتلي شبه ابتسامه صارت على شفايفها
جوري ماعرفتوا شي لعمو فرج
تحركن أچتافها باجيه وتهز براسها نافيه.
عفتها كايمه صاعده فوك فتحت الباب كاعده مرر الوقت وصار وكت العشى محد اجاني فتحت الباب نازله اباوعلهم جاي يصبون اكل وكلهم ضايجين بس ينكلون الاكل وساكتين والكاعدين منزليين روؤسهم
فتت للمطبخ اشوف شنو عشاهم
هاله ححياج
جوري اسكتي مني ترا شياطين تفتر فوك راسي هيج
لفيت ب اصبعي على شكل دائره
هاله هوه انتِ شيطان بت رمله
جوري شيطان وبگت رجلج جا لو ملاك شسوي
هاله شلوون راح اموتها بيدي.
هزيت ايدي غامتها رادت تجيني وامينه لزمتها خازرتها
امينه مو وكت سوالفجن عيب عليجن والله
جوري شعليه انا ماتشوفيها
امينه خلص جوري شو هم صايره ماعرف شلونج
سكتت ضايجه اتچيت على كاونتر مخليه ايديه وره ضهري
جوري نوف
باوعتلي معدله حجابها مجاوبتني وصوتها مبحوح
نوف ها حبيبتي
جوري ليش لابسه حجاب
نوف صاحب ذياب راح ياكل ويانه
جوري هاا ابو الباميه
مافتهمتني بس اخذت امواعين فاتت جوه
هاله طاكه خاوه.
جوري مال اطكج وافوخ گلبي بيج
هاله اتكحزي لج زعطوطه
جوري عجوووووز
هاله مادحكين زين الوججي
جوري خاب دروحي
ردت اطلع وفات ذياب رجعت اليوره اباوعله
ذياب شلونج
مارديت عليه مشيت طالعه من المطبخ سمعت صوت هاله باوعتلها لكيتها لازمته من ياخته مقربته الها وهوه يفرك بعيونه ب اثنين ايدي
هاله تعبان حبيبي
ذياب جثير
كشيت ملامحي اعيب عليهم غامتهم من وره
كعدت وياهم على سفره انطوني صمون غمست بلحم اباوعلها متروسه دهن.
جوري هاي شنو
باوعتلي مسره منتبه
مسره هي لحم
جوري اي اعرف بس شو هيج
مسره هاي قليه اكل موصلي
جوري متروسه زيت
مسره اي
اكلت منها ماضغه على كيفي وابتسمت عاجبتني
جوري طيبه حيل
مسره عافيه
قربت ماعون يمي اغمس واكل خطفت نضره سريعه للمطبخ ماشفت شي مايلت راسي وطلعوا ذياب منزل راسه وجها مخطوف لونه
امينه يمه حبيبي اتگلط اكل
رفع ايده هازها نافي وراح للدرج صاعد فوك لحكته هاله بقيت انا اكل
حصه جوري
رفعت راسي ماخذه كاسه مي.
جوري ها
حصه دحكي زلمتج تعبان
جريت ماعونها ماكله منه اباوعلها
جوري يمه هاله مايحتاجني
انطيتها الكاسه
جوري تكدرين تفتحينها ايدي ادمرت ماكدر افتحها
ماحجت تريد تفتحها ماكو
جوري هاي شبيها الكاسه
غزاله عجل مادحكين تارستها دهن
ماجاوبتها ولاباوعتلها اتنهدت كايمه مغسله ايدي بصابون نشفت ايدي بدشداشتي صاعده فوك شفت بابهم مردود فتحت الباب على كيفي ماده راسي اباوع شيسون.
لكيته فاتح دكم قميصه منزل راسه وكاعد على كرسي مرجع راسه اليوره مغمض عيونه
جوري هذا ليش فاتح دكم قميصه
حاولت احرك براسي حتى اشوف هاله وين شفتها بنهايه الغرفه جاي تكوي قميص اسود
جوري هذا اكيد القميص ذياب، من هسه موت ابو ولبس اسود
هاله شيخي حبيبي مايصير تسوي بنفسك هيج
جوري شيخها ام راس
ذياب ابويه هاله
هاله بس موحجيت موميت
ابتسمت بفرح من سمعت الخبر
جوري اذا مو ميت ليش ماحجى يريد امه تموت.
ذياب بس ما اله اثر بس الاعرفه عايش ومچني بيته
جوري يابيت
هاله يابيت؟
ذياب ماعرف ياهوه تمشينه اني ودرع الهن ماخليت واحد ماعررفه وماموجود
هاله شلون هيج؟
ذياب مادري تعبان حيل تعبان وراسي مأذيني
هاله زين شلون عرفتوا هوه عايش
ذياب بمحل سياره اتگربلنه اثنين وادم حجولنه هيج هوه حاجيلهم هيج يكلولنه
هاله ما دا افهم سالفه ليش هيج؟
جوري مايفكرون يمكن ذول جذابين
هاله بس لا حجيهم موصحيح
جوري اول مره تعجبني هاله.
ذياب لاصاحب ابوي اعرفه
هاله اي نخلي بالنه يجذب
كام گالب خلقته
ذياب اني مو اي واحد اثق بي وتعرفيني زين
هاله اي
ذب قميصه انا خليت ايديه على وجهي فرقت اصابيعي اباوع صار صوت هاله ناصي تحاجي
هاله ها
ذياب لا اريد امشي
هاله صار ليل ذياب
ذياب جوري
عكدت حواجبها مايله راسها
هاله بيها شي؟
ذياب مريضه اريد ادحكلها
فكيت عيوني ماخذه نفس قوي مبتسمه رحت الغرفتي فاتحه الباب على كيفي داخله وسديته.
عدلت دشداشتي اباوع الروحي بلمرايه
جوري شسوي
ااخذت عطر راشه منه فاتحه ظفاير شعري صار بي كسرات
جوري يمه شبيه
مشيت سريع عاضه شفتي مطفيه ضوه مبقيه بس الاصفر
جوري اضل بهاي لو اغير
رحت للكنتور فاتحته اباوع شلبس وانفتح الباب غرفه تفشلت ضليت واكفه مامنداره
ذياب جوري
خليت خصله من شعري وره اذني نازله كذلتي بجهه ثانيه انداريتله ساده باب كنتور هوه هم سداه باب غرفه متقرب يمي يباوع الشعري رفعت راسي اباوع العيونه.
ذياب بعدج زعلانه يبه؟
ماعرفت شنو اجاوب حسيت على نفسي ماطوله بلغلط واعتذر وحسب وضعه اسامحه بس سب ابوي
مشيت كاعده على طرف جربايه هوه اجه يمي واكف
ذياب دحكيلي
دنك كاعد مطلع من جيب بنطرونه علبه قربها يمي باوعت شرايينه بارزه ب أيده مرجعه انضاري العيونه
جوري شنوهاي
أشرلي افتحها فتحتها شفتها سلسله حمره تلمع على اطرفها كله لون فضي وبنص شذره على شكل ورده توليب بلون احمر غامق
ضليت صافنه مصدومه من جمالها.
ذياب مسوي اني ماكدرت ام...
جوري تخبل
ذياب حبيتيها؟
جوري حيل حلوه حيللل
ابتسم باوعتله صافنه بملامحه
جوري ما اكلت
ذياب انتي اكلتي؟
جوري اي
ذياب عافيه
جوري لازم تاكل تعبان حيل انت ذياب
كام مستند على طرف جربايه يباوعلي متنهد
ذياب ما أريد
جوري شوكت نحجي بسالفه طلاكنه؟
باوعلي بسرعه ماحاجي شي الثواني وتقرب
ماخذ سلسله مني موخر شعري يلبسنياها
ذياب ليش
جوري ليش اضل هنا اروح يم امي احسن
ذياب اامج موهي...
سكت فاتح عيونه مركز يسد بسلسله على ركبتي
جوري امي شبيها
ذياب ماتريدج
جوري شلون ماتريدني بلعكس تحبني حيل رغم تعصب عليه وعندها سوالف غلط
عدل شذره مالتي لازم وجهي ب اثنين ايديه
ذياب تحبج
جوري اي
سكتنه الثواني وحجيت بلا وعي
جوري وانتَ
عكد حواجبه مبتسم
ذياب شنو بيه؟
جوري تحبني؟
ذياب طبعا عزيزه عليه وحك السواج
جوري بس معزه
ذياب ليش تردين احبج حب؟
باوعتله متردده من حجيه هوه ضحك
ذياب اعرف مابينه حب لايضل بالج هيج حجيتها.
جوري انا ماحبك
ذياب مرضيه
جوري احسك تحبني
ذياب ححب شنو
جوري حب حب
ضحك بتعب مهتزه أچتافه
ذياب صغيروني شنو هاي سوالف؟
جوري لاصدك احسك تحبني
ذياب ليش حسيتي سويت شي خلاج تحسين هيج؟
جوري اي
هز راسه منتضر احجي
جوري بستني
تحولت ملامحه الجديه متنهد
ذياب عادي بابا
جوري وشلتني على ضهرك
ذياب فراس مو اطلعه على ضهري
جوري تقارني بطفل
ذياب عجل شنو انتِ صغيره حبيبي لاتخلين بالج سوالف حبجيات عيب
ماحجيت مبتسمه هوه جر راسي بايسه.
ذياب يلا راح اطلع
جوري وين
ذياب ان شاء لله تفرج والاكي ابوي، مادري شنو سالفتكم كل شوية واحد منفقد
خليت ايديه شابكتهن وره ضهري هوه طلع وصار صوت رمي فزيت...
نوف
عدلت شالي نازله لكيت درع واكف منطي ضهره لابس قمصله وشفقه وبيده ستره جلد زيتونيه
حس بحركتي من درج واندار
درع ها قناص
سكت من شافني نزل عينه بسرعه داير ضهره تقربت يمه
نوف احجيله
درع شنو؟
نوف احجيله صاحبك يحجيلي صگره
درع تردين تسويلج سالفه بهل ليل؟
نوف اي لان انت واحد ماتستحي
درع انت اخت ذياب؟
نوف محسوبه
درع حلو محسوبه يعني انتي الربوج هين
نوف اي ربوني ليش بيها شي
اندار يباوعلي مضيك عيونه
درع اتنازلت عن اول مرتبه لان مو اخت قناص فا هساع حاسبج واحد من اعراضه
نوف اي؟
درع اتكحزي بابا شنو احجيلج صگره شنو رمان
نوف تجذب ماحجيتلي!
درع ما غيرت حجي مالي بس ما محسوب مخلي عيني عليج
نوف ماريد ادحك وججك ويه خالو ذياب عوففه ماريد يمشون وياه هيج صحبان.
درع شنو مدحكتلي حاضن اربع نسوان وحده هين
اشر على ايده اليمنى
درع وحده هين
اشر على اليسره ونوب على صدره
درع وثانيه هين وثالثه غاد ورابعه، سكت مبلل شفايفه، اخ من يلساني
نوف شكثر سزز
درع اتكحزي بويه وجج محسوب بط محدرينه بلماي
نوف انا بط! ياحقير ابو نسوان
فتح عيونه بالع ريكه
درع استغفر الله ربي
نوف ها ضجت؟
درع طبعا لا اني هيج ههههه
نوف بلا احساس
درع عيني ام الاحساس اتكحزي ماحاجي اعراض صاحبي.
عفته فايته للمطبخ مطلعه سطله زبل خزرته اباوعله أشرله براسي
نوف اتكحزز هيييج
ماحجى شي متقدم بعيد عني
فتحت الباب ماده راسي
درع دا اتسوين
نوف مادحك اريد اامشي للحوش
مارد ردت اطلع سطل زبل وشفت كدامي هوه واكف وبيده شاجوور
نوف فلاح!
ماشافني رافع راسه مستهدف غرفه ذياب رمى بقيت متثبته بمكاني جامده بسرعه انجريت سريع مضروبه بلحايط
باوعت لكيت درع ساحبني وسد الباب لزم المفاتيح قافل الباب اكثر من مره باوعلي
درع صابج شي.
حسيت الم نزل على بطني بس صافنه مامستوعبه الصار جانت ايده صاير عكسها عليه بس ماطاخني بس بطرف ملابسي ولابس چف أسود
وخر ايده على كيف مأشرلي
درع اطلعي فوك
مامشيت بس صافنه فززني بصوته
درع زرعدي خويه
استوعبت شامره سطل وطلعت فوك سريع على نص درج طلع ذياب عاكد حواجبه
نوف خالو فلاااح فلاااح جوووه
ذياب فلااح!
مسح وجه يباوعلي شاف رعشتي حضني مطبطب على ضهري
ذياب اهدي نونه مايكدر يسوي شي
نوف خوفني.
ذياب ياكل خيولي هساع اطلعله ازته
لزم وجهي ب أيد وحده منه
ذياب تمام يبه؟
هزيت راسي اكثر من مره مسح دمعتي وباس راسي
ذياب احجي الجوري تضل يم غدير
نوف اي اي
نزل جوه شاف درع تقدم ضلوا يتناقشون درع يحاجي يم اذنه وخالو ذياب طلع اسلاحه يتاكد من طلق مالته.
جوري
نزلت راسي صارخه مخليه ايدي على شفايفي مصدومخ انفتح الباب لكيت كبالي نوف منخطف لونها ايديها ترجف
نوف جوري يلا امشينه.
ركضت حاضنتها قوي صار طلق جاي على جام باب سطح مالتي
جوري حماااامااتيي
نوف امشييي نزرععدد الغرفه غديرر
جوري حمامااامتي جوووه لا يجيهن طلقه
جرتني قوي بدون ماتسد باب فتحنه الباب على غدير فزت علينه تعدل بملاابسها
غدير شكو شصاير؟
كعدتني نوف تهدي بجسمي و ههي ترجف اكثر مني
حجت بكوه الغدير
نوف فلاح فلاااح اجه!
كامت بسرعه فاتحه عيونها
غدير شنو ليش اجه! نجسس بس ضن باله ابو مات طفرررلنه.
اباوعلهن خايفه ممامفتهمه بس اشك خايفه على حماماتي
نوف جوري اهدي
جوري ع. ع. عطووه
تنهدت تفرك ب ايديه وغدير لبست حجابها كامت نوف جارتها
نوف ويين
غدير فهد ماكووو بس لاجووه
نوف ماعرف بس خلي ويه خالو ذياب
جوري ذياب راح يطلعله
نوف كال ازته واجي
جوري ليش مايكعدد هذاااا شبي مايشوفف البراا جايين ويرمونن
غدير شيخ ذياب مايزامط جوري يكدرلهم لايضل بالج بس رجلي
نوف راح انهبل من الغمم العندهم.
رفعت راسي احاول اهدي جسمي بس الحروف بكوه تطلع مني
جوري هوه منو هذا
نوف فلاح او فالح
غدير يافالح محشوم هل اسم منه
جوري احس سامعه بي
نوف اي مره حجينه بي
كعدت متربعه كدامي هاديه شوي
نوف هذا العمو فرج اتبرى منه
جوري ليش
نوف من هل سالفه واعرفي بعد سوالفه شنو
نزلت راسي حاسه ألم گلبي رجعلي طلعت غدير بره رادت تكعدها نوف بس ماتحملت بقينه انا ونوف سويه
نوف تعبت من هل حال تعبت
جوري اليوم ثالث مره يرجف جسمي.
نوف جؤ حبيبتي تعي
حضنتني تمسح على شعري وتتنهد بحسره
نوف بلاوي ماضنها تخلص
جوري اريد امي
نوف من وين اجيب امج هساع أچني جوري
صار رمي اقوى وعشوائي ماصرنه نعرف منو اليرمي الوجع كل ماله يزيد وكل وحده تهدي بثانيه غدير مانعرف وين راحت وفراس كعد يبجي
جوري شسمه فراس لو فارس
نوف اي شي
جوري كعد شنسويله
نوف والله مادري لج بطني اذتني
كمت مكعدته احاول اسكته مايسكت
جوري هسه تجي ماما هسه، اشيلك
نوف شنو تشيلينه لاطك بطنج.
جوري اشاقه
نوف مو وكتها
رجعت انضاري الفراس اصفكله وانا خايفه اكثر منه
جوري خطيه مجاي يسكت
نوف عوفي هوه زعطوط يبجي من وحده يسكت
جوري لامايصير تضل بي خوفه
نوف هساع احنه شلون مابينه خوفه ابد مارعشنه
واتمجدنا جدام الوادم والديره من وره النجس
باوعت الفراس يبجي حتى صوته راح مم كثر مابجى استغفرت شايلته بكوه منومته على صدري اطبطب عليه
جوري يلا نام نام ماكو شي هاي اللعاب
فراس اريد امي
جوري انا هم اريد امي.
اخذت الغطوه لفيتها على صرت اطبطب على ضهره خفيف احجي وانا شفايفي يرعشن بس احاول ابين مخايفه
جوري يلا نام هاي اللعاب
ماسكت بديت اقراله دعاء الفرج حتى يهدي وبده وربع نص ساعه يسكت وانا اعيد واكرر بلدعاء
نوف ماخلصوا شنو صار
جوري وناصرا ودليلا وعينا. حتى تسكنه ارضك طوعى وتمتعه فيها طويلا برحمتك يا ارحم الراحمين
سكتت شوي اباوعله لكيته بده يغفى.
جوري يامدبر الأمور. ياباعثا من في القبور. يامجريا البحور. ياملين الحدود الداوود صلي على محمد وال محمد. واشفع لنا ما أنت اهلُ في الدين ودنيا...
كملت قرايه وهوه نام صوت طلق اختفى بس صوت زلم وهوسه تمددت مخليه فراس يمي حط راسه على چتفي مكمل نومته وانا بديت اغفى حاسه ألم گلبي خف بهواي
بديت اغفى وكعدت ععلى صوتها
نوف شنو دا يسوون
جوري اكعدي يحلونها
نوف ادحك الحماماتج؟
جوري لاماتكدرين هسه.
كعدت يمي شوي وتمددت بس نومتها غلط ضلت صافنه ب سكف انا رجعت اريد اغفى وهم حجت مكعدتني
نوف صاحب ذياب شكثر غثيث. وبلا أحساس
همسه بكوه بين نايمه والكاعده
جوري شبي
نوف ماعرف ماحبيته ماريد ادحكله بدربي بعد ولا اريد خالو ذياب يمشي وياه
جوري درع؟
نوف اي مو غثه
جوري لا، حب، حباب
غفيت مخليه راسي على شعر فارس
نوف صدك جوري
جوري اممم
نوف هاي شنو فارس نام
جوري فارس لو فراس؟
نوف فارس
مارديت نايمه كعدت على صوت غدير.
غدير جوري نامت
نوف اي فات الوكت وانا منايمه شكثر ضليتي
غدير اليسمعج عفتجن وضليت اتمركص غاد
نوف علجج شكو عالكته هين
فتحت عيوني اباوعلهن لكيت نوف نفس وضعيتها وتأشر على ناحيه الكنتور
غدير ياا راح من بالي
كامت نوف تريد تكعدني كمت بكوه
جوري كاعده
نوف خلي نتكحز يلا فهد يريد يجي هين
كمت معدله راس فارس ومشيت طالعين من الغرفه.
نوف نزلت وانا خفت ادخل للغرفه فتحت الباب على كيفي لكيت جايه طلقه من باب سطح مشيت اباوع لكيت حماماتي نايمات على صفحه ابتسمت مطلعه من كنتور دشداشه حمره
ضليت كاعده منتضره ذياب وما اجه مرة بساعتين وههو ماكو
جوري كلشي مافهمت شصار
هزيت ايدي ماشيه للحمام فتحت الدوش نزل مي بارد ثلج كشيت بعيد سويته على الحار وضل بارد حيل
تنهدت طالعه سديت الباب وطلعت من الغرفه اباوع مثل ضلمه سمعت صوت رعيد
جوري جاي تمطر.
فركت عيوني استوعب نازله من درج مالكيت احد كلها راجعه نايمه وعبالك الوضع طبيعي!
جوري ذياب ما اجه؟
رفعت راسي جايه عيني على باب غرفه هاله
جوري خاف راح هناك.
عضيت باطن شفتي منزله راسي فايته للحمام الجواني شغلت دكمه وبده يجيني مي الحار كاسرت المي بطاسه وذبيت ملابسي بديت اسبح غسلت شعري شلون ماجان
جوري هل حمام شو مابي اهواي غراض عبالك فارغ
باوعت صفح لكيت دشداشه حصه مشموره
جوري يبو بس لاحمامها.
ضحكت ماخذه صابونه بيها شوي بلمي بللتها وبردانه ضليت اليف جسمي على نص و اجت عيني على فتحه مال ساحبه بلحمام مطله على شارع ضلمه
جوري تخوف
خفت من صدك سديت المي متقربه حاطه طبله صغيره وطلعت عليها اباوع من فتحه صدك شارع اضلم واكو حشيش
جوري دخيلك ربي
خفت حيل نزلت جاره واحد من خاوليات المعلكه منشفه جسمي زين ولبست ملابسي سريع ضليت اتخيل جني يجيني
ضربت على عقلي ضايجه
جوري شهل تخيلات كش.
تنهدت ماخذه نفس مسويه نفسي ماخايفه ولابردانه
طلعت من الحمام ارجف قوي اطك سن ب سن من بروده شعري ينكط مي حاسه بملابسي مترطبه بسبب شعري
جوري بعدها دا تمطر؟
صار صوت رعيد قوي عرفت لزمت شعري جاعصته بيدي نزل منه مي بلكاع
جوري بس لا اتمرض
حركت راسي اكثر من مره نازل نقاط مي على الكاع وكفت صاير شوي من شعري على ركبتي
تحركت اريد اصعد وصار ضوه
رجعت المكاني ماده راسي اباوع لكيت ضوه جاي وره الباب مطل على طرمه.
جوري بس لاذياب، هسه اجه بهل مطر؟
بقيت واكفه مكاني منتضره وانفتح الباب دخل بيده مفاتيح شعره مبلل نازل على كصته لابس ستره جلد زيتونيه وبنطرون اسود
مشى يتنوطح لزم راسه متنهد مايلت راسي هامسه
جوري ليش اتاخرت
انتبهلي واكف بمكانه شوي وتقرب يمي يباوعلي من فوك اليجوه بهدوء تقدم اكثر صار كبالي رفعت راسي اباوع العيونه
جوري ذيا.
حط اصابيعه على شفايفي رافع مقدمه حواجبه
ذياب أشش.
لزم وجهي ب اصبعه الابهام يمسح على خدي يباوع الرعشه جسمي
ذياب ليش نازله؟
جوري انكطع المي فوك ونزلت سب.
سكتت مامكمله الحجي مالتي حضني قوي يبلع بريكه يشتم شعري
جوري بيك شي؟
ذياب اممم، لك انتَ سباح وتسبح بگلبي
مال راسه يبوس خدي سامعه همسه بصوته الخشن
ذياب مريتي
رفعت حاجبي مستغربه
جوري تعرف انا منو
ذياب حمامتي
وخر مني ساحب ايدي صاعد درج
جوري وين
اندار خاطفلي نضره سريعه ساحب ايدي اقوى مصعدني
فتح باب غرفته.