رواية الرمق الأخير للكاتبة شمس العراقية الفصل السابع عشر

رواية الرمق الأخير للكاتبة شمس العراقية الفصل السابع عشر

نظرته خاليه من المحنه رجع جاوبته شبيك تباوع ما أتحرك؟
مازن أمشي أفهمي منه بألاول ترى خبلتيني
ذهب روحي حبيبه حكم القوي على الضعيف
ألطاف ماشي، مشيت وراه كاعد بالأستقبال گدامه ألچاي حتى أبوي ما كاعد يمه حيل...
مازن أني أترخص تفاهموا وحلوا مشكله بينكم
فيصل كفوا منك ما قصرت...
ألطاف طلع ورد الباب وراه
فيصل أي لطوف نرجع ل موضوعنا
يعني عادي عندج تهين بيه صديقتج
هذا موضوعك.

لأ بس من أحجي وياج لاتقطعين الخط و راستلج وأخر شيء تقفلين التلفون شهل التصرفات
كيفي وبعدين الكلام وياك ما أله نهايه واني أريد نهايتي ما أريد أبقى وياك أفهمها
تموتين وماكو نهايه وياي اوك
تحلم أرجع إلك...
مصيرج ترجعين شُككر تريدين تبقين إهنأ شهر شهرين ثلاث عادي بس يبقى أسمي مرتبط بالاسمج
أنفصال أخر أحلامج وهلوستج يل الخبله
أنتِ خبل مو أني
تحترمين لو أكوم الج
شحدك أطلعك منا محمل.

حاقده عليَّ ولچ لهالدرجه گلبج أسود ما توقعت
وأتوقع ألاكثر يل الخبل
أوفف من لسانج لو الزمه هسه أخليج تطلبين الموت وما تحصلينه
أختصر بدون تهديد أريد أرجع أنام مالي خلگك
تعالي نامي يمي
شنو أنام يمك ليش حضرتك خوما تبقى إهنا!؟
أي لعد وين أروح بهالليل وكلت ل أخوج گالي البيت بيتك!
يلا روحي جيبي فراش وتعالي بحضني وننسى الزعل
روح نام فندق وبلا سوالفك الماصخه عيب شنو تنام أهنا أمشي روح.

تطرديني ولج الحقيره شبيچ حاقده
فيصل گتلك روح لا تطولها وهيَّ قصيره
ما أروح شبيچ يلا جيبي فراشي وتعالي
عفته لكيت ذهب فارشه ومنومه الجهال، ولج هذا يبقى إهنا ينام ويريد فراش
لا صدك تحجين
أي شبيچ
أروح أسحله وأنومه بالحاويه مالت الوسخ يربي شُككر أكرهہ من يومه ما أطيقه
أروح أخذ اله فراش وارجعلج
مو تحنين اله ورجلي ورجلي، رچاچه ترچ دماغه هالثور هذا، أمشي أخذي چفنه وديري بالچ لأ يكرصچ لأ تنطينه عين...

ماشي، أخذت فراش ورجعتله فرشت وهو يباوع لطولي نزل عينك
نزلتها
هذا فراشك جهز، أروح أنام
نوم العافيه
ما جاوبته عفته ودخلت غرفتي نمت شفت مازن أجه أخذ فراش ينام يمه ذهب تباوع ألهم
ذهب يتشابهون نفس الچهره والرجوله تلطم وحدها.
ألطاف سكتي لأ يسمعون ما ناقصين خبالهم تالي الليل، خطيه نامت مقهوره عليه أني جريت الغطا ونمت بحضنها فدوه ل ريحتج.

ذهب يَ فدوه لعمرج ولج خاف تشمين بيه ريحه بصل وثوم اعذريني أيديه ملخات من الطبخ
ريحتج أجمل ريحه مليانه حنينه غنچ گلبي انتِ
فدوه ل وليدي الصغيرون صايرتلك گفشه ولك
ھَہھَہھ عوفي شعراتي وسوالفج بنتي راح تطلع من بطني
اي عادي أشمره لأبوها، وليش هامله نفسج ولج لا حف ولا ترتيب
لا فدوه ما أرتب هسه عباله اله ويفرح والله يريدها من
خيولي ليش آلترتيب وآلجمآل بس آلهہم حلوين رغم گلشي، مآ عليج من ريحهہ آلبصل.

شبيج والله ما شميت بيج وبعدين ليش يخلن الطبخ عليج
اي والله الطبخ عليه هنأ يدرسن وسميه تخيط تعلمت ما شاء
أي زين أهہم شيء بدون مشآگل
دآرت ظهرهآ ونآمت وگآلت
آلحيآ‏‏ة بدون مشاكل مو حلوهہ
يلآ تصبحين خير وأحلآم سعيده أن شآء تگعدين تلگين رجلج فآطس وطآلعة ريحيته
ضحكتك سوالفها ونمت بصفها.

وخطرت البال أختي! شلون صافنه وعيونها ذبلانه شسوت بيج الدنيا وهيج أبتعدي عن الگل حتى أطفالج ما تريدين قربهم بعد عناء يلا كدرت أغفه
الصبح صحيت صوت مازن بالغرفه كمت بدون أجاوبه
مازن ما يعجبج أحد شبيج أنتِ
ألطاف عوفني بحالي لان ما جاي أعرفك أنت أخوي لو غريب ويانا
مازن لأن ردت مصلحتج، عمي أبقي بس محد يفيدج غير بيتج ورجلج عبالج ألمرأه أذا أنفصلت الناس ترحمها.

هو شنو دمرنا غير الناس عفته وجهزت الريوك ودخلت لكيته صافن. تأكل
فيصل وأنتِ
ما جوعانه
ما تچين وياي
لأ وجهال أختي وحدهم ما أكدر أعوفهم
ماشي تصير زينه أختج واچي أخذج
كريم مشيت صآح ورأي
كلشي تريدينه يچرالج بس لا تعوفيني
أنسان متناقض حتى أنت ما عارف نفسك فكر بقرارتك بعدين تعال أحجي وياي
رجعت أخذت البنات غسلت ألهم أطعمهم وفضل بحضني تذكرت ذاكر سوده عليه هالطفل منو أله البارحه وين نام ومنو طعمه.

الذنب الوحيد يرتكبه ألانسان بحق نفسه يجيب طفل لدنيا وما يتحمل مسؤليته وهذا إلى يصير بمجتمعنا هواي أطفال ينولدون لدنيا من دون أهل
ويبقون طول العمر ضايعين
خليتهم يم جديتي ودخلت أغير ملابسي لكيت ذهب تنظف الغرفه وترتب الغطا ومن ودونها نضيع
ذهب أنتِ بطله رغم الظروف الصارت مواصله دراستج وتحققين هدفج.

لو تعرفين شُككر تعبانه وهلگانه والقسم مالتي صعب گله دراسه وسهر يمتى تخلص السنه وتبقى سنه وأتخرج وارتاح واعتبر روحي أنچزت عمل مهم بحياتي رغم العقباات إلى تواجهني
أريدج قويه ما تضعفين وتخلين أملكِ باك كبير
ونعم باك طلعت من البيت لگيته ينتظرني ويدخن من الصبح ما چادلته صعدت ألسياره وطلعنا
فيصل يمتى تخلص السنه ونخلص ما طلعت هاي
ما ضل شيء هيَّ ولادتي تقربياً نفس السنه لو قبلها لو بعدها.

مو دخلتي السابع واحنا حالياً نهايه الثاني يعني بعد الج 3 أشهر
أي لعد أني شنو حجيت أي ذاكر شلونه يم منو خليته
زين نايم يم حياة
دير بالك عليه أبنك هذا ما رد
وصلنا وخله فلوس بيدي مصرف أخذتهن ونزلت
فيصل راح أشتاقلج
تشتاقلك العافيه يلا باي دخلت القسم لكيتهن نايمات صحت بيهن صبااااح الخير شنو ما تروحن الجامعة هييي
ورده وجع وجع شكو وينها رئيسه القسم عنج تجي تسحلج شجابج من الصبح أزعاج.

ألطاف ما لكيت أحد أي يلا أني سابقتجن تجهزهن عاد أروح أتريك
ألاء شو ما جايبه ملابسج ولا شغلاتج شنو تبقين رايحه چايه
لا يم أهلي واهلي قربين الجامعه مو مثل بيت الرجال أخر الدنيا، وهالفتره أواصل الدوام من بيت أهلي
ورده ليش متزاعلين
نوعاً ما يلا أني طالعه تعالن وراي أنتظرجن
نزلت قبلهن وصادفتني مشرفه. اللقسم صباح الخير.

صباح النور شنو هسه چايه وما أشوفج هالفتره عبالي تركتي ولو ما عاجبتني تصرفاتج بس أستاذاه يوصون بيج لأن مجتهده
شكراً إلكم.
حجيت إلها عن القرب أهلي وهزت رأسها ما رضت
بس لو أعرف ألاهل ليش يستعجلون زواج البنت وهي بعدها أول فوحتها بس أكول الله يسهل الج وتتخرجين ونفرح بيج
شكراً عن إذنك طلعت أنتظر البنات وانزلوا مجموعه كلمن رايح لجامعته وشفتهن صحت بيهن يلا عاد گتلني الجوع خفت وجوهجن شگد مايعات.

ورده غير تعارگنا علمود سترة ألاء تالي هي لبستها وفشلنا
هاي سالفه تتاخرن من وراها أمداجن
يلا جوعانة وحده تعزمني قبل لأ أدخل المحاضره ورأسي يصدع من الماده بعد ما أشتهي ولا شيء
ألاء أنتِ رجلج طاگ أعزمينا
ألطاف فگر ما بيجن وحده خيره أمشن عمي بس أكل شيء بنتي صاحت الغيث من الجوع
كلهن ضحكن عليَّ ورحنآ أكلنا بقيت كاعده وصافنه أجت ورده طبطبت گتفي
همست. تدرين ورده شنو أتمنى!
ورده شنو.

لو طالعه بالخارج أكمل دراستي وأطور من نفسي وأسس شغل خاص بيه حتى أسكن بوحدي كلش عادي لان إلى أعرفه بالخارج محد عليَّ باأحد
ترى أمنيه أغلب ألبنات بس منو يسمح إلنا هما أهلنا أقسام الداخليه بالگوه موافقين قله تلكين ناس منفتحه وحريتهم محدوده
شُككر أحب أعيش بوحدي وارجع من دوامي واقرأ الكتب المفضله لدي واروح أشتري ملابسي إلى أحبها وارجع اتفنن بحديقتي
اووف بس كون حياة خاليه من سطوةً رجل!

ولج حبيت حبيت شهل ألامنيات الحلوه
الي عدها عقل تعيش لنفسها قبل لا تعيش لغيرها لان النفس أولى من كلشي
أي خلينا من ألاحلام التعجيزيه
أخبارج ويه فيصل مرتاحه
أنسان مليان غموض
وطبيعتي أكره هيج شيء
رغم أحب الغموض بس مو لهل الدرجه!
شلون يعني؟ فهميني
شوفي يعني هو زين ومو زين
أي عوفينا من موضوعه أمشي ندخل
ليش ما تثقين بيه ولا تحبين تحجين
قابل اني غريبه عنج لو بس ذهب يحق ألها
ورده أنتِ تعرفيني ما أحب أفتح گلبي.

ألا نادراً وهم بسرعه أتهرب من الحديث
أوك براحتج ما مجبوره أمشي ندخل المحاضره
ٍالطاف دخلنا وأني بالي من أرجع شلون أنضم وقتي ودراسه كومه عندي كلها مجموعهك راسي لان هملتها صار فتره زين أستاذاه مقدرين وضعي.

شكلي يسمح للعذر وجهي يلطم، تهون بقت سنه واتخرج وأخلص مو دراسه طلعوها من خشمي عبالك داخله حرب علمودها أوف أمل الوحيد باقي اليه هي دراستي بس تخلص خير كلهن بعدين أحلهن وارتاح وما أهتم لاحد ولا أريد سند!..
أنتهى الدوام والتعب نزل برجليه أباوع الهن صارن زرك تذمرت وصافنه البنات يفترون نيالهن مرتاحات لا رجال ولا طفل ولا مسؤوليه خوما مثل حظي حاربوني بيها وبشغلي لان طورت من نفسي.

رن تلفوني مازن جاوبته: هاا مازن!
مازن أطلعي أنتظرج
ألطاف طلعت لكيت قادر وياه سلمت بس قارد رد السلام واندار عليه
قادر شلونج ولج هاي شصاير بحالج
ألطاف أسأل إلى بصفك
قادر مازن أنت تباوع لأختك بابا وجهه ذبلان
مازن شسوي إلها من لسانها ما تعرف أدير بيت وعيال بس لو شغل وخياط تفتح باللبن
قادر وأنت واگف ضدها مو وياها.

ألطاف جاوبته هي كلها وگفت ضدي مو طورت نفسي وأشتغلت وفتحت مشغل عبالك جبت العار الهم، خلينا ساگتين أبو فاطمه
مازن لسااااانج مو وگته
قادر يا حيف عليك ألاخت من إلها غير أخوها
أوكف وياها وانعل خيره هالخيسيس بنت مثل ورده ما باقي بوجهه روح طافيه وذبلانه
مازن تنحل سدوا الموضوع هسه!

ألطاف قادر ما مرتضي أبداً وهز أيده وصلنا ونزلوا دخلوا ألاستقبال واني من باب المطبخ بعدني ملابسي جهزتله الضيافة واخذت فضل والبنات لابوهن أخذهن بحضنه ويبوس بيهن ومقهور عليهن
فاطمه وأمي وينها بعدها ما تريدنا
قادر لا بابا لا حبيبتي أمج تحبنا كلنا بس مريضه تصير زينه ونرجع لبيتنا
ألطاف أخذوا راحتكم مشيت صاااح وراي
قادر أمانه ألطاف كولي بشنو أساعدج
تمنيت تگدر تساعدني بس همومك كافي عليك.

تنحل وداعتج ما عليج بهمومي، كولي اعتبريني أخوج ورقبتي سداده
بس أريد منك تحجي ويه مازن يلين وياي ويصف وياي عليه لان ما أريد أرجع أختنك مكان مو نظيف ويشرب وينام برى هواي مواضيع أذا أحجيلك عنها ما أخلص منا لباجر
خاف يطلع بيت دعاره ولج وهذا الحيوان أخوج مدمغ بي
طاح حظ الوگت ألاخ يوگف ضد أخته
ما عليج أني أحلها واخلصج منه وما بكون ألا خاطرج طيب أدري أهلج ظلموج وأولهم أختج بس شنسوي ما بيدنا شيء.

ألطاف توني ردت أجاوبه صااح مازن
مازن امشي أخذي البنات وروحي أريد أحجي ويه قادر يلاااا!
ألطاف مشيت واخذتهن وياي كعدت يم جديتي وابوي
حاتم شبي يصيحح عليج
ما أعرف بابا هسه يطلع ونفهم منه
الحجيه حاتم يمه ترى مازن هواي أنطيته مجال مو هيج كلمه ما عدنا وياه وهاي شنو ذنبها زوجتوها واحد ما يخاف أبتلت عمرهہا
ألطاف يحجون بينهم واني ما شارگت أشوي أجت فاطمه
فاطمه خالتوا يردوج كالوا صيحيها!

ألطاف ماشي كمت لكيته ضايج ويفرك بيده قادر أشر اليه أكعد
مازن أحجيلي كلشي حرف حرف ما أريد تضمين أي شيء أريد أفهم منچ لان أنلاصت عليه
ليش أنت تنطي مجال أحجيلك وگلتلك يشرب وهيج وهيج بس طلعتني خبله وأريد أهجم بيتي
قادر أحجي ألطاف لا تخافين أحنا وياج ورجال أبن أمه وابوه يفكر يأذيج.
گفوا منك أبو فاطمه يكفيني تكونون وياي وما تظلموني
كعدت وحجيت كلشي مازن بقه ساگت عاد قادر صاااح بي.

قادر أنت بس تعال كولي شبيك منزل رأسك مثل الحرمه وليش راضخ اله وهو قذر
مازن أحترم أبو فاطمه
قادر محترم أني بس أختك تحاجيك وانت منزل رأسك ليش!
جاي تحجي وتگولك البيت گله غلط بغلط أذن هما بيت دعاره...
ما تحجي شبيك أنبلع لسانك شنو متورط وياه وبايع أختك أله!
ماكو الا هيج لان مستحيل أخ يرضى أخته تعيش بهيج مكان قذر هذا عررررضك يوووول
مازن كااااافي شنو بآيع أختي!

ترى عبرررت حدودك هوواي وياي، واني ساگت لأن أكبر منِ
قادر عمي لا تحترمني طززز بيه! بس أختك أهم
مازن خلص خلص خل تبقى ونحجي وياه ويفض السالفهہ ويطلگ وآلسلآم عليگم
قآدر ورچليه فوق رأسه يطلگ وأنعل والديه وين عايشين بغابه أحنا وانت تقطع علاقته بي نهائياً فاااهم لأ تصير أرعن وترجع لسوالفك القديمه ونبي محمد أربيك من جديد وغصبً عنك تتحمل كلامي
لأن الغلط ما أرضى بي لو يكون الغلطان أبن أمي وابوووي...

ألطاف تلاغوا بينهم وأني ساكته أحس ضعت بين الرچلين رجع قادر كال بصياااح
قادر والي بطنج من تولدين بخير وسلامه تنطيه اله
بنتي لأ فدوه
الي يريد شيء يعوف شيء تعوفينه وتقطعين كل حبل وصل وياه لأن قذر تعرفين شنو بيت دعاره لو لا
مازن وانت ليش متأگد
ونحكم من كيفنا!
صاح بي بابااااا انت طفل، ما عندك عقل لعد أختك صار ساعه ترطن المن!

شوف أكولك إلى عندي گلته واختك تطلگها من هالخيسيس ولا تصير أرعن وتسمع كلام عمامك ما عدنا مره تتطلك وليش يابه شبيها مطلگات تاج أخليهن رأسي وأختك تصير وياها مو ضدها
مازن فهمنا فهمناااا
قادر لا واضح هواي فهمت بس وگت خلاه ألامر بيدك وعمي مكتوف ألايدين!
أمشي عيني جيبلي ألجهال أشوفهم وأروح المستشفى وأنت أبقى تصفن بالحياطين
ألطاف أنطيته فضل والبنات حضنن أبوهن رجعت
ل غرفتي تمددت بفراشي وتلفوني يرن عرفته هو.

ما جاوبته واندك الباب ذهب شمرت عبائتها ودنگت عليه تلمست كصتي بخوف وتبوس بكفوف أيديه
ذهب شبي وليدي تعبان
من كلشي أحس ضعب ذهب أخوي ما أدري شبي
ما عليج منه خيولي
قادر هواي تكلم وياه وما رضه تصرفاته وياي بس ما بادر أي رده فعل أحس متورط ويه فيصل وأني رهينه بين أيديهن معقوله يسويها أخويي
لأ ولج مستحيل مو لهالدرجه هذا أخوج أبن بطن وحده ما يسويهااا هو صحيح حيوان بس شنگول أخوج أبن أمج وابوج ومجبورين نتحمله.

تتوقعين يوگف وياي وأنفصل منه وأخلص
اي وأذا وگف ضدج والحقير يجبرج ترجعين اله أخذج وأشرد!
وأرض واسعه والناس ألخيره هواي أذا أدك أي باب من خلق بس احجيلها حجاتين من حجايتي دخلنا بيتها وتضمنا بگلبها...
ليش وين أكو منج بس أنتي وصرتي غنچ گلبي
تعالي أبوسج يمه شلون بوسه ترد الروح
وك جريمهہ هذا الخد المشعشع يلمسه فيصل
تورطت وصارت غلطه العمر من وره عناد روحي وتسرعي صارت بعد.

أي لا تهتمين أني وياج والباقي يهون، وهالمره أني أزوجج بيدي و ذوقي كون هيج رجال يرهش رهش
شسوي بي يرهش
يعني يلمع
وليش يلمع
يعني يرهش من كلهن من جمال وشخصيه ويلبس رسمي وأهم ما يلبس نعال
أهم الشيء النعال ھَہھَہھ
لأن مشكله وأعاقه عندي يه النعال شاد وياي يوميه ضايع مدري واحد ناصب عليه ويخمطه من حوشنا
ناصبين عليج ولج لان انتي ما تكعدين راحه ھَہھَہھ خررب موتيني ضحك.

اي شبيچ صار ثلاث مرات أشتري جديد كل شهر أبدل نعال محرك مال سياره مو مثلي من يخلص دهن...
شعندج سوالف ذهب عيني عيونج وگحلتهن السايحه
هاي عود تجملت أشوي من رحت أتسوك وابو أسواق عيب عليه عود يعني كبيره بالعمر خفت وجهك وجه الطاوه
لا تهتمين لكلام أي أحد خليج طبيعتج وحبي روحج فوق حبج ألها
ما أهتم حبوبي أني بالاول خل أهتم ل نعالي من يضيع وبعدين أهتم لكلام الناس...
شحلو سوالفچ رجع أتصل. هذا شلون وياه.

جاوبي وخل نسمع شنو يغرد
ماشي كمت قفلت الباب وجاوبته وذهب يمي
فيصل كاافي رجعي وعد إلى تريدينه يجرالج
لا تحجين أني أحجي وانتِ سمعي أني غلطت وأعترف غلط هواي بحقج وعد أبعدج عن امي واخواتي وبيتج وحدج وما اله علاقه بس أني وياج وجهالنا...
أنت سگران لو مو صاحي أذا ما تطلع مدمن مخدرات هم
صاااحي صاااحي بس رجعيلي أصير الچ كاع وأمشي عليه من دونج حياتي ما تمشي واگفه.

الغموض البيك يخليني أگره روحي لان لحد الان ما اكتشفته!
أستقر فيصل كل يوم لون شكل وتصرف شكل وكلام شكل احس بيك يوميه تجيني بشخصيه مختلفه عن إلى قبلها...
وشلون تريد منِ أثق بيك أو أمن أرجع أعيش وياك تحت سقف واحد
بس تعالِ وعد أني أثبتلج!
ووعد أخر فرصه أذا فشلت أني أطلگج وانطيج حقوقج گامله حتى ما أتعرضلج بس هاالمره سامحيني ورجعي
مع السلامه فيصل!

قطعت الخط ولازمت رأسي دايخه وين داخله أني وليش هيج يصير وياي ذهب أريد أرتاح تعبانه
هذا مو صااااحي ولا عرفته حتى خلاني أشفق عليه أبن الذين كسر خاطري
أكولج تعبانه تفكيرين بي
ليش أحس يلعب بيذيله
شلون يعني!
يعني قناع من أقنعته لابسه
ما أدري ما أعرف الصدق وين
ولا أعرفه صادق ويه نفسه قبل لا يصدق وياي
أكولج عوفي ولا تجاوبينه أبداً.

خيولي درب الگلب الگصاب خل نتتظر وانتِ أنتبهي لدارستج وما عليج وهم تولدين بسلامه بلكي يمل ويعوفج بحال سبيلچ...
ماشي عود لا تگطعين بيه مري عليه
ومري عليه أهااا أهااا
خبله ھَہھَہھ كامت تهز چتف وشبكتني، اووف ذهب
تفيدج ذهب تهون وداعت طحالي
فدوه لطحالج، بوستها وطلعت لكيت قادر رايح ودخلت المطبخ جهزت عشه ومازن أجه كعد يمي بالمطبخ.

مازن حقج عليه إلى تريدينه يچرالچ ما عبالي توصل ألامور لهل الدرجه عبالي يشرب عادته ويبطلها بالكلام والنصيحه، بس من توصل ألامور لغير، شيء، لأ كلمن بطريقه
ألطاف هيج أريدك أبتسم وراح، صبيت االعشه وطعمتهن ونومتهن يمي والي عرفته طيبه تبقى تتعالج ب بغداد أذا ما تتحسن يأخذها أربيل بس ىگول أگو فرق وحالتها أحسن من قبل...

مر شهہر بين دوام والبنات وعنايه بيهن وفاطمه راحت عليها السنه وعدها أبوها بلگي من يرجعون يحاول ويه المديره يخليها تمتحن أخر السنه...
وطيبه حالتها أحسن أگو فرق گال أيام ويخرجونها ويرجعون لبيتهم تبقى العلاج والحاله النفسية
جنت راجعه من الدوام خط ياخذني ويرجعني طبعاً مازن أتكفله، أما فيصل حاول وحاول بس رافضين نهائياً وموقفي قوى من شفت مازن واگف وياي وابوي أصر ألانفصال،.

نزلني برأس الفرع أتمشىى والرچليه يونن عليه من التعب يمتى تخلص السنه خير باقيلي كم شهر وأخلص وتبقى سنه وحده تزوجت مرحله ثانيه وان شاء الله أنفصل وأني مرحله رابعه
رقمين زوجي عسا خير ياك.

بعدني ما واصله البيت وكع ماي رجليه وبگثره أكو وجع بس قليل أتمشيت وسرعت خطواتي أزداد الوجع والماي وعثرت وكعت وزحفت بطني تمخلت أحس بنتي تطلع من حلگي صعدت فوك بعد مو وقت ولاده بعد بالثامن نهہضت بتعب وطلعت ذهبه تذب الوسخ شافتني شمرتها بالشارع وركضت عليه
ذهب يا يمه بنيتي تتولد راح تصير أم يروحي
ألطاف بقمه ألم جاوبتها، اوف راح أولد وياخذونها مني
ذهب خيولون، ولج تعالي البيت بين ما أجيب السياره.

ألطاف دخلتني البيت وابوي وجديتي وگفوا رأسي واني كاتمه الوجع لأن مستحيه من أبوي يفتر خطيه، اجت ذهب وجديتي لبست عبائتها وطلعنا وأبوي صاح ورانا
حاتم وين تعوفني وحدي أجي وياجن.