رواية عكد الظفيرة للكاتبة زينب جعفر الفصل الثاني والعشرون
جوري: -
صرخت قوي ذياب ضيگ عيونه مايل راسه مثبت بؤبؤ عينه عليه
رجعت اليوره ارجف قوي حسيت ب شي حار نزل من بين رجليه نزلت راسي وشفت دم ملطخني واصل الحد قدمي
بلعت ريكي فاكه عيوني مارمش بس جسمي يهتز بقووه مثل سعفه طلع ذياب يباوعلي وبيده قناعه
بجيت خايفه منه حط اصبعه سبابه يم شفايفه هامس بصوته خشن
ذياب أشش
رجعت اليوره اتنفس بگوه منقبض گلبي
ذياب ضلي بمحلج لاتفلين.
بقيت ارجع اليوره وهو نزل عيونه يباوع للدم الملطخ جسمي شمر قناعه بنتر بلكاع
ذياب يبه لاتسوين سالفه أچني
بحركه سريعه بدون ماحس على روحي ولا اعرف بشنو فكرت من الراح اسوي...
ركضت قوي للجهه ثانيه عاط وراي
ذياب ويييييييييين!
مانداريت اشهك قوي ابجي متاذيه من ألم رجلي و وجع بطني صار قوي حسيت سجاجين وانغرزت بيه
ماعرفت وين صرت افوت لثواني وماتحلمت طايحه بلكاع اون من رجلي
جوري ياااييمه راح اموت.
تمددت ضامه وجهي وبيدي اعصر على راسي قوي
جوري يابويه
نوح شطبه
بسرعه رفعت راسي خايفه وشفته هوه
ماحجيت باقي جسمي يرجف
نوح ماسمعتي جثير حجيت حتى تسمعين إلى بس ضليتي مزرعده
مامستوعبه شوكت صاحني فركت عيوني اباوعله لكيته مدمه صاير جرح بكصته وعيونه ذبلانات
حجيت وشفايفي يرجفن
جوري شردت منهم
نوح اي بس طكوني
جوري ليش
نوح واحد منهم طكاني حاط باله اني وي سالفه
جوري كلتلهم مخطوف
نوح لا بس فليت.
مارديت منزله راسي لازمه رجلي دنك كاعد يمي
نوح نفل؟
جوري وين اكدر اركض رجلي موتتني
مد ايده لازم رجلي مضيك عيونه يحاول يشوف بضلمه
نوح ما ادحك زين
سحبت رجلي من ايده
جوري عوفها
نوح تا ترجفين؟
مارديت مخليه ايدي على حلكي اكح
نوح لازم نمشي من هين
جوري ماكدر والله
نوح راح يجووون
باوعت بلمكان انا بي ماكو احد ضلااام. وهدوء.
جوري راح احاول
هز راسه مقربلي ايده استند عليها ردت اكوم وماتحملت عايطه وطحت
جوري رررجلي.
نوح شنو اسوي
بقيت كاعده منزله راسي وابجي
نوح لا لاتبجين شطبه
جوري لاتخليهم ياخذوني مجرمين
نوح لا اموووته اليتگربلج
كام يفكر محتار بيه
نوح تا ادحك الشي اناوشه الج حتى تتعالجين
جوري خاف يلزمونك
نوح عجل شنو اسوي احجيلي؟
ماحجيت هوه دنك لزم رجلي بسرعه وخرتها وانه من الوجع
جوري عووفها
نوح راح امشي ادحكلي صيدله هين
مشي واندارلي
نوح ضلي هين
جوري اي.
نزلت راسي متنهده بكوه فاتحه عيوني دايخه ورجفه مافارگت جسمي، مرر الوقت وبروده احتلتني
بقيت منزله راسي افرك ب ايدي اثنينهن احاول ادفه رغم يرجفن ومتعورات بس احاول.
سمعت صوت خطوات قريبه مسحت عيوني حاسه اجاني الفرج، بس تغير كلشي من همس
ذياب حمامتي
رفعت راسي رامشه اكثر من مره للحظه حسيت تنفسي مامتوازن صار. باوعتله لكيته مايل راسه مبتسم ضاهره غمازته
بلعت ريكي شاهكه هوه تغيرت ملامحي الجديه
دنك وانا نزلت راسي.
ذياب سوالف زعاطيط ماتعوفينها؟
ماجاوبت ابجي واباوع الرجلي
ذياب يلا اتكحزي يلا يبه
رفعت راسي كارطه اظفري باجيه اكثر جان بيده عبايه ثخينه مال زلم لفاها عليه مغطي شعري
ذياب يلا بويه
مارديت اشهك نزل راسه يباوع وشاف رجلي متعوره تنهد نافذ صبره حاك حاجبه
بحركه سريعه شالني ب أثنين ايدي
جوري وخررررر لاتلللزمنييي
عاط بيه فاك عيونه خازرني
ذياب صووووتج
سكتت اريد ادفر بي انزل وهوه ضغط قوي مثبتني ويمشي ملامحه عاديه.
جوري مجرررم ماريييد
ذياب ليش ليش عصفورتي انا الحنين
ضربته على صدره اكثر من مره
جوري نزلللنيي لاتلزمني
مارد عاض باطن شفته ماشي أسرع يريد يوصل للبيت
صرت ابجي بدون صوت من كثر مامهدود حيلي ومابيه اصرخ بعد بس الأريده مايلزمني.
بقيت ساكته اشهك بصوت ناصي نزل راسه يباوعلي
ذياب هذا شغلي
جوري مجرم
ضغط قوي عليه عرفته صار عصبي رفع حاجبه يحجي بنتر
ذياب لاتسوين سالفه وتضوجيني
اجاني هوى بارد اكثر ضميت راسي بعبايته.
وصلنه يم البيت برجله دفع الباب على كيفه جان مردود
ودخلنه لكيت بس مره ورجال وجاهل حسن
كامت المره بسرعه تعدل بحجابها الأصفر
انتا مافي عكل انتا بيسوي مشكل لأنا
بجيت اكثر ماباوعلها استغفر ذياب مفوتني جوهه
ابراهيم مره مال انا سوي سكوت لا ازربك
انتا بس كدر ماله على انا هووتف.
فوتني للغرفه ماعرفها ولا اندلها خلاني على جربايه من خشب جانت مفروش عليها غطوه ورديه.
مسحت عيوني ماده رجلي مامخليتها طخ على خشب جربايه هوه دنك كاعد على كاعيه يريد يلزم رجلي بسرعه سحبتها
رفع عيونه يباوع الوجهي
ذياب ماحب احد يعاندني أچني
جوري ماريدك
ذياب جوري شبلاج؟
جوري لاتلزمني
ذياب ليش؟
جوري شنووو ليشش شنوو؟ ايدك نگسه!
ذياب جوررري
جوري ماعندك ضميرر ياحقير
فك عيونه كام بسرعه مفتر ب الغرفه ياخذ نفس قوي مهدي روحه رجع مباوعلي حاجي بهدوء مبتسم بتك خده
ذياب يبه دحكي هذا شغلي يعني ضابط شسوي؟
جوري نحررتهم!
ذياب عجللل اتفلل عليهم بييج شي؟
جوري تكدر تاخذهم وتسلمهم للشرطه هذا هوه
ذياب انتي مستوعبه على منو تا دافعين؟
جوري مامدافعه بس حرام
رفعت راسي اباوعله نازلات دموعي
جوري هاي روح مايصير هيج ربك هوه اليحاسب
كور ايده قوي متنرفز من حجي مسح فوك شفته بالع ريكه وتقدم مدنك يمي
ذياب دحكي ذول نجاسه نفسهم نفس جلاب مفهوم؟
جوري بس حتى لو جلب اذا موته ربك يحاسبك
حجى بصوت عالي ضارب على فخذه
ذياب لا اله الا الله.
خليت ايدي على راسي دايخه ورجفه مافاركت جسمي
ذياب انتي دافعين الوادم هااا يعني من اخذتي ضابط شمتوووقعه اكيد هذاا شغلي
باوعتله حاسه بغواش هوه يأشر بيده فاك عيونه يحجي
ذياب مخليه بالج لووماا صاييدهم تنحسب رتبتي بسببج!
فركت عيوني لازمه گلبي متألمه
ذياب لازم تفررحين صدته وتنرفع رتبتي بس جوري خانم تنقهرر على اي واحد دحكتلله
مال راسه مضيك عيونه.
ذياب ضجتي عليهم وماتردين اتگربلچ زين؟ ماتضووجين اذا فلواا مني ويدحكلي الرئيس جذاب ويسحب رتبتي انا ودرع!
ماجنت فاهمه الحجي اليكوله نزلت راسي حاسه بثگل وفزيت لازم أچتافي يحاجيني ومعصب
ذياب مخليه بالج الضايجه عليه راهني اتنازل الرتبتي علموودج!
باوعتله وعيوني ذبلانات لكيته عاكد حواجبه
ذياب حاجي درع اذا ماتصدكين بحجي...
لو ماملاكيج بلمكان هذا. حجيتله أسلم رتبتي واندار فدوه انا وديره هلي العيونچ.
اخر كلام سمعته منه وضلام عم عيوني...
ماحسيت ب شي وماعرفت شكد بقيت مغمى عليه
فتحت عيوني على كيف لكيت ضوه ناصي حيل
حجيت بيني وبين نفسي
جوري وين انا
اجت عيني على الباب طالع منه ضوه بس الغرفه انا بيها مطفين الاضويه درت وجهي حاسه ب شي يتلمس رجليه
شفت ذياب مدنك وشعره مبلل وجاي يضمد برجليه طاحت نقطه مي على رجليه سحبتها بسرعه
باوعلي بسرعه غمضت عيوني
ذياب اسم الله بابا.
خلصها سمعت صوت خرخشه فتحت عيوني على كيف شفته يخض بدوه فتحه مخلي بيده شوي ودهن رجلي ثانيه
رجعت مغمضه متنهده وصار هدوء
جوري شنو راح؟ ليش ماجاي يعالجني
فتحت تك عين وشفت بيده ابره جاي يسحب منها دوه ابيض
جوري شنووو
رفع حاجبه مستغرب
ذياب ها؟
جوري المن هاي الابره
ذياب للحمامه
جوري مارييد وخررر موكتلك لاتلزمني
ماجاوبني ملامحه بارده شمر قنينه صغيره جان بيها دوه طاحت بلكاع سامعه صوت طكتها الكزاز
ذياب يلا.
جوري ماحتاااجها
ذياب تعرفين هي ال شنو؟
جوري لا بس ماريد
ماجاوبني رافع حواجبه يأشرلي اندار
جوري شنوو دكتور؟
ذياب لا مقدم
جوري اي موشغلتك
تقرب رافع الابره مشوفنيها
ذياب موسالفه اذا تعلمت بيج.
نوف
كمت فاتحه البرده اباوع للسماء ضلمه.
نوف فات الوكت
رجعت كاعده على جربايه لازمه تلفوني اتصفح بي
فتت لليوتيوب داخله للبحث ماعرف شكتب رفعت عيوني افكر
نوف ابحث طبخ.
كتبت وانا اهمس بصوت ناصي
نوف تعليم طب، تنهدت حاذفته وكاتبه من جديد
كيف اجعل شخص يحبني.
لكيت فيديوهات اهواي واكثريتها بنات يشرحن دخلت الفيديو واحد منهم لكيت بنيه شعرها اسود مبتسمه
هاي
نوف هايات
بدت تحجي خليت ايدي جوه حنجي صافنه.
مرر الوقت صافنه على حجيها
تنهدت كايمه لازمه تلفون وامشي فتحت الثلاجه ادور شي اكله لكيت جزر اخذت وحده كارطتها راجعه المكاني كاعده
نمت على بطني مثبته تلفون على مخده واكرط بجزر بقت تحجي وتحرك ب ايدها فركت عيوني مطفيه الفيديو
نوف راح انام يامهاره
شمرت تلفون متمدده صافنه على سكف
نوف انا اضل هيج
دحست اخر لگمه من جزر وفزيت على صوت الباب
كمت وشفته داخل فرحان شافني وسد الباب
ضرغام كل بالي نمتي
نوف لا ماريد انام.
رفع حاجبه داخل ذاب تلفونه وساعته
ضرغام اكيد؟ اضن تردين تنامين
هزيت راسي نافيه فتت جوه وصاحلي
ضرغام نونه
انداريتله ماحاجيه شي
هوه ابتسم ماد ايده الجيبه مطلع علبه صغيره زركه
فتحها وشفته محبس ذهب على شكل فراشه
ابتسمت مامستوعبه عفت يده الباب وتقربت يمه اضحك
نوف هاي شنو
ضرغام ححلو
نوف جثيررر!
ضرغام ما اجه بالي نسوان يهون ذهب
شبكت ايديه سويه اباوع للمحبس وحاسه عيوني مبتسمات قبل شفايفي
ضرغام راح تحبه؟
نوف شنو هوه.
أشرلي للمحبس مبتسم افتهمت باهته ملامحي باقيه مامتحركه بس صافنه
ضرغام اريد اعرفج عليها ولو تعرفيها زين بس ماخاله بالج ياهيه
بقيت ما أرمش حارگاتني عيوني يردن ينزلن دموعي بس بكوهه ثابته اباوعله هوه لزم خدي طاخ بشعري
ضغطت قوي على ملابسي بالعه ريكي ماريد أبين الغصه الحتلت بلعومي
نوف م، موحلو
ضرغام ها صدك؟
نوف اي شنوهاي لو حاجيلي انا ادحكلها احلى
اخذت من العلبه مطلعه المحبس اباوعله وحاجيه واضحه غصتي.
نوف وناعم شنو تكول علينه مولازم تجيبلها غالي
ضرغام هيه تحب هيج
رفعت راسي مركزه بؤبؤ عيني على محتركه اعصابي شمرت العلبه على جربايه وفتت جوهه الغرفتي بسرعه ساده الباب باجيه بحرگه
كعدت بلكاع منزله راسي ابجي واشهك قوي مامهتمه الصوتي اليمكن طلع وسمعه.
ضليت امسح بدموعي وارجع ابجي كمت مطلعه المرايه اباوع الروحي وجهي احمر مسحت عيني قوي غمضت بسرعه حاسه انجرحت
نوف يول صگعه صگعتني ان شاء لله.
هفيت على عيني راجعه كاعده بلكاع غارسه اصابع ايدي بين فروه شعري حسيت طبطبه على الباب
مسحت دموعي بسرعه معدله شعري
نوف ها
ضرغام تا تبجين؟
نوف لامريضه شوية عش ابجي؟
ضرغام الزمي خشمج
نوف هه هه هه
ضحك واختفى اثره نزلت راسي افكر
نوف مابالي تترس گلبي رماد.
استغفرت كايمه فاتحه الباب اباوع ماشفته مديت راسي لكيته بلمطبخ جاي يطبخ ومبتسم صافن بجدريه
نوف انهبل الزلمه يول.
هزيت ايدي ردت ارجع للغرفه وسمعت صوت اشعار اخذت تلفوني داخله الغرفتي وساده الباب مطفيه الاضويه تمددت اباوع بتلفوني على الاشعار
نوف خالو ذياب هساع مانايم!
فتت للبرنامج لكيته متجاهل رسالتي وداز رساله
ذياب شلونه العركجي وياج؟
ضحكت اكتب
نوف ماحبيته
طلعت من البرنامج فايته لليوتيوب اگلب اشوف صور فيديوهات اندزت بصمه رجعت للبرنامج منصيه صوت مقربته يم اذني اسمع
ذياب ازته وحك عيناج احجيلي بشنو مضوجج الك.
نصى صوته يحجي
ذياب لج بابا خلي نحجي
جوري انا الأزتك
استغفر ساد بصمه ضحكت اكتب
نوف شلونها جوري
ذياب رافعه خشمها علينه بت أرمله
نوف حقها حقها
ذياب دحك هي ثانيه ول يبه مايستوعبني غير درعي
صفنت على رساله حاسه سامعه هل اسم
نوف درعه
اتلمست اظافيري افكر وتذكرت
نوف صاحبك
ذياب من جدج طاكه الحصار هوه صاحبي
نوف راح من بالي
ذياب ليش تا تخلينه بالج؟
نوف لاموهيج
ذياب ادري ادري دا امون عليج
ابتسمت مامجاوبه شوي ورجع كتب.
ذياب فات الوكت نامي
خليت تفاعل قلب على رسالته وطلعت من المحادثه فايته الحسابه لكيته منزل صوره بيده ابره ومامبين شي من مكان ضلمه كاتب جوه
الحل للزعاطيط.
فتت المنشوره ثاني واكف هوه ولابس قناعه اسود مطلع بس عيونه وشفقه سوده واكف لابس نص ردان وبيده سبحه حمره
بصفه واكف واحد منطي ضهره وضاغط على ايده بارز عضلات ضهره ومايل راسه شوي مبين قليل من ملامحه
نوف ماشاءالله.
انتبهت للمكان وراهم عبالك بيت غرفه مهجوره وصخه وحيطانها متصخمه
نوف شنوهاي شسالفه
كش گلبي ردت اطلع من منشور ثاني وانتبهت كاتب جوه
ذياب هضيمه ال ما أله درع.
نوف بس لايحسب درع بهذا
انتبهت للصوره اكثر على المندار
نوف هذا درع
گلبت شفايفي هازه راسي وطلعت قافله تلفوني
ضميت وجهي بلغطوه مغمضه عيوني غافيه
ماعرف شكثر مر الوقت بس فزيت على صوت.
رفعت راسي احاول اركز بصوت وخرت شعري اليوره كايمه واكفه ناحيه الباب مقربه راسي اسمع
نوف ضرغام؟
مافهمت شنو صوت مو واضح ابد فتحت الباب على كيف اباوع ولكيت ضرغام متمدد لابس فانيله نص ردان مامتغطي ويرجف من بروده
نوف ضرغام
تقربت يمه شابك ايده سويه مغمض عيونه نايم ويهلوس بصوت ناصي يرجف
نوف ادري شنو سالفه لابس هيج
فتحت الغطوه مغطيته مديت روحي ب اطراف الغطوه ادحسها بي
نوف ها؟
دنكت اباوعله شفته نفس وضعه فتت الغرفتي ماخذه الغطوه مالتي ومغطيته بيها
نوف صارت حاره؟، ضرغام حاجيني
ماجاوب طلعت ايده اثنينهن من الغطوه صرت افرك بيهن بيدي احاول ادفيهن
نوف حبيبتك ماتدري بيك بردان اندررلها فدوووه؟
صفنت على كلامي
نوف شبلاني انا
رجعت ايده ضامتهن بلغطوه
ورجفه ماخفت منه كعدته ناغزته ب ايدي
نوف ضرغام، دحكلي، ضررغام
فتح عيونه شوي ذبلانات
ضرغام أنتِ
نوف ماحتريت؟
هز راسه نافي تنهدت كايمه وجر ايدي.
ضرغام أيدج
نوف شنو
رجعت كاعده يمه اباوعله حضن ايدي جوه راسه بايسها ونايم عليها
كزبر جسمي فرحانه بقيت كاعده هيج ماجاره ايدي
الحد مافزيت على صوت دكه باب قويه.
جوري طبرجي حقير
ذياب دا تحجين؟
كحيت قوي مامجاوبه هوه يهز براسه
ذياب جؤ جؤ جؤ
دار منطيني ضهره شامر الأبره فاتح بطل المي غاسل ايده شلون ماجان وكاعد بلكاع
ذياب وادم ضالمه
جوري مجرم
ذياب أشش يلا نامي.
كشيت ملامحي دايره ضهري اله متمدده متغطيه حسيت بحركته باوعت للباب شفته ماطلع
درت وجهي اباوع لكيت حاط مخده متمدد ومخلي عكس ايده على عيونه
جوري وين؟
وخر ايده يباوعلي
ذياب شنو
جوري مانااام يم مجررم
ذياب وحك الله اجرررم بيج هساع ومحد يسمعلج حس نااامي
جوري لك مارييييدك
كام بسرعه صرخت خايفه ضغط على حلكي بيده فاك عيونه
ذياب أأششش لاتنهبلين
دفعته امسح على حلكي
جوري مارييد تللزمني شبيييك
ذياب وشنو بيه؟
جوري أيدك لزمت النكسين ذوليج
ذياب الدحكتيله روؤس مو انا الطيرتهم
جوري جذاب
ذياب ما انجس ايدي بيهم، الموجودين همه سوو هيج
جوري انت حلفت طير روؤسهم
ذياب صح وكد كلامي
جوري يعني انت موتتهم
ذياب انا أمرهم بابا وهمه نفذوا
جوري جذاب وخررر يلا
سحبني قوي من فانيلتي شامرني على جهه ثانيه
بهل ثانيه انقطع تنفسي حسيت من فزه
ذياب لاتحجين وخرر ماحب هل حجايه
جوري اتكحز
ذياب تحجين انباري ها
اجتمعن دموعي راجع بالي مشهد الشفته.
جوري ذياب لاتلزمني والله لعبت نفسي
ضغط اقوى على ملابسي متنرفز تنهد وعافني دافعني كمت اعرج على رجلي
هوه كعد بمكانه شافني رفع حاجبه
ذياب وين
ماجاوبته طالعه من الغرفه اباوع للبيت صغير مبني عبالك شلون ماجان مثل تجاوز
لكيت بصاله درع نايم ويمه جنطته فتحت الجنطه ماخذه فانيلته وبجامه وسادتها رجعت للغرفه خاتله وره الباب مغيره ملابسي.
تقدمت طالعه وشفته يباوعلي كاز على سنونه شرايينه بارزه تجاهلت نضراته رغم خفت بس رجعت المكاني متمدده نايمه صفح عيني على شباك
همست بيني وبين نفسي
جوري وين راح نوح.
انتبهت على ذياب كام ماخذ المخده وطلع من الغرفه ساد الباب قوي
بللت شفايفي نايمه على ضهري حاسه ألم گلبي خف بهواي
غمضت عيوني اريد انام ماكدر بقيت اتگلب على جربايه وكل ماتحرك انتبه الرجلي الحد ماغفيت اول ماغفيت رجعلي حلم، نفس مشهد.
ذياب واكف مبتسم يباوع للروؤس ودرع يضحك وياهم وفد لابسين زي موحد
صرخت قوي بلحلم كمت بسرعه من نومي اتنفس سريع باوعت بلغرفه انا وبعدها ضلمه
جوري بيش ساعه
بعيوني دورت على انحاء الغرفه اريد اشوف ساعه مالكيت كمت اعرج بكوه رحت ناحيه شباك فاتحه البرده الخفيفه سامعه صوت
لكيتها تمطر زخ بس ناعم شبكت ايديه سويه مخليتهن اليوره ضهري صافنه بلمطر
جوري مطر بغداد.
انرسمت ابتسامه خفيفه على شفايفي متذكره ابوي رفعت راسي للسماء منطيه بوسه
جوري احبك اهواي بابا
سديت البرده وكثر ماخفيفه اكدر اشوف شوارع وره شباك رجعت اعرج متمدده
جوري بردت حيل
دحست روحي كلش جاييني عطر جسمي بصابون
جوري مسبحني.
عدلت شعري مرتب وناعم قربته يم خشمي شامته بي عطر
جوري شامبو نونو
رجعت خصله شعري وره اذني صافنه
جوري ذياب ضاج مني
كمت للحظه رجع بالي شسوه تمددت مستغفره
جوري الله يسامحه.
ضميت وجهي بلمخده نايمه
فزيت على صوت المطر بعده
جوري ابويه
انتبهت فركت عيوني كايمه رافعه رجلي اامشي على رجلي ثاني اكمز بكوه سندت روحي للحايط وطلعت اباوع لكيت البيت هدوء بس المره كاعده حاطه تخته وخضروات تكصكص بيهن
صباح الكير
جوري صباح النور
اانتا بيسوي نوم كتير
جوري بيش ساعه
ضيكت عيونها صافنه تفكر وباوعتلي
اي ساعه حالن خمسه ضبطا ضبطا
جوري بلخمسه شنو؟
العسر امي انتا نايم كتير وماتدري بروح انتا ههههه.
استغربت لزمت الحايط اكمز اباوع
جوري وين ذياب
صاحب المقدم اللبيلغي كتير والمقدم
اشرتلي راحوا
جوري راحو؟
اي
جوري وين؟
شغل شغل امي انتا يلا تعال اكل
جوري شوكت يرجعون
بلكتير بليل
جوري من زمان همه هنا
لا بس صاحب المقدم كلام هوه يسوي كلام كتير فا انا دخش بعقل انا
جوري مافهمت
غمتني تهز ب ايدها ابتسمت متذكره امي
جوري صح امي أنانيه بس اشتاقيتلها
كمزت اكثر من مره جايه يمها كاعده
جوري شجاي تسوين
ععشى كتير طيب
جوري شنو اسمج؟
ااديتا
هزيت راسي دايره وجهي جايه عيني على سبحه ذياب سواها من دمي. مخليها بلكاع
جوري ما اخذها وياه
قاعة صغيرة جوه مركز مكافحة الإرهاب. الحيطان لايحهن رطوبه من جو، اكو كاميرا مثبته بالنهايه القاعه، ومكتب خشب عليه أوراق وملف أحمر.
كعدت كدام الضحيه كحيت اكثر من مره فاتح الملف
درع احجيلي اسمك الكامل وعنوانك
باوعلي وهوه يرجف لازم افخاذ رجليه يحاول مايبين رجفته.
اسمي نوح زكريا، ولادتي انبار بس اخر سنين عشت بغداد
درع من خطفوك؟
نوح لا اجيت هين للكراده
نزلت راسي اكتب بسرعه واخطف نضرات سريعه اله
درع يمتى صار الحادث ويا محل بضبط؟
راد يحجي بس ماكدر انتبهت الشفايفه يابسات ويرجفن كمت ماخذ كاسه مي فاتحها ومقربه يمه
درع أشرب
اخذها مني وماكدر طاحت من ايده بسرعه شالها شارب باقي منها.
نوح بالسوك، ماخال بالي شكثر ساعه بس هوه العصر، مزرعد و ضنيت ب احد زت عليه شي وماستوعبت شنو صار
هزيت راسي مايل وجهي اكتب
درع دحكت للوجوه او شكثر حيوان منهم؟
نوح إي، اضن خمسة، لابسين اسود واحد منهم مخلي شي على وججه بس ثاني لا شواربه جثير وعيونه وحده منهم بؤبؤها ابيض
حكيت حاجبي اباوعله
درع زين، سمعت شعارات؟ حجي مامفهوم؟
نوح إي واحد منهم حجه الله أكبر حجيه مو بغدادي اضن من موصل لان كال البصوبه أوچف.
سكتت ماحاجي شي سديت القلم ذاب الملف انفتح الباب داخل مخلي ايده بجيوب بنطرونه
ذياب ها نقيب، كله واضح؟
درع اي سيدي، بس ضل نطابق حچيه ويا الشهود
ذياب اجه يم نوح حاجي بهدوء وجديه
ذياب دحك، أي حجايه تتكحز من بالك اليوم، احتمال يفوت علينا خيط مهم. إذا اجه بالك اي سالفه عنهم حاجيه مزرعد
هز راسه اكثر من مره بالع ريكه
ذياب احجي مفهوم؟
نوح مفهوم سيدي.
ذياب اخذ مني ملف موقع على ودار ضهره مطلع جكاره مورثها يريد يطلع من القاعه
باوعت النوح صافن على ذياب يرجف
درع يلا خلي بالك وياي نكمل ليش فليت من صدناهم؟
ذياب يلا معه سلامه
درع الله وياك سيدي ذياب
نزلت راسي للملف وذياب فتح الباب راد يطلع وحجى
نوح انتَ مقدم ذياب؟
اندار ماخذ نفس من جكاره زافر الدخان
ذياب أي؟
نوح انتَ زلمه الشطبه!
ذياب مال راسه رافع حاجبه مطفي جكاره بطرف اصبعه الابهام متقدم يمه.
درع من وين تعرفها؟
ذياب ثانيه
حط ايده على المكتب يباوع بعيونه
ذياب ياشطبه؟
نوح شطبه ويانه هيه وحجت زوجها مقدم ذياب
بهتت ملامحه عاض باطن شفته ساكت شوي وخر داير وجه هامس بصوت ناصي
ذياب اي ليش؟
نوح ضال بالي يمها
فتح عيونه شامر جكاره
ذياب شنو ولك
درع سيدي هدي مركز احنه
ذياب شنو بالك يمها؟
نوح بس لان صغيره فا ضجت عليها
درع لاتضوج عليها ولاتدخل بيها
عاط بي فاك عيونه مأشر بيده
ذياب أحجي ششنو بالك يمهاا.
درع سيدي بس اتاذه لان صغيره
ذياب وشنووو هوهه يتاذذه من يمه
نوح اعتذر سيدي
باوعت الايد ذياب يرجفن خازره
درع ماتستاهل هل عصبيه
همس بنتر
ذياب مررتي
درع مرتك صارت يمك هدي اعصابك مايصير هيج
ذياب شنو صار، دحكتلهاا!
همست لازمه
درع ذياب مايصير هيج خويه
ذياب أحجي شبلااك أنلصمت
نوح ححاسبها اختي والله
ذياب حتى اخت ماتحسبهااا امسح بالك ملامحهااا لا امسح عقلك
درع يابه الولد أنخرط صار فوطه هدي.
فتح الباب قوي طالع وسداه تنهدت راجعله
درع اانت همن ماتچني
نوح والله حاسبها اختي
درع لو اختك برضاعه لا تسأل عليها جدامه
نزلت راسي وباوعتله منتبه رافع حاجبي
درع ولا وراه
هز راسه اكثر من مره صاير وجه اصفر استغفرت امسح على شواربي مكمل وياه. خلصت ملفه وطلعت لكيت ذياب كاعد طابگ جكارتين سويه يدخنهن ماخذ نفس قوي منهن ويزفره من خشمه صافن بمكان واعرف باله مويمه.
تقدمت يمه اباوع القطف جكاير يطيح على ايده ومامهتم باقي يدخن
درع نارك شابه استوعبنه بس مادحكلي لا مايصير قناصي
باوعلي مطفي جكارتين بطرف اصابيعه
ذياب موحجت محد متگربلهااا
درع هساع وذا دحكوا الوججا
مرد جكارتين بيده شامرهن
ذياب لااااا
أندارلي عيونه حمر
ذياب كله من ورره النجس صاااالح لو يچيسه النفس مره ثانيه همن انحرررره ال
درع مات و اتكحز وخلص
ذياب ما موتني غيررهاا تحجيلي مجررم
درع يابه بنيه عادي
ذياب شنو.
ابتسمت مكعده وكاعد يمه
درع نسوان رقيقات اي اسألني انا مستوعب كل شي يخصهن
عدلت شواربي اباوعله
درع مامدحكه هيج شي فا صارتلها خوفه اعتيادي سالفه
ذياب جؤ، بس هيه هيج
درع تريد تستوعبني بنيه ثانيه لو دحكت الروؤس جدامها ماتخاف؟
ذياب لو تدحك الوادي شنو يصير غاد شنو اتسوي
درع ههههههه صگعه بگلبها تصير
انرسمت ابتسامه خفيفه على شفايفه مبينه غمازته
ذياب اسم الله عليها.
درع نسوان شنو عدهن بلبيت وياكلن احنه هين نشتغل وندحك عمايل يااويلي ويلاه للعمايل
مسحت شاربي مضيك عيني
درع ف مايعرفن شي بشغلنه على بالهن نطير طيوره
ذياب شو نسوان ومايعرفن وبالهن؟ ترا احجي عن شطبه
درع وانا خليت وياها نسواني
هز ايده كايم ضحكت كايم وراه ردت امشي وانداريت اباوع للمطر اليبره
درع اان شاء لله خير
فتت للمكتب كاعد على الكرسي حاط رجل فوك رجلي
درع ماتناوشلي جكاره
ذياب دتكحز لك ماناوشتني انتَ.
درع افاا ودارسين؟
ذياب طعمها استغفر الله
درع بعد حجيتها عش استغفر الله
ذياب غير انتَ تحجيني
درع ماحبيتها منك هاي
ذياب
درع اويلي ويلاه ويحجي انا صاحب موزين
ماجاوبني تاچي راسه على الكرسي ماخذ ملف
درع من ام كصايب والقناص مالها اتكحزن ربع نسواني
ذياب ياهي تدحك الوججك انتَ
درع العتب موعليكم العتب عليه انا ال مخلي خشمي بكل سالفه الكم
ذياب كرم
درع النقيب كرم
ذياب درررع
درع تفضل سيدي
ذياب دحك الشغلك افضل
درع أمرك سيدي.
كمت فااتح الباب اريد اطلع لكيته واكف
درع شنو هذا ولك
جاي المقدم ذياب
مديت اصبعي مجربه
درع مر
خليت اصبعك
درع وذا
المقدم ذياب...
قاطعته ماخذها منه
درع دحك سويله وحده ثانيه بس موتحجيله
سهله
درع هوه من دحكت الوججك المكشر عرفت مابيك خير
نقيببب كررم
درع نتغشمر يابه
سمعنه صوت ضرب
درع انطك خطيه
هذا ضابط بس يضرب
درع يزامط
شربت من جاي ماشي وكفت يم شباك ذياب فتحته شوي
درع بش، قناص
جان منتبه بلملف باوعلي
ذياب لا اله الا الله.
درع محمد رسول الله، احجيلك. دحك
حط ايده جوه حنجه مركز
حمحمت امسح على شواربي
درع تكدر تسوي هيج
ذياب شلون راح انعلل
شمر عليه قلم ضحكت ساد شباك
جوري
زاد المطر فتحت الباب على كيفي اباوع حسيت بشي نزل على شعري انداريت بسرعه لكيت المره مخليه شال اسود عليه
اديتا انتا لايسوي دور دور افتح تنور
جوري ها
اديتا هههه انتا سوي جلوس مطر زخ برا
انداريتلها معدله حجابي
جوري ابنج خطيه لايتبلل.
اديتا لاانا سوه طرد عقاب الحسن وابراهيم
جوري منو ابراهيم
اديتا زوج مال انا
فتح عيوني مصدومه هيه ابتسمت وراحت تكمل طبخ رجعت امشي على كيفي واصله للاستقبال وكعدت مرر الوقت
كمت لازمه الحايط امشي داخله للغرفه باوعت للشباك لكيتها جاي ترعد
جوري شسالفه بغداد ومطرها
انداريت وشفته فات لابس ستره جلد وشعره مبلل
رفع راسه شافني بقيت واكفه بمكاني ماعرف شسوي عضيت شفتي جوانيه
هوه مسح عينه وطلع من الغرفه ماحاجي شي.
نزلت راسي متنهده راجعه للجربايه كاعده
اديتا شطب
باوعتلها بسرعه أشرتلي أجي
اديتا اكل
جوري لا. ماريد
اديتا بكيف انتا
عافتني وراحت قربت رجليه ناحيه صدري ضامه وجهي بينهن افكر ب نوح.
اديتا شطب
باوعتلها ماحاجيه شي
اديتا عدل حجاب انتا راح يفوت كلام
عدلت حجابي وهوه فات مبتسم مارافع عينه
كرم ها ام كصايب شلونج
جوري الحمدلله
كرم اريد احجي وياج مزرعد
جوري بشنو؟
كرم دحكي البارحه من فلتي وين مشيتي.
جوري شفت اكو فرعين فا واحد مابي احد
كرم اي
جوري ثاني جان بي طفل حسن بس ماعرفت انو انتوا عايشين بيت اهلهم
كرم انا حاجيت حسن يوصلج للدرب بيتهم
جوري انا بقيت بلفرع البي حسن لان ذاك اضلم
كرم وبعدين شنو صار؟
جوري فتت شفت ذياب جاي يصلي
كرم اي كملي بس مو تفاصيل شنو صار وره صلاه لا فوتيلنه من فلتي
جوري انا نمت وفزيت شفت ماكو احد
كرم وزرعدتي بلمشي ودحكتيلنه
هزيت راسي كاشه ملامحي متذكره المشهد
درع أخويه ترا شغلنه هذا.
جوري تكدرون تسلموهم للشرطه
درع صح سلمنه باقييين بس أساس سالفه طيرناهم
ماجاوبت ضايجه
درع عرفت ماخذه ملابسي
جوري ارجعهن اليوم
درع اي عفيه اريدهن مغسولات زين
استغربت من اسلوبه هوه كام
درع ترا مارضى احد يضوج القناص
مارديت هوه طلع من الغرفه تنهدت تاچيه راسي على المخده
رمله عود صدك؟
فرج ليش لا؟
رمله نسوانك يفرحن بيه؟
فرج عجل
رمله وبصفتي منو رايحه كاعده هناك
فرج ظيفة الشيخ فرج.
گلبت شفايفي هازه راسي
رمله ونعم والله.
فرج ها تجين؟
رمله مامحظره شي
فرج هساع زرع.
نص كلامه سكت عرف مافتهمته
فرج هسه بسرعه ضمي ملابسج
رمله اضل هناك؟
فرج بمزاجج
رمله فلوس؟
فرج شكثر تردين ويمتى تردين وشنو تردين حاضر
هزيت راسي دايره وجهي فايته للغرفه
رمله خوش سالفه
كعدت افكر
رمله فلوس جاهزات بيت جاهز اكل جاهز غراض هم جاهزات، ومشاكل جاهزه
ضحكت كايمه مطلعه جنطه حاطه ملابسي وملابس جميله وبدلت شاده ربطه ولابسه عبايه دكت الساعه وصاحني
فرج ها خلصتي، يامره.
طلعتله ماخذه جنطتي هوه شافني وصعد بسياره ردت اصعد وانتبهت جاه كاعده وبحضنها جميله
رمله يااا شجابهاا هاي
رحت يمها داكه على جام نزلت جامه اباوعلها لابسه عبايه ومناظر سود كبار
جاه السلام عليكم
رمله وعليكم السلام شصعدج ولج
جاه اروح وياكم
رمله ياا عود صدك؟
مجاوبتني تباوع الجميله تلعبها باوعت الفرج لكيته يأشرلي اصعد
صعدت اليوره ساده الباب ومشت سياره
رمله يمه جاه بيج شي
جاه لا
رمله رجلج شعجب قبل تجين
جاه راح نتطلك.
رمله ياا عزا عود صدك؟
ماردت تباوع للطريق باهته ملامحها باقيه لابسه مناظر
فرج انا اتفاهم وياه
جاه لاعمو تسلم خلص انتهت الحكايه
رمله خايبه ياحكايه صدك جذب درررجع فرج ارجع نذبها
ذبت مناظرها خازرتنه
جاه ويييين تذبوووني غير من وراكم راح اطلك
رمله ياا شوف شلون ثول انا شكو
جاه لا ابد ما الج دخل ولاعبالك صايررره باتمان من صباحيات الله
رمله اذا حجى على فرج فا شعليه هوه كلساع جايني
فرج يامررره.
باوعتله من المرايه خازرني درت وجهي مامهتمه
جاه موعلى عمي فرج لاا عليج انتِ
رمله شبيه انا ادبسز
جاه يمه شسالففه صاعدتلج ذبانه وتفترين بيهاا نوب بلعبايه يالله
رمله وين شافني
جاه هيه هل منطقه هلكدودها طبعا يشوفج
رمله العماره شكبرها بس رجلج دايح
جاه هسه راح اطلك من وراج
رمله وليش يريد يطلكج
رجعت لبست مناظرها بدون ماتندار حجت
جاه يكول فضيحه واشتهرررناا
رمله ششتهرر شعلي هوه
فرج ياعمي احسبيني ابوج صدكي ارجعج اله.
جاه لاماريد مايهمني بعد مو انا اتنازله
رمله عفيه بنتي صكره
جاه خ ياصكره
غميتها و ههي دارت وجها تباوع للشوارع
رمله زين جايبه وياج ملابسج
جاه اي
تنهدت اباوع للطريق مرر الوقت بساعات كل شوي نازليين المطعم
فرج وين بعد
رمله اريد انزل اجيبلي شي اكله
فرج احجيلي انا اجيبلج
رمله فرررج ماحب سوالف ذني
انداريت للجاه صافنه ومانزعت المناظر
رمله يمه تردين تنزلين تاكلين شي لو ترحين حمام لو تشترين عصير
جاه مماريد تسلمين.
رمله لاتصيرين جديه يابعد روحي
جاه من روحج؟ اانا
رمله اي جا شني غير بنتي
ماحجت باوعت الفرج يأشرلي انزل نزلت وسديت الباب
جاه ماناسيه البجامه الحمره البستينياها
باوعت لكيتهم يمشون سويه وامي تعدل بعبايتها
جاه اشو مامرتاحتلهم.
تنهدت ذابه مناظري
جاه وين ترحين من عذاب الله جؤ جؤ
دوومج تلبسين جنان احسن من ملابسي.
طلعت صوره من جيبي اباوع الاربعتنه سويه جانت جوري صغيره مسويلها ظفاير صغار حيل واكفات وجميله بعدها مصايره انا ملبستني بجامه حمره وفانيله بنفسجي وشعري مكفش
جاه دباع احمر وبنفسجي نوب شعري عبالك منتله
هزيت ايدي اباوع الملابس جنان مرتبه ومسويه شعرها كعكه
جاه فلك فلكج. جليله بلا هاي نفس حضي
هزيت ايدي مرجعه مناظري لابستهن.
جوري.
رفعت راسي من المخده كايمه امشي للاستقبال وكل شويه اتعثر وتتوجع رجلي لحد ماوصلت لكيت درع متمدد ومتغطي داير وجه للحايط مشيت للمطبخ لكيت اديتا وزوجها موجود جاي ياكلون
جوري ها سلام عليكم
ابراهيم وعليكم وعليكم فوت فوت للاكل يخبل يخبل
يحجي ويرفع بحواجبه ضحكت متقدمه يمهم لازمه الحايط وكعدت بلكاع غمضت عيوني متألمه من رجلي
اديتا في وجع؟
جوري لالا، حسن ما اجه
ابراهيم لامافي حسن
جوري ليش مافي حسن
ابراهيم سوه موت.
جوري يمه اسم الله
ضحكوا اثنينهم يباوعولي
اديتا كلنا في هذا طريق شطب انتا
قدمولي خبز باوعت لكيت الاكل اصفر كركمي
جوري شنو هذا
اديتا حميس
جوري شنوه
اديتا خضر مال انا كصكص سوه حميس بلكاري طيب كتير
هزيت راسي ماخذه شوي ماكله
اديتا ها
جوري ططيب
ابتسمت هازه راسها واكلت زوجها هم منزل راسه ساكت
اديتا احنه مافي مشكل بلا حسن
ابراهيم صح كتير
جوري اله افتنله
اديتا اوووو خل يسوي ول برا
ابراهيم انا يزرب حسن.
جوري ليش مايصير تضربه
ابراهيم مايسمع الكلام يفوت منا يطلعه منا صعب كتير صعبب كتير تربيه حمير هذا
اكلت لگمه ثانيه مبتسمه على سوالفهم سمعت صوت طكه باب انداريت شوي شفت ذياب فات
جوري عاشت ايديكم
اديتا لسا ماخلص اكل
جوري لاشبعت
ابراهيم سوي بطن جبير انريد حسن اثنين.
كمت بسرعه مستعجله ماجاوبته بس ابتسمت قبل ماستوعب كلامه فتت للغرفه ماشيه على كيفي شفته كاعد مقابيل شباك منطيني ضهره نازع فانيله ولابس فانيله تعلاكه بس سوده
اتقربت راده الباب على كيفي هوه وكف مامتحرك حاس بحركتي مشيت للجربايه كاعده على اطرافها ماده رجلي المضمدها هوه
كمل فاتح علبه مطلع قطن حاط عليه ديتول مشيت يمه اتاذيت من رجلي بس همي اوصله كعدت يمه اباوعله هوه ماباوعلي منزل راسه عاكد حواجبه.
جوري المن كطن
مايلت راسي وشفت اكو جرح بصدره
جوري هاي وين انجرحت
ماجاوبني يريد يخلي كطن على صدره لزمت ايده ساحبه منه كطنه
جوري من احاجيك جاوب عيب هل سوالف مو صغير انتَ
ذياب هاي موسوالفج اضن؟
بلعت ريكي ساكته شوي وحجيت
جوري معليك بيه بس انت جبير لاتسويهن
مارد كام كاعد على طرف جربايه ساكت كمت وراه كاعده يمه
ذياب شكو
جوري أريد اداويك
قربت ايدي ولزم ايدي قوي يباوع بعيوني
ذياب موتلعب روحج مني؟
جوري شوكت حاجيه هيج انا
ذياب عجل شنو؟
جوري ذياب تعرف كلش زين ليش ضجت منك ولحد هسه ضايجه بس ماريدك تتاذه
ذياب ضجتي مني وماضجتي من درع ليش؟
مارديت ردت اكوم جر ايدي لازم حنجي
ذياب احجي مودحكتي بعيونج انا ماتگربتلهم بس درع چاسهم
جوري والله ماعرف
ذياب ليش هيج تسوين سوالف وياي؟
جوري مامسويه
ذياب عجل ذني شنو جوري
ماعرفت اجاوب باوعتله حاسه راح ابجي انتبه العيوني وتنهد فكرت شوي وحجيت.
جوري انا ضايجه حتى من درع بس معليه بي بعيده عنه انت لا
ذياب وملابسه؟
جوري ردت اضوجك حتى ماتعيدها
ذياب بابا هذا شغلي؟ لازم تستوعبين انا ضابط اي مهمه تصيرلي
ماحجيت كارطه من اظفري
ذياب سالفه تاكلين اظافرج عوفيها
وخرت ايدي رافعه گطنه
جوري أداويك؟
ذياب موتكولين ضايجه منك
جوري اي همن ماريدك تلزمني
استغفر فارك عيونه قربت كطنه امسح دم صاير على جرحه وخر ايده ضل عاكد حواجبه ومضيك عيونه يباوعلي.
صار صوت رعيد قوي باوعت للغرفه ضواها صار شبه اضلم درت وجهي مكمله اداواي جرحه متجاهله نضراته
ذياب جوري
رفعت راسي اباوعله لزم وجهي مغمض عيونه بايسني.