رواية بين قلبها وعينيها كبرياء للكاتبة شمس العراقية الفصل الثالث والأربعون
أسيا لحظات مرت مثل لمح البصر وأصعب شيء مرت عليه وكفت وعيوني تترقب دخوله مروان شرب أستكان الجاي شربه وحده وباوعلي وهزلي?أسه معناها شگو ما جاوبته وازهار كل جسمها يرتجف وحاضنه جود وتسكت بيها وعمتي تحجي وتسأل بيه واني بالي مو يم أحد بالي يمه شراح يسوي يوگف وياي لو محترك گلبه على هديل.
دخل مثل البركان دفع الكرسي شمره بعيد جان اجه ب?اس مجد وكسر ركبته بس ربك لطف بحاله عاف الكل وكلامهم واسألتهم وتقربلي بدون أي حرف ضربني گاف شال صفحة خدي من شدة قوته والكل أنتفض وهو يعيط ومحترك نار اعصاب تلهب بالغضب وصدره يرتفع وينزل وصاح بيه
عصام أشسويتي ولج إشسويتي أذبحج وأكطعج وأحرگج گلبي ما يبرد شسويلج كوليلي شسويلج.
أسيا جاوبته بكل ثقه سويت اللي لازم أسوي وما متندمه ولو بذره ولو يرجع الزمن اسوي وهم ما أتندم رجع ضربني كف ثاني ومروان إنتفض دفعه بقوه وكف بصدره يمنعه يتقربلي وعمتي تحاول تسحبني من كدامه بس اني ثابته وأباوعله بشموخ وبغضب وطبيت بنص عيونه ما خايفه منه.
مروان مجد أخذ ك?م ل اسواق اشتريله بسرعه ازهار اخذي جود لغرفة أمي تحرگي لما نفهم خبال أبوهم على امهم على شنو أحجي شبيك جاينا ثاير وعيونك بكصتك شگوو.
عصام وخر مني خليني اشوف شغلي ويه هاي الادبسزز ولج بنت الگلب اليوم اربيج اليوم اعيد امجادج وامجاد الخلفج يا قندره.
أسيا لاتسب أبويه وهو بترابه يا ناقص تروح فدوه لكل ذره من ترابه وورباني احسن تربيه تسواك أنت وشورابك ورتبتك ومكانتك وعضلاتك اللي جاي نافخهن عليه أنت والساقطه مالتك هديل اسواكم.
يا ناقصين حجيت لو خليت بانزين عليه ما حسيت غير دفع مروان ومروان تأذئ لن سمعته عاط وكع على حافة السراميك واجه سبحني من شعري بكل قوته واخذني سحل وعمتي خطيه حارت بمروان واسمعها تصيح عليه.
وصال ولك شگيت حاجبه جان طلعت عينه غضب على?اسك عصام ولج ازهار خابري ابوج بسرعه لج بسرعه شاش يمه سوده بوجهي ولك يمه مروان حاجيني.
مروان ما بيه شيء يمه بس حاجبي روحي وراه لا يموتها هذا خبل بسرعه تحركي يمه عوفيني حايره بيه روحي عليهم هسه اغسل بماي بارد والحكج.
أسيا دخلني الغرفه ودفعني بالكاع وكعت مرميه لزمت بطني وكتمت الوجع وزحفت ورفعت?أسي باوعت عليه ونزع الحزام وتقدملي وأني وكفت بوجهه للموت ما انساها الك للموت هل الاهانه والضرب كدام أهلك ما انساها الك
لج اليوم اقضي على عمرج أموتج.
موتني وخلصني اذا أنت رجال تعال اضربني تعال ميهمني عادي ما أتأذى قابل بكثر اذيتي اللي عشتها صارلي ايام واني انازع لوحدي بخيانتك أنتَ وياها لو بكثر اذيتي وأنت تضربني علمودها.
عصام ولج شلون ترسلين المحادثات لسيف شلون
هذا اليهمك ضربني على رجلي صرخت وقاومت وجاوبته اي رسلتهن بكل حب رجع ضربني وكع يمي يم?أسي لزمني من شعري وعصر فگي وشفايفي ورجع ضربني كف وخشمي طك دم باوعت بنص عينه وحجيت.
. خايف ومستحي مو فشله انت ضابط ورتبه عاليه ومركز مهم وحساس ورجل دوله هيج يصير بيك رجع ضربني وحلكي نزف قاومت وأيدي على بطني محافظه على ابني منه لايموت على ايد ابوه.
لج أشسويتي تدرين هاي سوايتج بيها كص رگاب بيها دم بيها كعده زلم تدرين لو لا تدرين راح يكعدوني للحگ تدرين سمعتي وسمعة أهلي تخلينها جوه القنادر تدرين گسرتي ركبتها وطلگتيها من رجلها وكسرتي ركبتي وظهري وگلبي بسوايتج تدرين لو لا.
وكسرة عين جدي تستاهل من أيدك شگو تراسلها شگو ترجعلها وهي متزوجه شگو ساحل روحك وراها وكاعد تسمع غزلها وعشقها ومراسلات بالساعات شكو مو أنت العاقل الفاهم الخوش زلمه
بس گولي أنتَ بحاجة أهتمام أني مقصره وياك بشيء شتريد صرتلك حتى رقص رقصتلك الما يصير صار الك بس أنت متشبع بالشريفه الكحبه هديل تشبعك لن هي عافتك وضلت بنفسك بيها.
رجع ضربني كف ولزمني من شعري وسحلني الغرفه لن مروان يدك باب الصاله ويدفع بي ويصيح عليه اكيد أزهار حجتله هو وعمتي ومجد كل السالفه.
. دخلني الغرفه وقفل الباب وذب الحزام جر كيبل التلفزيون وبدأ يضربني على رجليه واني انكز شاغت روحي لا عصام لا لا امانه الله لا ابقى على حزام لا عصام لا مروان عمه لحكولي يابه وينك يابه يابه ابراهيم منذر محمد لحكولي يابه عمو كمال.
اسمع الباب ينضرب بشيء مثل يتكسسر اندفع بقوه ودخل مروان هجم عليه ورفعه وضربه بوكس والثاني وكعد عليه يضرب بي وعمتي سحبتني وعصام دفع مروان وتلاوا هو وياه يريد يرجع عليه بس مروان سحبني عليه وحضني بقوته.
مروان طلقه وحده افرغها برأسك والله طلقه وحده اذا تقربتلها عايف الكحبه هذيج الأدبسزز الساقطه وجايلي على الشريفه لك اذا بيك خير وذره رجوله باقيه عندك ذره روح اذبح هذيج الساقطه لك تنكسر ايدك يا ناقص تنكسر على كل ضربه ضربتها الها.
عصام مروان عوفني أخلص عليها عوفني أنت ما تدري شمسسسسسسويه ما تدري لك گلبي نار منها عوفني مروان مروان وخر ولا تتدخل.
مروان أسيا بحمايتي وإذا تقربتلها قسم برب العزه طلقه برجلك واجضعك بكاعك والله اسويها وانسى? أنت أخويه
فوك سوايتك الناقصه راجعلي عليها اني لو بمكانك اروح ادورلي على حفره اطم روحي بيها انت وياها على سالفتكم الما تسولف لك أنتَ الغلطان من?أسك لرجليك عايف هذيج وجاي على هاي بس عمي الشريفات محد يگلبهن بس الساقطات الكل يمجدلهن.
عصام لك تدري بيها شمسويه دازه المحادثات لسيف تدري سالفه شكدها شكبرها سالفه بيها كعدة زلم تصخم وجهي لا الاكبر منها صورتي باللبس العسكري حظ الكواد وتباوعلي بصلافه ما خايفه ولا مهتمه لج باقي بس تنشريني بالكروبات هاي اذا ما طلعتي ناشرتني ومسويتني فضيحه لأمة محمد احجي اخرسيتي انبلع لسانج
مروان والله أخت زلم وسباعيه وشجاعه وعاشت أيدها وزين ما سوت ولو اني بمكانها اشهرها بكروب العائله وأسكر عليكم بطل عر.
أسيا شتريد مني اسويلك لعد اعوفك أنت وياها مراسلات على الخاص بالساعات واحد يغازل الثاني
عصام يا خ يا مغازلات يا كواده يا ز يا قنادر لج انني كسرتي ركبتي طيحتي حظي وين اودي وجهي من ابوي من عمامي من ولد عمي من رجلها ما اعرف على شنو ناوي ولج اشرب من دمج گلبي ما يبرد اخ الله بلاني بيج بلوه والحسين صركاعه وكعتي على رأسي مصيبه.
وصال وأنت شعندك تراسلها شگو تحجي وياها مو انت العاقل الفاهم وتعقل على الكل مو أنت تحسب الف حساب لسمعه شجاك وتسودنت وكعت على وجهك ورجعتلها وهي متزوجه يا صخام وجهك يا عصام ولك على ذمه رجال لك جان استحيت على شاربك دامك هيج تحبها وضاله بنفسك شكو انفصلتوا ما جان تزوجون وتخلصونه من طلابيكم والله حسيت وشگيت من كم يوم أسيا وجهه ذبلان واني وابوك حسينا صاير شيءبس شمدريني ابنا العاقل مبدع ويه عشيقته هديل.
أسيا لا ما سمعانه كل ممنوع مرغوب
مروان والله صح لسانج عمي أنتِ أخت زلم
اسيا بس هسه ثبتلي هي عافتك مو أنت عفتها مثلما حجيتلي وكذبت وضحكت على عقلي بهل الكلام الظاهر هي عافتك
عصام أسيا انجبي أسيا سگتيي سگتي
هجم عليه واني بظهر مروان يريد يتوالني واني ما سگتت وهو يعيط ومروان بالنص شبع ضرب من اخوه.
رجعت صحت بي أي وأنت ضلت تكرظ بگلبك شلون عافتك اذن هي كبريائها ما سمحلها وشخصيتها قويه وانت تحب اللي تسحلك وتالي وبالاخير سحلتك مثل الجلب وراها أثنينكم من نفس المزبله كل واحد ياكل من مزبلة الثاني.
مروان أسيا كافي جفصتي هواي لا اكفخج على حلكج مو هيج بنت خوش اوادم خرب بيومج غضب عليجن يل النسوان صراكيع والحسين صراكيع.
عصام تردين تموتين مو تردين تموتين مروان اذا توخر وعلى اشيلك واشمرك.
وصال ولج سكتي راح تجلطينه ويموتج لو يسكطج ولج استغفري ربج وتعوذي الشيطان هديل نكزت بينكم من الله يغضب عليها عساها بهجم بيتها ياربي متباوع على حالنا ولك عصام يمه استغفر ربك
. اتفل على الشيطان ولك باوعني فدوة لوجهك لك هاي اسيا هاي نفسك هاي روحك لك هاي نقطه ضعفك هديل شيطان نكزت بينكم ولك يمه تعوذوا من الشيطان الريجيم.
اسيا لا عمه ادري بي بعده يحبها من حبتك حيه أنت وياها حقير يا نذل عبالي تستعدل كلت كذب ميسويها طلع ذيل الجلب ما يعتدل لو شيصير
مروان سكتييي ولج سكتيي راح يسكطني حتى خلفه ما خله بيه من الردم على ظهري يمعوده عاد طفل واحد بس، اني الله شلون بلاني باثنين مخابيل كافييييي عاد عصاااااام يمعود ماكو هيج خبال خوما اعداء انتوا واحدكم يعد والثاني يصد.
عصام المره التجاوز على? رجلها اعتبرها خانت الاخلاق والتربيه إلى اتربت عليهن خنتي الثقه إلى بينا لا تعتقدين راح ارجع وياج واكول ميخالف جهالي بحضنج واللي جنت ناوي أكنسلها اذا ما كسرت خشمج بيها ما نازل من ظهر أبوي واخليج مثل شمعة الفكر لا مطلكه ولا معلكه مكفخه بيت اهلج كله من سوء تصرفاتج يا حيوانه.
وصال ولك شتقصد شتخربط بسوالفك يمصخم.
أسيا عمه اني اكولج شيقصد ابنج يريد يتزوجها ليش ما دريتي هديل الشريفه مو طلگها رجلها ولازم ابو الوكفات والصعبات يطمم خياسه وياها ويسترها ويلمم عرضه وشرفه بجفيه.
هو هذا اللي اليريده ويوصله اجته على المستريح دروح عمي بالعافيه عليها فضالتي متنازله عنك بالعشره وبايعتك الها ببلاش ولو يصبوك بالذهب ما تصيرلي رجال مو اني ما اصيرلك مره وتبقيني معلكه بدون طلاك لا حبيبي ما ابقى انتظرك اطلكني اني برجلي اروح اخلعك والزم ما عليه كرامتي ما يشرفني اكون زوجة واحد خان الزاد والملح والعشره ولا اعيش ويه رجال خاين ضل صافن بوجهي يباوعلي بدهشه ومركز على كلمه گلتها رجع حجه بعصبيه يبنيلي عدم أهتمامه وحجه وياريت ما حجه ياريت ضال ساكت.
عصام أي اكسر عينج بيها واني خنتج وياها اي اني خاينج اني خنتج أرتاحيتي اني خنتج وياها اني خاين خاين خاين ودام تنازلتي عني هاي هي بعد لهنا وينتهي طريقنا وكلمن بطريق بعد ما تصيرلي مره.
مروان عصام لاتحجي حجي تتندم عليه بعدين هاي ام ك?م تخرب بيتك من ورا كحبه روح ربيها مو جاي عليها هاي اليتيمه كظت حياتها جارعتك ومتحملته أنت وخبالك أجت وياك من الصفر والله عمي كلها تمدح بيها وكلها تكول عصام محد يتحمله غير اسيا هيج تجازي ام جهالك بهل السهوله تبيع العشره وحب حياتك مو جنت تكولي أسيا نقطة ضعفي.
أسيا لا تعبك نفسك وياه الحجي منتهين منه اني ما ابقى بعد وهاا خاف عبالك تريد تكسر ظهري بالجهال اخذهم بالعافيه عليك مو بس أنت متنازله عنك كلشي يخصك ما اريده بعد واي شيء يجمعني بيك امحي من حياتي حجيت وهو صافن بوجهي من كملت انطاني ظهره وطلع جگارته ويدخن ومروان يسأل يريد يشوف المحادثات.
مروان كله هذا يصير ويطلع من?اس هديل عمي واحد منكم يشوفني المحادثات شبيهن شحاجين ليكون لك قمت علاقه منحرفه وياها على التلفون؟
عصام أكل ولا تلوص وتجفص بسوالفك
مروان أريد المحادثات وينهن اريد اشوف هالادبسزز شمسويه شحاجيه شمبدعه اسيا عندج نسخ منهن
أسيا من مروان طلب يشوفهن عصام گبل دار?أسه باوعلي وجگارته بلحگه اي عندي فتحتله الرمز وهو بعصبيه ذب جگاره بالگاع وجفص عليها ومشه وگال.
عصام يمه جهزي نفسج نودي المره ل أهلها ما الها مكان عندي أنكطعت ماياتها من يمي.
أسيا باوعلي بنظره حقد نزلت أخر دمعه مشه عمتي تتوسل بي وازهار تبجي واجت وكفت بصف مروان يشوفون المحادثات يقرأ ويضرب على گصته ومصدوم.
وصال عصام يمه استغفر ربك تعوذ من الشيطان فدوة لعيونك استهدي بالرحمن لاتخرب بيتك من ورا هديل الأدبسزز ولك هاي أسيا.
عصام أسيا ماتت بگلبي خلص يمه كوليلها خل تجهز أكبرها عند أخوانها يربونها ويعلمونها الأحترامات اني رايح اشغل السياره تجهزي علمود تروحين وياي.
أسيا طلع من الغرفه ومشيت اغسل وجهي كله طبع ايديه واثار الضرب طلعت اخذي عبايتي لبستها وكلشي ما اخذت وياي بس جنطتي وملابس جهال
ومروان هو وازهار يقرأ المحادثات.
مروان شنو هاي مسويه حسابات؟
ازهار اي هذا حساب جديد مسويته شوفه مو نفس حسابها القديم.
اي جاي اشوف الله يدري كم حساب عدها وشنو كايله كل شوي جايتني من الرقم ليش كم رقم عدها
ما اعرف والله ما قريتهن كلهن او ما ركزت من صدمتي والله لسا ما مستوعبه بنت عمي علوان هيج يطلع منها
بس لاحظتي عصام ما منطيها مجال أبداً ولا منطي بإسيا كدامها بعدين أتفرغله وأفهم منه لن من قريت المحادثات متأكد وراه شيء شتكولين أزهار
أي اني هم مثلك والله اسأله وشوف.
بس ما كاتلني الا هي ساحله نفسها بالقندره هالنماذج ينخاف منهن نايمات بالخاص يبلعن.
واصل مروان اختك بصفك لسانك يمه
مروان والله يمه الكتله لا بعصام ولا بإسيا الكتله بهذيج الساقطه ام الزلم انتي غير لو تجين تقرين المحادثات تعالي شوفي تعالي شوفي شمبدعه الخاتونه باقي شوي وتنزع ما ادقني غير من تكوله مشتاقه لرجولتك ادري رجوله جيس حب ليش الحاويج ما عنده رجوله لو شنو بالضبط.
وصال الله يستر على بناتنا يمه الوكت صاير يخوف حتى المتزوجه كامت تخون زوجها ششنوف بعد.
مروان خوما كل متزوجه متزوجه هاي ما اعدها على المتزوجات متزوجه تروحلهن فدوة الشريفات أمهات البيوت الصاينات بيوتهم وزلمهن ومتحملات الضيم والعيشه الزقنبوت وعلى الحلوه والمره ليش هاي اعدها ضمن النسوان مره هاي مكانها ملهى ليلي.
أسيا يحجي ودمه محروك تمشيت بعدت البرده واكف يم السياره نايم مخلي?اسه على حافة السياره نزلت دموعي بحراره وك?م راحله وفز ونزل لمستواه وحضنه بقوه وشاله وهو حاضنه ويبوس بي واني ابجي أنهاريت وعمتي اخذتني بحضنها وتبجي وياي وتسكت بيه ومروان باوعلنا وشمر تلفوني على ازهار
مروان والله وحبكم أنتِ وعصام ما افوتها الها اذا ما كسرتها ونعنعت عظامها اني مو مروان اني كواد.
اليوم مو بس اكسرها حتى عمي علوان افوخ گلبي بي العائلها كلها گشه لفه اكسرهم اتمزمز بيهم واحد واحد رب الانحطاط والكواده ادري عائله ملهى ليلي رب الحلو شنو دورك كأب تاكل وتنام عليك
وصال وين تروح أنوب أنت عليه أهدي واحد يكب الثاني اكعد واسكت تريد تفضحنا لحد الان ما معلوم شيصير من ورا المحادثات يم رجلها معلوم على شنو ناوي لو ولد عمك.
اكعد واستر علينا لاتتخبل مثل اخوك عصام واذا تريد تربيها جان اهلها ربوها عدها اخوان ورجال هما يربونها احنه شگو كافي علينا بيت أخوك انهجم من وراها بس نكول حسبي الله عليها وعلى كل وحده تهجم بيت رجال متزوج عايش بأمان الله هو وعائلته وأطفاله.
لا يمه رايحلهم وخل شريف يواجهني الا ارجعه لبطن امه على هالتربيه السكط ترديني أكعد واسكت على هالبلاوي المصخمه لا يمه شيكعدني شيصبرني قهري بيمن اطلعه منو يبرد گلبي.
ولك مروان اوكف مروان ولك يمه لخاطري عوفها ختولي لاتسويلنا سالفه شنو ناسي انت نسيبهم ومريتك بنتهم.
يمه ما تستكتين لخاطر الله أنعل ابوهم لابو بناتهم
أسيا طلع وعمتي طلعت وراه وازهار اجتي حضنتني وتبوس بيه واني هادئه تنفخ عليه اوكع حيل ما بيه ودخل مجد
مجد عصام يگول خل يجون.
أسيا ماشي يله عيني أستري ما شفتي من عدنا ديري بالج على نفسج والله شاهد حبيتج وعزيتج أكثر من اختي وحتى لو انفصلنا تبقين اختي وما اقطع وياج التواصل بسبب أخوج أنتوا أهلي وتبقون أهلي
حضنتني وتبجي وصوت بجيها بگلبي بجينا سوه كافي ازهار كطعتي گلبي كافي.
ازهار لا هيج تكولين وتكطعين گلبي ان شاءلله ما تنفصلون روحي أرتاحي وصفي افكارج ولج هذا عصام بهل السهوله حبكم القوي ينتهي.
أسيا ما بيها حب بعد انتهى گلشي مشيت شلت بنتي وجنطتي
ازهار ما اخذتي ملابس.
ما أخذ گلشي أروح بطرك روحي مع السلامه باوعت نظره أخيره لغرفتي جنت إسميها مملگتنا مليانه سوالفنا وضحكنا وغزلنا مليانه تفاصيلنا الحلوه كلشي انتهى والى الأبد طلعت لكيت عمتي تحجي وياه وتتوسل بي مشيت من كدامه وعبرتهم وصعدت ليورا بنتي بحضني وك?م اجه بصفي خله?أسه على كتفي ويباوعلي بحزن لزمت أيده واحاول أخفي حزني ودموعي بس عبرتي بداخلي تذبح تصحي أبويه من گبره.
عمتي هزت?أسها وراحت تلبس وهو ذب الجكاره وجفص عليها واجه بملابسه العسكريه صعد وأندار علينا واني صديت وجهي عنه وگال
عصام ك?م بابا تعال يمي
ك?م اريد اضل يم مامي
ماشي بابا على راحتك ضل يم أمك.
أسيا سگت وشغل جگاره ويدخن وأحس گلبي يبجي وحزين يبجي دم عبرتي خنكتني اريد اوصل البيت وابجي براحتي انوب اني وياه وجهالي والبطني بمكان واحد ياربي ثكيله على گلبي ثكيله.
أجتي عمتي باوعتله وهزت?أسها ما مرتضيه وصعدت ليكدام وشغل وطلعنا طول الطريق ساكتين ووصلنا فتحت الباب ونزلت وعمتي نزلت وياي مشيت بدون ما اباوع وراي وصاح الكرم
عصام ك?م حبيبي تعال على أبوك.
أسيا راح عليه باسه واجاني دگيت الجرس وعمتي لزمتني من كتفي وتبجي مسحت دموعها وبستها من?أسها دموعج غاليات حضنتها وأمي فتحت الباب گبل دخلت اني والجهال وعفتهن واكفات ومن سديت الباب صار گبالي باوعلي رديت الباب قوي دخلت ماكو احد دخلت الغرفه وقفلتها ولكيت اختي دنيا اخذي كرم وروحي اشتريله.
دنيا اي ماشي اسيا بيج شيء خيتي.
أسيا بعدين فتحت الجنطه هاج هاي عشره اشتري إلى بخاطرج لاترجعين منها اخذتها وراح وياها وحضنت بنتي وكعدت ابجي بصوت مكتوم وگلب مجروح ومخذول ومطعون كسرج عصام يا أسيا.