رواية الرمق الأخير للكاتبة شمس العراقية الفصل الرابع عشر
وصلت البيت طلعت هديه باوعت ل عمتها ونزلت رأسها هديه نكدر ندخل
هديه عمه البيت بيتكم
الطاف دخلت لكيت سميه لافه أيدها ورأسها وبناتها حواليها باوعت ل ذهب انتِ شمسويه
ذهب هنأ جفصن بطني واني ضربتها وشردت
سميه خيه بختج أضربيني بس وين تشردين وعايفه وراج كومه نثايا منو الهن طگن وراج وأحنا اني وياج من يومنا معارك
والفلوس هي تسوي مشاكل بينا.
ذهب ردت أخلصج من حملي ومشاكلي وياجن وانتن ما تردني كلت أروح ل دار العجزه
ألطاف لأ هذا الكلام ما مقبول تصافن وارجعن حبايب وأحسن من قبل والله ما خليتي دم بيه عفت البنات وأجيت أركض حتى نسيت اني حامل تغيرت ملامح وجهن وأبتسماً
ذهب ولج حامل يمه فدوه تعالي أبوسج راح تصير أم فريختي يعني أكو صوص أهنا
الطاف اي أكو صوص شعندج سوالف
يلا ما أوصيج بعد مو يوميه مسويه مصيبه كعدي عاقله ما الهن غيرجن خطيه.
ذهب ماشي تدللي المهم شفتج
الطاف شوفيني بس مو تسوين مصيبه
بوستها يلا مع السلامه بقت عيونها وراي عبالك أمها تمشيت للشارع أخذت سياره حتى ما مريت لأهلي لان تأخرت خاف ما الحگ. بعدني بالطريق أتصلت ورده جاوبتها ها ورده
ورده وين أنتِ شلون تطلعين من ألاقسام وحدج تعالي تحصلين رزاله معدله مشرفه القسم گلبت الدنيا أشتعلوا أهلج اليوم.
خررب بحظي أي والله والقهر أول يوم أوك دقائق وأجي، قطعت الخط واخذت تكسي خرب بحظي أي والله شُككر معثر
وصلت حتى الشمس غابت واستقبلوني يم الباب الحارس هز أيده وراح بقت مشرفة القسم متخصره
مشرفة وين جنتي هاا
جنت يم أهلي شفتهم وأجيت
من اول يوم مو تعرفين ممنوع تتطلعين وحدج لو زوجج ما بلغج القوانين
ست عفيه خل ادخل والله يم صديقتي جنت گلبت عيونها عليه وصااحت بيه.
هسه تكولين يم أهلي وأنوب صديقتي ماكو دخول ألا ولي أمرج يجينا هسَه
ألطاف. شُككر حاولت وياها قافله. تالي رحت إتصلت عليه. هاا فيصل
فيصل عيناه ل فيصل
وين أنت
ليش
تكدر تجي ل ألاقسام عفيه
ليش شكو؟
َ ماكو شيء بس طلبوك هسه
صدك تحجين وين أجي ساعتين ما أوصل
وأني هسه وصلت البيت وبعدين أنتِ شايفه ازدحامات بغداد
أي تعال حباب حاول تجيني فدوه
شعندج سوالف مبين مسويه مصيبه اهلس عطوبج عطب عطب أذا سالفتج تافهه.
ماشي، هسه تجي لو لا
راح أجي أمرلي لله، يلا ولي
قطع الخط وكعدت أنتظر شُككر كرهتها عاندت وياي...
بقيا افتر أستاهل والله أستاهل أخ منج ذهب ومن سوالفج شگد خبله شسويتي بيه بعد وراي فيصل
بعد وقت هواي أجه يهف بالسويج گلب عيونه عليه نزل لزمني من أذني اخ توجعت شبيك
فيصل أحجي شنو مصخمه
الطاف أي أدخل عليها هي تفهمك الظاهر معجبه بيك ودزت عليك تشوفك
هاا إذا هيج خووش
يلا أمشي وراي لا أسحلج.
صدك سحلت روحي وراه لبدت بسده ودخل بدأت ترطن ولان الوقت متأخر وهو يهز برأسه أخر شيء اندار عليه وتخصر...
فيصل هسه شسويلج
ألطاف إلى يعجبك رفعت كتوفي برطمت
اي اي تمسگني بعد
وين جنتي موليه بس لا تكولين هاي صديقتج الخبله
عقلها جوزتين
اي يمها والله يمها قابل ما تعرفني.
أي أمشي أنتظري برى وأخر مره تسوينها
اي بس شعندك تبقى وأني أطلع دفرني وطلعني
بقيت أنتظره وأجه شمر السويج فشخني خرب.
تستاهلين أم المصايب هسه شوگت أولي للبيت
ليش بالسوالف الطريق ياخذج جان هسه متعشي ونايم
أنت مسوي ريجيم وكذاب ما تنام تسهر يم أصدقاءك
لأ اليوم شگلي راح أسهر وياااااج
أمشي ولي لا أبتلي بعمرج زعطوط
ركضت وهو يحجي عليه هزيتله أيدي وضحكت وهو صار نار. دخلت عليهن هففف توبه اذا طلعت هل عقاب المعدل
ورده شعندج سوالف بابا منو يطلع وحده شنو ما تخافين.
آلطآف والله تعودت حتى ولا أخاف صار شيء عادي تعالوا أسولفكم الرزاله إلى حصلتها
ألاء مو وگت سوالف امشي تعشي أنتِ حامل
ألطاف تمام
لكيتهن مجهزات العشه أكلت كم لكمه وغسلت المواعين أخذت الغسل عليه والطبخ مناوبه والتنظيف كذلك...
مر وقت هواي ورن التلفون
جاوبته بلهفة هہلآ بزلمتي
فيصل وجع هہآلسآن
ألطاف شوگت وصلت
وصلت، ألطاف أخر مره تسوينها مفهوم
مفهموم
لو مخطوف وصلت والشوراع فارغه
ومنو يخطفك قابل وزير انت.
ليش منو يخطفني نسيتي صاحب معرض سيارات
يخطوفني وتخلصين مني
أي ساعه المباركه
هاا ولج أيا حيوووان قبل ساعات سويت وياج زين ورجعت بنص ازدحامات وطريق شبعده الف ويلاه وصلتج وحليت سالفتج التافهه
شكراً ما تقصر وك
أتشآقهہ شبيك
أي ما علينا، تعشيتي
الحمدك وأنتَ
لأ ملتزم بالنظام الغذائي مالتج
فدوه اي عفيه بس أتعشى حسب الورقه ملصقه الثلاجه
اي شفتها شعندج سوالف حلوه
مشتاقلي
أي وك اصلاً البيت يوحش من دونج.
تتعود عيني أنت و ذاكر دير بالك عليه
تعشئ وأخذ الشال مالتج وحضنه ونام وصدمني بي مفروض اني أخذ الشال مو هو
لا والقهر أنطاني ظهره عود اني زعلان منك وهو وقت الأكل ما يعرف الطاف منو بزون شحيمي
ھَہھَہھ فدوه لعمره
بقيت أحجي وياه بحدود نص ساعه وانتهى الاتصال وتمددت بفراشي نعسانة
ألاء وين تنامين! يمعوده تعالي نسولف أشوي ونتعرف بعض شنو عرفنا منج كضيتي وقتج ويه زوجج.
لا حبابه مو وقت سوالف نعسانه وأريد أنام وأرتاح البطني تعب خطيه من رخصتجن
تصبحون خير
صباحاً، لكيتهن من وقت كاعدات والغرفه مفجوره بيها عبوه! ملابس منثره شسالفه شكو
ورده ترى تأخرتي يمتى تغيرين ملابسج ومكياج
ليش يمتى صحيتوا!
من زمان والله 5 تقريباً
صدك الجن خلگ والله توضيت وصليت بدلت وخليت مكياج شلت جنطتي وهنا بعدهن طلعت قبلهن بقيت أنتظرهن بس ورده نفس قسم هم أنكليزي الباقيات لا.
أجت ومشينا وشفت أيمن هذا مو أساس ينقل شو لحد الان يداوم أهنا
ورده ما أعرف والله أمشي ندخل المحاضره ترى ما ضل وقت علينا
الطاف ودخلنا المحاضره ساعتين وطلعنا ريست ساعه وأني أدرس وأباوع بطني أحسها تشاركني كلشي رزاله من ألاستاذ جوعانه عطشانه أمتحان صعب وتعب...
شعور حلو وأذا بنت بعد أحلى وشنو يرزقني الحمدالله المهم تمام الخلقه
مر يومين هو ما سأل وأتصل عليه ما يجاوب ضل بالي وقلقت بقيت أنتظره دزلي مسج مشغول.
وأستمر الحال لنهايه أسبوع بس رسائل شلونج ومشغول وعندي شغل التمست اله العذر وأجه اليوم أنزل للبيت ويجي يأخذني دزيلته رساله
فيصل كم شغله عندي عادي باجر اجي اذا تكدرين تعالي أنتِ
لا أذا تجي اليوم أي باجر لا واني ما أندل أفرع المنطقه أطراف بغداد أهنا أهنا صعبه عليه
كيفج
ما جاوبته رجعت الغرفه جانت رنا باقيه والاء ما نزلن والاء زعلانه من رجلها أمر منِ
لليل يلا أتصل ما جاوبته اخر شيء دز رساله.
فيصل ترى مليوصه رأسي هسه يلا فضيت وأنتِ طنكرتي عليه
دزيتله: - شعندك شركات ومليوصه عليك
هاي مو أعذار! رجع أتصل. هااا
فيصل وجعا شعندج سوالف وقت زعل بربج
وأني أريد أنزل وتكولي أنتِ تعالي شلون أجي وحدي أني وبعدين أشتاقيت ل ذاكر
بس ذاكر! وأبوهُ
غيرت الموضوع هسه ما أنزل أسبوع اليجي
َ كيفج اليچي هَلأ بي والمَا يچي هَم هَلأ بي!
ماشي أخذ راحتك مع السلامه
وياچ!
أنتهى الأتصال ب بروده وألأهمال المفاچئ!
يمتى ما يعجبه يهتم ويمتى ما يعجبه يَهمل
ٍوأستمرت أيام بين الدوام وارجع تعبانه بس أريد أنام جانت نساتي بس نوم أبداً ما أشتهيت أكلات غربيه ولا لعبت نفسي فقط وجع رأسي واني متعوده عليه من أضوج رأسي يصدع حيل
يعني ما تعبتني بالبدايه
أما هو يتصل يسأل شلونج وشسويتي وبس لحد الأن مستمر بروده وأني سويت مثله بقيت موقفي.
چان يوم الخميس من أسبوع الثاني دخلت للاقسام لكيتهن أغلبهن ينزلن مجهزات نفسهن رميت جنطتي تمددت تعبانه
ورده شنو ما تتغدين الغده موجود كومي أگلي ترى أنتِ حامل ما يصير تبقين هيج
رأسي مصدع ونعسانه من أجوع أكل بس عفيه اذا مواعين ما مغسولات غسلنهن تعبانه وربي ما بيه
ألاء اي عافنهن عليج ولا يهمج اني أغلسهن
ورده وين تغسلين انتِ بطنج واصله خشمج
أدري شنو موازيجن الزواج من وقت كملن دراسه وبعدها أساساً حياتجن؟
ألاء غير أبويا يكول زواج البنت أول شبابها عود أتأسس مستقبلها هَي وياه وك أنشلع كلبي
الطاف انتِ أخر سنه وتخلصين ألا أني بعد سنه وشايله هم أذا ولدت السنه التچي شلون أدبر أموري
ورده تهون يمعوده
الطاف رن تلفوني جاوبته هاا
فيصل وينج! أنتظرج جهزتي لو بعد؟
الطاف لا ما جاهزه عبالي ما تجي؟
صدك تحجين
اي والله شبيك
ماشي أني اروح لسوك تجهزي وأتصلي عليه.
تمام كمت جهزت نفسي وشغلاتي الما أحتاجهن ودعت البنات ودزيتله رساله وطلعت أنتظره، أشويه واچه ما أسولفكم التغير صاير بجسمه حتى من شفته نسيت الزعل أسبوعين والنتيجة فضيعه نزل وأني أباوع لجسمه نازل وزن
فيصل شلونج
تمام أخذ من أيدي الجنط وتلامست أيدنا قشعر جسمي أبتسمت بوجهه ما كدرت
طلعت سنونها الفطيره أمشي عمي أمشي اليوم أشوفج النبي عربي الزعل هذا أم خشم
ما جاوبته شغل السياره وطلعنا للبيت.
فيصل البيت ينتظرج الغرفه عفنت والملابس ما أحجيلج عنها ذاكر ولا ملبس نظيف لدرجه بارحه أشتريتله
ليش محد غسل ملابسه خطيه
معاندات لأن ما نزلتي أسبوع المضى
سهله بقينا ساكتين لما وصلنا هو عفته ينزل الجنط وأني دخلت من باب المطبخ أستقبلني أمه وأخته أحلام!
مديحه وأخيراً شرفت البيت المدام الدكتوره الاستاذه!
أحد كلج احنا نشتغل عندج ما يعجبج تنزلين وتزعلين فوكاه
أحلام ويه منو تحجين الصوج مو بيها!
الصوج بأابنج سامح الها تكمل دراستها
عود يعني خطيه ومستقبلها وكذا!
خيه أذا تحبين دارستج ومستقبلج اهم شنو ذابحه نفسج الزواج من البدايه رفضي وفضينا.
مديحه يمكن محد داگ بابها! أول واحد فيصل وافقت عليه ما تشوفيها رضت بي بكل عيوبه
الطاف يحجن يحجن؟ واني ساكته أخر شيء جاوبتهن: - خلصتن أكدر أصعد لغرفتي تعبانه وأريد انام وارتاح
خليتهن وحده تباوع ل ثانيه!
فيصل صعدي لغرفتج
ب صيااح؟ حياة تعالي جهزي العشه.
أحلام مو مرتك موجوده وحياة ما تشتغل عندكم
فيصل ما الچ شغل انتِ
الطاف عفتهم وعفت نقاشهم الممل
صعدت أخذت ملابسي ونزلت سبحت وتنظفت ولا أهتميت لكيت ذاكر نايم بفراشي بعدت الغطا ونمت يمه رغم الغرفه وسخه بس عفتها راحتي أهم الحگ الشغل!
حسيت باأيده حاوطتني بحنيه أندرايت عليه بعد خصلات شعري يحاجيني واني مغمضه
فيصل نامي وأرتاحي
جسمك صاير يخبل
بفضلج
بعد أستمر
مستمر بالاصرار
عفيه
فيصل مشتاقه لحنيتك.
تعالي بنص روحي وأشبعِ حنان
َ لمني بحضنه وغفيت براحه
صحيت وقت متأخر أصوات أغاني وهوسه لازمت رأسي متوجعه خرب مصدع الى درجه حتى دايخه! فيصل وينه؟ ذاكر بالغرفه يشمر ملابس والعابه وحده كاعده بصفه تلعب بشعره.!
لاحظت شعرها مغطي ظهرها لابسه ثوب أحمر مشيت لعندها عيوني غوشت فتحت عيوني ماكو كلشي وذاكر نايم بمكانه ضربت رأسي قوي باوعت الغرفه هوسه فضيعه.
نزلت من الدرج بخطوات ما متوازنه ألأستقبال مقفول وأغاني مستمره! شنو هاي يوميه عيد ميلاد بعدني واكفه أنفتح الباب طلع فيصل عيوني غوشت ما ميزت شگله الدنيا درات بيه وكعت!
صحيت بحضنه القنفه وأحلام وامه يمه باوعتهم ماكو شيء أستقبال فارغ شبيه أني معقوله حلمانه!
فيصل أنتِ ويانا لطوف شبيج
ما بيه أحرك رأسي ودايخه أني وين بالضبط
بحضني حبيبتي
أريد أتسبح علمود أصحى عيوني مغوشات
أسمع همس بينهم بس كدرت أميز.
مديحه خاف مريضه مو صاحيه!
أحلام لا صاحيه ما تشوفينها أصحى من عدنا كلشي ما بيها تدلل عليك أخذها لغرفتها تكمل نومتها هي الحيل ما تعبر عليه هذه شيطان!
فيصل كااافي عاد ما تشوفين شكلها
الطاف دفعته و عفته ومشيت للحمام طلعت حياة من غرفتها لابسه حجاب الصلاة أبتسمت بوجهي!
ليش مو كادره أصحى شبيه أني!
دخلت الحمام سبحت أكثر من مره وطولت ألا هو كام يصيح عليه وأنفتح الباب لفني بالمنشفه وصعدني الغرفه خلاني بفراشي وغير ملابسي
فيصل رأسج يوجعچ! صحيتي لو بعدج
الطاف لا! بيه شيء أني الغواش بعيوني أحس روحي بغيبوبه والمكان أظلم وكانت وحده لابسه أحمر مدري مارزني طوخ ثوب قديمه وشعرها نازل. ظهرها تمسح شعر ذاكر، أباوع اله تغيرت شگله ويفتر. رأسي
عفيه فيصل أخذني للمستشفى خاف بيه شيء دخت من وضعي حتى لساني خدران!
فيصل ما بيج كلشي هسه تصحين قله نوم وتعب أرتاحي يلا وتغطي زين حبيبتي بدون هلوسه وخرابيط.
ألطاف نومني بقه يم رأسي وغفيت وهو يلعب بشعري علمود انعس (فلوه)...
صحيت الصبح لكيته واكف يبدل ملابسه ذاكر ما موجود باوع اليه!؟
فيصل ها شلونج شلون صرتي
ألطاف ليش شبيه
لا كلشي ما بيج بس بليل كعدتي كلتي رأسي يوجعني
يمتى كعدت!
شبيج ما تذكرين.
بقيت صافنه مر وقت واني صافنه يلا تذكرت جاوبته: - فيصل أحس روحي شاربه شيء رأساً باوعلي بقلق وتغيرت كل ملامحهُ
لأ تبقين تهلوسين ترى مصختيها شنو شاربه!
تمام تمام لا تصيح، بس ليش دايخه
شنو ليش دايخه! انتِ حامل أكيد ادوخين
بس بالبدايه ما دخت ولا لعبت روحي أبداً
وهسه رأسي يريد ينفجر فيصل ما أعرف شبيه
يمعوده هو وجع رأس شبيج قابل
ما أعرف مثوله
شبيج انتِ تخبلتي
أسفه بس لأن رأسي أذاني
لحيت عليك مو!
لا مو مهم المهم يخف وجع رأسج
لا اني طالع لا تتنظريني
وين تروح
العب رياضه
مبين صآر ألك واهس قوي
اي شلون لعد يلا اني رايح تلفون يمج أذا احتاجيتي شيء أتصلي عليه
تمام، ويآك
جسمي نحلان ما ألي واهس باوعت الغرفه وسخه حيل وأني مصفره طاقه باوعت ل فراشي وشمرت نفسي ونمت.
المغرب سمعت صوت الأذان دخل ل غرفتي نهضت بتعب جمعت الملابس الوسخه ونظفت الغرفه وعطرتها وفتحت الشبابيك ونزلت أغسل الملابس لكيت أحلام حاجزه الحمام أكو قنفه كعدت أنتظرها ولازمه رأسي طلعت هي وتخصرت
أحلام شبيج روحج مايعه
رأسي يوجعني
حامل طبعاً بدايه بس!
راحت ودخلت سبحت وغسلت ملابسنا ونشرتهن السطح
باوعت بالحوش سيارته موجوده دققت النظر وركزت بي بطل بيده ويشرب!
خرب بيومك مربي گرشك هالسم يعني ما تعوفه وقت الغروب تشرب اووف فيصل أوفف منك
ما نزلت بقيت فوك أصلي وأرتب بالغرفه وملابسه لان الكنتور مگلوب فوق تحت
دخل هو ما باوعلي ولا تقرب چر ملابسه ومشه صحت وراه شارب السم ترى شفتك يعني شلون وياك فيصل
فيصل بس أشويه
الطاف وبعدين يعني أني لساني صار حبل وأكولك عوفه
أبنك ما شاء الله وبطني مليانه واني حواليك شتريد بعد والقهر وقت الغروب تشربه.
فيصل نازل أسبح نزلي سويلنا عشه أمي واخواتي راحن لبيت خالتي ماكو أحد
ألطاف نزل سبح واچه ينشف بشعره أنتظره يصحى علمود أنفجر بي
فيصل عوف هالسم
ما أهتم ل كلام شمرت الملابس بقوه وصحت بي يكفي عاد ترى زهگت روحي منين ما أجيك. ما تچي درب الاعوج ليش ما تعوفه، رد بصياااح
عليمن ترفعين صووووتج
عليك اي عليك لأ تباوعلي هيج بطني مليانه منك عوف هالسم لخاطر الله بس عاد اني ساكته ومتحمله لان ما اريد اضغط عليك وتأذيني.
ما أكدر أعوفه وبعدين أني ما مأذيچ بي أشرب من انتِ ما موجوده عوفيني أتسمم لا تتدخلين من ضيمي أشرب وأتزوهر عوفينيييي
ما أعوفك لأن مصيري وقسمتي الگشره انربطت بيك وتحملت بحمل كبير واجبي أبعدك عن هالسم واردك فيصل أنسان الطبيعي!
أذا تبقين تلحين صدكي تتأذين!
عافني أكل بروحي اووف شكول عليك مازن مكيف بروحك سألت عنه وتكولي خوش رجال ويخاف وهو مآ يوم خله كصته الأرض.
بقيت بدون أكل فقط أسويله هو وأبنه حتى هو ما يأكل معدته متعوده شيء قليل
تمددت بفراشي وذاكر يلعب بشعري ويسولف وياي واني بالي مو يمه بالي مدري وين.
بالي ظلمت روحي من أستعجلت وكسرت روحي برجال مو من رجالي ردت واحد يخاف بيه ردت واحد يصلي جماعه بيه ردت واحد هو يكعدني صلاه الفجر ونختم القران سوه ونجمع حسناتنا سوه ونبي دار الاخره سوه علمود ننجمع أهناك سوه ردت واحد صدك يتسمى رجال شسويتي بروحج الطاف وكالها بلطف
ذاكر ماما
عيونها وروحها أحنا بالمكان الغلط يروحي
لميته بحضني وين نولي والكلام ما يفيد ويه أبوك عاجبه يبقى يتسمم
صباحاً.
حسيت بي من دخل الغرفه غمضت عيوني سمعت خرخرشه بجيبه مدري شنو مضيع رفعت رأسي گلب الكنتور كله ونثر الملابس نهضت من فراشي شنو أدور
فيصل أنت من ترتبين ليش تغيرين أماكن الملابس يوميه تغير ديكور صخام برأسج
شنو تصيح ترى ماله داعي كولي شنو مضيع وأني أدور ألك
وين سترتي الزيتونيه كومي دوريها بس نايمه
فتحت الكنتور أصلاً كدامك بس أنت ما تكدر أذا ما تعيط وتثولني
شو ولي من يمي والله اذا تغيرين امكانهن أبتلي بيج.
بس التغير حلو وأني من أجيت لكيت ملابس نص بالشرق ونص بالغرب صوجي ارتب إلك
غصبً عليج عاد أني شنو شايف منج كل وقتج دراستج ودوامج
شبيك أنتَ؟وشنو التغير من أساس انتَ تعرفني أدرس و وافقت أكمل دراستي ليش تغير موقفك خليك رجال صاحب موقف أثناء كلمتي ألاخيره انضربت بيده الثكيله وكعني بالكاع وجهي وتأذيت...
انتِ ليش ما تعرفين تحجين عدل جلدج يحكج اذا ما أمد أيدي عليج.
بس تعرفين شغله انتِ مو مال أحترام لا والله مو مال أحترام
وقف يعدل ملابسه ورشح العطر
بقيت وكعتي ما أتحركت
تقرب ونزل ل مستواي وهمس بصوت خافت
فيصل منا وهيج أني أعلمج أحترام يا ألطاف!
الطاف ما أردفت بقيت صامته!
طلع وخلاني بين الحياطين لميت روحي وچريت أبنه ل أحضاني رغم قساوةً أبوه
ومر يومين واليوم لازم أروح للاقسام تأخر الوقت وهو ما أجه جهزت ملابسي ما أخذت أكل ولا أي شيء
وخلال هاليومين أني مثل الخرسه.
وهو يدخل يغير ملابسه وما أشوفه بعد حتى أكل ما يأكل بالبيت تغير وياي جذرياً صار ما يهتم لوجودي حسيت روحي رغبه وأنتهت عنده
العصر كاعده أطعم أبنه وألعابه منثره بالمطبخ دخلت أحلام وعثرت بيهن وهو صرخ عباله كسرتهن
أحلام وجع يوجعك شكوو،
الطاف نزلت ل مستواه وضربته كف لأن صرخ بصوت عالي ما بادرت أي رده فعل فقط أخذته بحضني وأحاول أسكته
أحلام ولد مثل الورده خرب طبعه علمتي. الدلال أقل شيء يصرخ ويثولنا...
ما جاوبتها! وبصياااح
ما تحجين شنو أخرسيتي وجودج مثل لعابه
مديحه شبيها شو منطيتنا ألاذن الطرشه الحائط يرد وهي ما ترد أنتِ ولج ألطاف ما تحجين
شبيج أمي!
من كالت شبيچ أمي رفعت عيوني بعيونها برطمت وكتمت بداخلي ونزلت رأسي العب بشعراته وهو يبتسم اليه. نزلت ل مستواي
مديحه انتِ مريضه أحجي شنو يوجعج
بس هزيت رأسي وهنا أستغرباً حالتي أثناء كلامهن دخل وباوع النا متفاجئ جمعتنا
فيصل خير! شكوو.
مديحه سلامتك يمه بس ألطاف ما أعرف شبيها نحجي وياها ما ترد
أحلام بلعت لسانها ما ألها صوت!
فيصل ما عليج بيها عوفيها بحالها
أخذي سويلنه عشه زين أصدقائي معزومين العشه ما أريد قصور فهمتي!
ألطاف أخته أخذت من أيده وبداً يجهزون العشه وهو يجهز العصير بالغلاط واني شلت ذاكر وصعدت ل غرفتي رن تلفوني المتصل ذهب؟
جاوبتها: - هلأ ذهب شلونج
ذهب هلأ أمي أنتِ
مشتاقتلج هوايه.
وأني بعد مشتاقتلج وگلبي نغزني عليج وبس گلبي صادق وياي مُباشرةً أتصلت عليچ
بخير لأ يضل بالچ الحمدك
ليش أحس ما صادقة وياي؟ أعرفج تكتمين بداخلج يول مو زين رويحتج الطيبه
ما يلوك الها الكتمان والحزن أنتِ لطوفه أم وجه الحلو
صدقِ ما بيه شيء من أحتاج أجي وأفرغ روحي من الكتمان لأ يضل بالچ حبوبتي وهلي كلهم
وين أضمج عنهم أخليج بوسط روحي
يمتى تچين ل الجامعه علمود أجي أشوفج
المفروض اليوم بس ما رحت.
أن شاء باجر وأني أمر الكم لأن مشتاقه لأبوي وأريد أشوفكم
هلأ بيج وأني جهزت ألچ ألاكل وسويت الج الحلو إلى يحبه گلبج
ماشي يروحي أخذي راحتج وسلمي الحبايب كلهن
ويآج يَ بنيتي
أنتهئ ألاتصال بعدني أكلب بالتلفون أطلع رقم ورده دخل هو وتكلم بصيغه أمر؟
فيصل نزلي ساعديهن مثل أله! يلا أتحركي؟
هزيت رأسي ونزلت وراه مَباشرةً لكيت المطبخ هوسه فضيعه
تقربت السنك بطاله كزاز سم وزهر!
أحلام غسلي ونظفي المطبخ زين حياة هسه تجي تساعدج أني اروح أتمدد ظهري أنكسر
أشرت إلها المشروب چان بعده ما مفتوح
أحلام عزا منو جابه هذا وك سألي رجلج ما إلى شغل أني!
يلا كملي شغلج
راحت وشلتهن شمرتهن بالوساخه كسرتهن ورجعت أغسل أجه هو يفتر بالمطبخ يدور عليهن
فيصل وينه مو وياج
رفعت رأسي وجاوبته قصدك السم تزوهر بي
لازمني من شعري وفر رقبتي ودارني عليه حسيت جسمي أنقسم نصين من قساوتةً وياي كتمت بوجع.
فيصل مو منعتج تتقربين أظاهر تحبين تتأذين أني ألج
ضربني حافه السنك وماعون انكسر وشذايا خدشت كصتي ونزيف والدم سبحت دفعني وراح عليهم! وأني أنازع الوجع خليت أيدي أمنع الدم وعيوني غوشت وملابسي عباره عن دم دخلت حياة وشهكت تقربت لمتني بحضنها واخذتني بغرفتها وقفلت الباب علينا
حياة أجعل أيده الكسر وشل اي والله اووف أنتِ حظج وين نايم جابج بهيج مكان، أوقفي اروح أجيب شاش وأضمد الجرح ياخذج النزف تموتين والله...
ألطاف أباوع لغرفتها ملابسها بالحائط بسمار وفراش بالارض وعطرها فايح والمصلاة والقرأن وراحه سكنت روحي بهذا المكان
همست غرفتج بيها ريحه أمي
حياة أنتِ من أهل
أني أبوي حاج حاتم وما يمر يوم أذا يصلي بيه جماعه علمني كلشي زين وخلاني أميز بين الشيءَ المو زين
أخوج ما سأل قبل لا يوافق الزواج
كالي سألت ما أعرف بعد أني لو أعرف يشرب هالسم أقتل روحي وأموت وما أوافق أني أريد رجال يخاف بيه.
قسمتج بعد طآح الفأس برأس و الكلام ما منا فائدة أنتِ تعرفين خلاصج
وهسه ضمدت الجرح نامي وأرتاحي ولأ تنقهرين ولا تأذين روحج لأن محد يستاهل
والمكتوب ما منهُ مهروب
ألطاف فرشت وجابتلي الغطا ونمت يمها وذاكر بصفي خلته بحضني تمسك بيه بقوه وغمضت عيوني متوجعه والجرح يأذيني
لنص الليل أندك الباب علينا نهضت من فراشي مخترعه وسمعت صوته!؟
فيصل فتحِ الباب!؟