رواية المنجمة للكاتبة كفاية كاظم الفصل السابع والثلاثون
كواكب: وين رايحة دراهم؟
وانتي حارس علية شعليج
غير اسال وين مولية
خزرتني تلبس بجواريبها كامت لبست عبايتها
دراهم: عندي شغل شتردين؟
عمي روحي ماتتحاجين صايرة
يلا عود اشربي علاجج مو بالليل تحوسين تضلين
طلعت وراها راحت رجعت شربت علاجي ناسيتة
وايدي ترجف بعدها شكد اكرههة وتذكرني بالصار اضوج اكثر طلعت اشوف البعيجية خليت ايدي على عيوني احجب عنهن الشمس.
ها ولجن صگايط وين جنتن شنو هجرة الى.
الحبشة رحتن من امداجن يا خايسات
شلت حصو شمرت عليهن طارن احب اطير
وانوب يضلن بس يصيحن خفة هالصوت
طلعت برا الكط حصو وصارن بيدي حصوات
الوان يخبلن اخذتهن بجيبي ودخلت المبردة صارت تذب سموم سحلت دبة وترستها دخلت بالغرفة
خليت مخاد جوة راسي وعلكت رجلية على الحايط والحصو بيدي العب بيهن وبالي بغير مكان رفعت عيوني على صوت نسوان كعدت عدل.
ها
خالة دراهم هنا
هسة تجي طالعة تعالن ادخلن.
دخلن ثنين نسوان ارتجيت على المخدة وهنا كبالي يباوعن للغرفة: خالة تتاخر دراهم
والله مادري كولن شرايدات اني ماشايفتجن
من قبل
هاي اول مرة نجيها
اي كولن شرايدات
باوعت وحدة بوجهة الثانية وكاللي
انتي تشتغلين وياها
اي عيني
طكيت الحصوات طلعن صوت عيونهن صارن عليها
شنو هذا البيدج
كولن شرايدات واني اكلجن
ذبت عباتها على متونها وخليت ايد بيد تكلي
واالله ياخالة رجلي مو زين وياي كلش
وبس يسمع كلام امه اريد تسويلة.
تخلينة بس بشوري يمشي ومايسمع لامة
شلت الحصوة بيدي لونها ازرك عيونهن صارت عليها واني اشرحلهن فوائد الحصوة الكيتها بالشارع: هاي الخرزة تشتغل هذا الشغل تخلي الج خادم عندج تكليلة نام ينام اكعد يكعد
وامه مايسمع كلامها؟
ينسى امه بس يشوفج ويسمع بس صوتج
بيش هاي الخرزة تبيعينها؟
هاي غالية بس انتي كسرتي كلبي الج 100الف هي اكثر سعرها راح ابيعها الج بخسارة ولاتكليلي نزلي من السعر
اشتريتها بس شلون تشتغل.
خليها وي ملابسة
حاجتني البصفها: واني ابني شالع گلبي يحبلة وحدة مايتزوج الاهي واني ماريدها ماعندج خرزة تخلينة مايريدها
طلعتلها الحصوة الثانية صفرة على برتقالية رفعتها: هاي تفيدج تخلية يكرهها كلش ويسمع كلامج تجيبيلة بنت اختج يتزوجها
بيش سعرها اشتريتها منج
كواكب: هم غالية هاي بس الج 100الف
رخصتها الج
وشلون تشتغل؟
تخلينها بماي وتشربين ابنج.
طلعن جوازدينهن وكل وحدة سحبت مية الف كمت انطيتهن الحصو واخذت الفلوس راحن يتشكرن مني بس طلعن تفلت ورة مكانهن السحرات يستاهل ينقطن يهجمن بيوت الا يرتاحن بقت الفلوس بيدي لو طالبة اكثر هم انطن شجاني وكلت مية باوعت للمبردة لعبت روحي وحتى ماتبرد لبست شفقتي وحذاتي طلعت مشي رحت للانشائية عاملت على المبردات واشتريت وحدة من ذني الايرانيات حديد ومن فوك وجوة صابغينها سمائي.
اخذتها 175الف واجرت ستوتة شالوها صعدوها
انطيت لابو الستوتة الباقي خطية رجال جبير ماقبل ياخذها كوة اخذها من كتلة.
كواكب: خالي نذرر نذرر اوزع فلوس احسن ماغيرك ياخذهن انت اولى.
هيج يلا اخذهن وسكت وصلت نزلتها وياه وماقبل الا يدخلها جوة لان شافني وحدة وصلها كلش بصف ذيج وراح يتشكر، مني كفيت ردني وكطعت واير القديمة وفتحت الماي مالتها ومن فرغت كلبتها سحبت هاي شلعت كلبي كوة ثبتت وخليتها بمكان القديمة شكلت صوندة اترسها ودخلت دراهم واني اترس بيها تباوعلي مصدومة.
ولج منين اجت هاي المبردة؟
مساعدات اجت ورة ماطلعتي دخلتهم بالبيت صوروة كالو انتم شلون عايشين الله يساعدكم.
عبالي ينطونة بيت ثلاجة تالي انطونة مبردة هم نعمة بدال ذيج السكراب دقايق وخلصت ماي وتعاي يا كواكب اترسيها حتى مليت
دراهم: عمر عايشة هنا ما اجت مساعدات
منين طلعو ذولةة؟
هسة قابل اجذب عليج حبيبي جابهن الي
حتى وجهي مابيه شوفة واحد يحبني بلة هذا بطر لو مو بطر عمي اكلج مساعدات من سعد البزاز
دراهم: منين هذا شيبز؟
يكولون مذيع مدري ابو قناة مدري وزير دوم اسمع عنه مديحة تعرفينها هي هاي دكول ينطي بيوت بعد مادري اذا انطاها بيت لو لا
دخلت جوة بيدها علاكتين فحطت وكعدت انتظر المبردة تنترس من انترست كمت اشد بالبيبان مالتها ودراهم تصيح باسمي رحتلها لكيتها بيدها صينية سمج صغار مشگگتة.
دراهم: جيبيلي جدر متروس ماي خل اغسلهن
كواكب: اطلعي برا وسوي مو الغرفة تنترس ريحة
جبت معطر عود رشي مايشتم ريحة بعد
هسة صدك تحجين جايبة سمج.
علساس ماتاكلين من يتگلة
هو اني اكل من يجهز الاكل ماتدرين بيه
رحت جبت جدر ترستة ماي انوب كالتلي ذبية وجيبي غيرة روحي طلعت من الاوامر ملحتة اخذتة للمطبخ غطيتة الغرفة صايرة هوسة اني ماالي خلك للتنضيف بس عجبني انضها شلت الغراض طلعتهن بالشمس وشكلت الصوندة
دراهم: صرتي نادرة هسة وكتج دنيا ضهر ترديني انسمط
جبتلج مبردة جديده ومعطر دك انتعاش.
راحت للمطبخ تكلي السمج وهاي دراهم هالمرة جبيرة بس احسن مني تشتغل غسلت الغرفة كلها شغلت البنكة والمبردة على علاتها رشيت بيها معطر الفراش طلعتة مددته جبت فرجة شكلتها وزاهي رشيت بديت اجلف بيهن ودراهم تباوعلي مامصدكة دكلي.
اول تالي ولج خاف بدلوج العصابة
لا وشرفج اني كواكب بس عندي طاقة
ماطالعة مشتغلة اكل ونوم ياساگي الگوم
كلت انضف
دراهم: بعد نضفي دوم احسن ما انخي چنة ام فلاح صيري نادرة.
كواكب: فحطت يا نادرة عمي اني مريضة بعدني
صفطتهن على الحايط ارش بيهن التفتت اجة المثقف ابن المثقفين صحت علية: ها ولك شو جاي بهلضهرية شعندك؟
هلو كوكبة شلونج؟
زينة وانت؟
باوعلي اشتغل انطيتة الصوندة
ابقة رشهن منا لمن يطلع ماي ابيض بدون
زاهي افتهمت
وين رايحة؟
اسبح كتلني الوصخ
وياك شرهن على الحايط وعود تتبللل تنشفك الشمس.
ركضت للثلاجة طلعت طاسة مي شربت نصها فحطت طلعت ملابسي رحت سبحت طلعت اكف بالبجامة لكيتة شار الفراش على الحايط خليت اصابعي بحلكي منا ومنا وصوفرت بصوت عالي
اندار منصدم تقربت منه ضربتة على زندة.
بططططل بطططل لك عشت يالمثقف
هسة ادخل بين مانتغدا اغسل المواعين بطريقك وروح لاهلك
بيج شي انتي
لا سلامتك تعبت الشمس سمطتني دبااااااااااع
وجهك صار احمر سودة بوجهة سالم راح
يصيبك تيفو غسل امشي صخام حتى صخام.
غسل راسة بالصوندة ونكت شعرة من المي بقة يرفع بية قميصة تبلل مشيت كدامة اهفي بدية
تعاال تعاال
الغرفة مامفروشة طيحت من النضدة حصيرة
فرشتها وشمرت مخاد فوكها ذبيت روحي وادية فاتحتهن منا ومنا دخل كعد بصفي يباوعلي
صرتي احسن
امم
وراسج هم ياذيج
يعني بس احسن من قبل
ماتحسين باعراض
احسن هنا كلشي يهون علية
اكوم اني بغير وقت امر عليج
كام من مكانة كمت وراة
المن اجيت والمن رايح
بكيفي
بلساني حجاية بلعتها
احسن.
مسوين سمج اتغدا وروح
لا رايح عندي شغل
طلعت دراهم من المطبخ سلمت علية وجلبت بيه للغدا ماقبل بقة يحجي وياها طلع واني وراة احجي: ماتتغدا
غير مرة
اكلك ماشفت اكو شي جديد بالبيت
اندار باوعلي وكال
اي مبردة جديده
عفيييية
منين هاي ردت اسئلج ونسيت
هاي ابو الانشائية انطانيها كال هدية
لعيونج الحلوات
رفع حاجبة مامصدك كملت احجي بجدية.
طلعت اشتري كم شغلة منه وعاملت على المبردات بالصدفة شكيتلة من مبردتنة هو كال افااااااااااا هاي العيون والطول الحلو كاتلة السمووم ذني كدامج حملي وروحي ربع دينار
ماخذ منج
طكت عيونها وجهة صار دم صاح بوجهي بعصبية
ويييينة هذاااا ويننننننة هسة تاخذيني اله
انعل ابو ابووووة شنو يتصدددق عليج
وانتي مكيفة
رجعت ليورة احجي برود وهو مشتعل
ليش اردها مو كال هدية لعيوونج.
شهكت من سحبني من تشيرتي ناحية صدري يرج بية ويصيح منفعل: اااشلع عيووونة هالحيوووان لججج انتي شلوون تسكتيلة وين سجينتج مادجيتيةةةةة لو بس علية
فتحت روحي منه ماكدرت
الشمس سمطتني شبيك وخر عمي
امشي وياي
سحبني برا هذا صدك وحقة يصدك اني من اجذب محد يكتشف جذبي.
ييبوووووووووووو جذذذذب
جذذذذذب هو وين اكو ك ينطي برغي بلاش
مو مبردة ايرانية بيها اربع بيبان خرب يومك شكد قشمر.
بلعت لساني من شفت ملامحة يمة وين ذاك ضيغم الحباب انضرب على راسة شبيه ركع ضهري بالسيارة صار كدامي سد بسد شريان بكصتة طك من العصبية.
احجي الصدك لو تشوفين وجهي الثاني؟
اريد اشوف وجهك الثاني هم عيونة ملونة
وحلو
لانت ملامحة دفعتة من صدرة
اووووي لكككك اوووووي يولد يووولد اعصابك اعصابك مو وجهك طك بيه انفجاار
مو كتلك اجذب عليك
يعني ماطلعتي من البيت ورحتي للانشائية؟
هئ.
ولاحجيتي وي ابو الانشائية وانطاج مبردة ايرانية جديده هدية لعيونج؟
هئ
المبردة منين هاي؟
من سعد البزاز مساعدات اجت قناة الشرقية
وزعو للمنطقة كلها تعال امشي وياي نسال اهل المنطقة اذا تريد
مسح وجهة وابتعد باوعلي مامصدك كلي
سعد البزاز اجة هنا كواكب!
خاب دولي مجذبة عليك لو فلوسي تطشر واشتري بيها عمييي مساعدات
دفعتة ودخلت جوة صاح وراي
اكسر رجليج اذا طلعتي بعد
رفعت حاجبي وتخوصرت
تعال لك تكسر رجل منو وو؟
شو شفت روحك شوفة دتععااال اعلمك
كواكب منووو
مشيت اريد اضربة بس استخطيتة ذبيت نفس ورفعت اصبعي اهددة.
دروح منا يلة ما اكتلك لخاطر اختك وردة
هسة تبجي عليك واخوك صغير منو الة
روح يلة هالمرة طيحتها الك
ضيغم: احجي صدك لاتفرفرين
بالشوارع هيدي واكعدي مصرفج انتي ودراهم
والبعيجية علية اني ادفعهن
هزيت ايدي اضحك هذا عقلة مدري شبية دخلت جوة مارديت علية خل يروح خطية الشمس سمطتة كعدت وي دراهم نتغدى.
دراهم: عاشت ايدج خوش منظفة دوم هيج نظفيلي
بس ارجع اشتغل طاسة ماي ما اشيل من الكاع لاتكيفين
اهمداج يالخايسة عبالي صار براسج حظ وصرتي مثل البنات تشتغلين
للاسف لا ماحب التنظيف ولا الطبخ
تحبين المصايد والسجاجين والدراجات تفرفرين بيها
االعصر اطلع افر المنطقه فررر
هسة يلكاج سالم ماتنجبين وتكعدين
نعاليش هذا سالم دخل يطلع اريد اشوفة كونة زلمة هالعار الخيسة المخيسة.
بس خلصنا ردت انام واغلس على المواعين تالي كمت غسلتهن مدري شلون رجعت للغرفة رجعت البردة والباب صارت باردة الغرفة تمددت وكلت لدراهم: شوية واكعديني مو تخليني للمغرب نايمة
نمت كعدت من وحدي بدلت دنيا العصر رجعت النقاب على وجهي وطلعت دراجتي
دراهم: ولج هذا ضيمج يكول لاتطلعين وصاني
يكول مريضة
حيل حصان لاتخافين من شفتج طبت
هاي يمة تمرضت وجهة يخلي الواحد مريض غصباً عنة
دروحي واذا سالني اكلة تفتر.
دكليلة شنو هو ابو عم خال والله يا الا
تالي وكت طلعلي مثقف مدلل شعرة ناعم يتامر على. كواكب الجابت عمرها تفرفر بالشواع
شغلت الدراجة وطلعت للسوك طبكتها يم ابو محل
اعرفة لاتنباك ورحت افتر بالسوك نفس الهوسة والازدحام خاصة محرم قريب كالبينها اسود
رحت للمكان ام حربي غيرها كاعد بية ولد يبيع
ملابس ولد واني اتخيل شكلها وضحكتها ومن تشوفني تهلي بيه الف رحمة عليج خالة
كون النار ماتلوحج.
طلعت ماتحملت دورت على محمود بلكت اشوفة ماكو بالسوك اكيد بالشارع هسة يشتغل واني افتر من بعيد شفتة يمسح بالجام مال السيارات بقيت اباوعلة واضحك من انفتح السير عبر بصوت عالي صحت باسمة اشرتلة بيدي اجة يركض يضحك مامصدك.
هاااي انتي الخاايسة
ايااا خايس ولك فوك ماتسلم ودكول مشتاقلج
امداك اي والله
صدك تحجين وين رحتي كل يوم ادور عليج واسئل اكول هالبت وين راحت عبالي متِ
لا مامتتت الحمدلله بس وصلت الموت.
هسة عندك سطل ثاني اشتغلي شوية
دهاج هذا واني رايح ابيع ماي بارد
اخذت السطل من ايدة وانتظرت يوكف السير عبرت افتر بين السيارات واشر على السايق
امسح مريت من واحد سيارتة كلها وصخ حتى الجام فاتح الجامة كتلة: امسحها الك؟
لا ماريد
كواكب: خرب يومك شكد فكررر
ماتشوف الوصخ ماكلها لو تخاف من العين
مطينها اذا هيج المن مشتري سيارة كبررر.
حرك سيارتة حتى ماسمعتة شكال اشتغلت شوية بس جمعت فلوس بانزين للدراجة ورحت لمحمود انطيتة السطل وكتلة: اكلك ماشايف يوسف؟
ابن عمج
اي
بشتغل ليكدام بمخزن
دلاني المكان لان احنا منطقة وحدة والسوك قريب على بيتهم القديم بس ماعبالي بعد الصار بقو هنا
رحت وسئلت ابو المكان شوية واجة استغرب من شافني طلعنا برا نحجي.
شلونك يوسف؟
كواكب شجابج هنا
دنجب مو جاي نحجي غير اجيت اشوفك
شكو ماكو امورك احوالك
اخواتج شلونهن
الحمدلله.
نيزك امير
عالي العال
غمض عيوني وبلع ريكة هز راسة متحسف
شعندج جايتني
وين عايش هسة
بالبيت وياهم
هما وينهم مو شالو
اي
ادري وين شالو
شعليج
شبيك هو سؤال انمونة دكلي وين راحو
روحي كواكب روحي لو تموتين ما اكلج شي
كفي شرج وارجعي منين ما اجيتي خليهم ينسونجن ليش ترجعن
علي طاري الشر يعني انت ماتعرف بامك
وهي وعمك بعلاقة.
احتقن وجهة ونزل راسة مكسور مشة خطوتين وكال: روحي كواكب عيشي بعيد عنا احنا مستنقع قذر والله يحب اخواتج وخلصهن منا
حلو هسة صارن اخواتي ههههه ذكرتني بايام قبل
الخوة مو بالدم
دخل جوة وهذا مايحجي شي ناوي رجعت جبت دراجتي وكعدت بالركن كدام المخزن انتظر شوكت يطلع حتى الحكة واندل عنوانهم مو اني الاعيش واخليهم عايشين سوى بعد ما دمرونا وهجمو حياتنا كواكب ما تنسا وعدها من كالت.
اخلي بيتكم عالية سافلة هسة متجمعين بعد الصار
صار الغروب وخلص الاذان واني ولا تحركت من طلع تحرك مشيت بمسافة لاينتبهلي اجر تك توك
وراهم مشيت بس الصدمة من مشت التك توك
لبيت سالم القديم يعني ما شايل وبعدهم بنفس البيت نزل ودخل واني شغلت ارجع لدراهم بعد
ماعرفت بيتهم كلشي سهل الله يسهلها ويبرد
گلبي بيهم.
رجعت وانصدمت من لكيت سياره ضيغم هذا شجابة مو الضهر جان يمنة تلكاني وجهة مايكصة السيف نزلت من الدراجة دخلتها للبيت وسحبني بقوة من ايدي دفعتة من صدرة.
عوووف ايدي لا اندمكككك
ووووووين جنتيييي؟
لججج شنوووو هاي بنص الليل يلة ترررجعين
مو كتلجج لاتطلعيييين المن طااالعة وهسة جاااية
صرخت بوجهة
وانتتتت شعليييك شعلييييك
بكيفيييي اطببب اطلعععع لاتدخللللل
طلعت روحي منه وابتعدت ثنينة صرنا اعصاب.
رفعت اصبعي اكلة: لاتضل تصيح بوجهي
حياتي واني حرررة بيهاااا
بهتتت ملامحي واحس كلبي وجعني من صاح
مثل الخنسفانة خلوها بقصرر كامت تبجي
رجعوني للخرابة مثلها انتي تحبين الفگرررر
والخرايببببب
من الصدمة ماكدرت احجي شي انهضمت ولزمت دموعي بقيت بنفس قوتي ورديت علية.
اعيشش مثل ماررريد عفت القصووور الككك
اي اني فكرررر واعيش بالفكررر قابلة هاي حياتي مو حياتك ومحد يخصة اني شلون اعيش.
اخذت نفس قوي ادية صارن يرجفن اشرت على الباب: هسة تروح تجيب شيخ يطلكنا لا وحق عيون اخواتي اروح لاهلك وافضحك بينهم
اكلهم مايقبل يطلكني وانت بعد بكيفك
عاقلة انتيييي
لاااااااا مو عاقلة وهسة تمشي نتطلك والفلوس الصرفتهن علية رررربع ررربع هذا بطل المي الشربتة احسبة وارجعلك الفلوس عسا ماعشررر.
ملاييين وهسة امشي بعددد ماريد اشوووف وجهك فلوسك ارجعهن لاتخاف ما اكل فلوس من واحد جنت مريضة مو بوعيي هسة رجعت لوعيي وابيع كليتي واووفيك
مسح على وجهة ودراهم تصيح صلو على النبي
صعدت الدراجة ودموعي متجمعة بعيوني
اروح اجيب شيخ ابقى هنا هذا اخر لقاء النة
سحبني بقوة واني مصرة امشي
خررررب كواكب شبيييييج
هاااي كوووواكب هيييي هيج
هسة هسة تجيب شيخ
ضربت بيدي على الدراجة بقوة ماحاسة بيها.
لزمها ومن شافني انهاريت واعصابي ناارر صرت حجة بهدوء.
عوفيها عليه احلها اني
باجر اجيب شيخ
هسسسة ماريد انام وانت تعنيلي شييي
هسة نروح ومن هسة ترجع غريب عليه
لو اجيت وشفتك ما ارحمك وحق من خلاني
بهذا حالي.
نزلت من الدراجة غسلت وجهي ودموعي ينزلن وي الماي احجي على روحي فدوه لاتبجين كواكب بس ماكدر انهضمت اول واحد جان زين وياي تالي كلب علية ماجنت متوقعة منه هالكلام القاسي مسحت عيوني بقساوة وطلعت برا احجي بدون ما اباوعلة
يلة امشي للشيخ وهاي حلفت بعيون اخواتي
وعيون اخواتي ماحلف بيهن جذب اردلك
كل المصاريف ولا عبالك تستهزا وتكول منين
تجيب هيج فلوس اجيبهن وزيادة وبفترة
بس
منو كال رايد منج شي.
غصب ماعليك تاخذهن اجمعهن الك وبعد لاتحجي وياي يلة امشي نشوف شيخ لا احاسبك ولاتحاسبني وتعيرني
راد يحجي خليت ايدي امنعة
ديربالك تحجي شي اششش بعد لاتحجي
حجيت خوش حجي اسكت بعد
صعدت بسيارتة ليوررة هالمرة درت وجهي بالصفحة الثانية شغل السيارة وكلامة يدك براسي وبگلبي ليش هيج حتى انت مثلهم مو اكول حنين
كواكب اني اسف ماقصدت احجي هيج
بس احترك گلبي من العصر وانتي ماكو
بعدج مريضة وانتي بنية كتلج لاتطلعين.
قاطعتة.
كتتتتلك اسكتتتت لاتحجيييي
شيييي اسكتتتت لا اكووووم اخنگك
ماحجة شي وبس يسوق صحت بيه
وين ماخذنة
للشيخ
سكتت ورة فترة طبك السيارة نزلت
راح يدك الباب ويباوعلي كتفت ادية وارتجيت على السيارة محد يفتح الباب طلع تليفونة خابر
ها شيخ احنا بالباب وين انت...
يلا نمرلك غير مرة بالسلامة توصل
سد التليفون وخلاه بجيبة
يلا امشي ارجعج للبيت
والشيخ
ماموجود ماتشوفينة طالع
نروح لغيرة
مايخلي عيونة بعيوني الوتي
وين اكو شيخ بعد.
اكو امشي ندور شنو انقرضو
روحي دوري وحدج عندي شغل
انعل هيج شغل تمشي يعني تمشي كلت مااشوفك بعد افتهمت يلا
اجة صار كدامي يباوع بعيوني واني خازرتة
معقولة تحجين صدك؟
مااجذب
نسيتي كلشي شبسرعة
مستحيل انسى ولا انكر فضلك بس خلص نفصخ العقد وكل واحد يعيش مثل ماجان واحد بقصر والثاني بخرابة محد اله علاقة بالثاني والفلوس دين ارجعهن وابقى ادعيلك على تعاملك وياي
ومدارتك إلى لان ماكدر اردهن الك
تسمحيلي اكلج انجبي؟
انت انجب عشر مرات يلا ولي
صعدت بالسيارة يباوعلي من الجام بس اباوعلة يدير عيونة الخايس: ديلا لا تباوع بعد
منو يمج
جدك
سكتنا ثنينا وصلني نزلت وكتلة
باجر جيب شيح لاتضل تغلس ترا مافيدك
ولا تضل تجي وتصيح بوجهي عيسى بدينة وموسى بدينة وخلال اسبوع اذا مافصخنا العقد اروح لبيتكم واخليهم كلهم يعرفون وقد اعذر من احذر
دخلت رديت الباب رد ماينسد مر اليوم وثاني يوم.
طلعت الصبح افتريت على بيت سالم ماكدرت ادك الباب خفت لاسالم لو سامر موجودين والله يسحلوني ويكطعوني وذر بعد الصار المشكلة ماعرف شلون حياتهم جوة اوضاع البيت حتى اعرف اتصرف ولا واحد بيهم طلع ماعرف اني اجيت متاخرة وماشفت منو بقة جوة ماردت اوكع روحي رجعت للبيت اذا اريد اشتغل اطلع العصر هم الجو يبرد شوية وهم اكو شغل بالتقاطعات
اكلج دراهم الفلوس العافاهن ضيم وين
تردينهن؟
اي بس يجي اردهن الة همزين ماصارفتهن.
بعدين اجمعلة فلوسة
اكلج اني اريد اروح لاهلي العصر
روحي بس اكعديني قبلها تطولين
لا اخذلي جم يوم
راسي يوجعني كلش سبحت وترست المبردة شربت علاج ونمت كلت لدراهم تكعدني العصر والنومة نومة ماكعدتني ماعرف كعدتني ورجعت نمت غسلت وجهي دنيا الغروب توضيت ورحت صليت صارلي فترة رجعت اصلي بس كملت نزعت عبايتها
شمرتها ورجعت ترست المبردة بقيت كاعدة تعبانة مدري شبية وجوعانة مابية حيل اسوي اكل وضالة على كعدتي.
يامن كشف الخبايا لعبتها اين حلت اخبارهم
رددت هاي الجملة وضحكت هاي اول كلمة بعد لقانا الاول بس ماعرف شنو جان يقصد بيها فزيت وكعدت عدل من شفتة كدامي دخل يبرد نفسة كدام الهوى واني مامصدكة بوجودة فركت عيوني ولزمت ايدة التفت علية وخرت ايدي.
شعندك جاي
قرب وجهة وبهدوء نطق
اعتذر
شكو اجيت
للمرة المليون اعتذر عيوني ماشافت نوم من ذاك اليوم تمنيت لساني انكطع ولا ضوجت وكسرت خاطرج.
عيونة حمر ويحجي يجر الكلمة بتعب مجرد ماتذكرت كلامة نزلن دموعي سحبني بقوة من زندي مقربني علية كرهت يشوفني مسحت عيوني واني دايرة وجهي منه سحب راسي بعدتة.
روح ولا تذكر شي كتلك لاتجي بعد المن اجيت
هاك اخذ فلوس ذاك اليوم المنطيهن لدراهم وروح الله وياك
ماريد الصار بيج ينعاد ليش ماتفهمين
ماريدك تدخل بيه وعيش حياتك كل شوية عايدتها عليك ماحفظتها
حفظتها
دفعتة وكمت باوعلي كال
وين.
اني ماجنت اريد اطلع بس من كالي وين حجيت
اشتري وارجع رايد شي اجيبلك من برا؟
دخيييلك ربي دخيلك ولج دنيا ليل ولد انتي تفترين بالشوارع راح اكوم اطير راسج ودكول انت لاتدخل تطلع وتطب ودراجة عدها مصدكة روحة
ديلا ولي
رحت للدراجة اجة وراي سجب السويج وركبها
لزمتها بيدي: وين رايح؟
اجيب اكل
نطلع سوى
ركضت وخرت الباب كدامنا ماكو بيوت بس بصفنا
قبل لايغدرني ويروح صعدت وراة جلبت بالدراجة
شغلها وطلع ضحكت بصوت عالي.
ما اصدك ابن المثقفين يسوق دراجة
والله زمن لك اهلك لو يشوفونك يتبرون منك
خو ضرغام يدكلك طبل
جر حسرة بصوت عالي
خل يحجي علية قابل بس خل يرجع لصحتة
ليش هو شبية؟
منتهي يوكع ويطيح على وجهة ويزوع دم
مسحور
اي
ما اخذتوة للسادة
مايفيد يكولون مايبطل قوي الا يلكونة يلة
يرجع زين
مادورتو
وين ندورة ماكو محد يعرف وين مدفون غرفتة دورناها مابيها شي
هي غير مرتة سوت السحر؟
منو غيرها هسة هو لايريدها ولا يريد اختج
ولايريد احد.
والزم اسيل اطيح حظها خليها تعترف
تحلف مو اني تخيلي مرة حامل باشهرها تحلف جذب!
هي التسوي سحورة ماتحلف خاب والزمها انعنع ضلوعها
اصدمج اذا اكلج مايقبل احد يتقربلها
لا والله
اي واكو ناس كالو عوفوها منا لمن ينفك عنة السحر لو طلعت ترجع تسوي الاخطر منه كالو خلوها كدام عينكم
اذا لكيتو مكان السحر يطيب؟
اي
سهلة ان شاءلله دنزل ماتندل خليني اسوق
لاتكلبها بينة
امشي لج تعلميني
بحياتك سايق دراجة انت حتى بايسكل ماسايق.
كبل للسيارة بطفولتك جابولك حقيقية
ضحكت وطفرت من الدراجة لان صدك هذا مايندل وكفها واندارلي خازرني دفعتة وكعدت بمكاني
صعد وراي من مشيت جلب بية
هيييي ايدك وين
مو خاف اوكع
وكعتهم ان شاءلله وخرها لايدك هي سرسري
وخر ايدة يضحك ومن مشيت سريع جلب بيه ردت اسوي حادث من الضحك مامصدكة رجال شكبرة وشكدة صاعد وراي بالدراجة ومجلب كون اصورة واراوية لاهلة حتى يتبرون منه.
طبكت على كشن فلافل نزلت وهو وراي
كواكب: لفتين كابتن.
انداريت علية
صاص عمبة
ماجاوبني بقة يحك براسة ويباوع للرجال ادري بية مايتقبل ياكل هيج.
كواكب: ترا نضييييف ماتشوف لابس جفوف بعد
يغط راسة بالديتول
هزيت راسي واخذت الفتين كعدت على الدراجة اكلتهن ثنينهن وقوطية ببسي طكيتها.
كواكب: ضل كاتلك الجوع تستاهل
راح يتمشى وعافني شفتة دخل الاسواق رجع بيدة بسكويت وبطل عصير اجة خلاهن على الدراجة فتحهن ياكل.
لك اوييي اويييي كتكوووت عايف الفلافل
ياكل بسكوووت.
هزيت ايدي مايرد علية بس ياكل بنزاكة
غسلت ورجعتلة رحت الاسواق جبت موطة ازبري
جامدة وبيها قصبة شلون هاي رجعت اخذت خاشوكة وكعدت ادجج بيها بلكت تموع ذابة حيلي وياها.
دجي بعد دجي
واطلع ازبري المثقف ابو الفيكات لاتحجي شي
كمل والازبري مايخلص انطيتة اله شرب منها بالقصبة ضربتة وسحبتها منه.
صارلي ساعة اموع بيها وانت تحجي على الحاضر تشفطة كلة
عينج ضيكة ام عيون تمساحية
هاك اكل بالخاشوكة لا لا اجيبلك جديدة.
رحت اريد اجيبلة من صدك خاف تلعب نفسة
سحب الخاشوكة منه وصار ياكل بيها وجهي صار ينطي حرارة حتى ما اكلت شي عفتها كملها وبس خلص مسح ادية بكلنس وانطاني واحد اخذتة وصعدنة افتريت بية بالدرابين فارغة والهوى عالي يهف بينة.
ضيم غني اغنية
ماحافظ
شعر صفكة خاب شبيك سوي اجواء
ضحك بصوت عالي
والله ياكوكبة صوتي خشن مايرهم
راح افرك بهاي المنطقة وصيح بصوت عالي
شكووو
هيج شبيك اهووووووو نسيت انت مثقف.
هذا لو غضنفر طكت بلاعيمة من الصياح
كرصني بضهري صرخت
وعلي اكلبها بيك واطفر شبيك مجلوووب
السانج ضبية
بكيييفي يلا ما اضبة
بسيطة اني اضبةةالج
عود خفت
عود خافي
رجعت للبيت نزل دخلت الدراجة رد الباب
ضيغم: شلون عايشين هنا باب ماعدكم
هستوك دريت خيرك ياربي
يعني شكو عدنة المكذلات هو اني ودراهم منو بحالنة اني افتر الشوارع كلها مايحاجوني مو بالبيت
هلهي علية بلسانج حصرة احجي حجاية
يلة روح سفرة سعيده
دراهم ماكو بالبيت.
راح ورجع علية
كواكب: راحت لاهلها
وانتي تبقين وحدج ان شاءلله؟
اي
ادخلي جوة
بس لاتريد تبات يمي
مو يمج بمكان دراهم
روح بابا روح الله وياك نام على السبلت
هنا البگ ياكلك اكل وجهك يصبح احمر
ميخالف
دخل جوة واني وراة هسة هذا الواحد شيحجي وياة شلون يطلع بعد لزك ادفعة شكبرة شكدة
انوب خلة مخدة كدام المبردة وتمدد.
مكاني كوم منا كوووووووم
لاتصيحين ادنيت
سوالي مجال وخر شوية هزيت ايدي
تحجي صدك عمي كووووم.
عمييي ما اكووووم اريد انام تعبان
الشغل بصفحة اركض ورة ضرغام بصفحة
. لو وي فقار الراح يصيبة جلطةولو وي ابوي
عوفيني ارررتاح بنومتي
سكتت مستخطيتة غمض عيونة بعد ولا تحرك
نام راح اترس ماي.
طفيت الكلوب علية ورحت اشغل الماطور بلكت يجي ماي الماي يمنة مكطعوع كعدت انتظر يجي اليوم يمكن نوبتنة شوية واجة ترست الدبات الصغار والمبردة خليتها اتصب تالي عفتة بالبرميل وكعدت انتظرة ينترس بالي راح يم اخواتي هسة اكيد يكولن هاي وين راحت ولا سويت شي بعدني
صار البرميل بية نص رحت فرجت اسناني.
وجهي و رجلية تنكعت انترس البرميل رشيت الكراج وصعدت الصوندة بالتانكي طلع هو اريد اكلة ديربالك الواير سحك علية صرخ وشمر روحة
ركضت انداريت مناك لا يلزمني وانتل اخذت عصة الماسحة اضرب بية وهو يصيح بية
خررب يومج كافي تكسررت
مو كهرباء بيك
رفع راسة عافس وجهة بالم راد يتحرك صحت بية
للغرفة امشي الكاع خاف تنتل
مشى للغرفة وراة تمدد ورجلة يفرك بيها كعدت يمها اخذتها افرك بيها.
شلون تطلع حافي صدك تحجي.
ديلا انتلت لو ميت منين اجيب فصل لاهلك
ذولة حتى مايرضون بفصل
يفصلوني من الكوكب على ابنهم المثقف
واني شمعرفني الواير ينتل
والله صوجي اعترف اني نكعت الكاع وهو تنكع كام ينتل هسة اخذك للمستشفى
اريد انام طفي الكلوب
عليك الله بيك شي خاف ماتكعد الصبح خليني
اسعفك بدراجتي
ورانا شغل مابيه شي نتلة بسيطة.
كمت طفيت الضوة طلعت برا شلت نعال ركعت بية الموطور خاب كون مرض هسة الا تنتلة مو رجال خوش رجال ولو زعلانة علية بعدني، سيارتة بالشارع خفت يسوون بيها شي لو يبوكون باتري منها اكو نشالة هنا رجعت علية ندهتة.
اكلك مقفل سيارتك زين؟
اممم
خاف ينباك منها شي اني مدخلني مو تكول
من وراج وانتي فكر
مارد علية طيحت فراش
دكوم خل افرشلك
ماريد
يابة الفرشة مو حلوة نومتها
افرشي الج.
فرشت فوك راسة صفح هو طول اني عرض جبت بطانية بالليل تبرد ومخدة تمددت اريد انام
رفع راسة علية: خير
ماتخافين؟
لا تعودت
اشرت بيدي على البوفية وكتلة
هنا الاعرج دخل وخلاني الم ملابسي لاول
مرة اخذني بيها اتذكر ذاك اليوم
انسيهم
ماينسون افكر بلقيس وين راحت فرحت من اخذوة لا
غمضت عيوني والرجفة صارت بيدي رفعت شعري عن وجهي وغطيت عيوني ثكلت انفاسي كلش
بين الحقيقة والحلم حسيتة بوجهي صار نفسة.
وايدة توخر شعري عن وجهي بصوت هامس كلش اسمعة يكول: كوكبة تسمعيني
مانطقت شي مرر اصبعة على شفايفي رجف جسمي وغمضت بقوة همس: كاعده
مارديت بقة يمرر اصبعة على شفايفي وهمس
حلوات جنهن نفخ بس طبيعي
غفيت كلش واحس بشفايفة تتحرك على شفتي ايدة لازم بيها خصري تحركت وفتحت عيوني باوع بوجهي عبالك مو بوعية شبية متحلم بية
مسح شفتي ولا انطيت ردة فعل المفروض ارفس ابطنة بس ماسويت شي.
ارجع ابوس شفايفج؟
غمضت عيوني ومنها نمت الصبح
طالع عايف ريوك وعلاكة صمون
اشكال جايب اكلت شوية البيت فارغ
شوية واجت دراهم.
اصبلج ريوك
منين هذا
اشتريتة هستوني
طاب بيج جني تشترين ريوك وهلكد
يمكن المهم جبت هسة فوك ما اجيب
دشوف الجذب عود ليش تجذبين علية مرة جبيرة ماتستحين انتي وهذا العطر التارس الغرفة هم اشتريتية لو عطر ضيم تعلميني بيه
البارحة نايم يمج
وجهي اشتعل نار صيحت
وين نايم كلمن بفراش
باوعت بالغرفة وكالت
هذا بس فراش واحد شو.
رحت لميتة
اي بس اله فرشتة يلا اتريكي خل نروح
كعدت تاكل وتسولف علية
هذا الولد هاويج ليش تضيعينة من ايدج
ولج وين تلكين مثلة بالكون
بالعة شي انتي يا هاويني كولي يستخطيني
هو مرة كالها بلسانة هم جزاة الله خير على العموم مو يمي سالفتة
لو تموتين ماتلكين مثلة متحمل لسانج عرامتج
وانتي جنج ولد رايدج شبيج خوثة.
يادراهم عبالك ماتعرفين الدنيا انتي شايفة اهلة شنو هو شنو وين يشتغل شخصيتة مانتناسب صدكي ولا اهلة يتقبلوني واني بلا اصل
ولج الليل نايم يمج وعايف اهلة شتردين
استغفرالله دراهم وين تفكيرين غير لكاني وحدي اخذتة الغيرة كال مايصير تباتين وحدج انوب انتل بالماطور ونومة نومة من نومة كلت الكاة الصبح ميت ويسحلونة بالمراكز.
خزرتني تدري بيه اجذب وتدري ماحب افتح الموضوع لان منتهي وماريد اخلي امل بشخص ولا اوهم نفسي بشي ابقى هيج افضل احسن ما اتغير وانكسر بدلت وطلعنا اني ودراهم وصلنا وهي تكول.
هذا البيت المن
هذا لابو ضيم
يعني اله يالغمة ولج ماتجلبين بيه صدك انتي خبلة وماعندج عقل راجعة على خرابتي.
كالها هو جنج خنسفانة ولحد الان بكلبي شايلتها اني ما احب الفكر اني بس ماحب كرامتي تنهان لو اسمع كلمة من اهلة لو نظرة هاي النظرة تخبلني
عندي اعيش بالشارع ولا واحد يكول خطية هاي
وصلنا للبيت دكيت الباب انداريت على دراهم
من تشوفج نيزك تتخبل عود لاتكشفيلها
ما اوصيج
اجانة صوتة تصيح جنها متعاركة فتحت الباب وانصدمت تباوع لدراهم ابتسمت الها اكلها مو اكلج
فتحت الباب دخلت دراهم وهي صاكة.
كواكب: تفضلي دراهم البيت بيتج
مشت بدون ماتحاجيها سحبتني نيزك تحجي بهمس
هاي شعدها جاية
نسلم ونولي
لحكت دراهم دخلنا جوة وطلعت ذهب تلكتنة رادت نكعد بالصالة اشرت لغرفتها ودراهم كبل طبت الها رديت الباب ومديت راسي منه.
نيزك ماي بارد وعصاير بسرعةة
رجعت الباب وكعدت يمهن
كواكب: ذهب هاي دراهم تعرف بالمسحور وهاي السوالف جبتها واجيت
ذهب: يااع خية اسمع بيج من هاي هستوني شفتج
كواكب: شفتي دراهم امشي واسولف بيج.
رحت للباب جبت الصينية ونيزك تهمسلي
شنو تسون
ولي مو شغلج
قفلت الباب وصارن يفترن يريدن بس يعرفن شكو
قدمت الصينية وكعدت اشرب بعصيري...
دراهم: حفيدج مسوياتلة سحر قوي
بملابسة الداخلية وهذا ماينحل بسهولة
دهر صابهن ياهنا ذني غير مرتة
لا مو مرتة مرتة حبلة والحبلة ماتسوي هيج سحر قوي يطيح فرخها هاي مطيته بيد وحدة
ياهي هاي وشيريدن منه
اليردنة يخربن بيتة
وهو متزوج ثنين حتى مرتة مايريدها
وحدة من نسوانة.
كواكب: هاي اسيل مو اختي
دراهم: هسة هو مانجح كلة صار مايريدهن ثنينهن وحسب حجي كواكب مايرضى تحاجونها هاي موصيات المارد باسمها يتخبل لو سويتلها شي
ذهب: اي خية اكلة اطردها
احاجيها مايرضى خية من اجت طكاها بالحايط يكلها شعندج جاية هسة تطلعين منا تالي مرتة راح وياها للمستشفى من رجع سكت على كعدتها
دراهم: هذا سحر اول بس يرضى يسكت
حاولت تجيبة ما اجة تالي سوت غيرة
ما اثر، بية هواي الثالث دمرة والثالث لصحتة.
وعافيتة يهج من البيت بعد فترة لو ما طلع منه
ذهب: اذا يهج من البيت تطير، حصتة من الورث
دراهم: هو هذا طلبها مايحصل شي واكو وحدة
راح تخليهم يطلعون من البيت ويتنازلون عن الورث
اصفر وجهة ذهب وكالت
وشسوي هسة خية بختج هاي حفصة
اكبر سحارة هي وبتها
دراهم: اريد وحدة تراقبهن بس كون هاي الوحدة كلبها قوي وماتخاف حتى لايلحكها عمل
وهنا راح يسون بالبيت اريدها تكشف مجانهن
وها هي الباقي علية بس اندل مجانة.
منين هاي اجيبها كلبها قوي وماياثر بيها السحر
عيون دراهم صارت علية رفعت ادية
اني ما اكعد هنا لو تنكلب
دراهم: ماكو غيرج انتي فاتحة سحورة وماصار بيج شي عبن كلبج قوي لو وحدة غيرج يتلبس بيها
كواكب: لا دراهم كولي غيرها هما عدهم هواي بنات انتي شايفة بيتهم شكد كاعدة بيه عالم
يععع استحي منهم ماتحمل
ذهب: حبوبا لخاطري فدوه اروحلج انا عندي حفيدات بس كلهن خرطي وكلبهن مو قوي
دراهم: راح تشوفين شي بس انتي ماتتاثرين.
تحسين بيهن انتي منجمة
كواكب: لا
دراهم: احساسج قوي انتي تكشفينهن محد يكدر غيرج خفيفة حركاتج مدروسة بالليل تكعدين
مايهمج شي انتي بالليل تطلعين بالشارع
كواكب: دراهم احنا مامتفقين هيج شنو كلبتي علية
دراهم: اول ماطبيت شميت ريحة الاعمال مو واحد وهذا بدن بية وراها يجرون مايضل واحد من الولد مايسولة حتى ضيمج
كواكب: هو هم يكول اكرة اطب للبيت
واريد اشرد منه يسونها
دراهم: وكلشي مايحصل من الورث يتنازل.
راح يبدن هاي الايام
باوعتلي ذهب بتوسل كالتلي
حبوبا اني اعرفهن سحارات وجنت خايفة
من سوالفهن وعمر هذا خلصتة الوصية مامتقربتلها
من هاي السالفة انجلط واموت بس احفادي
مايحصلون شي انا ادري هاي الوصية غريبة
هو من خلاها الله يرحمه جان يفكر عكس العالم راد ولدة يعيشون سوى مو واحد مايعرف الثاني.
حبوبا كواكب رايدتها منج والله وجدام دراهم الج التردينة بيت شتردين بس لا احفادي يتنازلون عن حلالهم من الصغر هما يشتغلون بية وكبرو شغلهم
هيج بشربة ماي يعوفونة مروتج
كواكب: واني شنووو دراهم شسالفة احجي
احنا مامتفقين هيج جبت علمود نفك السحر
دراهم: بشبابي واني افك سحورة
واعرف انواعهن وبيش مسوياتة والمسحور اعرفو من وجهة والسحر يشتمة خشمي وهذا البيت بية اكثر، من سحر واكو جديد بعدة ما بادي مفعولة.
صبولنة الغدا لو اذن
ذهب: جنة اذن
طلعن يتوضن واني ضليت صافنة ابد ماتوقعت دراهم هيج تحجي والله لو ادري فلا اجيت ذهب ماكدر اردها عزيزة عندي ودينها بركبتي منا نسابتي واخواتي ياكلنها طلعت اشوف نيزك منتهية وين جانت وذيج حالها شلونة حرت.
نيزك: شكو سادات الباب عليجن
سحبتها احجي وياها بصوت ناصي
رجلج هم مختفية اله ملابس
فتحت عيونها بوسع وهزت راسها
ملابسة الداخليات مالكيتهن واجة خالي طلعتلة نسيت السالفة.
غير تنتبهين شلون هيج يلا ميخالف
مسوياتلة سحر بيهن
اي
فدوه كواكب خلي دراهم تحلة والله راح يموت
نزلت دموعها وضرغام دخلو يسحلون بية سحل.
عبالك جثة دخلو ونيزك ترجف وتبجي رحت اشوفة وجهة منكلب لونة وضعفان بشكل صدك ذني مامسوياتلة بس سحر واحد اكثر غسلو وجهة بطل مي ومدد انتهى كعدت دراهم بالصالة تفر بعيونها بيدها سبحة تسبح بيها وتقرا طكن عيونها واني بمكاني اباوعلها واباوع بالبيت اجت ذهب المرة خايفة كلش ماتستاهل وين جانت عايشة براحة.
بال اجة الغدا خلوة كدامهن دراهم صاحتلي كتلها لا صعدت يم اخواتي منتهيات بوست اموري وطلعت على الهوسة مديت راسي من المحجر فقار وابوة صايرين بارود.
فقار: كلشيييي مايعجببك وعلى كلشي
تحاسبني مو عيييشة طلعت هاااي تعبت منكمممم
اسامة: شغلك هذا وانت دايرة من زمان
مسؤؤل على كلشي يصير واحاسبك الك
فقار: عوفف الشغل الك وعوف الشركة
واعوف البيت واعوف الورث وكلشي اعوف ماحصلت شي اسافر بعد ما ابقة.
اسامة: كمل شغلك ودير كلشي
سافر بعدها محد لازمك
طلع من البيت كلة وابوة وراة محد عرف ليش اجو وليش راحو شي غريب دراهم رفعت راسها تباوعلي نزلت وذهب تحجي وياي بصوت ناصي
هاشكلتي شفتي بعينج؟
كواكب: دراهم ماتصير اختي نيزك
دراهم: الا هاي تخاف من هاي السوالف
كواكب: ندورلكم مرة اني ماكدر ابقة
اتقيد اريد اطلع عندي شغل
ذهب: شتردين اني حاضرة مايردج غير، لسانج
كواكب: والله صعبة شلون ابقة هنا على اي اساس.
دراهم خزرتني وابتسمت تعرف عاقد علية ضيغم
ذهب: يمي محد يحاجيج ولدي اسكتهم
ومحد يحجي وياج هي فترة وتنتهي
كواكب: اطلع ادخل محد اله غرض بيه
التحاجيني اكتلها
ما اسكت الكائن من كان
ذهب: مثل ماتردين محد يحاجيج
كواكب: من اخواتي يسالني ليش بقيت شكلهن
انتي شدكولين لليسألج؟
ذهب: اكلهم امانة عندي بين ماترجع دراهم
ولدي مايكعدون دوم حتى احفادي بس بالليل وكل واحد بغرفتة
كواكب: افهم اخواتي واجيج.
صعدت لشهب ونيزك جمعتهن وسديت الباب فهمتهن بالحرف الواحد ايدن بقائي يمهم
جان تردد بداخلي فضيع احس مو راهمة وراح ارفض وشي بداخلي ثاني يكلي ابقي وبين هاي وهاي قبلت ابقى وذهب خلت حسن يرجعنا بسيارة ضرغام دراهم رجعت لميت غراضي شي اشبهة بالحلم راح ابقة يمهم دراهم انطتني بخورات وبطالة مي علمتني على جم شغلة ولبستني كلادة بيها سن الذيب.
دراهم: انتي ذيبة بس للحذر هاي توكلي بالله.
وعلى الله جزاتج ردي الدين للشخص الساعدج
رحت وماجنت اعرف الينتظرني شنو.
نجمة: ماجان بالي شي صدكت بس اصعد يطلكني واخلص منه بسهولة الحركة والشي الشفتة عمن عيوني وطيرن عقلي ماكدرت افكر بشي ثاني ولاجنت اعرف نيتة شنو طبك السيارة كدام بيت فخم نزل وفتحلي الباب: انزلي
مسحت عيوني ونزلت ايدية ترجف
جيب الشيخ لهنا خل يطلكنا
جوة الشيخ
ما ادددددخل جييييبة وتعااال لاتحاجيني
لعبت روحي منك انسان قذرر.
ما ثارت اعصابة ولا تاثر بالعكس ابتسم خفت منه مشيت الوف وصرخت بصوت عالي من شالني يدخلني جوة حاولت اضرب املخ بيه ادفر بكل قوتي حاولت افلت منه وصوتي طبك كد ماصيحت
بس تحس المنطقة مهجورة ماكو بشر توسلت ودموعي تنزل من صعد بيه فوك اصرخ وحيلي راح.
زيد الله يخليك حباااااب نزلنيييييييي
فدوه نززززلني.
دفر الباب برجلة ودخل انتهيت من الخوف واحس كلبي وكف شمرني بقوة على الجرباية نهضت روحي اشرد لزمني بقوة مقرب راسي من وجهة واني بيدة انجنيت وعقلي تبخررر.
حبااب زيد عوفني امشي
والله ماكل لاحد بس نتطلك
هههههههههههه نتطلك وترحين لفقار يتزوجج
والله باحلامكم
صحت بصوت عالي مليان حركة
فقاااار شعلييييية والله ما اتزززوجة حاسبني
مثل بنتة.
ضحك بصوت عالي يخنك بية وعيونة دمعت كد الضحك؛: بكد بنتة شايب هو! شكد عمر بنتة عشرين سنة؟
فقار يموووووت عليج ورايدج واحرك كلبة بيج
ماتصيرين اله يرجع مرتة هالفترة ويخسر، حب حياتة ويمووت كلبة ومشاعرة
والله اني مدخلني بيه عووووفني امشييي
هسة وبعد هالساعات ماتكدرين حتى تفصخين الخطوبة لان راحت عذريتج.
كمل كلامة ونفذ بدقايق تعرضت لاعتداء نفسي وجسدي بقيت بالفراش بين الوعي والا وعي احس نفسي بغير عالم والالم يذبح بية ذبح خشمي ينزل منه شي حار ماكدر امسحة ضربني راجدي على وجهي احسة نار فقدت الوعي وكعدت يرش على وجهي مي لميت الغطا على جسمي حتى ماكدر ابجي الدنيا ادور بيه واشوفة غواش شمر علية ملابس واختفى سحلت روحي اسبح المي ياذيني جسمي كلة دم انزف تخبلت وكعدت ماعندي حيل والدم فيض الحمام بية مابية لبست وطلعت ادور على جنطتي جانت وياي لكيتها مشمورة اخذتة ونزلت ماشوف بشكل واضح جان هو يخابر بالمطبخ منطي ضهرة علية (المطبخ داخل البيت جوة الصالة كانة غرفة) باب الصالة مفتوح طلعت على كيف للشارع بوجهي امشي بعيد عن بيتهم.
ماكدرت امشي خشمي رجع نزف طلعت الموبايل ماطلع كدامي غير رقم ضيغم اخر واحد متصلة بية بدون تفكير دكيت علية وباوعت لباب الشارع خفت يطلع رحت اكو حديقة ختلت بيها ماكو سيارات تمر بالمنطقة جاوب.
الو نجمة
بصوت يرجف جاوبتة كوة يطلع صوتي
حباب، حباب الحكلي زيد راح يكتلني
يموتني. على على. مود فقار هو كال يحبج لان يحبني هو
نجمة شكو شبيج شصاير، وياج
موتني بالبيت طلعت اني
اهدي بس اهدي فهميني وين مكانج بالضبط.
مو بيتة اليم عمامة غير بيت هذا
يمة حديقة عامة اني بيها راح اموت كلني دم
لزمت راسي احاول اصحصح واكدر احجي عدل
تعالي ضيغم راح افقد
جاااايج نجمة بس ابقي بمكانج اندليت بيتة
عوفي الموبايل مفتوح
اسمعة يركض ويصيح بروان تمشي وياة عرفتة بالشركة لزمت خشمي رجع نزف وملابسي صارت بيها طكع دم وكع التليفون من ايدي ورددت
يارب لا تخلي زيد يلكاني حتى لومتت
ماحسيت بشي بعد...
روان: جنت اشتغل وضيغم جفت الباب وجهة دم. ويلهث اشرلي اكوم وكال: اركضي وياي بسرعة لاتسالين
شغلة حياة او موت
طلع بسرعة يركض مافهمت شي منه نزلت اركض احجي وياة مايرد الدرج سواة بايتين بايتين لاكانة فقار يريد يصعد واكف كدام المصعد واحنا نركض صاح وراة ضيغم ماحجة رفعت اكتافي وحجيت باستعجال: شغلة حياة او موت ماعرف والله
شغل ضيغم سيارتة صعدت وياة وفقار اجة يصيح
شكووو شصايررر تعاركوو الولد.
ماكو شي فقارررر وخررر امشيييي
سد الباب بقوة وبسيارتة لحكنا حتى ماعرف من ضيغم يمكن جان متاكد مايحجيلة و عبالة عركة وي ولد الباشا لجمني كلبي من كال ضيغم
نجمة الو وياي لاتفقدين نجممممة
شبيهااا نجمة فقااارر
ماعرف شمسويلها هذا النذل
بقيت الطم الطريق كلة كلشي ولا نجمة يصير بيها شي هاي البنية الفقيرة ماتعرف شي بس تضحك وتسولف فقار يخابر بضيغم مايجاوبة رجع اتصل بيه.
ضيغم: لاتجاوبينة اغلقي تليفونج.
السيارة كد ماسريعةطارت بينة وصلنا لمنطقة راقية ضيغم يردد الحديقة الحديقة وبين الافرع نمشي صحت علية: ذيج حديقة ضيغم
بسرعة طبكها ونزل يركض لكيتة جامد بمكاني صرخت بصوت عالي من لكيت نجمة وجههة وملابسها كلها دم دنكت ادك على وجهة واصرخ بلسان ثكيل ردتت: علمود فقار علمودة
كلتني
التفتنا ثنينا على صوت فقار من صاح
باااابااااا نجووووم
دفعني وشهك يدك بوجهة وهي تردد
علمود فقار كتلني.
انهار فقار دفعة ضيغم وشالها خلاها بالسيارة وفقار بجنون يصيح: منو مسوووي بيها هيج
مشة خطوتين شاف افتر باوع بالمكان وصاح
زيددددددددد
ضيغم ماكدر يحجي شي شغل السياره وطلع خليت تليفونها بالجنطة احجي وياها ماترد امسح بخشمها مليتة كلنس.
ضيغم: الحكو فقار بيت زيد الجديد
بسررررعة راح يكتلة.
دقايق واحنا بالمستشفى اخذوها منا وضيغم يسوي الإجراءات كعدت منتهية ابجي على منظرها وشكلها اجة ضيغم يخابر بيهم ويفتر طلعت الدكتورة تكول.
منو وي المريضة؟
ضيغم: احنا دكتورة
الدكتوره: المريضة متعرضة لاغتصاب
قوي ارفع قضيتها فوراً
راح كعد ضيغم لازم راسة واني احجي وي الدكتورة: فدوه دكتورة شلونها اكدر اشوفها
حالياً لا كدرنا نوكف النزف صاير عدها تمزق اضافة الى خشمها مكسور بيه اصابة قديمة
ضربتين على الراس توجع.
كعدت منتهية وضيغم خابر خالها
بلغة كدامي ورة مافاقت كامت تحجي بدون وعي
علمود استاذ فقار سوي بيه هيج
يكلي لان يحبج بعد مايتزوجج بعد
اخلية يموت من وراة هيج سوى
اجت مرت خالها بلغت ضيغم كلامها مسح وجهة
ضيغم: للمرة الثانية يدمرون حياتة
وراح يدمرهم
اكلك ابلغ اخواتها
خطية
زين شلون
ماعرف راح اوقع على عملية خشمها حتى فد مرة
تطلع من المستشفى
حولوها على العمليات بساعتها.
خابرت اختها نيزك ماتجاوب ماعرف وين شامرة التليفون رجعت خابرت على شهب للعلم تليفونها بدون رمز مخليتة لان على نياتها كلش
جاوبت وحرت شحجي.
شهب: ها نجمة
حبيبتي اني روان صديقتها نجمة تخربطت ونقلناها للمستشفى ياريت تبلغين اخواتج
يمة اختي شبيهة
تخربطت
ماكدرت احجي اكثر واهبطها انطيتها العنوان وسديتة بعد ماطمنتها مرة فترة وضيغم مايكدر يمشي خايف عليها اله تصحى وبس يخابر.
ماكو دقايق ونيزك وكواكب وبعد وياهن ام ضرغام ولد شاب اجن منتهيات.
كواكب: ضيم شبيها اختي
غمض عيونه ودنك راسة
تعرضت لاعتداء من خطيبها
انهارن البنات كواكب حارت بنيزك الوكعت تصحي بيها فلم صار بيهن ونجمة من طلعت بس تون بالبنج تردد هاي العبارة كواكب لازمها ضيغم
تصيح: دليني على مكانة اشرحة
دك تليفونة رفع وهي طفرت من ايدة تركض وكفت من سمعت ضيغم صاح وكع التليفون من ايدة.
كتلة فقااااررررر.