رواية عكد الظفيرة للكاتبة زينب جعفر الفصل الخامس والأربعون
حسيت گلبي طاح ب ايدي كلمات نوح جانت كفيله تكسر روحي واعرف ذياب الاخذوا شرطه!
جاه ضلت تباوعلي تنتضرني افتح الباب او اسوي حل امي طلعت من غرفتها بيدها ابني ومستغربه
رمله ياهوه يدك الباب؟
باوعتلها مختنكه اخذت شال لابسته ماشيه بسرعه فاتحه الباب على كيفي لكيته كبالي وجه منطعن ودمه محصور جسمه كله ازرك من ضرب ورجلي يرجفن
من شافني ابتسم بقهر اني بهتت ملامحي لزمت ايده بسرعه افرك عليهن.
جوري شبيك ليش هيج منو رجع ضربك!
واحد من شرطه اتقدم
ياريت تتفضلين ويانه خويه
ماسمعت مضيكه عيوني
جوري شنووهه؟
اندار مأشر الواحد يطفي سياره ورجع مكرر كلامه ردت اجاوبه وانلزكت بلحايط من قوه دفره الاجتني
رمله شكوووو لييش واكفيين بابنه ماتستحون؟
حجيه وياج ضابط عمر
رمله اي هلا بيك شسويلك ليش واكفين باب بيتي
وخرت من الحايط افرفر بيدي شايغه روحي
جوري نوح شنو سالفه وين ذياب
رمله لج يانوح ادخلي جوه.
جوري امي الله يخليج ذياب مادري وينه
رمله ذياب يعرف وين يولي وين يجي لاتخافين عليه زلمه نچرره بس ادخلي وخلي افهم شنو ذولي
باوعت النوح ضاج من امي عاكد حواجبه
نوح ترههه هاي مرتي
جوري لا اله الا الله
رمله شجاي تمضرط
جوري امي الله يخليج
خزرتني تريدني اسكت تفتهم اليصير
عمر يلا اطلعي ويانه
نوح سيدي هاي مرتي مايحتاج تاخذونها بس اسجنوا النذل الهناك وهذا هوه.
عمر نذليش؟ بابا المتهم مقدم ويانه سرحته هيه تشتشر بكلامك غيرر قوانين يلا نسجن
نوح خلي نروح يلا وجيبي ابنه ويانه
رمله وين تررررحوون ولك منوو انتَ!
نتر ب امي فاتح عيونه
نوح رجلهااا بسنه الله ورسوله نووح زكرياا اني رجللهاا خوش
جر ايدي ناسي حتى سليمان مخلينه نصعد ضليت اباوع الامي ساكته تباوعلي وصدمه وذهول على وجها
رمله جوري زوجه هذا!
اندارت الجاه تباوع السليمان
رمله وذياب؟
جوري خلووني انزل ابني وحده.
نوح من عفتيني ورحتي ماكلتي بين غربه كعدتي ابنه
صيحت بوجه اعت ايدي منه
جوري موووو غربه هاييي امي
ضابط ضاج من صياحنه صعد يباوع النوح
عمر عندك سياره؟
نوح لا رجال جاي زياره هنا وهذا خطفها المرتي
هز راسه داير وجه مشغلها باوعت النوح خازرته هازه راسي هوه حرك راسه بمعنى شنو اتقربت اهمس
جوري ليش تلعب بنار؟
ضغط على ايدي قوي عضيت شفايفي كاتمه ألمي
نوح ترا انتي ملكي ليش تحسسيني دا العب ب املاك ذياااب وبس!
ماجاوبته عيني على باب بيتنه امي تباوعلي وحاطه ايدها على خدها تباوعلي بكل كسره وحزن حسيتها بعيونها تحجيلي ليش هيج سويت؟ نزلت راسي بسرعه لازمه ناحيه گلبي
وراحت سياره ضليت بوضعي منزله راسي بس دموعي ينزلن بهدوء وصدك حاسه بضياع غمضت عيوني متذكرهه ابويه.
جنت صدك بين أيادي امينه جنت ماهتم الهل سوالف كلهن ولا اهتم بمشاعر احد لان ماشوف احد بس كل همي امي تقبل اكعد بلباب وانتضر ابويه يرجع من دوامه واشوف عيونه تعبانه وضحكته بتعب المرسومه على شفايفه ملابسه المتوصخه بس جانت بنسبه إلى ريحه ورد
جنت اول ماشوفه اطفر على ويشيلني جان همي يجيبلي حلويات يظفر كصيبتي ويشوف درجاتي العاليه بس راح، وعافني.
عافني وانا ماعرفه شنو اسوي بهل دنيا وشنو اتصرف فجاءه زوجوني وخلوني يم شخص متزوج
جنت اشوف الكره بعيون الكل وتاذيت واولهم اذيتي جانت من حصه بيبيتي ام ابويه الحنين الماشفت بحنيته
ماتذكر يوم المخزن خلت ساره تجرح وجهي ب سجين وبكل وحشيه واجرام ولحد هسه اريد استوعب صار كل هل شي بحياتي كل هل الم شلون هسه عايشه وهل قصتي احد يستوعبها ويستوعب الم صارلي.
اتذكرت عيون امي وهيله وعبود وبنات وذياب وسليمان وخواتي كلهن بنضره عيونهم الحزن بسببي باوعت النوح هم منقهر وجه منضرب بسببي
درت وجهي للسماء نازله دمعتي هامسه بيني وبين نفسي
جوري ليش ماترجعلي بويه؟ بنتك ضايعه ارجعلي ياشمسي ارجعلي بس
خليت ايدي على وجهي طالع صوت شهكتي مامتحمله باوعلي نوح مستغرب درت راسي منه باجيه وحدي.
وكفت سياره لكيت يمها كم زلمه واكفين بملابس دوامهم نوح فتح الباب ونزلنه ضليت لازمه ب اطراف شالي اكل بشفايفي
اشرلنه ضابط ودخلنه جوه كل خطوه امشيها واني افكر واقرر ابوي شلون علمني هوه ماجان متوقع راح يموت ويعوفني واني صغيره
بس علمني شي واحد ماكسر بخاطر احد ابداا مهما سوه جان دائما يكلي الانسان مهما يكسرج بس اذا اعتذرلج سامحي وابتعدي.
وكلام ابوي اطبق على ذياب جان دائما يكسرني ويجبر ومن يطلب اسامحه لو يحاجيني اسامحه بس ماجنت اكدر ابتعد لان ماجان إلى شخص غيره
امي وبعيده المن اروح؟ اول ما كمت ماطبق كلام ابوي وماسامحت ذياب صح جنت ب اذى بس شفت اذى اقوى بهواي والكسره بعيون الكل من وراي صرت ما اتحمل اعصابي ولا اعرف شجاي اسوي اشمر بلكلام بدون وعيي.
ف قررت ارجع الكلام ابوي مهما صار الانسان لازم يسامح والحساب عند رب العالمين ربكم يممهل ولايهمل.
رفعت راسي واجت عيني بعينه حاطينه بسجن واكف يدور ومخلي ايده على خاصرته يتنفس سريع من شافني وكف ضال صافن بوجهي
حجيت بصوت ناصي اباوعله
جوري ذياب.
حسيت انكطعت من العالم كله بس باقيه اباوعله ويباوعلي راجع راف گلبي علي
ومعترفه بمشاعري وماكبته اني احب ذياب.
ابن عمي الجنت مادري بوجوده اصلا ولاجنت ادري هوه يعودلي فجاءه الاكي بوجهي مانسى اول لقاء النه بسياره رجفت من برد وهوه يباوعلي من المرايه الحد ماغفيت وذب فروته عليه
ولا انسى ايام بيت المرجوحه بغداد كل ليله انام بحضنه مدفيه وحاسه ب امان رغم حوالينه جانوا كلهم اعدائه وحيوانات متوحشه اي لحظه يهجمون علينه
الا جانت احلى ايامي، ومانسى جنه نشوي تكه سويه وعركاتنه حتى العركاتنه حسيت اشتاقيت.
بلعت ريكي غصه محتله بلاعيمي منزله راسي منه ودموع متوسطه عيوني حاجيه بكوه
جوري شنو اسوي؟
عمر رجلج نوح زكريا يحجي المقدم ذياب خطفج صح هل حجي لو لا
درت وجهي النوح يأشرلي احجي حكيت حاجبي حاجيه بدون تردد
جوري لاموصحيح
نوح شنو؟
عمر مو مقدم ذياب خاطفج؟ صديقه كرم؟
جوري بلعكس كرم اله الا فضل عليه كوومه وكف وياي بشغلات وذياب رجلي سابق وابن عمي اني طلبت منه يوديني الامي ومثل ماشفت سيدي طلعتوني من بيت امي وياي ابني.
عمر التحجينه يعني رجلج يجذب ويلعب علينه ترا هم نسنجنه لان اتهم مقدم
شبگت ايديه سويه محتاره بللت شفتي ضابط حس بيه
عمر خويه مالازم اسألج هيج ولا بهل سهوله لازم تحقيق لان سالفه بيها خطف ولازم ينحجز المقدم ذياب لحد ما يكتملن تقاريره بس صاحبي هوه وادري بي زين
نوح اشتكي عليك انت هم شنوو صاحبك كاعد وتتتوسطله ويييين كاعععدين
باوع النوح فاك عيونه صايح
عمر اسكت لك ولاتعلي صوتك
خليت ايدي خايفه وجسمي بده يرجف.
جوري سيدي لاا موهيج قصده
ذياب عمر
باوع الذياب أشرله وهوه هز راسه كاعد على الكرسي
عمر ها خيتي
جوري لاتسجن واحد بيهم حباب
اندار الذياب يضحك ذياب مسح على وجه همات ضاحك مبينات غمازاته انتبهت يمه كرم كاعد ويطبطب على رجله
جوري ككرم
باوعلي مبتسم رفع ايده ملفوف عليها لفاف يهزهز ب اصابيعه
كرم شلووونج
نوح جوررررري
جوري سيدي باوع نوح رجلي ماجان يدري بذياب وذياب اني كتله يوديني الامي موخاطفني.
عمر هساع بهاي الوضع انتي الجذبتي
هزيت راسي اكثر مره اطكطك ب اصابع ايدي نزل راسه رافع چتفه
عمر هساع المفروض نطلع ذياب وكرم ومانحبس نوح
جوري اي سيدي رحمه الله والديك
عمر بس نسجنج الج
انطعن وجهي صافنه مفهيه
جوري ها
عمر اي غير انتي غلطانه لاحجيتي الرجلج ولاهاي انتي غلطانه
باوعت النوح لكيت عيونه راح يطفرن من كثر عصبيه.
جوري سيدي مادري راح تصير هيج الله يخليك شتحبسني عندي طفل بلبيت ضل اني يبجي عليه يحبني ومتعود عليه
فركت عيوني متوتره حاسه دمي يبس
راد يحجي وفزينه على صوته
ابراهيم لك لاتزربب خلي انااا بيسوي دخووووول فوت هناا هنااا
اندارينه كلنا وكرم وكف بسرعه يضحك
كرم خخلي يفووت ملازم راكان
راكان سيدي مايصير
كرم فوته يناوشلنه اكل
كرم اشرله وفوته فات هوه لابس قاطه البرتقالي وقميص ابيض ورباط ملون بيده جيس ابيض لازمه.
ابراهيم اخلااا وصخلاا
ذياب يبه هلا
باوعتلهم هوه اندارلي مبتسم لابس مناضره يرفرف بحواجبه
ابراهيم ههذا انتاا شلون انتا
نوح امشينه
جراني وعمر صيح على نوح صار بينهم كلام واحد يكله ماتحترم وثاني يكله تتوسطلهم
ذياب عمر كافي
ابراهيم راحلهم يحاجي واحد من موجودين يفتح الباب
ججيب الاكل وروح
ابراهيم غغيرر انا يسوي اكل كل هذا بفلوس انا تعب تعب انا
كرم لاتجذب ابو راسين من فلوسي
ابراهيم اش سوي سكوت.
جوري هذا هوه طلعهم والله ماكو شي واني غلطت اسفه
نوح موبكيفج احبسهم تتراا والله اشتكي على الكل
عمر ساكتلك الحساب صاحبي وهذا هوه امشوا
جوري راح طلعهم
اخذ طرشايه من ابراهيم وهزلي براسه معنى اي درت وجهي النوح
جوري حباب مشيها بس هل مره
نوح حسابج بلبيت
ماحجيت هوه عت ايدي قوي جارني يريد يطلعني انداريت لكيت ذياب واكف مكور ايده صافن علينه
طلعت وكف تكسي رجعنه يم بيت امي
جوري وين اندليتنه
نوح انزلي جيبي الولد.
ماحجيت فتحت الباب نازله ودكيته فتحتلي الباب جاه بيديها سليمان طاك من البجي عيونه حمر مفرفرحه روحه
جاه جوريه
حضنتها بايسه خدها واخذت سليمان منها سكت ضل بس يشهك جسمه يرعش قوي حاضن ركبتي باوعتله امسح دموعه
جوري ها حبيبي انت اجيتك
درت كل جسمي اروح
جاه وين؟
باوعتلها منقهره گلبي منقبض
جوري اروح
جاه تعوفينه هم!
ضليت اباوعلها ماعرف شنو احجي باجيه لا أرادي زايده الخنكه بصدري هزيت راسي ودك هورن
جوري رجلي يريدني.
جاه امي تريدج زين
نوح جوررري
باوعتله لكيته خازرني ماسويت شي نزلت اريد اروح وسمعت صوتها
رمله رايحه جوري
مسحت دموعي هيه اجت يمي لابسه حجابها
رمله اذا رحتي وياه سوي نفسج ناسيه امج وابوج ربوج بيوم
جوري حبابه لاتسوين هيج
رمله ليش يفرق وياج؟ موعفتيني كل هل سنين؟
جوري تعبت والله
رمله روحي الرجلج
نوح يلا اصعدي
ضليت محتاره شنو اسوي باوعت الامي جرت ايد جاه من الباب وهيه سدته بوجهي حسيت كل ابواب انسدن بوجهي واريد ارجع.
رغم امي اعترف ماجانت بحنيه ابوي بس ضياعها مصيبه! خليت ايدي على وجهي منهارهه
نوح عوفيها ماتحبج تروحلج فدوه
جوري روح نوح
نوح وين اروح؟
جوري خليني بس هل كم يوم يم امي حباب
نوح شنو جوري شبيييج صدك تحجيين
جوري مشتاقه الامي
لزم راسي قوي فاتح عيونه سليمان كام يرافس من البجي لزمته قوي اباوع النوح حاسه ب الم براسي ودوخه.
نوح لاتخليني اسبهااا واسبهم كلهم لج شبييييج شجاي تسوييين بس كليلي ليش هيجج هسه اتنازلتي على الجلب ذاااك وهسه تردين امج شنوو متقصده تصغريني كداااامهم لان احببج تستغليني
رخت ايدي كاعده بلكاع بسرعه لازمه راسي هوه ضل يباوعلي فزيت من دفعني بحذائه
نوح ضلي هيج ثوله وماتعرفين تصرفين
عافني وصعد بسياره رايح زحفت اليوره بس اريد اوصل للباب زايد ألم گلبي منكطع تنفسي.
دكيته على كيفي وماتحملت طاح راسي على الباب اخر شي حسيت بي صوت ابني يبجي بصوت عالي
فتحت عيوني على كيف ماحاسه بلوكت وناسيه كلشي مامستوعبه
باوعت غواش خفيف اشوف رفعت ايدي فاركه عيوني
فرج كعدت
استغربت موخره ايديه وشفتهم كلهم كبالي امي وعمي فرج وجاه وحصه وغدير ومسره ونوف وفراس
ضليت اباوعلهم واحد واحد
جوري وين انا
رفعت راسي للغرفه فاتحه عيوني على حيلهن مستوعبه اني بغرفتي القديمه انا وذياب!
بسرعه ردت اكوم ولزموني صارلي الم بجتفي درت وجهي لكيت مرفوع اردان ملابسي بيها اثر ابره.
درت وجهي عليهم بالعه ريكي حصه حضنتني قوي
فرج هيج تعوفينه؟
اجت عيني المسره ونوف يبجن ويباوعلي مبتسمات كعدن يمي حاضنات ايديه ومسره باستها
مسره والله لو بالج تعرفين شكثر مشتاكيلج
انفتح الباب فايته امينه شافتني ابتسمت وبعيونها دموع وخرن نوف ومسره مني وهيه كعدت يمي تمسح على راسي.
كل هاي وحصه باقيه حاضنتني حاسه بدموعها على ركبتي ينزلن
امينه شلون صرتي شطبتنه؟
حرف واحد ماطلع من حلكي بس عيوني تفتر عليهم حصه وخرت مني لازمه وجهي ب اثنين ايدها
حصه سامحينه حبيبتي
رجعت عيوني الامي لازمه راسي
جوري وين سليمان
رمله نامي ارتاحي ههسه
كاموا مني بس حصه ضلت
جوري اريد ابني
رمله يمنه ارتاحي.
خلوني اتمدد عمي فرج اتقرب بايس راسي بوسه طويله غمضت عيوني شامه عطره متنهده كعد بطرف جربايه رافعني مخليني على صدره
فرج گلبج ياذيج بعده؟
باوعت العيونه منقهره متذكره ابويه حضنته قوي هوه ضحك يمسح على شعري
فرج فرحانين بيج كلنا ومانعوفج بعد
مسحت دمعتي وضلينه هيج مرر الوكت واني تمددت باقيين طلعوا باقيه جاه
جوري وين ابني وليش جبتوني هنا
جاه عمي فرج اجانه وشافج بلباب واخذج بعدين يلا كلناا علمود سليمان يبجي.
جوري دره بزواجي؟
جاه لا بس عرف سليمان ابن ذياب
جوري وينه هوه
جاه ذياب؟
جوري سليماان
جاه يم ابو
جوري طلع من سجن اجه
ابتسمت رافعه ارادني مأشرتلي
جاه هوه الضربلج ابره اصلا
اتلمست مكان اثر
جوري ابره شنو
جاه ماعرف بس تصيحين گلبي فا هوه خلانه نفرك وجهج وركبتج وناحيه گلبج بمي حار وراح جاب دوه وابر
تذكرت مال تشنجات التصيرلي ابتسمت حاسه براحه بگلبي وماكو الم ماحاسه بهل راحه من وكت طوييل بس جسمي متكسر وتعبانه.
جوري هسه جوعان ابني اريده جيبي
هزت راسها كامت ودك تلفونها باوعت واستغفرت سادته
جوري شبيج؟
جاه رجلي
جوري بعده!
جاه اي يريد يعرف مكاني
جوري خطيه كل هل سنين منتضرج
جاه تره دريت بي متزوج
جوري عود صدك!
جاه خيولي ماريده يجذب عليه عود يحبني
جوري هسه شيريد منج
جاه مادري مخبل ساعه يكول اريدج ساعه يكلهم لا بس خلي تجي واطلكها
ماحجيت عافتني ونزلت ماحسيتها ضايجه بس ضل بالي عليها مرر الوكت وتحركت اليده.
باوعت متذكره راجعه للماضي ابتسمت لا أرادي
جوري ادخلوا عادي
انفتح الباب وشفته من لكاني بدون حجاب دار وجه عاكد حواجبه
مديت ايدي معدله شال مخليته على راسي
جوري لبسته
ااجه يمي منزل راسه وحط سليمان بحضني لكيته نايم رفعت عيوني اباوع الذياب ماباوعلي دار وجه يريد يروح لزمت ايده
ذياب شنو تردين يبه؟
وخرت ايدي مغطيه سليمان
جوري من جنت يم امي دخلت عليه ولزمت كصايبي شبيك هسه مستحرم؟
حط ايده بجيوبه سامعه صوت حسرته وتنهيداته
ذياب صح حرام، بس مومثل اعرف بيج بذمه واحد.
عرفت دره سكتت هوه طلع ساد الباب ضليت احاجي بسليمان اريده يكعد وماكو بقى نايم رافع ايده الصغار ضحكت مخليته يمي
شمرت الغطوه علينه متمدده يمي اجت عيني على باب السطح متذكره حماماتي وعطوه
ضميت وجهي بسرعه بركبه ابني مارايده انقهر اكثر
كعدت ماعارفه الوكت اجت عيني على ساعه لكيتها بلاربعه الفجر وهدوء.
كمت من فراشي رايحه للميز اباوع النفسي وتعب على وجهي
جوري هل بيت مو احترك شلون رجعوا
اتچيت على الميز اباوع الانحاء الغرفه متغير كم شغله من اثاثها رحت الكنتوري فاتحه الباب شفت كم ملبس اكو مشمرات عشوائي اخذت دشداشه بنفسجيه غامقه دلعتها مربعه
فتحت باب الحمام اباوع مترب وكل غرفتي مبينه هيج متربه دخلت ساده باب فتحت الدوش متلمسه المي بارررد.
سبحت واني اغسل شعري حسيت ب شي طفر عليه فتحت عيني فازه ولكيته ابو بريص عطت بصوت عالي فاتحه باب الحمام طالعه اركض
جوري ولجج يييييمه
جريت جرجف مخليته عليه لافته ورحت بزاويه كاشه روحي انفتح الباب فايت
ذياب شكوو
جوري ابو بريييص بلحمام
بهتت ملامحه راد يهز ايده وانتبهلي دار وجه بسرعه مستغفر ساد الباب
ذياب كل هل علو صوت على حيواان تصدكين تجذبين انتي
جوري اكتتله
ذياب دلبسي هدومج خويه.
جوري ملابسي جوووه مشى عليه والله مشى
ذياب زتيتي گلبي ياعثررره هوه هيج
فات بلحمام باوعتله لابس ملابس دوامه ومزين لحيته مبقي بس شواربه ورافع اطرافهن اليفوك
عاكد حواجبه مضيك عيونه يدور بلحمام
ذياب هي بس انتي سبحتج بالفجريه هاا وينه
جوري بلحمام
ذياب اني وين بلمطبخ
ماجاوبته كاعده بلكاع داحسه روحي كلش بزاويه
جوري مشى على چتفي
ماجاوبني درت وجهي على لكيته صافن على جهه مد ايده مادري شسوه بعد ينفخ وطلع
جوري لكيته؟
ذياب اتكحزي لبسي هدومج
جوري مادخلل موته يلا
رفع ايده لكيته لازمه من راسه خانكه وهوه يرافس شهكت فاكه عيوني على حيلهن
ذياب صوتج سزز
جوري لك ايييع وصخ ذبه
ذياب دفوتي لبسي هدووومج
مشيت سريع للحمام ذابه جرجف غسلت مكان وين مشى عليه ولبست هدومي شلون ماجان خايفه لايطلعلي ابو بريص ثاني
طلعت لكيته مدنك يبوس بسليمان من حس بيه راح منطيني ضهره فاتح الباب طالع اني خليت شال على راسي نازله وراه.
فتت للمطبخ وشفته كاعد يصبله جاي تجاهلته فاتحه باب الثلاجه مالكيت شي مطبوخ كله خضروات فتحت الفريز وكله لحم وهمبركر ودجاج لو معلاك ومغلفات سديت ثلاجه جاره الكراسي وكاعده
ذياب بيج شي؟
جوري جوعانه
ماحجى فاتح خبزه حاط بيها جبن جتفت ايديه مدنكه راسي اباوعله
جوري جوعانه
هم ماجاوبني كمت اريد اروح وجراني من طرف ملابسي
ذياب مو تا اسويلج اكل
جوري لفه الي
ذياب لا الي.
جريت الكرسي اليمه كاعده مبتسمه انطانياها جر الاستكانه حاط نص جيله شكر واخذ القوري يريد يصب جاي
جوري لاا اربع جيلات اني
ذب القوري حاطلي جيلتين فوكااها وصاب جاي
جوري بعد جيله، ذياب، بعد جيله
خلاه كدامي ماخذ بيضه كاسرها ومكشرها نغزته على كيف
جوري بعد جيله
باوعلي شعره نازل على عينه مبلل
ذياب لعبان نفس يصير دشربي هيج
جوري ااني احب شعليك
انطاني شكر خليتلي بعد وحده وخلطته
جوري راح اداوم
ذياب اي.
باوعت على كرسي ثاني حاط سترته الجلد عليها
جوري من شوكت ماداوم؟
ذياب من ماتت ورد
هزيت راسي هوه حط ايده على راسه يشرب بلجاي
جوري اكلت ثلث بيضات كاملات
ماجاوبني برجلي حكيتها برجله
جوري مو احاجيك ابن عمي
وخر رجله يباوعلي
ذياب شنو جوري
جوري مو احاجيك ماتريد تسولف وياي
ذياب اني ماريد؟
جوري اي متجاهلني
ذياب غير صرتي بذمه واحد شنو صدك تحجين
ماحجيت وهوه رفع راسه شارب الجاي كله دفعه وحده استغربت
جوري حار تره.
كام فاتح الحنفيه مفرج اسنانه غاسل وجه بيده مشط شعره اليوره ولبس سترته كمت وراه واكفه كدامه متنهده
ذياب شبلاج
جوري مادري
رفع عينه لكيتهن حمر صايرات من شرايينه واضحه
عرفت صاير عصبي بس مايبين
ذياب زيحي من دربي
جوري بعد وكت بالاربعه
باوعت للساعه مضيكه عيوني
جوري الاا ثلث
انداريت بسرعه لكيته يتقدم بخطواته ناحيتي رجعت اليوره مبتسمه بخوف
جوري ضربتني ابره؟
ذياب مال سرسره.
بلعت ريكي ضليت ارجع اليوره الحد مانضربت بلكاونتر
جوري اني موسرسريه
ذياب ياهوه يكول؟
جوري انا
حط ايده على اطراف الكاونتر رجعت راسي كلش راجف گلبي حاسه دمي يبس قرب وجه يم وجهي
غمضت عيني متكزبر جسمي وهمس
ذياب بيده همن هيج؟
فتحت عيني مستغربه لكيته كاز على سنونه صافن بعيوني همهم منتضر جوابي
جوري وخر
ذياب تصگعين گلبي واوخر تردين؟ احجي
حسيت انربط الساني همست بصوت ناصي حاجيه بكوه
جوري شنوهه
ذياب ترجفين بيده هيج؟
ماحجيت بكوه متنفسه لزمت چتفه بسرعه حاسه بي دافن راسه بشعري
ذياب احجي!
جوري لا، سيدي، لا
ماسوه شي ذب نفسه الحار بركبتي وخر مغمض عيونه اجت عيني على تفاحه ادم مالته يبلع بريكه
ذياب تردينه؟
ماجاوبت وهوه فتح عيونه
ذياب متقربلج؟
حسيت نفسي لعابه ويتحكم بيها بس اباوعله واهز براسي نافيه
جوري لا
رفع حاجبه مستغرب
ذياب شنو موزلمه؟
جوري شنوه؟
ذياب ليش ما اتكرب صوبج
جوري معليك وخر
لزم ايديه قوي موكفني
ذياب احجي ليش
جوري اني.
مال وجه عايفني بس ضال بوكفته مامتحرك
ذياب شنو انتي؟
ضليت خايفه ماعرف شنو احجي ودك تلفونه
جوري تلفونك
ماتحرك حاجي بحده
ذياب احجي لاتفطرين گلبي
جوري اني ماردت
ذياب وهوه رضى؟
جوري لا ضايج وتعاركنه
ذياب ليش ماتردين؟
حسيت ماكو نفس صار دفعته مايندفع شردت من قبضته بكوه راكضه صاعده الدرج لازمه گلبي اتنفس سريع.
شويه وطلع من المطبخ لابس سترته اندار عليه خاطف نضره سريعه وراح الشغله مرةة الايام واني عمي فرج خلاني بيته وامي ماتروح وياي
غزاله كلش ضايجه مني بس تخوزرني وابد ماحجت وياي بس اي مكان اجي يمه تروح وهاله ماكو ومحد جاب سيرتها اما ساره حالها حال روحها
عمي فرج جاب كل شي يحتاجه سليمان وزايد ضليت فرحانه بللملابس جابهن
جوري تسلم والله مو البارحه جبت
فرج يستاهل حفيدي ناوشينياه ابوسه يول.
شلته جنت ملبسته صدريه كابوي جواه فانيله ملونه درجات الاحمر والابيض وملبسته شفقه بيضه مرسوم حرف S عليها
اخذه يبوس بي لاف شماغه علي
فرج حاجيها ماما شنووهااي اريد شماغ وعكول الشيوخ اني
سليمان دنك يريد ياخذ سبحته منه انطاها اله باوعت العمي شلون فرحان بي اخذه ونزل راد يسد الباب وباوعلي
فرج جهزي روحج النه خطبه اليوم
جوري خطبه؟
ماحجى بعد نزل بسليمان جوه وضل بالي كلامه حاجيت نوف لكيتها متوتره ومبتسمه وتحضر بروحها
نوف طالعه حلوه
جوري يوم يومج حلوه
ابتسمت جاره عينها حاطه كحل ابيض بيهن
جوري خاف خطوبتج ومادري
نوف لاعليج الله
جوري يمه شكو
نوف واضح
جوري صصدك خطوبتج
نوف اششش مايدررون بس ابوي وهمن اني عود مادري
جوري ام العود شنيهاااي منووهه ولج
نوف كرومه
انصدمت مرسومه الابتسامه على وجهي رفرفت بحواجبي اضحك
نوف ها شبلاج.
جوري كرررروومه وين تعرفينه ولج
نوف ولج اشش
هزيت راسي بمعنى سكتت طلعت بره فرحانه لكيت كبالي مهى انطتني طاسه الخضره
مهى تعرفين تنضفيها غير
جوري لا
مهى اتعلمي
دفعتني تضحك طلعت بطرمه ضايجه لان مشغليني كعدت على مرجوحه رافعه رجل وحده جنت لابسه
دشداشه زيتونيه وربطه شادتها اليوره هم زيتوني غامق
طلعت من دلعتي مرايه صغيره بيدي قلم حمره فتحتها مخليه على شفايفي
جوري اخبل فديتني.
فركت شفايفي سويه ممتزجه الحمره عدلت شفايفي مخليه بالاطراف وهوه دخل بملابس دوامه شعره مخربط وطابك سترته وشامرها على ضهره
جان بيده جكارتين طبك يدخن شافني وكف رافع حاجبه
ذياب هلو؟
بهت وجهي سديتها بسرعه ضامتها بصدري دايره وجهي مكمله تنضيف خضره
وكف يمي يفتح بقيطان حذائه مدنك
ذياب من يمتى تتحمر العثره؟
جوري بس هيج
ذياب زيحيها من شفايفج
جوري معليك.
ردت اكوم وفزيت جار وجهي قوي ب اثنين ايده رافع راسي ب ايده يمسح حيييل على شفتي موخر الحمره
ذياب لونهاا جثيرر واضح
دفعته ضايجه
جوري هاااايي ليش
ذياب ههيج احسن
طلعت الحمره وجراها من ايدي
جوري شبييك خربت وجهي دمرتني بلحمره
ذياب انزاحت ماكو
ماحجيت منقهره ضليت انضف بلخضره سريع دنك هامس
ذياب شفايفك حلوه ابني
دفعته كاشه من انفاسه وخر يضحك مهتزه اچتافه
جوري غثيثث.
طب جوه وغميته شافني بلكزاز محطوط على الباب نزلت راسي بسرعه شايله الخضره وكايمه ردن افوت وجراني من طرف ملابسي
انضربت بصدره باوعتله
ذياب على ياهوه هاي؟
جوري انت
ذياب مرضيه منج
جوري غصبا
ضربني على كيف خزرته فايته جوهه واسمعه يضحك فرحان بضوجتي منه مرر الوكت وصبينه غده كعدنا كلنا واني كعدت يم عمي فرج وذياب يمه هم بس من جهه ثانيه حاط بحضنه سليمان
ذياب اوف بابا شنوهاي ملبسينك.
رفعه بايس عيونه وسليمان يرفس برجله ضايج من شواربه باوعتلهم وابتسمت انرفست من جاه باوعتلها فاكه عيوني
جوري يمه شبيج
جاه فرااااشاااات صارن بطني جوريه تتبتسمين
جوري خيه اني انرفست بطني جا هوه هيج
جاه ااكلي اكلي كافي تتأمليين
جوري وين متأمله
باوعت الفرج جاب لحم كله يمنه يشيل من يم حشام ويحطلنه
رمله خلي للولد
حشام ولد
ضحكنه على صدمته امي غمته
رمله قبلت ياخذون لحماتك بس ماقبلت اكول ولد
سمير ضحك يطبطب على چتف حشام.
فرج اكلن اكلن
امي شالت لحمات ورجعتهن
رمله خليهم ياكلووون بنات يمهن اهواي
ذياب لا موخوش حجي
رمله اشش ذياااب التهي ب ابنك وكله
جوري لا جيبه اني اوكله
ذياب لا يضل صوبي شنو عندي
فرج رجع الحمات وتقاسم بلحمته مخليها يم حشام وكعد فرج يفلسلسنه اباوع النسوانه طالعات عيونهن من مكانهن وحصه حاطه شيلتها على وجه وتضحك فاهمه سالفه
جوري والله اهواي
اخذ ب ايده موكلني ذياب حمحم
ذياب عندهن ايد وياكلن.
فرج مثل ماكالت شراره التهي ب ابنك
غزاله صدك شراااااره
باوع الامي مبتسم امي هزت ايدها من جوه غمته
ضحكت ذياب اخذ من الخضره ماكلها
ذياب اليوم الخضره مامنضفه زين ياهوه نضفها؟
باوعتله حسيته متقصد لكيته كاتم ضحكته
مهى ياااا هاي جوريه نضفتها
شال بيده اهواي واكلها
ذياب موخوش تنضيف جؤ جؤ
جوري هوه غير انگلبت طلي
كلهم انداروا عليه خازريني وضرغام وعمي فرج ضلوا يضحكون.
هز ب ايده بمعناها اصبريلي نزلت براسي بسرعه مكمله اكلي انتبهت الجميله كامت ضايجه
جوري شبيها ماشفتها اهواي
جاه تغار
جوري منين؟
جاه منج على ذياب
جوري شنو؟
جاه صغيره معليج بيها كملي اكل
ذبيت خاشوكه وكمت وراها لكيتها بلمطبخ فاتحه الحنفيه وصافنه سديتها وهيه انتبهت
جميله ها جوري شلونج
دنكت لازمه ايديها بايستهن
جوري اانتي شلونج
جميله زينه
جوري ليش ما اكلتي
جميله مااجوعانه
جوري ضايجه احسج
هزت راسها نافيه تلعب بطرف شعرها.
جوري تحبين عمج ذياب؟
جميله اي حباب هوه
جوري ذياب حباب؟
جميله اي
هزيت ايدي كايمه عايفتها صار الليل واندك الباب صعدنه كلنا وفاتوا زلم بلمجلس ونسوان بلهول
واسمع حجي امي كعدت ويه نسوان
مامره شوي وفزينه على صوته
ذياب شنووووو
نوف يااارب يسرها
من علوا صوتهم رغم باب مسدود بس نسمع ونسوان كلهن سكتن خايفات
ذياب موحاجيتني وحجيتلك لا بعد شنو
صار صوت يزلم يهدون بي ضجت ماعارفه ليش ماجاي يقبل صعدت ماخذه سليمان فوك.
لحد ماصار هدوء وسليمان نام بحلكه مميته شلتها مخليته على فراشه مغطيته ومخليه ب اطرافه مخدات
فتحت الباب مالكيت احد ومطفيه الاضويه باقي ضوه خافت مفتوح باب مديت راسي وشفته هوه كاعد وبيده تلفونه يگلب بي ويمه باكيت جكايره يدخن
جوري ذياب
باوعلي بسرعه صارت ابتسامه على شفايفه
ذياب محتاجه شي ام سليمان؟
جوري اي احاجيك
اشرلي افوت دخلت وسديت الباب كعدت مقابيله بلكاع
ذياب اتكلطي اكعدي هين.
جوري لاهنا بس احجي بسرعه واروح
ذياب شنو يبه؟
جوري قبلت بزواج كرم ونوف
تغيرت ملامحه ماحاجي اخذ نفس من جكارته
ذياب امشي الغرفتج
زحفت متقربتله نزل راسه يباوعلي
جوري ليش ماتقبل؟
ذياب اعرف صاحبي
جوري هوه لان تعرفه شكد وكفلك خطيه بهاي ماتوكفله
ذياب اعرف وياي هوه وفضله جثير بس لا مانطي مره
جوري ليش؟
ذياب جوريه بويه ماتعرفين بهل سوالف روحي نامي صوب ابنج
جوري لا حاجيني وكلي ليش
ذياب راح تشدين النونه وتعاندين.
ضل صافن بعيوني وعيونه يلمعن ابتسمت تك خد هازه راسي بلع ريكه حاك ركبته
ذياب امشي الغرفتج لايدحكلنه احد
جوري لاا احجيلي سيدي
اخذ نفس قوي من جكارته يباوعلي بتوعد
ذياب ناويه عليه اليوم
جوري احجيلي يللا
ذياب ابو نسوان
جوري هسه على اساس انت شلونك
ذياب جورريه
جوري لا شوف هوه عاف نسوانه واتزوج نوفه
ذياب شنو عرفج عافهن؟
جوري لان راح يتزوج اكيد يعوفهن
ذياب بربج؟
جوري اي
ذياب ماكو رجال متزوج يخون.
صفنت هوه رفع حاجبه منتضرني ارد
جوري كرم لا
ذياب كرم صح صاحبي واعرف بي وفي حاله حال كلب بس من سالفه نسوان لا اغسل ايدي واكصهن وازتهن بلكبور
جوري لااماعنده ماطول لح على نوف وذا خانها بركبتي
ابتسم بيده بيها جكاره خلاها على راسه
ذياب شنو اسوي بركبتك ابني؟
جوري لا ذمه
ذياب جؤ مايمشي عندي
جوري ححباب يريدها وتريده
ذياب شنو!
جوري اقصد هوه يريدها تعرف بيه اجفص بس خطيه انقهر علي
ذياب امشي امشششي يمصگوووعه.
جوري حباب اقبل حباااب
ذياب اذا رضيت شنو تنطيني
جوري اني شعليه؟
ذياب مو متگربه الغرفتني وترديني ارضى؟
جوري اي
ذياب اي شنو تنطيني
جوري شعندي شنطيك
ماحجى واني كمت اريد اطلع يلا كال
ذياب تطلكين من نوح.
باوعتله عاكده حواجبي هوه فرك عينه مستغفر
ذياب هيج اتكحزي
رجعت الغرفتي وثاني يوم لبست سليمان تراك اخضر مشطه شعره مسويتله نافوره بنص نزلت وسمعت الهلاهل
جوري شنو شكو؟
مهى ذياااب رضى نوف تزوج.
ابتسمت مامصدكه شفتها واكفه على جهه مستحيه وجها احمررر رحت بسرعه حاضنتها قوي بايستها
جوري ممبروك تستاهلين
نوف شستاهل
جوري مادري المهم مبررروك
ضحكت بايسه خدود سليمان
نوف سنووو هاي سعررج خيه سنوو
فرج حفيدي شنو مسويه بي جورريه
جوري نافوره
شالها من شعره يضحك واخذ سليمان من ايدي مرةة الايام وحددوا يوم العقد وصار جنه كلنا فرحانين وحتى ضرغام فرحان الها.
بيومها لبست فستان بني مسويه شعري كصيبه حاطه شال هيج بس شامرته فرنسيه رشيت عطر ولبست سليمان نفسي بني
شلته فاتحه الباب بهل اثناء طلع ذياب من غرفته يلبس بساعته شافني وكف
نزلت عيني على ملابسه لابس نفسنه قاط وبنطرون بني وقميص وحذاء اسود ساعته فضيه تلمع وعطره سابقه.
ذياب ام سليمان
حصرتني الضحكه نزلت راسي نازله هوه غمض عينه شام عطري ماتحملت ضحكت.
جان يوم عباره عن فرحه والكل متونس هوسنه وناس دك وصار العقد وبدت الهلاهل الا شوي وسمعت برا يدكون ويغنون ومنهم ذياب...
طكن جيلات البرنو والهاون ثار، طكن جيلات البرنو والهاون ثار. هبت جنوب العماره واهل الانبار
صار دك الوراها قوي وطلق مالي ساحه لكيت مسره صاعده تباوعلهم من فوك خليت ابني يم امي وصعدت اشوف وياها ولكيت ذياب مكابله فهد
وبيديهم سبحه وبنص اجتمعوا عليهم باقي زلم وبدوا يدبجون فرج رفع ايده رامي.
مسره ضرغام
باوعتلها بسرعه لكيتها صافنه بي ضحكت هازه ايدي.
نوف
عدلت شال مالتي والابتسامه لا أرادي على حلكي فتحت الباب داخله لكيته كاعد يبلع حاط ايديه على رجله يطبطب على كيفه ولابس محبسين اسود يلمع وفضي رفع راسه وشافني ابتسم تك خد
رجفه احتلت جسمي حاسه بنبضات گلبي اشرلي اكعد يمه وكعدت نفس قنفه بس مسافه بينه
كرم شلونج صگره
طلع صوت ضحكتي مامتحمله ردت اجاوب بسرعه جر وجهي بايسني وانفتح الباب.
وخر مني بسرعه مستغفر
كرم استغفر الله استغفر الله استغفر الله
امينه ها ولك كرييييم موعيب
كرم خاله عينها تاذيها
حطيت ايدي على حلكي اضحك بصوت عالي خاله امينه خزرتني انتبهت الضحكتي الرجوليه حمحمت منزله راسي
ناسيه كل تدريبات غدير على الاتيكيكت وشلون ابين انثويتي خربتها من اول دقيقه بضحكتي.
امينه لايدحكلك ذياب
كرم غير حلالي صارت
امينه مايصير ابني من تعرسون يلا
كرم ياهوه اهم جدام الوادم لو جدام ربنه غير عاقد.
رفسته اضحك هوه باوعلي مصدوم من رفستي امينه ضاجت خازرتني وطلعت
نوف لاتبوس
كرم غيرر حلاااالي يابشررر
طكيتها بضحكه لازمه بطني اغمغم بي
كرم شبلاج انتي ثانيه
جوري شبيك عبالك بايكين حلالك
فز بسرعه يباوع من شباك وشافها ضحكت تاشرلنه
جوري هلااوووو
كرم ولجج امشييي دخليني ادحك الدربي
جوري لاتستتهر ولاااااك
كرم راح ابوسها جدامج
جوري ياباطل!
وخرت محتاره ادور
جوري وينه ذياااااب اصيحه
كام يعدل ب ارباطه.
كرم مارييد عمي بطللت راح امشي
جوري لااا اشاقه وياك ولعبااااس ابو فاضل
كرم دخيل سيدي العباس بس امشي
دفع كصتها باوعتله ضايجه تخوزر بي وسد الشباك عليها اندارلي متنهد
نوف هههههههههههه
كرم دكافي كخكخكخخ
اجه يمي لازم ايديه مبتسم
كرم شكثر حلوه انتي وناعمه مومثل الزومبي الغاد
نوف لا لاتحجي على جوري
كرم دعوفي جوري
رفع ايدي بايسها هوه يبوس واني حاصرتني ضحكه
كرم ليش تضحكين
نوف ماضاحكه
كرم غير رومانسيه
نوف اي.
باس باطن ايدي واندفر الباب كام
كرم لا اله الا الله
ذياب شنو اتسوووي!
كرم يابه حلالي والله حلالي
جوري لااا مايصير حرااااام
كرم زتيتيهن صوبه هاا حاروگه اورج ور هساع
ختلت وره ذياب عاكده حواجبها
جوري اني شعليه ابو الباميه
ذياب اجني غاد
كرم عجل شلون ادحكلها
ذياب اجني غاااد درررع
استغفر كاعد زاويه الغرفه بلكاع
كرم هيج؟
ذياب اي لادحكلك صوبها.
فتح ايده مصدوم منه جوري تضحك حاطه طرف حجابها على حلكها اندارلها ذياب خازرها وكفت عدل
جوري ها
ذياب ااطلعي اني اكعد هين
جوري لاوياك
ذياب امشي بويه
اشرتلنه باي وكرم غمااها ضحكت وطلعت ساده الباب كعد ذياب على الكرسي مقابيلنه حاط رجل على رجل
كرم اي احجيلي نونه
ذياب نوووووف
كرم موسالفه هايي قناااص
ماجاوبه حاط ايده جوه حنجه يگلب بتلفونه
كرم شلونج
ذياب زينه هيه
كرم لادوووم دووووم.
ورث جكاره وفتح اتصال جايه داير كامره على كرم
كرم شنو؟
ذياب سلم
ابراهيم مباررررك خايس سوه عرس بوووم ههيهيهيي مباررررك مباررك
باوعت الكرم لزم راسه باوعلي ذياب مأشرلي اروح كمت بسرعه فايته جوه
كرم وين مرررتي
ذياب خلص وكتك يلا ابني امشي الاهلك
لكيت جوري كدامي كاعده على قنفه بيديها ماعون بي كص وتوكل سليمان ونص الكلمه تاكلها هيه يلا توكلها الابنه
شافتني وابتسمت اشرتلي اجي
جوري ها شصار
نوف ههههههه اتورر گلبه.
سكتنه من اجت جاه شاورت جوري
جوري وين؟
جاه بيتنه
كامت عايفه ابنها يمي وفاتت شوي وطلعت لابسه عبايه امها وراحت من باب الخلفي عكدت حواجبي مامفتهمه وين رايحه
ذياب وين شطبه؟
نوف طلعت من باب الغاد
ذياب شنوو!
سكتت بالعه ريكي هوه بسرعه لحكها خليت سليمان بحضني مكمله اوكله وماعارفه شي.
جوري رجعت البيتنه اتمشى وشفته واكف لابس جاكيته الرصاصي
جوري نوح
اندار خاف ورم وجه وملامحه باررده
اجيت يمه واكفه
جوري بيك شي؟
نوح نرجع البيتنه
جوري شنو لا موهسه
نوح موبكيفج
جراني يريد يصعدني سياره اريد اعت ايدي منه ماكو
جوري شبيييك ابني هناااك
نوح بعدييين اجيبه امي مريضه حيل ولازم نرجع
جوري اصبررر شبيييك ماعوف ابني
ماحسيت الا ضربني لزمت خدي مصدومه
جوري نوح
نوح متحمررررتلله اصعدييي
ردت اوخره ودفعني قوي مصعدني ساد الباب
جوري نزلنيي
صعد بسياره قافل البيبان ردت افتح الباب وجر ايدي
نوح والله اخليج ماتجيبين ابنج بعد اكعددديي!
جوري كافيي شبيييك ابني ماعووفه حباب لاتسوي هيييج
ماستمعلي شاخط سياره سريع ماشي بسرعه درت وجهي ولكيته واكف يريد ينتبه منو موجود بسياره
شافني ذياب وبهتت ملامحه جان مجتف ايده ورخاهن نزلت دمعتي اباوعله...