رواية عكد الظفيرة للكاتبة زينب جعفر الفصل الخامس
ذياب شجابج هين ياعثره؟
كمت بدون ماندار فاتحه عيوني مصدومه
حجيت بييني وبين نفسي
شجابه هذا
انداريت وشفته ابتسمت بتصنع وهو ميل راسه رافع حاجبه
جوري انته شجابك هنا
ذياب ليش مايصير افوت لغرفتي يول؟
بلعت ريكي هازه راسي همست ادردم على مسره عرفت سوالفها
ذياب اطلعي ماريد آي واحد يفوت هين
جوري بس طاح مي ولازم امسحه
ذياب اطلعي!
سكتت ماخذه سطليه مالتي ولوصله مشيت ناحيه لباب اطلع وهو تقرب يم لحجر مالته لزمه عاكد حواجبه
ذياب اوكفي هي مگربه صوب لحجر
مشيت سريع طالعه مسويه نفسي ماسمعت تنهدت لازمه گلبي
جوري شكول عليج يامسره ناقصه رزايل انا
نزلت جوه ردت ادخل للمطبخ وصاحتني شفتها كاعده رجل على رجل
حصه تعي حكيلي ضهري
جوري لاوالله؟
حصه شنو وشعندج فوك؟
جوري ذياب حبيبي رادني
حصه تمسحيله لغرفه؟
جوري لا هاي لغرفتي امسحها.
حصه تجذبين عليه دحگتلج طالعه من غرفته شلون خلاج تمسحين غرفته
جوري ها؟
حصه حجيتيله شي؟
ابتسمت بشر. هازه خصري اردد ب اغنيه ودخلت للمطبخ طاكتها بضحكه طويله
حجت نفس طريقتي بلكلام فاكه عيونها
حصه يلهههووي يلهوووي يللللللههوويي، شبيه اني وج هههاله
ضحكت شامره سطله ولوصله لازمه ضهري
مسره ها شصار
جوري شصار ولج ليش هيج من وراج ردت اترزل
مسره ليش شصخمتي
جوري ماسويت شي بس همه عقولتهم موبراسهم شسويلهم عبالك حاقدين عليه.
مسره لاوالله ذياب موهيج
جوري لاهيج
سكتت وانا رحت غسلت ايدي وطلعت من لمطبخ كاعده بصاله مدده رجليه وحصه تباوعلي
حصه شو طرحتي روحج
جوري ذياب فوك وعلى اكله اسكتي مني
حصه والله حلو لصگعه بدت تهدد
مجاوبتها وهي تباوعلي وتاكل بسكت
حصه احجيله شنو مثللا اخاف بعدج ماتدرين بحصه
جوري اهوو والله مللتوني
عفتها دردم وراي وصعدت داخله لغرفتي
جوري ملل هنا صدك وين خاله امينه
هزيت ب ايدي كاشه ملامحي بملل
وين ادورها الف غرفه هنا.
كمت نازعه دشداشتي داخله للحمام شغلت دوش ونزل مي بارد كل مره اسوي وانسه شلون سويته يضبط لمي مكاسر بصدفه. بقيت جوه لمي
جوري لو امي هناك جايبتلي دوش جان لكتني كل يوم اسبح بدال ماتجرجر بيه كوه للحمام
ضحكت سديت دوش وطلعت انشف شعري بلخاولي فتحت كنتور مطلعه دشداشه قصيره عريضه مرسوم عليها ميكيموس لبستها وكعدت على لكرسي احاول اضبط لفرك حته اسوي كصايب
جوري شبي لفرگ مالتي مايضبط.
سويته ظافره شعري مبتسمه خليت عطر ورحت
نمت على بطني ارفع برجليه وانزلهن
أليده تحركت عرفت جاي يندك لباب
جوري جايه جايه، راد اخليلي جرس
فتحت لباب باهته ملامحي شفته واكف بلعت ريكي خاتله وره لباب
جوري هذا انته!
عافني داخل باوعتله خازرته
جوري وين وين داخلل
باوعت لرجليه وجريت شرشف مال طبله مخليته عليه احاول اغطي جسمي
جوري غير تستأذن يلا تدخل مو احجي وياك
ماستمعلي ولاندار بس فتح باب سطح جايته شمس طلع وطلعت وراه.
جر لقفص كاعد فاتح لباب
ذياب منو سمحلج تحطيهن هين؟
جوري جا وين احطهن؟
مجاوبني مضيك عيونه يباوع للنسر موكفه على ايده
عدلت شرشف منزلته اكثر حته يغطي رجليه
وهو حجه بدون مايندار
ذياب تعي كملي تنضيف غرفه
جوري ها؟
حك حاجبه داير راسه يباوع لوجهي
ذياب خوش منضفه فا كملي
جوري وشايفني لعبه ساعه تطردني وساعه تريدني
سكتت شوي وكملت مباوعه للسمه
جوري عندك مره خلي هي تنضفلك.
فزيت على كومته سريع مندارلي ومتقرب يمي رجعت ليوره لحد مانطخيت بلحايط وهو نزل نفسه جاي يم وجهي طاخ خشمي بخشمه
ذياب بس انا اريد انتي
ضغطت على ملابسي ضايجه
جوري ليش؟
لزم كصيبتي يلفها على اصبعه جريت شرشف اكثر اغطي برجليه وهو انتبه
ذياب طالعه للحوش هيچ يول؟
جوري وخر اريد ادخل
حط ايده على لحايط مانع اروح
ذياب حته شماغ ماجايبه شون اغطي زرورج
جوري حاطه جرجف
ذياب وشعرج
جوري انتوا اخذتوني مامحجبه.
دنكت اروح وجراني لاوي ايدي ليوره ضارب راسي على لحايط
ذياب بس هساع انتي على ذمتي جوري أچني ماقبل احد يدحك ضواج.
مجاوبته خايفه منه عاف ايدي طاح جرجف شلته مرجعته بسرعه هو مشى وحجه وهو مندار
ذياب اتغطي من لوادم مني لاتخافين حاجيلج ماباوعلج، ولاتهجسين حته.
فتح لباب طالع وسداه اتنهدت براحه سديت باب سطح راجعه ذابه جرجف
جوري عبالك جان كاطع نفس عليه
تمددت صافنه على سكف
جوري اكيد اكو بوابه ثانيه لهل بيت.
تحركت يده گلبت عيوني كمت فاتحه لباب دخلن مبتسمات وحده لازمه ايد ثانيه
جوري ها رايحات لمدرسه؟
نوف احجيلنه شنوصار من تحبحب
قدمتلها ايدي لصايره حمره مسره خلت ايدها مستحيه
نوف سواها خالووو
جوري شسوه ترا لوه ايدي ردنه نتكافش
نوف يااا همه تهمج هساع تدحگيله ومجايبه راسه
جوري شجيب راسه باجه هوه
مسره عجل خل نشتغل على خطه
جوري بنات ماريده
نوف لوما احسبنه خالي جان اتزوجته والله
جوري اخذي يابه وانطي وياه مداليه.
نوف هههههه لاماكدر ادحگله ك زوج لان هو رباني، يعني
مسره اسمعن خطتي
جوري اانا اريد اشرد
حجن كلهن بوقت واحد، شنو؟
جوري اي مستحيل ابقى هنا
نوف تحجين صدك؟
جوري اي وعلي
مسره وين أتكحزين؟
جوري لأهلي
نوف اي يخذونج يابرنسيس بلاش
جوري معليج سالفه كم يوم وادبر لفلوس
وحده باوعت للثانيه مرجعين الانضار عليه
نوف ومنو يخذج؟
جوري ماعندكم احد هنا امان
نوف لو احد عرف بيج تفلين يورون اذاناتج
جوري يورون شني
مسره يحركون.
سكتت كاعده منزله راسي
مسره ابن جيرانه صفح يعرف امي حيل وتثق بي كومه
جوري ايي
نوف دحك هي تناولها افكار نوب
جوري نوف حبابه تردين حصه تموتني
نوف نحجي بلا فليتي
جوري ايي
نوف وجعي تبقين على ذمه خالو معلجه يعني مايصير تزوجين بعد
جوري وذا اصلا ماريد اتزوج
نوف يايمه راح اتسودن من هل مهبوله
جوري لا اكيد راح يعرفون ويجون وامي ماتعرفينها توكف بوجه اكبر واحد وراح توكف بوجهكم لان مسويين بيه هيج وراح يطلكني.
نوف منو حجى عمو فرج مايقنع امج؟
جوري اذا قنعها راح يعرف وبعد ماتبقى حصه تتماده وصدكي اذا رجعت بعد ماسوي اي شي واكسب ذياب
مسره وذا طلكج
جوري ابقى يم امي
مسره بس حبيناج
جوري صحتي اهم اممي واتذكركم بسراء وضراء
ماحجن ساكتات رفعت اچتافاتي اباوعلهن مدنكه
جوري ها؟
نوف جوري شون راح تگبين لفلوس
جوري سهله
مسره بس لاتبوكين ولج
جوري هيج تشوفيني
مسره لا
جوري انتضرن وشوفن.
ضحكت فاتحه كنتور لابسه دشداشه رمادي عدلت كصايبي مخليه عطر وكارصه خدودي حته يصيرن حمر
باوعتلهن مبتسمه وفتحت لباب طالعه من لغرفه داكه باب غرفته
ذياب منو؟
جوري انا انا
ذياب شعرفني ب انا انا فوت
فتحت لباب مبتسمه سادته على كيف لكيته كاعد على مكتبه بيده حجر اخضر كاعد ينحت بي رفع عيونه شافني لازمه كصايبي و واكفه مؤدبه مبتسمه.
ذياب ها ياعثره
جوري عادي اكعد يمك؟
ذياب لا.
هزيت راسي مبتسمه جاره كرسي كاعده يمه اباوع للحجر
ذياب اول مره ادحك حوله بس بسمع
جوري لحجر حلو حيل
ذياب شنو عندج احجي
جوري انا مومرتك
ذياب ولو مامعترف بيچ بس اي
گلبت عيوني عاضه شفتي اندار عليه غيرت نضرتي مبتسمه ماده ايدي
جوري انا اكول نصير اصدقاء
ذياب اها حجي جديد ياشطبه
جوري شطبه شنو
ذياب غصن، ناعم مثلج يول
جوري ماحبيته هل لقب
ذياب عجل راح اضل اصيحلج بي
جوري تعبت ايدي
انتبه على ايدي ومد ايده يباوعلي مستغرب.
ذياب شعندج ولج
وخرت ايدي مخليتهم بحضني
جوري موكلت نضفي غرفتي
ذياب اي
جوري اي موافقه انا بس بشرط
ذياب تشرط نوب دكومي لااضربج بدفره اموتج
جوري لاحباب
ذياب اطلعي شطبه اطلعي هو انا لايچه روحي
جوري اريد فلوس مقابل انضفلك
استغرب رافع حاجبه رجع انضاره للحجر
ذياب شنو تسوين بيهن
جوري مجاي تنطوني مصرف انا هم احتاج شغلات
ذياب محاجيتلي تردين انطيج بدون مقابل.
جوري لا ماحب هيج متعوده بمقابل حته ويه ابويه جان يدزني شغلات اسويهن وينطيني الف
ذياب بس لاتردين الف؟
جوري اريد كل مره انضف بيها غرفتك تنطيني عشر الاف
ذياب خوش
ضحكت فرحانه وكمت اروح وحجه
ذياب بس.
كام من لكرسي مالته جار ايدي مضروبه بصدره حجه بتنبيه
ذياب الچ عقاب اذا گربتي صوب غرض من مكتبي. مفهوم؟
هزيت راسي حاسه منكطع تنفسي صايره رجفه ب ايدي عافني مأشرلي بيده
ذياب تكدرين ترحين
مشيت ناحيه لباب فاتحته.
ذياب باجر اروح لدوامي ساعه سته ب الاربعه اريدج هين تنضفيها
جوري شنوو؟
ذياب اي احب قبل لا اطلع نضيفه هيه حته اقفلها وماخلي احد يدخللها.
جوري شدعوه بالاربعه
مارد تنهدت ساده لباب راجعه لغرفتي لكيتهم كاعدات منتضراتني ونوف متمدده تنضف ب اظافرها
نوف نورت الاميره
جوري خره يا اميره
مسره شنوصار؟
جوري قبل وانا قبلت
مسره على شنو هوه
جوري انضفله وينطيني فلوس
نوف هاا؟
جوري اي وخرن خل انام
نوف متشبعين نوم.
جوري اكو شي احلى من نوم
مسره تعي ويانه
جوري شسوي
مسره سولفي ويانه
جوري شعندي وياجن سوالف غير على ابو اذانات
نوف عليمن ابو اذانات؟
جوري راح ادفررج توررطت احجي يم كرايبه
ضحكت راجعه متمدده حاطه رجل فوك رجل
جوري خالووووووو
نوف ههههههههه دروحي ماحجي هيج اني
انفتح لباب داخله لابسه حجاب كريمي
امينه روحن جوه اتغدن
جوري انزل؟
نوف دروحييي
جرتني و وكفتني جارتني مسره
مسره حجابهها
جوري ليش منو راح يكعد
نوف كعدي ودحكي لوجوه.
لبست شال ونزلنه ثلاثتنه شفناهم كاعدين فكيت عيوني على عددهم بس صاله مكفيتهم وزايد واحد يلوح للثاني لبن او خبز
مهى تعي جوريه تعي حبيبي
كلهم حولوا انضارهم عليه شايفيني وبدايه لكعده جان كاعد فرج ويمه ذياب
فرج ياهلا حياج بويه تعي هين يمي كعدي
حصه تكعد يمك؟
مجاوبها ونزلت متوتره منهم كلهم يباوعولي بيهم لمبتسم وبيهم لمطنكر وبيهم لزلم نزلوا روسهم مكملين اكل
وكفت وره ضهره اندارلي يضحك وذياب شافني.
جر ايدي على ناحيه ثانيه مكعدني يمه صرت بينه وبين خاله امينه
لزمت ايديه مستحيه منهم خاله امينه تباوعلي مبتسمه دار وجه ذياب عليه صاير وجه قريب على وجهي لافحتني انفاسه حاجي بصوت ناصي
ذياب ااكلي يبه لاتتكسفين
مافهمت وامينه حجت مشاورتني
يعني لاتستحين
جوري ماستحي انا
امينه انطتني خاشوكه اكلت بتمن مباوعه للحم شوي بعيد عني استحيت بقيت اكل تمن وسوب.
باوعت لايد ذياب يگلب بلحم گلب وياكلها شوي وكام يفلسلي يسوي صغار بيده يكوره ويخلي بماعوني
ذياب عوفيها اكله لحمامات مالاتج اكلي، خذي هذا لبن
فتحه إلى مخلي يمي شربت منه رافعه انضاري لكيت غزاله وحصه وهاله ثلاثتهن كاعدات كبالي ويخوزرن بيه غصيت بلكمه اكح
فرج اسم الله اسم الله بويه
ذياب ضرب على ضهري بيده ثانيه فكيت عيوني متوجع ضهري على ضربته
جوري وحك على لفحل صرت زينه.
ضحك شايل عضمه جبيره داكها طالع من جواها شحم حطا يمي
ذياب كبري لگمه كبررريها يول
جوري تريد تخنكني شسالفه
ذياب اش وچ اكلي
اكلت احاول اتجاهل نضرات لثلاثي لمرح الي
فرج شونج ياشطبه.
باوعت لذياب ضاهره على شفايفه ضحكه
جوري لحمدلله عمو
فرج ان شاء لله مرتاحه هين
هزيت راسي مبتسمه
فرج هي شجه خدج؟
جوري تعورت
فرج خلوا بالكم عليها هي بنت لعزيز
حصه لاوالله بعيوني احطها
باوعتلها كاشه ملامحي حاجيه بصوت ناصي
جوري هسه تصير حوله.
بقينه انا وحصه وحده تخوزر بثانيه اخذنه لبن نشرب منه لحد ماحجه
فرج نريد هل شهر تشيليلج جاهل
بلعت ريكي بسرعه موخره لبن اهفي لروحي بطرف شالي
فرج نريده ذيب ذيب مثل ذيب لديره
طبطب على ذياب مبتسم وذياب مانطه رده فعل
عفتهم كايمه اغسل وصعدت فوك للسطح مطلعه حماماتي
جوري عطوه يردون جاههل ههههه، لو تشوفين حصه شصار بيها من صدك انحولت
وكفت نهايه سطح اباوع على طرمه لازمه لحمامه حاطه راسي على راسها.
جوري صارلي اهواي محاجيتلكم شعر، اسمعن. حته انته نسر ابو اذانات اسمع
حمحمت مفكره بشعر اخذت تنهيده حاجيه مخليه لحمامه على اصبعي اباوعلها
جوري اتمنى روحي تصير طير واجيكم واشتم هوى لمحبوب
باوعت جوه لكيت ذياب لابس شماغ ومناظر يخزرني يأشرلي ادخل حجيت زافره نفسي
جوري واضرك عليكم.
ذبيت لحمامه داخله جوه ساده باب سطح
جوري حته سطح لاحكيني علي
تمددت مثله لبجي نايمه على على بطني مخليه ايدي جوه راسي.
جوري وحك على لفحل ملل.
رفعت راسي راجعه للسطح امشي منزله راسي ازحف بلكاع حته اوصل للحمامات وسمعت عيطته من جوه
ذياب ولك فففووووووت جووه ياشطب.
طكيتها ركضه وانا ازحف ساده لباب رفست غامته
الساعه11: 36المساء،
فتحت كصايبي لابسه دشداشه بنفسجيه جوه ركبتي توصل
جوري الاتراك اريح من دشاديش. يلا من ارجع للعماره ارجعلهن.
طفيت لكلوب مبقيه كلوب اصفر صغير تغطيه ماخذه لمخده ثانيه حاضنتها.
جوري جنت انام بوسط خواتي واتمنى وحدي. وههسه غرفه كامله الي. بس اشتاقيتلهم.
اجتمعن دموعي متنهده درت وجهي على جهه ثانيه نايمه. مرر لوقت وفزيت مخترعه
باوعت بسرعه للساعه لكيتها بالاربعه ضبط
جوري شعجب كاعده على لوقت انا
كمت بسرعه فاتحه لباب نازله جوه تقريبا بيت اضلم بس موكلش مشغلين اضويه شوي رحت للمطبخ ادور على وصله لكيت مخلين وحده على قنينه
جوري وين الكى سطل.
حسيت ب أيد لزمت چتفي قوي مندارني عليه لكيته هو صاير عصبي وبارزه شرايينه
طاحت لوصله مني خايفه
جوري ها
ذياب ماتوبين انتي ولچ شعندج نازله هيج تردينو يور لگلبي
انتبهت عاقده حواجبي نزلت بدشداشتي
جوري كلها نايمه وانت شعندك موكلت اروح بسته
ذياب تتغطي بس مني لدعره
جوري شمدريني انته كاعد
ذياب اذا لدرج كل بايه دوسيها تصيح لميت
ممجاوبته ضايجه لازمه لوصله ب اصبعين مني
ذياب تردين تنضفين غرفتي بوصله طباخ يول عثره؟
جوري مالكيت بس هاي
دارني سريع مأشرلي على لوصل لمعلكينها فوك وبيهن مجيسه جديدات انداريتله خازرته كازه على اسناني
جوري يسطل
ذياب شنو ولچ؟
جوري سطل وينه
ذياب رجال وادري مكانو
جوري اي شمدريني
انطانياه عاض باطن شفته ضاهره غمازته فتحت لحنفيه تاسرتها مي وخليت زاهي فريته بيدي حته يصير رغوه ومشيت وهو سد وراي لحنفيه يهز بيده
صعدت وصعد وراي ساد لباب رايح ناحيه لمي
ذياب دحگي
رفع خشمه عود يقلد ملامحي لكاشه.
ذياب نضفي زين شطبه اريدنها
باس اصابيعه يعني نضيفه حيل
ودخل للحمام ساد لباب فاتح دوش
قلدت صوته اهز براسي
جوري نضفي زين ياشطبه اموووووحح، الطبرچي
لزمت وصله شامرتها انضف بيها على كيف فزيت على صوته
ذياب لزميها عدل يبه.
شمرت سطل رافسه لوصله
جوري بلحمام وعيونه هنا
تنهدت مستغفره راجعه ماسحه مسحت نص غرفه وهو طلع بيده خاولي ابيض صغير ينشف بشعره
ذياب ظريف، ظريف.
كزيت على سنوني مكمله امسح كمت حاسه ضهري انكسر انداريت شفته واكف بلمرايه يلبس قميصه درت وجهي بسرعه
جوري ماتستحي تبدل كدامي
ذياب ليش ولچ دحگيلي بغير نضره؟
جوري همممم كلشششش
ضحك مهتز اچتافه شلت وصله ذابتها بسطل
اهمس خفيف
جوري حته ضحكته عبالك مجبور عليها
شلت سطل امشي بكوهه متوجعه من ضهري ردت افتح لباب وانداريت شفته كاعد يمشط شعره ليوره حته شواربه مشطهن همست ميله راسي
جوري ضابط؟
درت وجهي طالعه من غرفته ساده لباب مرجعه كل واحد بمكانه غاسله ايدي لكيت امينه كاعد تسوي اكل
امينه ها يمه كاعده
جوري اي شجاي تطبخين
امينه اسوي ريوك لذياب
باوعت للساعه لكيتها بعدها بلخمسه وربع
جوري مو بعد وكت
امينه مو بين ما يروح لدرع
جوري درع؟
امينه هههههه ذياب يصيحله هيج لان صديقه حيل
اخذت طماطيه من لمكصكصتهن اكلتها
جوري وهو شيصيحله
امينه قناص
جوري قناص؟
ذياب ههلا بعضيدي درع
كرم قناصي
ذياب فد عشر دقايق ويمك.
قلد صوت بنيه مجاوبه فكيت عيوني اضحك
كرم تددلل حبيبي
باوعلي ذياب خازرني سكتت كاعده على كرسي وهو كعد يمي بمقدمه طاوله حطت ريوك امينه وانا فتحت خشمي
ذياب تتريكين وياي؟
جوري جوعانه
ذياب يخسى لجوع
صبلي جاي فاتح علب شكره أشرلي عود جم جيله ابتسمت مأشره بيدي اربعه
ذياب دمشي لچ فاره
جوري احبه حلو
ذياب تموتين روحج اربعه
جوري معليك بيه صبلي.
ضحك حاطلي مقربه يمي انطاني خبز وصمون اخذت خبزه كامله تارستها جبن لكلاص وراشه عليها زعتر لفيتها كلها ماخذتها كايمه هو ياكل ويباوعلي
ذياب لفتج اطول منج يدعره
جوري عيب عليك تتنمر عيبب
ذياب هههههههه
عفته صاعده وخاله امينه تضحك وكفت سمعتها تكله
امينه لاتصيحلها دعره
ذياب موتتني ماتكعد صدك دعره وقرج هم
مافهمت ولاكلمه بس عرفت جاي يغلط عليه صعدت فوك. ساده باب غرفتي كاعده ماخذه لكمه جبيره من لفه شاربه شوي جاي.
جوري مستغل مافهم كلامهم. هوه انته كلك شكلك طبرجي شكبرك وتتنمر انت وهذا صديقك لخنيث.
خلصت لفتي مخليه كوبي على صفحه نايمه ومررن 14يوم ضبط. وذياب ماراجع بعده.
ذبيت زوليه على لكاع متنهده ماسحه وجهي بساعد ايدي مشيت ساده لحنفيه
جوري انكسر ابو ضهري
شلت دشداشتي لافتها شوي مثببتها دنكت الف بيهن
معاذ اساعدج؟
طاحن من ايدي بسرعه باهته ملامحي شفت ولد داخل من بوابه خفت لا اي لحظه يشوفه احد من بيت نزلت دشداشتي سريع داخله جوهه خايفه
مسره شبلاج تتراكضين
جوري هيج
لزمت گلبي حاسه يوجعني من كثر تعب صعدت فوك وهي مستغربه
دخلت لغرفتي ساده لباب الهث
جوري منين طلعلي ناقصه مطايه
باوعت لدشداشتي متبلله لازكه على جسمي قفلت باب نازعه دشداشتي اخذت خاولي منشفه جسمي ولابسه دشداشه سوده عليها شكل كرز اكثر من وحده صغار.
خليت شال اسود على صفحه متنهده فاتحه باب سطح شريت لغطوه مالتي رغم مامبلله بس نسوي هيج تطلع جراثيم. امي علمتني
تحركت ليده مشيت فاتحه قفل داخله نوف ومسرهه كعدنه بسطح ومسره واكفه تباوع
مسره هذا معاذ اجه ماحسيت بي
جوري يامعاذ
باوعت وشفته هوه كشيت ملامحي دايره وجهي
جوري من يدخل احد غير يدك لباب
مسره اي
باوعتله محاجيه ماشيه جوه اسفط هدومي
نوف باجر يجي خالو
جوري خل يجي
نوف حجى لخاله امينه انتي تنضفيله لغرفه.
اجت يمي منطيتني لمفاتيح
نوف خوش خطوه ولج
جوري لان خليته يقبل امسحله واخدمه ها؟
نوف لج لا بس هو ماينطي لمفاتيح لاحد غير خاله امينه بكوه انطتهن إلى واكدت بيدج يصيرن
جوري وشنو يعني
مسره فزتي بتطور ههههههه
نوف اي بضبط
هزيت ايدي اضحك واخذت منها لمفاتيح فتحت لغرفه ونزلت جوه ماخذه سطل و لوصله صعدت ولكيت بلغرفه لبصفها هاله واكفه
هاله وين فايته؟
جوري معلييج
رادت تحجي ماخليتها دخلت بسرعه ساده لباب.
جوري متونس ذياب غرفته بنص ويساره غرفتي ويمينه غرفتها.
ضحكت بديت اغسل مرت اكثر من نص ساعه يلا خلصت رحت لمكتبه اباوع الاحجار ولمحابس لمسويهن يلمعن واكو بيهن نقش او لون مختلط وياهن بطريقه تخبل.
ابتسمت اجت عيني على محبس حجره على شكل ورده توليب ولونه احمررر غامق يلمع
جوري يجنن!
مديت ايدي اريد الزمه وتذكرت شرطه عفتهن مطفيه الاضويه واخذت سطله ولوصله طالعه من لغرفه قافلتها نزلت مغسله ايدي ومرجعه لمفاتيح يم خاله امينه
امينه عفيه بلحلوه
فرحت صار شكد محد مادحني هيج. ابوي جان معلمني على لمدح ب ابسط تفاصيلي.
عافتني وطلعت من لمطبخ وانا الابتسامه شاكه حلكي لازمه اصابيعي شابكتهن بعض لحد ماحسيت على هاله دخلت خازرتني
هاله شعندج بغرفته؟
جوري عادي افهم شكد عمرج؟
هاله ليش.
جوري حسب الملامح لأشوفها وتجاعيد انو عمرج عابر ستينات شبيج حاطه عقلج ويه مراهقه صغيرونه؟
فتحت عيونها متنرفزه من لحجي مالتي ردت امشي وبسرعه حسيتها دافعتني ناحيه طباخ وطباخ مشتعل على جدر جبير
بسرعه مسره وخرتني ماعرف منين اجت بس حمدت ربي للحظه ردت انحرك!
مسره شنو هاي سوالف تسويهن؟
هاله اشششششش اتكحزن مني اتكححززنن
مشيت وانا مصدومه بس ارمش جرتني مسره رايحين على صفحه.
مسره ختولي لاتحجين وياها موحجيتلج هي مهبوله
جوري رادت تحركني
مسره عجل شحجيتلج عبالج اجذب؟
جوري هاي ليش هل كره؟
مسره مههوسه بذياب هيه وغزاله خالتها وحصه تحب غزاله فا دحكيلهن وحده لازجه بثانيه
جوري غزاله ماشفت منها شي
مسره عجل افكار حصه منين تجي غير من غزاله.
جوري شنو؟
مسره خلي بالج تثقين بوحده منهن
مجاوبتها صاعده ومرر يوم هذا لحد ما اجه ليوم ليرجع بي ذياب.
شديت ربطه بنفسجيه ليوره ومنسقتها ويه ثوبي ناعم بي حزام بلونه من وره شديته على شكل فلونكه وشلت شعري مسويته ذيل حصان مسويه من جوه ويي مطلعه كذلتي خفيفات من كدام
فتحت جراره شفت مكياج اخذت. كحل حاطه ومسكاره على طرف رموشي ومسحتهن شوي حته يبين طبيعي وخليت حمره ورديه على خدودي وشفايفي
نهيتها بعطر مبتسمه نازله لكيت غدير بطرمه كاعد تكصكص باميا رحت يمها
غدير شنو هي لقمرة
جوري حبيبيي
غدير هاي علمود ابو شيخ.
جوري لا بس مخليه مكياج فلونكه فا كلت اخلي خفيف
ابتسمت كايمه شايله طاسه بيها باميا ودخلت فتحت حنفيه حاطه صونده وبديت اسگي زرع
بهل اثناء انفتح لباب داخل انداريت وشفته شعره شبه مخربط بملابسه ورتبته على چتفه وشايل بيده سترته جلد سوده
شافني عض شفايفه يهز براسه سد باب تقرب يمي
ذياب وچ شطبه ماتوبين
جوري ماكو احد
ذياب ضميهن لشعيراتج ضميهن
جوري عاجباتني حلوات
ذياب تعي بلا هين
باوعتله تقربت ذابه صونده بلكاع
جوري ها.
ذياب نضفتي لغرفه
جوري اي لبارحه
ابتسم جارني عود يحضني انصدمت وفكيت حلكي بحجه يحضني دخل ايده جوه ملابسي حاط شي
وخر مطبطب على چتفي
ذياب عفيه بلحمامه.
جوري شخليت
ذياب ماريد احد يدري بسالفه لفلوس بس لاحجيتي لاحد؟
سكتت متذكره نوف ومسره بس هزيت راسي نافيه
مجاوب محمحم مرجع ملامحه طبيعي انداريت وشفت ثلاثي لمرح واكفيين مطنكرين دخل جوه وهنه استلمنه يبوسن بي
هاله حبيبي احضني
ذياب أچني لچ.
دخلت جوه صاعده بسرعه سديت لباب مبتسمه مطلعه لفلوس من صدري حسبتهن خمسين الف
جوري اجن مضبوط ويه سعر روحه للعماره هههههه
فتحت كنتوري مخليتهن جوه دشداشتي
ونزلت جوه لكيت مسره وسولفتلها حسيتها مثل ضاجت
جوري شبيج
مسره مابيه قبل كم يوم حاجيته راح ياخذج
جوري اي عفيه خلي ليوم
مسره ليوم!
جوري اي بليل ماعدنه شي
سكتت عايفتني ورايحه ححسيتها ضاجت وانا هم انقهرت شوي لان حبيتهن. هي ونوف وغدير وخاله امينه.
صار ليل وانا بغرفتي فتحت باب ماده راسي ولكيت هاله تبجي
جوري معقوله ذياب مبجيها؟ شكد حقير همزين راح اروح منا
سديت باب منتضره لحد ماتحركت ليده بسرعه فتحت لباب لكيتهن ونوف مطنكره ومسره عيونها حمر
دخلتهن وسديت لباب باوعتلهن مبتسمه بيدي جنطتي صغيره محضرتها ماخذت كل ملابسي
نوف يعني اله تفلين؟
ابتسمت حاضنتها وهي وخرتني
نوف ماحب دراما
جوري ههههه ذكرتيني بجاه نفس شخصيتج.
ماضحكن واضح ضايجات بقينه كاعدين لحد مصارت ضربه على باب سطح
مسره اجه معاذ
جوري معاذذ؟
فتحن باب سطح وشفته هوه
جوري هو لراح ياخذني؟
مسره اي روحن يلا
نزلنه كلنا خايفين لا احد يشوفنه رحنه للباب
جوري متاكدات هنا ماكو كامرات
نوف للأدري بي ماكو بس خايفه لاخالو ذياب مخلي
جوري خالج ذياب ليش مايكعد راحه
مشينه و وصلت جوه نزلت من درج دايره عليهن بعيوني دموع ومسره حجت بغصه
مسره هساع يجي معاذ من غاد
جوري راح اشتاقلجن.
باوعت لنوف لكيت دمعتها نزلت مسحتها بسرعه تباوعلي
نوف خلي بالج على روحج
هزيت راسي ضاغطه على شفايفي مانعه اشهك ردت امشي و وكفنه كلنا على لدخل
هي شنو عدجن هين؟
خفنه كلنا واكفين انا رجعت ليوره وحسيت هاي نهايتي
ضرغام ماتحجن؟
شمشمت نوف غامته
نوف شاربب يوللي
ضرغام امممم شوي عصيير مايأثر
جوري بنات شسووي
مسره روحي روحي
حسينه بطكطكه هنه شردن بسرعه بقيت انا وضرغام باوعلي مبتسم
ضرغام وين رايحه ياحلوه؟
جوري اريد اطلع ضيعت هنا
ضرغام امممم اخليج تطلعين بس بشرررط
جوري شنو
انطاني من قنينه لازمها وهو بكوه يفتح عيونه
ضرغام هل مره شربت وحدي وحيييد انا حني عليه وشرببي وياي
جوري لاا شوف غيري
ضرغام دشربي
جوري ماريد تلعب نفسي
ضرغام هااا لان شارب منها، هاج هاي ممفتوحه
فتحها بيده مقدمها إلى باوعت لمعاذ واكف بعيد منتضرني بس مايشوفنه
جوري اريد اروح الله يخليك
ضرغام اشششش اشربي منها شوي ماياثر واخليج ترحين
بلعت ريكي خايفه.
جوري وعد؟
ضرغام وعد من ههههه اشربي
اخذت خايفه وشاربه منها.
مسره لو معايفين جوري وحدها
نوف وننفضح
مسره شارب هوه مايحس
نوف اله احجي لخالو ذياب علي
مسره ييول شتحجيله غير ننفضح
نوف هم صح
سكتن كلهن على لأجت تتمشي كوه شامره جنطتها حجت وهي مغمضه
جوري ياااا اهل البيييييت
بسرعه لزمنها سادين حلكها
مسره شبلاج تصيحين راح تكعدينهم
نوف ياغمه بس لاشربهاا
مسره اامشيي نطلعها لاننفضح
فتحن ربطتها شاديها على حلكها حته ماتصيح مسره شالت ايديها ونوف رجليها
نوف شون راح نطلعها فوك.
مسره لاولج جوه هين بغرفتي وين نكدر نطلعها وغرفتها لزك ب غرفه شيخ ذياب
نوف اامشي امشي
دخلنها لغرفه مسره
مسره دحگي اضن كومه منطيها
نوف اريد الزمها ماكو تترافس
اندارن اثنينهن متنهدات بتعب وفكن عيونهم من شافنها ماكو.
وينهاا؟
ميلنه راسنه اثنينه طالعين وشفنه غرفه ذياب مفتوحه مطفي ضوهه لطمت على خدي
راااحت هناك
تقربنه ناحيه درج نباوع من فوك وانسد لباب فزينه اثنينه نازلات.
ذياب: -
كعدت على تخم امسح بلحجر اخذت محبس حاط على لماده لتلزك وحسيت بحركه احد فتح لباب شوي وسداه
ذياب هاله جم مره حاجيلج هي لغرفه ماحب احد كلساع يفوتلها
انداريت وشفتها ضيگت عيوني منتبه بوسط ضلمه وشفتها تنوطح يمين يسار
ذياب جوري!
مغمضه عيونها تشد بلورد الابيض على راسها
وباوعت فوك بسكف
جوري منو صاحلي ها منوو
نزلت راسها وشافتني ابتسمت مأشره بيدها
جوري هلاو ياحلو
ذياب ياحلو؟
لابسه صايه نزعتها هي ولكب مفتوح شعرها
تقربت يمي وبكوه تفتح بعيونها
دفعتني وكعدت بحضني محاوطه ركبتي
ذياب شبلاج يبه؟
بلعت ريكها تباوعلي شوي وضحكت داكتلي تحيه
جوري شلونك سيدي
استغربت شاك بيها اتقربت لركبتها شام ريحتها
ذياب شاربه يامصگوعه!
جوري اممم شويونه عصير
ذياب من وين جبتي ولچ
جوري ماعرف لكيته كبالي عصير طيبب حييييل منعش
ذياب تف عليك ياساقط مشربها لكواد وين لاكاج هل زمال
جوري جؤ. هاي عليه؟
ذياب دصحي انتي ودحگي شنواسوي بيج وبذاك لج بطول اصبعي وتشربين شنو هي اخلاق نازعتها
لزمت خدي متقربه طاخ خشمي بخشمها نازل شعرها عليه
جوري سيدي احجيلي انته مبين عليك ذكي
ذياب شحجي؟
جوري شلون انتقم منهم. اولهم حصه لعجيز وثاني ذياب عدوي
رفعت حاجبي ضاهره ابتسامه على حلكي
ذياب عدوج ذياب؟
جوري امممم
ذياب لاليش ياعثره انا حنين.
دنكت راسها دايخه مخليته على صدري
ذياب حصه بشنو وجعتج؟
جوري وجعتني.
وخرت رافعه ملابسها مطلعه بطنها مأشره على جرح عگدت حواجبي
ذياب هي هيج سوتلج؟
جوري اي، اكلك اريد اندومي
ذياب ممنوع هين ياعثره
صفنت بوجه مضيگه عيونها ولزمت شاربه
جوري تعرف اذا مجبتلي اندومي شسوي؟
عكد حواجبه ميل راسه مضيگ عيونه
ذياب شنو تسوين؟
تقربت بايسه شاربه لافحني انفاسه لحاره
جوري ابوسه.