رواية عكد الظفيرة للكاتبة زينب جعفر الفصل التاسع والعشرون
ضليت بس اباوعله هوه صافن عليه
جوري ذياااااب
فلاح اسسسس تعاي هين
ماتحركت من مكاني باقيه خايفه گلبي يدك سريع عاط بيه قوي كمت شفايفي يرجفن فاتحه ايديه مقوسه ضهري حاسه بمغص بطني من كثر الخوف
وكفت مقابيل الشباك بس موقريب اباوع
فلاح ههههه جوري مو!
ماحجيت رجعت اليوره ابلع بريكي اكثر من مره الخوف متسلطني بكل جهه وبؤبؤ عيني يدور على المكان وراه الشبه أضلم هوه ضحك رافع ايده.
فلاح لايضل بالج ماگربلچ، دحكي زيحت ايديه
ماحجيت عركانه هوه اتنهد مطلع من جيبه ورقه مطبوگه قربه يمي حاجي بتركز
فلاح اكضبي، وتلاگين رقمي حاجيني ناويه تحكمين ضده لو وياه.
اندار يروح ضليت صافنه الثواني وهمست مخليته يوكف مبتسم
جوري شنو تريد اسوي؟
مال راسه يباوعلي فرحان فاتح عيونه طالعات سنونه حك راسه بطريقه غريبه
فلاح حاط الأريده هين.
أشرلي على الورقه راكض بسرعه بعيد اتقربت على كيفي شفته صعد سياره وشخطها ماشي بطريقه.
جوري شنو هذا
خليت ايدي على گلبي افرك على كيفي انداريت ماشيه على كيفي فزيت على كزاز جام بلكاع وخرت ماشيه للجه ثانيه طالعه
ادوره
جوري ذياب، وينك
كعدت بلكاع مخليه راسي على الحايط مامستوعبه الجاي يصيرلي بجيت حاطه ايدي على اذاناتي
جوري فرررج الاا افجرررك على خلفتك هايي.
فركت وجهي كايمه فايته للمطبخ مطلعتلي كاسه مي احاول اوازن انفاسي فتحتها شاربه منها وگلبي منقبض
جوري يعنيييي وين راااااح
شمرت الكاسه لازمه راسي جارته قوي ضاربه عليه باوعت الايدي طايحه كم شعرايه من راسي
جوري هلكتوني الله يهلكم
طلعت راجعه للغرفه عطت راجعه اليوره مصدومه وعيوني فاتحتهن من المنظر الكدامي البزونه الصغيره شاكين بطنها وشامرينها الغرفتي طايحه على الكزاز
ضليت ازحف اليوره ااعيط مامتحمله.
جوري ذيااااااب، حراااام عليكممم والله ياقذررررين وين ترررحون من عذاب الله!
ححسيت بحركه خارج البيت وره شبارك ضليت بمكاني ساكته بس ارجف مقدمه رجليه ناحيه صدري راسي يهتز قوي من كثر ما شهك
مرةة اكثر من نص ساعه واني نفس وضعي اخاف اكوم وذياب ماكو!
مسحت دموعي عيوني على شباك ماكو احد رجعت انضاري للبزون
بسرعه درت وجهي قرفانه من جاي اشوفه.
زحفت على كيفي طالعه من الغرفه ماكادره رجليه تشيلني وصلت يم باب الحمام وفتت ساده الباب قوي كاعده داحسه نفسي بزاويه الحمام ضاله وضعي وگلبي كل ماله يزيد ألم.
ضليت كاعده عيوني ذبلانات وجهي باهت رجفه ماراحت من جسمي شكله اليخوف ومنظر البزونه مايروح من بالي
بس وينه ذياب؟ ليش عافني.
مرةة دقايق، وساعه، وساعتين واني باقيه الحد ماسمعت صوت دك على الباب فزيت ضاغطه على ملابسي ماحاجيه شي الهاي ثانيه گلبي رجف نفس سعفه من الخوف المتسلطني
محد حجى بس يندك الباب على كيفه مرة ثواني وحجى بصوته الخشن
ذياب جوري
رغم ذياب اكثر انسان تغيرت وجه نضرتي عنه مانكر حبيته ب اهتمامه وشكله بس من عرفت كله شفقه وماوصل الهاله تغير كلشي بالاخص
من أنكصت الظفيرة!
بسببه خسرت اهواي اشياء بس كل مره تصيرلي سالفه اضل اول واحد ادوره، ههَوه
عضيت شفتي كارره هل شعور اكرهه ماريد احسبه أمان وره كلشي سواه بيه! بس ماكدرت كمت بسرعه وطحت اخذت نفس قوي راجعه كايمه على كيفي هوه رجع يدك على كيفه
ذياب جوريه بابا هين؟
نطقت بكوه وصوتي مخنوك
جوري ذياب.
همس بكوه سامعه صوت انفاسه
ذياب اطلعي
ردت افتح الباب ضليت صافنه على كلامه
ذياب اريدج اطلعي
جوري شبي صوتك؟
ضرب على الباب قوي بيده.
ذياب اشش اطلعي
فهمت شارب نزلن دموعي مخليه راسي على الحايط
جوري ليش عفتني ورحت
ذياب اطلعي شطبه اريدج
جوري اخوووك الخخبلل اجااااني وانتَ بهللل بررررود!
اختفى صوته شوي ورجع يحجي بتوسل
ذياب افتحي الباب لاتضلين فايته هين
ضربت على الباب محترك دمي
جوري لك موووتنني سااعه سوده الشفتك بيهاا شنوو ذنبي كل يوم ارجف وگلبي يوجعني احجي ليش هيج ليش!
حسيت غواش صار بعيوني لزمت الحديده
هوه ضرب على الباب قوي
ذياب افتحييييي.
ماجاوبته باجيه صار صوته هادء يتوسل
ذياب يلا افتحي، أحبج جوري.
باوعت ناحيه الباب عيوني حمر رجع يهمس على كيفه
ذياب هايم بيج، القناص هايم بحمامته.
جوري ليش شارب هل سم؟
ذياب احبه واحبج
جوري كافيي موبوعيك
ذياب يلا افتحي الباب
جوري اخووووك المخبل بعد مايجيني فااهم لو لا
ذياب اطلعي جوري
تنهدت لازمه وجهي ضايجه ومتنرفزه منه
جوري ليش تشرببب والله اذا بعد شرببت وضحكت عليه بكلاااامك هذا اعوفك.
ضليت منتضره دك على الباب مكور ايده
ذياب جوري
فتحت الباب اباوعله شفته كبالي بكوه فاتح عيونه من كثر ماشارب لابس سترته الجلد رفع بؤبؤ عينه يباوعلي والقرنيه عيونه صاير على احمر
جوري والله ادججكم وافجرركم برمانات اذا اخوووك رجع اج...
قبل لااكمل جراني حاضني حاط راسه بركبتي ماخذ نفس قوي ايده محاوطتني قوي لافهن عليه
جوري وخرر
ضغط اقوى عليه مغمض عيونه يبلع بريكه يهمس
ذياب عافني، غدرني. ليش هيج.
جوري ياهوه غدرك؟ شجاي تحجي
ذياب درع، درعي.
جوري ذياب والله اخاف من اخوك اجاني جاي تستوعب دا احجي؟
ذياب اريدج جوري
تنهدت عارفه باله مويمه لو احجي منا باجر مايفتهمني
جوري امشي نام
ذياب تعبان
درت وجهي اباوعله نازله دمعته على خده حلكه نازل اليجوه كل ماله يضغط عليه يهلوس بكلامه
لزمت وجه صافنه عاكده حواجبي
ذياب لاتعوفيني
جوري ذياب، شبيك؟
ماحجى باقي مغمض ايده تفتر على طول ضهري انفاسه الحاره لافحه ركبتي
جوري امشي.
علي كيفي ردت احركه مايتحرك
جوري ذياب والله انتَ ثگيل امشي ماكدر احركك اني
وخر مني فاتح عيونه بكوه صافن لزمت ايده مشيته حط چتفه على ضهري
جوري راح اتكسر فوك ما اني متكسره
ذياب لاتعوفيني
جوري دخلي تصيرلي فرصه اشرد منك گبل
فوته للغرفه اجت عيني على البزونه انقرفت راجعلي الخوف خليته على جربايه طاح مشمور عليها من طارف رفعت رجليه اعدل نومته
جان لابس بوت فتحت سحاب ذابتهن اله هنه وجورايب اباوعله يحجي بصوت ناصي.
جوري شجاي تحجي
ذياب اريد درع
جوري ماياخذك واخلص
كعدت يمه اريد ارفعه ماكو بكوه كومته انزع سترته فتح عيونه ذبلانات يباوعلي باوعتله مضيكه عيوني
جوري ها؟
ذياب اريد احجي
جوري لا مايصير
ذياب جوري
سكتت اباوعله مال راسه يحجي وعيونه يلمعن
ذياب حاسبج ورده گرنفل وضيعيتج، ماحسبت حساب الحنيتج
فرك عيونه حاجي بكوه
ذياب وضيعيتج.
رفعت حواجبي صافنه
جوري صاير تشعر؟
ذياب اممم، تحبين شعر انتي.
سكتت مخليه سترته بسله ملابس مطلعه سلاحه من خصره ومحفضته فوتت ايدي بجيب بنطرونه ثاني مطلعه تلفونه وباكيت جكاير
والسَبحه من دمي.
ذياب اريدها
جوري شنو
جر سبحه من ايدي نايم صفح مخلي ايده على ناحيه گلبه
ماحجيت كايمه ضامه سلاحه وتلفونه خليته على جراره اجت عيني على شباك متذكره
جوري جان اكبر شجاعتي اطلع بلمطر.
زفرت نفسي رحت للمطبخ ادور على علاكه لكيت وصله جبيره صفره اخذتها داخله للغرفه اباوع للبزونه اتقربت يمها مدنكه مفوته ايديه بلوصله من جوه حتى الزمها
اتلمست قوامها غمضت عيوني دايره وجهي لعبانه روحي متكزبر جسمي بسرعه لفيتها راجعه اليوره اتنفس كوه
جوري ذياب ليش تريد تروح الخوف من گلبي كوه.
شلتها من طارف امشي على كيفي ناحيه الشباك باوعت للشوارع ماكو احد بسرعه طلعت ايدي شامرتها جبت وصله ثانيه وطاسه حاطه بيها زاهي ومي ضليت اجلف الكاعيه قوي شامره الوصله بزبل خليت فوكاها الدواسه صغيره
مشيت شفت عطر ذياب كدامي اخذته موخره دواسه راشه من عطره على الكاع
ذياب العثره
رجعت دواسه اباوعله اهز ب ايدي
جوري من كثر ماتكول عثره صدك صرت بدون حظ ياهوه اجه طلع ريشاته عليه.
رحت اغسل ب أيدي اكثر من مره كاشه والفزه بعدها بيه باوعت الايديه شلون يرجفن
جوري من شوكت ارجف هيج اني
رفعت عيوني متذكرته ابتسمت بغصه
جوري الله يرحمك بابا
رحت ادور بعيوني لكيت بس كبالي كارتون مال كاسات المي طلعت الكاسات فاتحه الثلاجه سفطتهن بيها ماخذه السجين شاكه طوارفها باقيه بس القاعده مالتها اخذتها راجعه للغرفه
ذياب لاتعوفيني
جوري مانمت؟
فتح عيونه صدره يصعد وينزل سريع عفت كارتونه بلكاع رايحتله كاعده يمه
جوري بيك شي؟
ذياب حبايه
قربت اذني يمه
جوري شنو؟
ذياب اريد حبايه
جوري ياحبايه؟
ماحجى بس يهز براسه نفسه سريع
كمت ادور بجراره على علبه حبوبه مالكيتها
وصلت الاخر خانه لكيته ضامها طلعتهن اباوع علبه جبيره بيضه عليها كتابه انكليزي
جوري هاي شكاتب
ركزت على قبق العلبه حاط ورقه صغيره خضره لازكها بتيب كاتب شطبه لاتشربينهن.
جوري هيج عباله اني جاهله اشرب حبوب بدون ماعرف ش، سكتت متذكره مسويتها اني
برجلي دفعت بوابه جراره سادتها رايحتله مطلعتله وحده
جوري ذياب اشربها
كام رحت بسرعه جايبتله كاسه مي فاتحتها لزمت راسه مخليه الحبايه اصبعي طاخ شفايفه
جوري اشرب
شرب المي عفت راسه طاح على چتفي
جوري نام ارتاح
وخرت راسه مني مرجعته على المخده كمت مثبته طرف الحديده بلكارتونه لكيتها باديه تمطر
عدلت البرده منداره اجت عيني على الورقه بلكاع.
دنكت لازمتها صافنه عليها محتاره رجعت انضاري الذياب
جوري رغم اكرهك بس ماكدر أذيك ب افعالي
كمت متقربه واكفه يمه
جوري صح اضوجك بكلامي بس ماكدر اصير ضدك
شمرت الورقه بلكاع دافعتها برجلي جوه جربايه كعدت يمه حاطه ايدي على المخده تاچيه راسي عليها ماشيه ايدي على وجه
جوري وجهك مابي براءه دائما عاكد حواجبك عصبي، افعالك
باوعت النفسي ضاحكه ب استهزاء
خسرتني كلشي. وماحبيتني.
حجيت رافعه أچتافي.
جوري بس ماجاي افهم ليش ماكرهك
تمددت متغطيه ومغطيته وياه
جوري يمكن ابوي ماعلمني احقد. تدري حتى هاله مرات انقهر عليها
ضليت اتلمس بشحفوره ب اصبعي
جوري ماجنت اعصب اني بس نفسيتي تعبت جاي اعصب من ابسط الاشياء ورغم هذا ماحقد وارجع طبيعيه وره دقايق
عكد عيونه قوي متحرك
ذياب جوري
جوري ها
ممافهمت شيريد فتحت اول دكمتين من قميصه امسح على گلبه
جوري شنو شبيك؟
ذياب هاله
بهتت ملامحي راجعه النقطه صفر متذكره
جوري شبيها هاله.
ماجاوب بس مامرتاح بنومته يلف براسه
جوري گلب لو ملعب حابلك اثنين
ذياب احبج جوري
جوري هسه هاله لو جوري
ذياب جوري
ضحكت ماخذه ايده اباوع الاصابيعه اتلمس بيهن
جوري مثل كل مره من انت صاحي تحب هاله من تشرب تعشگ جوري
باوعت الاثار ندبات على اصابيعه من كطف جكاير اليطفيهن
جوري مايحس بحراره، مايحترك؟
فتح عيونه كايم فزيت بقيت متمدده اباوعله اندارلي يمسح بوجه
ذياب درع هين؟
جوري ماكو درع نام
ذياب اتاذه مني.
جوري ليش شسويتله المگرود؟
ماجاوبني عيونه يلمعن وشريان احمر بارز بعيونه
جوري عينك تعبانه
رجع يباوعلي تقرب يلزم بوجهي
جوري ها شنو نوب
ذياب ححلوه
جوري دخيلك ربي هذا ذياب لو منو
حط راسه على صدري بيده لافها على خصري سامعه صوت تنهيدته
ذياب اني منو
جوري واحد مسودن ومسربت
ذياب بعد
ضليت مستغربه من سوالفه مشيت ايدي على كصته حاسه بحراره خفيفه
جوري مصخن الرجال، اعترفلي جم بطل شارب؟
مارد بس صافن يتلمس خصري.
جوري مو ذاك اليوم هم شربت شو موهيج شنو شكد شارب لعد؟
ذياب سليمان اريده
عدلت راسي نايمه وهوه باقي مخلي راسه على صدري رفعت عيوني للسكف
جوري هوه هاله راح تجيبلك سليمان
ذياب جؤ، اريده منج
رفعت حاجبي مصدومه
جوري شبيك؟
ذياب اني مسودن صرت
جوري عود صدك؟
رفع راسه يباوعلي ضليت اباوع العيونه يباوعلي بغرام
ذياب تدحكيلي مسودن جوري؟
جوري انتوا تكولون مهبول. صدك اي
ماجاوبني كايم راجع حاط راسه على المخده درت نفسي جايه يمه.
جوري ليش ضايج؟
ذياب ما استاهل احد يحبني
جوري صح
طبگ ايده مخليهن جوه راسه بللت شفايفي ماعرف شنو اسوي
جوري ذياب احجيلي شنو صايرلك
ذياب تعبان
جوري من شنو شغلك؟
مارد زفرت نفسي معدله نومتي صايره كباله رافعه الغطوه اكثر مغطيته لزمت وجه امسح على شواربه
جوري ذياب تره عزيز عليه انتَ
ماسوه شي جريت تلفونه المحطوط على جراره مخليه راسي يم راسه مطلعه الكامره مشغله فيديو
جوري نصور ذكره
ذياب روحي عزيزه عليج؟
درت وجهي اباوعله هوه نزل عيونه الحنجي يباوع
جوري زعلك يچوي روحي
ابتسمت نايمه على ضهري عدل
جوري عيد الشعر الكلته الي
قرب راسه يشم شعري قوي يهمس اكثر من مره
ذياب أحبج، احبج حيل وحك السواج
جوري هايه هسه احبج من تصحى تكلي متندم على ساعه دحكتلج بيها
ذياب لا، احبج حيل شطبتي يبه
جريت ايده نايمه عليها صار خشمه على خدودي يباوع على الكامره فاتح عيونه على نص
جوري بشعرك سوتني ورده گرنفل اني ورد جوري
ذياب أنتِ وردتي.
ضحكت. هوه رجع غمض ضاغط على ايده مقربني على يبوسني سديت الكامره شامره تلفون
جوري لاتبوس هسه تكتلني من تكعد وتشوفهن
رجع يبوس بيه دفعته ناتره اباوعله خازرته
جوري لاتببببوسسني لاتبوسسني ععيب شنيهاي
ذياب بلوه
جوري انتَ البلوه اعرفها تره هل كلمه
نام بس اسمع صوت نفسه
جوري ذياب كول اسمي ذيبوو
فز راجع مغمض عيونه
جوري ذياب
همهم بصوت ناصي
يلا كول اني المقدم ذيبو
ذياب لا
جوري شنو لا احجيها.
ماحجاها نايم ضجت دافعته ودرت وجهي متذكره شباك باوعت ماكو احد وكارتونه يجي على المطر سامعه الصوت
دحست نفسي يم ذياب مغطيه حتى وجهي نايمه.
كعدت الصبح جاي ضوه شمس خفيف على عيوني باوعت الكارتونه مبلله وطايحه بلكاع
ذياب ذيبو ها
انداريت بسرعه لكيته كاعد على القنفه لابس بس بجامه سوده وشعره ينگط مي وجسمه مبلل
جوري كعدت
كام متقرب يمي رفعت راسي اباوعله انتبهت الايده لازم احزام
ذياب رادلج تربيه
جوري ليش.
ذياب شنو الحاطتهن بموبايلي؟
جوري هسه احذفهن
ذياب عش انزاح لونج؟
وخرت الغطوه كايمه ردت امشي جراني قوي من وره حاضني
جوري شكو
ذياب اسف يبه
جوري على شنو
ذياب تعبتج ليله الفاتت
مايلت وجهي اباوع الوجه قربني اله لازم حنجي بايسني رفعت حواجبي مامفتهمه تصرفاته
ذياب دحكتلهن حبيتهن
حجيت بفهاوه صافنه علي
جوري شنو هنه
طلع من جيبه تلفونه مأشرلي فهمت حك حاجبه عافني وجر فانيلته طالع بره الغرفه
جوري شجاه الرجال.
عضيت شفتي لازمه وجهي صايره شبه الابتسامه على شفايفي
طلعت برا الغرفه شفته جاي يسوي ريوك
جوري شنو تطبخ
ذياب التحبيها
تقربت وشفت طماطه حمس عليها بيض جايب جيس بي حبه سوده فتحه يريد يخلي فوكاه
جوري اوف اوف اسرسح اني
ذياب ههههههه
جبت القطعه فارشتها كعدت وهوه حط الصينيه جايب خبز حار
ذياب شنو صابه شباچ
صفنت راجعلي مشهد البارحه والخوف تنهدت اباوعله محتاره احجيله لو لا
جوري ماتذكر البارحه؟
ذياب لا بس موكله.
ضليت اكل بروحي ماعرف شجاوبه مال راسه
رافع حاجبه
ذياب بس لاردتي تفلين؟
جوري لاا بس جهال المنطقه كتلوا البزونه الاحبها وشمروها الحقيرين وطاحت على غرفتي
ذياب جهال؟
هزيت راسي حاسه الهوى صار حار
جوري اي ماعرف بس خفت حيل
ذياب وانتي الرفعتيها؟
جوري ياهيه
مال راسه مقلد حجيي
ذياب بزونه
جوري اي بزوننه اني شلتها بلوصله صفره وذبيتها
ذياب دحكت، وين زتيتيها؟
جوري من شباك
ذياب مواته؟
جوري اي ميته
ذياب مادحكتي منو زتاها؟
جوري ذياب شنو تحقيقك حتى بلبزون
ماضحك جان عاكد حواجبه مثل ضايج كطع شوي من الخبزه مغمسها وقربها يم شفايفي موكلنياها
جوري ذياب
رفع عيونه منتبهلي
ذياب حنيته
جوري شبي درع
ذياب شكو ياهوه حط سالفته؟
جوري انتَ البارحه تحجي بي
ضل صافن بوجهي محتقنه ملامحه
ذياب شنو حجيت؟
جوري بس حجيت درع لاتعوفني
حمحم منزل راسه مسويلي لگمه ثانيه يوكلني
جوري متعاركين؟
ذياب معليج جوري
جوري شنو معليه؟
ذياب جورري.
خليت ايديه جوه حنجي على كاعيه اباوعله
جوري ااحجيلي
رفع بؤبؤه يباوعلي قرب ايده يلزم بخدي
ذياب شلون صار راسج؟
جوري يوجعني شوية بس اخاف اطخه
ذياب تردين اكصو
جوري ش، شعري؟
ذياب اي
جوري لا اريده يطول
ذياب ما صاير مضبوط بابا
جوري من يطول اكص اطرافه
ذياب لاتعاندين ويصير شعرج جثير كل ماكصيتو
جوري بس اني احب شعري، ماكدر
ذياب مو بكثر حب القناص
جوري لاذياب
ذياب احسن الج وشعرج صاير شوي من هين ماكو.
انقهرت منزله راسي ماحسيت اله رفعني شايلني من كدام
ذياب يبه تصگعين الميت وحك السواج لاتتاذين كلها سالفه زلاطه وتنزاح بجم يوم
جوري شنو؟
ذياب لاتضوجين شغله بسيطه
جوري من وراك صرت كرعه
ذياب تردين اصير اصلع وياج؟
جوري تزين شعرك علمودي؟
ذياب اي نصير اثنينه صلعين
باوعتله بس تخيلت شكله ضحكت هوه هم ضحك بايسني
ذياب تاكلين بعد؟
هزيت راسي نافيه وكفني يم السينك فاتح الحنفيه.
غسلت وسداها مسحت وجهي بفانيلته خزرني ضاربني على كيف
ذياب يول ياغضب
جوري ههههههه
فوتني للحمام مكعدني على طبله
جوري ماريد كرعه
ذياب مو صلعه صلعه لا نعوفلج شوية
ضميت ايديه سويه عيوني دور على مكان الحمام بتوتر ااجه بيده مكينه زيان
جوري اريد اشوف نفسي
ذياب لاهيج
نزلت راسي وهوه بيده رفع حنجي مشغل المكينه
اتقدمت شفتي بزعل مجتمعات دموعي انداريتله باجيه واباوعله ضحك يبوس خدودي
ذياب عش هل بجي يبه
جوري اريد شعري.
ذياب بمزااجج اعوفه؟
جوري هوه قصير
ذياب عجل هساع شنو
رفعت أچتافاتي بمعنى ماعرف سمعت صوت تنهيدته على كيفه لزم ركبتي راجع مشغل المكينه مقربها يم شعري مزينه
نزلت بؤبؤ عيني اباوع على خصلات شعري طيح على فخذ رجلي عضيت باطن شفتي ماريد يطلع صوت شهكاتي دموعي ينزلن على خدي بهدوء
من دموعي صارن على ايده يم ركبتي حس بيه زفر نفسه بحسره مقرب المكينه يم شعره مزينه.
انداريتله بسرعه مستغربه
جوري هاي ليش؟
كمل زيانه سريع.
ذياب موسالفه يبه
جوري ومافهمت ليش سويت هيج
خلص وكمل زياني بسرعه حتى ما اضوج سداها وشمرها طايحه بلكاع
ذياب نعيما عليه وعلى أبني
كمت جايه يمه نزل راسه يباوعلي مضيك عيونه
جوري زينت شعرك
ذياب اي؟
بقيت مامستوعبه مفهيه حتى نسيت شعري هوه سد باب الحمام مطفي ضوه جاي يمي رافع حنجي بايسني بوسه طويله
ذياب لاتضل تفر بعيونك وليدي يلا نضفك
جوري شعرك حرامات حلو.
دار ضهره فاتح الحنفيه على طاسه اشوفه بشكل خفيف راح يتلمس المي ب ايده
ذياب أنتِ اعز منه
جوري حميلي المي بارد
ذياب لاا اكو مي متور ور
رجعت كاعده على طبله صغيره اباوع على جه شعري بلكاع
جوري بس هذا شعري؟
ذياب غير كاصينو يابويه
جوري اهواي كاصييين شعررري الحرااميه
ذياب حراميه؟
جوري اي جرح صح قوي بس موهيج
ذياب بابا متاذي راسك من طول للطول والدكتوره كصتو الج
جوري مو عميق هوه بس لان طويل شخط.
ذياب ياشخط والخيوط زتيناها من راسج
جوري دافعلها
سمعت صوت ضحكته
جوري ها شنو
ذياب يبه بالي كله يمج بسالفتها وين حتى مامدحكلها
جوري جا حافظ حجيها
ذياب لاموهيج بس متاذيه براسج هيج اني عيوني
عليك ابني
ماحجيت مغمضه عيوني ذاب المي عليه
ذياب شطبه
جوري ها
ذياب اليله الفاتت حجيت شي
جوري اي حجيت اهواي تعبتني
سكت شوي ورجع حجى اسمعه فاتح علبه شامبو
ذياب لايعني ااكو كلمه حجيتها
جوري ياهيه، احبج؟
ذياب حجيت احبج؟
جوري اي.
ضل واكف يمسح على شواربه
جوري ادري تره موبوعيك لاعبالك حبيتك
ذياب ما اضن
انداريتله ضايجه
جوري شقصدك عود حبيتك؟
ذياب ها؟
جوري سيدي موالهدرجه خفيفه اني عود كبل كلت رجلي خلي اشوي اگابله بس ترا ماتستاهل واحد يگابلك انت شحاسب نفسك الخاطر الحمزه
جان يضحك صدره يهتز حط ايده على حلكه يكح
ذياب يبه لاتحجين بلحمزه هين مايصير
بقيت ضايجه لزم اچتافي يريد يكعدني
ذياب سيدي اكعد
جوري مارييد
ضغط قوي مكعدني حاجي بجديه
ذياب اكعدي!
سكتت كاعده مچتفه ايديه
جوري مسربت
ذياب بلوه
جوري مخبل
ذياب مصگوعه يمهبوله
جوري مجرم
ذياب كافي لاتلوچين روحي
جوري ألوچ شنو
ذياب اششش
غمضت عيوني صاب عليه بعد مي ورجع يحط شامبو على راسي خفيف بس بلمقدمه
جوري خاف يرجع جرحي يوجعني
ذياب لا صار احسن
مرةة دقايق وخلص جاب خاولي لافه عليه مشغل ضوه
جوري احس انقهرت
ذياب ليش؟
باوعت الشعره
جوري احسبها تضحيه؟
ذياب عادي يبه نتحمل هل ايام
جوري وطلكني
ماحجى فاتح باب الحمام.
ذياب صار وكتي اسبح شنو ترديلي المساعده؟
جوري هه هه هه تشاقه اهواي الله يخليك
ذياب ياااغضب لا تحجين هيج هييين رحمه للمخلوقات
جوري فهمت فهمت
ذياب موتلبسين غير ملابس
جوري جا شسوي؟
ذياب وشباج؟
جوري جنت مخليه كارتونه ليش شلتها
تنهد طالع باوعتله فانيلته مبلله دخل للغرفه واني وراه شال كارتونه لازكها
جوري موسبحت انتَ
ذياب اي
جوري جا كلساع شنو
ذياب غير من شطبه
جوري اني شعليه ماكتلك زين.
سد البرده ماخذ اطرافهن شادهن قوي اندارلي كارص خشمي
ذياب يلا
راد يطلع من الغرفه وحجى
ذياب العصر نطلع
جوري ويين؟
ماجاوبني فايت للحمام ساد الباب
جوري ذيااااب عليييك الله
ااجاني صوته سامعه صوت الحنفيه فاتحها
ذياب عجل چذب
جوري احلف بلحسين
ذياب ياطلابه شنو حجينه كبل شوية
جوري لاحباب احلف احلف
ذياب مايصير شبلاج
جوري احلف
ذياب علگت بعد، وحك السواج
جوري وين طلعني؟
ذياب اصبري اكمل.
هزيت راسي ردت اباوع ملابسه مخلصه من كثر ماسبح
جوري ذيااااااب
حجى بعياط
ذياب حنييييييته
جوري ملابسي ماغسلتهن؟
ذياب صارلي شغل بليل انضفهن
جوري وشلبس ههسه اني؟
ذياب جدام عيناك ملابس ابني
درت صافنه
جوري وينهن
رحت للحمام ادك بلباب
جوري ذياااب
ذياب اتورررت صفحه ذياب
جوري اامين، وين ملاابس ماكو
ذياب ملااابسي
مديت راسي للغرفه اباوع السله ملابسه
جوري ليش تجذب ماكو ملابسي على ملابسك
ضرب الباب قوي.
ذياب بت حرررمله لاتصيرين مدغمه
جوري انت مدغغغم مسررربت
ذياب على ياهوه مدغم؟
جوري علييك
عفته راجعه للغرفه ضايجه
جوري كل ماهاي وصار عصبي مومال واحد ينطيكم وجه انتو ولد فررررج
تربعت محترك دمي
جوري ااحفاد حصواييه
ذياب بيهم شي؟
اجاني لاف على خاصرته ورجله الخاولي وبيده واحد صغير ينشف بي راسه
جوري تنشف كرعتك؟
ذياب زلم حصه شبلاهم؟
جوري مايعجبوني
ذياب ليش مانعجبك ابني
جوري كلكم تكبسلون وتشربون عرك وتصرفاتهم موحلوه.
ذياب هساع ليش شاده نونه
جوري ملابسي
ذياب حجيتلج ملااابسي
جوري مماكو ملابسي على ملابسك
ذياب بابا البسي ملابسي
جوري عود قصدك اللبس ملابسك
ذياب اي عجل شنو
دور بسله مطلع قميص اسود وبجامه اسود راد يشمرهن عليه وكف يباوعلهن
ذياب لا اني البسهن
جوري معليييه صارن مالاتي
ذياب اشش تلبس بملابسي وتحجي
جوري انجب
ضحك شامرهن عليه
ذياب اكضبي.
اخذتهن طالعه لبستهن ورجعت لكيته مبدل متمدد يگلب بتلفونه بيده جكاره شافني منزل عيونه يباوع للبجامه
ذياب اول مره ادري انتِ بطولي
جوري ليش هيج تضوج طويله
ذياب غير بطول اصبعي
جوري ماتضحك انجب
جان يمه باكيت جكاير شمره عليه وخرت مجايه بيه
جوري ماجتي
ذياب گربي شو ادحك الوجج
جوري شبي
تقدمت كم خطوه هوه رفع نفسه جار ايدي قوي مخليني كاعده يمه راجع متمدد
ذياب ححلو عليج ضابط
جوري ضابط شرطه.
حط الجكاره بحلكه لازم راسي يباوع الجرحي رجعه يتلمس شعري الصغير
ذياب تصگعين الميت
جوري وحك السواني ها
ذياب هههههه اي
جوري اريد شعري يطول
ذياب حلو هيج شو گربي
لزمت راسي وهوه باس خدي مبتسم
جوري احسني ولد
ذياب هساع يلا ضنيتي؟
جوري شقصدك ولك
ذياب اني حاسبج واحد من جماعتي
جوري اطيح حضك اذا عدتهاا
كرص بطني خزرته مجتمعات دموعي متاذيه من كرصته هوه ضحك
ذياب بس السان
جوري اريد شعري
ذياب يبه يموت هيج
جوري والحسين؟
ذياب والحسين وغزالته.
جوري الامام الحسين؟
ذياب اي عجل ياهوه غير الامام
جوري شنو غزالته؟
ذياب سيده شهربانو يحجيلها غزاله
جوري فدوه حلويين
ذياب كاضتلج عين جثيره
جوري لااحب حب الانبياء والائمه الزوجاتهم
ذياب اي
جوري جنت اتمنى اخذلي سيد
ذياب شنو؟
جوري ااكول مقتدي بيهم يعاملني مثل اخلاقهم اكيد مايوصل الاخلاقهم بس يصير حباب ماطوله مقتدي
ذياب عجل بس ساده مقتدين ب اهل البيت.
جوري لا موشرط اكو موساده بس هم حبابين ويه نسوانهم
ذياب ترديلج سيد بت حرمله
جوري ررررمله مو حررمله
ذياب امج من قوم لوط
جوري ذيااااااب
ذياب تريدلها سيد
جوري ليش وذا
باوعلي فاك عيونه
ذياب واني؟
جوري شنو وانتَ
ذياب لان مريضه وزعطوطه دا اسكت لو ياهوه يرضى مرته تحجي هيج جدامه
جوري ليش حاسبنه متزوجين؟
ماحجى مامجاوبني زفر نفسه من جكاره سامعه صوت حسرته داير وجه.
جوري موتكول ااحسبج بنتي يعني من نطلك اتمنالي اتزوج واحد سيد يحبني ويعاملني بلطف
ذياب سيد مايستاهلج
جوري ليش شبيه اني
ذياب صلاه ماتصلين انتي
جوري جنت اصلي بس من اجيت يمك كمت ماصلي
مرد كطف جكاره بيده كاز على سنونه
جوري شبيك؟
ذياب شنو بيه؟
رفعت أچتافاتي كام ماخذ سلاحه مخلي بخصره عاكد حواجبه مدنك ماخذ باكيت جكاير مالته
جوري وين رايح؟
ذياب الطركاعه شغلي
جوري مالابس ملابس شغل.
ماجاوبني فاتح الباب يريد يطلع تذكرت كمت بسرعه وراه
جوري ذيااااب، ذياااب
مشيت وراه وهوه يفرك بركبته بارزات شرايينه يريد يفتح باب الرئيسي بيده ثانيه لزمته اباوعله
جوري مو احاجيك
ذياب شكو؟
جوري طلعني
ذياب خلي السيد يفر بيج
جوري ياسيد شبيك ترا من جنت صغيره
فتح الباب يخوزر بيه
ذياب على بالهاا هساع كبررت الزعطوطه ششنوو مو صغيرره وحاطه بالج السيد
جوري ياا تراا لان شفت واحد جيرانه سيد حباب فا تمنيت اتزوج مثله.
فتح عيونه على حيلهن يباوعلي
جوري گبل ذياب شبيك
ذياب مدحكه للوادم كلهاا ساعه ضابط ساعه سيد ولاتكعد بت حرررمله انعلل امج
عافني طلع يدردم ساد الباب ركضت للغرفه موخره الكارتونه اباوعله لكيته يطلع من باكيت جكايره اثنين جكارات حاطهن ببين شفايفه
جوري ذيااااب
اندار خازرني
ذياب هاي من وين طلعين كنغرر
جوري البزونه اشمرها لاطلع ريحه
نزل عيونه شاف الوصله ملتم عليها ذبان
ذياب ههساع تحجين
جوري نسيت ماجان باالي يمها.
ذياب عجل وين يم سيد؟
جوري دخيل بخته ماعرفه
دنك شايلها بطرف شامرها بلحاويه
جوري موتنسى طلعني
ماجاوبني مندار يريد يمشي
جوري ذياب حباب موتنسى
باوعلي زافر نفسه
ذياب فوتي، لايضل بالج ما أنساچ.
جوري اي عفيه بداعت السيد
لاف كله جسمه عليه مصدوم من حجي عض اصبعه
ذياب فووووتي
رجعت الكارتونه سريع مثبتتها بلحديده...
درع
نزلت من درج افرك بعيوني متنهد عدلت سترتي مدنك اللبس حذائي
ادندن بصوت ناصي.
كرم هلك والعاذل يريدون وانه وياك راده نريد وحجي الناس مرمرني وخلاني كصير الأبد يدولاب الوكت بيه قسمه وصارت عليه
تذكرت هل اغنيه يحجيها ذياب وعرفتها منه سكتت بالع ريكي فايت للمطبخ اباوع
درع جوعان
فتحت الثلاجه مطلع منگه خليتها على الميز جايب سجين اكصكص منها اكل
سليمه ها كعدت حبيبي
باوعتلها مبتسم فتحت الحنفيه غاسل حلكي منشف شواربي رحتلها لازم وجها ابوس بي
سليمه اهووو
درع مشتاقيين.
حضنتها مغمض عيوني اخذ نفس قوي
درع اوف اوف افيش تتردين الروح
سليمه سليمه التطمك كرررم كسرتني بضلوعك
وخرت منها اضحك
درع انتي سليمه
سليمه اسويلك اكل
درع لا ماجوعان
سليمه اندارلك فدوه شكثر تنطي الابوك
درع هم جابتني علي
ضربتني على چتفي خازرتني
سليمه ابوك ولك
درع الله يرحمه بس اني وججي غير هوه ينطي الياس خضر
سليمه عجل انت تشبه الياس خضر
درع وين باطه ماصير
سليمه غمه
ضحكت بايسها اخذت سبحتها جارها
سليمه يااا ولك.
ضميتها بجيبي طالع بره بيدي اعدل شعري اليوره
صعدت السياره ساد الباب معدل المرايه صغيره اجت عيني على شكلي
جرح خشمي صاير من طول للطول وعيني بيها ورم خفيف وخرت شوي من قميصي اباوع الركبتي اثار زلغ صاير
رجعت قميصي متنهد متقصد ماشغل اضويه بلبيت
امي نضرها ضعيف ومن اطفيهن ماتشوف جرحي.
السواهن عزيز گلبها ذياب
شغلت سياره مصعد الجامات مشغل تدفئه ضغطت برجلي ماشي عايف الستيرن مخلي جكاره بين شفايفي مورثها.
طلعت مناظري لابسهن ودك تلفوني جاوبت على الاتصال مخلي سماعه ب اذني
درع هلا ياهوه؟
ابراهيم كلاااام
تذكرته ضاحك
درع عيون كلااام شلونك يابه مشتاقين
ابراهيم ااااااا انا مو سوه كلام ويه ابن مال انا كتله كلام يريد شوفه انا گلبه يسوي فيت فيت فيت
درع ششنو فيت فيت
ابراهيم نبض انتا كلام انا يحس بمشاعر انتااا فا راح اجي اليم انتا
درع ماستوعبت وين تجي؟
ابراهيم الكلام
درع تجيني؟
ابراهيم اي زوجه انا لبسني قاط اخضر وابن مال اني برتكاني
درع وين تجيني ولك؟
ابراهيم شلون راح يزرب هذا لك اتطرطح الام انتاا انجبب يلا
درع على منو هل حجي؟
ابراهيم ممو على انتااا اسكت دقايق بيسوي شغل ويجي يحاجي كلام انتا
درع اصبرر موتجيني
ابراهيم موبكيف انتااا اش
درع شنو موبكيفي وين احطك يولي
ابراهيم انتا وين وين لاتدوخ راس انا
درع شمدوخك شنو سويت؟
ابراهيم جاوب جاوب، حط حلكه بلتلفون يحجي، كلاااام يسمع حجي انااا
وخرت التلفون متنهد فارك اذني
درع زيح اسمع وحك الله
حط حلكه اكثر
ابراهيم كلااااااام
درع طررركاعه على كرررم يول اسمعكك
ابراهيم اي لاتصير عصب انتا نفاخه طب فجر
درع يانفاخ؟
ابراهيم دسوي كلام لادوخ انا وين انتا
درع يابه انطي تاهو اليعرف كلامك شبلاك احجي عدل
ابراهيم جؤؤؤ جؤؤؤ انا شلون راح يسوي ربط قاط اناا براس انتا
درع شنووو ولك!
ابراهيم ها هاي كلام سوه فتح عقل انتا
درع بس فهمت تربط وانتا عليه؟
ابراهيم لاا اش انطي عنوان بيت الساكن انتا وعائلتك الله يحفظ انتا ويرجمك
درع استغفر الله ربي، طالع اني وين تجيني
رجع حلكه بتلفون صاير عصبي
ابراهيم ااناا بيهددد ابن انااا على انتااا مو كلاام انا مفهووم اككول الانتا يجيك طلع عنوان انتا بسرعه
درع بدوام انا وين تجيني
ابراهيم مافي مشكل.
درع بكيفك مافي مشكل يطلعونه من المركز اني وياك اذا حطيتك على روؤسهم
ابراهيم تف على انتا
درع لا اله الا الله
ابراهيم انتاا عوود كلام وياك يهادي لوو اسوي كلام ويه المقدم العصبي
درع ذياب؟ يطك طكه يدحكلك الجن متحني
ابراهيم انا مابيفهم شنو متحني
درع حنه
ابراهيم انتا تعب انا
درع انتا هللكت انا خلي امشي الدوامي والله كريم
سديته شامر سماعه متنهد شغلت المسجل مطلع اغنيه صار دكات حركت اصابيعي على ستيرن.
درع عيني يا ام شامه بعد مابيه حيل خلص قلبي من العشك مو كافي. ياويلي يابويه. ترى مو لو يرحن عيوني
حركت بسبحه على ايدي
درع صصدكيني اذوب اذوب اذوب، لمن تلزميني اذوب، لمن تحاجيني اذوب انا وياج يا ام شامه
اخذت نفس من جكاره اهز براسي
نطلع على برد الهوى نتبادل البوسه سوه اني وياج يا ام شامه
بس حجيت يا ام شامه تذكرتها استغفرت فارك عيوني قوي طفيت المسجل عايف الستيرن محرك البريك.
اخذت بطل المي مالتي صاب شوي ب ايدي غاسل وجهي
درع استغفر الله ربي استغفر الله
اندك تلفوني جاوبت حاط سماعه
درع ها عسل
ليش مختفي عني هل ايام ياحلو
عدلت شواربي ب ايدي
درع ملتهي بنعيم القناص
هههههه احسك تحبه اكثر مني
درع دحك هاي يول صدكت بنعيمه لودحكين وججي صار خريطه
عسل هههههههه ليش لو تعرف شكد احب تقاسيم ضهره ححلوات
درع مايدحكلج لو تنگلبين بهلول
عسل منو هذا
درع دسكتي، شنو تردين؟
عسل مشتاقتلك ماتجي اليوم.
درع لا اكو دوام
عسل شنو تره سبت!
درع حاجيلج شغلي اي وكت يخليني اداوم مجبور بابا
عسل شلون اريدك تجي ضايجه
درع اي اي اجيج
عسل اليوم
درع اانزل الفجر وين اكدر شبلاج عسل؟
عسل لعد شوكت؟
درع اردلج خبر
قبل لاتكمل حجيها سديته اادخن صافن بدرب
درع اني وياج يا ام شامه.
ااندك تلفوني استغفرت شايله
درع ماصار موبايل الف واحد يتصل
امينه ها درع
درع ها حبيبه شلونج
امينه زينه الحمدلله ابني الك شغل؟
درع ليش صاير شي؟، ذياب؟
امينه لاذياب ااتصلت على بدوام ردتك تجيب نوف
درع ليش وين؟
امينه حجتلي تريد تمشي للمحل تريد جم اكله ماعرف شنو سمتها
درع اي؟
امينه ضال بالي لايجي فرج ويدحكلها طالعه
درع شنو اسوي؟
امينه يايمه مادحكلي وين صارت ادري درب طويل عليك بس شسوي والله لو ذياب همن يحجي عليها بس اهون من فرج مايرضى ابد
درع ذياب ماحجالج؟
امينه شنو ابني
درع لاهيج هساع اجي من عيوني
امينه تسلم حبيبي وليدي.
سديته شامر السماعه متنهد درت الستيرن مغير طريقي ماشي سريع مطفي جكاره بنفاضه شامرها
زدت سرعه اكثر اوصللهم.
دقايق وصرت مقابيل منطقتهم ضليت اباوع متنهد
درع يامحل متكحزتله الصكره
رجعت خابرت امينه حجتلي اسمه دورته ولكيته نزلت ساد باب سياره معدل سترتي فايت جوه
درع السلام عليكم
وعليكم السلام خويه اتفضل
درع ااكو مره عليها نقاب اجت هين؟
اي جوه ليش
درع تسلم.
فتت اباوع للاسواق جبير مشيت بكل جهات الحد مالكيتها رافعه رجليها تريد تلوح شي فاك
درع ولاتكعد
تقربت يمها محمحم فزت تباوعلي خازرتني اجت عيني گبل على شامه الصغيره قريبه على عينها
نوف شنو اتسوي هين
درع امج جابتني
باوعت الملابسي شافتني بملابس الدوام مسحت شواربي منزل راسي
درع يلا زرعدي لايجي عمج فرج
نوف ناوشلي هايه
خليت ايدي بجيبوبي رافع راسي اباوع
درع ياهيه؟
اشرتلي ب اصبعها باوعت على قوطيه ججبيره.
مديت ايدي منزلها
درع اكضبي
نوف تسلم
درع شنو اخذتي؟
نوف هاي وهاي وهاي
اخذت منها السله والقوطيه
درع امشي اطلعي للسياره
نوف ليش
درع مزرعد بابا يلا
ماحجت رايحه ضلت عيوني وراها امشي وكفت يم ابو المحل اباوعلها صعدت سياره اليوره
درت وجهي محاسب ذني واخذتهن الغراض بعلاكه جبيره والقوطيه لازمها
طلعت متشكر من ابو المحل وصعدت سياره مخلي العلاكه اليوره والقوطيه بحضنها حاضنتها
درع شنو هاي؟
نوف معليك
درع نفس الاخلاق
نوف شنو.
ماحجيت مشغل سياره موصلها بسرعه كبال فرع بيتهم فتحت الباب نازله شابكه القوطيه مدت ايدها تريد تلزم العلاكه اني اخذتها مقربها الها
نوف شكرا
درع بعد لاطلعين بروحج وهيج وكت
انطتني نضره مثل خازرتني درت وجهي بسرعه استغفر هيه عافتني وراحت باوعتلها انتضرها توصل البيتهم مبتسم.
جوري
صار المغرب وبدت تضلم وهوه بعده ماكو
جوري نساني
كعدت بلكاع ضايجه ضليت اتلمس بشحفوره اصبعي.
جوري من بارحه اريد اشلعج ماكو شسالفتج انتي ثانيه
عضيتها ب اصبعي تاذيت بسرعه وخرت اصبعي كايمه فايته للمطبخ فتحت الثلاجه متنهده صافنه
جوري ضحك عليه
سديت باب الثلاجه قوي ضايجه رجعت للغرفه وصفنت على جربايه متذكره
تقربت يمها مدنكه ماخذه الورقه بديت افتح بيها بالعه ريكي فزيت على صوت
جوري شكوو.
رجعت الورقه طابكتها ضامتها بصدري صافنه اريد اعرف مصدر الصوت منين مشيت على كيفي وانتبهت اكو جهاز موبايل على سله ملابسه بس صاير فوكاه فانيلته اخذته اباوع كاتب سيدي
جوري ذياب؟، فتحته مخليته على اذني اجاني صوت اغنيه ياطير يامسافر اله
سمعت صوت طكه الجداحه اكثر من مره وتنهيدته عرفته
جوري وكفت گلبي
ذياب لك ابوس گلبك ابني
جوري مستهتر المسربت
ذياب ععثره السانج
جوري ليش مخابر
ذياب راح من بالج الموبايل موحجيتلج عنه.
جوري شوكت؟
ذياب اول ايامك يمي وليدي
جوري وين اتذكر
ذياب جهز نفسك
جوري عندك غلط بالاعدادات دنيااا ليل موضهر
ذياب فاتني الوكت بشغلي ودرب طويل
جوري ماريد ضحكت عليه
ذياب نعوضك يبه لاتشد النونه
جوري صوت هورن يمك
ذياب اي هذا علگ يريد يمشي جدامي
جوري انطي مجال لاتسوي حادث
ذياب ينجب موبمزاجه
جوري يمعوووود لاتصيرر سالفه
ذياب لاتصير خواف ماحب الخوافين اني
جوري مابيها خوف هاي لاتجازف.
زيد سرعه يدكدك هورنات سمعت صوته يغلط گلبت عيوني
جوري راح يسويله سالفه
ذياب يلاا اشش امشي لك امشي
رجع صوت شوي طبيعي عرفته رفع جامه غير صوته مبتسم
ذياب ياحنيته الذياب ناوشني خدك ابوسه
جوري خليته يمشي
ذياب امشي ب أوامرك اني
جوري ماسمعت قابل رزلته طلعتها من خشمه
ذياب خلي يطير احجيلي رضيتي
جوري لا
ذياب عش هيج؟
قلدت علي
جوري عش طير
ذياب طبعا اطير غير اجيلك وليدي
جوري لاقصدي عش حمامه طيره مو طاير.
ذياب ها ولاتكعدين ماعجبتج لهجتنه ول يبه؟
جوري لا احبها بس اكو كلمات ماحبهن بدلهن
ذياب غردي شو
جوري لاتكول فوطه ماحب كلمه فوطه
ذياب عجل شنو احجيها؟
جوري خاولي
ذياب امرك ابني
جوري ذياب احسك اهواي مگابلني
ذياب انا اتعاقب حتى اجيك
جوري تتعاقب؟
ذياب لاموعقاب عقاب بس مايصير مانزل الدوامي ب اي وكت يجي بمزاجي وجثير مامشيت الدوامي الخاطر عيناك
جوري انتبهت ليش مارحت؟
ذياب اكلها خاطر ابني لاتصيرين مدغمه يابلوه.
جوري ولايكعد عود الخاطري اليسمعك مدللني وابددد منتعاررك سويه
ضحك قوي يكح
ذياب يبه لاتضحكيني واني ادخن
جوري من تعلكلك جكارتين ماتختنك
ذياب اعلكهن من اتور منك يبه فد يفررردني
جوري يفردن؟
ذياب ارتاح
جوري ها
ذياب مصگوعه ياهوه شاد النونه لان فات الوكت واني مو صوبه
جوري موعليك
ذياب عجل على ياهوه السيد؟
جوري بعدك على السيد
ذياب جهزي روحج بدرب اني
جوري ذياب ماتروح الهاله؟
ذياب ليش هل سؤال؟
جوري اكثر وقتك يمي.
ذياب لاتفوتين روحج بهاي سوالف جهزي نفسج
تقصدت اسأله حتى يغلط ويحجيلي المكان البي
جوري وين وصلت
ذياب بعدلي ساعه ونص وتلاكيني بوجج.
بس هل كلام وسد الاتصال غميته شامره الجهاز تمددت باقيه نايمه صفح طابكه ايديه سويه مخليتهن جوه راسي زفرت نفسي مغمضه عيوني
جوري يريدني احضر نفسي وهوه وره ساعه ونص يلا يجي، الله يعلم يمكن ماراح الدوامه وراح الهاله يكضي وياها الساعه ونص.
نمت على ضهري مطنكره ضايجه خاطر بالي اكثر من فكره
جوري معقوله هاله يمه. جان مطلعها؟
بقيت هيج اكل بروحي لحد ماغفيت شويه فزيت على بزبزه شواربه عليه فتحت عيوني لكيته مغمض عيونه يبوسني
جوري ليش بستني؟
انتبهلي يباوع العيوني مبتسم عيونه تعبانات وبملابس دوامه رتبته على چتفه وشعره متعدل زيانه صاير ككل شعرايه براسه صغيره محددهن من كدام
ذياب لان مرتي.
فتحت عيوني على حيلهن رافعه حواجبي هوه ضحك لزم ايدي ب اصابيعي قربهن على شواربه يعدل بيهن
ذياب حجيتلج جهزي روحج الاكيج نايمه
همهم بايس اصابيعي كزبرت موخرتهن
جوري ماحسيت على روحي غفيت
رفع مقدمه حواجبه صافن بؤبؤ عيني
ذياب جثير حلوه هيج
ماحجيت ارمش اكثر من مره نعسانه قرب نفسه لافحتني بروده جسمه وعطره ممزوج بدخانه
باس حنجي صاعد
جوري راح طلعني؟
ذياب امم
لزمت اچتافه حتى ابعده داك گلبي قوي سامعه نبضاته.
جوري خلي اكوم
ضحك مهتزه اچتافه لاف ايده على بطني
ذياب عش هيج؟
جوري ها
حط ايده على ناحيه گلبي
ذياب اضن بس ايدج ترجف طلع حتى گلبچ.
دفعته كايمه بسرعه عدل كعدته مورث جكاره لخ
ذياب ايدج وتحجين يرجفن مني وگلبج
وكفت منداره اباوعله رفع حاجبه مال راسه
ذياب همن مني يبه؟
بلعت ريكي طالعه برا الغرفه ساده الباب
جوري مستهتر المسربت...
لزمت كصتي صاير جسمي حار
جوري مسودن
دخلت للمطبخ فاتحه كاسه مي اشرب انداريت وفزيت لكيته وراي.
جوري ها
ذياب اكضبي، لبسيها
جوري ولاديه هاي اريد بناتيه
ذياب ماتلاگين السيد لايضل بالج
جوري لا صدك ماريدها
ذياب وحك السواج تصير مضبوطه عليج حلوه
ماحجيت مامقتنعه لبسنياها يلزم براسي مبتسم
جوري شسالفتك ويه راسي
ذياب زيحي من بالج بنتي على هذا جمال مريتي
جوري شني ذياب ياجمال
ذياب تصگعين الميت ولچ ماشاءالله
ضليت صافنه يحجي صدك باوعت العيونه وصح عيونه يلمعن مبتسم على شكلي
جوري بظفيرة احلى.
ذياب صح، عد الظفيرة احلالج بس حبيت وجج هيج
شهكت رافعني ضربت على صدره اباوعله
جوري نزلني
ذياب اش
سكتت هوه فوتني واكف كدام المرايه منزل رجلي شوي حتى مستواي يصير بمستوى المرايه
ذياب دحكي يول
باوعت الروحي شعري صغير حيل اطول شعرايه جايه شوي على كصتي مخلي وجهي صاير دائري هل كصه واني سمنانه همات عضيت شفتي مرجعه انضاري عليه
ابتسم ضاهرات غمازاته باس خدي
جوري كافي تبوس
ذياب شيبتي القناص
جوري انتَ مشيب يلشايب.
ذياب لاويني شايب، انتي زغيرونه.
نزلني على كيفه راح جاب شال لافه عليه
جوري ماحب الحجاب لاتجبرني
ذياب بس هيج ماريد احد يدحك الشعرج
للزم ايدي مشيني طلعنه بلممرر حاط مرايه طولانيه تلزك على الحايط اندار باوعتله
لكيته يباوع على المرايه فرحان درت وجهي شفت الفرق بينه اوصل اقل بشوي من صدره
ذياب حمامتي
جوري مسربت
ضحك لازم اجتافي موجهني للكدام فاتح الباب طلعت على كيفي ضلمه وتمطر بس خفيف شوارع بيهم مي.
جوري ليش ماكو احد؟
ذياب هين ماكو زعاطيط مثلك
جوري ليش ماكو مو اكو بيوت معقوله ماعندهم بعمري
ذياب لا اكو اصغر منج همن بس مايطلعونهم بليل
جوري ليش
ذياب هين مايرضون بليل مايصير
جوري وذا؟
ذياب شلون يصير خطف واكو يطلعونهم بس قليل بس هين ابد
جوري بلعماره للسبعه صبح واكو جهال تفتر
ذياب اهلهم يرضون؟
جوري اي عادي اصلا
ذياب ماعرف بعد بس لو عندي زعاطيط ماطلعهم هيج وكت
حضنت ايده نمشي لكيت نفس سياره مكتوب عليها حكومه.
جوري جا وين جمهوريه
ذياب جمهوريه موهين هاي الحكومه
فتحلي الباب صاعده وههو صعد قافل البيبان
جوري ليش مو هنا؟
ذياب الجمهوريه سيارتي الحكومه مال شغلي
جوري شلون يعني؟
ذياب اكو ضباط يحطولهم سيارات حكوميه مكتوب الحكومه
جوري وين قصدك على الزكه المخليها
ذياب لا ابني ويه رقم
جوري ها
ذياب بعدج تحبين التكه
جوري اي اعشكهاا
ذياب طركاعه على صويلح تعشكها
جوري رجال مات
ذياب لاغيبه على الضالمين.
جوري حتلو مايصير ميت.
ذياب تحبين الامام الحسين؟
جوري عليه السلام طبعا
ذياب صويلح موجود ويه چتالين الامام
جوري مو الهدرجه
ذياب خلي يطير بابا شكثر كاتل وادم ولاتحجيلي مايصير احجي على ميت عجل كاتلين الانبياء وائمه ليش تلعنيهم؟
جوري ذوليج انبياء وائمه مايتقارنون بشر عادي
ذياب ماحجيتلج هيج بس بشر عادي حتى لو تموتينهم يصير الكل يلعن بيج
جوري شمعنى اخذتني اني مثال
ذياب مو انتي صايره صوب صويلح
جوري مو ادافعله بس ميت يعني مايصير تل...
ذياب اانلصمي
خزرته كارصته من چتفه عض شفته كاتم ضحكته
جوري لاتكلي انلصمي
ذياب بعد ياهوه يحاجيهاا بت حرمله صحيح ادحكلج صايره صوب ال صويلح طلعتي بت حرمله
جوري ذيااااااب حشى اصير بنت حرمله
ذياب عافت امها بثواني
جوري امي رررمله
ذياب هوه من حجيتلها ارمله صارت ارمله هساع حرمله راح تصير صدك حرمله
جوري ليش
ذياب الله يزيحها مني
ضربته على فخذه
جوري ذيااااااااب كافي عوف امي بحالها
ذياب هساع ادحك ابوي مسويها رابعه.
جوري يتزوجها؟
ذياب امم
جوري فال الله ولافالك شني
ذياب حسبتج تلعبين بلمثل همن بس احسن بي اسم الله لاتلعبين ونطير بيها
جوري اعرف احجي تره
ذياب حيل سوي شط وذبه بلخير
جوري بس تره هم اله معنى
ذياب دسكتي
جوري ابوك ماياخذ امي
ذياب خلي الزلمه ينسعد
جوري لااا موحلوو وابويه!
ذياب ترا اذا صدك حكها امج وذا؟
جوري مارضى اعوفهااا واعوفك اذا عقد عليها
ذياب عش هيج هساع تلاكين اب مثل ابويه؟
جوري ابوي محد يجي مثله مستحيل.
ذياب ششنو بي ابويه؟
جوري باوع صح ماحب احد يحجي على امي بس ترا عندها اهواي سوالف ومشاكل واني بنتها اعرفها كلش زين وكل سوالفها
رفع حاجبه خاطفلي نضره سريعه مكمل طريقه
ذياب اي؟
جوري الصدك ماتنچرع رادلها خلك طويل ورغم هيج ابوي ماتزوج عليها
ذياب ههههههه ليش ردتي يتزوج
جوري لاا بس اكلك وامك امينه مابيها شي حبابه حيل وتحب ابوك وححلوه هيه بس اخذ عليها
ذياب بس ابوي مامسوي حرام شرع محلل اربعه.
جوري الا بموافقه الزوجات وهم لازم يعدل بينهن موهيج
ذياب اكيد نسوانه كلهن راضيات
جوري عود صدك؟
ذياب وحك السواج
جوري ااني مارضى اخذ رجال متزوج
ذياب عجل اني شنو ماخذ نعجه
جوري لا انتَ ماحسبتك رجلي
ذياب حاسبه ياهوه عجل السيد؟
جوري عوف سيد بس صدك ماحبك اني يعني حتى من صارتلي مشاعر تجاهك ردتك اليه
باوعلي مبتسم مرجع انضاره للدرب ماخذ نفس من جكارته
جوري اهواي دخن
ذياب احبها
جوري بعد اصيحلك ابو جكارتين.
ضحك واكف مقابيل مطعم شوي واجه بيده ماعون تكه وشخط سياره سريع يرجعنه
جوري ضلمه حيل
ذياب احسن بس اني وياج
شغل المسجل معلي لكيته مطلع كبر حبي وملا گلبي
جوري من خابرتك لكيتك. تسمع مال ياطير يامسافر اله
ذياب اي الاغنيتين احبهن
جوري واثنينهن اني حاجيتهن الك
ذياب وذا؟
جوري شنو احب جاي تحب انتَ
ذياب لا اكو همن اغنيه حاجيتها الي
جوري ياهيه؟
ذياب حاير شلبسله باجر يالون
صفنت مامتذكره مغنيتها يمه.
جوري شوكت مغنيتها؟ ماتذكر
ذياب ب اول ايام زواجنه دحكتلج بيدج الحمامه وطالعه بظفيرتج وتغنينها
تذكرت فاتحه حلكي
جوري احح تذكرررر والله قديمه
ذياب عش هل، قلد على شهكتي نصى صوته يتذكر
همن خليت العبايه ماعرف شماغي عليج وحجيتلج تفوتين
ضحكت مندارتله
جوري قدييمه تدري راح يصيرلنه متزوجين ثلث سنين
ذياب صدك؟ شو مزرعده الايام
جوري اي والله ثلث سنين مگابلتك اححح
ذياب صار عمرج 18؟
جوري لا شهر ميلادي 4 بعدني صغيره تنتضرني اكبر واصير شايبه نفسك
ضحك جار وجهي بسرعه خاطفلي بوسه
نزلت راسي بالعه ريكي خجلانه ضليت اباوع من جام الحد ماوصلنه
اول مانزلت اخذت التكه وياي هوه طلع المفاتيح يفتح الباب
جوري مداليه المفتاح حلوه
ذياب هوه سويتهن بشنو شغله يخليج تجين بالي
جوري تذكرني بكصيبه وحمامه؟
فتح الباب بيده دفعه مأشرلي افوت
ذياب وياطير يامسافر اله.
ضحكت فايته جوه هوه فات وراي خليت الفرشه ذابه سترته والحجاب مالتي كعدت هوه غسل ايده واجاني حاط التكه فتح الفريز مطلع الخبز
جوري جامد حمي
ماحجى شغل نار طباخ وضل يحط الخبز يحرك عليهن سريع حتى يحمهن بلغلط اجت عيني على بطل محطوط بزاويه المطبخ يم طباخ
جوري ههذا شنو؟
خطف نضره شافه
ذياب عصيري
بقى الخبزه رايح للغرفه يريد يذب ملابسه
ذياب خلي بالج على الخبزه.
ماستمعت متقربه يم العصير جارته شاربه منه نزلت راسي زافره نفسي فاتحه حلكي منتعشه
جوري شو بارد منعش
صفنت جايني نفس طعم الشربنياه ضرغام.
رمله
عطت ضاربه على خدودي
فرج شبلاج هدي يامره
رمله شنووو اهديييي بنتييي مندعمه ومضروبه ومادري بيهااا ذيااااب ليش هيجي يايمه ياضالللم
باوعتله منقهره محترك دمي
رمله ليش رضيت يسوي هييييج فررررج الله يخليك ارييد بنتي
فرج صدكي مارضيت عليه رمله صدكي وحجيت على بس موبيدي شنو اسوي.
رمله وييين ماخذهاا وين
فرج هدي اصبري
رمله بنتي ارييييدهاااا ماخليها يمكم بعد
فرج لاا يسمعووونج
رمله معلييه وذااا سمعوووني احترگ كلبي على بنتي اريدهاا مابقيها يمكم الله يخليك احجيلي وين مخليهاا ابنك
تنهد عايفني وطلع كعدت ضاربه على فخذي
رمله اخخ ياروحي انتي شنوو صاير بيج هسه ياجوريتي.
جوري
شديت الحجاب على خصري اتمايل يمين ويسار هوه كعد على الكرسي عيونه بس عليه يريد ياكلني مبتسم.
درت ضهري منزل راسي احرك ب ايديه على كيف شوي وتذكرت ضجت
جوري لاااااا
ذياب شنو ياروحي
جوري تذكرررت ماعندي شعر
جر ايدي لاف ايده ثانيه عليه مامهتم الكلامي مكعدني على رجله بايسني باوعت على تلفونه سامعته يدك حاولت اشوف بكوه ركزت لكيت مكتوب شيخ فرج.
جوري تلفونك
همس بصوت ناصي
ذياب معليج بي معليج
شالني بيده اثنينهن حجيت حاسه بدوخه
جوري ابوك يدك يلمسربت
ذياب يندارلج فدوه المسربت وابو.
فوك نص ساعه وابو يدك عليه وههو مامههتم
لدرجه كلت راح ينفجر التلفون من كثر مادك
جوري ابوك يدك
كام يمسح على شواربه فاتح الاتصال
ذياب هها يبه. ليش شكو، شبلاها هاله؟ دقايق واواصلك، هذا هوه
سداه يباوعلي
ذياب راح امشي شويه واجي
جوري شبيها هاله؟
ذياب هساع امشي وادحك شنو صابها
لبس سترته ماخذ تلفونه مخلي بجيبه دنك يلبس حذائه
ذياب شطبه موتنامين
فزيت فاتحه عيوني بكوه ضاحكه
جوري لاسيدي لا مانام
ضحك جاي جار وجهي بايسه.
ذياب اعشكنها منج وحك السواج
عافني وراح طلع ساد باب الرئيسي همن
مامرةة دقايق وراه اندك الباب قوي فتحت عيوني متنهده
جوري شبسرعه اجيت هاااا ياجن افتحله الباب
صفنت فاركه عيني
جوري صدك اني بوحدي
كمت معدله قميصي ردت افتح الباب ماينفتح ضجت متوجعه ايدي حاوله وياه وانفتح ماجان مقفول مديت راسي اباوعله
جوري ها ذياب
ماستوعبت جاي اشوفها كدامي شافتني وشهكت
رمله يمه جوري
جرتني حاضنتني قوي
جوري ماما؟
رمله ياگلب امج سامحييني ياروحي ياوصيه ابوج انطيتج الهذا ضاللم اني اعلمه ماخليج يمه صدكي
جوري شنو منو؟
رمله تعاي ياروحي تعاي اوديج يممي ماننطيج بعد اخلصج من ضيمج
جوري وين ماخذتني
مسحت وجهي زايد الم راسي مامركزه هيه جرت ايدي هيج عايفه الباب مفتوح وصعدتني السياره صاعده وياي اليوره وساده الباب
مشت سياره وماعرف وين رايحين باقيه صافنه دايخه حتى مادري هذا حلم لو حقيقيه باوعتلها رامشه اكثر من مره
جوري امي؟
رمله ياگلبها انتي
جوري شجابج؟ منين طلعتي
رمله اخلصج منه صدكيني غصبا ماعلي يطلكج ياروحي كصيبتج الحلوه راحت ياعمري شمسوي بيج الادبسزز الحقيرر الله ياخذه ويكسر ايده بس خلي يصبرلي
خليت راسي على چتفها شامه عطرها زفرت نفسي راجعه غافيه ماداريه بشي...
ذياب
نزلت من سيارتي فايت جوه شفت ابوي كاعد بلحوش دخلت بسرعه
فرج ها ذيب
ذياب شنو صابهاا هاله شكوو؟
ردت افوت جوه لزم ايدي
فرج هدي هاله ماصابها شي
ذياب عجل شنو؟
فرج اني ردتك
ذياب يبه صدك تحجييي عفت جوري بلبيت واجيتك ماعفت سالفتك الثاني يوم
فرج جوري اخذتها امها
بهتت ملامحي مامستوعب مركز بالع ريكي
ذياب شنو؟ شلون اخذتها
فرج بس طلعت امها اخذتهاا من البيت
ذياب شنوووو بمزااااجهاا ماتطلع مرررتي
طلعت تلفوني سريع هوه يحاجييني عفته على صفحه داك على جهاز جوري اكثر من مره ماجاوبت
صحت ضاغط على جهاز
ذياب لاااااااا ليش اخذذذتهااا مو بمزاجهااا مرتيي هاييي ب اسمي!
فرج لاتعلي صوتك مرتك بلمجلس
ذياب معلييييه مرررتي ماتاخذزهااا مالكم حق عليهااا
فرج مو حاسبها بنتك؟ شنو صار؟
ذياب اغغممم وحجيتهاااا هساع مرررتي هيه ليش هيج ليش
باوعت الايديه بدن يرجفن باوعتله ضاغط على سنوني قوي انتر
ذياب وين اخذتها!
فرج من يمتى تحاجيني هيج؟
ذياب احجيييي الغضببب امهااا وين اخذتهاا
فرج حاجيني عدل ذيب اني ابوك!
تقربت يمه طاخ كصته حاجي حاس جسمي كله يفور ويرجف
ذياب رمله وين اخذتها المرتي!
شخطت السياره ماشي سريع وياي ضرغام
ضرغام اصبررر هساع نلاكييهم بعدهم ب اول درب
ذياب رررمله تصبرررلي تاااخذ مررتي مني شنووو مالهااا حق عليهاا اني زلمتهاا
ضرغام صلي على محمد اهدء شنو صار بيك دحك شرايينك شون طالعات
ماستمعتله هامس محرك الستيرن
ذياب حط الفشك بالشاجور
جوري
فتحت عيوني بكوه لازمه راسي متاذيه
جوري ذياب
رمله انسي للطايح حظ هذاا.
باوعت لكيتها كبالي ماستوعبت شجابها صفنت شوي متذكره انصدمت اباوع بقميصي وبلايه حجاب
جوري ماما
رمله حبيبتي شنو بيج شي عطشانه؟
جوري شجااابني هناا ماما
رمله اششش عيب رجال جاي يسوق
باوعتلها مصدومه مطلعتني هيج
جوري مااماا ذياااب
رمله خيوليي شتررردين بي؟
جوري ماما عوفيني وين ماخذتني
ردت اباوع من جام المفتوحه جرت ايدي قوي قافله الببيبان خازرتني لازمه چتفي قوي
رمله والله اضربج هناا اسكتيي.
بنص حجيهاا سمعنه صوت رمي قوي عطت حاطه ايدي على اذاناتي خايفه
رمله شكووووو
سايق وكف سياره بدون مايطفيها خايف يباوع ورانه اجت سياره سريع صايره مقابيله باوعت من جام المقابيلي وشفت ذياب مطلع ايده يرمي
رمله يااااا هذا المخبلللل
جوري ذياااب
رمله اسكتييييي لج راح يرررمينه شجاي يسوي
سايق لاتجي سياره هذا شارع عام اختي نروح بيها كلنه لاتورطوني
رمله كمل سياقه معليك بي مايسوي شي
جوري ذياب.
ذياب نزلي جورري لاوالله افجررركم كلكم
رمله ياعزاااا صدك يحجي هذا!
كام يرمي قوي وضرغام طلع راسه بيده مسدس رمه بسماء فوك يردوني انزل
سايق اختي اني على باب الله شنوهاي
امي حجت خايفه
رمله كمل سياقه كمل كمل
باوعت اكو سيارات جايه خفت لايدعمونه هوه مكمل رمي بشاجور دفعت ايد امي
وطلعت راسي من جام اتنفس سريع
شافني مركز بعيوني وكف الرمي منزل ايده.